THE CONTRACT CHAPTER TWENTY - SIX

THE CONTRACT CHAPTER TWENTY - SIX

Ka edit hman ta lo, chhiardan lo thiam mai rawh u aw, chuan fakna milem awm kha hmet leh ṭheuh kan tum dawn nia. Chuan sunday ka chawlh ṭhin kha aw, zanin ah pahnih ka rawn dah a vangin pakhata in hmeh chuan a tawk mai.

RICHARD...

Jenna chuan breakfast kan ei lai chuan Adrian hnen aṭangin phone call a dawng a, sunday hma chu a rawn hawn theih dawn loh thu a hrilh a, heti ang boruak ruah sur reng mai leh thipui tleh reng ṭhin a ni nen Adrian a rawn kir hma zawng chu hetah kan bula a awm theih tur thu hrilhin kan ṭawng thlamuan a, chubak sawi tur dang awm chuang hek lo, chubakah Jenna a awm hian Katharine a ti hlimin a ti nui ṭhin a, chu chu kei pawhin ṭha ka ti.




Ruahsur leh thli tleh tlem a a ziaawm deuh hnu chuan Penny tlawhturin kan pathum chuan kan kal chhuak a, Katharine hriat lohvin cheese burger lâk ka duh leh bawk si a, vawi tam tak Penny ei turin cheese burger hi ka ken rûk sak ṭhin tawh a ni; a chhan chu Penny thil ngainat tak anih a vangin.




Katharine chuan makti zet hian min en a, a hriat lohva khati ang zozai mai Penny ka lo tlawh ṭhin tih a hriat chhuah chuan mak ti zet leh ka hau chung hian min en ngawih ngawih a, a hmelah chuan min ngaihsan zia pawh a ti lang hial a ni. Ka inrinlohlai tak chuan rawn dingdihlip in min fawh phah tawp.




Chutia ka inrinloh laia min rawn fawh tak a vang chuan kei pawh chuan kan bula midang awm ve te ngaihtuahlo lek leh Jenna a awm ve a ni tih pawh hrechang tawh lo in ka lo fawp let ve a, eng dang mah ngaih tuah chang lo va ka fawh avang chuan ka lo fawp rei deuh hlek nge ni ka han thlah meuh chuan a biang te chu zah a vangin a sen ṭan ṭan a.





Chutih lai tak chuan Jenna pawh chuan ka kutah cheese burger bag chhunga khung rit ṭha nelh nawlh tak ṭhen deuh ṭha chung hian a rawn hmehbel ve nghal a.





Penny awmna room kan va thlen hnu chuan a lo ngawi reng na a chu a pangngai khawp mai, a parrot Joey tan grapes ka ken sak bawk a, Penny chu ka thil ken sak ho a vang chuan a lo lawm thiam leh hle a, min nuih var var nghal a; kei tak pawh ka lawm viau bawk, achhan chu a hma ami ang khan ka zai phel chawp a ngai tawh dawn lo a, chu loah Penny nurse Tamy kha ka tlawn a ngai tawh dawn hek lo.





Chulai home bula dawr pawh a hlawk viau ta ve ang, achhan chu tunlai Penny ka tlawh a piang hian chocolate ka lei sak ziah ṭhin a vangin, chulai hmuna thawk staff te pawh ka chungah an lawm viau ṭhin tih ka hria, a chhan pawh an tan thil ka ken sak ve ziah ṭhin a vangin, Jenna lah chuan a ngai te bawkin midang tihlim zawngin a ṭawng leh a, an chhungkaw chan chin a sawi in Penny chu a ti ti pui char char bawk a, kei ngei pawhin Katharine leh Penny inbe lai hun chu ka hmu thei ve ta a ni.






Katharine chu Penny bulah ṭhu in an inbiak lai chuan a kut a lo vawn sak emaw a sam te a lo chul mam sak a, Penny thil ei laiin a lo fuih emaw a ei keh inah phurna pe turin a lo ti ti pui bawk ṭhin a ni. Penny thil eilai chuan a nghawngah puan a awrh tir a, "I thil eidan hi a ṭawp lutuk, fel fai taka ei tum rawh." Tiin a lo khak ṭhin bawk a, Penny pawh chu duai duh bik hlek lo hian, "Ka boss ang mai a awm tum suh!" A lo ti ve hlak hlak bawk a, chuti ang chuan an nufa chu an inkhak a chu an inngai em em tho a ni.






"Ka lakah a inla bossy leh lutuk ṭhin a, thil eng eng emaw ah hian min khak a tum ve ziah bawk a, chuvang chuan hau bawrh bawrh rawh u." Ka lo ti ve a.



Katharine chuan ka fiamthu ni ang a lang zet chung hian min en a.




"Ti ang te chu pasal te bula nupui te tihawm reng tur a lawm." Nui chhuah deuh hak hak chung hian  a lo ti ve a.





Jenna thu rawn sawi chhuah a vang chuan kei leh Katharine chu kan khawng nghal zawt, achhan chu heti ang chung chang hi Penny bulah vawikhatmah kan la sawi chhuah ngailoh a vangin.





Penny chungah kan mit chu a fu dun rán a, engtin nge kan tih ang? Tih lah kan hre lo; kan bangbo dun khawp mai, Penny chuan a ei tur pawh ngaihsak tawh lo in a rawn ṭhu chhuak a, kan pahnih a mak ti tak a mi rawn melh tawn pah chung hian,"In innei tawh a maw?" A ti ta há a.





Katharine lam hawi chuan, "Pasal i nei tawh a maw? Engmah min hrilh ve lova, Katy i râi te hi a ni em lo maw?"




Katharine chuan lu lo thin na na pahin, "Nilo, ka rai lo."



"Mahse pasal i nei tawh a?"

"Yes."



Ka lam chu a rawn hawi veleh a, a ei tur ho chu nawr sawn pahin, "Ka fanu nen hun reilo te chhung inbiak ka duh, chumi chhung chu min lo va kalsan rih lawk rawh u."




Hall ah chuan kan awm ta a, ka piah a kawngkhar inkhar lam chu rum zeta melh pah hian bangah chuan ka lu chu ka tauh deuh bawp a, Jenna chuan a hmwla inthiamlohna kgat chung hian thupha a rawn chawi a, "Richard pawi kati lutuk, Penny khan in ineihna chung chang a hre lo tih leh inla hrilh hre lo a ni tih hi ka hre lo reng reng, min ngaidam rawh u." Zawi sep hian a rawn ti a, a hmelah chuan pawi a tih zia pawh a lang chiang hle bawk.




"Nia, kan hrilh lo a lawm, hria chu ni se khatin a thinrim nang."



Jenna hnenah chuan thudik hrilh lova dawt sawi mai hi ka chák lutuk , a natna vang mai mai a ni ang, hrikh chu kan hrilh ngei a lawm ti a hrilh hi ka duh ut ut a, mahse dawt sawi hi ka hne tawh em avangin chuti ang chuan ka hrilh ta lo, ka hnunglam a bang chu nghengin ka nghawng chu ka kutin a tuai pah zauh a.





"Katharine hian a tleirawl laiin hun harsa tak a paltlang a, chuvang chuan a mahin hrilh zawk rawh se; Penny hi a tan a khawvel zawng zawng anih a vangin a ṭhatna a duh a ni mai."





"Eng pawh ni sela, Katharine chungah chuan thil ṭha thleng hram teh se." Tih pahin ka thusawi leh hun chu a lo ngai chang a.





"Keimah a lawm, keimah vangin heng zawng zawng hi a nih phah vek,  keimah hi alawm fuihpawrh tu pawh, kan pahnih relationship hi ka kal chak pui lutuk a, ka ti thawt thawt reng a, Penny nen ngei pawh hian kan inhmuh rem a ti lo a, mahse keimah hian ka hmu lui a, achhan pawh ka hmeichhe hmangaih tak enkawl tu hi tunge a nih tih ka hriat chian duhna leh a harsat lai a lo ngaihven tu hi tunge a nih tih hriat ka duh avangin kei mah zawk hian a thu awih duh lo in a ruk te in Penny hi ka hmu ṭhin zawk a, inneihna pawh hi keima rawt chawp leh tur hmanhmawh ka ni a, Penny chu nakinah zawi muangin kan la hrilh mai dawn nia, ti tu pawh keimah hi ka ni. Katharine pawhin Penny hmuh mi hmuh rem atih vak lohna chhan ber pawh a a pawmthiam lo ang tih a hlau ve tho a."




"Chuan keiman engkim ka rawn ti chhe chho ta vek ti raw?" Tháwk a la pah halh a.


"Nilo ve, hei chu keimahni thiamloh a ni a, kan mawhphurna anih angin tuar tu tur chu keimahni kan ni a lawm, lo hrilh daih tawh zawk tur hi kan ni a, chu vang chuan kan diklohna vek a ni zawk ." Ka dar san khum âwk pah chuan ka ti a.





Chutia kan lo inkawm mek lai chuan Katharine chuan kawngka rawn hawngin, "Richard i lo kal thei lawk ang em?" A rawn ti a.


"Shit!" Zawi sup a ânchhia lawh hluk pahin tháwk ka la ri hawk a, "Thil ka tih khawloh vek takin Jatharine chu nangin min enkawl sak mai dawn nia." Tiin Jenna hnenah chuan ka ngen a.




Engmah sawi chhuak lem lo hian, ngaihtuah duh suh, ka awm a lawm ti niawm tak hian ka darah min ben sak thak thak a.





Inchhung ka luh hnu chuan ka kut chu Katharine chuan a lo kai nghal a, "Ka tihpalh lutuk."



A kut chu hum ngheh sak sauh pahin, "Its fine."

Ka luh fel hnu chuan ka hnunglamah Katharine chuan ka hnungah min rawn zui ve nghal bawk a.




Board room lamah pawh ka client te ho thinrim hmaisen ṭel ṭul hmachhawn angaih pawhin engah mah ka ngai ngai lova, mahse engvanga ka hma a pitar pakhat ve mai thinrim hmel pu tak a min lo en tu chu hlâu ta viau nge maw ka nih le? Ka hlauhthâwnna lamah ka thlan te chu a bawl nghal ṭawk ṭawk mai a, vanduaina aṭanga invenna hmanrua ang mai chuan Katharine kut ṭang chu ka chelh nghet nghal sauh bawk a, Penny chuan rum zeta mi rawn melh pahin, "Ka Katy nen in innei a maw?"



"Yes."

"Ka remtihna pawh la lo in leh ka phalna maw la lo leh nghalin."

"Yes."



"Engvangin?"

"Heti ang hi ka tih ngai loh avangin zawh na chang che pawh ka hre lo."

A kut chu a rawn vai zauh a, "Mi chhan dan te lah i thiam em em leh nghal."





A mah en pah chung chuan,"sorry?"


"Engvangin nge a ni hi i neih chhan?"


"A tello a ka awm theihloh avangin."


"A nih leh engmah min hrilh loh chhan chu le?"





Engti angin nge Katharine chuan a hrilhfiah ang tih chu ka hre lo a, mahse thudik lam âwn ta zawk ila a ṭhat ka ring a, Penny lama va kûn hnaih deuh pah chuan, "Katharine tello hian ka awm thei lovang, chubakah amah chân hi ka hláu a, chuan nangman kan inneihna hi min pawm pui duhlo ang tih ka hlâu bawk nen, ka nei ta mai a nih kha, chuan nang pawhin zawi zawi in nakinah min duh ve mai ang tih rilru ka pu bawk a."





"I tan chuan ka Katy hi chu a ṭha mah mah Richard, i phu hlawl lo." Tiin min chhâng a.





Ka nui chhuak hawk a, achhan pawh a thusawi chu thudik chiang tak a nih a vangin, "Ka hria a lawm."


"Ka phalna la a mi rawn ve phawt tur che a nia."


"I ti dik e, ka tihpalh min ngaidam rawh."


"Katharine sawi dan chuan nang a nei che hi a hlim viau niin a sawi a."




"Kei pawh a mah nena kan han innei thei hi ka hlim khawp a sin." Tiin Katharine lam melh zauh chung chuan ka nui ve a, ka rilru diktak ka sawi chhuah avang chuan ka hmelah pawh a lan chhuah ngei ka ring, "Nitin mai hian min surprise reng mai ṭhin a ni." Ka tihzawm leh a.




Penny chuan thâwk lak deuh hraih pah hian, "A chung chang thu ah hian engmah hriat chian leh hmuh chian i la nei lo."





"Ni e, kei pawhin chu chu ka ngaihdan a ni, ngaihtuah pawh ka ngaihtuah phâk ka ring lo."




A hmui chu liah huh zauh pahin,"Richard ka enthla reng che a nia, hria ang che."





"Tehreng mai, ka hrereng dawn nia."




"Fine, tunah chuan cake i bâ."


"Cake maw?"




Katharine chuan min rawn pan hnai a, ka dara a kut rawn nghah chu ka lo melh a, tunah chuan a kut ṭanga kan inneih zungbun a bun chu ka hmu ve ta a, kei erawh chuan ka phelh ngai lo a, zungbun ka bun chung chang chu Penny hian zawh pawh min zawh ngailoh avangin.





Chuti anga zungbun a han bun ve ta tih ka hmuhna chuan a ruk te in min ti hlim kher mai, a kut chu lo lâk sakin ka fawhsak zauh a, chutia ka tihna avang chuan Penny hmel chu hmuh theih khawpin a rawn eng sawt ni hian ka hria, "Ti ang thil ṭha lam hi cake nen kan lawm ziah ṭhin a."





"E, chuti chu thil ṭha inlawm ziah ṭhin anih chuan kei pawh hi thil tha lam ka ni tihna a ni maw?" Ka ti ve a.

Penny chuan ka bianga mi rawn chul sak zauh pah hian, "Katy hi i kutah ka nghat a nia, i enkawl ṭha ang tih hi ka ring tlat a ni, tunah chuan cake chu le, inhnuai lama kawng hnuai lam pangah khan bakerry a awm in ka hria." A tihzawm nghal zat a.



"Okay, cake chu ka zu la ang e." Ka tho chhuak nghal a.


"Chocolate ka duh ṭhin kha aw?" Penny chuan min rawn âu zui a.



A biang chu chul sak zauh pahin, "Thildang anzuar ngai reng reng hleinem, nangmah vangin chocolate hlir an zuar a lawm."


****           ****            ****        ****   




Katharine pawh coffee mug tray a chawi chung hian a rawn lut a, a coofee rawn chawiluh nokhat chu ka lo lâk sak nghal a, ka bula ṭhu tur chuan ka mitin ka signal nghal bawk a, "Jenna kha khawnge?" Tiin ka bula rawn ṭhutthlâk ve pah chuan min zawt a.





"Chhun mut a nei a nih ka ring, ka rindan chuan hetia ruah a sur loh lai leh khawṭhat lai tak hian a lo inhmakhawsuih lawk te pawh a ni maithei."





"Nizan khan mut a kham vak lo niin ka hria, kei chu nizan berkher kha chuan ka mutui khawp mai, naute ang maiin ka mu chiah chiah niberin ka hria."




A mit mi menkual khum deuh ralh pah chuan, "Naute chum chiap ang maiin maw le."




Ṭhenkhum ve ṭha pah chuan, "Ka thiamloh a ni hleinem, i pangtilum nghen kha a nuam lutuk a, i rim a tui bawk nen."




"I....ah i rum ri kha i bul hnaia mu tan chuan aring deuh mah mah."





Mengnur khum nawng chung chuan, "cute i tih na a nih chu!"





A nui ve var a," Sorry." A ti a, a hmel chu thutak zet tawh chungin, "Tukin zing a vang khân tihpal lutuk aw." A ti ṭha leh a.



Ka nghawng chu tuai leh zauh pahin,"Ka ngaihdan chuan thil thleng ve tur rengah ka ngai." Ti in ka chhang a.




"Penny hian heti ang thil chung chang hi a theinghilh leh mai thei a ni tih rinna chance ṭha pawh kan nei leh mai thei a ni, achhan chu kan hrilh nawn leh pawh a ngai maithei bawk a, mahse ti ang pawh hian kan chhang thei tho bawk a, kan hrilh tawh che a, i theinghilh tawh a lawm, chuti anga kan hrilh chuan a rilru pawh kan tih down phah ka ring lo." Ti a sawi pahin coffee chu ka in ta a.





Coffee no tlang a ṭanga Katharine chu melh zauh pahin, "Nichin khan eng chung chang nge a sawipui che a?"


"Eng vak mah a nilo, ka rai leh rai loh chung chang thu a lo ngaihven ve a nih kha."




A mah chu fiam zauh pahin, "Ngaihtuah duh suh! Chuti ang thil chu a thleng ngailo ang, kan rulse siam pawh kha eng ang oawhin lo ti zau pawh nimah ila nau pai tih ang reng kha chu kan pahnih ah hi chuan a thleng ngai lo ang."




Mak ti zet leh meng phâwk zet cgunga mi rawn en deuh kâwk pah hian, "Ti nge, pa i ni thei velo tih na em ni? Fa i nei theilo tihna maw?"




A thu rawn sawi chhuah mak ti zet chung chuan, "Nilo ve, chuti ang lam nilo in, fa neih lam pang hi ka rilru ah a awm lo hrim hrim a, chu lo ah hmeichhia ka kawp te reng reng lakah hian ka inveng fimkhur a, indanna ka hmang ngei ngei ṭhin! Chuti ang bawkin hmeichhia ka hmanpui hrim hrim ho pawh hi birth controll an hmang em tih ka hriat chian sak tel bawk ṭhin!"




Hmel buai deuh nak chung leh thle bαk chung chuan, "Fa i duh lo tihna maw?"





"Katharime relationship tak tak nei tur hian ka tlin ve lo, chuan chhungkaw pa ni tur hian ka inring zo lo, chu loah keimah ang midang pian tir leh hi ka duh lo; chu chu thuhran ka tet lai life kha a thlennawn leh hi ka remti ngai lo ang, engtikah mah rilru chhungril berin ka fa chu ka hmangaih theih ngai ka ring lo; chuti ang ti tur chuan ka tlin ka ring lo. Ka naupab hun lai kha a thleng nawn leh pal ang tih hi ka thil hlauh ber a nih a vangin fa neih  ka zuam lo, chuvang chuan fa neih châkna pawh hi ka rilru ah hian a lamg ngai lo a, engtikah mah pawh ka nei ngai lo ang."




"I diklo ni in ka hria."

"Diklo a?"


"I ngaihdan kha a diklo niin ka hria."


"Engtia dikloh in maw?"




"Ka ngaihdan chuan i ti thei ang tih ka chiang, fa i nei a nih ngat chuan i enkawl thiam viau ang, i hmangaih hle bawk ang a, ka hmuhdan che chuan i fa nen chuan rilru ah inpawhna thûk tak i neih theih ka ring tlat."




"I fa nu i hmangaih thei anih ngat chuan i fa i rila rah ngei chu i hmangaih ngei ngei ang."





Ka nui chhuak hawk a, "Khati ang thil kha engtikah mah pawh ka thlen tir ngailo ang, chuvang chuan a hma a ka thusawiah khan ka dingnghet zawk mai ang e."


"Engvang a hmangaihna khurah i tlu lut theilo a ni tih hi chiang viau nge maw i nih le?"





Ka dawhthwihna chuan a tlin lo tulh tulh tawh tih chu ka hria a, "Ka hrilh vek tawh che kha, hmangaihna hian mi a ti chak lo a, a ti dawizep bawk a, chuvang chuan hmangaihna ah hian ka tlu lût duh lo hrim hrim, hmangaihna hian mahni chauh a awm a duhlo a, midang a mamawh a, mahni inrintawkna a nei ngai lo."




"A chang chuan khawvelah hian thil tam tak hi chu kan kuta a awm loh chang a tam ṭhin a sin, kei ni in a kan lo dan theih a kan duh loh avanga kan lo hnar ngawt theihlah a ni hek lo; amah in a rawn thleng ve tawp chang a awm."




Ka kut chu vai khum zauh pahin, "Chu chu ka tan a ni ve lo. Ka tan chuan hmangaihna pawh a awm lo a, fa pawh a awm bawk hek lo, ka future ah chuti ang engmah a awm ve lo."




"Chu a va khawharthlák dawn ve i sawi dan chuan."




"Hna a hmingin ka nei a, chutah chuan ka hun awl a hnawhkhat ve a, chu chu ka duh tawk, engmah dang ka mamawh lo."





Meng nur deuh nang chung hian min rawn en vang vang phawt a, chutah, "Chu zawng chu maw?" A ti leh fak a.




"Min enfiah i tum reng na hi titâwp teh Katharine!"

"Ka tum hauh lo che, hriatthiam ka tum zawk che a ni e."


"Tum duh suh!"

"Ngati maw?"


"A chhan chu min hrethiam turin pawisa ka pe lo che, pawisa ka pekna zawk che chu lem chang beia hlawhtling tur zawkin."




"Chu thil chu tiraw, nitina kan buai tulh tulhna hi?"

"Eng chung chamg nge sawi i tum?"



"Richard heti ang thil zawng zawng i beihna leh i tih tawhna zo zaiah hian i cháu in i hah tawh lo em ni? Hetia mi kan bum na leh dawt kan sawi na zo zai ang chi te hi, nitin in kan belh a ngai zel leh nghal, snow ball ang mai in nitina kan dawt sawi ho zawng zawng te hi a hlawm lian tulh tulh mai leh nghal, a hma kha chuan thil simple tak ang khan i sawi a nilo em ni? A tir te kha chuan i nupuihual ang a lem changin kan awm dun chauh dawn ni khan ka hre si a, mahse tunah chuan thil a kal kual tulh tulh a, dawt lah kan sawi belh tulh tulh bawk a, tunah tak phei hi chuan keimah pawh hi tunge ka nih tih pawh ka inhrechiang tawh lo."





"Ka nuna ka duh loh ber ṭhin chu dawt sawi hi a ni a, mahse tunah hi chuan tu pawh mai hi dawtin ka bum tawh niin ka inhre tawh, Penny hnenah dawt ka sawi a, Gavin chhungkaw hnenah a ni bawk a, staff ho hnenah nen, Penny enkawlna hmun home a hnathawk te hnenah, kan dawt sawi zawng zawng te hi tunah chuan dawt mountain ah a chang zo tawh ni berin ka hre ṭhin!"





"Mahse tâwp chin a nei dawn a lawm, tumahin kan dawt sawi hi an tuar dawn hlei nem, he kan dawt sawi ho hi tuma lakah tha lo lam pang zawngin a thleng lo ang."




"Tak tak maw? Ka rindan chuan hemi ah pawh hian i ti diklo leh pek tawhin ka hria, engtin nge khati ang khan i rin theih záwk a?"





Ka kut chu vai khum leh zauh pahin, "Kan thil tih ah hian Graham a buai lo a, Penny ni se kan enkawl thei bawk a, nanglah hmun ṭha lo tak a ṭangin hmun nuam takah i awm theih phah bawk a, tu nge chu mi ah chuan hreawm tuar awm?"





"Ni tin hian thilsual tak ti ang leh ti diklo tu angah ka in ngai ṭan tawh." Tiin a phun chhuak sep a.


"Eng ati maw?" Tiin ka lo zawt a.





"Heng mi ho hi ka ngaina ṭan tawh, Jenna hi ka ṭhianṭha ang tak takin ka en a, a ni pawhin chuti ang taka mi en in a harsatna neih thin engkim min hrilh a, kan pahnih hian ṭhianṭha tak kan ni tawh, chubakah Graham leh Laura ngei pawh hi kan chungah an ṭha in an zaidam dub em em bawk a, mahse keini erawh chuan lem changin an rilru leh kan chunga an ṭhatna te chu ngaihpawimawh saklo in kan bum ni a hriatna ka nei."






"Chuan Penny home a mi zawng zawng lah chuan kan innei angin an ngai bawk a."


"Kan innei reng a lawm, chutah chuan lem kan chamg hleinem, dan ang thlap leh innei te tihdan ang thlapin a lawm kan inneih ni."






Tháwk a la hak a, "Mahse an ni chuan kan pahnih a inhmangaih tawn dun a vanga innei ah min ngai thung a lawm, chuvang chu a nia, Penny pawh kha hrilh ka duh lo ṭhin na chhan chu, mizawng zawng chunga dawt sawi ai in a bula dawt sawi berkher hi ka duh ngai lo."





"Kha chu i hriat vek kha, a natna avang hian a ni chuan a theinghilh leh mai thei a sin."





A mit chu mi menkual khum deuh ralh pahin, "Eng a pawh chu lo ni ta se, dawt chu kan hrilh tho a lawm, chubakah Jenna leh midang dangin an hrilh reng ang a, a theinghilh theih tawh ka ring lo."





"Chuan Adrian, Adam, Julia." List chu a belh tulh tulh, thinrim zet chuan a thutna aṭangin a tho chhuak a, a thinrim tulh tulh nimai hian ka hria.


Table a ka kut ben rik ṭhuai pah chuan, "Ka lo plan dan aiin thil a kalthui a nih hi, chu zawng chu i laka ka sawi theih a ni e. Ka client thleng thlengin tunah hian ka rilru a danglam ah an ngai tawh, Brian ngei pawh hmanni a golf ka khelh pui ṭum pawh khan, ka mihring mihrinna ka hmu chhuahthar tak a vanga ka mize inthlâk tâk hlawk a vanga a lawm zia thu min hrilh a sin."





"Chumi thil a mi eng zah nge i tihnat dawn tih ah leh mi engzah chiah nge he i dawt muhlum hi i hrilh dawn tih chung chang ngaihtuahna i neihah hian pawi tihna chhe té pawh i neilo tihna em ni?"


"Khatharine thil hi over tawkin ngaihtuah thin suh! Inneihna te pawh hi khawvelah hian a thlen tluan loh chang a tam mai, keimahni ang nilo inneihna tak tak nei te pawh an inthen chang a awm, khawvel chu a kal ngai in a kal zel tho, inṭhenna avangin a táwp phah kher lo. A hun a lo thlen hunah chuan ngati nge le tih leh engvangin nge tih te hi chu kan ka chingfel vek mai ang."





"Anih chumi chhung zawng chu dawt kan sawi dun reng dawn tihna a ni maw?"




A thilsawi âtthlâk tak chu ka nin tawh em avang chuan ka chal chul zauh pahin ring tawkin "Aw." Tiin ka âu chhuak ta tuar a. "Dawt pawh kan la zawi zel dawn, he thil titur hian pawisa ka la pe reng che a, i tan hna a la ni reng ang, thildang ka hrilh leh hma zawng che chu i part tur a tan ka nupui hmangaih tak ni in lem i la chang zel bawk ang chuan nangpawhin midang lakah min hmangaih zia lan tir bawk la chu chu a táwk ."





"Ka nupui hmangaih tak ni turin eng thil pawh ti rawh, i ṭawngkam dan angin lem i chan a ngai a ni mai."





A ding chhuak a, a lu thin nak pah chuan, "Chu chu a lawm a buaithlαkna lai ber chu Richard, lemchangin ka awm ṭhin lo, lem changin ka hmangaih ṭhin lo che, nang ngei pawh i sualna leh i rilru sualna kha i paih ṭhin a vang hian, lem lo chan kher ka ngai ngai lo. Nangmah ah hian ṭhatna tam tak a awm ṭhin a vangin, Penny hma a i awm hian i sualna zawng zawng te hi a bo vek thin a, i mizia thleng a zaidam lutuk thin a, chuan a changin ti hian rilru sual tak leh átthlâk tak nangmah a sualna awm kha rawn kir lehin i awm leh thin bawk a, a chang te hi chuan maw rilru sual tak pu i ni tih leh átthlâk tak tak in i awm.ṭhin a ni tih hi ka theinghilh fo ṭhin a sin, chuvang chuan a hma a hun kha ka ngai zawk daih, a chhan chu Richard sual tak midang lai natna pawh nei lo kha tawrh dan ka thiam a vang in."




A hmelah chuan inchhirna leh lungngaihna pawitihna inpawlh hi a lang chhuak a, a tawngkam te lah a duhtuilo in a thlahdah tawh bawk, khati ang thil zawng zawng min sawi khum hnu chuan kal chhuah tumin a inher a, mahse kawngka bul a thlen chuan a ding chat a, ka lam chu a rawn hawi lét leh a; keilah chuan a thusawi chhuah zawng zawng te chu mak ti zet a ngaihtuah let chungin ka thlir vung vung ringawt a.