THE CONTRACT CHAPTER 28
Zanin advertise kan click ṭhat dan azirin zan rei hnu ah chapter khat ka rawn dah belh leh ang, ka rawn dah anih pawhin a tlai deuh hlek ang aw. Chuan tuna ka rawn dah hi chapter hnih a tling ṭep e.
RICHARD....
Katharine zawngin bedroom aṭang chuan ka chhuak a; Jenna pawh chhún vel lai takin a kal chhuak tawh; keilah hna lamah ka buai zui nghal tawh a, Graham nen pawh phone ah kan in be nghe nghe a, chu mi hnu chuan inhnuailam hall a ṭanga thawm ri rak rak ka hriat avangin chumi lam pan chuan ka kal ve ta a.
Inhnuai ka thlen thlâk hnu chuan inhnuai lama awm bedroom té ber chu inhawng sa awm hian ka zu hmu a, chu room chu tunah chuan storage ah kan hmang tawh ṭhin a, chu room ah té ah chuan khum pakhat a awm ṭhin a, a hma te kha chuan ka hmeichhe rawn hruai luh te riah tir nan leh after dinner activities tihnan ka hmang ṭhin! Inchung ka bed room lamah ka hmeichhe rawn hruailuh te hi ka chhoh pui duh ngailo hrim hrim.
Tunah chuan kha khum kha ka dah tawh ngailo a, Katharine rawn awm hnu ah tawh chuan box leh file hlirin a khat tawh a ni.
Kawngka biang chu nghenchhan chung hian Katharine che lai chu en a, nui deuh suk pahin, "Eng nge i tih a?"
Thlalαk ho ṭhenkhat chu kâwk chung hian, "Thlâlαk nalh tak tak i kawl a nih hi!" Tiin min rawn en chho a.
"Nia, khawiah nge ka dah ang tih ka hriatloh avangin tah khan ka dah ta mai a nih kha."
"Heng te hi chu pawnlam room ah tar chhuak ila a nalh ang chu!"
A lo dah hran tawh ho chu mi rawn entirin, "Heng ho hi a nalh hi, hetilaia dah mai mai atan chuan..... a uiawm deuh hlek a lawm."
A thlalâk min rawn entir ho chu ka lo la a, chung thlalâk ho chu ka melh deuh vang vang hnu chuan, tlem a zâm ve deuh hlek chung hian,"Ka lαk an nih hi!" Ka ti a.
"Nangma lâk maw ni a?"
"Aw ni e, thawk khat lai khan photography lamah hian ka kal ve chhin a, mahse ka ṭha vaklo niin ka hria." Tih pahin thlalαk ho chu ka pe let leh a.
"Ka lo ngaihdan chuan..... an ṭha hlawm viau ni in ka lo hria a sin."
"Kha chu i ngaihdan dan nirawh se." Ka dar ka chhin khum zauh a.
"Nihleh, heng negative ho hi ila kawl mial em?"
Ka lu thin pah chuan, "Kawl nang, digital vek a ni a, a camera pawh kha laia box zingah khan a awm ang a, chu bâkah memory card vek bâk a awm lo ang."
"Okay."
"Ngaithla teh Katharine, Grahama'n min rawn phone a, client hmu tura zin chhuah lawk a ngaih ka ring, Adrian kha ka tello in vawi hnih ngawt a zin chhuak tawh a, chu vang chuan Graham in nuamlo a ti ru deuh hlek ni in a lang."
"Engtikah nge in kal chhuah ang?"
"Naktuk ah."
"Engtia rei nge a nih i rin?"
"Chu tak chu alawm a buaithlâkna, thursday thleng ka zin dawn a, tuesday Penny ka tlawh thei dawn ta silo, chu chu ani ka buaina ber chu."
Chimawm hmel zet put pahin min rawn en chho a, "Oh, keimah ka kal mai ang...... yoga class te chu ka skip thei reng a lawm, chulovah yoga hi ka thiam tak tak thei chuang lo ang." A ti a.
"A nih leh zitawpni ah ka rawn tlawh ang tih min lo hrilhsak dawn nia." Ka hriat tham tawk vel leka phun chhuahsup pahin, "Chuan a duh ber chi cheese burger ka rawn ken sak bawk dawn nia."
"A lawm ngawt ang."
"Nihleh ka zin chhuahlai chuan nang eng nge i lo tih ang?"
"Living room ka lo chei ṭha leh ang.
"Painters ho kha i ko tak ti raw?"
"No."
" leilawn nen em ni tih i tum?"
A room chei dan ka en kha chuan a ti ṭha khawp mai, mahse living room erawh a room aimah a zau ani a, a mah chauha han ti tur chuan a hahthlâk duh viau ang, chuti anga Katharine leilawn nena sang tak tak ah lawn a living room bang rawng a han hnawih tur ka ngaihtuah chuan a mah chu ka hlauhthawn pui deuh a, kei lah ka zinchhuak leh nghal bawk dawn nen.
"Richard professional thiam tak tak lo kal tur an awm a lawm, hei te chu nihnih chhungin kan lo ti zo ve mai ang."
"Chuti chu a nawmna tur ang zawng zawng i chân duai dawn tihna a nih chu!" Tiin ka chhâng ve a.
A kekawr hαk a ṭhingṭhit hnan benfai pah chuan a rawn ding chhuak a, "Lokal rawh, i thawmhnaw te ka han siam fel pui ang che, chumi hnu ah ka thawmhnaw ho ka room lamah dah phei ka ngai leh dawn si a."
Ka thusawi chu ka inrin hman hma a sawi chhuak ka ni a, chu thil chu sawi chhuah tum chiah pawh ka ni lem lo. "A ngai lo."
"Engtin maw?" Mak tih hmel zet hian a meng phar ve âk a.
"Ka room ah lo mu rih rawh, ka awm loh chhung chu i room angah lo ngai hmiah rawh, chu chuan tlemin i hna thawh turah pawh a chhâwk zangkhai ngei ang che tih ka ring, chu loah ka thawmhnaw chung chang chu ngaihtuah duh suh, keima'n kati thei vek a lawm, tih tur i ngah sa hrim hrim a, ka thawmhnaw tih lan kha chu ngaihtuah buai duh lem suh!"
A heh hnuai lam chu seh deuh niap niap pah hian, "A nih leh zan in hi le?"
"Kan riak dun leh ang chu!"
"Ka......"
A sawi zawh hma hma chuan a kut chu ka lo vawn sak a, "Tikhan i tan pawh tih tur a tlem phah deuh ang."
Chapo hmel zet a mi rawn en pah hian, min fiam zauh a, "Ka taksa hi kuah lo chuan i mu thiam tawh lo a nih hi, mut laia mi kuah i peih ropui si." A nui pah rah rah a.
A thusawi chhuah chuan min ti lai ve kher mai, zahzela khuh deuh khurh pah hian, "I hreawm tihlihna turin leh nuamsa zawka i awm theihna tura sawi ve mai mai a lawm ka nih."
"Chu ai zawng chuan min kuah peih ti a ka sawi na kha pawm záwk la, chuan ka mu leh dawn nia."
Ka mitko sαn khum deuh âwk chungin,"Eh, chuti em ni a? I thusawi kha vawikhat chiah han sawi nawn leh teh?"
"Oh, ka......."
A tih laia a biang rawn sen leh nghal ṭan ṭan tawh chu a ni ka lawm ṭhin em em chu.
"Ka thusawi kha pawm la, tichuan i zin rawn haw hunah i bulah chuan ka riak záwk dawn nia."
"A nih leh zan in hi le?"
A biang chu a hma aia nasa leh zual a sen belh leh sauh oah hian, "Yes." A ti ta sap a.
A lanah chuan kûn hnaiin ka hmui chuan a biang sen ṭan ṭan lai chu náwk sak pah chung hian a bengbul lamah chuan ka hrût phei zel a, a beng ka thlen hnu chuan ka phun khum sup a, "Kuah che hi ni e, nuam ka ti a, pangtilum i ngah a, chubakah i rimtui tel bawk."
Ka thusawi chu thudik tak pawh a ni. A chhan chu tukin zing ka harh pawh khan ka lo kuah chial tih pawh ka pha lo, a taksa nem tak mai chu ka bawp in ka khan sak bawk a, khami hnu a thil thlen dan erawh kha chu thudang ni ta sela.
Mi rawn kal pelh pah chuan, "A ṭha e, kha ti ang kha i duh dan a nih dawn chuan a pawi hleinem, i duh dan ang chu ni rawh se." A ti a.
Ka ṭhen khum suk a, a chhan pawh a bula riah leh chu ka duh tak tak a vangin, a thusawi pawh chu ka pawm thlap bawk.
******* ******* *******
"Engvanga nui vur vur reng nge maw i nih le?" Tiin Graham chuan min zawt a.
Kan zin kawng pawh kan tluang tho a, kan client te pawh an phûr phian a, kei pawhin a tuk zinga mi tur presentation leh thil dang vel te chu ka tifel vek tawh bawk a, Graham lah chuan,"A lawmnan zaninah dinner kan kil dun ngei tur a ni." a ti a.
Ka phone a ṭang a ka mit chu lâk sawn pahin, phone chu Graham kutah chuan ka pe a.
"Oh,zanin hian Penny ka tlawh theihloh avangin chocolate, caramel cheese cake lian pui mai ka thawn a, chuan ka cake thawn tui ti taka an eilai photo chu Katharine in min rawn thawn leh a.
Nui chunga phone mi pek kir leh pahin, "Penny hi chu i ngaina viau a ni tiraw?"
"Penny hian ka naupanglaia tu emaw ni min hriat chhuah tir ṭhin a." Tiin ka chhâng a.
"I chhung te em ni?"
Ṭhut rem pah chuan, "Nilo." Ka ti a.
A intur glass a kuta thai kual pah hian, "I chung châng thu hi chu i sawi tha vak duh ṭhin lo ti raw?" Ṭawngkam meinei zeta mi rawn tih pah chuan, "A bîk takin i naupan lai ngat phei hi chu!" A ti khauh a.
"Yes, khati ang lam pang chung chang sawi kha ka duh ngai lo."
"A nih leh i past life chung chang chu tu emaw tal i hrilh tawh em?"
"Yes, Katharine ka hrilh tawh!"
"E, i catalyst, i mizia thlâk danglam sak tu che.....nangmah thleng thleng thlâk danglamna tu hi maw!"
Ka lu chu thlék bak pahin, a thusawi chu a dik a ni ti a ka pawmpui emaw remtih pui chung hian, a chhan chu heti ang chung chang hi sawi chhunzawm ka duh loh a vangin, a ni pawh chu a ngawi ve vung vung a.
A suit hâk pocket a ṭang chuan envelope pakhat chu rawn phawrh chhuakin table a ṭang chuan a hma lama rawn ban pah hian a rawn dah thla a.
"Hei eng nge?"
Chu envelope cream colour chu khawn deuh kauh kauh pah hian, "Richard i ṭha lutuk, i ṭha mah mah ang, i thiam tak zet, kha footwear campaign chung changa board meeting kan neihna ah pawh khan, hnehsawh takin i ti felfai thiam a, ka lo rindan aimah pawhin i ti ṭha bawk, ka rin dan chauh pawh nilo kan company a thawk zawng zawng te rinai mahin i ti ṭha. Chu bakah he mi Kenner footwear company a ngat phei hi chuan i ti ṭha leh zual, i fakawm khawp mai, he i thil tihdan leh i thiamna hi fakawm ka ti tak zet; chu bakah khati ang hun tep ter tawh zetah khan leh he kan pahnih trip a i rawn kal thei leh zel te hi i fakawm ti bâk chuan sawi dan pawh ka hre lo."
Graham min fakna ṭawngkam zawng zawng ka ngaihthlâk a vang chuan ka hlimin nuam ka lo ti ve hliah hliah a, ka dang te chu a ro nghal hulh hulh hian ka hria, ka áwm a ṭang chuan a rawn tawt chho mup mup ni a ka hriat a vang chuan ka ṭawng chhuah hma in table a tui in chhawp chu ka in hmasa khawlh phawt a, "Ka lawm e Graham, heti ang a thil khirh tak tak rawn thleng te pawh hi ka tan a zirtur ṭha tak leh thil hlu tak vek an ni."
A envolope dawhkan chunga a dah chu ka lama rawn nawr hnaih leh zual pah hian, "Hei hi i ta tur a nih hi!"
Envolope chu ka lo ban a, ka hawng nghal a, a chhung a pawisa tam tham tak cheque ka gan hmu chu ka meng phar chiang kher mai, a amount ziah ka enah chuan hemi company a lut tura kan contract pakhat nen a awm a, ka mit la ta ber zawk chu he company a lut tur hian thla ruk chhung enthlâk an ni dawn tih inziahna line chu thâi chhiat a ni a, a ngaihna hriatloh hmel zeta Graham lam en pah chuan, "Hei hi eng nge a awm zia?"
Hlim hmel pu tak a mi rawn nuih suk pah hian, "Cheque kha chu i thawhrimna rah liau liau a ni a, i campaign neihna a kan client pawh kha a lawm lutuk a, chuan a campaign neihna zawng zawngah nangmah ngei tel ve ngei ngei zel tawh turin a ti bawk che a, chumi a tan chuan company ah pawisa tam tham zet mai a theh lut a, chumi zing a mi chu a ni e, i dawn kha."
Kan contract chu ngun leh zual a zu bih nawn lehin, "Thlaruk chhung enthlàk tur ti a inziahna kha in thái chhe daih tihna em ni?"
"Nia, khami chung chang kha chu tihian sawi fiah ta ila, a tir kha chuan a hma i mizia ngaihtuahin kan ring chiah lo che a ni Richard, nang pawh kan dinhmunah ding ta ang la, kan ngaihdan ang tho hi i ni ve hrim hrim ang, mahse nanglah chuan i mize hmasa te kha ban sanin i nun dan phung i lo thlâk danglam daih tawh mai si a, chu chu thuhran he kan company tan hian i theihtawp i chhuah tih leh i tha leh zung sengin tih tak tak na nen i lo bei zawk si a, Katy hi chuan a thlαk danglam hneh hle che chuan ka hria, a chhan chu nangmah a awm Richard diktak kha a phawrh chhuah sak che a vangin, he ka company hi i tan kan inhawng reng a, he hmunah hian i peih chen chen leh i thawh duh hun chhung zawng chu i duh chen chen i thawk dawn nia, nang nen hian kum tam tak kan thawh dun theih ngei ka bei sei." Tiin a kut chu a rawn phar chhuak a, kei pawhin ka kut lu lo lek chhuah ve vat pahin, kan in chibai ta a.
Ka ti thei ta, tunah chuan ka thil duh chu ka ti thei ta tak zet e, tiin ka rilru chuan ka sawi nawn mawlh mawlh a, hlim leh lawmna hlir hian ka khat nghal a, tunah chuan ka thil duh tak leh rei tak chhung harsa taka ka lo beih ṭhin chu tih hlawhtlinin a awm ta e. Gavins group ah ka awm ve thei ta, tunah chuan an mi rin tak nih ka hlawh ve ta hram e, ti a ngaihtuahin ka glim ru tak zet. Tunah chuan Gavins groupah ka hmun tur khuarin, awmna hmun ka insiam ve ta.
Ka mission task chu complete in a awm ta e. Chumi a ni emaw chhan tha tak neiin David chu ka bulah rawn kalin a company Anderson Inc a mi lâk let leh duhna avangin ka tan partner ship nihna leh pawisa tam tak ka rinphâk bâk a tam mi rawn offer dawn pawh nimah sela, he company hi ka chhuahsan duh tawh ka inring lo, mahse ka rilru ah erawh nuam tih lohna a awm tel tlat, engvangin nge Gavin group ah hian inbumna leh lemchan nena ka luh a ngaih kher na chhan? Chu thil a vang chuan hreawm ka ti lutuk a, mahse thlipui leh ruah pui rawn thawk khan keimahni ah vanneihna a rawn thlen a, Katharine nen pawh kan inpawh phah, Jenna pawh chu thlipui avang chuan kan in ah rawn luh phahin kei leh Katharine a ruk taka kan inpawhna min rawn hmuh pui a, chu chuan Graham ringhlelhna te chu a tih bo phah ni in ka hria.
Chuvang chuan Gavins group a hreawm tihna ka neihna avang hian tunge ka nih chiah leh eng ang mi nge ka nih tih lantir theihna hun ka duh a, inbumna a vanga lut pawh nimah ila, ka thiamna leh ka special na te ka lan tir a, ka theih ang tâwk a rim a hna thawkin Gavins group tan a ka theih ang tawk arima hnathawhsak ka duh ve tawh a a ni.
An ni phei chuan chuti ang lam chu an ngaihtuah lo a, ni chin lawka Graham min fakna ṭawngkam a ṭang phei kha chuan min duh zia a ti lang chiang hle bawk, mi a thil tih in fak a phu viau a nih chuan tute pawh ka aia sang pawh nirawh se mi fak an hreh loh zia ka hre chhuak tlat tawh a ni.
Anderson Inc ah ve thung kha chuan kan hna te chu kan thawk mawp mawp a, kan thawh ṭhat zia pholan a ni ve ngai lo a, keini aia mi chal lang zawk te chu politics lam pang khel thuam thiam an ni mai, chu'ngah chuan kan thawh ṭhatna pakhat mah ngaihtuahsak a en zui sak kan hlawh ngai tlat lo.
Ka hmazawna kan contract paper inpharh chu zu melh lehin, Jenna ngaihdan leh hmuh dan turah chuan, kan inneih dan chu midang te ang bawk a inneihna pangngai tak a ni a, Katharine lak aṭangin ka kut chu hla takah ka dah sawn thei lo viau bawk, kan nupa nun hman dan pawh a hlimawm dun ṭhin viau a, nupa inhnialna leh in tih thinrimna ho te te kan nei dun bawk a, mahse kan ching fel dun leh thuai ṭhin! Chuvangin Graham ngaihdanah chuan Katharine nena kan inkar hi chhum dum chhah tak ang ngawt a nilo a ni tih a hre chhuak ta te pawh a niang e.
Thu tak hmel zet hian ka lu ka bûk khum nghut nghut a, engmah ni dawn lo mah se emaw engpawh lo thleng dawn ang ni sela, hna rim takin ka thawk ang a, Graham lakah leh he company tan hian ka pawimawhna ka lan chhuah tir ngei tur a ni.
Eng ang pawhin awm dawn pawh ni se emaw eng thil pawh lo thleng dawn ni se, ka hlawh chhuak ang a.....chu chu ka rilru a ka tuh nghet tlat tur a ni tih ka chiang hle bawk.
"Ka lawm e." Ti in ka phun chhuak sup a.
Ka dara mi rawn ben sak thup thup pah hian, "Katy pawhin a lawmpui viau ang che tih hi ka chiang."
Chutih lai chuan ngaihtuahna pakhat mak zet mai hi ka rilru ah Chuan arawn lang a, Katharine chu kan ti thei a ni tih hrilh a kan hlawhtlinna hrilh hlán ka nghahhlel zia leh ka hrilh lai vela nuam ka tih dan tur zia vel chu ka ngaihtuah lo thei lo, chumi ah chuan feeling mak dang dai zet mai hi ka nei a.
"Nia, mahse in thlen hunah chauh ka hrilh ang." Nui chung chuan ka sawi a.
Ka bonus pawisa dawn tam tham zet mai chu ka en leh a, Katharine tana thil eng emaw tak leisak chu ka rilru ah a awm rauh rauh a, "Katharine thil leisak chung chang ka ngaihtuah a, kar hmasa lama amah thil leisak tumna rilru ka neih kha, he pawisa hian lei sak i la a ṭhat viau ka ring." Ka nui chhuak leh suk a.
A lu mi lo bûk khum nghut pahin, "Ruahmanna ṭha tak a nih chu, khulai kawng hnuai lam bul vel ah khuan jewelery dawr ṭha tak awmna ka hre tak a sin."
Jewelery maw? Chuti ang thil chu ka ngaihtuah ngai lo hrim hrim, mahse......
"A ṭha e." Ka ti chhuak ta zawk a.
Zanin advertise kan click ṭhat dan azirin zan rei hnu ah chapter khat ka rawn dah belh leh ang, ka rawn dah anih pawhin a tlai deuh hlek ang aw. Chuan tuna ka rawn dah hi chapter hnih a tling ṭep e.
RICHARD....
Katharine zawngin bedroom aṭang chuan ka chhuak a; Jenna pawh chhún vel lai takin a kal chhuak tawh; keilah hna lamah ka buai zui nghal tawh a, Graham nen pawh phone ah kan in be nghe nghe a, chu mi hnu chuan inhnuailam hall a ṭanga thawm ri rak rak ka hriat avangin chumi lam pan chuan ka kal ve ta a.
Inhnuai ka thlen thlâk hnu chuan inhnuai lama awm bedroom té ber chu inhawng sa awm hian ka zu hmu a, chu room chu tunah chuan storage ah kan hmang tawh ṭhin a, chu room ah té ah chuan khum pakhat a awm ṭhin a, a hma te kha chuan ka hmeichhe rawn hruai luh te riah tir nan leh after dinner activities tihnan ka hmang ṭhin! Inchung ka bed room lamah ka hmeichhe rawn hruailuh te hi ka chhoh pui duh ngailo hrim hrim.
Tunah chuan kha khum kha ka dah tawh ngailo a, Katharine rawn awm hnu ah tawh chuan box leh file hlirin a khat tawh a ni.
Kawngka biang chu nghenchhan chung hian Katharine che lai chu en a, nui deuh suk pahin, "Eng nge i tih a?"
Thlalαk ho ṭhenkhat chu kâwk chung hian, "Thlâlαk nalh tak tak i kawl a nih hi!" Tiin min rawn en chho a.
"Nia, khawiah nge ka dah ang tih ka hriatloh avangin tah khan ka dah ta mai a nih kha."
"Heng te hi chu pawnlam room ah tar chhuak ila a nalh ang chu!"
A lo dah hran tawh ho chu mi rawn entirin, "Heng ho hi a nalh hi, hetilaia dah mai mai atan chuan..... a uiawm deuh hlek a lawm."
A thlalâk min rawn entir ho chu ka lo la a, chung thlalâk ho chu ka melh deuh vang vang hnu chuan, tlem a zâm ve deuh hlek chung hian,"Ka lαk an nih hi!" Ka ti a.
"Nangma lâk maw ni a?"
"Aw ni e, thawk khat lai khan photography lamah hian ka kal ve chhin a, mahse ka ṭha vaklo niin ka hria." Tih pahin thlalαk ho chu ka pe let leh a.
"Ka lo ngaihdan chuan..... an ṭha hlawm viau ni in ka lo hria a sin."
"Kha chu i ngaihdan dan nirawh se." Ka dar ka chhin khum zauh a.
"Nihleh, heng negative ho hi ila kawl mial em?"
Ka lu thin pah chuan, "Kawl nang, digital vek a ni a, a camera pawh kha laia box zingah khan a awm ang a, chu bâkah memory card vek bâk a awm lo ang."
"Okay."
"Ngaithla teh Katharine, Grahama'n min rawn phone a, client hmu tura zin chhuah lawk a ngaih ka ring, Adrian kha ka tello in vawi hnih ngawt a zin chhuak tawh a, chu vang chuan Graham in nuamlo a ti ru deuh hlek ni in a lang."
"Engtikah nge in kal chhuah ang?"
"Naktuk ah."
"Engtia rei nge a nih i rin?"
"Chu tak chu alawm a buaithlâkna, thursday thleng ka zin dawn a, tuesday Penny ka tlawh thei dawn ta silo, chu chu ani ka buaina ber chu."
Chimawm hmel zet put pahin min rawn en chho a, "Oh, keimah ka kal mai ang...... yoga class te chu ka skip thei reng a lawm, chulovah yoga hi ka thiam tak tak thei chuang lo ang." A ti a.
"A nih leh zitawpni ah ka rawn tlawh ang tih min lo hrilhsak dawn nia." Ka hriat tham tawk vel leka phun chhuahsup pahin, "Chuan a duh ber chi cheese burger ka rawn ken sak bawk dawn nia."
"A lawm ngawt ang."
"Nihleh ka zin chhuahlai chuan nang eng nge i lo tih ang?"
"Living room ka lo chei ṭha leh ang.
"Painters ho kha i ko tak ti raw?"
"No."
" leilawn nen em ni tih i tum?"
A room chei dan ka en kha chuan a ti ṭha khawp mai, mahse living room erawh a room aimah a zau ani a, a mah chauha han ti tur chuan a hahthlâk duh viau ang, chuti anga Katharine leilawn nena sang tak tak ah lawn a living room bang rawng a han hnawih tur ka ngaihtuah chuan a mah chu ka hlauhthawn pui deuh a, kei lah ka zinchhuak leh nghal bawk dawn nen.
"Richard professional thiam tak tak lo kal tur an awm a lawm, hei te chu nihnih chhungin kan lo ti zo ve mai ang."
"Chuti chu a nawmna tur ang zawng zawng i chân duai dawn tihna a nih chu!" Tiin ka chhâng ve a.
A kekawr hαk a ṭhingṭhit hnan benfai pah chuan a rawn ding chhuak a, "Lokal rawh, i thawmhnaw te ka han siam fel pui ang che, chumi hnu ah ka thawmhnaw ho ka room lamah dah phei ka ngai leh dawn si a."
Ka thusawi chu ka inrin hman hma a sawi chhuak ka ni a, chu thil chu sawi chhuah tum chiah pawh ka ni lem lo. "A ngai lo."
"Engtin maw?" Mak tih hmel zet hian a meng phar ve âk a.
"Ka room ah lo mu rih rawh, ka awm loh chhung chu i room angah lo ngai hmiah rawh, chu chuan tlemin i hna thawh turah pawh a chhâwk zangkhai ngei ang che tih ka ring, chu loah ka thawmhnaw chung chang chu ngaihtuah duh suh, keima'n kati thei vek a lawm, tih tur i ngah sa hrim hrim a, ka thawmhnaw tih lan kha chu ngaihtuah buai duh lem suh!"
A heh hnuai lam chu seh deuh niap niap pah hian, "A nih leh zan in hi le?"
"Kan riak dun leh ang chu!"
"Ka......"
A sawi zawh hma hma chuan a kut chu ka lo vawn sak a, "Tikhan i tan pawh tih tur a tlem phah deuh ang."
Chapo hmel zet a mi rawn en pah hian, min fiam zauh a, "Ka taksa hi kuah lo chuan i mu thiam tawh lo a nih hi, mut laia mi kuah i peih ropui si." A nui pah rah rah a.
A thusawi chhuah chuan min ti lai ve kher mai, zahzela khuh deuh khurh pah hian, "I hreawm tihlihna turin leh nuamsa zawka i awm theihna tura sawi ve mai mai a lawm ka nih."
"Chu ai zawng chuan min kuah peih ti a ka sawi na kha pawm záwk la, chuan ka mu leh dawn nia."
Ka mitko sαn khum deuh âwk chungin,"Eh, chuti em ni a? I thusawi kha vawikhat chiah han sawi nawn leh teh?"
"Oh, ka......."
A tih laia a biang rawn sen leh nghal ṭan ṭan tawh chu a ni ka lawm ṭhin em em chu.
"Ka thusawi kha pawm la, tichuan i zin rawn haw hunah i bulah chuan ka riak záwk dawn nia."
"A nih leh zan in hi le?"
A biang chu a hma aia nasa leh zual a sen belh leh sauh oah hian, "Yes." A ti ta sap a.
A lanah chuan kûn hnaiin ka hmui chuan a biang sen ṭan ṭan lai chu náwk sak pah chung hian a bengbul lamah chuan ka hrût phei zel a, a beng ka thlen hnu chuan ka phun khum sup a, "Kuah che hi ni e, nuam ka ti a, pangtilum i ngah a, chubakah i rimtui tel bawk."
Ka thusawi chu thudik tak pawh a ni. A chhan chu tukin zing ka harh pawh khan ka lo kuah chial tih pawh ka pha lo, a taksa nem tak mai chu ka bawp in ka khan sak bawk a, khami hnu a thil thlen dan erawh kha chu thudang ni ta sela.
Mi rawn kal pelh pah chuan, "A ṭha e, kha ti ang kha i duh dan a nih dawn chuan a pawi hleinem, i duh dan ang chu ni rawh se." A ti a.
Ka ṭhen khum suk a, a chhan pawh a bula riah leh chu ka duh tak tak a vangin, a thusawi pawh chu ka pawm thlap bawk.
******* ******* *******
"Engvanga nui vur vur reng nge maw i nih le?" Tiin Graham chuan min zawt a.
Kan zin kawng pawh kan tluang tho a, kan client te pawh an phûr phian a, kei pawhin a tuk zinga mi tur presentation leh thil dang vel te chu ka tifel vek tawh bawk a, Graham lah chuan,"A lawmnan zaninah dinner kan kil dun ngei tur a ni." a ti a.
Ka phone a ṭang a ka mit chu lâk sawn pahin, phone chu Graham kutah chuan ka pe a.
"Oh,zanin hian Penny ka tlawh theihloh avangin chocolate, caramel cheese cake lian pui mai ka thawn a, chuan ka cake thawn tui ti taka an eilai photo chu Katharine in min rawn thawn leh a.
Nui chunga phone mi pek kir leh pahin, "Penny hi chu i ngaina viau a ni tiraw?"
"Penny hian ka naupanglaia tu emaw ni min hriat chhuah tir ṭhin a." Tiin ka chhâng a.
"I chhung te em ni?"
Ṭhut rem pah chuan, "Nilo." Ka ti a.
A intur glass a kuta thai kual pah hian, "I chung châng thu hi chu i sawi tha vak duh ṭhin lo ti raw?" Ṭawngkam meinei zeta mi rawn tih pah chuan, "A bîk takin i naupan lai ngat phei hi chu!" A ti khauh a.
"Yes, khati ang lam pang chung chang sawi kha ka duh ngai lo."
"A nih leh i past life chung chang chu tu emaw tal i hrilh tawh em?"
"Yes, Katharine ka hrilh tawh!"
"E, i catalyst, i mizia thlâk danglam sak tu che.....nangmah thleng thleng thlâk danglamna tu hi maw!"
Ka lu chu thlék bak pahin, a thusawi chu a dik a ni ti a ka pawmpui emaw remtih pui chung hian, a chhan chu heti ang chung chang hi sawi chhunzawm ka duh loh a vangin, a ni pawh chu a ngawi ve vung vung a.
A suit hâk pocket a ṭang chuan envelope pakhat chu rawn phawrh chhuakin table a ṭang chuan a hma lama rawn ban pah hian a rawn dah thla a.
"Hei eng nge?"
Chu envelope cream colour chu khawn deuh kauh kauh pah hian, "Richard i ṭha lutuk, i ṭha mah mah ang, i thiam tak zet, kha footwear campaign chung changa board meeting kan neihna ah pawh khan, hnehsawh takin i ti felfai thiam a, ka lo rindan aimah pawhin i ti ṭha bawk, ka rin dan chauh pawh nilo kan company a thawk zawng zawng te rinai mahin i ti ṭha. Chu bakah he mi Kenner footwear company a ngat phei hi chuan i ti ṭha leh zual, i fakawm khawp mai, he i thil tihdan leh i thiamna hi fakawm ka ti tak zet; chu bakah khati ang hun tep ter tawh zetah khan leh he kan pahnih trip a i rawn kal thei leh zel te hi i fakawm ti bâk chuan sawi dan pawh ka hre lo."
Graham min fakna ṭawngkam zawng zawng ka ngaihthlâk a vang chuan ka hlimin nuam ka lo ti ve hliah hliah a, ka dang te chu a ro nghal hulh hulh hian ka hria, ka áwm a ṭang chuan a rawn tawt chho mup mup ni a ka hriat a vang chuan ka ṭawng chhuah hma in table a tui in chhawp chu ka in hmasa khawlh phawt a, "Ka lawm e Graham, heti ang a thil khirh tak tak rawn thleng te pawh hi ka tan a zirtur ṭha tak leh thil hlu tak vek an ni."
A envolope dawhkan chunga a dah chu ka lama rawn nawr hnaih leh zual pah hian, "Hei hi i ta tur a nih hi!"
Envolope chu ka lo ban a, ka hawng nghal a, a chhung a pawisa tam tham tak cheque ka gan hmu chu ka meng phar chiang kher mai, a amount ziah ka enah chuan hemi company a lut tura kan contract pakhat nen a awm a, ka mit la ta ber zawk chu he company a lut tur hian thla ruk chhung enthlâk an ni dawn tih inziahna line chu thâi chhiat a ni a, a ngaihna hriatloh hmel zeta Graham lam en pah chuan, "Hei hi eng nge a awm zia?"
Hlim hmel pu tak a mi rawn nuih suk pah hian, "Cheque kha chu i thawhrimna rah liau liau a ni a, i campaign neihna a kan client pawh kha a lawm lutuk a, chuan a campaign neihna zawng zawngah nangmah ngei tel ve ngei ngei zel tawh turin a ti bawk che a, chumi a tan chuan company ah pawisa tam tham zet mai a theh lut a, chumi zing a mi chu a ni e, i dawn kha."
Kan contract chu ngun leh zual a zu bih nawn lehin, "Thlaruk chhung enthlàk tur ti a inziahna kha in thái chhe daih tihna em ni?"
"Nia, khami chung chang kha chu tihian sawi fiah ta ila, a tir kha chuan a hma i mizia ngaihtuahin kan ring chiah lo che a ni Richard, nang pawh kan dinhmunah ding ta ang la, kan ngaihdan ang tho hi i ni ve hrim hrim ang, mahse nanglah chuan i mize hmasa te kha ban sanin i nun dan phung i lo thlâk danglam daih tawh mai si a, chu chu thuhran he kan company tan hian i theihtawp i chhuah tih leh i tha leh zung sengin tih tak tak na nen i lo bei zawk si a, Katy hi chuan a thlαk danglam hneh hle che chuan ka hria, a chhan chu nangmah a awm Richard diktak kha a phawrh chhuah sak che a vangin, he ka company hi i tan kan inhawng reng a, he hmunah hian i peih chen chen leh i thawh duh hun chhung zawng chu i duh chen chen i thawk dawn nia, nang nen hian kum tam tak kan thawh dun theih ngei ka bei sei." Tiin a kut chu a rawn phar chhuak a, kei pawhin ka kut lu lo lek chhuah ve vat pahin, kan in chibai ta a.
Ka ti thei ta, tunah chuan ka thil duh chu ka ti thei ta tak zet e, tiin ka rilru chuan ka sawi nawn mawlh mawlh a, hlim leh lawmna hlir hian ka khat nghal a, tunah chuan ka thil duh tak leh rei tak chhung harsa taka ka lo beih ṭhin chu tih hlawhtlinin a awm ta e. Gavins group ah ka awm ve thei ta, tunah chuan an mi rin tak nih ka hlawh ve ta hram e, ti a ngaihtuahin ka glim ru tak zet. Tunah chuan Gavins groupah ka hmun tur khuarin, awmna hmun ka insiam ve ta.
Ka mission task chu complete in a awm ta e. Chumi a ni emaw chhan tha tak neiin David chu ka bulah rawn kalin a company Anderson Inc a mi lâk let leh duhna avangin ka tan partner ship nihna leh pawisa tam tak ka rinphâk bâk a tam mi rawn offer dawn pawh nimah sela, he company hi ka chhuahsan duh tawh ka inring lo, mahse ka rilru ah erawh nuam tih lohna a awm tel tlat, engvangin nge Gavin group ah hian inbumna leh lemchan nena ka luh a ngaih kher na chhan? Chu thil a vang chuan hreawm ka ti lutuk a, mahse thlipui leh ruah pui rawn thawk khan keimahni ah vanneihna a rawn thlen a, Katharine nen pawh kan inpawh phah, Jenna pawh chu thlipui avang chuan kan in ah rawn luh phahin kei leh Katharine a ruk taka kan inpawhna min rawn hmuh pui a, chu chuan Graham ringhlelhna te chu a tih bo phah ni in ka hria.
Chuvang chuan Gavins group a hreawm tihna ka neihna avang hian tunge ka nih chiah leh eng ang mi nge ka nih tih lantir theihna hun ka duh a, inbumna a vanga lut pawh nimah ila, ka thiamna leh ka special na te ka lan tir a, ka theih ang tâwk a rim a hna thawkin Gavins group tan a ka theih ang tawk arima hnathawhsak ka duh ve tawh a a ni.
An ni phei chuan chuti ang lam chu an ngaihtuah lo a, ni chin lawka Graham min fakna ṭawngkam a ṭang phei kha chuan min duh zia a ti lang chiang hle bawk, mi a thil tih in fak a phu viau a nih chuan tute pawh ka aia sang pawh nirawh se mi fak an hreh loh zia ka hre chhuak tlat tawh a ni.
Anderson Inc ah ve thung kha chuan kan hna te chu kan thawk mawp mawp a, kan thawh ṭhat zia pholan a ni ve ngai lo a, keini aia mi chal lang zawk te chu politics lam pang khel thuam thiam an ni mai, chu'ngah chuan kan thawh ṭhatna pakhat mah ngaihtuahsak a en zui sak kan hlawh ngai tlat lo.
Ka hmazawna kan contract paper inpharh chu zu melh lehin, Jenna ngaihdan leh hmuh dan turah chuan, kan inneih dan chu midang te ang bawk a inneihna pangngai tak a ni a, Katharine lak aṭangin ka kut chu hla takah ka dah sawn thei lo viau bawk, kan nupa nun hman dan pawh a hlimawm dun ṭhin viau a, nupa inhnialna leh in tih thinrimna ho te te kan nei dun bawk a, mahse kan ching fel dun leh thuai ṭhin! Chuvangin Graham ngaihdanah chuan Katharine nena kan inkar hi chhum dum chhah tak ang ngawt a nilo a ni tih a hre chhuak ta te pawh a niang e.
Thu tak hmel zet hian ka lu ka bûk khum nghut nghut a, engmah ni dawn lo mah se emaw engpawh lo thleng dawn ang ni sela, hna rim takin ka thawk ang a, Graham lakah leh he company tan hian ka pawimawhna ka lan chhuah tir ngei tur a ni.
Eng ang pawhin awm dawn pawh ni se emaw eng thil pawh lo thleng dawn ni se, ka hlawh chhuak ang a.....chu chu ka rilru a ka tuh nghet tlat tur a ni tih ka chiang hle bawk.
"Ka lawm e." Ti in ka phun chhuak sup a.
Ka dara mi rawn ben sak thup thup pah hian, "Katy pawhin a lawmpui viau ang che tih hi ka chiang."
Chutih lai chuan ngaihtuahna pakhat mak zet mai hi ka rilru ah Chuan arawn lang a, Katharine chu kan ti thei a ni tih hrilh a kan hlawhtlinna hrilh hlán ka nghahhlel zia leh ka hrilh lai vela nuam ka tih dan tur zia vel chu ka ngaihtuah lo thei lo, chumi ah chuan feeling mak dang dai zet mai hi ka nei a.
"Nia, mahse in thlen hunah chauh ka hrilh ang." Nui chung chuan ka sawi a.
Ka bonus pawisa dawn tam tham zet mai chu ka en leh a, Katharine tana thil eng emaw tak leisak chu ka rilru ah a awm rauh rauh a, "Katharine thil leisak chung chang ka ngaihtuah a, kar hmasa lama amah thil leisak tumna rilru ka neih kha, he pawisa hian lei sak i la a ṭhat viau ka ring." Ka nui chhuak leh suk a.
A lu mi lo bûk khum nghut pahin, "Ruahmanna ṭha tak a nih chu, khulai kawng hnuai lam bul vel ah khuan jewelery dawr ṭha tak awmna ka hre tak a sin."
Jewelery maw? Chuti ang thil chu ka ngaihtuah ngai lo hrim hrim, mahse......
"A ṭha e." Ka ti chhuak ta zawk a.
No comments:
Post a Comment