THE CONTRACT CHAPTER THIRTY

THE CONTRACT CHAPTER THIRTY

Tunlai chu current kan nei ṭha lo lutuk a, a awm ve zawk a, a thi leh nghal hmiah zel.a, ka post thei dawn lo ti a rawn sawina tur battery pawh ka nei theilo a ni e, mualkhang khaw bul leimin nansa tak kha youtube lamah pawh inlo hmuh ve ngei ka ring a, chu chuan current thlengin.harsatna min siam sak a, solar ah charge in ka rawn dah hram a, nuamlo ka ti thei ve viau a tihngaihna lah a awm der bawk si lo, dawhthei taka min lo nghah hram hram ka ngen ta ringawt mai che u a ni e, tum angin ka awm thei silo a, kat leh lamah te chuan h a an thawk zo ve tawh turah ngai ila, kan kal dan pangngai ang khan kan chhunzawm.leh thei tawhin ka ring, leimin.kha la hmu velo tan a hnuaiah huan link ka dah a, a duh duhin inlo en ve dawn nia.

https://youtu.be/bKP4xCJyHsg

Khi khi a thei theiin min lo view sak ve ula, kan harsatna tawh lai mek hi min hriatthiamhriatthiam sak ka ring, tunah tak hi chuan ka post theih hun tur ka sawi lawk ngam lo a, theih ang ang erawh chuan rawn dah ka tum ang.



RICHARD......

Katharine chuan a coffee in pah chuan min rawn melh zauh a; contract dawhkan a awm chu a en nawn leh a, "Chhan engmah  lovin an trial period kha thla ruk chhung an enthla dawn tih kha an sut leh tawp amaw?" ka buk khum nghut a,ka kâ lah chu ka artui kan ei avang chuan akhat vek avangin hmui chip in ka bu ringawt a,ka artui Kan ei ka thial zawha ka lem hnu chuan ka nui chhuak ta suk a,"Ka rindan chuan Jenna rawn leng lut khan thil eng emaw tak athlen tir ani maithei."

Chutia ka thusawilai chuan ani chuan akut tin alo seh pah neuh neuh a,chuthil ka hmuh chuan ka ngaithei ta der lo mai a,ka kut a akut chu va hui sawn sak pah chuan, "Ti lo teh." ka tih khum a.

"Chutiang chuan engti angin nge i ngaih theih zawk le jenna arawn kal mai avanga thil thlengah engtin nge i ngaih theih zawk?"


Thawk ka la pah hawk a ka kiu chu dawhkan chungah nghatin ka kut chuan ka khabe ka dawm pah run run a, "Ngaihtuah ve teh Katherine eng angin nge Jenna khan min ngaih tih hi!  A rawn riah lai Khan nupa in ngai tawn tak leh in thlahlel tawn tak ni awm takin khum khatah kan mu dun a,tichuan kan inhau a kan inti thinrim a,inhnialna hrang hrang kan nei a, kan inngeih leh mai bawk a,chung thil zawng zawng chu arawn hmuhin ka rin dan chuan Graham bulah a thlen vek ka ring,kan chungah Graham rilru put dan adik loh zia pawh Graham bulah ahrilh fiah ngei ka ring bawk."

"Nia, ani ve maithei bawk." tiin min chhang a.chubakah Graham chuan ka thawkrim lutuk ti in leh ka thawk tha lutuk tiin ahnen atangin fakna tawngkam ka dawng bawk a,chuloah ahnena ka problem neih zawng zawng te bo tawh in bonus pawh ahnen atangin thahnem tham tak ka dawng bawk bawk a,
Katherine lam hawi a nuih suk pah chuan"Engkima min support na avang khan i chungah ka lawm e." ka ti a.

A ha var rual nalh tak lang vek khawp chuan min rawn nuih sâng a,chu thil chu ni hmuh ka duh thin chu ni,hetiang thil te te hian kan inneihna ah hian kan pahnih a inpawh tawnna min siam sak thin niin ka hria.

Ka thil lei sak chu ka hrechhuak zawk a,ka pocket chu ka dap a,bawm te phawrh chhuak in alamah ka nawr phei a," I ta tur a nih kha."  ka ti bung nghut a.

Chutih pah chuan ka coffee mug chu ka chawikang nghal bawk a,ka box te va nawr phei chu khawih pawh akhawih chhin eihlo tih ka hmu;  hetiang hmeichhia Katherine ang hi ka hriat ngai pawh ka la hre lo.

Ka hmeichhe kawp thin te kha chu ni se zawng, a zawhin min zawt leh chung chung tawh zawk ang a, khawih lampang chu thuhran nise anni te chuan in min lei Rawh tiin internet atangin emaw an duh zawng tak chu la in min entir leh ngawih ngawih tawh  awm si a.

Amaherawh chu Katherine chu chuti ang mizia nei ani tlat lo.
"I bonus dawn Ve anih kha." tih pah chuan ama lam hnaih leh zual tur in box te chu ka va nawr phei leh zauh a,"Hawng rawh, a seh hauhlo ang che." ka tih khum bawk a.

Chu box lak tum a a ban lai chuan akut chu akhur dar dar tih ka hmu thei!




Chu bawmte chu la in ahawn hma loh zawng chu eng ang hmel nge aput a eng ang ngaihdan nge aneih ahmel ah chuan ka hre thei lo a,
Mahse bawm ahawn veleh a ahmel han eng chhuak tur leh a hlim hmel rawn lang tur chu ka hmu châk viau bawk si. Chutiang thil suangtuah chung chuan ka lo thlir reng a.

Bawm te  a hawng achhung a diamond ahan hmu chiah chu amitmeng chu ade sar sar a, a hmel pawh arawn eng chhuak bawk a aduh tur chi tak ani tih ka hre bawk.
Ka zungbun pek a diamond awm chu a danglam phian a Katherine duh chi tak ani dawn tih pawh ka hria.

Zungbun a diamond chu alian hran em em pawh anilo, mahse engtin emaw tak hian a dangdai ru riau a,chuati ang chu Katherine chuan aduh ngei dawn tih ka ring tlat ani,chuvang chuan kha thil dawr a ka hmuh atang khan he thil hi ka enchiang duh ti pawh ka ni reng a
Graham pawh in ahmuh chuan abu ve nghut nghut a,hei ngei hi Katherine duhzawng ani ang ati ve bawk a nih kha.

Katherine chuan chu bawm te a thil awm a enna atang chuan a rawn hawi chhuakin, "Ka hrethiam lo." arawn ti a.

"Gift anih kha Katherine."

"Engvangin maw?"

Thawk ka la deuh hrawih a, " I phu a vangin." envelope a Kan contract chu zu khawih zauh pahin,"I tello chuan he thil hi engtik ah mah ka hmu ngai dawn lova, chuvang chuan ilaka ka lawmthu sawina ah pawm rawh." ka ti a

A thil tih tawh ho zawng zawng chu ka ngaihtuah let leh a, ka tana apawimawh na te  leh engkim ka chunga min tih sak tawh ho zawng zawng te chu ka ngaihtuah kir  leh a,Katherine lakah hian lawmthu sawi mawlh mawlh tur ka ni tih pawh ka inhrechiang hle;

"A nalh hle mai." ati chhuak sep a."

"Bun ta che." ka lo ti a.

Bawma zungbun chu la chhuak in akut zunglai hmeichhe ho in a zungbun an bunna ber thin dinglam pangah chuan abun ta a. "Ka tawk chiah."akut chu va laksak ve in a zungbun bun inhmeh tak mai akut nena inchawih tak chu ka thlir pah vawng vawng a chumi hnu ah counter ah chuan ka nghahsak leh hnu in," I duhzawng ani em?" zam deuh tak hian ka zawt deuh sup a

"A..ka ,a aaa..."a aw chu atang deuh chaih a,engmah asawi thei lo,mahse ahnu ah thawk lak deuh halh pah hian, "Nalh ka ti takzet."

"He thil ka lei dawn hian bengbeh ka lei sak che ka rilruah a lang zawk a, mahse Jemna leh Laura khan an kut dinglam zung tangah zungbun an bun ani tih ka hmuh avangin i duh ve ka ring leh ta zawk a, chuvang chuan hei hi ka lei ta ani. Amaherawh chu bengbeh  iduh leh tho anih pawhin kan lei leh dawn nia. alu mi thin khum deuh nghat pahin,"A ngai lovang, hei hi a tha e." ati a

Katherine chuan akut a zungbun awm chu a melh van vang a,a meng hnuai raih mai bawk a,oh God a ṭap leh dawn a va ang ve,hun lal tawh ngaihtuah kir leh in a lung a chhe leh ta thut tihna em.ni?

A hmel put dan lah anguai raih mai bawk si;  ahmel ngui lutuk tih harh nan chuan ka kut ka beng chhuak zauh a,"I ti tha e, anih chuan bengbeh chu nidang atan kan khek mai dawn nia, kan aniverssary athlen huna leiah i khek mai ang aw, achhan chu Gavins hian celebrate aduh leh ngei dawn tih ka chiang a, chumi a present tur che atan chuan Kan khek mai dawn nia."

A aw then deuh kharh pah chuan stool atangin atho chhuak a "Ka ring." Tihpahin thlengsilna hmunah chuan kal phei a, a coffee no chu ava dah a, chumi hnu ah ka thutna chair bulah chuan arawn ding a.chutia arawn din na chuan min ti mak min tih tir in min ṭhawng kher mai,mak ka tih leh zual tur ngei a rawn che in ka biang chu akut leh lam leh lam in arawn khuap a,chutah maimitchhing diar diar chungin ka hmui chu aheh in arawn tawk da da bawk a dam zet hian min rawn fawh sak zauh a,"Richard ka lawm e." tih leh sap pahin akal sawn leh ta a,ka chair chu her remin akal ta chu ka thlir zui a, inchung lam Kan room lamah akal chho tih ka hmu a,khatiang a ka biang rawn khuap paha mi rawn fawh na avang khan, ka taksa ah engthil emaw tak nuam tihna a awm leh tawh tih pawh ka hai lo,amaherawh chu khatiang a min rawn tih avang khan, keipawhin lo kuah let ve a duhthawh zet a lo fawh duhna rilru ka nei ve ani tih ka in hriat chhuah chuan mak ka inti viau bawk.

  ****                  *****              *****

Mit zím san pahin Penny chu ka melh phei a, a hma a jazz music kan en tawh band ho khan fucntion programe an nei leh dawn a, chu chuan min ti phûr hle bawk.

A maherawh, zanin zet chu Penny chu mood off zet ang mai hian a awm tlat a, vawi tam tak a mittui a bianga luangthla a hru hul lai ka hmu ru a ni.

"I ṭha maw?" Ti a amah nfaihven taka vawi tam tak ka zawh pawhin, nin hmel zeta a kut mi vai khum pah chuan, "Engmah a nilo, ka tha lutuk." Tiin min chhâng zel thin a, mahse a awmdanah chuan a pangngai chiah lo tih chu a hriat theih lutuk.

A wheel chair chu nawr sakin a room lamah ka hruai let leh a, a room a eitur a tana ka ken sak chu a hmuh chuan a hlim leh maithei tih beisei na nei chungin, a hma pawhin Katharine chuan min hrilh hre tawh tho a, tunlai chu thil a ei tha duh lo a, a thil ei a tui ngai lo tih pawh ka hre ru rebg tho; a caretaker min hrilh danah pawh vawiin chhun lam a lunch kha chu a ei ve hram a, a chhan pawh Katharine in a pek a vang chauhin, zanlam dinner erawh a ei duh bo lo tih min hrilh tawh nghe nghe a ni.

Katharine chuan Penny awmdan chu a ngaihtuah lutuk tih pawh ka hria, a yoga class kal pawh ṭhulh a tum hial a, mahse ti hram hram tur in leh kei mah ka awm tho thu ka hrilh avang chauh a kal lui ta a ni nghe nghe a. A yoga class kal chu vawihnih chiah kal a ngaihtawh thu te hrilhnawn lehin, tuesday leh ah chuan Penny hmu tura a kal theih tawh tur thu te ka hrilh ṭha leh a, kei ngei pawhin Penny hmu lo tawp a han awm chu ka huphurh ve hle a, mahse thla thar lamah Katy yoga class neih chu a inṭan leh mai dawn a, chumi hunah chuan keimahin ka hruai leh thei dawn tih ka ngaihtuah leh a, chu chuan min ti phur sawt bawk.

Zanin a Penny nena kan hun hman nuam ka tih ber ṭum chu Katy chung changa Penny in thawnthu min hrilh chu ngaihthlâk nuam ka ti tak zet, a chhan chu Katharine chung chang thu a tetlai story sawi tur tam.tak a nei a, ṭhenkhat a tam zawk te phei chu Katharine in a hriat pawh a hriat chhuah zawh tawhloh tur te an ni hlawm a, thil nuihzatthlâk tak tak a sawi tel bawk a, ka nui nasa kher mai, chuti ang reng reng a ka nuih nasat pawh ka la hre lo.

Penny hmazawnah chuan ṭhu in pizza box chu ka la chhuak a, nui pahin ka hawn sak a, Penny chuan hmel hlim sang chung hian, "Voila." A ti chhuak hliai a.

Cheese burger tih loah chuan pizza hi a thil eiduh ber te zingami pakhat a ni tih ka hriat chhuah hnu phei kha chuan pizza hi ka hawnsak deuh châwk a, hman deuh hlekah phei kha chuan Penny pizza ka kensak ṭum chuan chu hmuna staff zawng zawng tan leh a duh a piang ei theih turin ka keng ṭeuh a, khami ṭum.kha chuan chuhmuna a changtupa niawm zet in ka che, mahse vawiin ni hi chuan a ma tan chauh ka ken sak thung a, plate a ka chhawp sak slice khat chu a keng ve na achu ei erawh a tum reng reng lo.

Rilru hah zeta thâwk chhuah hawk pah chuan a pizza slice ken chu ka dah kir sak leh a, pizza boxah chaun ka dah kir leh ta hlawm a, box chu chhin ṭha in ka tuam ṭha leh nghal a, Penny kut phah chung vun chuar zet tawh chu duat tak hian ka chul sak a, thâwk rawn lâk rik ve hak pah chuan, "Ka chau deuh riau mai." Tiin a sawi chhuak a.

A nih Conie ka koh sak ang che aw, i mutna turin khum te a siam ṭhat sak ang che ang a." Tamy chawlh lαk laiin Conie hi Penny enkawl tu pakhat a ni a, Conie pawh hi a mi ngainat te zinga mi tho a ni.

"No, ka mu duh lo." Tiin min chhâng a.

"Ka va'n hrethiamlo."

A kut ka vawn sakna a tâ chu la sawnin, a chal chu a kut a chu han deh zauh pah hian, "Heti ang thil zawng zawng hi ka ning, ka hne tawh, ka chauh phah." Tiin min chhâng leh a.

"Anih chuan i room zawk hi i ning deuh tawh tihna em ni?" A room hi a ning deuh tawh emaw hei aia ṭha a duh anih pawhin ka sawn thei reng tho a.

"Khati ang thil i hrethiam anih ngai chuan, heti anga awm leh ka hringnun hman dan ho hrim hrim hi ka kham tawh."

Heti anga a ṭawng hi ka la hre ngai hauh lo, a sawi chhuah vawikhatna a ni hial ang. "Penny......" ka kur chu nghet charh a mi rawn vawnsak pah hian, "Richard thil ka theinghilh fo ṭhin a, vawiin ni te pawh hi a la kal reng nge nimin a ni tawh zawk nge, naktuk a lo ni daih tawh tih te hi ka hre ngailo a, Katy hi mon hmu turin alo kal ṭhin bawk a, chu oawh chu nichin lawk khan a rawn kal nge, nimin lam a ni tawh nge, hmanni daih tawh ah a rawn kal zawk, nge ni a rawn kalna hi kum tam tak hnu ah a ni tawh zawk nge, tunah mai khan rawn kalin a chhuak chiah tih pawh hi ka hrethiam.ngai ṭhin lo."

"A chang lahin ka haihawt na a chhuak nasa lutuk a, thil tam tak ka hriatna hi a bo vek a, ka buai nuai ṭhin bawk; vawi tam tak Katy ngei pawh hi ka hre chhuak zo ṭhin lo a ni tih pawh hi ka inhre chiang hle bawk."

A aw chu a khúr nasa hle a, a mit ah lah mittui a tling pam a, chu cang chuan a mitmu rawng merble fim tak ang mai pawh chu a che chiai a, "A chang phei chuan keimah leh keimah pawh hi tunge ka nih tih ka inhre chhuak zo ṭhin lo."

"Katharine pawh nitin nangmah tlawh turin a rawn.kal ṭhin a lawm, a ngaihtuah ṭhin lutuk che. Nangma'n lo theinghilh ta pawh ni la, a ni chuan a engtikah mah a theinghilh ngailo ang che, engtik lai pawhin i bulah a awm reng ṭhin ang."

"Katy tan chuan a life a phurrit mai chauh ka ni." Ṭah chhuak zetin a heh chu a pet sawi a.

"Nilo e, khatin inngai hauh suh, a tan phurrit i ni hauh lo." Ti a ṭang ve in, "Katy hian a hmanaih che a sin." Ka ti leh a.

"Anih leh nang chuan min ning tawh in min kham tawh viau ang ti raw?"

"Engtin maw? A teuhlo amai, ka hmangaih che a, ka chhungte ang tlukin ka en tawh che a sin, kei chuan i bula hun hman te hi nuam ka ti zawk, Penny ka chhungkaw zinga pakhat angin ka en tawp tawh che. Katy nen kan inneih hnu ah leh lek phei chuan ka chhungkaw zinga member pakhat i ni tawh a lawm."

Chu thil ka sawi chhuah aṭang chuan keimah ngei pawh thu dik tak ka inhrilh tih ka hre chhuak a.

"Kei ang pitar enkawl reng lo hian, a ma life chung chang ngaihtuah a duh ve tawh ang, fa neih te hlimtaka awm te pawh a duh ve tawh ngei ang, chhungkaw din tih ang te."

"Heti ang hian tinge i ṭawng chhuah tαk mai, Katharine hian a hmangaih che a vangin i tan chuan engkim a huam a, kei pawhin chuti ang bawkin i tan chuan engkim.tih hi ka huam bawk."

A kut chu hum sakin ka dawm kang a, ka fawh sak zauh bawk a, a mita en chung chuan, "Khawngaihtakin Penny heng i thisawi hi Katharine hriatah sawi lo hram ang che, i sawi anih vaih chuan a rilru i ti na ngawt ang."

Thâwk a la halh a, "Burt hi ka ngai ṭhin kher mai."

"Ka hria a lawm, i pasal a ni a, kum eng emaw zat in innei tawh a, i ngaih dan tur chu ka hriatthiam.pui lutuk che."

"Kum sawmli lai maw le." Ti a mi rawn chhan pah chuan, "Kan hausa lo mahse hmangaihna kan nei a,kan pahnih in kan inhmangaih dun em em a, a ni kha eirawng bawlthiam tak mai Chef a ni ṭhin tih kha ka hrilhtawh che em kha?"

"Aw, min hrilh tawh e." Tiin ka lo chhang a.

A dam lai kha chuan kei teacher ka ni bawk a, kan nupa kha kan inhmangaih bawk nen kan hlim dun ṭhin a sin, min boral san tak hnu kha chuan ka keh chhe vek a, he ka thinlung hi a laiah tak min pawh thler sak se chuti angah chuan ka ngai, a tello chuan engtin nge ka nun ang tiin leh a tello a hringnun hman zuam lo tak leh khawhar tak chunga ka awm lai tak chuan Katy hi ka hringnunnah a rawn lut ta a, tunah chuan Katy hi ka engkim a ni tawh."

"Katy pawhin a mamawh che a lawm."

"Ni e, mahse tun ang dingmunah tawh chuan min mamawh ka ring tawh lo."

"Nilo, i sawi diklo, a la mammawh reng che."

"Richard a ni hi chu ṭha takin min lo enkawl sak ṭhin ang ti raw?" Tiin min rawn zawt a.

"Enga tinge khati ang lampang hlir mai i sawi le? Khati ang lam chu sawi tawh teh suh! Katharine in a hriat phei chuan a kehdarh chiang viau ang tih pawh a hre chiang ber tu i nih kha."

A ṭhutna chair nghen chhan chu nghen deuh ar ar pah chuan a maimitchhing diar diar a, "Ka chau khawp mai." Tiin a rawn phun chhuak.sep bawk a.

A thusawi ho a vang khan ka rilru a buai kher mai, ka hlauthawng bawk nen, a heingnun a kham tawh tak zet tih a sawi te nen lam chuan hlauhthâwnna in min tuam a, a taksa te lah a che ṭha thei bawk tawh silo nen, a thluak lam lah chuan hna a thawk ṭha thei tawh bawk silo, a ngaihtuahna te a ti buai vek mai tawh bawk si nen, ka ngaihtuah kher mai.

A lama va kun hnaih pah chuan a bengbulah chuan ti hian ka phin khum sup a, "Ngaihtuah duh reng reng suh, i Katy chu keiman ṭha takin ka enkawl sak ang che; mamawh neiin ka siam ngailo ang, a mamawh engkim ka tihsak theih chi anih phawt chuan tihlawhtlinsak ka tum ngei ang, mamawh neiin ka siam ngailo ang tih ka tiam a che, nangpawh beidawng mai lo la, Katy hian ala mamawh remg che a nia, tih hi i hre reng dawn nia." Ka ti a.

Harsa ti zeta rawn meng chhuakin thlalak pakhat chu arawn kawk va a, "Khi thlalαk khi min lo pe teh!" A ti a.

Chu thlalak chu Katharine nen a kan pahnih kan inneihna thlalak Katharine rawn ken sak kha a ni a, thlalak chu lαk sakin a kutah chuan ka pe a, chu thlalak chu a melh vang vang a, a nui pah sak bawk a, thlalak chu a kut ṭanga chhui riai riai pah hian, he thil ka enlai hian ka bulah Tammy pawh a awm ve a, hetah chuan chhungkua pawh kan ang hlawm ti raw?" A rawn ti a.

"Burt ka chân tawh hnu a ṭang hi chuan Katy hi ka engkim ani tawh mai a."

"Ka hria a lawm." Tiin ka lo chhâng ve a.

"Ka rindan ang ngeiin a fing a, a taima bawk a, dawhtheihna a nei bawk a." A ti leh a.

"A hmel ṭha a, tin ang maiin a khawng ṭha hle bawk, chumi ah chuan nangma'n enkawl dan i thiam em avang in." Ti a ka sawi chu a ngaihtuah rauh rauh a, zâ zet hian a rawn nui chhuak ta a, zanina a nuih chhuah ve vawikhatna anu hial ang.

Ka lama rawn âwn hnaih deuh pahin ka biang chu a rawn beng thak thak a,

"Mipa fel tak leh rilru ṭha tak i ni." Tiin min fak a.

Chuti anga a thusawi chuan min ti hlima, min ti lawm bawk, churi ang ṭawngkam.chu ka chungah tumahin an la hman ngailoh avangin.

A kut chu bawhthuah sak a hum vang vang pah chuan, "Min la awmpui zel ang che aw, Katy hian i lak aṭangin hun ṭha tam tak tawn tur a la nei si a." Ka ti a.