THE CONTRACT CHAPTER TWENTY TWO

THE CONTRACT CHAPTER TWENTY TWO

RICHARD

chuvang chuan he ka thil ngaihtuah hi ka tih tâwp rih a ṭul, chuti ang ngaihtuahna min thlâk danglam sak thei tu tur chu gym chauh a ni tih ka hre chhuak a, gym ah kalin ka practice nasa a, chumi hnu chuan bathroom lam panin shower ka hmang leh a, chumi hnu ah ka room lam chu ka pan leh ta a, Katharine chu rawn kalin nichina kan thusawi kha chhunzawm leh a rawt ka ring deuh a, mahse lokal ta lo chuan inhnuai ka zu thleng thla leh eitur siamin a lo buai hle tih ka zu hmu a, ka awm ve a ni tih pawh a rawn ngaihven hman lo, va tibuai hran pa tawh lo in ka kalpel a, ka study room lam chu ka pan san ta a.

Ka desk ah chuan sandwich plate a inchhawp leh coffee flask a awm sa ka va hmu a, chung thil ei in pah chuan Graham offer chu ka bihnawn leh ta a, ka file inlama ka hawn ho chu ka buai pui leh a, ka buai ta phian, chuvang chuan Katharine pawh tlai lamah chiah ka hmu leh hman chauh a ni. "I ril aṭam tawh anih chuan dinner peih tawh a ni e." A rawn ti a.

Ka mit sir rulh ringawt.

"Richard light eng ṭha i mamawh." Min rawn kal pel a, ka dawhkan kilkhat a lamp awm chu a rawn hmet eng zauh a, mi búk khum zeuh pah hian, "Tarmit i mamawhin ka hria, a chhan chu i thil chhiar hi i bih hnai thei mah mah."

Ka en chhuk a, a tih dik zia pawh ka hria.

1. "Doctor hnenah appointment ka lo siam sak dawn che nia." A heh mi peh khum zeuh pah chuan a sawi chhuak a, "Ka assistant aṭangin i la bang lo a ni maw." Ka tih khum.ve khauh a.

Mengkual khum rulh pahin, Ka nui chhuak pah hawk bawk a, friday a Amy ka hmuh khan ka duhzawng ho ka hrilh dawn maw katih nak laiin a list siamsa min entir khan min surprise záwk mah, underson Inc ai chuan Gavin group kha a danglam khawp mai, ka awmloh laiin ka ai a awh tur a ni a, thil engkim a tifel ang a, eng emaw châng chang chuan coffee te pawh min lâk sak ve ṭhin ang chu pawh hun pawimawh ah chuah, mahse a nazawngin dry clean min tihsak lo ang a, ka in turin coffe leh bagel pawh min lâk sak lo ang, mahse Amy chu ka lakah a ṭha hle a, coffee machine hman dan leh chung ka thil duh leh mamawh ho chu khawi hmunah nge ka hmuh theihna hmun tur tih te min hrilh hre vek a, chung thu Katharine bula ka sawi chuan a nuih a za nasa mai, nui vak vak chung chuan room chu a chhuahsan a.

"A nuih zatthlak hauh lo." Tiin a hnunglam aṭang chuan ka âu zui a.

"Oh, mahse a nuihzatthlâk si a lawm." Rohalh a mi chhânlet pah hian chu hmun chu melh kualin a thle bak a.

A sawi dik leh chiah tih ka pawm ngei a ngai ang, coffee la tura ka ke penchhuah tirna ringawt chuan min tih hreawm ka ring hran lem lo. tun aṭang chuan Amy bulah pawh nilo in keimah ngei in ka cream cheese leh ka bagel tur ka lâk a ngai tawh ṭhin ang, Katharine in a tih reng záwk kha ka duh a sin.

"Christ, ka upa ṭan tawh a nih hi!" Ti a phun chhuak keh supin, "Tarmit nena chhiar chu!"

A nui chhuak ve hak a, "Yes, kum sawmthum pahnih ah chuan i upa deuh mah mah, hei aia lan ṭhat hi i tum a ngai ang."

Ka mitko sân khum deuh áwk pah hian, "Oh yeah? I sawidanin tarmit ka bun chuan ka lang sexy zual phah sauh ang i tihna em ni?"

"Engmah chuti ang lam ka sawi lang lo, i ngaihtuahna i kal thui pui deuh mah mah niin ka hria, dinner i duh chuan kitchen lamah a awm a nia."

Nui chhuahsuk pah chuan light chu ka off a, kitchen lamah chuan ka zui phei ve nghal a, chutia ngaihtuahna fim hman tum tak a ka awmlai chuan ka tet lai hun kal tawh hnu ka ngaihtuah kir leh a, ka tetlai hun a ka nu leh pa chung chang thu chiang taka hriat ka la neih chu, nupa inngeihlo tak an ni tih kha ka thil hriat chian te zing ami a ni.

Ka nu nise a,diklohna engmah pawm duh neilo in a ang char char ṭhin a, ka pa lah chu ka nu âng leh phunri ngaih theihlohna avangin thinrimna a siam leh thut thut ṭhin a, a tâwpah an pahnihin inhauhna an ti chhuak leh nge nge ṭhin, chu chu ka naupan hun laia ka nu leh pa te awm dan ka hriatreng te chu a ni.

Katharine chuan ka naupan hunlai thil a sawi chhuah leh hlâuthawng zeta ka awm lai chuan eng thil mah a sawi chhuah leh loh avangin ka thaw huai mai a, chuti lam ai chuan dinner kan eilai tak chuan ka lamah rawng lam pang chip pakhat hi ka lamah chuan arawn nawr phei a, "Hei hi green colour deuh hlek a ni a, eng nge i ngaihdan?" A rawn ti a.

A rawng chip rawn theh phei chu ka lo enchian sak a." A hmeichhe rawng mah mah lo maw?"

"Ka room a tan a ka tih a nia."

"I duhzawng anih chuan a ṭha a lawm." Ka ti ve sup a.

Rawng dang chu arawn theh phei leh a, ka lo la kang a, chu rawng chu rose wood colour hi a ni a, tuna mi hi chu a rawng pawh a zia in a pa viau bawkin ka hria, "Hei chu ka rawng duh zawng chi a ni a, mahse eng atan nge?"

"Fire place lai kha he rawng hi hnawih ka duh deuh a, chuan room hi a kah éng phah deuh bawk dawn a ."

"Bang pakhat lek chu maw?"

"Aw, a dang ho chu cream rawngin ka thlâk bawk ang."

Kei chuan engtin nge a kah éng  theih ang tih pawh hi ka hre thiam lo ve.

Chumi hnu deuh hlek chuan a rawng min entir ang lam pang puanthan them hi min rawn peleh a, "Hei hi eng a tan nge?"

"Sofa cover a tan leh tlemin ṭhuthleng hi dah belh a ka duh deuh a."

"Eng atan nge ṭhutthleng dah belh a ngaihna?"

"Tlema han tih danglam deuh ka duh vang a nia, fire place ah hian ṭhuthleng awm belh se katih vang deuh mai mai maw ke, chuan ṭhutthleng pawh a tam phah bawk ang." A mitmeng chuan ka chhânna a nghak reng hian ka hria.

"Ti ang hmeichhe thil té tham tak tih neuh neuh hi ka peih vak lo."

"Ngaihtuah suh! A lang nalh in a fel fai zâwk ngei ang, chuti anga  hmeichhe thil ang lam chi chu tih ka tum hauh lo."

"A nih rawnghnawih chu tu in nge ti dawn?"

"Eng rawng hnawih maw?"

"Room bang vel rawng hnawih turin tunge i chhawr dawn ka tia nia."

"A hma ka room pawh ceiling pangngai ang vek tho a ni a , Panny nen kan ti mai zel a, a hahthlâklo, ka ti thei em em ang, keiman ka ti ang a, engkim a dik zaih mai ang."

"A tûllo reng reng."

"Nga ti maw?"

"Enchhin ta che Katharine, room zau zia leh bang sân zia te hi, bang hi 12 feet lai a ni tih te hi hmu ve bawk la...."

"Okay."

"Leilawna lawn chung leh khati ang derthawng taka awm tur che in ka phal reng reng hleinem che." A thutna chair lam hawi pah chuan ka ti a.

"Mahse painting hi nuam ka tih zawng tak a nia."

"Nileh tihian ti teh ang, i room hnawih phawt la, kan en anga, chumi hnu ah chuan painting chung chang chu kan la sawi zel zâwk dawn nia."

Chu a rawng chip pakhat min pek chu counter a thehthlâk leh pahin, heti ang thil tih hi hmana mi ang khan a ngai tawh lo tih leh harsa taka hun a hman pawh angai tawhlo a ni tih hi engtin nge ka hriat tir theih ang aw, heti ang ti tu tur chu midang ka ruai thei a ti rilru chung chuan tlema ka aw chu ti dam in ka hrilhfiah leh ta a, "Heti ang thil hi i tih a ngai tawh hleinem, keiman he'ng thil ti tur chuan midang ka ruai mai thei a lawm, chuti ang thil an tih manah pawisa kan pe mai ang a."

"Mahse keimah ngei in a painting tih chu ka duh si a lawm, chuan ka fimkhur viau bawk ang."

"Okay."

Chumi hnu chuan puanthem pakhat ka mit la tak chu ka hmu leh a, a rawng chi navy blue leh green mix deuh angchi hi a ni a, ka thlir chhuk vung vung hnu chuan, chu thil chu room a tana hman tur ang chi puan ni pawhin ka hre lo bawk.

"I nalh tih zawng a ni em?" Tiin min zawt leh a.

"Uhm, nalh khawp mai, a rawng pawh hi ka mit la chi tak a ni bawkin ka hria, mahse eng ah nge hman i tum?"

A ngawi reng a, hnuailam chu a melh chhuk ngar ngar a, chumi hnu ah ngaihdan ka nei ta thut a, a awm dan aṭang chuan ka room chung chang anih ka ring ta nghal a, "Eng tin maw?" Ka in rin hman hma chuan ka ti chhuak deuh ṭhawt a.

"Room zawng zawng ti tura ka riruat fel hnu in he rawng hi ka hmu leh a, room dang ho ka tih zawh vek hnu ah he thil hi i room atan leh nangmah nen a inhmeh dawn riau a, chuan i room pawh tlem a zawngin ti danglam hret ila tih ka lo rilruk deuh a ni." Ṭi deuh dai chung hian a ti a.

"Mize inpawlh ang chi ah min ngai em ni?"

"Nilo ve." A nui deuh tat tat a, "He rawng hi i mitmu rawng nen khan a inchawih riau a, chulo ah pawh rawng hring leh pawl hi a inpawlh mawi hle in ka hre bawk a, a nalh dang dai phian ang ka ti a."

Engmah chhan dan tur ka hre lo leh tawh kei chuan, mahse ka hmel erawh zam deuhna avangin a sen ve ṭawn ka ring, puanthem chu ka thehthla leh a, ka ding chhuak nghal bawk a, "Thildang ho kha enchhin phawt ila, duhleh nakin lamah kan la ngaihtuah ṭha leh zawk dawn nia, thil dang te a la awm em?"

"Ka ....ah painting ka tihlai hian ka closet hi tih ruah a ngai dawn a, chu chu engtin nge ka tih ang tih ka ngaihtuah deuh a."

"Ka closet hi a zau a, ka thawmhnaw dahna atan paw'n a chan ve vel ngawt hmunawl a la awm a , chu chu i duh a nih chuan i rawn hmang ve rih mai dawn nia, ka thawmhnaw khaina chung lamah i khai rih ve mai ang a, ka closet hi a lian in a chang kang a, ngaihtuah duh suh! I thil chu a leng vek mai ang."

"Pawi i ti lo ang maw?"

"Ti lem lo e."

"Thank you."

Ka room lama ka kir leh hnu chuan Katharine thusawi chu ka ngaihtuah kir leh a, a sawi ho chu rawng hnawih chung chang leh thil thlâk dang lam chung chang te, sofa cover thlák danglam chung chang te a ni a, ka nupui nen chuan chuti ang thil lampang chu kan sawidun ta der mai chu a nia le; heti ang hi ka thil ninzawng tak a ni ṭhin a, mahse tun ṭum zet zawng nuam ti tak leh ning lo zet chungin ka sawi pui thei a, kei pawhin chuti ang thil sawi chu ka nuam tih zawng ang takin ka sawi pui thei tlat; kan thusawi ho zawng zawng ka ngaihtuah kir hnu chuan ka nui chhuak suk a, kan landanah chuan chhungkaw dinthar te pawh kan ang riau a hriatna ka nei.

*****       ******       ******      *****

Khawpui a ri dur dur a, khua lah a dur khup khup mai bawk a.
Vawiin ni zet chu office a rehin kan buai lo kher mai; nidang angin thawm ri va rinuai nuai hriat tur pawh a awm lo. Ka lu a nat em avang chuan ka lu a ṭang a ka nghawng hnunglam thleng chuan ka kutin ka tuaithla puat a,heti anga khua a han dur khup tawh hi chuan ka lu a na ngei ngei zel; Jenna lahin office a chhuahsanna a rei tawh a, Graham lahin Laura surprise weekend hman pui turin a hruai bo daih a, Adrian lah bussiness trip ah a kal daih a, Adam lah chu a client te nen an buai viau mai bawk a, staff dang ho lah chu mahni tawkah an buai ve nak nak bawk a; Gavin group hi chu Anderson Inc ai chuan a danglam khawp mai.

Lo buai viau in hnathawh tur tam viau ṭhin mah se, an hnathawh hrim hrim ah hian ning zawng a che hauhlo in leh phûr tak in an thawk sang sang a, rilru hlim tak chung in an tih tur a tuk ho chu an thawk mai zel ṭhin; Anderson Inc ang nilo in an phûrna te chu a ṭha lam zawng hlir a ni bawk ṭhin, mi elna pakhat mah an nei ngai lo a, an tih theih tawkah an lawm in a lungawi thiam hle bawk a, mi a tih theih chin bak bak hna an tuk sak ngailo bawk.

A,hma a anlo sawi tawh dan ang khan tute pawh mai chu team khat ang maiin an thawk tlang vek a, tumah inel tih ilo an nei ngai lo; administrator, PAs te leh designer te thlengin..... tute pawh mai chu an in ang tlang vek a, tumah duhsak bik an nei hek lo, duham bik lah an awm hek lo; an zavai mai chuan an hna ṭheuh ah an inlungrual em em a, it sik tur lem chuang an awm ngai lo.

Gavin group a ka awm chhung reilo te chhung pawh hian, bussiness khawvel danglam tak chu ka tem ve ta ni ngei in ka hre bawk. Kei ngei pawh chu he company thar tan a inmil tawk tur ang chuan inbuatsaih ka tum a.

Ka condo ah ngat phei chuan hmeichhia hi chu ka hruai khat ṭhin khawp mai.

Thâwk chhuah hawk pah hian he thil hi ka ngaihtuah ta a, he company tan hian inbuatsaih ka tum nge ni a, Katharine tan hian insiam rem ka lo tum reng záwk? A hma te chuan office tlai tawk tawk ah ka bang a, dinner ti ang reng chi ah leh hmeichhe tam tak ka kawp a, relationship leh date ang reng deuh a ka kalpui chang pawhin a rei ngai lo; nihnih nithum vel bawr hmeichhe ngai ka kawp tlangpui ṭhin! Chumi a ni emaw ka Condo ah hian dinner eipui turin ka hruai ve zauh zauh ṭhin a, chumi hnu ah an haw leh mai ṭhin! Zanah erawh ka riah tir ngai lo.

He ka Condo hi ka private hmun ka tan bík liau liau a nih ang ngeiin, ka tan ka dah pawimawh a, hmeichhia ka kawp anih chuan hotel ah te anih loh pawhin an inlamah te ka riah pui záwk mai ṭhin a, ka condo hi chu ka tan bík ka dah special thei hle ṭhin a ni.

He ka condo ah berkher hi chuan hmeichhia hi ka hruai lo tih tur khawp a ni ve a, keimah in hun ka hmang deuh ber ṭhin, ka hman changin kitchen lamah lutin eitur ṭhenkhat theirah ilo vel leh intur lampang leh coffee inna hmun a tan leh ka awl changa TV en nan leh office lama hna ka hawn inlam ka office a thawhzawm tur tih nan ka hmang ber a, anih loh pawhin ka room a lehkha chhiar nan te leh gym lam kal na atan ka hmang ber ṭhin!

Ka hmeichhe kawp tawh hrim hrim te hian ka bedroom panna step hi an rap khat khawp mai.

Business dinner kan nei a, a hma a kan neihdan leh tuna kan neihdan chu danglam tak a ni. Katharine chu ka bulah a awm ngei mai a, chu bakah table chu ka thawhpui te ho leh an nupui pasal te nen kan kil ṭhap hlawm a, chumi ah chuan Gavins family chu hmaih rualloh in an tel ngei ngei bawk.

Chuti ang dinner kan neih ṭhin lai chuan ṭum khat chu Anderson Inc a mi David kha ka hmu fuh ve a, mitmeng vawt zet hian min melh a, Katharine nen kan inneih te pawh kha an hre daih tawh ang a, chu bakah Anderson Inc ah chuan ka hming chu lam pawh an lam ri tawh lo ang. Mahse chutia Gavin group zinga min han hmu leh thut chu a thin a rim thar leh ngei ang tih chu thil chiang sa a ni a, kei pawh chuan a mah runluihnan Katharine chu ka kuah hnai pah sauh bawk a, kuah ngheh leh zual sauh pah hian, "Saw David a lo kal." Tiin ka phun pah sup bawk a.

Katharine pawh chu khawdang hawi zawk pah hian David chu a va melh ve zauh a, ka lam rawn hawi lehin, "Chuti chu min fawp la ka ti ngawt mai." A rawn ti ve sar sar a.

"Ka rilru i hre thei kher mai." Ti a chhân let ve sup pah chuan ka fawp ta nghal a; rei tak erawh ka fawp lo thung! David thinrimna tih belhchhah sauhna tawk tur vel lekin leh Gavin mitmei zah pah tak chung chuan ka fawp a, David thinrim hmel hmai sen nghal ṭul mai leh meng dur khup mai ka hmuh chuan nuam min tih tir veng veng hian ka hria, kan han infawh zawh hnu zet chuan Jenna chuan min lo nuih deuh tat tat a, David lah chuan chu hmun chu chhuahsan turin kawngka pui lam thinrim insehruh hmel zetin a pan mek bawk, keilah chuan Katharine va fawh leh zuai pah hian, "I ti ṭha e sweetheart." Ka ti a.

******     ******      ******      *****   

Tunlai chu Katharine nen tlailam hun kan hmang dun deuh ber ṭhin a, dinner te ei dun in, office aṭang a hna ka hawn te hi inlamah kan ti dun bawk ṭhin a, achhan chu a ni hian min hrechiang ber a, ka thil neih te leh ka thil tih dikloh te hi amah berin min hriat nawn tir theih ṭhin a vangin, chu bakah office lama ka laptop te hi ka bedroom lama keng lut tawh lo in living room lamah te ka keng chhuak tawh ṭhin a, a ni pawh ka bulah TV a en anih loh pawhin lehkhabu te a chhiar ṭhin a, chutia ngawi renga ka bula a lo awm ve ringawt pawh chuan nuam min tih tir tlat tawh, heti ang rilru hi engvanga pu ta tlat nge ka nih tih pawh ka inhrethiam bik tawh lo, ka bula ngawi renga engmah pawh tilo a lo awm ve rik ngawt pawhin nuam min tih tir veng veng tawh chu a nia le.

Vawihnih ngawt mai Adrian leh Jenna ngei pawh kan inah an rawn leng lut ve tawh a,  ahma a hmun ruak awl tam tak awm ṭhin kha tunah chuan nitawh lo in, in pangngai tak chhungkaw chenna diktak ang mai in Katharine chuan a chei tawh a, chumi ah ngei chuan dinner te pawh kan kil pui ve tawh a ni.

Heti anga kan awm hi kei chuan mak ka ti lek lek a, Katharine erawh chuan, "Ngaihtuah duh vak suh, nupa ina nupa dang a kawm hi chu dan tlang pui ve tur reng a lawm." A ti mai a.

Jenna chuan dinner kan neih zawh hnu chuan vawikhat chu board games kan khel dawn nia, tiin a rawn rawt chhuak a, Katharine chu chak tumna rilru pu in a hmelah pawh chuan tumruhna ka hmuh saka, chuti ang games han khelh vel chu a tuina lam zawng tak anih ngei pawh ka ring a ni.

Kan games khelah chuan a changin Adrian leh keimah kan chak châng a awm a, achangin Jenna leh Katharine an chak chang a awm bawk a, mahse tunhma te kha chuan heti ang games khel tih vel hi ka ho tih zawng tak a ni ṭhin, mahse tuna hetia kan han tih takah chuan nuam ka ti ve phian mai.

Katharine hian wine no hnih no thum a han dawm tawh chinah ngat ohei hi chuan a nawi ve phian ṭhin a, chu chuan Penny min hriatchhuah tir ziah bawk, Penny nen ngei pawh vawihnih lai mai Katharine Yoga class ah a kal ṭhin a vangin kan inhmu ve tawh a; tuesday vawikhat min han hmu chu mak ti zet hian min en a, mahse a duhzawng tak chocolate leh cherry ka han phawrhchhuak zet chu lawm takin min lo welcome a, jazz music chu kan duh zawng ve ve anih avangin kan ngaihthlâk dun hnu ah, thingpui leh a hmeh tui tak ei a in turin a room lamah kan kir dun leh a, thingpui in paha a ti ti vel chu ngaihthlák nuam ka ti ṭhin hrim hrim a, chuta a sawi ber ṭhin pawh Katharine nena an chung chang a la hriat ang chhun chhun chu a sawi chhuak ṭhin a, chu'ng a thusawi chhuah ho te chu nakinah ka tan ṭangkaina ala awm tâk mialin tiin Katharine chanchin a sawi chhuah ho te chu ka chhinchhiah bawk ṭhin!

Chumi kar tho thursday alo nih chuan Penny hmutur bawkin ka kal leh ta a, ka va thleng chu cheese burger tui ti tawka a ei lai chu ka hmu a, chuti khawpa tui ti tak mai a a lo hei hlaih hlaih lai chu a ruk te in ka thlir ve reng a, mahse min rawn hmu ta vat a, mi rawn nuih var var pahin, "Ka thil duh zawng tak a ni a, chuvang chuan ka ei ve anih hi." A ti ve mai bawk a.

Chumi hnu ah chuan tumhnih lai mai kan inhmu leh a, chutah chuan hla lam pang kan ngaithla vak em em tawh lem lo a, a chhan pawh church lam pang hla mai mai a nih tawh avangin, thingpui inpui turin leh Katharine chan chin leh thildang dang eng emaw sawi turin kan kal chhuak ta daih a, ka thil ken sak ho chu ti ti mial mial pahin tui ti tak hian a ei pah bawk a, keiin a ti ti vel chu ngaihnawm ti zetin ka lo ngaithla ve thung a ni.

Chumi hnu tuesday ka kal leh chu classical lam pang group zai ngaihthlâk tur a awm a, chumi ni chuan ani chu a buai leh a, thil a theinghilh nasa kher mai, chuvang chuan a room lamah ka kal pui nghal vat a, boruak rit lutuk chu zo lo in a room lam boruak thiang tak hmunah awm se a ziaawm phah deuh ka ring a, mahse chutia ka tih tawh hnu pawh chuan a ziaawm phah chuang der lo.

Chuti anga a awm rei tαk em a vang chuan amah enkawltu nurse chu ka ko ta nghal a, nurse chu a rawn kal ve vat a, "Heti ang hian alawm a awm zing tawlh tawlh tawh a, chu thil chu Katharine chauh hian a ti dai thei bawk." Ti a min hrilh a vang chuan Katharine chu ka phone nghal ta vat a, Katharine pawh chu hmanhmawh phelengin a Yoga class pawh kal sanin a rawn kal nghal dawr dawr a.

Katharine alo thleng meuh chuan alo muhil leh der tawh a, mahse Katharine awri a han hre chiah tih chuan a harh leh nghal a, "Oh Katy ka zawng nasa lutuk che a sin, ka lo nghâk reng che a." A kut chuan Katharine chu a ban nghâl a.

"Yes, heta hi ka awm e, Richarda'n min rawn phone veleh ka lo nghal vat a." Tiin a va oan hnai nghal a.

"Tu Richard maw ni a?" A mengphâwk kher mai, kei chu Katharine phen a ka ding chu va inlan ve nghal in, "Hello." Ka nuih khum suk a.

A ni erawh chuan meng nur deuh nang chung leh mithmul chuar nâng chunga mi lo en pah chuan, "Ka hre tawh ṭhin che em?" A ti ta daih a.

Chutia mi hre ngailo ang zeta zawhna min han zawt ta mai chu ka rilru a na deuh zawr hian ka hria, mahse a dinhmun chu hrethiam tak chungin chibai bûknan ka bûk khum zauh a, "Katharine ṭhianpa ka nia." Ka ti leh ta zawk a.

"Ok, kan inhmu chu ka lawm e, mahse min lo hrethiam lawk mai la, ka fanu nen thil ṭulah a fala inbiak ka duh deuh hlek a."

"Ni e." Tih pah chuan ka ding chhuak nghal a, Katharine erawh chuan, nuamlo tih hmel zet a za lo tak a mi nuih khum sak pah hian, "Richard nakinah kan inhmu dawn nia." A rawn ti zui ve sap a.

A natna avanga heti ang hian a awm tih hrereng pawh nimah ila hreawm ka tih rúk em avang chuan a tukah ka va tlawh leh ta ngat a; hetia ka v

a kal leh ngat nachhan pawh mi a hriat tαk loh a vang khân ka lung hnur hle ka ti thei ang, a room ka kal hma hian a thil ei duh ang chi zawng zawng leh a pangpar ngainat chi ang tak ka lei sak vek bawk a, chung te nen chuan a room lam chu ka pan ta a.

Fakna milem kha a thei thei chuan min lo hmeh sak leh vek tum ang aw, milem awmah khan hmet zauhin second sawm tal kan nghak lawk ang a, kan back leh mai dawn nia, chuan monday ah a chhuak leh ang, sunday ka chawl aw. A hnuaiah hian milem hmeh zeuh tur chu a awm ang.