SEDUCTIVE S II CHAPTER 19

SEDUCTIVE S II CHAPTER 19

SANGTEI KHAWLHRING

FAKNA MILEM KHA HMET LEH VEK ANG AW, CHUAN KA STORY RENG RENG KA PHALNA LA LO IN A LINK NEN LO KHAWIAH MAH SUAN REM KA TI LO.


ELEANOR...


Ka thu hriat chuan min ṭhawng kher mai, hlauhthawnna nen "Ok, thanks nakinah ka rawn beleh dawn che nia."
 phone chu ka cut nghal bawk, ka hlauhthawnna chu thup hram hram tumin thawk ka la har har a, ka kut te chu a khur nghal hlak hlak, Ryan secretary Amelia chu a rawn lut a, ka phu deuh zawk, coffee min rawn pek chuan ka lo nui lui sak a, mipa aw a ka ṭawng kha a hriat loh hram ka beisei, a hria angem le?


"Kha i coffee tur."

"Ka lawm e." Duh aiin ka kut chu a la khur mah mah.


Coffee sa ṭha zet chu ka in nghal thuai a, engmah rawn hre hman lo turah ngai phawt ang.


Thank God makti awm takin min en lem lo a, chu loah coffee min pek laia, min en zauh lai pawh khan a hmel pakhatmah in a inthlak danglam lo.


Amelia kal sawn leh hnu chuan phone a ka thil hriat bawk chu ka ngaihtuah chhun zawm leh nghal a, khatiang thu ka beng hriatah ngei mai sawi chhuah a han ni kha ka la ring tak tak thei chuang lo.



He Ryan Coldwell hi highschool a ka mipa hmuh ang kha a ni tawh lo tih ka rin ngei a ngai ang, chuan a lo danglam tawh hle tih pawh ka hriat a ngai tawh ngei bawk ang .


Tunah chuan mipa engmah ngaihven neilo leh a ma ṭhatna tur a nih dawn phawt chuan midang tih nat pawg a hrehlo a ni tuh ka hre tawh bawk.


Engvanga,Wesley nunna chu tih tawpsak duh nge a nih ang ka hre lo. Mahse ka hriat chhun zawng chu tunah hian Wedley nunba chu hlauhthawn awmah a awm a, he ka thu hriat hi a rang thei ang bera ka hrilh hriat vat a ngai ang.


Office kawngka a rawn in hawng a, Ryan chu hmel ngui zeta rawn lurin, "Eleanor a tawpa yawpah zawng ka rawn kir thei ta hram e."


 Ka lo nuih let sak, "I coffee lo in chu eng nge a an?"


 A hmel ka hmuh chuan ka mitmenga nuam lo ka tihna chu thup zo lo a, a chhan pawh a hma ni ang pangai a ka hmuh theih tawh tlat lo chu pawh tualthattu ang maia ka ngaih tawh vang a ni.



He thil hi hriat tirloh ka duh a nih chuan ka inbengdaih viau angai ang ti in ka inhrilh ru mawlh mawlh reng a, a chhan pawh a hre chhuak q nuh vaih zawngin kei ngei pawh dinhmun hlauhawmah ka ding ve nghal a ni dawn si a.



"Uh....yes, a tui lutuk ringawt."

Za lo zet hian a nuih lui leh sak a, a ni pawhin min nuih let ve bawk a.


"Ok, i resume chu chiang leh zualin ka lo en nawn leh anga, chumi hnuah lak i nih leh nih loh chu ka rawn hrilh leh dawn che nia, ti chuan a tha ang em?"



Khatiang thil ka hriat tawh hnuah ngat phei chuan a hnena thawh chu ka duh tawh awkawng lo mai, mahse hetia ka thawk duh lo ti a ka sawi leh thut a nih chuan mak a ti ang a, a thuruk kha ka hria ah ngaiin thil a ngaihtuah phah ang tih ka hlau bawk si.


Chuti a nih chuan he hna ka thawh loh na tur kawng dang hi ka zawn ngei a ngai ang.



"Ok, Ryan min rawn biak hun chu ka lo nghak dawn nia." Pangai taka ti in a office chhung chu ka chhuahsan ta a.



Ryan te company ka chhuahsan hnu chuqn taxi ka in Wesley office lam ka pan nghal ta thuai a, Receptionist lo awmna lam chu ka pan nghal a, "Hello min lo hrethiam la, Wesley Cooper hi khawiah nge ka hmuh theih ang? A girl friend ka nia." Ka va ti a.


"Oh.... a mak hle mai tun thlengin boss hian girlfriend a neih thu leh hetianga rawn in sawi hi ka la tawng ngai lo, a mah chu ka be hmasa phawt hrim hrim ang a, heta i nghah thu pawh hi kan hrilh ang lo nghak lawk rawh."

Intercom chu a la kang nghal a.

"Ka lawm e."



I hma lam corridor kha pan phei la, chuan lift ah chuangin 34 floor hmeh a i hma zawna kawngka lo awm kha i pan dawn nia."


Receptionist min hrilh dan ang chuan Wesley room chu ka pan a, kawngka ka hawng Wesley hmel ka hmu tlanin ka va kuah nghal thlawp a, "Wesley."


"Hey, thil diklo a awm ta em ni, i dang vek......"



"Thil hrilh tur che ka nei a."


Wesley chuan min en chhuk a, duat zet hian ka sam ka biang vela hnawk hniai chu a kuta mi huu kian sak chung hian ka bengah min zeh sak a, chumi hnu chuan ka khabe chu dawm kang lehin a mitmu de sawr sawr chuan min en chhuk ta reng a.


A heh chu pet zauhin a mah hnaih thei tur ang ber chuan min kuah hnai leh a, hnai set sawt takah chuan kan in en tawn dun siah .


"He tianga ka hnathawk ten ka hnathawh lai ngei a ka girlfriend min hmu turin a lo kal ti a min han hrilh hi nuam ka tih zawng tak a ni a, hei aia zing deuh hian i rawn ti thei ang ti raw?".



"Wesley....."


"Kha thil a vang khan i zam phah tiraw, mahse zahthlakah la duh suh, kei chuan nuam ka tiin ngaihthlak nuam pawh ka ti, ni rin hian he ka girlfriend hian min hmuh a duh thu rawn sawi reng ṭhin se ka ti zawk."



"Chuan kei pawhin thil hrilh tur che ka nei sa bawk hrim hrim.a, mahse tunah chuan hun ka nei tight viau, project pakhat khawih lai mek tih fel thuai tur ka nei a, chu chu tun a ṭanga darkar chanve hnuah chuan ka zo thei tawh ang, a chhan chu hw hmun ka chhuahsan hma nfeia hna ṭhenkhat tihfel tur ka neih a vangin, ka lo inhmakhawsuih a nih chu."


"Okay....." Ka ti ve sep a.



"A nih chuan chumi hun chhung chu tibuai lo che in ka lo nghak ang che."



Wesley chuan ka chalah min fawh sak zauh a, keiin ka lo luah ve bawk a, a ni oawh chian.a takda lum ham ham ngheng turin min kuah let ve bawk.


Chutia a ban tha chak takin ka kuahna lo chhang leta min lo kuah let ve a vang chuan nuam ka ti a, him ta hliah hliah a inhriatna min neih tirin a ban tha chak zet rinchhan chuan ka ding ran a, a mitah chuan ka melh chho nawn leh a, chutah chuan a lawm a mah chân hlauhna thinlung ka neih nawn leh a vanga ka ṭah a chhuah tak em em chu.


He thil hi a chungah chuan engrikah mah ka thlen tir ngailo ang a, a chungah eng natna mah ka thlen tir ngai bawk heklo ang, tunah chuan ka tâ a ni tawh a, a ta ka ni ve tawh bawk.


A thu min hrilh anga ti in a car chhungah chuan darkar chanve chhung chu ka lo nghak ran a, a ni pawh a hun vawng dik zet chungin a rawn lang ve ta hlawl a, "Rosie hi a nanny bulah em ni a awm?"


"Aw."


"A ṭha e, kan kir leh hma ni hnih ni thum chhung chu a lo enkawl a ngaih thu kan hrilh ang e."


"Eng nge i thusawi awmzia chu?"


"Melissa bula hun tam tak ka hman ṭhin lai leh..."


"Ugh, Melissa i ngaihzawn tawh thu chu min hrilh duh lo mai rawh." Thawk halh pah hian ka lo ti hman hmawh a .


"Eng maw?"


"Ka hre tawh a lawm, chuan a bula hun i hman tam zia lah ka hmu tawh bawk, khawngaihin min kalsan i tum.a nih pawhin min hriat tir hmasa ve hram dawn nia."



"I tan hian ka tling tawk lo tih chu ka hre daih tawh, chuan keimah ang hmeichhe mawl zet nilo i hna i thawh pui theih tur ang leh i sumdawnna lama i kawppui tur ang mi chu i phu zawk tih pawh ka hria.....ka sawi tum tak zawk chu kei aia ṭha hmeichhe dang i phu tih hi a ni." Hreawm ti ru zet chuan.ka ti chhuak ta a.


Wesley chuan a seat belt hren ngheh tawh hnu chu a phelh leh nghal vut a, ka ṭhutna seat lama rawn insawn phei nghalin, "Eng chung chang nge maw i sawi chiam.chiam mai le Eleanor?" A hmel put chu a rum nghal hle bawk.

Ka ngawi ran a, hnuailam ka melh pah raih bawk.
"Khatin mahni inhrethiamlo leh inngaihniam lutuk ang chuan awm tawh ngailo ang che."


"Ni dangah pawh min ngaihven a i rawn kal ve thin ka lo ring a."


"Ka rawn kal lo tih chu hei i hria a ni lo'm ni? A chhan chu i buai thei si a, Wesley Cooper mipa buai thei zet hi ka lo ti buai palh hlauh ang tih ka hlau a lawm." Ka hmui ka hup pah zauh.


"Pawnlam a ka vah chhuah chamga hmeichhe dang ho min en dan ka hmuh chamg phei hi chuan i tan ka tling tawklo a ni tih rinna hi min neih tir ṭhin a sin."


"Hetiang rilru put hi kei oawhin ka duh bik pawh a ni chuang lo, mahse ka ti lo thei bawk si lo." Ka in hnit ri pah hraih a.



"Hei ka hrilhnawn leh ang che, Melissa chuan hna lamah min pui mai chauh a ni tih hi! Chuan kan pahnih a hun hlimawm tak kan hman dun theihna turin min pui bawk." A sam a chal a rawn tla chhap chu a kurin a hai thur chho zauh bawk a.


A lamah min pawt hnai leh sauh a, a mah chauh hmachhawn tura mi siamin ka mitah tak chuan chiang zeta mi en chungin, "Ngaithla rawh Eleanor, nang chauh lo chu ka tana ṭha tluan tling an awm ngailo ang, a chhan chu ka nun na a tan hian i ṭhat sa tlat tawh a vangin, ka life ah hian nang tluka ṭha hi an awm lo tih hre reng ṭhin ang che Mon Amour."


Wesley chuan a kut lum thar a ka biang tawn tawnah chuan min khuap sakin, min la melh reng a, "Nitin hian ka life ka hmeichhe hmangaih ber chu nang hi i ni tih lan tir ka tum reng ṭhin a sin."

"Mahse chung ka thil lantir tum te chu engmah an ni lo tih tunah hian i ti chiang ta zawk si, tunah chuan nang ka hmangaihna che hi engtin nge ka tihlan ṭhin ang tih hi min hrilh tawh ṭhin dawn nia, kei chuqn ka lantir thiamlo a ni maithei, chuti nilo sela chuan ka tana tawk zo lo a inngaihna hi ka neih tir hauh lo ang che."


A thusawi a vang chuan sawi tur reng reng ka hre ve lo, ka kâ ka lo hup ve ringawt.



"Ka tan i tawk zo lo ang a i in ngai tlat a nih chuan vawikhat tal chu ka tan a tawk zo tur a lan han tum ta che, tunah hian kan oahnih in Mexico lamah kan zin dun dawn a, chutah chuan ka tana hmeichhe diktak i nih theih dan ber chu i lantir theih ngei ka beusei." A nui chhuak pah vawr bawk a.



Mexico ah maw..... a tha ber ang em? Tih chu ka ngaihtuah tello thei lo.



Wesley chuan Rosie nanny a biak hnu chuan kan pahnihin airport lam kan pan dun ta nghal a, airport kan va thleng a jet chhunga kan luh lai zawng te chuan ka thil hrilh tur kha ka hrilh dawn nge dawn lo tih ah ka la buai, a chhan chu ka hrilh a nih ngat chuan a thin a rim viau dawn a, kan pahnih zinna thleng thlengin a khawloh phah zo vek ang tih ka hlau bawk si, a chhqn pawh kar tluan a he hun hmangtura a plan lawk a nih zia pawh min hrilh ve vek tawh si a, engtin nge ka tih dawn tak oawh rin dan ka nei thiam lo, mahse a rang thei ang bera hrilh erawh ṭha ka ti .


A hnu ah chuan nakin ah ka la hrilh ang chu ka ti thei ta ṭawk a, tun aṭanga nihnih emaw nithum hnuah emaw hrilh chu pawi em lo turah ngai ang.


Chuloah tunah chuan Los Angeles lamah kan awm tih lo bawk nen a hlauhawm vak lo ang chu.


Darkar eng emaw zah kan thlawh hnu chuan ka muhil ta daih a, kan ṭum hun lah ka hre hek lo.


MEXICO CABOS SAN LUCAS...


Ka harh, ka mit ka meng hotel room chhung pakhatah mahni chauhin ka lo mu a ni tih ka hre chawp chilh nghal a, "Uh, kan thleng der tawh tihna maw ni a?"


"Yes sleepyhead, kan thlenna chu darkar tam a ni tawh, i mutthilh tui lutuk a vangin engmah i hre talo a nih kha." Balcony lam a ṭanga Wesley rawn pen lut chuan a rawn ti lut a.


"Kha hei hi ha rawh le." Ka taksa chungah chuan thil fun hi arawnthehthla a.



"Hei eng nge?" Ka mit la nuai nak nak chung leh thawhchhuah ve pah chuan ka ti nghal a.


"Sexy bikini maw le Mon Amour, i inhmeh mah mah ang tih oawh ka ring." Min nuih vawr leh nghal a.


"He i swimsuit tur ka thlan lai hian i rawng duh zawng min hrilh pawh kha ka la hre reng a nia." Za zet hian a nui chhuak a.


Chu swimsuit chu rawng sen leh bawk a ni ngei ang le, neng kual khum ralh pah hian ka heh ka pet khum zauh, kan pahnih a inhriat chianna hun kan neih laia ka thusawi tun thlenga a lo la hriat reng na chuan min thawng hle bawk.



Chu bikini ka han pharh chu a sawi ang ngeiin a ṭhui pawh a sexy kher mai, chu mai pawh nilo in hmeichhia in chitiang a ha a nih ngat zawngin mipa ho chu kawng diklo lamah a thlem thlu hneh khawp ang tih lah ka chiang hle.


Wesley ka melh chho chu zawi muang hian a hmui hnuai lam min lo oeh khum a, chutah a nui mawi zet tilangin min flirt thei ang ber tur chuan a nui zui a, chu chuan min ti zam chhe nasa ngei mai.


Ka biang chu a sa nghal hat hat a, awmna nei ang mai hian ka khuh nghal kharh kharh bawk, "A tha e."



"Chuan ka room hi chhuahsan bawk rawh, inthlak ka duh dawn."


"Ouch, a va na ve, he room hi chhuahsan turin min ti tak tak em ni, a chhan chu ka puihna te i mamawh ka lo ring a sin." A mit min siai khum leh zauh a.


"I chhe mai a nih chu."

"Ka puihna chu i mamawh lo tak tak maw?"


"A ngailo ang ka lawn e, i puihna tello pawhin ka ṭha em em.ang tih ka chiang."


A nui chhuak nghal chiam chiam a, engdang sawi leh tawh lo chuan room chu a chhuahsan ve ta mai bawk a.


Mahni chauh a rooma ka awm tak hnu chuan ka in tifai phawt a, chumi hnu ah ka thawmhnaw hak chu ka thlak ta a, Mexico kan thleng a, boruak lum nuam zetah chuan nuam taka awm ka duh.



Tuipui kam, nisa lum nuam zet, kei leh Wesley.


Thil pakhat ka ngaihtuah leh a, he thil hi ka vei reng dawn a nih hi......



Ka swimsuit ka inbel hnu chuan pawn lamah ka chhuak a, Wesley chu ka va hmu ta hauh lo, mahni pawhin nilum nuam tak ah chian ka inhem ve thei reng, inchhung lamah ka lut a, sun screen ka ka chhuak a, puan phah tur, leh intur ka mamawh ho ka fawm kim hnu chuan kan hotel thlenna bul lawka tui pui kam lam chu panin nihliap lian chi rawng lar zet zet an lo dah tlar tuatna lam chu ka pan phei a, chung zinga eng emaw ber pakhat hnuaiah ka inchhawp a, ṭhut mut theihna thing ṭhuthleng hi nihliap lian tin hnuaiah chuan a awm.vek bawk a, ka thil ken vel te chu ti felin sun screen ka in hnawih te te a, thing ṭhuthleng awnah chuan nuam ti tak hian ka mu ta ar ar a.


"Eng nge i lo tih?"


Wedley aw ka hriat chuan ka mengchhuak ve nghal a.


"Uh, sun bathing maw le."



"Oh come on, sun bathing ti turin hetah hian kan rawn kal reng reng lo, kan pahnih a hun ṭha tak leh inpawh tawnna nei turin a lawm kan rawn kal zawk."


"Oh no, sinbath ti turin ka lo inpuah chah fel vek tawh, chuan ka chau hle bawk, thil dang chu ka ti peih tih lo.


"I ti tak tak lo ti raw?"



"Nilo e, boss ka tih der hauh lo a lo che."

"Min lo ngaithla teh, khatiang swimsuit nalh lutuk a i inthuam.a vang khan ka ngaihtuahna fim.neih zawng zawng pawh i chawk nu vek tih hi i inhria em?"



"Ka thusawi hi i ngai pawimawh dawn lo a nih chuqn duh leh inchhung lamah pawh kqn sawi fiah dun mai ang." Hotel lam buk khum nghut pah hian a ti a.


"I ti thei chiah em i lo en chhin ang hmiah." Ka ti ve ta ngat a.
Chu thil ka sawi zo hman ṭawk ang, ka kut vuan in min nawr bet lawp a, mahse hetia han chhaih fiam ve reng reng hi ka chak tlat.



Rei vaklo chhung chu a taksa nalh zet mai ja hma zawna awm chi ka thlir ah dauh daih, ka chil ka lem pah khalh .


Wesley taksa ruh ṭang chuan mi rawn delhin ka taksa hnuai lamah chuan a kut chu a rawlh lut a, chutah boruakah min pawm kang ta nghal a, ka taksa,chu la pua ang mai hian a ngai niberin ka hria, rit ti hmel lah a pu hek lo.


Chumi hnu chuqn tui pui lam chu min pan pui ta mai a, "Oh min thlah nghal rawh." Ka tal nghal a.


Mahse min vuan nghet churh mai si, a rilru ka lo hriatsak lo chu ka inchhir takzet bawk.


"Wesley min thlah rawh."


"Tun hi inhmuh ni hmasa ber ang mai kha ni in ka hria, eng thil nge thleng dawn tih pawh i hriat sa tawh ngei ka ring, chumi hriat tawh hnuah chuan ka thlah che i la duh tho em?"



"I ti dawn lo tih ka hria....'



"A nih te chuan engvanga la ti lui ngar ngar nge i nih?"



"Tun chauh pawh nilo chatuan a tan ka ta i ni tawh ang, chu chu kha i thluak bur te reuh te ah khan dah la, mei alh kai ṭan angmaia sem darhin kang kai tir bawk ang che."


Wesley chuan tuipui lam chu min pan pui zel a, kei lah chu zawhte ang maiin a taksaah chuan ka in ham bet ṭang bawk a, "Min thlah miah lo ang che, tui saw a vawt lutuk tih ka hria a nia."



"Tunah chuan thlah lo tur che in min duh leh tawh a maw huh?"


"Miss Garcia, duh pakhat chauh i thlang thei."


"Min thlauh a nih vaih chuan hre rawh ka...."

Tui chu a ri nghal bawrh, kan pahnih chuan tuiah kan tlu dun ta a, tui hleuh hi ka thiam em em loh a vangin, ka pil ṭan nghal in ham tanna tur zawngin ka kut chu ka vai nasa mai a, ka inham chhuak, tui hakin ka khuh bawrh bawrh nghal bawk.


Ka awmdan chu Wesley chuan a hrethiam nghal vat, a awmah chuan min pawm kanga, vau kam lamah chuan min pawm chhuak leh ta a, "Tui chen i thiam tawh lo ti chuan min hrilh hauh suh ang che." A nui pah sawng a.



"Hey, tuipui a lawm hei te chu, tiangah te chuan tui chen thiam tak nih loh te chuan ka cheng ngam teuh lo mai." Ka ti ve hlak hlak.



A ni chu a nui chhuak chiam a, chutah a nui chu tawp thutin meng de sawr sawr chung hian min melh chhuk ta run a, a lu chu thle deuh bak in, a mit mu rawng grey nalh zet thla bial vang lai ang mai chuan min melh chhuk run a, a sam dum hlap nalh zet a ṭang chuan tui a dir thla zung zung bawk a, a taksa nalh zet mai a tawk chauh a sek phiar leh a ke kawr bul hak hnuai lutuk deuh a vanga a six pack hnuai a a V line nalh zet te chuan a mah enlo theilo dingmunah min din tir bawk a.



"I kut kha min lo pe rawh le."


A thu sawi chu zawm nghal thuaiin ka kut ka pe vat a, a ni chuan ka kut chu min lo hum sak nghal vang vang bawk, ka kut a hum chu a melh chhuk vung vung a, a rawn kun hniam a, ka biangah chuan dam zet hian min fawp ta a.


A hmui huh hlap leh lum ham ham chuan la biang vel chu a nul kual a, a mi fawh tawhna zawng zawngah chuan a la dam ber ang tih theih tur khawp a ni, tuna min fawh dan tak hi chu.



Hetiang a min fawh dan dam zet hian tumahin min la fawp ngai lo a, a dam em em a chu a mah a hipna awm chuan nasa zetin ka taksa pum pui chu vaqi leh khatah phurna in a luahkhah tir a, riltamna in a chhunzawm tir nghal a, engkim mai chu nuam ti taka lo hmachhawn thei turin min inpuah chah tir a ni.



A mi fawhna chu hmangaihna, hmangaihna dik tak a ni tiin ka vuah lo thei lo.


Ka taksa,khawi hmunah pawh chuan a fawp lawr kual dan dan a, a fawhna a piang mai ka taksa chu a mur chiai chiai a, a za nghal chem chem zel bawk.



He mipa zet hi chuan min ti â thei tak ngial dawn ni a hriatna ka nei.


A nih dan diktak zawk chu a mah hi ka âtchilh tak tak ta niberin a lang bawk.



"Hetah chuan ti lo hram rawh....." tham ṭiak hian ka ti chhuak a.


"Eng maw ka tih loh anga?"



"Hetia ka. ...taksa i fawh kual hi maw le..." zak tak hian.ka ti chhuak leh sep.


"Uhh, khatia i biang vela ka fawh mai che a vang khan i taksa ah effect a lo nei a ni maw, a phur awm viau e." A nui chhuak pah suk bawk.


Khua a lo tlai lam deuh hnu chuan hotel lam kan pan dun ta a, vawiin kan hun hman dan chu nuam ka ti a, ka hlim phah hle bawk, chutianga kan pahnih a awm reng chakna chu ka neilo thei lo, ka zawng chhang maithei bawk.


Ni a tla fel a, zan lam in ro a rel ṭan ta bawk a, ka room lamah lutin thawmhnaw eng emaw inbel a Wesley nena dinner ei tura chhuah dun leh kan tum a, Wesley erawh ka inthlak laiin phone call hmang lawk turin a kal chhuak thung!


Ka phone ah chuan message a rawn thleng tih griat zet hian a ri tlang, ka phone chu ka bih vat, Ryan a ni tih ka zu hmu nghal a, "Eyan message maw ni a?" Ka thin a phu nghal dawt dawt, he pa hi chu kan hlimna min tih reh sak mai tur a tan chuan tun dinhmunah hi chuan ka beisei lo hul hual.


Nilo Elo engmah a nilo ang, in bengdai rawh, ti a ngaihtuahin thawk ka la pah hak a, a message chu ka open ta nge nge a.



#Hello, tunah hian i biak theih lawk em?


#yes tehreng mai, mahse tunah hi chuan Mexico ah ka la awm rih a, ka rawn haw vat ang, rei ka cham dawn lo a, mahse eng nge ni hrim hrim min hrilh ve dawn mi? Hna ah khan lak ka ni ta em?


#Hetah hian sawi vak chi pawh a nilo, ka rawn call mai ang che aw.



Ka phone chu a ring nghal a.


Ryan thawk ka la nawn leh halh, han biak em chu ka hlathawng rih tlat, mahse eng mah thil thleng awmlo anga tak leh hre lo ang taka ka awm.a nih chuan engtin mah a hre lo ang,  Wesley chung chang hre lo ang taka ka lan chhung chuan ti a ngaih tuah chungin leh ka aw chu pangai tak a arik chhuah theihna turin ka thian hmasa kharh a, phone chu ka pickup ta a.



"Hello, Ryan eng nge i an, i ṭha maw?"


"Silai kah chung chang thu i hre tawh tih kha ka hre chhuak a."


Chu thu ka han hre zet ka thin a phu nghal dawt dawt a, ka awm.a ṭang chuan thei chu ni se a zuang chhuak ngei tawh ang, ka khaw hmuh pangai tak te chu a phe zo vek a, chu mai pawh nilo in ka kur ka phone kenna thleng thleng chuan a khur nghal dawt dawt a, phone pawh chu rit ta em em a hriatna hi ka nei a, ka keng zo lo lek lek.



Thil chiang sa ni a lang ta chu kha pa Calvin in ti ka biak lai khan Amelia chuan min lo hmu ru reng anga, ka ṭawng chu a ngaithla bawk ang a, Ryan phone ka keng bawk nen, ti chuan Amelia chuan Ryan bulah a sawi chhuak a ni ngei ngei ang.


Mahse engmah hre lo ang chuan ka la awmlui ngar ngar a, "In....kah na a?"


"Eng nge i thusawi awmzia chu?"



"Khatin engmah hre lo anga awm chu tum buai duh ting tang lo mai rawh."


"Kha mi ni a Wesley silai a kap tu kha Calvin a ni tih leh Calvin chu keima tih tir ngei a ni tih i hria tih te chu ka hre choang viau tawh a nia."


Chu thu a han sawi zet chu ka hnung kawka bang awm chu ka ngheng dawp, luhai in ka tlu mai dawn hian ka hria.