TESPNAYA REAKSIYA LOST CHAPTER 27

TESPNAYA REAKSIYA LOST CHAPTER 27 SANGTEI KHAWLHRING

BACK IN NEWYORK...

TREY...

"Alex hi khawiah nge a awm hrep Detroit? Pathian hmingin sawi rawh, amah enthla a veng tur che khan ka ruat che a nilo'm ni, engvangin nge nizanah a room ah a riah loh, ka dawtheihna min tlakchham tir dawn tlatin ka hria."

 Alex a room lamah a awmlo tih ka hriat chhuah hnu chuan Detroit ka office lamah ko in ka an khum nghal tun tun a, rilru hah lai lai a,chutianga rilru tihah belhchhah tur a han awm leh chuan awm ngaihna min hriat tir lo.

"Nizan khan a kal chhuah dawn thu a hrilhlo che tihna mi?"

"Nizan lama akal chhuah tur thu hre sa anga mimawl tak ni in ka lang reng reng em ni a?"

Theo a rawn lut a, "Kiara ka va bia a, a sawi dan chuan nizan chuan Alex nen clubah an kal dun ngei a, chuan Brandon rawn kal in inhnialna an nei a, Alex chu a tlan chhuak ta daih a, ngaihven tura a va chhuah chuan a va hmu zo tawh lo a ni awm e."

"Brandon chu hetah rawn hruai nghal vat rawh u." Ti in ka vin chhuak nghal tuar a.

"Whoa boss, inbengdai rawh, hemi chung chang thu hi chu a pa Hunter kutah dah i la, a nin lo zawt chiang se a ṭha mai lo maw?"

"Dad kei pawhin Detroit thu sawi kha ka pawmpui e, a chhan chu Hunter fapa a ni a, a mah ngeiin lo buaipui se ṭha ka ti."

"Nangni pahnih pawh chu leh, eng maw in hriat hrep le?"

"Kan sawi chu amah Hunter ngeiin hei chu chingfel.se kan ti a ni e." Detroit chuan a ti leh a.

Hei hi ka fanu chung chang thil a ni a, tiang mai maiin Callie ka ti lunghnur thei lo ang, Callie ka cham tawh a, Alex leh zel chu ka chan nawn thei tawh bawk hek lo ang, ka fa te zinga a nu chhun ber tu leh hmelah pawh a nu ang ber tu chu Alex a ni a, a hmel ka hmuh hi chuan Callie hmu leh a inngaihna ka nei ṭhin a, a ni leh zel chu ka chan nawn thei tawh lo ang.

Thawk ka la hawk a, engtin nge ka tih tak ang? Hunter in lamah chuan va kal mai ila a ṭha berin ka ring, kei oawhin thil awm dan Brandon chu va zawt ila, hma lak dan te pawh a hriat theih deih mah na.

"Ka fanu chung chang thil ni a, kei pawhin Brandon chu ka buaipui ve thei ngei turah ka ngai."

"Detroit car rawn la chhuak la, Theo nangin Hunter chu lo bia la, Brandon kha ina lo awm ngei ngei turin lo hrilh ang che, nizan lam chung chang thil chu ka hriatah ngei a sawi ve a ngai ang." Ka ti ta a.

Theo chuan a phone a phawrh nghal a, "Hunter ka pa tunah hian in inah rawn kal a tum a, aw, Brandon thu sawi a mamh ngeiin a ngaihthlak a duh ve ni in ka hria."

"Aw le, ka lo hrilh dawn nia."

A phone chu a cut a,  "Hunter chuan tunah rawn kal rawh se, Brandon awm lai tak a ni a ti a nih chu!"

Detroit pawh a rawn lut leh tawh a, 

"Kal ang le Detroit."

Kan pahnih chuan kan inkhalh chhuak ta nghal a.

"He Brandon hian ka dawh theihna min tlakchham tir hle mai." Ka ha chang ka ṭhial pah rawp rawp a,ka inaehruh hle bawk.

"Mahse in bengdaih erawh i mamawh ni in ka hria, chu chu tih hram tum rawh, emg amah hma a rik nghal tun tun pawh a ṭha ber lo a nia, Hunter hi kan unau zinga mi pakhat ve tho a ni tih kha theihnghilh lo la."

Ka kutin ka chala ka thlan rawn bawl chhuak ṭawk ṭawk chu ka hui fai a, "He mi chung chang a bo na chhan a mawh phir tu a nih ngat zawngin ka that chiang khawp ang maw le." Ka ti leh ngat.

"Trey Hunter fapa te zinga mi a ni tih kha hre reng rawh, eng thu nge a sawi chiah tih hi ngaihthllak hmasak ve phawt a ṭhat ka ring, chumi tur chuan chance tlem chu pek a phu ve ang."

"Chance pek pawh a phu ka ti hrep lo ve."

"Alex chunga thil ti tu hi amah a lo nih ngat chuan Hunter ngei hian a that hreh hauh dawn lo tih pawh kan hre sa vek a lawm."

"I sawi ang chu ni rawh se, eng thu nge sawi tur a neih kan en ang chu." Ka ti ve ta hram a.

HUNTER'S HAUSE...

Kawngka kan hawng chiah an pafa chu an lo inhnial nasa mai a, inchhungah chuan an chhung te dang pakhat mah hmuh kan va neilo a, khawi lamah nge an bo zawh lah ka ngaihtuah hek lo, Hunter chuan a tir bo hlawm te pawh a nia nge.

"Khawiah nge a awm ka hre lo ka tih chu!" Brandon chuan a lo ti a.

"Hre rawh Brandon dawt min hrilh a nih vaih zawngin belt nena hlap hrep che hi pawi ka ti dawn ther te lo a nia."

"Dawt ka sawi lo."

Kan lam Hunter chuan a rawn gawi a, "In lo thleng tawh maw, hei kan theih ang ang chuan kan lo in dawp chu a nia." A meng khup lup nghal a.

Brandon lam chu rum.zeta melh pahin, "Sawi ṭan rawh." Ti in ka vin nghal khur khur bawk a.

"Khawiah nge a awm ka hre bik lo."

An lo dinna chu ka pan phei ve nghal a, "Be hnu hnung ber tu chu namg chiah i ni, engkim ka hre vek duh."

"Mi dang nen an lo infawp lai ka hmu a."

"NewYork khawpui chhung ami zawng zawng tupawh lo fawp rawh se ka ngaihven lo, Sicily a kal dawn ṭuma i fawh pawh kha ka hriatloh ring duh suh, ka hre vek."

"Eng nge a chungah i tih?"

"A ni chu hmachhawnin ka va bia."

"Chuan?"

"Thil dang engmah a awm tawh lo, a tlanchhuak nghal daih."

"Um zuia va ngaihven pawh i tum tawhlo a maw?" Ka insum hmanhma chuan ka vin chhuak ṭhawt.

"Zui chu ka va zui ngei a lawm, mahse ka hmu hman tawh lo, ka ngaihdan chuan taxi la in a chuang nghal a nih ka ring a."

"Thu kim chang takin min hrilh hauh lo, naupang vawikhat sawi chhuahnan hun ka pe leh ang che, chu chu i chunga zahngaihna ka lan tirna nasa ber ni bawk rawh se."

"Hre....awm a ti lutuk a."

Hnuailam.a melh nghal ruih a.

"Engvang in nge hreawm a tih?"

"Nawhchizuar ti a ka ṭawngkhum vangin."

A hmaiah tak chuan ka kut tum a thlawk phei nghal fua, a ri no chawk nghe nghe, a lo indang ve takna a chu, a ni hi chuan Dragons ho lakah training a la ve hauh lo, a ni ai chian ka che rang fe, vawikhat mai pawh duh tawklo in vawihnih vawi thum lai ka hnek bawrh bawrh nghal a, ka thinrim lutuk ka insum hman lo, engvanga ka fanu chu nawhchizuara lo chhuah hrep nge a nih?

Hunter kan bula awm chu kan inkarah a rawn tla zep vat, khua ka hmu tawh lo, a ni thleng thleng chian ka hnek tel bawrh bawrh, Brandon ka hnek turh lama a hnar a ṭanga thisen rawn chhuak chuan min ti â vek nghal a, ka thil tih lai pawh ka hre mumal tawh lo, ka thin a sa zak a, ka thisen kal lai chu a lum nghal pup pup a ni ber.

An pafa chian ka hnek dun siah siah a, Detroit rawn kal hma chu ka duhtawk hek lo, "Nang mipa naupang tenawm lutuk hi kan that nghal law law teh ang che." Ti a ṭawng chhuakin ka hnek dun siah siah a, Detroit chian ka hnunglam.a ṭangin min rawn dawm bet ta a, "Trey khawngaihin inbeng daih hram tum teh!"

"Ni e, Trey khawngaihin keimah min buaipui tir rawh." Hunter pawh chuan min rawn man bet ve nghal vat bawk a, "Inpahnih khan min thlah vat rawh u."

"Trey khawngaih takin i unaupa anga min en vang tal pawhin keiman a ka lo buaipui hi min rem tih tir hram rawh." Tih pah chuan min thlah nghal a .

Brandon chu rum.zeta melh pah hian, 

"Naupang ngaithla rawh, tun thlenga i la dam nachhan chu i pa hi ka ṭhianṭha ber te zinga pakhat a nih vang chauh tih hria ang che, mahse thil pakhat, he i thil tih a vang hian a chungah thil ṭha lo tak a thleng a nih ngat chuan nang chu thi sa i ni tih kha in hre ringawt ang che, chumi hunah chuan i pa pawh hian a chhan dawn hauh lo che a nia."

"Detroit thil pawi ka tih hma in he hmun a ṭang hian min hruai chhuak vat rawh."

"Bro nakinah ka rawn be dawn che nia." Ti a Detroit an Hunter a hrilh hnu chuan ka inher nghal vut a, kawngka pui lam chu ka pan ta nghal a, Huntera'n a fapa bula aw vin leh ṭeng zet chunga "Nawhchizuar ti in i ko a maw?" A tih ṭeng chhuai ri chu ka la hre thei.

"Ka tum vang reng pawh a nilo." Ti in Brandon chuan a chhang ve a. An in chu ka chhuahsan zui ta nghal a.

Detroit bulah chuan inlama haw lo in thlanmual lam pan hmasa tur chuan ka ti a .

Thlanmual kan thlen hnu chuan Callie thlan awmna chu keimah chauhin ka pan phei a, a bul ka thlen chuan Callie hming thlan lunga choang zeta in ziak chu ka thlir chhuk ngur a, ka hriat tham lek lek chuan ka phun chhuak zui pah sup sup a, "Callie eng nge ka tih tawh dawn min han hrilh teh?"

"Tunah hi chuan ka hriatna te leh ka ngaihtuahna zawng zawng te hi ka hloh zo vek tawh ni in ka hre ber."

"Baby eng nge ka tih tawh dawn pawh ka hre lo, ka va han ngai tak che em." Ka mittui chu a parawl nghal ṭeuh a.

SICILY....

Ka rilru hah lutuk a vangin Donnie te warehouse a ṭanga kan chhuak chu kan bar lama zu in puiah Dante chu ka sawm a, inlama haw ta lo chuan bar lamah kan inkhalh tlang ta nghal a, ka hriatna zawng zawng chawk buai tur khawpin zu ka lem a,mahse ka zuin chuan Emmma min theihnghilh tir thei tak tak lo.

Ka hriatna te chu a harh tulh tulh nimai zawk hian ka hria, Marlene khan tunah hian ka Emma chu a kawl tak tak ang em?

Ka zu in lah eng ka ang thei silo, beidawbg zetin zan rei tak tawh hnuah inlamah ka inkhalh haw lwh ta a, ka room ka pan tur corrodor ka zawh lai tak chuan Bella, Emma room bula hmel ngai zeta ding reng chu ka va hmu a, "Bella a chhungah khan Emma a awm lo."

"Ka hria."

"Ka ngai em a, chuvang chu a ni e."

"Bella a thi tawh pawh a ni em hleinem." Chu chu ka beisei.

"Luca khami hun chhung zawng khan hun inhmang dun a ni a, tlem tala ngaihve na pawh i nei na nge?"
Hmel ngui raih hian min melh chho a.

"Aih ngailo, muturin kal tawh rawh zan a rei tawh."

"Online lamah te hian zawng chhin ila a ṭha ang, achhan chu social media lamah hian a awm ve ka ring tlat." A hmel chu a rawn eng nghal sawt a.

"Bella contact tum reng reng suh a him lo."

"Engvangin nge a him lohna chhan tur?"

"Ih, a himlo a nimai."

"Contact i tum tih ka hriat vaih chuan ka dawhtheihna in a tlin hauh lo ang, i hrethiam.em?"

"Jeez ka hrethiam e Luca, chill pill la hial zawk teh, khati lutuk a rum kha chuan min melh suh!"

Bella chu a kal sawn ta nghal a, Emma room kawngkhar bulah chuan ka ding vung vung a, tilru hah a vanga rum chhuah hrawih pahin ka kal sawn ve ta nghal a.

Ka room lama ka luh hnu chuan ka mu deuh vang vang a, mutthilh a har kher mai, Emma hlir ka ngaihtuah, a hming tak Alexandra pawh lo ni rawh se ka tan chuan Emma tho a ni reng ang.

A tawp a tawpah zawng harsa ti zet hian ka muhil ve ta ṭawk a, ka mumang lah chu ka duhloh chi vek a la ni zui.

Ka mumangah chuan Alexandra ka ka hmu zui.

"Luca min hmangaih em?"

"Ṭan leh lo teh Emma."

"Mahse min hmangaih a ni lo'm ni?"

"Yeah ka hmangaih che a lawm,mahse chu chuan ka mizia a thlak danglam phah chuang lo ang."

"Min hmangaih a ni tih hi ka hre reng a lawm." Min rawn kuah a.

"Hmeichhe tenawm leh mawl zet chu i ni chiang a lawm."

"Ka mawl emaw mawllo emaw, min hmangaih tho a ni lo'm ni?"

"Yeah." Ka inlet thawk a,a chalah chuan ka fawh sak a.

A ni erawh a nui chhuak hak hak.

Ka kun hniam leh deuh a, a heh no zet leh nem thep ah chuan ka fawh sal zui ta nghal a.

Chutah kan inbul beach ah khan a lo ding leh daih tawh a, "Luca ka hmangaih che." Ngui hmel hi a lo pu lap bawk a.

A lu ah tak silai hian an lo tin bawk a, keilah harsa ti zet hian, a bul chu thlen hman tumin ka lo bei a,mahse a bul erawh ka thleng thei lo.

"Ka hmangaih che Luca."

A kap tu hmel pawh ka hmuh thw
Eihloh chuan a silai chu hmet puakin Emma lu chu silai mu chuan a deng nghal ta dawt a, a lu silai a an kah na a ṭang chuan thisen tam namen lo hi a luang chhuak zaih zaih bawk.

"Luca min ṭanpui rawh." Ti in lei lamah chuan a tlu zawi ta hnak a.

Ka harh chhuak ve nghal hlawl, "For f*ck sake." Ka phun chhuak sup, engvanga khatiang mumang rapthlak lutuk kha mang nge ka nih, ka lukham hnuaia ka dah ka phone chu la in time ka en nghal, ka mut na a tlai tehreng nen, zinglam dar nga chiah a la ri, mahse ka thawh hun chu a ni ve tawh tho e, ka mut na kha dar hnih a ni a, chuti anih chuan dar kar thum chiah ka mu tihna, mahse khatiang mumang rapthlak zet leh a tak ang tak kha mang nawn leh tur chuan ka muhil thei tawh lo ang.

Ka tho chhuak a, bathroom lamah shower hmang turin ka lut ta nghal a, ka mumang lam chu ka ngaihtuah lo theilo, An ni ho kutah khan thah turin ka dah tak tak thei ang em?

He thil hi engtia tih tawp tur nge ka hre lo; Bailey security chu tight viau turah ngai phawt mai ang, chu zawng chauh chu em ni? Marinos ho khan lo kawl daih tawh ta ang se..... thawk ka la hawk, shower ka off nghal.

GIOVANNI.....

"Tukin zingah Luca hi i hmu tawh em?"

"La hmu lo, tukin hian airport lamah kal nghal ka tum a, mahse chumi hma chuan ka hmuh hmasak phawt erawh a ngai ang." Ti in Dante chu ka chhang a.

"Jonas chu eng nge a an reng reng?"

"A ṭha e, kal ka tum nachhan pawh, thurochhiah chung chang a ni awm e."

"Mafia lama in hnamhnawih hi a duh zawng a nilo hrim hrim tihna mi?"

"Nilo, ka unaupa Vito thih hnu khan a nupui Jonas-a nu chu America lamah a kir leh a, a bulah Jonas pawh a hruai ve nghal daih a lawm."

"Jonas-a nu hi American maw a lo nih a, ka hre lo reng reng."

Buk khum nghut pah hian, "Ni e, chuan a pa Jonas-a pu hian a tupa chu Mafia lam kaihhnawih thil hrim hrim a inhnamhnawih tir a remti lo bur bawk, chu ai chuan a company lian tham zet enkawl tir char char a duh zawk mah ang chu!"

Kawngka rawn inhawng na lam chu kan hawi phei nghal a, "Damn, Luca i va pawr pheng phung ve." Dante chuan mak ti zet hian Luca hmel pawr zet chu a en a.

Kan bul a rawn thlen pawh chian Luca chu a la ham.zui bui bui, "Mut ka khamlo lutuk a."

"I chhialeh ṭha hriatna diklo zet khan tiang khan ala tih buai che ka ring reng ah."

"Dante sawi ṭan leh lo teh hteptak chuan!" Thawk a la pah hawk a.

Ka lam a rawn hawi a, "Jonas chu eng nge a an?"

"A pu vang maw le, a sawi danin a pu chuan a company chhungah company mileh sa ang tak tak a board member zinga dah a, a ai awh tura tih a tum tawh a ni awm e."

"Chu ti te chu helama lo zin rih turin sawm la, tunah tak hi chuan a tan.hun ka nei ṭeuh thei ang chu, a rilru hahna pawh a ziaawm.phah deuh ngei ang."

"Figlio i hriat reng kha, Jonas hi Mafia lamah hrim hrim a inhnamhnawih ve a rem lo."

"Ka hriat ve loh thil eng emaw te a awm tihna mi?" Danre chuan Luca melh pah chuan a lo ti leh a.

"Engvanga kan mipa chhelo zet leh hausa zet chu a hlimna pawh tih remloa a awm chhan?"

Luca chu a nui chhuak ta hawk hawk a, "Dante Black Jack tih hming hi i la hre ngailo hrim hrim tihna mi?"

"American sniper hi i tihna mi?"

Luca chu a bu nghut a.

"Hria e, mahse tunge tih erawh ka hre lo, ka lo hriat dan phei chuan a tu ru viau in ka hria, a thah tur ho a hit lista a dah zungah ka tel ve ang tih a nia ka hlauh ni."

Dante thusawi a vang chian Luca chu a nui nasa mai, "Jonad hi a lawm i sawi lai mek Black Jack chu."

(Season 4 ah Jonas chan chin hi a ni veleh thung ang Sangtei)

"F*ck, i ti tak tak hauh lo ang a ni em?"
Dante chu a thu hriat chuan a barakhaih hle tih a hriat reng mai, chu chuan Luca nuih chu a la ti za hle a.

"Nope, play boy ang maia a awmna avang hian mawl phah viau lo mai rawh, chuti lo chu i zuam sual palh hlauh ang, training ṭha takin a la a, thim zingah lah zawhte ang maiin thawm a dim thiam bawk a, a mithah tur inchhung luh nan a kut ṭang pakhat leng tawk kua a awm chuan a duh tawk mai, thil engmah tih chhiat neilo in awlsam takin nang pawh a that thei ngei ang che tih chu chiang sa a ni."

"Luca, Jonas hian a chung chang thu midangin an hriat a duh vaklo tih pawh i hriat kha." Tiin ka lo khak ve hluk a.

"Dante te hi chu a dang alawm, a thu hriat midang hrilh chhawn leh hi a thil hreh ber te zinga mi a ni ang, a dik em?" Dante chu a siai khum pah suk a.

A in her vut a, a desk lama file awm chu keu nghal mawlh mawlh pah hian, "Donnie hnen a ṭangin thu hriat thar a awm leh tawh em?" A ti zui nghal a.

"Awm rih lo, nimin khan Marlene nen in inhmuh thu Dante hian min lo hrilh a." Ka aw ka thian pah khurh a.

"Yeah." Ngaihsam hmel fahran hian a ti mai a, kei erawh ka ngaihdan a ni hauh lo, he nu rapthlak zia chu mit ngei a hmu tu ka ni a, chuvanga a pasal boral tak hnu pawh a hnaih duh lo ka ni.

"Luca he thil ah ber kher hi chuan fimkhur viau ang che, he nu hi a pasal aimah pawhin a sualin a rapthlak a nia."

"Ngaihtuah duh suh, keiman Marlene chu ka buaipui thei a lawm." A ti leh mai a, ka menkual khum rulh.

"He ka zinna tur hi cancel rih mai ila athat ka ring, lo awmbo na chi ni in ka hre ta lo tawp mai." Ka ti ve ta a, hetiang khawp a mihlauhawm bulah Luca chu ka veng thawng lo thei lo.

"Nilo e, kal la ka duh pui che, chuan i rualin Ma leh Bella pawh hruai tel ve nghal la, hmun him lamah lo dah la ka duh."

Ka khabe chu ka dawm deuh run run a, "Figlio eng thil nge tih i tum chiah hi?"

"Duhthlanna ka siamfel mai chauh a ni e."

"Eng chung chamgah maw?" Ngawi renga lo awm Dante pawh chuan a rawn ti ve ta khauh a.

A file enlai chu khupin a hmel rum zet chu kan hmuh theih tur a rawn pholangin kan lam hawiin a rawn inher nghal vut a, chutah muang leh fiah ṭha kelh kawlh tak a ṭawng chhuakin, "Donnie leh a ṭhuihhruai ho zawng zawng leh Marino Cartel member ho zawng zawng hi thah vek ka tum." A ti chhuak ta a.