TESPNAYA REAKSIYA LOST CHAPTER 28

TESPNAYA REAKSIYA LOST CHAPTER 28

FAKNA MILEM AWM KHA A THEI THEI IN HMEH LEH VEK TUM.ANG AW, CHUAN SECOND SAWM VEL CHHUNG LEK KAN NGHAK VE HRAM.HRAM DAWN NIA, MIDANG TA HMEH SAK TAWH MAH ULA A HRAN ṬHEUH A NIH A VANGIN A HMEH NAWN LEH THEIH VEK TIH KHA KAN HRE DAWN NIA.

LUCA....

"Donnie leh a ṭhuihhruai ho Marino Cartel te chu ka that khawp ang."

"I â ta em ni?" Ka pa chuan a lo ri deuh hu a.

"Â hauh lo, he buaina thil a ṭanga chhuahnan hian maw ke ka tih, mei chu mei veka ka beih a ngai ang, chu chu kawng awmchhun nimaiu hek."

"Luca ngaithla rawh chu chu kawng awmchhun a ni hauh lo."

"Kei pawhin ka pawmpui e, Bailey vang mai hian indo na kan chawk chuuak tur a ni lo." Dante pawh chuan a lo ti ve sup bawk a.

"Bailey ho tan ka bei dawn reng reng lo, Emma tan zawk a lawm ka beih dawn, a hmel hmuh nawn leh ka duh tawh lo a , amah erawh ka thah tir thei lo thung, board chu kan ko dawn nge ni a, he hmun hi kan chhuahsan rang tawh zawk dawn, eng nge kan tih ber dawn tak?" Kati bak hluk a.

"Ka hre nang, boss i ni a lawm." Dante chuan a lo ti zauh.

"Boss a la ni chiah lo." Dad chuan a lo ti ve nghal bawk.

"Dad he hmuna tiang thil tlak tlailo zet i ti duh a nih chuan ka lawm ngawt ang chu! Kei chuan tiang thil tih hi peih pawh ka peih tawh lo, hetiang tilo a awm theih chu ni se, tlanbo san vang vang ka duh zawk a sin."

Dad chuan thawk ala huai a, ka la melh rum reng tho.

"Tianga Marino ho nen a indo kan tum a nih chuan kei pawhin ka zin tur hi ka ṭhulh leh mai a ngaih ka ring."

"A ngailo ang, America ah chuan kal zawk rawh, chuti lo chu engvangin nge i ṭhulh leh thut tih ngaihtuahna a vangin Donnie hian ringhlelhna a ngah mai mai zawk ang, chulo ah Bailey ho kha lo va hmu a lo va be turin ka duh bawk che, a chhan chu Emm..... Alexandra kha lo ngaihvena venhimna hnuaia a awm ka duh."

"Chung te chu phone pawhin kan hrilh thei mailo em ni?" Dante chuan a lo ti leh a.

"Dante a chang hi chuan nang pawh hi ka ngaihtuah ṭhin ngawt mai che." Ka chal ka dawm khum ruih a.

"Ngati nge?"

"Phone hmanga Marino phatsan tir min duh tihna mi? Tianga tih chi nise zawng ka ngaihtuah telloh i ring emaw ni, hetiang te phone sawi chi a ni ngailo, Bailey ho pawhin an duh dawn hek lo, chu mai pawh nilo in, kan phone call hman lo tapped ta ang se engtin nge ni ang, thil a kalsual zo vek dawn tih hi i hrelo em ni?"

"Ka lo ngaihtuah miah hleinem." A ti deuh hu.

"Hei vang hian a lawm, kei boss ka nih a nang i nih loh na chhan chu!"

Ka pa lam chu ka hawi leh a, "Dad, Ma leh Bella pawh kha i rual a kal chhuak ve thei nghal tur a an thawmhnaw te pack fel sa turin i lo hrilh ve dawn nia."

"A nih chuan Los Angeles ka pan hmasak zet phawt a ngai dawn nih chu!" A khabe a tuai pah nauh nauh a.

"Ni chiah e, chuan Mack hnenah khan lo sawi la, he kan ramhuai hian New York thleng thleng chet a lak a vangin, a tih tur ang ang lo ti nghal rawh se.".

Ka phone ah chu phawrh chhuakin number pakhat chu ka hmet chhuak nghal a, ka bengah chuan ka ngai thla deuh vung vung a rawn puckup ta a, "Silvano, Luca ka nia, ralthuam i theih ang ang leh i hmuh ang zawng zawng lo dap khawm turin ka duh che."

"Aw le, ka lo ti ang, mahse kar thar lamah chauh a rawn thleng thei tawh ang aw."

"Nilo, kar thar chu a rei lutuk, damnit vawiin chhung ngeiin ka duh ang, chuan i lak khawm zawh veleh ka villa lamah rawn la nghal bawk che, chumi i rawn tih rual chuan Lorenzo, Tyson leh Matteo pawh rawn hruai tel nghal bawk la."

"Luca eng atan nge ni ta tut tut a, thil thleng thut a awm tihna mi?" Ngaihṭha lo aw zet hian a rawn ti a, thawk ka la hawk, "Inrawn thlen hunah ka la hrilhfiah ang che u."

Ka maimitchhing vung vung a, chawp leh chilh lutuk a thil ti tur kan nih dawn a vangin, plan fel fai tak leh ṭha tak kan neih ngei chu a ngai ang, engtikah mah Emma nunna hian a tawrh ka phal ngai dawn lo.

NEWYORK....

DETROIT....

Trey Callie thlan a ṭanga ka haw pui leh hnu leh inlama ka thlah hnu chuan Warehouse lam ka pan a, kan docs kim lo chu a nasa hle mai, a bik takin silai manto chi leh a mu a ni tlangpui a, tun ṭum phei chu kan chan nasa leh zual, tu tak chu ni ang maw? Mimal tih a nih phei chuan chutiang zo zai hralhna chu a hre dawn lo tih lah kan chiang em em a, pawl te eng emaw sumdawnna ṭan turin kawng lakah an hlan thlak ruk kan ring ber, chutiang kan thil bo ṭhen a vang chuan kan chan duai dawn tih lah kan hai hek lo, $ 100000 chuang zen zawn fe chu kan chan dawn chiang mai, tih ngaihna lah a awm der mai silo.

Rilru hnual zet chuan inlam ka pan veleh ta a, inlamah ka awm hah dam te te phawt a,Warehouse lam pan turin ka inkhalh chhuak leh ta nghal a, chu lama ka kal hma chuan kawng lakah Hunter in a tla tho a, eng nge an pafa chu an an hrim tih hriat ve reng reng ṭha in ka hria a, Hunter inzawn ka thlen chuan ka car khalh chu ti dingin inchhung lamah chuan ka pen lut ta a.

HUNTER HOUSE ....

Inchhung ka lut Hunter chu kitchen lam counter a dinga beer lo in hian ka va hmu a, "I duh ve em?" Frigde hawn a tum nghal a.

"Duhlo, motor ka khalh.".

"Helai hmun te engin nge rawn thlen tir ta che a?".
.

"Warehouse lama kal tur ka nia, eng nge i an tih ka rawn hre duh mai mai maw le,Trey nen in inbe leh tawh em?"

"Yeah, kan ṭha leh vek tawh, tiang hi Kiara chungah thleng ta se, kei pawhin Trey tih ang bawk hian ka ti ve tho ang."

Hunter chu a meng rum nghal ul a, ka hnunglam chu a melh run bawk a, ka va hawi phei ve chu a hmai vel Trey hnek na. A vanga duk ruih mai nen Brandon chu a rawn lang i alo ni a, "Brandon eng nge i duh?" Hunter chuan thinrim awka zet hian a ti chhuak nghal hrawih .

"Ka kal chhuak dawn."

An pafa chu an inmelh rum ngang 

mai, "Kal chhuak dawn i tia lo, tunah hi chuan i kal ka phalna awm chhun chu Alexandra zawn hna thawhna lamah hian i pui thei ang, chumi a nih loh chuan khawiah mah i kal chhuah ka phal reng reng lo, ka thusawi chu i hria em?"

"Yeah, ka hria." Thinrim hmel zetin inchung lamah a chho leh hmak.

"A lakah khan i la nem chiah nange?"

"Trey vang pawh a niang chu, chuloah Brandon hian a phu ve hrim hrim bawk."

"Maya in hetiang hian Brandon hi hmu ta se, a lawm bik hauhin ka ring lo." Ka ti chhuak leh sup a .

"Nilo, Detroit, a ni chu min hriat chhuah nawn tir lo teh!" A hmel chu hmuh theih khawp hian a ngui nghal ruih a.

BAiLEY'S HOUSE...

TREY..

Room chhung ka lut chiah Tori ṭap thawm ka hre nghal a, Theo chuan thiam leh thiamlo hian a lo awi ve hi a lo ni a, "Ngati nge a ṭah chiam chiam reng a?"

"Engtin nge maw ka hriat bik hrep ang le?" Theo chuan ti in zeilo zet hian a awih chhunzawm a.

"Hnute te i pe tawh em?"

"Tehreng mai, mi â nileng ka nih bik lo hi!"

"A nih chuan i taksa sawi deuh hlek chung khan han awi chhin teh, Detroit awih ṭhin dan ang khan."

"Engtianga awih in maw?"
A ngaihna hriat loh hmel zet hian min rawn en pah hau a, Tori lah chu hling zinga dah ang mai hian a ṭap uar sauh sauh mai leh nghal.

Thawk ka la hawk a, "Ka beidawng tawh tak zet." Ka ti chhuak a, diktak chuan a nu tello chuan engtin nge naute hi ka enkawl seilen ang ka ti tawp tawh, ka chau zo vek tawh.

"Shusss bengchheng suh, a mut chhuak a suak pak a nih hi, hei a muhil dawn nia." Theoa'n a tih takah chuan ka thusawi tur âng leh zau pawh chu ka chip leh nghal a.

Chutihlai tak chuan ka phone a rawn ri beng chheng leh ta nghal a, Theo bawk chu a phun leh nghal hluk, "I ti ṭha hle mai, naute bulah te chuan phone te hi silent in an dah ve ṭhin tih i hre na nge?"

Engtinmah a chhang ta lo chuan ka phone chu ka phawrh chhuak vat a, ka pickup tz nghal a, Theo pawh a kal hla ve nghal bawk.

"Hello."

"Ngawi lawk rawh aw, i thusawi ka hre thei lo."

Tukverh bul lam chu ka pan a, "Aw le, tikhan sawi rawh le."

"Cooper Eng buaina nge awm leh ta pek ?"

"Boss, Mr.Romano nangmah hmu tur che in a lokal, hei gate ah kan chelh mek." Cooper chuan a rawn ti ta mai a.

"Gate bulah a awm i tia lo? Eng thil nge a duh hrep le?"

"Engmah a sawilo, thil hmanhmawhthlak takah biak ngei che a duh thu a sawi, chuan ka lo dap dawn em?"

"Aw, lo dap kual la, chumi hnuah i rawn luh tir chauh dawn nia, chuan in ven nana silai a kawl a nih chuan gate ah khan rawn hnut chhiah bawk rawh se."

Phone ka dah hnu chuan "Tu maw gate bulah chuan awm a?" Theo chuan a rawn ti ve a.

Tori pawh alo mut fel ve chiah bawk.

"Giovanni Romano maw le."

"Eng naw?" A awrawl.a san chiah Tori a rawn ṭe leh nghal, "Shit....shuss shusss." Tori awmah chuan a zu beng pah thak thak a.

Tori a mut chian leh hnu chuan min rawn pan hnai a, "Eng thil nge thleng leh ta pek?"

"Ka hre bik hauh lo, mahse ka hriat chhuah vat erawh ka ring, Tori bulah hian lo awm tlat ang che, chuan khawiah nge Sofia leh Zaraa hi an awm?"

"An kal chhuak dun."

"A ṭha e, tah hian lo awm rih rawh ka rawn reilo ang."

Ka hawi kual.deuh ruai a, "Khawiah nge maw ka jacket pawh hi a awm hrep le?"

"Kawngkhar bula chair ah i dah saw."

Ka jacket chu la in ka kal chhuak ta nghal a, ka office kawngka bul ka thlen phei hnu chuan kawngka bula lo ding Cooper chu ka bia a, "Eng chung changah nge biak min duh a sawi em?"

"Sawilo, mahse a hmanhmawh thlak thu erawh a sawi thung!"

"Nih leh invenna ang chi silai te a rawn pai em?"

Mi buk khum nghut pah hian, "Aw, hand gun a rawn pai a, mahse gate ah a hnut chhiah tawh."

Engmah sawi leh tawhlo in ka office kawngkhar chu ka hawng a, ka lut ve ta nghal a, a chhungah chuan Giovanni leh Cane ngawi renga lo ding chu ka va hmu nghal a, "Cane i kal thei tawh ang.".

A buk nghut hnu chuan min chhuahsan ve ta nghal a, Giovanni lo dinna lam chu ka pan phei a, "Eng thil in nge ka huang chhunga i ring rawn fan tir ta mai che?"

"Luca hnen a ṭangin thil hrilh tur che pawimawh tak ka neih vang a ni e."

"I fapa hnen a ṭangin maw?" Ka mengrum zual sauh.

Mi buk khum.zauh pah hian, "I fanu hi dinhmun hlauhawm takah a ding tih hi hrilh che ka duh a ni."

"Chuti ang lam pang chu maw ni a, well, a nih chuan.a landanah Luca hian a puak phur turin a pa a rawn ti tihna a va nih hmel ve?"

"Chutin in vau na lam.a nilo a nia."

"A Nih leh sawifiah ta che?"

"Helai hmuna rawn lut tur hian theih phei se chuan ralthuam thel hauhlo in ka rawn lut ngei ang."

"A nih leh engvanga silai rawn ken luh tum nge i nih chhan?"

Thawk a la huai a, "Trey Mafia ka ni ve tho tih hria la, silai te chu ka kal na hmuna piangah ka keng ang chu, ken loh ka thiam tawh lo mah maithei zawk a ni, chutiang chu nang pawh i nih ve tho ka ring!"

"Ok, kan thusawi tur ka ti rei mai mai zawk ni in ka hria, sawi ṭan ta che."

Giovanni chu a ngawi ta daih a, ka nghah theihloh zawng tak a ni, chutiang lam chu ka zqidamna in a tlin hek lo.

"I thusawi tur ka ngaichang reng a nia." Ka ti leh nghut.

"He thil hi engtiangin nge ka hrilh dawn che tih pawh ka hre lo."

"Chutia pehhel kual vak a ngaih ka ring lo, sawi chhuak tawp rawh."

"Marino ho khan i nupui thihna tur thil an ti a, chu an.thil tih chu a hlawhtling ta reng bawk a.

A thusawi chuan chemte hmawr zum taka vih ang zet hian min deng nghal Zawr, "Eng thil nge i sawi chhuah hrep le?" Ka insum hman lo, ka thin chu a sa up up nghal bawk.hian ka hria.

"Donnie Marino chuan a unaunu a pui a, ka hriat dan phei chuan Donnie chuan engkim mawh a phur vek a ni mah zawk ang, chumi awmzia chu Donnie leh a ho te Marinos an in rawlh thuk hle tihna a nih chu!"

"Donnie Marino unaunu chu a tu nge maw a nih hrep le?"

"Marlene Martinez maw le.". Tih Giovanni an a sawi chiah ,hun kal tawh hnu chu ka mitthla ah a rawn lang nghal zut zut.

Marlene Martinez,mo lo ni hrep?

Ka mit. Ka chhing a, eng ang hmel nge ni kha? Ka hre chhuak leh ta e, kan restaurant ah ngei an nupa a an rawn kal tawh tak kha maw, Sofia nuhrawn ngei mai chu!

TREY FLASH BACK...

"Terence in rawn lang thei hi ka lawm hle mai, chutih ruala kan innghah tir che u a vang erawh chuan ngaihdam ka dil e."

"Ka nupui Callie hi i la hre rengin ka ring."

"Hello." Callie pawhin alo ti ve sep.a.

"Engmah buaina tur a awm.lo,

"Trey, Callie kan han inhmu leh thei hi ka lawm khawp mai, hei hi ka nupui Marlene a nih hi!"

"Mr Bailey, MrsBailey a tawp a tawp a kan inhmu thei hi ka lawm e." A nupui chuan a lo ti ve bawk a.

A hmel kha ka,la theihnghilh hauh lo, hmeichhe sual tak a ni tih pawh ka la hre chiang khawp mai, engvanga,a ni chu lo la hmaih thei nge maw ka nih hrep zawk chu le?

Ka rum chhuak hrawih a, ka kut ka hum ruh hle bawk a, ka thisen kal lai te pawh a lum nghal pup pup a, chu chuan ka chuap a thisen in pump chu a ti chak sauh bawk a, phuba lak chakna leh tualthah duhna rilru hlir ka pu bawk.

"Chu nu hrep chu le, engvanga lo hmaih thei nge ka nih le, chuti nise Callie hi a la thilo tur a, ka that ngei ngei ang."  Ka ti nghal tlawk tlawk.

"Ni e,,ka that chiang khawp ang, an zavaiin ka that fai vek ngei ang."

"Ni e, ti ngei ang che, Terence kha kan lam pang a ni a, mahse a ni nen erawh kan inchhunna a hla deuh tawh a, mahse mi ṭha tak a nilo tih erawh ka hria a, Terence ai mah pawhin Marlene kha a rilru a la chhe leh zual."

"Chu zawng ai chuan a hmasa in Alexandra hi veng la, khawilo a kal a nih pawhin body guard neih tir la, a mah chauhin khawiah mah kal tir lo ang che."

Ka harh chhuak thut, Alex hi a bo vang vang a, an lo kawl tawh pawh a nithei, "Nilo, nilo, an kawl tawh reng zawk pawh a nithei." Ka ti ta phawng a.

"Eng maw?" A tim ve hmel kher mai, 

"Ka rawn tlai hman deuh tihna mi?"

"Nimin aṭang khan kan la hmu zo lo hrim hrim, a nu boralna a tawrh a vangin khawiah emaw ah kal a nih ka ring a, oh hrep tak chuan, ka fanu hi chu ka chan nawn leh thei tawhlo ang, a nu min hriat chhuah tir tu a ni a,sin le."

"I chan hauh lo.ang."

GIOVANNI.....

Trey te inchhung ah chuan a ṭhuihhruai te zing ami pahnih lai chuan min hruai lut a, Trey chuan ka thu sawi tur chu a lo hriat thoam ngei ka beisei, Aexandra hi ka fanu ang taka ka en a ni a, a thihna turin eng thil mah ka tih tir hek lo ang, Trey chu warning lo pe lawk ila, Alexandra pawh a veng him theih ngei ka ring bawk.

Trey kid te pahnih nen chuan ngawirengin kan in zui lut a, Trey office chhung niawm takah chuan sam buang pa palian tak nen hian.kan lut a, kan ngawi dun ran bawk, a tawp a tawpah zawng Trey pawh a rawn lang ve ta hram e, min lo awmpui tupa chu a kal theih tawh thu a hrilh hnu chuan chu pa pawh chu thu awih takin a kal chhuak nghal ve mai bawk a.

Trey chuan nelawmlo zeta mi rawn melh pah hian thu min zawt ṭan ta a.

"Eng thil in nge ka huang chhunga i ring rawn fan tir ta mai che?"

"Luca hnen a ṭangin thil hrilh tur che pawimawh tak ka beih vang a ni e."

"I fapa hnen a ṭangin maw?" A mengrum zual sauh.

Ka buk khum nghut a, "I fanu hi dinhmun hlauhawm takah a ding tih hi hrilh che ka duh a ni."

"Chuti ang lam pang chu maw ni a, well, a nih chuan.a landanah Luca hian a puak phur turin a pa a rawn ti tihna a va nih hmel ve?"

"Chutin in vau na lam a nilo a nia."

"A Nih leh sawifiah ta che?"

"Helai hmuna rawn lut tur hian theih phei se chuan ralthuam tel hauhlo in ka rawn lut ngei ang."

"A nih leh engvanga silai rawn ken luh tum nge i nih chhan?"

Thawk ka la hawka, ka thusawi tum dan chu a man thiamlo kher mai,"Trey Mafia ka ni ve tho tih hria la, silai te chu ka kal na hmuna piangah ka keng ang chu, ken loh ka thiam tawh lo mah maithei zawk a ni, chutiang chu nang pawh i nih ve tho ka ring!"

"Ok, kan thusawi tur ka ti rei mai mai zawk ni in ka hria, sawi ṭan ta che."

Ka ngawi ang ren rawn a, kei ngei pawh ka inkhap buai hle, eng kim thil thlen dan ka hriat ho zawng zawng kha ka hrilh dawn nge ni a, Alexandra veng ṭha hle turin ka hrilh chauh dawn tih ah ka buai.

Nge ni a Marlene hi a nupui that tu a ni tih ka hrilh zawk dawn, chu thil ka hrilh chuan phuba a la ngei dawn a, pawi pawh ka tilo, mahse tun dinhmuna chutiang lo hrilh chu a tuar thiam zawk ang em tih erawh ka hre lo. Chuan lo sawi theihna dan ka nei em? Tih pawh ka ngaihtuah tel bawk.

Mahse ka nupui Elena pawh mi tu emaw in lo that ta ang se tu nge that tu tih chu ka hre duh ngei ang.

"I thusawi tur ka ngaichang reng a nia." a ti tak nghutah chuan ka harh chhuak a, mahse sawi ṭan dan mai erawh ka hre tlat lo.

"He thil hi engtiangin nge ka hrilh dawn che tih pawh ka hre lo."

"Chutia peh hel kual vak a ngaih ka ring lo, sawi chhuak tawp rawh."

"Marino ho khan i nupui thihna tur thil an ti a, chu an thil tih chu a hlawhtling ta reng bawk a."

"Eng thil nge i sawi chhuah hrep le?" A hmel put hmang chu a dur nghal khuih khuih a, a nupui boralna chu a tuar hle hian ka hria, Elena ka hmangaih ang tluk zetin a nupui pawh hi a hmangaih hle tih ka hre thei, chu chuan a mah lainatna min neih tir a, Trey hi misual tak pawh a nilo a, Alexandra vang tal pawhin ka pui hreh hauh lo, Eng ang pawhin Luca hian Alexandra hi hnar tum mahse hnar theihloh hun a nei dawn tih ka hre chiang a, chumi hunah chuan Luca hian a hmangaih zia a la hre chhuak ngei dawn tih pawh ka hria, chu tiang ngaihtuahna leh Alexandra laka a rilru put hmang leh a thinlunga a duhna te chu tunah hian a pawm mek ni in ka hre bawk.

"Donnie Marino chuan a unaunu a pui a, ka hriat dan phei chuan Donnie chuan engkim mawh a phur vek a ni mah zawk ang, chumi awmzia chu Donnie leh a ho te Marinos an in rawlh thuk hle tihna a nih chu!"

"Donnie Marino unaunu chu a tu nge maw a nih hrep le?"

"Marlene Martinez maw le.".  Ti a ka sawi chuan pawi tihna a vangin a hmel chu hmuh theih khawp hian a dang sawp sawp nghal a.

A maimit chhing ta ringawt a. Ka ngawi reng, lo biakna cho ah ka ruat hek lo, minute nga vel dawn ngawi rengin a maimitchhing a, a rawn meng chhuak leh chu a mit chu meiling ang mai hian an meng ling vat tawh.

"Chu nu hrep chu le, engvanga lo hmaih thwi nge nih le, chuti nise Callie hi a la thilo tur a, ka that ngei ngei ang." 

"Ni e,,ka that chiang khawp ang, an zavaiin ka that fai vek ngei ang."

"Ni e, ti ngei ang che, Terence kha kan lam pang a ni a, mahse a ni nen erawh kan inchhunna a hla deuh tawh a, mahse mi ṭha tak a nilo tih erawh ka hria a, Terence ai mah pawhin Marlene kha a rilru a la chhe leh zual."

"Chu zawng ai chuan a hmasa in Alexandra hi veng la, khawilo a kal a nih pawhin body guard neih tir la, a mah chauhin khawiah mah kal tir lo ang che."

A kun tlawk tlawk chu a rawn dak chhuak thut a," Alex hi a bo vang vang a, an lo kawl tawh pawh a nithei, "Nilo, nilo, an kawl tawh reng zawk pawh a nithei." A ti chhuak ta phawng a.

Ka phu ve zawk , "Eng maw?" Alexandra chu an lo man tawh maw ni a,  ka hlauthawng kher mai,"Ka rawn tlai hman deuh tihna mi?"

"Nimin aṭang khan kan la hmu zo lo hrim hrim, a nu boral na a tawrh a vangin khawiah emaw a kal a nih ka ring a, oh hrep tak chuan, ka fanu hi chu ka chan nawn leh thei tawhlo ang, a nu min hriat chhuah tir tu a ni a,sin le."

"I chan hauh lo.ang, naktuk.hian Luca chuan Marino Cartel ho chu beih a thah fai vek a tum in plan a nei a, kan phone ang a, Alexandra chu a mah chauh bakin a chhan chhuak thei lo ang."

"A nih chuan kei pawh Sicily lamah ka kal a ngai dawn tihna a nih chu!" A ti chhuak ve ta sup a.

"Ni e. A ngai ngei ang, ka jet pawh ka rawn keng a, LosAngeles kal lawk nan ka hmang a, chu chuan kan.pahnih in kan kal dun dawn em.ni ang, eng nge i ngaih dan?"

"Giovanni engvanga min ṭanpui nge i nih?"

"A chhan chu i tan i jet han buaipui kual leh vel ai chuan a rang zawk daihin ka ring, chuan Alexandra hi ka hmeichhe ngainat zawng tak a ni a, chuan ka fapa ngei mai bul hnaia a awm lai a ka fapa mizia a thlak danglam sak hneh zia pawh mit ngeia hmu tu ka ni, chuvang chuan eng tikah mah an thah hi ka phal ngailo ang."

"Tu tu nge i ruala lokal dawn, han rel fel la, tichuan i hrilh hre hlawm bawk ang a, tichuan kan chhuak nghal mai dawn nia." Ka ti leh a.

Trey chuan min buk khum nghut hnu chuan a inher vut a, a kal chhuak ta nghal a.

Ka phone keiin ka phawrh ve thung a, Luca chu ka be ta nghal a .

"Luca, Alexandra chu an kawl sa daih tawh a nih hmel."

SICILY....

LUCA....

Vawiin lamah chuan ka pa chuan Bailey te chenna a thleng tawh ngei anga, chan chin min rawn hrilh tur pawh a nei thuai tawh ang, kan hna naktuk lama kan ṭan tawh dawn a vangin, vawiin chu hahdam thei ang bera awm a ka pa min rawn phone hun nghah pahin nuam.taka awm ka duh, Dante chu sawmin kan swiming pool bulah chuan in tur kan dawm dun a, chutih lai tak chuan ka pa phone call lokal a vanga ka phone ri chu ka pick nghal vat.

"Hey dad, eng nge chan chin ni ta?"

"Luca, Alexandra chu an kawl sa daih tawh a nih hmel."

"I ti tak tak em?" Thawk ka la nghal hrawih.

"Ka chiang chiah bik.lo, mahse a pa sawi danin nimin a ṭang khan an hmu zo tawhlo a, nimin zan  in a ṭanga a kal chhuak a rawn la haw leh loh thu a sawi a lawm."

"A nih chuan an kawl nge kawl lo tih chu i hre chiang bik chiahlo tihna a ni maw?"

"Chuan eng thil nge a lo tih pui tak che?"

"Luca chu chu a pawimawh ber lo, tuna pawimawh ber chu khawnge Alex hi a awm hriat thuai a pawimawh."

"Ok, ka lo ngaihven dawn nia, he ka thil tih turah hian a khawmuan chi vak dawn lo tihna a nih chu!"

"Chuan a bik takin tunah hian a ni chu an kawl leh kawl loh i chiang bik chuang lo tihna maw ni a?"

"Aw, hei tunah Trey te nen Sicily rawn pan kan tum mek, a mipa te ho a han hrilh ang a, tichuan ka jetin kan rawn.thlawk haw nghal ang."

"Aw le, kha chu an thu ni rawh se." Phone chu ka cut nghal.hmak, ngaihtuahna a kal thui duh viau. Emma chu inah a pa in a awmlo a tih chuan khawiah nge a awm tak ang? Nge Marlene khan a lo kawl reng tawh zawk? Thawk ka ka ri hrawih a, Dante ka bula mi chuan min lo en ve reng, "I sawi dan hmang a ṭangin Emma chu Marinos ho in an kawl tawh ti in ka lo ngaithla a, a ni em?"

"An hre chiang bik chuang lo." Ka chal ka dawm pah ruih a.

"A nih leh nghah rih i duh tihna mi?"

"Nilo e, kan enthlithlai thuai a ngai ang, an lo kawl tawh a, a la dam a nih ngat chuan thil laih chhuahna khur hluiah khan an dah ngei ngei ang."

"Thil laihchhuana khur hlui maw?"

Ka buk khum zauh, "Marinos ho hian an awmna hnuai leihnuaiah chu tiang chu an nei a lawm, an awmna hnuai mai a nih a vang leh hria an awm tam loh a vangin veng tu pawh an in dah mumal vak ngailo a, tunah ngei pawh guard ho awm loh lai tak a ni ngei ang a, chumi hlan chuan kei nin kan lo la chhuak ang a, awlsam takin kan hruai chhuak thei daih ang.".

"Chuan engtin zel?"

"Chuan Bronze Dragons ho lo thlen hunah an duh leh an mahni ngeiin indo na chu ti chhuak sela, indo sela, kha chu an thu thu a ni tawh mai."

"A ṭha khawp tak ang." A bu ve nghut nghut a .

Min rawn melh leh rulh a,"A nih chuan kan pool party neih hi a tawp tawh tihna ah kan ngai mai dawn mi?"

"Mipa ho kha hrilh nghal la, tun aṭanga reilo teah kan chhuak nghal mai dawn nia."

Min buk khum leh zauh a, a phone chu a phawrh ta nghal a, tam tak kal ngaiah pawh kan ruat lo, guard ho pawh awm mumal lihna hmunah chuan a pawimawh zual kal ila a tawk chiah ang, mi sawm rual kan va kal chuan a tawk thei maiin ka ring, chu pawh eng emaw thut thleng palh thu hla ah tih chauh a ni.

Midang ho pawh an rawn thlengkhawm ve ta a, nghah rei an ngailo khawp mai, kan hmanhmawh deuh hlek bawk nen chu loah a hlauhawm dawn lo tih ka chian em.a vangin, han inthuam uluk lah ngai ka ti hek lo.

An awmna lo lam luh chhuahna lam kaw leh lam tawp a ṭangin luh ka ril ruk a, chu lam pan chuan kan tlan ta a, a hmun kan va then chuan kawngkhar tui ek zet tawh inkalh bam chu kan hmachhawn ta ran hlawm a, "Dante engtiang choah a hawn harsa nge maw a nih hrep le?" Ka dawhtheilo chuan ka ti chhuak ṭhawt.

"I ti duh ve chhin tihna mi boss, a lawm awm khawp ang chu!" A nui pah suk a.

Kan thir chehna ken chu a ṭhat tehreng nen, an tha in a tlin lo zawk a ni ngei ang, chutiang lamah chuan hmanraw ṭha ber ber kan keng si a, heti em ema a tuiek hnehna chhan pawh helam a ṭang hian tumah an luh ngailoh vang a kum.eng emaw ti chen lo inkalh tawh a nih vang a ni.

A tawp a tawpah chuan kawngkhar chu a ri ta rak a, kan thil tih lai hi a hlauhawm vak lem lo a chu, thawm erawh kan dim thiam.viau a ngai thung dawn tih pawh ka hrilh lawk vek tawh hlawm a, chutiang tak chuan a hmunah pawh kan awm tlang.

Kawngkhar chu a inhawng ve ta hram a, "Boss kan hawng ta e." Danre chuan kawngkhar chu a hawng a.

A chhung chu a thim ṭha kher mai, kan torchlight ken eng lutuk tur thupna kan viah bawk nen phei chuan englo tak hi a ni ringawt, pawn khaw eng a ṭanga thim a luh tum kan ni keh nghal, thim tak a ni.

"Kei leh Dante chauh a chuungah kan lut ang a, nangni erawh chian a hmun hi lo hual ula, tu pawh helam a ṭanga rawn luh tum an awm chuan cham chin min rawn hrilh vat ang che u."

A chhungah chuan ka va lut a, ka benga ka vuah bluetooth chu on nghalin, "Riccardo ka ṭawng i hre thei em? Tu pawh helama lokal i hmu a nih chuan min rawn hrilh nghal vat dawn nia."

"Aw le Luca."

"Kan lut a nia, lokal rawh leh Luca."

A chhungah chuan kan lut ṭan ta a, lei hnuaia room awm hrang hrang chu kan en kual a, mahse engmah hmuh tur a awm lo; a ruak huai vek nimai hian ka hria, "Dante helai hmun chu a ruak a ni mailo maw?" Ka ti chhuak ta hial reng a, a chhan pawh kan torch ken en ṭhat ngamloh bawk nen kan tan chuan a buaithlak ve em bawk a ni.

"Hei aia ril zawk ah te hian an dah te a nithei ang em?"

"Kan en leh poh a niang chu, mahse kan kal thlawn erawh ka ring deuh thlat." Ti in kan phun dun pah ser ser a.

Chutih lai tak chuan room ri niawm.tak hi kan hre ta a, kan phu dun zawk nghe nghe, "Chu eng thil nge?" Kan ti rual dun ṭhawt.

"Ka hre chiah lo." Ti in ka chhang ve mai a, thawm lo chhuahna lam ni awm a kan rin na lam chu fimkhur zet hian kan pan phei dun ta.

"Dante tah hian lo awm la, eng thil nge ka va en ang e, nangin min lo cover dawn.nia."

"Aw le, mahse fimkhur viau ang che."

"Ka tum.a lawm."
Ti a ka chhan hnu chuan keimahin thawm lo chhuahna lam chu ka pan phei ta a.

Thawm lo chhuahna ni awm tak chu ka va thleng phei a, room chhung a ṭangin ni in ka hria, thawm lah a zawi ang tulh tulh keh nghal, ka thlaphang ru hle mai,  Emma a nih loh reng ka ring lo.

"I hmu thei em?" Ti in Dan te chuan min rawn au a, "Hmu theilo a thim em a lawm." Tih oahin kawngka kalhna chu ka hawng nghal a.

Room chhung ka lut bang kil lam thim chhah laiah chuan mihring ruangam ang zet ka va hmu a, ka theih ang tawkin ka en ve a chu a hmel erawh ka hmu choang thei der lo.

Ka pan.hnai deuh hlek a, a sam rawngah chuan Emma a ni tih ka hre nghal, "Cazzo." Anchhia ka k
Lawh pah sup, rang lutukin kan pan phei nghal a, a ni chu thi chhawngin a lo let reng tawh, nilhua a hre mumal lo leh nghal, damdawi ruih theihna an pe nge a an sawisa chau, engmah a hmuh chian theih bawk silo, mahse Emma ngei ni in ka hria, "Emma."

Ka sawi deuh hlek.a, "Emma honey, ka aw i hre thei em?"

"A la dam maw?" Dante chuan a rawn ti a.

"Dam chhuak zo tur hmel pawh a pu tawh lo."

"F*ck engtin nge ni ta ang?"

"Dante lo ngawi hle hle rawh, kan bei chhin ang e, i thil tih lai ah chiah khan rilru lo oe ringawt rawh, min cover tu i ni tih kha hre reng la."

"Aw le, ka hnaih phei tawh e, kal la, pawn lamah lo va chhuakin doctor lo va phone nghal thuai ang che."

"Aw le, ka kal nghal e, ka rawn lut leh vat ang."

"Come on Emma, i la thi chiah lo a nia, honey inti pachang hram hram rawh."

"Khawngaihin .....min ṭanpui ...hram rawh...."

"Baby tunah chuan engmah hlauhthawn tur a awm tawh lo, hei ka hmu tawh che a lawm ṭawng chhuah tum duh rih suh."

Eng angtaka na nge a nih tih chu hmu thei chiah rihlo mah ila, a chatthla teuh hle ni in ka hria, chutiang khawp a nih tawh chuan dam dawi eng emaw an ei tir ang a, thi turin an kalsan.vek pawh a ni thei bawk, kan tlai hman loh hram ka beisei, a bik takin min kalsan mai tur chuan ka la phal lo.

"Ka hming kha....Emma a ni lo..."

"Babe ka hria a lawm ka hria e, ṭawng chhuak suh ka tih che kha, i taksa chanve chu thi tawh angin awm mahse min la tibuai khawp mai honey!"

"Ka .hming chu....."

"Honey ṭawng tawh suh!"

"Nilo....ka ....hming sawi ....a ....ngai..."

"Ka....hming chu....C...Callie..."

"What the f*ck...." Ka phu chiang lutuk, ka awmna ka sawn dawr nghe nghe, dik tak chuan khaw eng ṭha panngai ah chuan awm ni ila zawng, ka hmel.out dan chu thlarau hmu ta te pawh ka an ngawt ka ring.