TESPNAYA REAKSIYA LOST CHAPTER 32

       

TESPNAYA REAKSIYA LOST CHAPTER 32 SANGTEI KHAWLHRING

Fakna milem awmkha hmetin second sawm chhung lek a thei theiin nghak veleh hram hram ang aw, hei hi in tan a thawnthu ka rawn chhawp chhuah sak theihna che u a ka net thun theihna a ni si a, min ngaih pawimawh sak ve hram hram dawn nia.


TREY....

Giovanni hmu tur chuan Luca an dahna room lam ka pan a, Callie ka han hmu leh zet chu ka hlim kher mai, chutih rual erawh chuan min hrilh danin a mah a vanga Luca hetianga a awm phah erawh hi chu pawi ka tih pui a, Giovanni ngei pawh ka khawngaih kher mai, mahse engmah tih theih lah kan nei bik silo.


Callie inthiamlohna chu awm ka tih puiin, ka hrethiam lutuk, a mah a vanga Luca hetia awm ta hi a ni si a, eng pawh nise Giovanni biak.thuai a, inlama hlim.taka haw leh erawh ka thil thlakhlelh ber te zing a mi a ni.


Luca chu glass lang tlang thei room ah hian an mut a, chutia ka va ding lang chu Giovanni chuan min rawn hmu vat, pawn lamah a rawn kal ve nghal a, a hmel pawh hmuh theih tlukin a ngui bawk, a fapa a ai rawn awh tu tur leh a hnung zui tu ber hetiang hian a awm ta si a, ka chanah in dah ve in, Theo pawh hi tiang ni ve se zawng ka tuar ve tho ang le, a bik takin hetiang thil hrim hrim hi kei leh ka chhung te chungah thleng lo hram turin ka duh a, mahse kan dan theih nilo a rawn thleng thut thei a nih zia ka hre chiang hle bawk.


"I fapa in Callie chunga a thil tih hi engtin nge lawmthu ka sawi ang tih chu ka hre lo a, mahse lawmthu sawi erawh ka ba nasa hle in ka hria." Ka lo ti nghal a.


"Trey kan chunga bat nei angah inngai duh suh!"


"Mahse chutiang tur chuan a ti tlat si a lawm le, eng emaw mamawh innei a nih chuan eng pawh nirawh se min rawn hrilh tawp dawn nia."


"Dante khan min rawn hrilh a, Morinno ho pawh an awm tawh lo ang a tia a dik ang chu ti raw?"


"A dik a lawm." Sawi tur vang hlle hian ka hria, ka khabe ka dawm pah rauh rauh a.

"I chungah ka lawm e, Luca hetiang a nih tawh hnu ah leh lek phei chuan engmah kan ni tawh dawn silo a, nangnin min rawn pui ta hlauh a, Riccardo lah a u hnung han zui turin, a la nau deuh hlek a, a la theih tak tak dawn silo ."

"Kan mipa te ho zawng zawng kha an ṭang khawm a, chu vang chuan an chak theih phah ta a nih kha."


A bu ve nghut nghut a, "I nupui chu eng nge a an tawh tunah?"


"A tha a ni mai e, mahse he hmun kan chhuahsan hma a Luca vawikhat tal hmuh phawt a duh a ni awm e,mahse thil tih awma i ngaih lem loh pawhin  ka hrethiam lutuk tho a nia."


"Chutiang lamah chuan ven a ngaihna awm reng reng ka hmu lo, hmu tur chuan i nupui chu rawn hruai ang che." A ti ta a.


Ka buk khum zauh a, "Ok, ka rawn hruai dawn nia."


Callie hruai tur chuan ka let phei leh a, Giovannia'n hmuh a rem tih thu ka hrilh chuan, hmuh theih khawpin a hmel hmuh a nuamin a eng chhuak nghal.



Luca an dahna room kan thlen phei leh hnu chuan Callie chu ka hruai lut a, kei ni erawh kawngka bulah Giovanni nen kan ding thung a, Callie chuan Luca chu ring lutuk lo kan hriat phak si hian a khum bulah dingin a be mawlh mawlh a.


"Luca hetiang thil i han tuar hi pawi ka ti lutuk, mahse i bula rawn kala lawmthu rawn sawi ngei hi ka ba ni in ka hre tlat a, tun aṭang chuan i lakah bat nasa tak ka nei reng dawn ta a nih hi! Thinlung takin lawmthu ka hrilh duh che a, he ka chunga i thil tih ṭhat hi eng tikah mah ka theihnghilh leh tawh ngailo ang."

"Ka fa bulah ka haw tawh dawn a, mahse,nangmah hmu turin ka rawn kir leh ngei ang tih erawh ka tiam duh che."


Thawk ka lo la hawk a, Giovanni hmel ngui ta sawt ka hmuh phei chuan, "A rawn kir leh tawhlohna turin thil ka lo ti dawn nia." Ka ti ve sup a.


"Chu chu a ṭha berin ka ring." Zawi te bawk hian a phun chhuak ve sup.


"Chuan Alexandra ngei pawh hi alife a ṭanga a kal sawn hi a ṭhat bawk ka ring, a chhan chu Luca hi he thil a tanga a tha chhuak leh a nih chuan mahni in cover nan leh damchhuahna hun turin hun rei tak a duh dawn a, chuvang chuan hetiang a hmeichhe kum la naupang tak mai dinhmun harsa taka a han ding leh nghal mai tur hi a,tawk tawh mah mah, Alexandra hi ka fanu ang maia ka lo en ṭhin a ni a, a tan a tha tur pawh ka duh bawk, chu vang chuan a hringnun kal dan pangai ang leh Luca nen an intawn hma a a life kha nei let leh se ka duh pui hle a ni, a chhan chu Luca hi rawn dam chhuak leh pawh nise, a hma qng a nihna kha a phak ka ring tawh lo." A ti chuar chuar a.


"Ka hrethiam e, chuan mi dangin an zahna ang che kha i chungah pawh hian ka lan tir ve a ṭul bawk ang, i duh dan ang ngeiin Alex pawh chu keiman ka lo ngaihtuah dawn nia."


"Tunah chuan good bye ka ti rih phawt ang che, engkimah khan i chungah ka lawm tak zet zet a ni tih erawh min hriat sak dawn nia." Callie in a tih hle hnu chuan, kan dinna lam a rawn pan a, keini pahnih pawh chuan kan thusawi lai chu kan ti tawp chawpchilh zui a.


Giovanni kan mangṭha hnu chuan Theo lo book lawk tawh hotel lam chu Callie nen chuan kan pan dun a, Theo chuan eng nge maw a hriat a, honey moon suit te a lo book reng reng ni, mahse a ngaihdanah erawh a,awm viau mai, Callie chuan a ril ṭam thu a sawi chuan hotel chhunga ei tur tuihnai ber chi hran hran ka chah sak a, a tan chuan tam lua sen pawi tihna pakhat mah ka nei lo, kha hmuna a tan laia chaw kaw puar a ei ngailoh thu a sawi chuan ka hnuk a ti ulh ṭep, a thusawi dik zia a taksa ah pawh a hmuh theih hial a, kha ni a bo chhung leh kan inhmuh loh chhung zawng khan alo cher sawt hle tih a sawi pawh ngailo in ka hmu bawk. Keini in a kan mi tang te ei tur lamah ber kher kan pek hniang hnar ṭhin tehlul nen, a rawn kir leh lawmnan ei tur kan ei hma in champange manto ber chi kan dawm dun phawt a, mahse a ngaina teh chiam lo, a ni duh ber thin zawk chu red wine ngat a ni tih pawh ka hria, chu erawh chaw nen kan hmeh ta thung a.


A thil ei tui lutuk leh ei tur ṭha hmu ngailo ang maia a han ei bian bian mai ka hmuh chuan ka lainat kher mai, chu chuan kan intawn ṭan tirh laia a hmel kha min hriat chhuah tir a, zing a tho aroom lam a ṭanga a rawn chhuk a breakfast tur ka lo siam sak ṭum a ka thil siam lai ril ṭam hmel taka a en dauh dauh ṭum kha ka hriat chhuah phah hial, khami ṭum pawh khan a ril a ṭam hle a, ni engzah fakau nge chaw kaw puar eilo a a awm tawh tih pawh hriat lohin breakfast a ei tur a tana ka chhawp sak zawng zawng a ei fai vek a nih kha.


A thil eilai chu lainatna nen ka lo thlir reng a, ka rilru na lutuk chuan ei ve chakna pawh min neih tir lo zo vek.


Mun rawn melh zauh a, "A tui hlawm hle si a, i ril a ṭam lo em ni?" Min ti ta hial reng a.

Ka plate a sweet corn tlem awm hawp ve zauh pah chuan, "Hei ka ei reng hi!" Ka nuih pah suk a.


"Oh, Trey kha ti lo deuh khan maw le, bawngsa ti hem hmin chu rawn zai thla in ka plateah a rawn dah a, a mah pawh chuan aṭhial ṭalh ṭalh bawk, chuti khawp a thil rawp chunga a han ei tak tak mai chu hmuhnawm tham zet a tling.


A thil min rawn suah pawh ngaihven ta chuang lo chuan, ka wine in lai la bang zawng chu ka tlak pawp a, a dang ka inthlit zawm leh zat bawk, a duh ang tawk a ei hnu chuan a ṭhu ta hle hle a, mahse a wine intam deuh vang nge a ṭawng duh barh barh phian mai, chu chu Callie ka hmangaihna pakhat a ni.


Hotel chhungah chuan rei tak chhung kan hman tawh loh nupa nun kan hmang te te phawt a, kan mut hahdam dun leh vang vang hnu ah kan tho chhuak a, America lama haw turin kan inpuahchah ta nghal a.


OVER ATLANTIC OCEAN....

THEO...

Jet kan chuan hnu rei tak pawh kan la thlawk lo, atlantic tuipui chungah kan thlawk mek a, kan jet pawh kan thlawhsan tir em em lo, tihtur a awmlo in ṭhut chawrh chawrh a ni mai a, intur kan dawm tluk tluk tih loh chu tih tur a vang khawp mai, kei ngei pawhin bar lam ka pan chhen ringawt.


Dad leh mum chu hahdam ber si a muhil hmasa sa ah a ṭang leh nghal a, zan reilam a ni tawh a, midang ho pawh mut an tintuah ve ṭan bawk, rei vaklo hnuah phei chuan kei leh Detroit chiah meng awmchhun kan ni tawh a, a ni pawh a chauh ve tehlul nen inlam.a han haw hma leh thut tur chu a helhhawlh a ni ve hrim hrim ang.


Ka bulah chuan a thil inlai keng chungin a rawn ṭhu thla ve a, "Luca chuan inhlimna ni a rawn thlen sak ta che u a ehhh?"



Ti ti phung pangai taka,sawi mai mai ani tih chu ka hre reng, mahse thutak zet hian ka lo buk khum zauh a, "Ni e, a chung chang a,ngaihdan ka neih kha a diklo tih ka hre chhuak chiang hle bawk." Ka ti chhuak ve sup a.


 A nui chhuak hawk hawk nghal a, "A ni chuan i nu silai mu tawrh ai a tawrh sak a in huam a, ni e, i ngaihdan chu alo diklo chiang hle mai."


"Ni e, i sawi dik, ka ngaihdan kha a dik hauh lo." Ka ti nawn leh ngat, Luca ka lo ngaihdan a dik loh zia ka hre chhuak mai nilo in, tunah chuan mipa rilru ṭha tak a nih zia,pawh ka hre chiang hle tawh a, a chunga ngaihdan diklo zet ka lo neih pawh chu a diklo hul hual tih ka hre chiang hle bawk.


"Heng mumang rapthlak tak tak a han tawp ta hi ka lawm tak tak a ni." Tih pah chuan ka chal ka tuai pah zauh a.


"Chutiang pawh chuan i sawi thei ngei ang."


"Ka nu a la dam a, chu chu a pawimawh ber."


Ka mut chhuak a rawn kal ve ṭan ta a, ham deuh bui bui pah hian, "Kan muhil kan harh hunah leh zing a nih tawh hnuah chuan NewYork ah kan awm tawh ang a, kan life pawh pangai takin kan kal tir leh thei tawh ngei ang."


"Ni e, chu chu kan phu a lawm." A ham ve bawi bawi a.
Kan pahnih chuan kan thil in na no kan dah fel hnu chuan mut lam kan tin tuah ve ta nghal a.

THE NEXT MORING

TREY...

Kan chuanna jet tum hnu chuan carin inlam pan mai kan hmabak tawh a, ka phone phawrh chhuakin Alex chu ka tex nghal a, thawmhnaw tih tlak tak lo inbel tur a hrilhin a nu la dam thu erawh ka hrilh duh rih lo thung, mahse eng emaw celebrate tur kan nei ti in ka hrilh tel a.


Jet a ṭanga kan chhuk hnu chuan Cooper chuan carin min lo hmuak a, midang ho erawh car dangin an inlam theuh an pan bawk a, kei ni nupa leh Theo erawh hmunkhatah kan chuang thung! In kan thlen hnu chuan car aṭanga chhuak hmasa berin inlam ka pan nghal a, inchhung ka luh chuan Alex ka hmachhawn nghal, ka lamah rawn tlan pheiin min rawn kuah nghal thlawp, "Dad, pawi kati lutuk, ka thil tih atthlak zet a vang khan ngaihdam chi ka nilo tih pawh ka hria." A ti nghal mawlh mawlh a.

A hmel chu a buai niai a, ka lainat viau, a nu thi ni a ahriat vang a ni ngei tih pawh ka chiang hle, "Mahse khatia kal bo rih kha duhna ka nei tlat a, ka indang theilo a ni." A ti leh nghal bawk a.


Ka la ngawih reng a vang chuan ka chunga a insawi thiamna chu thawklo ah a ngai a ni ngei ang, hreawm tih hmel zet hian min melh chho a, "Ka kehdarh vek ni a inhriatna ka nei a, mahse i rilru tihnat sak che erawh ka tum a ni hauh lo." A ti ta sep a.


Ka la ngawih reng tak a vang chuan men deuh pai pai chung hian chhuak zetin a ṭap chhuak ta a, thawk lak hawk pahin ka kuah nghal vat, "Its ok honey, ṭap tawh suh, engkim a ṭha leh vek dawn a lawm."


"Eng ang chiahin nge i nat ang tih leh eng rilru nge i put tih hi ka hrethiam a lawm." A hnungah chuan ka chul sak a, a kawr lo hak te pawh chu ka hrilh ang takin a lo inthuam a, ka rawng ngainat ber chi peach color  a lo ha bawk a, chutiang rawng chu a tet deuh laia  ka hak tir ṭhin a ni a, min tih lawm a tum viau ni hian ka hria.


"Dad ka tihpalh lutuk." La insut ri hraih hraih chung chuana ti a.


"Ka hrilh tawh ang che khan vawiin chu celebrating tur kan nei a, chumi lawm nan chuan hlim takin hun hman kan tum ang chu, a nilo'm ni?"


A mittui tla chu a kut chuan a hru hul pah malh malh a, la ṭah aw deuh ṭiau chung hian, "Eng celebrating nge kan neih dawn a?"


Callie kawngkhara ṭanga rawn pen lut ve chiah chu va mitmei khumin, "Hei hi maw le?"


Callie in kan bul a rawn thleng a, "Hey sweetie." Ti a Alex a ko chu a phu nasa kher mai.


A dang nghal vek, "Alex sweetie i ṭha maw?" Callie chuan a fanu chu a pan hnai nghal a.


A hmel a dik ta hauh lo, hnung lamah a tawlh belh hrat, ka che chhuak vat a, Alex tlu tur chu ka dawm hman hlauh, Alex chu a thidang chiang hle, "Alex."

"Trey eng emaw tal ti teh!"  Callie mang ang chu a ṭawng chhuah zawng chuan a aw a khur dar dar.


"Alex ka ṭawng i hre thei em?" Sofia pawh rawn tlanphei ve nghalin Callie hmel a han hmu leh chu mak a ti ve hle a, mahse Alex awm dan a hmu chiah a che chhuak vat, tui rawn la vatin, Alex lu chu kan tih huh sak a.


Theo pawhin a phine phawrh chhuakin doctor a ko nghal ta vat a, doctor pawh chuan kan koh a ṭangin rei a rawn rial lo, a rawn thleng ve nghal vat, Alex chu a room lamah kan mut a, doctor chuan a en dik mek,  Callie nen chuan Alex room bulah dingin doctor lo chhuah hun kan nghak a, doctor pawh rei vaklo hnuah a rawn chhuak ve leh nghal mai bawk.


Doctor hmel ka hmuh veleh chuan zawhna ka lo zawt nghal vat, "Taylor, Alex chu eng nge a an?"



"A tha e, a thil hmuhin a shock em.a vang khan nikhawhrelo in a tlu satliah mai mai a nih kha, ngaihtuah awm lutuk in a awmlo e."


Thawk ka la huai a, "A ṭha leh mai ang ti raw?" Callie pawh chuan a ti ve nghal.


"Aw, a ṭha leh vat mai ang, mahse tunah chuan muthilh tir rih ula, a rawn harh hunah chuan engkim.a dik leh vek mai ang."

"Kan lawm e, doc."


"No problem, eng emaw thil thleng te a awm thut a nih leh min rawn hrilh leh nghal vat dawn nia."


"Ok, kan lo ti ngei ang." Doctor pawh chu a chhuak leh ta nghal a, Callie nen chuan Tori kan mutna lam kan room kan pan a, mit tui tling pam hian Callie chuan a fanu kan mutna lam chu pan in a pawm kang a, "Trey ka hmuhloh chhungin a lo lian hman tawh hle mai." Mittui la tling pam leh hlim.a vanga meng de sar sar chung hian min melh chho a.

"Nia ti raw."


"Min la hriat reng pawh hi ka ring lo a sin, mahse ka kut pawh a lo la hre reng a nih hi!" Tori lam melh lehin a nui pah sak a.


Ka pan hnai a, "Offcourse a la hre reng ang che." A chal a fawh sak zauh pah hian, "Tu in nge maw theihngilh thei che a i rin reng reng ni ehh?"


Tori mutthilh hnu leh a mutna khuma a mut let leh hnu chuan inhnuai lamah kan chhukthla a, Theo te nupa leh Zaraa te nen chuan breakfast tui tak kan kil tlang ta hlawm a, Sofia chuan kan ei tur a rawn chhawp lai chuan Callie chu chiang em em a melh pah hian, "Ka la ring theilo rum rum mai." A la ti a.


"A âtthlak viau ti raw?" Theo pawh chuan a nupui sapport zet hian a ti ve bawk a.


Sofia chuan ṭhutna lama ṭhut thlak ve pah a a eitur lam chu ngaihtuahin a bu nghat, "Mahse a âtthlak dan erawh a ṭha lam a ni thung a lawm." A nui var var bawk a.


Zaraa chuan breakfast a ei zawh hnu chuan a pi mal chung lam a pan nghal a, "I rawn haw leh dawn tih hi ka ring reng a."


"Honey, tiang chuan i lo ring ṭhin a maw?"



Zaraa chuan a pi melh chhoh kal pah hian, "Aw ring e, min kalbo san lai khan ka hlimlo ṭhin lutuk a, chuan daddy pawh a ṭap bawk a."



"Well, tunah chuan ka lo kir leh tawh e, khawimaw, min han kuah phawt mai teh!" Tori chuan a pi chu a kuah nghal vat.


Thil kan ei zawh hnu chua. Callie nen bawk Tori hnute hnek tur keng chungin kan room lam.kan pan leh a, Alex room kan pan hmasa phawt a, engmah hre lo a a mu lai chu thlir deuh ren rawnin kan room lam kan pan leh ta a.


"Alex hi hetianga a han awm.mai hi ka la ring theilo, chuan Luca leh a ma chung chang te hi eng nge ni reng reng?"


Ka khabe ka tuai pah zauh a, "Chan chin kim chang tak chuan ka hre bik lo a, mahse, an pahnih ah erawh hi chuan thil eng emaw tak zawng a awm ka ring."


"A nih leh Brandon hi le?"

"Ka rindan chuan an inkar thu a tawp tawh a nimaithei."


"Tiang chuan i ring a? Kgawngaihin he mi chung chang thil i sawipui tawh ti in min han hrilh teh!"


Ka chal dawm pah ruih chung hian thawk ka la hawk, "Callie tiang chung changah chuan a ngaihna ka hriat ṭhin loh zia pawh i hriat ve reng kha."


"Tiang sawi pui mai mai te chu engtiang a harsa,viau nge maw a nih le?"


"Ka tan maw? A harsa lutuk ringawt, chulo ah ti ang hmeichhe chung chang thu ṭullo lutuk sawi hi a harsa ka tan."


A chal dawm ve zauh chung hian, "Keiman Alex chu ka biak a ngai ta a nih hi! Chuan luca an kah thu pawh kha ka hrilh hriat ve ngei a ngai ang."



"Nilo, tunah chuan a muhil rih a, naktuk zinglamah i la hrilh dawn nia, naktuk a nih hma chuan hrilh duh rih suh!"


"Aw le, i sawi dik ang, Luca hmu tura a kal duh a nih pawhin, keiman ka hruai mai dawn nia."


"Callie chu kher chu a thlen ka ring lo."


"Ngati maw?"


"A chhan chu, kha kha Gio duh dan a nihloh vangin."


"Tiang chuan a sawi a maw?"
A meng phawk nasa mai.



Ka buk khum nghut a, "Sawi e, chuan kei ngei pawhin a mi ngen na ang chu ka zah sak ve tur thu ka sawi bawk."
.

"Alexandra hi a duh zawng a nih loh vang tihna mi?"


"Khalam a ni lo, Callie a letling thawk zawk."


"Trey ka hrethiam hauh lo."


"Alexandra a duhsak vang leh a hmangaih vang zawk a ni e, a chhan chu Luca dam chhuah tur leh tur loh chung changah hian engmah thil chianna a awmloh vang zawk a ni e, damchhuak leh pawh nise, a hma ang khan ngai a rawn awh leh thei tawhlo ang, chu chu Gio rindan a ni a, chuvang chuan Alexandra hian Luca hi lo nghak lo turin leh midang hmangaih a tawng leh thei a nih chuan nei turin a duhsak zawk tihna a nih chu, kei pawhin a rawtna chu ka pawmpui ve bawk a. " Ka ti ta a.


"Trey chutah chuan nangin a duh i lo thlan theih ni in ka hre lo, Alexandra leh Luca tih tur zawk ni in ka hria."


"A dik, chu pawh ni se, ka kuta ka ban phak bak a ni tho tho, Alexandra hian ti lui ringawt sela, a mah Luca a harh chhuah siloh chuan a pa thu a ni a, kei in a ni rawh se emaw ni suh se ka lo tih theih ni bik hek lo."


"Nih leh Alex hian Luca chu a hmangaih ve reng em?"


"Baby ka hre lo le, ka ring."


"Welcome home Callie." A ti chuai raih.


A thusawi pawmpui zeta dinhnaih ve nghal pah hian, "Yes, welcome home baby." Ka ti chhuak ve sup.


A chala,zu fawh sak zauh pah chung hian,  "Ka ngaih zia ṭhin thu che kha ka hrilh tawh che em kha?"


"Ka rindanin, vawi tam chu min la hrilh lo in ka hria,mahse ngaihthlak leh pawh pawi ka ti chuang lo."


"Ni e, i la ngaithla tam tawk lo ang tih hi ka chiang." Ka nui chhuak suk a.


Ka kun hniam a, ka hmuia a heh nawr kau sak pahin duh thawh zet hian a ka fawp leh ṭan ta a.