TESPNAYA REAKSIYA LOST CHAPTER 26 SANGTEI KHAWLHRING

Chapter hnih ngawt ka rawn dah a, a thei theiin fakna milem awm kha min hmeh saka second sawm chhung vel lek min lo nghah sak ve turin ka ngen tak meuh meuh che u a ni e.



BACKIN NEW YORK....

ALEXANDRA....

In ka thleng hnu chuan ka inngaihtuah buai na sa kher mai, hre awm ti leh rilru hah zetin ka muhil ve ta hram a, ka mumangah lah chuan Luca leh Brandon ka la hmu zui, an pahnih ṭawngkam chu ka lo khai khin vel bawk nen.


LUCA
"Kei pawhin ka hua che ."

BRANDON
"Ka hmangaih ang tluk che hian a ni hian a hmangaih ngailo ang che."

LUCA
"A ṭha, kei pawhin ka hua che a lawm honey."

BRANDON
"A life ah nang chiah hi a hmeichhia i ni lo tih hi in hre rawh aw."

LUCA
"Yeah, ka hmangaih che a lawm, mahse chu chuan ka mizia a thlak danglam phah chuang lo ang."

BRANDON
"A nawhchizuar a duh duh huna a mutpui theih tura ṭan nge i duh, ka lalnu a ṭan?"

Chutiang thil ka hmuh a vang chuan ka meng chhuak nghal, "Ugh."

Peihlo zetin ka tho chhuak a, bathroom lamah ka in tifai hmasa te te a, kitchen lamah chhukin Theo leh Zara chu ka fin ve ta nghal a, "Morning Zaraa."

Theo chu a phone rik a vangin kitchen a chhuahsan nghal, ka tho chhuak a, va zui ve mai hi ka tum a, mahse phone chu a be rei phian, Luca chung chang sawi pui lawk ka duh si, kitchen khawkhar bulah chuan ka ding ta ran a, ka pa a rawn chhuk thla veleh nghal, "Aw le, ka theih anga rangin rawn thlen a tum dawn nia." Phone a dah chiah dad chuan alo be nghal.


"Thil tleng diklo a awm leh tawh em ni?"

"Shipment ṭhenkhat a kim lo leh tawh a nih chu, diktak chuan nimin lama rawn thleng tur tawh kha a nia."

"Warehouse lamah kal ka tum, i lo kal ve nghal dawn mi?"


"Aih, vawiin chu inlam a ṭangin ka thawk ang."


"Alex hi a tho ve tawh em?"

"Kitchen ah Zaraa nen an awm dun kha."


"Eng nge a an tawh?"


"A ṭha a ni mai e, a ṭap tawh lo a, chubak thildang eng nge ni vak ang?"


"Dimitri chung chang chanchin thar hriat i nei tawh em?"

"Aw, mahse engmah chanchin thar erawh hriat a la awm lo." Dad chuan a chal a dawm pah ruih a. "Warehouse lamah i kal a nih chuan shipment chung chang chu min rawn hrilh ve dawn nia."


Theo chu tlai lamah hun awl.a neih chuan hrilh mai zawk ka tum ta a, Zaraa bulah chuan ka phei leh a,  a ni chuan bawnghnute leh cereal mix chu a lo hawp zo ve chiah, table chungah chuan a lawn leh ṭan ta a, ka ṭhutna lamah rawn kalin min rawn kuah a, "Oh, Zaraa ka ngai tawh lutuk che."


"Ka ngai daih zawk che."

A chalah ka fawh sak zauh a, "I hria em, dawhkan chunga i lawn hi i pa in a hmu che a nih chuan a thinrim leh ngawt ang, a ni em?" Ka nui var var a.


"Yep." A ngaih pawimawh vak hmel loh, a chhan pawh a ti ṭhang tawh a, a pa lahin a hau reng a, ngaiah a nei tawh mah zawkin ka hria.


"Nana hmu tura kal ka duh." A ti chhuak ta reuh a, ka ngui nghal raih raih.

"Kei pawhin ka hmu chak a lawm."


"A nih chuan hmu turin kal ang."

"Kan thei hleinem Zaraa."

"Nga ti nge?"


"A chhan chu...."

"A chhan chu eng vang maw?"



"Ih a chhan chu.... lokal la min han kuah leh phawt teh!"

Min rawn panhnai a, a kut te reuh te chuan a theih ang tawka nghet hian min rawn kuah ve a, "Hey, min kuah dan hi a nuam lutuk ringawt."

A FEW HOURS LATER

Sofia a rawn lut a, Zaraa chu inbual turin a hruai sawn ta a, kei pawh ka room lam ka pan chho leh a, khumah chuan ka phone hum lai chu ka theh thla thak, a ri zawm nghal, ka phone chu ka la kang leh vat a, ka en chuan Brandon bawk a lo ni leh a, thawk ka la pah halh, a mah leh bawk maw, tunah rih chuan ka la thei lo ang.


"A chhan chu ka ât phah mai dawn in ka hria." Ka ti chhuak nghal hlar a, eng emaw tak a rilru tih thawven ka mamawh.


Ka phone a Kiara number ka saved chu ka dial ta nghal a.

"Hey, girl i tha maw?"

"Kiara he thil a ṭang hian min chhan chhuah ka ngai." Ka ti nghal tawl.



"Eng chung chang nge i sawi?"


"Zankhat na na na chu heng ka thil tawn zawng zawng te hi theihnghilh vek ka duh, Luca theihnghilh ka duh a, chutiang bawkin Brandon pawh."


"Ka nu hi a la thi mai lo anga ngaihna ka nei tlat bawka, heng thil.te hian min ti â zo dawn tak ngialin ka hria, chuvang chuan hlimna eng emaw tak chen a, zankhat lek ka nundan hi theihnghilh ka duh."


"A nih chuan juicy bar lamah kan kal dawn mi?"

"Oh, a ṭha tak ang, chu chu ka mamawh tak pawh ni in ka hria, ka lawm e Kiara, nang hian i ti thei tih hi ka hre rengah.'


"Ok, ka rawn inpeih vat ang, ka car ka rawn khalh chhuak anga, ka rawn lam dawn che nia."


Bathroom lamah ka lut leh nghal a, ka intifai nghal zawk zawk a, zanin chu ka duh ang a piang engkim ti thei dinhnunah ka ding choang a lawm.


Sexy thei ang ber chuan ka inchei a, kawr chhing tight tha tak, rawng hring lam, vakirawng pawl mah mah tur bahna pawh neilo, hi ka la chhuak a, kekawr bul chhing tha zet mai rawng dum inbel lehin, pheikhawk dum kaih flat bun nuam tur tak chu ka inthawlh leh nghal a, ka sam chu kawi tawk vel lek tur hian ka vial kawi ngiat bawk a, ka inpeih chu a ni mai.


Ka chhuak ru leh dawn tihna mi nuang? Ugh, hmeichhe kum 22 lai a upa ka ni ve tawha, teenage ang maiin chhuah ruk ka la tum a nia, ka chal a dawm pah zauh, hmmm hei pawh kum 22 a upa ni mah ila, min la kalh khum ṭhin vang chauhin a lawm ni ṭhin, chuvang chuan a lawm, engtin nge an thil kalh ka hawn thiam ṭhin a, engtianga chhuahruk tur nge tih ka hriat zung zung nachhan pawh ni ṭhin reng ni.


Time ka en zauh a, "Damnit ka tlai dawn." Car chu ngaihtuah ngam na chi pawh a ni tawh lo.

Hmanhmawh zet leh man chhuah hlauh a vanga fimkhur tak chung chuan ka chhuak ru ta a.



Car ka hire a, Kiara chu ka lam nghall bawk a, kan pahnih chuan 36 steeet hmuna Juicy bar lam pan chuan kan kal dun ta a, a chhung kan lut chu tlemin boruak oawh a dang nghal, intur lamin kil khatah hian kan di g dun ran a, thil eng eng emaw kan sawi dun malh malh a, Kiara ka a ṭang chuan ka nu cham chin emaw Luca a ni emaw Brandon pawh ni se, pakhat mah a ri chhuak lo.


Chu chu ka mamawh tak pawh a ni reng a ni, kan oahnihin cocktailh kan undun mial mial a, kan kai ṭan tawh tuh hriat zet hian ṭawng chhuah te pawh kan inchuh dun ta nak nak a, kan hlim dun phian, "I ziaawm phah deuh em?" Intur no chu la kangin, notlang a ṭang chuan min rawn melh a, a in pah nghal khalh bawk.


"He tia min kal chhuah pui duh a vang hian ka lawm e, ina ka awm ngawt ngawt chuan â mai dawna inhriatna ka nei hman a lawm." Ka nui hak hak a.



"Well, zanin chu engkim theihnghilh ṭhak khawpin i han awm teh ang."


Kan piah lam chu ka melh phei a, mipa pahnih ding dun an ṭawng pah a kan lam rawn melh leh zauh ṭhin chu ka va hmu fuh a, eng vang nge ka hre lo, sambuang zawk chu ka ngainat tur chi tak ni hian ka va hmu nghe nghe.



"Chutiang anih dawn chuan sawlaia mipa te sawn chutiang lamah chuan min puih theih ngei ka ring."

Kiara chuan ka hawina lam chu a va melh ve nghal a, "Nice, kei pawhin aih ti in ka sawi pui hauh lo ang che."

Sambuanga zawk chuan kan en reng tih a hriat chuan min rawn siai khum suk, a chhelo ve thlawt chuan ka hria, mahse chuti em.em a ṭha chu a nilo maithei, kan intur inhnem.vang te pawh a ni mahna le.


Kiara nen kan pahnih chuan kan en dun reng a, a ṭhianpa niawm.tak sam dum zawk a chuan a kalsawn san chiah tihin, Kiara chuan min rawn nghawk deuh salh a, "Saw a maha a awm lai tak sawn va pan rawh."


"Ka theih i ring tak tak maw?" Ka zam thar leh hnu hnawh deuh a .



"Huhh, hetiang te chu engtik laiin nge maw i tih tawh ngai reng reng le? Brandon nen in inkawp char char a, chutah Luca nen a ni leh a, nakinah i inpeih hunah Luca nen in chan chin kim chang erawh hriat ka duh ve ngei dawn nia."



Ka menkual khum ralh a, "Hmm, i kal dawn lo a nih chuan keimah ka kal mai ang."


"Ok, ka kal ang e." Ka ti ve ta a, thawk la raih raih chung chuan chu pa lam chu ka pan phei ve a.


"Hey." Chu pa bul zam zet a ka va thleng pgei chu a mitmu pawl ramin mi lo melh pah chuan a lo ti sup.


"Hi, i bula rawn kala 'hi' rawn tih hi ka ril ruk deuh a, rui deuh tawh viau pawh ni ila, ka biang a sa nghal hat hat.


"I ti chu a lawm awm e, Dale ka nia." A ṭawngkam chu a nelawm phian.


"Alexandra ka nia, hetiang thil hi pangai takin ka ti theilo, a chhan chu ka la tingailo hrim hrim a, mahse ka ṭhiannu ngaihdanin hetia ka tih hian ka nawm phah deuh a ring a." Ka thusawi chu atthlak ka ti leh hnuhnawh kher mai, thawk ka la halh.


Mahse chu pa chu a nuih ka ti za viau a niang a nui chhuak ta hawk hawk a, "Hey, eng nge ka tih dawn pawh ka hre lo." Ka ti chhhuak leh sep.


A nui lai chu a tawp thut a, a che chhuak vut, min rawn hnaihchilh nghal a, "Engtia tih a ngai lo, hei i ti sa reng a lawm." Thawk a la ri hawk, "God i duhawm tak zet."


Min fawp ta nghal a, lo chhanlet ve tur nge ni a, lo dawh tawp tur tihlah ka hrethiam lo, a fawhna chu a dam viau a, a râwp hle ni a hriatna erawh ka nei, a duhthawh tulh tulh a, ka kâ chhung chu a lei in a rawn hawl kual nak nak pah bawk a, infawh chu a zei kher mai, mahse Luca in ka taksa a thiltihtheihna a neih ang erawh kha chuan a thawk chuang lo.


"Hmeichhe hriatthiam har tak chu i ni ve chuan ka hre ngawt mai, hrep tak che chuan Alexandra." Brandon thinrim awka kan bul hnai mai a ṭanga rawn ri chhuak chuan min inṭhen tir nghal phak, Brandon hmel rum lutuk chu ka hmachhawn nghal bawk .

"Brandon." Ka phu nghal zawk, chu hmunah chuan ka beisei hauh lo.


"Dude hetah hian kan beisei hauh lo che ." Dale chuan a lo ti ve a.


Brandon chuan Dale chu rum zeta melh letin, "Tu in nge i ngaihdan zawt reng reng che a?"


"Dale hun reilo te min lo pe lawk dawn mi?"

Min rawn en a, engmah sawilo in a bu nghut, a kalsawn zui ta nghal a, "I rawn hmuh dan ang kha a ni hauh lo tih hi ka hrilh ang che." Ka ti chhuak nghal tawl.



Za lo zet hian a nui chhuak hawk a, "Oh, a lan dan aṭang chuan kei leh Sicily lama gangster lakah ah khan duh i thlang fel theilo a, tichuan hmelhriat pawh nilo mipa dang zawn i rilruk ta zawk a ti raw?"


"A dik hauh lo, nang pawh i pa leh i unaupa hi gangster ve tho an ni tih tun thleng hian i la hre chhuak lo a ni maithei."



"Nang pawh Romano nawhchizuar zinga pakhatah i va ṭang tih hi i inhre chhuak biklo tihna mi?"



"Chutiang sawi chu ngam.pawh i va ngam zawk ve?" A hmaiah chuan high five ka chak lutuk, ka chak ang ngei chuan ka che nghal, "I nupui nih ai chuan kum khua a Luca nawhchizuara ṭan pawh ka thlang zawk tih hi hria ang che."


Ka kalsan ta nghal a, engtin chiah nge a tih dawn tih pawh ka ngaihtuah zui duh tawh hek lo, khatiang khawp a min ṭawngkhum thei a nih chuan Brandon hian min hmangaih tak tak pawh ka ring lo.


SICILY...

LUCA...

Ka room lamah kawr chung lam pawh in bel lem lo leh truck kekawr chiah ha in ka awm mai mai a, ka phone Emma leh keima thlalak a mnana a dah kha ka thlir pah vung vung a, thawk ka la ri hawk, engvanga kha hmeichhia in min kalsan a ṭanga kim lo ru riau a inngaih tlatna nei nge ka nih? He ka rilru a duhna awm hi engtia rei nge ka pawm zam theih dawn?


Ka rum kawngkhar chu an rawn kik kauh kauh a, ka phone screen chu hmet thimin, "Lo lut rawh." Ka ti nghal a.


Dante a rawn lut a, ka hmel chu a rawn melh vung vung hnu chuan, "I ṭha maw?" A ti deuh sup, ka bul a rawn pan nghal a.



 "Engvang chuan nge ka ṭhatloh tehlul ang ni?"


"Ka zawt ve mai mai che."



"Donnie nen a meeting an warehouse a neih tur kha tun aṭanga reilo ah ani tih ka rawn hrilh duh mai che a nia."


"Kha chu keimah leh keimah pawh ka lo inhrilh tawh a sin Dante."


"Emma an thah turah hian puih i tum tak tak tihna maw?"


"Alexandra i tihna em ni?" Rum zet hian ka melh nghal a.


"Ka thusawi awmzia chu i hria a lawm."

"Dante he kan khawvel angah hi chuan lunglenna in hmun a chang ve lo tih hi hria la ka duh, ka tih tur  ka ti mai chauh a nih hi!"


Thawk a la rihawk ri chu hai derin, inthlak turin ka kal sawn san nghal a, "I inpeih hunah inhnuaiah min rawn hmu dawn nia." Ti a min auh zuina chu ka chhanglet tawh lo.


Alexandra hi Donnie chuan thah a tum chiang tih ka hre tawh a, mahse keimah ah he zawhna hi a awm reng thung, lo that ta ang sela, kum khua a inchhirna leh inthiamlohna ka nei ang em? Tih hi ka ngaihtuah lo theilo, mahse Dante ka chhan tawh ang khan thil reng reng ka tih tura ka ruat tawh tihloh ka nei ngai lo.


Tuna ka rilru a awm chu ngaihtuah tur ka nih loh zia leh ka ngaihtuahna tiruak tur ka nih zia ka hai lo, thil ho tham zet hian lapua ang maiah min chhuah thei tih pawh hrechiang ber tu ka ni, ka tih turah hian ka ding nghet ang a, chu chu ka tana ṭha ber tur a nih zia ka inhrilh mawlh mawlh bawk.


Thawmhnaw ka hak fel hnu chuan inhnuai lamah ka chhuk thla ta a, Dante chu ka melh zawk pawn lama ka car awmna hmun lam kan pan nghal nal nal, carah ka thu lut Dante pawh a rawn thleng ve nghal bawk, kan pahnih chuan Donnie te.pawl warehouse lam kan pan dun ta a, a chhung kan lut Donnie chuan min lo nghak reng tawh, "Donnie eng meeting nge ni leh ta pek, ka buai theih zia pawh i hre reng a ni lo'm ni?" A hmel ka hmu chiah ka ti chhuak nghal hrawih.



"Ngaihdan pakhat ka nei a, ka thil tih tur kha i pawm a vangin, ka plan kha hriat tir ve vek che tha ka ti a, chuvang chuan hei hi hre ve hrim hrim la ka duh."



"Eng nge a awmzia?"


"A awmzia chu kan hlimna tih hlawhtlin tir law law ti te pawhin kan sawi thei ang chu!"



A thusawi dan a ṭang chuan Emma hi a kawlsa reng tawh tihna a nithei mai ang em? Ka ti rilru ta hial chu chuan min ti hlauthawng a, chu pa ka hna a ding Donnie chu chik zet hian ka melh chhuk run a, "Engpawh nise, helai hmuna ka han koh nachhan che pakhat chu, mi tu emaw hmelhriat tir tur che ka nei a."


"Tu nge ?" Ka ṭawngkam chhuak chu a bung vek tawh, hawihawmna pakhatmah ka nei tawh hek lo.



"I lo lut thei ang." Ti in Donnie chu a au a, "Hello boys."


"Tunge maw i nih hrep le?"


"Ka unaunu Marlene hi hmu ve ula ka duh a." Donnie chuan a ti a.


Ka ngaihtuahna a kal thui hman kher mai, " Fangs leader Terence Martinez boral ta nupui kha ani e."


Oh uncle Terence nupui maw lo ni a, mahse a ni te kha chu kan inchhunna a hla deuh tawh a, tu nge a nupui tih pawh ka lo hre lo, chu mai pawh nilo in, kha leh chen kha khawiah nge a awm bo?


"Anih chuan kan thil tih tur hi phuba lak duhna vang a va nih hmel ve?" Donnie lam chu ka hawi phei a.



"Ka thusawi chu a dik em, Bronze Dragons khan i pasal kha an thah sal che a ni lo'm ni?"

"Tehreng mai, ka pasal chauh nilo ka fanu pawh min thahsak tel a lawm." Marlene chuana ti a.


"Ka ngaihthlak danah chuan chhan ṭha tawk tak nei ah ka ngai."


Donnie lam chu Marlene chuan melhin, "Donnie heng mimawl pahnih te hian hna chu an thawk ṭha thei meuh in i ring maw? Ka tan chuan an nem deuh mah mah in ka hria." A heh pan hlar sen tak hlar mai a a hnawih chu a pet pah zauh a.

"Nem i tia law?" Ka ti chhuak ṭhawt, chu nu chu ka ngaina lo hmang pang, a hma te a ka lo hmel hriat lo kha ka lawm ta hle zawk a.


Dante lam melh zawk pah chuan, "I unaupa nen indo na kan neih tawh hnuah tunge nem zawk tih chu kan en a niang chu!"


"Ka tel duh na zawng tak." Dante chuan a lo ti ve nghal a.


"Luca a ngai miah lo, i thil tih kawng engkimah i tih ṭhat ṭhin zia ka hria a lawm, Marlene i thusawi turah hian insum.i mamawh, chu ti lo chu thil kal ṭha lai pawh hi i ti chhe vek thei zel a nia." Donnie chuan a lo ti nghal sawk sawk a.


"Uhh, he pa hian tunge boss chu tih hi a hriat ve a ngai a lawm, chuan eng thu pek nge a zawm dawn tih hi zir hmaaa phawt sela, chumi hnuah chauh thil dang chu a tipual darh thei chauh ang."


"Ngaithla rawh lady, tu hnen a ṭang mahin thu pek ka zawm ngailo, ka pa hnen a ṭang chauh lo bak chuan tu hnen a ṭang mahin thupek ka zawm ngai lo, he hmunah hian boss pakhat chauh a awm, chu pawh kei hi ka ni, ka puihna in mamawh chuan kan ti ang, chu chu ka thu ah a innghat bawk."


"Donnie hnenah bat i neih kha."
A mitmeng ver ther leh ngeiawm zet chuan min la rawn melh kha kha a.


"Ka nei a lawm, ka hria e, chuvang a helai hmuna awm chauh hi kan ni bawk, mahse tunah chuan hei hi ka ngaihtuah ta a, nangni pahnih hi thah a, in laka ka bat neih chu tih tawp vat a awlsam ta zawkin ka hria."


"Ha ha, i ngaihdan chuan a awlsam i ring a maw? Donnie mi lehsa ho te hi he building pawnah hian an awm ṭeuh tih i hre nange?"


Dante nen chuan za zet hian kan nui chhuak a, chu ramhuai pitar ngaih dan chuan ka nuih a ti za lo thei lo, "I ti tak tak em?"



"Love tunah hian ka ti tang tawh che u a ni zawk lo maw, ka mipa te ho hian he hmun hi an guard vek zawk tawh a sin, tianga kan pahnih a kan rawn kal tlawng hi ring duh reng remg suh!" Ka nui chhuak leh a.


"Dante he nu hi a pasal leh a fanu in an thihsan na chhan pawh hrethiam.ta in ka in hria, chu pawh a mawl vang vek hi a nih ka ring bawk i ti ve lo maw?"  Nuih za tak chung chuan ka sawi a, Dante nuihza insum pawh a ṭhen ve ṭhaw mai.

"Boss i sawi dik lutuk tlat." A nui zui ve huk huk a.



"Engvangin nge nang ni pahnih té....."


"Marlene a tawk." Donnie chuan a lo ti ta ṭhawt a.


"Marlene tunah chuan min han hrilh tawh la, i ruahmanna te i kalpui zel.dan te hi kan ngaithla duh a nia."


"Tunah hian ka thil mamawh chu tunah hian ka nei tawh a, chu chu in zavaia in hriat tur chu a ni e, Bailey ho chu an keh chhe tawh, chumi a vang chuan keimah leh keimah ngei pawh hi lawmthu ka in hrilh bawk." Ti in a nui chhuak ta a.


"Chuvang chuan kan plan zinga stage two na kha kan tih vat tawh pawh angaih ka ring, chu chu ka ngaihdan a nih chu! Chuan tun ṭumah hi chuan Bailey pawhin a little princess chu a chhan thei tawh hek lo ang."


"I sawi dan chuan tunhma in i lo kawl tawh ni awm takin i sawia, ani em?"


"Kum nga hmalam khan ka pasalin a man tawh ngei a lawm, mahse a ma fanu ngei mai Sofia in a bum a, chu hmeichhe twnawm zet chuan Theo Bailey pasala neih a duh a vangin chu mi zan la la chuan Sofia chuan a mah hringtu pa ngei mai chu a kap hlum ta a."



"A nih chuan Bronze Dragons ho chuan i pasal chu an that hauhlo tihna a nih chu, a ma fanu ngeiin a ti tihna a ni em? Chu chu kei pawhin a ka lo hriat dan a nia." Ka khabe chu ka khawng deih kauh kauh a.


"Nih chu ni e, mahse Terence fanu bik nen chuan in kungkaihna kei nen hian kan nei lo, chumai pawh nilo in tunah hian Sofia chu Dragons ho zing ami a ni tawh alawm, chuan Trey hi ka fanu Cassendra that tu ngei a ni bawk."



"Chuvang chuan tun ṭumah hian ka laka alo tih dan ang khan a fanu thi tawh hnu hmu a a tawrhna hi kei pawhin ka hmu ve duh."



"A nih chuan tunah hian a fanu chu i kawl tawh tihna mi, a ni em?"


A mit min siai khum zauh a, "Tun ṭuma tan chuan ka sawi tam tawh mah mah deuhin ka hria, chan chin erawh kan inhrilh zel.ka beisei." A kal sawn ta nghal a.


Donnie chuan thawk a la hawk tih hriat zet hian a awm chu a insep deuh dawt a, a lam chu rum zeta melh chung hian, "Donnie hmeichhia chu a kawl tawh tihna mi?" Ka ti chhuak nghal ṭhawt.



"Tunge hria?"

"Nih leh he thil hi tunge kalpui che u, a ni nge nangmah?"


"Keimah, hmeichhia chu a kawl nge kawl lo ka lo hre chhuak thuai ang, chuan ka hrilh leh dawn che nia."


"Ti ngei ang che, chumi hma chu min rawn be pawp tawh suh, chumi hunah chuan engkim chiang takin min rawn hrilh ve bawk ang che, chuan thil pakhat kha i unaunu kha ka duh aiin a ṭawng tam, ngawi chip cham tawh turin lo dah tawh ang che, chuti a nihloh chuan ka that duh mai ang, i hria maw?"



"Aw, ka hria e, pawi ka ti khawp mai."

"Chuan tukin hian Giocanni America lamah a thlawk chhuak tih kha theinghilh lo bawk la." Dante chuan a lo ti ve zauh.


"Eng chung changah maw?" Dante lam chu ka hawi nghal vut.


"Jonas drama eng emaw siamah a ni leh pek a niang chu, ka hre bik nang."


"A nih chuan kal ang." Dante nen chuan kan in zui chhuak ta nghal a.