TESPNAYA REAKSIYA LOST CHAPTER 24

TESPNAYA REAKSIYA LOST CHAPTER 24

Fakna milem.awm.kha min hmehsak.hram hram dawn nia aw, hmet in chhe leh tawh lutuk a, midang ta pawh hmet tawh mah ula, hetah pawh a hmeh leh tbeih vek tho tih kga hria ang aw. 

LUCA.....

Emma room a tang khan rilru hreawm leh thin tawt zetin ka chhuak a, ka tan chuan eng tik lai pawhin Em a ni reng ṭhin ang, kha a hming hnai sailo zet Bailey min hriat chhuah tir tu Alexandra Bailey nilo khan, ka room lamah lutin ka indawm kun reng a, nimin te kha chuan kan la hlim dun a sin, kan pahnih in hmangaihna te hial a nih kha kan la chen dun, mahse vawiin ni ang hi a lo thleng dawn tih kan hre lawk dun hrep si lo a, hre lawk ni ila zawng tu nge a nih tih hriatna turin eng mah ka ti hauh lo vang le.

Intih harh ka ngai ti chuan ka â thei mai ang, hetianga hmeichhe pakhat vang chauh a indawm kun tur lah ka ni hek lo, thawk ka la hrawih, bathroom lam ka pan ta a, shower ka in phuh tir hnu in, towel ka ken luh chuan ka in hru thuak thuak a, ka inhrukna towel chu leiah thlauhin saruak vekin ka thawmhnaw dahna lam ka pan phei a, darthlalang hma a ding in ka hmel rum zet chu ka thlir vung vung a, ni e, khanu tih buai mai mai theih kha ka nilo, a ni chu ka hmelma a ni; engvangin nge ka han ngaihsak zui ngawt ang, Luca Romano tih dan ṭhin pawh a ni lo, hmangaihna nei thei lah i ni hek lo, chu ai chuan i hmangaihna hi i mafia pawl eh i sumdawnna a tan hmang la i ding chang zawk ngei ang.

Suit a inthuam tawh lo in shirt pangngai tak leh cotton jeans in ka inthuam a, boot ka bun leh tawp a, pawn lamah ka car in ka inkhalh chhuak ta nghal a, khawi lam nge ka pan ang tih pawh hre lo chuan ka tlan mawp mawp a, dar kar khat dawn ka tlan hnu chuan kan bar tho ka pan a, inchhung ka luh hnu in intur ka lam hmasa phawt a, ka tlak nghal pawp, chu chuan ka zia awm phah hrim hrim.

Ka tluak hi fim reng a awm tir chi pawh a ni lo.

VIP room lamah intur nen ka inchawi lut a, Roxy ka koh tir nghal bawk a, rei pawh nghah a ngai lo, Roxy hmel sexy zet leh sam buang thar nei chu a rawn lut a, "Eng nge ka tihsak ang che Luca?"

"Han lam phawt teh!" A lam laia a mawng bawr siksawi dan chu a nalh viau mahse a hma ang khan min ti phur thei tawh chuang lo, engvanga,Emma chu ngaihtuah viau nge ka nih hrep le? Tunah chuan ka hmelma tih ka hre tawh bawk a, ka ngaihven tur lah a ni tawh hek lo.

"Ka chungah eng thil nge i tih theih han lantir ṭan ta che babe."

"I girlfriend ngaih dan kha a ni dawn em ni, tun ṭum phei chu i serious viau in ka hria."

Nin hmel zet hian thawk ka la kawk a, "A ni chu ven thawn a ngai tawh lo ang, a ṭha em?"

"Chumi awmzia chu i single leh tawh tihna mi?" A nui zui sang a.

"Eng tik lai pawhin ka single reng ṭhin."

"A hei chu i office lamah kan sawi zo law law dawn mi?" Awmze nei zet hian a meng kal ralh bawk.

"Roxy, Luca nen hian inbiak falna  hun reilo te min lo pe lawk ta che."
Dante chuan kan bul a rawn thleng phei ve nghal a.

"Uhh, kan lak lawh tih te chu i hmu ve reng lo em ni a?"

Dante chuan a meng rum khum kher mai, "Uhh, chill Dante."

Ka lam a rawn hawi leh a, "I hman veleh min zawng turin i rawn kal leh mai dawn nia, ka awmna chu i hriat kha." Min siai khum zauh a, kei pawh chuan ka lo siai khum ve zauh hnu leh Dante thip zeta a melh hnu chuan a kal sawn ta nghal a.

Dante chuan kan awmdan vel nin hmel zet hian.a mengkual rulh a, thawk min lak khum huai bawk, "Eng nge?" Ka kut chu ka phar chhuak duai a.

"A kal tawh."

"A ṭhat chu!"

"Chu zawng chu maw, he tin i nun a ṭang a awlsam takin i kal bo tir mai thei dawn em ni?"

"Hei hi ka tih tur tak a ni tih ngaihtuah zawk rawh."

"Bailey a lo ni hrep tih ka hriat chhuah tawh hnu ah leh lek phei chuan, a hma te kha chuan ka engkim a ni a, ka tan hmeichhe pawimawh tak pawh a ni ngei e, mahse tunah chuan khawvel ka hmeichhe hmusit ber pawl te zinga mi a ni ngei ang, khum ka lo ṭawm pui te kha ka ngaihtuah let leh ringawt pawh in ka inten hluah hluah, khang te khan min ti damlo thei hial zawk dawn in ka hre tawh."

"A nih i hmangaih em?"

"Ka hua, chuan a hming leh a chung chang thu hrim hrim eng pawh ka beng hriatah sawi ri leh tawh ngailo ang che."

Dante chu a kal sawn leh ta nghal a, thawk ka la zui hawk, Emma kha huat ka duh mahse engvanga a kal ta chu ka nun a chan ropui tak nei anga in hre tlat nge ka nih, nilo ka haw hle tur a ni.

Bar lamah ka phei a, intur chu ka lem nghal pawp pawp, cigarete ka fawp pah reng bawk a, tuna ka rilru hreawmna min chhawk thei tu tur chu ka intur dawm chauh chu a ni tih ka hria, Roxy chu ka bulah a rawn kal a, itawm thei ang ber chuan a rawn awm zui pah bawk a, mahse chu nu chuan Emma tlukna pakhat te mah a nei lo, engvanga ka life a hetiang hi tawng nge maw ka nih hrep le?

"Hei aia hmun private zawk a kal i duh em?" A mit hnawih dum vam ham chuan min melh chhoh ralh pah chuan a rawn ti deuh sa sa a.

"Aih."

"Eng nge i thusawi awmzia, aih i tih chhan?"

"Roxy ka ngaihven lo a ni e, chu chu ka thusawi awmzia chu a ni." Ka ti deuh hrawih.

"Hei kha American nu vang hrep kha a ni ti raw?" A thinrim hmel chu light eng hnuaiah chuan a ling hlar a, Roxy min sawmna hi ka la hnial ngailo a, chu chuan a tlawmngaih tir pawh a ni maithei bawk, chu loah a ni hi chu he hmuna tupawh in a an mutpui chak ka tana in dah deuh bik a nih a vangin ka hnar fikthlakna chuan a thin a tirim ngei ang le.

Thawk ka la hrawih, "Good night Roxy." Ka ti a, bar chu ka chhuahsan ta nghal a.

THE NEXT MORNING....

Zing ka thawh a ṭangin ka room lamah ka inkhung tawp a, eng tih mah ka phur lo, kan inchhung khawi hmun mai pawh chu Emma lo chet tlat tawhna a nih a vangin hmuh pawh ka phur lem lo; ka room lamah chuan eng mah pawh eilo leh gym lamah pawh kal lo in zing tluan in ka inkhung tawh a ni. Kawngka a rawn in hawng dak dak a, ka nu chu ka room ah a rawn pen lut a, "Son i ṭha maw?"

"Ka ṭha a lawm." Ka nu chu ka mutna couch lamah rawn kal hnaiin ka lu chung maiah chuan a rawn ṭhu ve a, ka sam chu min rawn chul sak pah bawk a, "Thil eng emaw sawi pui lawk tur che ka nei a."

"Ma i thusawi tur chu Emma emaw Alexandra a ni emaw kha nu chung chang thu a nih chuan engmah sawi tur a awm lo tih hi hre hmasa ang che."

Ka sam min chul sakna kut chu la sawn in, "A ma chung chang kha a ni hleinem."

Ka mutna a ṭanga tho chhuakin, "Ok, nih leh eng chung chang nge?" Ka nu chu ka hmachhawn a.

"I uncle Robbie leh Martin chung chang a nia."

"Eng nge an ni chu?" Ka kut ka kuang kuah nghal a, tlemin ka ṭhut dan chu ka siam rem bawk a.

"An ni pahnih kha i rin anga mifel pangngai an ni lo."

"Luca mipa ṭha tak zawng an ni lo a lawm." Ka nu chuan hnuailam.a melh raih a.

"Ma kei ni pawh kan ni chuang hleinem."

"Nilo, i hre lo, Martin khan a ma fanu ngei pawh fanu angin a en.thei hleinem, ramhuai an ni zawk mah ang chu, tichuan.a ma fanu ngeiin a that ta tih pawh i hriat kha, chutiang bawkin i uncle Robbie pawh kha a ni ve tho, Martin kha chu i hre chiang a, i tuar vak lo tih ka hria, mahse i uncle Robbie chung chang erawh hrilh ngei che ṭha a hriatna ka nei a, Robbie leh kei hi pahmun khat kan nilo a, kan pa te an dang ve ve bawk."

"Sawi zel rawh." Ka lo ti ve nghut a.

"Robbie pa hi Max flores a ni a, chu chu Martin pa hi a ni bawk."

"Uhh, ka la hre ngailo miah lo."

"A ni chu Surotos gang leader a nia."

"Chu gang hming pawh chuan.engmah min la hriatthiam tir chuang lo."

"I pian hma a thil thleng a nia, kha vang khan a lawm Bronze Dragons ho in Surotos ho an thah chimih vek na chhan."

"Chutih lai chuan khawiah nge Robbie chu a awm?" Ka ti deuh hrawih.

"Kha tiang thil a thlen lai khan ka nu bulah a awm lai a ni a, chuan a hun takah an hmu chhuak ve ta lo hlauh a lawm."

"Mahse an man tho a nilo'm ni?" Ka ha chang ka ṭhial nghal a, ka kut ka hum.ruh sauh bawk. "An thil tih ah chuan duhtawk mailo in Trey Bailey chuan manin a that bawk a ni em, chu chu kan hre chiang viau a nih kha."

"Trey khan Robbie chu a that hauh lo, Callie zawk a lawm that tu." Ka nu hmel chu mak ti zet hian ka en a.

Min ṭhawng kher mai, ka thutna a ṭang chuan ka ding chhuak nghal zawk, "Callie chu tu nge ni hrep?"

"Trey nupui maw le."

"Emma nu maw?" Ka khabe ka dawm.deuh run run a, ka ngaihtuahna te chu a buai nuai nimai hian ka hria.

"Ka tih awmzia chu Alexandra nu." Ka sam ka tuai chho pawk a.

"Ni e." A bu ve nghat a.

"Mahse engvangin nge?"

Ka nu chu a rawn ding chhuak ve a, "A chhan chu Robbie khan Theo kum hnih mi lek chu that tura ti in thu a chhuah maw le."

"Chutih lai vel tak Robbie an man lai chuan Trey chu thlawhna accident ah thi anga ngaih ni in an chhung leh khat te pawhin amah vuina hunserh te hial an lo hmang tawh a, chutihlai vel a Callie rilru hah leh bei dawng chuan Robbie chungah a lan tir ta a ni maithei, chutihlai chuan Callie chuan tuna Alexandra kha a pai mek a, an inkarah eng emaw thil a lo awm deuh tawh ti te in ka hre leh zel bawk a, Callie kha hmeichhe pangai mai ni mahse a hmelṭha em em a, a tir chuan Robbie ngei pawhin a duh zia thu min hrilh ve thin a, mahse Trey a hmeichhia a ni tih a hriat chhuah tak hnu kha chuan thah rik ngawt dan a ngaihtuah ta zawk a ni."

"Chuan Robbie sawi dan ka hriat chuan chu naute pawh chu a lo pian chhuah veleh luman nei a pawisa tam tham taka thah tir leh a tum thu a sawi tel bawk a,Luca chiang takin ka hre tawh lo a rei tawh em a." ka nu chuan.a ti ta sap a.

"A nih leh Surotos leh Bronze Dragons ho indo khan tinge engkim a tawp vek mai loh chhan?"

"A chhan chu Robbie pa thu tawp chu Bronze Dragons ho thah chimih vek.a ni a, chuan a pa khan  Robbie a intiam tirna chu Trey chhungkua ho thah chimih vek a ni bawk."

"Chuan a ti ta em?"

"Ti e, Surotos khan pawl an din ṭha leh a, Trey nau an thah sak a, a hma in Trey nu leh pa an that bawk a, chuan Robbie chan chu Trey nupui fanau thah leh a ni, tu te pawh hian dan kan nei vek a, i hriat reng kha, kum tling lo naupang kan ti na tur a ni lo ti in, mahse chu kan dan chhawmnun chu Robbie khan a bawhchhe fai vek."

"Engvang a tuna min hrilh nge i nih chhan? Engvanga kha hun chhung zawng a Robbie hi a thiamlo hul hual ti a min rin tir tum nge i nih?"

"Eng ang mi nge a nih a, eng thil nge a tih ṭhin  tih hi kan hrilh ngai lo hrim hrim che Luca, chuan tuna ka hrilh zawng zawng che engkim kha i ring ngei tur a ni bawk, a chhan chu thudik tak vek a nih a vangin."

"Heng thu zawng zawng hi i pa chuan hre chhuakin a hun takah a sawi chhuak a, chuvanga phuba pawh la duh lo kan ni."

"Tunah chuan engvanga phuba la duh lo nge kan nih tih chu i hre tawh a lawm." Ma in a tih chuan ka ngui nghal rawih rawih, ka nu thusawi chu pawm loh theih chi pawh a ni lo; hei vang hian em ni ka pa chuan Bailey ho a biak chhiat duh miah lo chhan? Ka buai zo vek tawh, ka thu hriat lah a mak hlawm em em mai leh nghal, Mafia dan bawh chhe tu chu Uncle Robbie a lo ni tihna maw, ahma khan a hming ka hriat loh a vang leh tu nge a nih pawh hre lo in ka lo haw viau ṭhin a nih kha, a chhan chu naupang pawi sawilo chunga a chet dan kha mak ka ti a, thil tih awmah pawh ka lo ruat ngailoh thil.a nih a vangin.

BACKIN NEWYORK....

TREY. ..

Inchhung kan lut chiah Sofia in Alex a han hmu "Oh my God Alex." a rawn kuah nghal thlawp a, "In a ka han hmu leh thei che hi ka va lawm.tak em." Mittui tla phang hian a ti nghal mawlh mawlh.

"Kei pawh kan in ka han thleng leh thei hi ka lawm tak zet." Alex chuan.a ti ve bawk a .

"Eng nge i an, i ṭha em?"

"Ka ṭha a lawm, khawiah nge mum leh Tori hi."

Ka lo khuh khurh khurh nghal a, Sofia chuan min rawn melh zauh, ka lo signal nghal a.

"Dad i ṭha maw?"

"Aw ka ṭha a lawm."

"Sofia khawiah nge Tori?" Ti in ka zawt nghal bawk.

"In room lamah a mu."

Alex chu a au chul a, "Ka hmu chak tawh lutuk." Ti a sawiin room lam.a pan ta nghal a.

Alex kal tak hnu chuan Sofia chuan.min rawn en a.
"I la hrilh lo tihna mi?"

"La hrilh rih lo."

Alex kalna lam chu ka pan chho ve a, kawngka ka hawng chiah Tori pawm hian ka va hmu a, "Dad a duhawm lutuk ringawt."

"Ni e." Sawi vak tur ka hre lo, engtin nge a nu thih thu hi ka hrilh hriat ang tih lah ka hrethiam hek lo.

"Khawnge ka nu hi?"

"Tori kha a bawmah dah let leh la, chuan pawnlamah biak che ka duh."

"Ka nu hi a awm na nge?"

"Aih, Alex biak che ka ngai tak zet." Thawk ka la pah hawk a .

"Ok, minute reilo te min han pe ve la maw le."

Ngawi reng chuan ka chhuahsan ta a.

Ka office chhungah chuan Alex chu ka lo nghak a, Theo pawh ka bulah a awm ve bawk a, "Eng tin nge maw kan han hrilh dawn le?" Ka rum chhuak pah hawk a.

"Ka hre bik lo." Theo chuan a lo ti ve sup.

"Kei chuan peh hel kual lo a hrilh tlang pawp mai ṭha in ka hria."

"Ni e, mahse a tan a awlsam lo khawp ang." Ti in ka chhang a.

"A tan a awlsam lo ang tih te chu chiang sa reng a lawm, eng ang pawhin sawi kual pawh nila, a awlsam.phah chuang in ka ring lo."

"Alex hi hrilh hre phawt ila, chumi hnuah Sicily lamah kir lehin Romano ho kha va that fai vek bawk i la."

"Engvangin maw kan thah ang a?"

"Ka duh zawng an nih loh a vangin maw le."

"Indo na ṭan tur chuan chhan ṭha tawk a ngai a sin Theo."

"Ka tan chuan chhan ṭha tawk tak awmah ka ngai, chuan ka hrilh tawh ang che khan Alex leh kha Luca inkarah khan thil eng emaw tak chu a awm in ka hria."

"I ti dik ang, mahse hetia kan han nei let leh thei hi ka hlim pui viau a, tunah rih chuan khang kha chu ngaihtuah rihlo ila a ṭhat ka ring."

"Eng thil nge thleng hi?" Alex ka office rawn lut chuan arawn ti lut a.

"Eng nge i thusawi awmzia?" Theo chuan a lo ti a.

"Mom hi khawiah mah ka hmu zo lo, a zin tihna mi? A,numberah ka phone lahin switch off a ti char char bawk si a, chuan inhnuai lamah Detroit leh Hunter an awm a..... ka nu awmna ka zawhin an awmdan a mak em em leh nghal." A rawn ti nghal bawrh bawrh a.

"Ka tawn veloh thil eng emaw te hi a awm em ni?"

Kan pahnih chuan lei lam kan melh ruih a, "Kha tunah nangni pawhin min ti hlauthawng ṭan der tawh."

"Thu phawt teh Alex." Theo chuan ti in a aw a thian pah hruih a.

"Ka ṭhu duh lo, eng thil nge thleng tih hi ka hre duh."

"Alex um....ka...."

Ka thusawi tur chu ka sawi zawm.thei mai lo, eng angib nge a ngaih ang a, engtiang chiahin nge a tawrh dawn lah ka hre si lo.

"Dad khawiah nge ka nu hi?"

Thawk ka la hawk a, "Khawiah nge a awm, sawi vat rawh." Alex chu a chiai chhe tawh viau.

"Alex i nu chu a thi tawh." Ka tum ni miah lo in a nu thih thu chu ka phuh chhuak ta a.

A phu zawk a hmel chu hmuh theih khawp hian a dang nghal a, "Dawt i sawi tiraw, a ni em?"

"Khawngaihin dawt i sawi tih min han hrilh teh!"

"Chutiang chu ni se ka duh ngawt mai, ni e, chutiang chu ni hlauh se ka duhthusam chu a nia lawm." Ka sam ka tuai chho puat a.

"Engvanga chutiang thu chu sawi nge maw i nih le?" A aw rawl chu a ring ṭha kher mai, a au chhuak hi a nimah tawh a

"A chhan chu maw Alex dad khan thudik tak a sawi a vangin."

"Nilooooo." A au chhuak ṭhat a, a mittui a far nghal zawih zawih bawk, a hmelah chuan a beidawn zia a lang a, engtiangin nge ka hnem dawn tuh kah ka hre hek lo.

"Nilo, thudik a ni hauh lo ang, a nithei lo." Ṭap chung chuan a ti leh a.

"Alex."

"A theihloh, ka nu hian min thihsan theilo." Chhuak zeta ṭapin a tlan chhuak ta nghal a.

"Alex lo kir leh rawh."

"Theo kal tir rawh, a tawrh dan danin tuar tir la ti chuan a zia awm ve mai ang."

Ka phone ka la chhuak a, "Detroit tunah khan Alex chu a nu awm tawhloh thu ka hrilh zo chiah a, a tuar lutuk a lo tlan chhuak a,khawiah nge a kal lo ngaih ven deuh ta che, a kal na lo hriat tum ang che."

"Aw le, ka lo zui nghal ang."

Phone chu ka dah leh ta nghal a, 

"Tuar lutuk turah chuan ngailo phawt teh ang, Alex chu a pachang a lawm, thil hruattiamna te hi a nei ngah viau a nia." Theo chuan a ti leh a.

Engmah kan sawi zawm tawh lo, ka ṭhutna lam chu ka pana, chau zet hian ka ṭhu thla hnawk,  chutia inbe leh tawhlo a ngawi rengin minute sawm.vel lai kan awm tawh ang, ka phone a rawn ri leh a, ka pickup nghal vat.

"Detroit?"

"Kiara inah a kal a nih hi."

"Tikhan enthla la,tichuan khawi hmunah nfe a kal tih lo hriar zel tum.ang che."

"Ka hria e."

ALEXANDRA....

Tori room.a ṭanga ka chhuah hnu chuan ka room lam ka pan a, ka thawmhnaw bawm ka hawn chuan tuna ka incheina leh a hma a ka incheina ho chu a danglam zia ka hre chhuak nghal a, a hma te kha chuan thawmhnaw pa tak tak ka ngaina a, tunah hi chuan ka thawmhnaw inbel chuan min ti nu hnap ni hian ka hria, uhh, Emma kha ka nia ka nui sak a .

Luca kha, ni e, Luca khan tunah te hian eng nge a tih ve ang le?.

"Nilo, a ni kha ka theih anga ranga ka theinghilh a ngai ang." Ti in ka phun chhuak pah sap.

Ka nu dinner ka ei pui anga, chumi hnuah Kiara sawmin club lam kan pan dun leh ang, sawi tur oawh a ngah viau ka ring, "Tunah chuan Alexandra nih kir leh kha ka ngai." Shower hmang tur chuan bathroom lam.ka pan ta nghal a, a chhan pawh kan zinna a va g khan ka chau deuh hlek a, in tih harh a intihfai pawh ka ngai hle in ka hria.

Bathroom a ṭanga ka chhuah hnu chuan ka thawmhnaw zinga mi kawr fual tight lam pang chhing ṭha zet, a vang zawnga a dum leh vara zia nei hi ka la chhuak a, Emma kha mangtha a, Alexandra nihna chu neih let leh a hun tawh.

"Good bye Emma, hello Alexandra." Ka nui chhuak leh hak hak a.

Ka nu zawng kual tur chuan inhnuai lamah ka chhuk thla ta a, ka pa chuan min lo la nfhak reng ang, mahse ka nu ka zawn hmuh phawt a ngai, khawiah mah ka nu ka hmu zo lo, mak ka ti kher mai, inhnuai a Detroit leh Gunter lo awm chu ka zawt ta a, "Dee khawiah nge mom hi?"

An phu dun zawk ngui hmel hi ka hmu in ka hria, mahse a reh leh nghal a, "A zin chhuak a, a pawimawh lutuk, mahse a kalna erawh kan hrilh theilo ang che, i pa nangmah ngeiin i zawt dawn nia."

Engvanga ka nu kalna te sawi theilo ta nge an nih le, eng dan thar nge ka pa chuan a ho te ah a lo hman leh tak ni, mak ka ti kher mai, Dad office lam kan pan chho nghal a, "Eng thil nge thleng hi?" Ka pa office ka luh chuan ka ti lut a.

"Eng nge i thusawi awmzia?" Theo chuan a lo ti a.

"Mom hi khawiah mah ka hmu zo lo, a zin tihna mi?  A numberah ka phone lahin switch off a ti char char bawk si a, chuan inhnuai lamah Detroit leh Hunter an awm a..... ka nu awmna ka zawhin an awmdan a mak em em leh nghal."

"Eng thil nge ka rawn nang veloh?"

An pahnih chuan lei lam an melh ruih a, min ti hlauthawng kher mai, engvanga ka nu chung chang ka zawh a vanga chutiang hmel chu pu vek nge an nih le? "Kha tunah nangni pawhin min ti hlauthawng ṭan der tawh."

"Thu phawt teh Alex." Theo chuan ti in a aw a thian pah hruih a.

"Ka ṭhu duh lo, eng thil nge thleng tih hi ka hre duh."

"Alex um....ka...."

Ka pa te pahnih mizia chu mak ka ti kher mai, min hau leh hrep dawn maw ka ti a, a chhan pawh Sicily a ka awm dan a vang khan, a ni a dik.zia thu lkeh ka dik lih thu min hrilh leh piap piap ka rin vei nen.

"Dad khawiah nge ka nu hi?"

Thawk a la hawk a, "Khawiah nge a awm, sawi vat rawh." Ka dawhtheihna in a tlin tawh lo, ka vin chhuak tuar.

"Alex i nu chu a thi tawh." A ti chhuak ta phawng a.

Ka phu nghal zawk ka hmel chu hmuh theih khawp hian a dang nghal in ka ring, "Dawt i... sawi tiraw, a ni em?" Ka luhai ka tlu mai dawn hian ka hria, ka bula ban awm ka vawn lai chu ka dawm.nghet sauh a, aw khur dar dar hian ka ṭawng chhuak a.

"Khawngaihin dawt i sawi tih hi min han hrilh teh?"

"Chutiang chu ni se ka duh ngawt mai, ni e, chutiang chu ni hlauh se ka duhthusam chu a nia lawm." A sam a tuai chho puat a.

"Engvanga chutiang thu chu sawi nge maw i nih le?" Ka aw rawl chu a ring ṭha kher mai, ka au chhuak hi a nimah tawh a.

"A chhan chu maw Alex dad khan thudik tak a sawi a vangin."

"Nilooooo." Ka au chhuak ṭhat a, ka mittui chu dan rual.lohin ka biangah a far nghal zawih zawih bawk, hlim.takin chhungkua kan inhmu khawm leh dawn emaw tihnak a laia engvanga chutiang thu te hre ta mai nge ka nih, ka ṭap chhuak.ta zawih zawih a, kum jhua a tana ka nu hmu lo tur a ka han.indah chhin ringawt pawh chuan.ka theilo tih ka hrechiang bal, chu pawh ka awmloh lai keh nghalin he thil hi a thleng a, ka hrethiam thei ngailo ang.

"Nilo, thudik a ni hauh lo ang, a nithei lo." Ṭap chung chuan ka ti leh hlap hlap a, mahse chu pawh tunge awih tir ka tum keimah hi maw nilo, mahse ka nu hian tiang chuan min kalsan.theilo ang.

"Alex."

"A theihloh, ka nu hian min thihsan theilo." Chhuak zeta ṭapin ka tlan chhuak ta nghal a.

"Alex lo kir leh rawh."

Theo min auh zuina pawh chu hre lo ang mai ka ni, ka room.a awm reng ṭhin ka car chahbi chu ka hum chhuak a, Kiara awmna lam.ka pan ta a, doirbell ka hmet Kiara chuan min lo hawn a, chhuak em em a ṭapin ka kuah nghal thlawp, rei tawk fang ka tah hnu chuan ja insum ve thei ta deuh a, "Theo in a rawn phone a, an hmuh thu che a rawn sawi khan kan hlim hlawm teh a sin." A ti dam diai a.

"Mahse Kiara ka nu hi....."

Ka sawi zawm thei tawh lo, ṭap tawhlo turin ka heh ka pet fan fan, a har a ni, tuarchhel chu thil har tak a ni ringawt.

"Babe ka hria a sin, pawi ka ti lutuk ringawt, i nu kha e nu fel.tak a ni a, ka nu ang tak tak a ka en a ni a, kei pawh hian.ka tuar a sin."

"A chungah eng thil nge thleng chiah min hrilh thei em?" Ka chawn tha zawi lutuk a vang chuan.ka bula sofa ah chuan ka ṭhu thla nghal hnawk a.

"Kei pawhin chiang takin ka hre bik lo, news a an.puan dan chuan a car a alut chiah kha motor breakfailin a su ni awm.tak.a ni."

Ka ṭap chhuak leh ta a, "A pawi lutuk a pawi tak zet zet."

"A mah an vuina ah pawh khan ka kal ve a sin."

Ka tap ka tawp chiang kher mai, "Am vui tawh i ti em.ni, an vui zo tawh a maw?"

"Engtik a thleng nge?" Ka au chhuak.ṭhat.

"Kar hmasa lam khan."

"A nih khawiah nge an phum?"

"I uncle Alex thlan bulah."

"Thlanmualah chuan kal ka duh ang."

"Tunah maw?" A ṭhawn hmel kher mai, a hmel.chu hmu ni ila a phu zawk ngei ang.

"Aw tunah."

SICILY...

LUCA...

Office lam ka pan a, ka va lut an inhmu khawm chuan eng eng emaw hi an lo sawi sap sap hlawm.a, ngawi reng hian an ti ti na chu ka ngai thla a, ka lut ve tih pawh an hriat hmellih kher mai, tu chung chang chiah nge an sawi kah ka hre hek lo.

"An thi theilo ang." Ka pa chuan a ti chhuak hrawih a.

"An ti thei a, an ti mek reng a lawm.hei." Riccardo chuan a ti mai a.

"Eng thil nge thleng a?" Va pan hnaih ve pah chuanka ti ta a.

"Marino Cartel in a rawn call a, kan lakah duh a neih thu leh chumi a pui tura min sawmna kan dawng a nih hi!" Dante chuan a lo ti nghak zat.

"Eng thil nge duh an neih!"

"Thian anga group khata awm turin min duh maw le." Ka pa chuan a kgabe a tuai pah nawk a.

"Chuan, eng nge a chhan?"

"Target an nei a, chu chu kan puihna a beih an duh a nih hmel, achhan chu an mahni ngawt chuan an ti thei dawn lo a, kan ṭankhawm chauh a an hneh tur thu a rawn sawi bawk a, kan.ṭanpuina an mamawh tihna a nih ber chu." Dante bawk chuan a ti leh a.

"Chu thil kan pawm.a nih chuan indo na a chhuak ngei bawk ang,  an thil tih turah chuan kan backup an duh ngei bawk dawn si a ." Ka pa chuan a ti.leh a.

"Eng nge buaima awm a, ti tura min duh ang chuan kan tih ngei a ngai ang chu, chuan an tih tur a tawp hunah kan tawp leh anga a nimai lawm, chumi ah engmah mawhphurna kan nei hleinem."

An ngawi ṭhap a, "Mi in an mahni ṭanpui turin min rawn ngen a, chumi a kan pui a nih chuan engnge buaina awm.vak a?"

An la ngawi ta cheu, "Tu nge an target chu in hria em?"

"Trey Bailey." Ka pa chuan a ti chhuak ta hlawl a.

Ka meng zim nghal san.