IT'S JUST AN ILLUSION CHAPTER 22

IT'S JUST AN ILLUSION CHAPTER 22
SANGTEI KHAWLHRING

FAKNA AWM KHA A THEI THEI IN HMEH LEH TUMANG AW.

Star kal tak hnu chuan buaina dang em em awm leh tawhlo in hlim takin an party neih chu an zo fel ta a, Jonas chuan tiang lam hi a ngainat loh em a vangin ning hmel a pu leh lek lek ṭhin a, an haw dawn te phei chuan thawk a l huai ri chu Sierra chuan a hre ru reng a ni.

In an thlen hnu chuan Jonas chuan a sawi chhuak ta nge nge a, "Thank god, a tawp a tawpah chuan a zo ta hram e ."

"A nawm loh hran em em chuang loh kha."

"Naktuk hian lawyer pawh Black corporation ah kan hmu tawh ang." A ti leh daih a.

"Kan inṭhenna leh kha a ti fel tawh dawn tihna mi?" Sin rat hian a ti chhuak a.

"Si, tun ṭum chu a tawpna tak tak a ni tawh ngei ang."

"A ṭhat hlauh chu, nih leh ka mu tawh mai dawn.....jet kan chuanna khan min la shock deuh tlat." Ti in Sierra chuan a lungngai hmel chu Jonas chuan a hmu ang tih hlau zet hian chhuanlam a siam nghal thuai a.

"Aw le, he thil min tih pui a vang hian ka lawm e.... tiang thil tih hi i tan a awl ai hauh lo ang tih pawh ka hria." 

Nui hmel hi a pu a, " Nia, ka tan pawh $1000000 ngawt mai awlsam zeta ka hmuh pawh ka la hre ngai bik lo."

Jonas chu a nui chhuak ve hawk a, "Hei hi i hmuh ṭum ah kan sawi thei ang chu!"

Sierra chuan chhang tawh chuang lo a aroom lam pan mai i tumin a inher a, Jonas chuan "Sierra." Ti a a rawn koh leh a vang chuan a inher let leh a.

"Yeah?"

"Khawi hmun a ṭangin nge i rawn kal i tih kha?"

"Umm....Texas...."

"Texas maw?"

A bu nghat a, sawi tam a duh loh zia a hmelah tilangin a room lam chu a pan nghal ta vat a.

Jonas chuan a phone phawrhin Elijah chu a be leh nghal a, "Elijah a sawi dan chuan Texas a tangin a rawn kal a ti a nih chu!"

"Mahse dawt pawh a sawi maithei bawk a."

THE NEXT MORNING....

Sierra leh Jonas chuan breakfast an ei zawh hnu chuan Black corporation building awmna hmun lam chu Jonas carin an pan dun a, hmun danga peng kawi lem lo in Jonas pu room ṭhin ah chuan an lut tlang nghal a, an lawyer Gray pawh a lo awm ran tawh, Jonas te pahnih a hmuh chuan nui hmel pu sang chung hian a lo bia a, "Kan in hmu leh hlawm chu alawm awm hle mai."

"Thutleng lama ṭhut chawlh phawt te in duh ang em?"

"Nah, a ngailo ang, tikhan kan hriat tur awm ang ang chu chhiar ṭan nghal mai rawh, kan inneih certificate kha i lo hmu ang chu ti raw? Tunah tak hi chuan kan pahnih a inṭhenna thu ti tlu tura lokal kan ni." Jonas chuan a ti tlang nghal a.

"Mahse he thilah hian Miss Cole ngaihdan te pawh kan hriat hmasak ve phawt a ngai ang."

"Inṭhen in tumna ah hian chhan ṭha tawk tak a awm em ang chu ti raw?"

"Chutiang lam kan ngaihtuah a ṭul pawh ka hre hleinem." Jonas bawk chuan a lo ti leh a.

"Mahse a ngai si a lawm Jonas."

"Nithum chhung lek kan innei a, a ni pawhin $1000000 khat a chang dawn a, chuti taka inṭhen a harsat nachhan tur a awm in ka hre lo.".

"Miss Cole nang chutiang chuan i ngai ve em?"

"F*ck off Gray, kan duh thu a he inneihna hi thleng a nilo tih pawh i hriat ve reng kha ."
Jonas chuan a dawhtheihna a tla chham leh tawh tih aṭawng kamah chuan a hriat theih hle a.

 

Chuan heihi ka hrilh bawk ang che, ka chan tur a ṭanga half a beisei leh beisei loh te zawt turin dikna pakhat mah i nei hek lo, Sierra hi duh vanga nei ka ni lo tih kha hria ang che."

"Nilo e, inbeng dai rawh engkim tih chian a tih fel fai ka duh vang chauh a lawm." Gray pawh chuan alo ti ve thuai a.

"Engmah extra dang beisei ka nei lo, kan contract a a inziah dan ang khan $1000000 kha ka duh tawk em em a ni." Sierra ngei pawh chuan a ti ve a.

"A ṭhat nasat chu!" Ti a chhangin Gray chuan ti in a lehkha ken lai chu a melh leh zauh a, "Jonas tunah hian thurochhiah inziak kha i ti zo fel tawh angin i ngai mai thei a, mahse a la tawp miah lo a nia, thuro chhiah ah khan thil pakhat tih tur i la nei, hei hi a chawp te te a hrilh tur che a nih a vangin thurochhiah pawh hi a hrana siam a ni nghe nghe a, pakhat i ti zo fel a tih chiah in hei hi chhiar leh nghal tur a tih a ni."

"Eng chung chang nge maw i sawi leh tak hrep le." Jonas aw chu a hlauh awm kher mai, a zawi sup a mahse nelawmna pakhat mah hmuh tur a a aw ah chuan a awm lo.

"Jonas kei pawhin ka hre hauh lo a nia, tukin zing khan ka hmu ve chauh."

"Eng thil maw ni a?" A awka chhuak chu a vin tha kher mai.

"Miss Cole hian rokhawmtu tur fa a hrin a ngai ang."

"Fiamthu thawh hun pawh a nihloh hi Gray."

"Naute maw?" Sierra mak ti lutuk pawh chu a phu chiang hle a. "Naute nei turin Gregory khan min duh a maw? I â tawh a ni ngei ang." Aw rawl san zet hian Sierra pawh chuan ati chhuak ve a.

Thawk a la hak a, "Jonas kan tih dawn loh zia thu hi hrilh ve rawh!"

"Kei pawhin engtikah mah naute hi ka nei hauh lo ang, chuan hetiang thu lawilo lutuk hi khawi a ṭanga rawn chhuak leh nge a nih hrep?"

"Jonas inbengdai rawh, ka pa hi
Gregory personal lawyer zawk tak a nih thu te chu i hriat ve vek kha, he thil hi in inneihna hian a keng tel tih hre ta che, a pandan chuan i pu hian in inneih hnuah inṭhen leh mai mai lo turin a duhna che u pawh a ni maithei a sin."

"Gray engtikah mah a thleng chuang lo ang, atawk lutuk, a tawk tawh zo zai, he thurochhiah hi ka khing duh."

Gray chuan a chal dawm chung hian, "Chutianga tih theihna dan a awmlo Jonas." A ti a.

Sierra chu a lo inrawlh ve vat a, "Eng nge a awmzia chu chu?"

"He thurochhiah hi ka khing a nih chuan engmah chan ka nei lo ang." Tiin Jonas chuan Sierra chu a lo chhang a.

"Gray nih leh thil pakhat, fa lo nei thei talo ila engtin nge ni dawn?"

"Khatiang a thleng dawn a nih chuan chu lo pawh tam tak a awm, in pahnih in fa innei thei lo tak tak em tih test a ngai dawn a, chumi a result ang chuan thu ziah dang a awm leh."

"Ok, test chu ka tih fel theih mai ka ring." Jonas chuan a ti leh a.

Sierra chuan mak ti zet hian Jonas chu a en chho hau a, "Engtin?"

"Kha chu a theih mai ang, doctor ṭhian ṭha ka ngah a lawm."

"Nilo e Jonas, Gregory khan doctor he mi test ti tur hian thlan sa a nei a, chu chuan test a ti che u ang a, chu ta a sawi danah a innghat ang, chumi awmzia chu doctor dang thusawi pawm a nilo tihna a nih chu!"

"Chu b*stard pa chuan a thawk ṭha hle mai maw, hetiang thil tih nan hian a hun pumpui a lo hmang ṭhin a ni ngei ang, engkim a lo ruahman lawk sa vek a nih hi, well kei pawhin he ball hi ka khel peih bik ta lo ve." Jonas chuan thinrim insum har ti zet hian a sawi chhuak a.

"He uichopa hian a company hi a ui viau a nih chuan a duh leh a rualin hremhmun lamah tlak pui daih sela pawi ka ti ther te love." Tia a ân phiar phiar hnu chuan Jonas chu a kal chhuak ta daih a.

Sierra pawh eng mah sawi tur hre lo chuan a ding zum ve reng bawk a, a ni pawh chuan chu thurochhiah chu mak a ti ve kher mai, Gregory kha Jonas pu dik tak a ni si a, hetiang em em a harsa hian a tupa tan a company te ro chung tur hian thurochhiah ah a dah a ring lo a ni, Jonas pawh chu kawng leh lma takah chuan a khawngaih viau bawk.

"Mrs Black i ṭha maw?" Ti a Gray rawn zawhna a vang chuan a phu deuh zawk a.

Tunah khan MrsBlack ti in a ko chiah em, nge a bengchhe ri zawk?

"Inlamah haw ka ngai." Ti a phun chhuak sapin a inher a, chu lai hmun chu a chhuahsan ta nghal a.

Jonas chuan nghah pawh a lo nghak lo a, chutiang pawh chu a phut hek lo, mahse taxi a chan mai erawh a ngai thung dawn a ni, tun dinhmunah ngat phei chuan Jonas chuan a hmel pawh a hmuh peih rih a ring lo.

Gregory pawh chuan engvang a hetiang hian ti nge maw a nih reng reng le? Tih te chu a ngaihtuah a, Jonas khawngaihthlak tun ṭum chu ka puih theih che pawh ka ring lo. A ti rilru niap niap a, kha an inneihna zawng zawng tepawh kha engmah lo maiah a chang zo ta si a.

A phone chu phawrh chhuakin Maddie chu a be ta nghal a, "Hey Maddie, keimah ka nia."

"Tunah khawiah nge i awm?"

******     ******      *****

Jonas chu a pu office room a ṭanga thinrim zeta a chhuak chuan a ma office room lam a pan a, thinrim zet a inngaih tuahin eng nge a tih dawn tak tih pawh a ngaihtuah thei rih lo, a pu chu a haw hle a, hetiang thil zawng zawng rawn thlennna chhan kawng engkim ah chuan a pu thi tawh hnu chu a mawh puh fai vek a, chu company tel lo a awm mai tepawh a duh phah rum rum tawh bawk.

Elijah chu a rawn lut a, "lawyer nena meeting chu engtin nge in tih tak?" A rawn ti lut a, kawngka chu a khar leh nghal a.

Jonas chuan chhan enah pawh a en lo, a tum hmuk mai a, "A ṭha lo viau em ni?" Ti in a rawn pan hnai leh a.

"Min lo rih teh suh!" A lo ti rum ul a.

"Ni chin deuh khan Gregory office room a ṭanga hman hmawh zeta Sierra kal chhuak kha ka lo hmu a."

Jonas chuan beidawng zet hian thawk a la hrawih a, "A tih ngei ka ring e."

"Eng thil nge thleng leh ta?" Elijah chu a ṭhawng kher mai.

"Sierra khan nau a pai lo a nih chuan ro engmah ka khawm thei lo ang." Chu thil a sawi chhuah zawng ringawt pawh chuan a thinrim lutuk chu a sehchilh rap rap nghe nghe a.

"I ti tak tak em ni Jonas?"

"Ka fiamthu i ring em ni?"

"Eng tin nge tih i tum?"

"Engmah ka ti hauh lo ang, an duh duh danin comapny hi ti rawh se, kei chuan he comoany a ka share neih hi ka hralh ang a, hehmun hi ka chhuahsan vang vang tawh ang."

"Nih leh nangin a i rochung dawn lo a nih chuan tu kutah nge awm ta ang?"

"Ka hre bik hrep lo, kangaihven bawk hek lo."

Sierra chu Maddie thawhna lamah chuan taxi la in a kal a, an pahnih chuan lunch an ei dun a, chutah chuan chu mi ni a an hun va tawn dan chu Maddie a hrikh ve ta a, "Naute maw?" Maddie ngei pawh a ṭhawng ve kher mai.

"Aw, kha inneihna khan naute a keng tel a nih chu! Chu thil chu Jonas hian a ti duhlo a nih chuan engmah chan a nei lo ang ti in thurochhiahah chuan a lo inziak reng a lawm."

"Thil atthlak tak ni in ka hria Sierra."

"Chutiang a ka ngaihloh bik duh ring duh suh!"

"Nih leh engtia tih nge i tum deuh?"

"Engtin mah tih ka tum lo."

"Jonas pawhin tih a tum lih thu a sawi bawk."

"Thil ṭhalo tak ti turin ka hrilh che ni in ka hria, hetiang a ni dawn tih hi hria ni ila zawng ti lo turin thurawn ka pe hrim hrim ang che."

"Khatiang lam a ni lo mad, engmah hriat i nei bik hleinem, tilo turin min timah la Jonas khan ka hnena a thusawi a vang khan ka tih a ngai hrim.hrim a lawm, chuan chulam pangah chuan ngai duh suh!"

"Nileh englam pang nge ni a?"

"Ka fa a nih chuan ka fa chu keimah ngeiin ka duh ang, chu tah ka neihna tur pawh mipa ka hmangaih tak hnen a ṭangin leh min hmangaih let ve ngei tu an ni bawk tur a ni, chu pawh mipa min kalsan ngailo tu ngei hnen a ṭangin."

"Pawi kati lutuk Sierra, mahse naute chu chhanna ni chiah lo."

"Ka hria a lawm." A ti ve raih a.

"Nih leh engtin nge ni dawn ta?"

"Well, a hmasa ber ah chuan hna zawn ṭhat leh ka mamawh ang."

"Duh, $1000000 i neih reng tahw kha."

"Well, ka ring chiah lo."

"Eng nge i sawi awmzia chu?"

"Contract a inziah dan khan Jonas chuan share kha a hmuh chauhin pawusa kha k hmu thei ang tih a ni a lawm, chuan he a share hi a hmulo a nub chuan ka tan pawh a hnen a ṭanga pawisa lo lak ngawt chu thil nuam a ni hleinem, chu loah engmah chan a neih hmel bawk silo."

"I â em ni? Kha a share tello pawh khan millionaire a ni sa reng ang chu!"

"Ka ngaihven peih lo Maddie." A chal a dawm pah raih a. "He thil hi thleng lo ang maia ngaih ka duh zawk."

"Nih leh i hna tal chu neih let leh dil la."

"Nilo ve, a mah hlat thei ang bera awm tum hi ka tan chuan a ṭhat zawk ka ring."

"Sierra a lakah khan feelings i nei tawh ti chuan khawngaih takin min hrilh lo hram rawh."

"Oh, tehreng mai, kha pa kha ka lo atchilh ang maw? Teuhlo mai."

Ti a achhan chuan Maddie awihlo lutuk chuan a chal a dawm khum a, Sierra ngauhtuah ve rawh, kei chuan Jonas hi fa neih sak la ka ti, ka lo sawi theih chu a awm hauh lo, mipui hma ah in innei tawh tho a, fa hrin sak chu a sualna pawh a awm ka ti lo."

"I â chu a ni em lo maw Maddie, engtikah mah chu thil chu a thleng ngailo ang, kei hian lo duh ta tehrengpawh ni ila, Jonas hian a duh lo bur, chu ai chuan he company chan pawh hi a thlang daih zawk ang."

"Oh, tihdan ṭha deuh kan ngaihtuah dawn a lawm."

"Maddie." A ti deuh nghek a.

"Sierra ngaihtuah rawh, Jonas hi i haw vak hran tawh lo tih ka hre reng a nia, chulo ah Jonas pawh hian a ngaihsak deuh tawh tlat che a hriatna ka nei."

"I ngaihdan mai mai a nih chu!"

"Nilo, ngaihtuah ve teh, vawihnih khat bak mutpui a ngaih ka ring lo."

"Nilo, he pa hian engtikah mah min mutpui duh dawn lo tih ka chiang."

"A hmel te hi a sexy i ti ve em, mipa hmeichhe hip thei zet a ni tih chu i phat theih hauh bikloh kha, chuan maw, engtin emaw a i tih chuan a mutpui hrim.hrim ang che tih hi ka chiang hle bawk."

"Maddie chu thil chu ka mgaihtuah fe phawt a ngai ang, chumi hnu a ka chhanna tur che pawh chu aih tih hi a ni."

"Mahse ilo ngaihtuah dawn a ni ti raw."

Sierra chuan thawk a la hak a," Ka lo ngaihtuah ang, mahse kaduh dawnchuang lo."

"Ok, thats my girl, ngaihtuah tura min tiamna hrim.hrim pawh kha ka lawm e."