IT'S JUST AN ISANGTEI LLUSION CHAPTER 21

IT'S JUST AN ISANGTEI LLUSION CHAPTER 21
SANGTEI KHAWLHRING

Words 5500 ngawt ka rawn dah leh rup mai.

Hmelṭha ho fakna milem awm kha a thei thei in min hmehsakin second sawm chhung lek min nghah sak leh hram dawn nia aw.




Thawk a la ri hak a, "Ka virgin tawh reng reng lo." Ti in Jonas chu a chhang a.


"Sierra engah mah ka ngai hlei nem."


"Tu in nge hrilh che?"A thinrim hmel kher mmai.



Jonas chu a mengkual rulh ringawt a.



"Tu in maw hrilh che a heihi, a chhan chu thudik a nilo tlat." Sierra bawk chuan a ti nawn leh a.


"Flight kan chuan dun ṭum a, thil i lo tih vak ṭum khan nangmah ngeiin i sawi chhuak a lawm."


"Chutiang ka sawi chhuak ngailo e aw."


"Sierra a ni ka tih chuan a ni a nimai, chuan kan mu thei tawh em? Ka chau deuh riau a."


"Ka....." hnuailam a melh a, "Pawn lamah boruak thiang dawn lawk ka ngai." Ti in a tlan chhuak ta nghal a.



Jonas chuan thawk a la hawk, Sierra awmdan kha a pangai chiah lo deuhin a hre bawk, a zui ve duh ang em? Nilo khatiang khan a hnut chhiah tawp theilo ang, pawn lamah chuan a chhuak veleh ta nge nge a.


Sierra lo dinnna lam chu a va hnaih phei a,  a rin ang ngeiin a ni chu a lo in hnit hlap hlap.


"Engvangin nge i ṭah a Sierra? Engvanga hlim lo nge i nih lah ka hrethiam.hek lo."



"I rawn chhuah chhan hi min ti mualpho turin ti raw, a dik em?"


"Eng chung changah chuan maw katih mualpho ang che?"


"Sierra khawngaihthlak tak hi kum 25 ah pawh a la virgin miau a vangin maw le." A melh thip ram ram kher mai.



"Kha tiang chuan ka sawi hauh lo, heti khawpa i hlimloh phah dawn te chuan engvanga la virgin reng nge i nih chhan?"



"Ka hre bik lo." A ti ram hmak.


"Sierra?"


A chil a lem khalh a, "Pasal ka neih hun ka nghak maw le, inneih hnu ah chauh hei chu ka ti ang ti in ka ngaihtuah hrim hrim bawk a."



"Nileh tunah i nghak duh ta lo a tihna maw ni a?"


"Ka hre tawh bik lo."



"Ka nghak pawh a ni tawh chiah lo, ka mipa duh zawng hi ka la tawng chiah lo pawh a ni tawh mai thei tunah chuan."



"Chumi awmzia chu i tana mipa dik tak ila tawng lo tihna a nia?"


"Mipa ho hian hmeichhe lakah sex chiah beisei annei a, chuan anthil duh an hmuh veleh an bo leh hmak ṭhin a lawm."


"Mipa ho te chu an lak tlak loh reng a lawm." Nuihza insum deuh si hian Jonas chuan a ti a.



"I thil sawi ah chuan nang pawh i insawi tel em?"



"Babe i rin phak bak in ka lak tlak loh ang."



"Nih leh keimah leh keimah ka rawn in pe a, tinge rem changah i lo hman mai si loh chhan?"


"Mi dang ang chu ni la, ka ti ngei ang."



"Chumi awmzia chu keimah ah hian hip na a awm veloh vang a ni tiraw? Ti hian ka bulah pawh i sawi reng ṭhin kha, i duh zawng chi ka nilo ti in, chuvang chuan midang duh zawng ka nih pawh hi ka ring tawh lo."



"Ti nge tumah hian min duh veloh le?" A ti tham leh ṭiak a, ṭap leh ta hlap hlap a.



For f*cksake, thawk a la kawk a, Sierra ṭap hlap hlap chu a va kuah a , vawikhat mai chauh pawh a ni tawh lo, engvanga Sierra hreawmti taka a ṭah tawh hi chuan hreawm lo ti ve zel nge a nih chhan? Engvanga a nin a khawih loh mai a vanga tumahin duh lo anga a inngaih, mutpui chu a duh lutuk mahse a hnu leh a a rilru nat dan tur a dawn sak vang vek zawk a ni.



Chu chu a tuar theilo ang, chumai pawh nilo in, Sierra anga mi pangai hmeichhia  relationship neih pui chi a ni ve lo tlat, a ni chuan hmeichhia ah a mamawh a hmu a chu zawng chu a ni mai, a bak aw awm leh tawh lo, Sierra te amg hi chu a kawp chi a ni bawk hek lo.


"Sierra min han en teh!"


A mittui kar a ṭang chuan fiah lo riai  hian a rawn hawi chho ve mai a, Jonas chuan ngun thluk taka melh chhukin thu tak zet hian, "I duhawm lutuk ringawt." A lo ti sup a, Sierra rilru nawm nan chiah a sawi chiah pawh nilo in a rilru put dan dik tak a sawi chhuak a ni.


"Mahse Star leh Angie te ang em em kha chu ka nilo tiraw?"


"A dik hauh lo, a chhan chu nangmah a mawi na leh duhawmna hi awm hi i hre lo mai mai zawk a nih hi.... chu chuan a ti lang duhawm zual hle bawk che, chuan midangin eng angin nge an ngaih ang tih ah hian buai duh tawh ngai suh!"


"I thawmhnaw inbel te hi a tunlai ngailo a, makeup i hmang nasa ngai hek lo, mahse chuti chung pawh chuan i ṭha em em tho a ni."



"I ṭawngkam chhuak reng renga smart a, i huaiin i nuih zatthlak ṭhin hle bawk, chuan heihi ka hrilh bawk ang che, he i hmui smart zet hian rilru a kuai peng thei hle bawk." Jonas chuan a ti ta duah a.


Sierra chu Jonas thu sawi a vang chuan a ṭahnuih ti tiha, "Sierra mutpui che ka chak zia chu i hrelo zawk mai mai a nih kha, mahse chutiang chuan ti ta chiah i la, mipa i beisei ang leh i tana ṭha tur  tak ang kha ka nilo a, kei chuan sex chiah ka duh bawk, chuvang chuan nang nen a hetiang tih dun hi ka duhlo a ni. "


"Hei chu nangma tan la khek zawk rawh, nakinah nangmah zah thiamtak leh nangmah hmangaihtu diktak leh i beisei ang chi tak mipa i la tawng zawk ang, kei erawh chu i beisei ang chi mipa ka ni ve lo."



"Ka lawm e." Ti in lawmthu a sawi ve ta sap a.


"I lo lut ve nghal dawn em?"


"Lo va lut rawh, ka rawn zui lut ve nghal ang che, mahni a inngaihtuahna hun ka mamawh." Ti in a lo chhang a.


"Ok."


"Ka rawn reilo ang." A tih leh hnu chuan Jonas chuan mu turin a luh san ta a.


Jonas inchhunga a luh hnu chuan Sierra chu a inngaihtuah nasa mai a, Jonas kha mipa nikhua lo zet a nih si chuan a laka engvang a sawi chhuak kher nge a nih ang,  a lakah tlawm thlak  khawpin a inpe a, mahse Jonas chuan lo hnarin ama tan zel a la nih tur thu ahrilh a, chutak chu a ni ahriatthiam theihloh chu, Jonas hian a care ve tihna te emni ni ta ang? Chu thil.  chu a nithei dawn em ni, a chhan chu hmeichhia a care ngailoh zia leh hmeichhia chauh pawh nilo mipa thleng thleng a ma pu ngei pwh a ngaihsak lo a ni si a, mahni in hmangaih tak Jonas te angin hetiang thil a han ti ta mai hi Sierra tan chuan a ngaihna hriat thiam a har reng a ni.



Rilru ipik a vang a thawk a lak halh hnu chuan inchhung lamah muturin a lut ve ta a, an room chhung a luh chuan Jonas chu a lo muhil daih tawh.


A ni pawh chu eng dang ti tawh lo chuan muturin a inbuatsaih ve ta nghal a, reilo te ah chuan mumang ramah a cheng zui ve ta nghal a .


Jonas chu engtia rei nge a lo mutthilh  tawh chiah a hre lo, eng hun nge tih lah a hre hek lo, Sierra ṭawngvai chhuak leh bawk chuan a ti harh leh ta a, mak a tih em em pakhat a awm, engvanga mumang ṭha lo ngai hlir hmu a thu ngai hlir sawi chhuak ṭhin nge a nih tih hi!

.

"Nilo, khawngaih takin ti na lo hram rawh!"


"Oh my god nilo, nilo."


"Khawngaih takin i thil tih kha tawp rawh!"

Jonas chu a harh chiang hle tawh a, a mit nuai nawk nawk pah chuan a ti leh ta, a ti rilru bawk a .



"Nilo, khawngaih takin a ni kha ti na lul suh!"


Sierra lam chu a hawi a, "Sierra i mumang mai mai a nih kha."


A va kuah lai chuan a lo tal chiam a, Jonas pawh a fimkhur tawh viau mai, a lo hnek leh ang tih hlau in a in veng ran bawk, Sierra chu a tal laih laih a, "Nilo, khawngaih takin min that lo hram rawh!"


"Shush, babe tumah in thah che an tum hlei nem."

Sierra chu a rawn meng chhuak a, a mittui a tling pam bawk, mahse Jonas an a lo kuah bet a ni tih a hriat chuan thlamuang zetin a muhil leh ta a.




THE NEXT MORNING.....


Sierra zing tho chuan Jonas lam chu a melh vat a, mahse a ni chu hmuh tur pawh awm tawh lo in a tho chhuak daih tawh hi a lo ni a, oh ka lu nat zia chu ti in a ṭhu chhuak chuan a dawmdeuh vang vang a, khatiang khawp a tam chuan ka in leh tawh ngailo ang a ti rilru bawk a.






Vawiin lamah an haw tur thu Jonas an a sawi kha hre chhuakin, thank god, vawiin lamah chuan LA lamah kan kir veleh tawh ang,  chuan he pa lak ta hi hla takah ka kal a ngai bawk, a chhan chu a bula ka awm tam chuan thil diklo tak tak ka ngaihtuah phah ta fo mai a ti a, thil kal dan a thlir chuan nithei lo tak pawh ni se, a ni tlat Jonas chu a vei ṭan hle ni hian a in hre ru tlat bawk, chu tak chu a duh lo.






 Rang lutukin a che ta sawk sawk a,  thawmhnaw te khung felin bathroom lam a pan a, a intih fai hnu chuan a thawmhnaw te ha felin, coffee in lam rilruk rauh rauh chung chuan kitchen lam midang ho lo awm na chu a pan ve ta chauh a .







Sierra chuan Alex a va hmu hmasa ber a, breakfast a lo ei mek bawk, a lo nuih var var a, "Good morning Mrs Black."






"Morning le." Alex lo koh dan chuan a ti zam kher mai.






"Lo ṭhu rawh!"



Sierra chu Alex bula chair pakhat awl awmah chuan a ṭhu thla ve a, Alex chu tho chhuakin Sierra coffee tur leh breakfast chu a rawn chhawp a,  a ni pawh lawmthu sawi in a phun chhuak ve sap, kil khatah chuan Jonas leh Luca chuan eng emaw hi an lo ti dun ni awm tak a ni, tablet an lo bih dun ngar ngar a. "Sawmi te sawn eng nge antih a?" A breakfast chu a ei nghal mawlh mawlh a.







"American news online an check dun a nih saw."



"Heta hi le." Luca chuan ti in sound a up a.



"Welcome back news 7."






"Zanin chu News 7 hian inthinlung a tih keh sawm sak hlawm dawn che u a nih hmel khawp mai."






"A chhan chu kan billlionaire Jonas Black khan hmeichhe vannei tak chu inneihna zungbun a bun fel tir ta si a."






"Hei ka hnunga thlalak hi in hmu em, tiang hian Sicily lamah Jonas Black chuan a chhungte zinga mi Private beach ah romantic zetin Sierra Cole chu tiam tlat e a lo tih pui a ni."






"Kan super model lar tak Star leh film star hming thang zet mai Angie Reynolds te kha chuan a hmeichhe kawp chauh an ni phak a, Angie ngat phei kha chuan news kal tlangin MrBlack hi play boy mai a nih a vangin a lakah engmah beisei tur a awm lo a lo ti hial ṭhin a nih kha, he thilah hian a beidawn hneh zia pawh a sawi nghe nghe a ni, nimahsela tuna nupuia a neih tak hmeichhe vannei zet hian chung te chu rawn tifelin Jonas nupui nihna a rawn nei ta a, mahse a ni pawh hian Jonas playboy nihna hi a tuar thei dawn em, a dawh thei ang em? Jonas Black hian he a thil tih hi a sim mai mai dawn silo a, Sierra Cole hi kan hre vek tawhin a rinawm."







"Kan hriat tawh angin MrJonas Black hotel pakhat zinga house keeping hna thawk lai kha a ni."







"Miss Cole chung chang hi sawi tur kan nei tam lo viau a, a ma mimal nun kan reporter te kan ngaihven tir pawhin engmah hriat theih fum fe an nei lo tlat, kan hriat zawng chu MrBlack hnuai a thawk ve pakhat mai hi a ni a, mahse tunah hre rih lo pawh ni ila, hun in a la hril ang chu! A lan dan ah chuan van lam a ṭang a lo tla ang mai a ni rih e."






"Mak in ti ve em?a mak tiraw u, hun hian la hril zel turah ngai ang." News chu a tawp ta a.








"A ṭha lo mah mah zawk maithei a ni."
Luca chuan ti in Jonas lam chu a melh zauh a.






Jonas pawh chu bu ve zauhin, "Si." Ti in a lo chhang ve sup.






"Sierra lung karah i lo cheng reng te hi a nilo maw?" Luca chuan mak tih hmel zet hian Sierra lam chu a hawi a.







"Eng nge i thusawi awmzia?"







"Engvanga i chung chang thu hre chhuak thei miahlo nge an nih tih hi a mak em a lawm."








"Ka hre bik lo." Ti chuahin a lo chhang ve a.



"Luca khatin i rim hriatna kha Sierra chungah hian hman tum hauh suh!" Alex chuan a lo khak ve hlak a.







Luca chu a ngawi mai a, breakfast te an ei zawh hnu chuan Jonas chuan a phone a hmang nghala, "Steve jet kha i peih fel tawh em?"


"Ok, tun a ṭanga darkar khat hnu hian kal kan duh tawh nghal mai ang."






"Kal chu i tum ta a." Luca chuan Jonas phone a cut hnu chuan a lo ti nghal a .



"Yeah, naktuk zing ah chauh lo chuan LA lam kan thleng dawn silo a, ka nu lah chuan naktuk zan hian party a lo buatsaih leh nghal." Thawk a la pah hawk a.



"Party maw?"



"Aw, wedding party maw le."


Luca chu a nui chhuak ta hawk hawk a.

"Auch, a hlimawm dawn viau chu maw le." A la nui sawng a.



"Yeah, a nawm dantur chu thluak lam a kaw lian tak hreuh ang vel a nih ka ring." Jonas erawh a tum hmuk thung!


"Nih leh engtikah nge lawyer chu in hmuh leh dawn?"



"Kan inneih a tanga ni hnih hnu tih a ni a, party neih zawh tuk lamah te kan la hmu ang chu, chuan a rang lam pang hi engkimah chuan a ṭha a ni mai."



An ṭhutna a ṭang chuan an tho chhuak ta hlawm a, "Nileh lawyer nen a in inbiakna a ṭangin eng nge thu kal dan ni zel min rawn hriat tir ve dawn nia." Ti in Luca chuan a thlah a.


"Si, chuan mihring a sumdawng ṭhin midang i hriat chuan min rawn hrilh hre zel ang che, engtik lai pawhin an niho chan chin kha ka ngaihven dawn a nia." Jonas pawh chuan a ti ve a.


NINE HOURS LATER BACK IN L.A


Jonas leh Sierra chuan pent house anlut a, Sierra phei chu vawt ti in a khur dat dat nghe nghe, "In kan thleng leh ta chu a nia, a ṭha e."


"A vawt ka ti lutuk." Sierra chuan a lo ti a.


"Sicily ah kan awm tawh hleinem Sierra."



"Chulam pawh a ni chuang lo, kan thawmhnaw hak zawk hi ni in ka hria."



"Breakfast i ei duh ang em?" A tih zawm nghal zat a.



"Duh lo, rei vaklo chhung mut hahdam ka duh!"



Jonas phone chu a rawn ri nghal a, "Minute nga pawh inah kan la awm hman lo a, ka nu call a lo kal nghal." Ti in a phun chhhuak pah hluk a.





Sierra chuan nuih rik hak pah chuan a kal sawn san ta nghal a, Jonas pawh chuan a phone chu pickup in, "Mom?"





"Aih, theihnghilh lo, zanin ah party kan nei dawn tih te chu ka la hre reng e."





"Eng maw, club i hire a maw?" A ti chhuak nghal ṭhawt, a ngaihdan a nilo viau bawk.




"For f*cksake mom, press ho anrawn kal ngei dawn tih te kha i ngaihtuah tel ve em?"




A ngaithla deuh vung vung a, "Ok, ok, Elijah bulah khan lo sawi ng che, tunah chuan mut hahchawlh ka mamawh rih!"




"Ok, zanin ah ka rawn hmu dawn che nia."




Phone chu a cut a, i silent nghal bawk, Sierra tui bottle la tura rawn kal leh hnenah chuan, "Sierra thil pakhat ka zawt awk thei che ang em?"




Tui chu no a thlit chhuah  pah hian,"yep,sawi rawh." Ti in tui chu a in hmasa te te phawt a.



"Ka lo ngaihtuah chu kha i mumang neih ṭhin kha a nia, eng nge a chhan tih hi ka hre duh!"



"Eng nge i thusawi awmzia chu!" A hmel chu hmuh theih khawp hian a dang var nghal a, Jonas chuan chutia ai  hmelputdan danglamtadeuh thut chu ahmuh hmaih lo kher mai.





"Sicily kan awmlai chhung zawng khan kha mumang ṭha lo kha i nei a."




"Zan dangah ka nei ngai hlei nem, kha i damdawi min pek hnu a ṭang khan a nih ka ring."




Jonas chuan a lakah thil zep a nei tih chu a hrethiam vek, tunah ngei pawh hian thudik a hrilh lo tih a hre vek bawk.





"Chuti Sicily a i mumang ang kha zandangah i nei ngai miahlo tihna maw?"



"Aw, nei ngai lo."



"Kan zawh na chhan che pawh a taka thleng ang ka ti em a."



"Chutiang engmah a awm ngailo ka tih chu, ngaihtuah vak duh tawh suh, i sawi dan a ṭang chuan ka bulah i mut nawn duh tawh loh hmel khawp mai." Ti in a kalsan nghal ta daih a.




Sierra in a kalsan tak hnu chuan a phone a phawrh a, "Elijah keimah."




"Sierra chan chin kim chang taka hriat vek ka duh ang, min rawn neih sak thei ang ti raw?"




"Engkim ka hre vek duh, khawi a seilian nge a nih, a nu leh pa tu nge, chhung leh khat a la nei em? Tih thlengin ka hre fai kelh duh, chuan exboyfriend a nei em tih te nen thlengin, engkim ka hre fai vek duh!"



"Ok, lo ngaihven la, zanin ah ka nu in clubah party a huai hawt dawn a, chutah chuan min hrilh tum ang che."




Phone chu a dah a, Sierra tunge maw i nih chiah le, chuan eng thil nge zep ruk i neih?Ti rilru in a room lam apan ve ta a.





A room lam a thlen hnu leh khum a a mut tawh hnu thleng chuan a ngaihtuah a, kan inneih hma khan a chan chin ṭhenkhat te chu lo hre chhiang hmasa tur ka ni a sin le, pawi tham thil thuruk a neilo ang chu maw, chutiang a nih vaih zawngin press mi ho hian an chhui chuak awl sam dawn ropui si a,tunah chuan a chan chin hriattumin an vir suau suau reng ang chu, chuan zanin a kan party neih tur hi kan thil tih tur zinga a tawp ber a nih ngei pawh ka beisei. Ti a ngaihtuahin a maimitchhing ve ta nghal a.








Sierra chu a room chhung a luh hnu pawh chuan a la tum bar reng a, Jonas zawhna a vang khan a lawm lemlo kher mai, tunge maw nia a han in hriat reng reng chu le, ka chan chin a lo ngaihven ve khang lang a amaw? Atih tur pawh a nilo ve, kha ka mumang neih ṭhin khan engthil nge maw hriat chhuah tira a inngaih hrep ni, engtikah mah a hre chhuak thei chuang lo ang, he kan inneihna hi ti tawp vat in, inṭhen thuai ila, ti chuan a hmuh phak loh turah kalhlat sanvang vang i la chu chu a ṭha ber mai, ti in a ngaihtuah a.





Mutthilh ka mamawh, chuti lo chu party na hmunah khan energy hman tel ngei angai leh awm sia, ti in a mit chu a chhing zui ta nghal a.



******      ******      ******



Jonas chu a phone ri chuan a ti harh a, Damn eng hun nge ni tawh chiah, ti in a ṭhu chhuak nghal a, tho phang zet hian, "Pronto." A ti sup.




Leh lam pang a mi chuan a hriat thiam loh hmel kher mai, a reh duh vung vung a, "Hello ka tihna."





"Jonas party hmunah khan i awm a hun tawh a sin."




A phone chu a melh zauh, time a hmuh chuan a phu deuh zawk a, "Cazzo kan va lo tlai tawh ve."



"Kan kalna tur club kawngkhar hnunglam kha a in hawng em tih lo chian ang che, chuan  press mi an awm nge awm lo lo thli thlai bawk la, khalamah kha chuan min chim buailo turin lo ti fel ang che."





"Limo chu a ngailo ang, cancel leh rawh, ka car in kan rawn kal dawn."



Phone chu cutin Sierra room lam chu a pan nghal a, thawm dimlo zeta kawngkhar chu kik in, "Sierra tho thuai rawh, party na ah kan kal a ngai tawh a nia, kan tlai tawh mah mah, insiam vat vat kan ngai." Sierra pawh chu a tho chhuak nghal vat tih a va hmu a, a room lam chu insiam turin a pan leh ta nghal a.





Sierra pawhin birthroom lam a pan nghal thuai a, a hmanhmawh kher mai, kawr hak tur pawh a thlang uluk hman lo, kawrfual arh khup vhen vel violet rawng chu la chhuakin a in bel mawlh mawlh a, a sam buang ngil zel chu vial kawi deuh hlekin a thlah a, a kawr hak rem tur tak lipstick inhnawih in pheikhawk bun nuam tak tur a thlang chhuak a,  a purse la in a inpeih ve ta mai a,  "Sierra inoeih thuai rawh." Jonas an a rawn au hman ziah mai leh a tur hman ziah ṭhin hi a hawngawih ngawih,a room a ṭanga hman hmawh deuha a chhuak chu Jonas lo insiam peih ata a mah nghak a lo ding reng a va hmuh chuan mak a ti viau, a insiam chhung kha a reiloh teh reng nen, hepa nghah nih reng leh ṭawngkam elhsen tak tak a alo ṭawng khum ṭhin hi a duh vak hran lo a sin.



A mit meng vawt ruih chuan a lo melh a, "A hun tawh mah mah a ni." A ti hluk bawk.





"Kan tlai chhan hi ka thiamloh a nihauh lo a nia aw." A tih khum ve hlak a.





"I kawr hak chu umm...."





"Tinge i duh zawng a nilo em ni?" A tawi khawmuang leh rih a.





"Duhzawng ni e, i inhmeh ka tih vang zawk a nia."





"Kal ang." Sierra in a chhan ve leh hma hma chuan ti in a car chahbi la in a chhuak ta nghal daih a.






An party neihna tur club an va thlen chuan Jonas chuan a car chu kawngkhar hnunglam panga lut turin chulam pan chuan a khalh a, mahse a rin anglo lutuk in press mi chu an lo pherh huang tho mai, kil tin a tang hian thlalak na hmeh det a de zawk zawk reng a, a ṭhen in zawhna an lo zawt cham chi bawk a, chulai hmun tawi te paltlanga inchhung lama luh pawh chu thil harsa a ni.





"You have got to be f***ing kiding me." Jonas chuan a ti chhuak hrawih.





Mahse a thusawi chu Sierra bakin an hriat hmel loh a, chu ai chuan anthu hriat duh chuan a nawr nasa zawk hlawm daih ang, "MrBlack heti lamah."


"Kha kha emni i nupui chu?"





"Ka beisei, chumi awmzia chu buaina tam fe kapaltlang a ngai dawn tihna a ni si a." Ti in Jonas chuan achhang pah nghut a, Sierra nuih a lo za kher mai.




"Hmeichhe nalh tak a nih kha MrBlack."





"Yes a ni a lawm, chuvanga ka nupuiah ka neih chhan." A mit a siai pah suk a.




Hmim hmel pu zet leh inngeih taka lang chung zelin club chhungah chuan an lutthei ta hram, Jonas chuan Elijah lam a pan di g mghal a, rum zeta Elijah chu melhin, "Press lam mi pakhatmah awm lo turin lo siam ang che ti khan ka hrilh chea nilo em ni?"





"Ka tum ngei a lawm."




"Ila tum nasa tawk lo deuh a nih kha."





"Sierra?" Ti a rawn au tu lam chu a hawi phei nghala, Devon a lo ni a.


"Hey Debon." Sierra chuan a kut a va vai khum ve zeuh a, "Ka kalsan lawk ang che u, Devon saw ka va be lawk ang e, ti in Jonas nu leh Devon lo dinna lam chu a pan phei ta nghal a.



Jonas chuan Sierra kal sawn ta chu rem changa hmangin, "Hriatchhuah theih te i nei ta em?" Ti in Elijah chu a zawt a.




"A tam lo khawp mai, khawi a mi nge tih chu ka hrechhuak thei lo a."



"Eng nge i thusawi awmzia chu?"





"Sierra hi kum sawmparuk mi a nihin LA ah a hian a rawn awm ṭan a, chuan nu.leh pa zawn chawp bulah a khawsa a."



"Nu leh pahrawn a?"





"Aw ni e, a nu anga enkawl tu chuan pasal a sun tawh nghe nghe a ni awm e,  a hming chu Adelle Wilson a ni."





"Chunu bulah chuan Sierra chu a cheng char char a, mahse Sierra kum sawmhnih mi a nih khan Adele chuan a boralsan veleh ta a, chu nu chu a hausaktehgiam loh a vangin Sierra chuan a mahin ei a inzawn chawp a ngai ta bawk a, college chu a rap ve zuai a, ka rin dan chuan he Adelle boral tak a vang hian a chawlhsan a nih ka ring, high school a kal zawh hnu khan Verinary college ah kum.khat chu a kal ve hman a, mahse a zawm leh tih thu hriat a ni lo."




"Kum nga chhung meuh hna hrang hrang a thawk kual a, hna bul fuk ti a han sawi tur pakhat mah a thawk lo a, a thawhna ten an ban emaw a mah a bang emaw a ni zel."





"Chu thu chuan min ṭhawng hauh lo hi mak pawh ka ti hran lo ve." A loti veleh sup a.





"Boy friend a nei tih sawi a awm ngailo a, chuan a lan danin Maddie bak hi ṭhian kawm a neih awm pawh hriat ani hek lo."





"Nihleh LA a rawn kal hma chuan khawiah nge a awm ṭhin a i rin?"





"Chulai tak chu a lawm mak chu, LA a rawn kal hma lam pang record engmah hmuh tur a awm lo."





"Thil awihawm loh tak ni in i hre lo maw?"





"Rindan ka nei bik lo, a lan danin he lai hmun a rawn kal hma chuan kut dawh ang vel chi mai maiin a a awm te pawha ni mai thei, hei zawng chauh hi ka hriat theih chin chu a ni rih a, nak tuk hian uluk deuh zawkin ka lo thli thlai ṭha. Leh dawn nia, thil eng emaw hriat chhuah thar kan neih leh tak mialin."





"Ok, eng emaw thil i hre chhuak a nih chuan min rawn hrilh ve nghal thuai dawn nia."





Elijah chuan a kalsan ta a, Jonas chu a piah lama hlim taka Devon leh Sierra lamna lam chu melhin, Sierra tu nge maw i nihchiah le? A ti rilru rauh rauh.





"Min lo ngai tawh viau em?" A hunglam a ṭanga hmeichhe aw in a rawn tih takah chuan zawi muang hian a in her a, "Star hetah te eng i rawn tih a?"





"Jonas ka lo kal ve chu tinge a a pawi viau emni?"





"Midang ho hian ka hmel i hmu hi i hlimloh phhah ah an ngai palh mai ang a sin." A mitko chu a san pah ar a.






"He lai a hun kan hman ti rawntih chhiat vek i rawntum sa reng ti raw?" Zawitak si rum zet a ti chhuain a kut a hum ruh nghal a.





"Nupui i neih tawh mai a vang a buaina a thlenna tur awm reng reng chhan ka hre lo."





"Buaina awm lo e, buaina zawk tak chu maw, pawnah sawn press mi anawm a, chung ho bulah chuan nang hian min hum dawn der bawk silo, chu zawk chu a ni e."





"A nih te chuan engvanga hmun fal leh tuma min rawn tihbuai theihlohna tur zawng mai lo nge kan nih a?"






Sierra leh Jonas nu Jane chuan Jonas leh Star ding duna inbia chu an lo thlir dun ve reng a, Jane chuan Star chu a ngaina ngai lo hrim.hrim bawk nen anlam chu thip zeta melhpah hian, "Saw nu sawn hetah te eng nge a rawn tih ve?" Ti in Sierra chu a zawt a.







"Rindan ka nei hauh lo." Tiin a lo chhang let ve sap a.





"A bulah sawn kalin hriat chhuah va tum rawh."





"Ngaihdan ṭha tak a nih ka varing lo." Sierra chu a tim hle a, a chhan pawh Jonas chuan a lo sawm ve te a nih phei chuan a chungah a lawm dawn miah lotih a hre chiang hle a ni.





"Sierra ,Jonas saw i pasala nih tawh saw, sawtiang hmeichhe hnenah sawn engtiang chiahin nge i pasal chu i hmangaih i va lantir ngei a ṭul ang."






"Ni e, va kal ila a ṭhat ka ring." Nuamlo tizet hian a ti dek dek a.





"Ka ring pawh ti suh, i va kal ngei a ngai."





Nuamlo ti zet chuan Jonas te lam chu a pan phei ve ta a, a kal lai chuan sawi chhuah hmasak ber tur a ngaihtuah phei pah mawlh mawlh bawk a, a chhan pawh Star chu hmeichhe nasa zet a ni tih kha a hre reng bawk.





An bulah chuan a va ding ve ta a, "Jonas henu hian hetah eng nge a rawn tih ?"






"Eng lem mah, ka mipa hi ka rawn be mai mai maw le." Ti in Jonas chu no zet hian a melh ralh bawk a.


"I mipa â ni?" Sierra chu a nui chhuak hak hak a.



"Honey ka hriat hnuhnun ber kha chu maw, he i mipa i tih hian nupuiah min nei a sin."


"Love, a lem vek a nih kha."


"Mahse Sicily ah kha chuan a lem ava angsilo ve, a bik takin kan inneih zan ngat phei kha chu!"



Star chu a thin a rim kher mai,"Bitch dawt i sawi chiang lutuk, ka that mai ang che hre rawh."


"Star khatin midang vau chiam chiam ṭhin suh!" Jonas pawh chuan a lo ti ve bawk a.


"I ti tak tak em ni Jonas? Kei aiin he nu hi i ṭan zawk a maw?"


"Well, a nupui ka ni tawh miau a lawm." Sierra nuih chu a za ru hle a.


"Sierra babe nang pawh kha ngawi hmak rawh! Chuan Star nangpawhin he hmun hi chhuahsan rawh, security ka koh hma hian." Jonas chuan a ti leh a.



"Chu kei aiin i thlang tawh tihna maw ni a?" A thinrim lutuk chuan a ti khur hlak hlak a.


"Tumah ka thlang lo che u, tunah chuan kal tawh rawh,naktuk ah ka rawn call ang che."


"Sierra Cole fimkhur hle ang che i hria em?"

"Umm, Sierra Black maw le." Ti a alo chhan chuan thinrim zetin a in her tau nghat a, a kal chhuak ta nghal a.



Sierra chu a nuihza lutuk insum thei tawhlo chuan za zet hian a nui chhuak a, "Sierra buaina hi chu i ni ve chiang a lawmti raw?" Jonas chuan a rawn din hnaih a.


"Eng thil nge infiamnan i hman hi i hria em?" A tih zawmleh sup bawk.


"Umm, i nupui hmangaih tak angin ka awm mai chauh a nih kha, chumi ti tur chuan a ni lo em ni hlawh kha min pek?" A nui chu tawpin a mengkual pah ralh a.



"A dik, mahse nupui hmangaih tak chuan a pasal hlimna a zawng tur zawk a sin Si?"


"Si."  A nui sak a.

Jonas chu rawn kun hniamin Sierra chu a fawp zui ta nghal a.


Kan dam a nih chuan naktuk tuk leh ah aw, ka phone neilo hi a buaithlak deuh ṭhin a, whatsapp a post hi a tam ber a ni bawk nen, chu loah computer ah ka type thang si lo a, ka type tam thei lo.