IT'S JUST AN ILLUSION CHAPTER 31

IT'S JUST AN ILLUSION CHAPTER 31 SANGTEI KHAWLHRING

BAD NEWS....

CHHIAR HMASA HRAM ANG AW, HE THAWNTHU HI CHAWLHSAN RIH LAWK A NGAI DAWN A, THLATHAR NI 15 THLENG KHI KA RAWN DAH ZAWM THEI DAWN LO A, A CHHAN PAWH FAKNA KAN HMEH KHAN STORY NGAIAH KAN LO HMET NAWN NASA DEUH A NIH KA RING, HEI, BLOG IN MIN HREM A, FAKNA A LO LANG THEI TAWH RENG RENG LO A LO NI A, TUNA THAWNTHU HI POST ZAWM CHAR CHAR MAH ILA BLOG LAM IN VIEWERS THLENGIN THLATHAR NI 15 THLEN HMA CHU MIN CHHIAR SAK DAWN SI LO A, AWMZIA A AWM LO DAWN LUTUK A, CHUVANG CHUAN KA CHAWLHSAN LAWK MAI ANG. THIL PAKHAT HE KA BLOG A KA DAH NILO THAWNTHU KA LO POST TAWH SA HO ERAWH KA RAWN DAH LUT ṬHIN DAWN A, CHUNG CHU CHHIAR TURIN A AWM THUNG ANG, MAHSE HE THAWNTHU ERAWH HI CHU THLATHAR NI 15 HNU AH CHAUH KAN POST ZAWM DAWN NIA, MIN LO HRE THIAM HRAMA HRAM RAWH U AW, KA POST PAKAHTAH MIPAKHATIN  FAKNA MILEM AWM KHA DARKAR 24 CHHUNGIN VAWIKHAT CHAUH A HMET THEI A,  A CHUAN SECOND SAWM CHHUNG LEK ENKUAL TUR A NI A, MIN DUHSAKIN HMEHNAWN AWN AWN CHI PAWH A NI CHIAH LO, A HMET NAWN DUH A NIH CHUAN KA STORY POST DANGAH LUTIN A HMET LEH THEI, A NGAIA AN HMET NAWN A NIH CHUAN BLOG LAMIN CHEATING BEI ANGAH MIN DAH A, FAKNA KHA MIN TIH TAWP SAK THEI A NI, CHU CHU KA RAWN SAWI ZAU LAWK A NI E, IN HMET NAWN DUH A NIH CHUAN A NGAIA MI AH KHAN HMET LO IN, KA STORY THO NISI THAWNTHU  POST DANGAH LUTIN IN HMET NAWN ṬHIN DAWN NIA.

THE NEXT MORNING....

Sierra chuan hmel ngui lap hian bathroom lam chu a pan a, Melody khan ni rei vaklo pawisa neih nan khan a mamawh a ti a, chumi hnu ah chuan heng thil zawng zawng te hi a tawp vek tawh ang, ti in a ngaih tuah a, diktak chuan a tlanbo thei tur hi lawm zawk awm tak a nih laiin, hreh ngawih ngawihna a nei, a ti thei nghut dawn em? Jonas tello hian nun chu a hmang thei tak tak eang em tih chu a maha zawhna a lian ber a ni.

Melody chu a rin tlak ngei turah chuan a ngai, thildang ruahmana hran a neih loh hram a beisei bawk, Jonas bulah pawh a sawi chhuah loh hram a beisei.

A shower hman lai chu a off vat a, thinlunga hliam natak tuar chunga nireilo te chhhung chu nui hmel a la put a ngai dawn anih hi, chuan Jonas lungawilohna pawh a thlen tawh tur a ni hek lovang, tih ngaihtuah chung chuan towel a ban nghal a, bathroom chu a chhuahsan ta a.

Hmm, Jonas thawmhnaw rawn thawn chhoh ho chu i han en teh ang hmiang, thil fun plastic bag a inkhung chu pathum ngawt hi a phawrh chhuak a, Jonas chuan hetiang hian a ti ve ziah, engvanga Party vawikhat hmanna mai mai a tana chung kawrfual nalh zet zet te chu leisak nge a nih le? Pakhat rawn thawn chho se a ni mai a alawm, ti a ngaihtuahin thawmhnaw ho chu a thlek kual a, an nalh hlawm kher mai, pangai taka thlang ni se chuan zanina a hak tur ber chu a hre hauh lo ang, mahse phur tak a kal.tur a ni tlat si lo.

Satin kawrfual sen tak hlar mai chu a thlang chhuak ta a, a sam chu nalh taka zial tawmin a hmel dang lutuk chu a lan loh nan powder tlem leh lipstick a in tat zauh bawk a, darthlalang hma a a thla lo lang chu en in a lang zia awm ve viau ni hian a hria, tuna a thawmhnaw hak lai hi Jonas duh zawng tak a nih ngei a beisei.

Sierra nui hmel pu in hlim tak anga lantum.hram hram rawh ti in mahni lehmahni chu a infuih mawlh mawlh a, chutianga a awm a nih ngat chuan Jonans pawh a lakah a inthlahthlam deuh a ring a ani. Sierra chuan a room chu chhuahsanin step ah chuan muang chang hian a chhukthla a, Jonas pawh a zu hmu nghal a ni chuan phone a lo be mawlh mawlh a.

"Ok, Frank kha hrilh la Limo chu rawn kal tir tawh mai rawh se, midang ho kha an awmna hmun turah an awm vek tawh maw?"

"Elijah heihi ṭha bera ka ngaih chu a ni." Jonas chuan thawk a la pah hawk a,a phone chu a cut ta nghal a, step a ṭanga rawn chhukthla thawm a hriat chuan a hawi chho nghal vat, Sierra athawmhnaw inbel inhmeh lutuk a han hmu zet chu, a ma hriat tham tawk leha phunchhuak in, "F*ck me." A ti pah sup a, Sierra taksa zen zaih mai leh nalh em em chu en loh pawh tum se a ti hlei thei lo.

Jonas chuan a va pan nghal thuai a, "I lan dan chu umm...."

"A hot em ni?"

"Aw."

Sierra chuan a nuih let ve seih a, "Nihleh a sexy em?"

"Lutuk."

Sierra chu a nui chhuak ta hak hak a.

A nui chu tawpin, "Chuan...?"

"Kan kal thei tawh em?"

A buk khum nghat a, an pahnih chuan an inzui chhuak.ta nghal a, Limo pawh pawn lamah a lo ding reng tawh, kal kawngah chuan an inbe tam.lo kher mai, Sierra chuan Jonas hmel.pa zet chu a va melh leh zeuh ṭhin a, mahse Jonas erawh chuan a ni chu hmu awm.pawh hian a langlo thung.

"Jonas?" A tawp a tawpah chuan a ti ta nge nge a.

Zawi muang hian a lam a rawn hawi a."Yeah?"

"Pawi ka tih zia thu kha i hria tiraw?" Chuthil chu Sierra chuan a sawi chhuah ngaiin a hria, Jonas ṭawngkam ngei aṭanga a mah ngaihdamna thu hriat  chu a thil hriat chak ber a ni hial awm e.

"Eng chung changah maw?" Sierra zawhna chu Jonas chuan a man hmelloh kher mai.

"Ka kah vang che khan maw le."

"Yeah ka hria a lawm."

Sierra chuan a va kuah chaih a, "Khawngaih takin min ngaidam ani tih min han hrilh teh, ka tan a pawi mawh em em si a."

"Sierra ka ngaidam tawh che a lawm."

"Joas ka lawm lutuk a nia."

"A hmun kan thleng tawh bawk a, kan chhuak tawh dawn em ni, chafuer in limo a khalh lai a din tir hnu chuan Jonas chuan a ti nghal a .

A lu a lo buk khum ve nghat.

Inchhung an luh hnu leh party neitu Jones te nupa nen an inbiak zawh hnu chuan dawhkan pakhat chu an kil dun a.

"Tiang dinner party ah hian i kal tam viau ṭhin lo maw?"

Jonas chuan a nuih suk ringawt, "I duhzawng chi tak a ni hial lo maw?"

"Nilo, ka ning ṭhin!"

"Nih leh engvanga  kal tho si nge i nih?"

"Bussines vangin, intur i duh em?" Jonas chuan atih zawm nghal a.

"Champange nokhat ka lo duh ang chu."

Jonas chuan bar awmna lam chu tho chhuakin a pan nghal a, "Double scotch leh champange nokhat ka lo duh nag."

"On the rocks in em ni sir?"

"Nilo, Neat in."

Jonas hawi chhuak chuan a lam pana Star rawn kal phei mek chu a va hmu a, ninnmel zeta thawk lak hawk pah hian, "For f*ck sake ." Ti in a phun chhuak hluk a.

Star chuan abul a rawn thlen hnu chuan Ahmingin a rawn ko a, "Jonas darling."

"Hetah te enge i rawn tih a Star?"

"Relax, ka date nen kan rawn kal, chuan i nupui nen in rawn kal tih ka hre mai."

"Tu nen nge kan rawn kal tih lam chu i lo ngaihven tur a awm em ni?"

"Ka sawi awmzia zawk tak chu, pawnlama hruai chhuah chu a tan a himlo viau ang ka tihna zawk a nia, a nilo'm ni?"

"Enge chu chu a awmzia nihrep?" Jonas chuan a insum theihna a tlacham nghal leh tawh kher mai.

"Inbengdai rawh, ka fiamthu mai mai a nih kha."

"Star ka thusawi hi ngun takin ngaithla ang che, Sierra chungah engpawh a thleng a nih vaih chuan hre rawh......a chung changa inrawlh tu ni a ka hriat hriat ka vai hmai duh ang, chu chu vawng reng ang che."

"Kha nu vang khan min that ang a maw?"

"I hriat chhuah loh beisei phawt ang."

"Sir i drinks ka peih tawh."

"Cancel rawh." A lo ti hmiah, dik tak chuan Star thu rawn sawi vel.dan leh a hmel ahan hmuh hrim hrim.khan an intur mood ah pawh a chen tir tawh lo.

Intur pawh keng ta lo chuan an ṭhutna lam a pan phei leh a, mahse Sierra reng a va hmu lo,  a mit a len kualpah ruai a, mahse Sierra chu a hmu ta hauh lo, khawih nge maw a lo kal leh tak hrep le? Relax Jonas security khawiah pawh i dah vek kha, a Kal hla lo turah ngai ang .

A phone a phawrh chhuak nghal a.

"Elijah khawiah nge Sierra kha a lo kal hman?"

"Ka hre lo head security number kha ka rawn pe ang che."

"Tunah rawn ti nghal rawh."
A phone chu a cut nghal a.

Reivaklo hnuah a phone ah chuan message a rawn thleng a, number pakhat a dawn chu a call ta nghal a.

"MrBlack ka ni e, nichin deuh lawk khan Mrs Black kha ka kal san a, khawiah nge a kal in lo hmu em?"

"Aw, sir, Mrs Black chuan balcony lam a pan."

"Ok." Phone chu a cut a, balcony lam chu a pan ve ta nghal a, nidang angin Sierra chu a enliam mai mai thei lo, a nunna a tan a pawi dawn tih hre rengin a mit hmuh phakah awm reng se a duh.

Balcony a va chuang chhuak chuan Sierra chu a va hmu ta ngei a, a ni chuan pawnlam boruak chu a lo thlir vang vang tih a va hmu thei, "Khawilo a ka kal zawk hlan a i lo bo hmanziah mai hi ka handcuff i ngai tihna mi?" A va ti sup a, Sierra chu a pan hnai nghal bawk.

Zawimuang hian a rawn inher a, "Tihpalh, lum katih deuh hlek a vsmgin, boruak thiang dawn zawk tum mai chauh ka nia."

"Chu pawh nise rawn kalin i kalna tur chu min rawn hrilh zawk thei a lawm."

A zahzel chuan a kut a nuai deuh nak a, "Tih tum chuan ka rawn kal ngei a lawm, mahse Star nen inlo awm dun si a, rawn tihbuai che u kha ka inthlahrung a."

"Intur ka lam laiin a man min rawn pan zawk a nih kha." Jonas chuan a hnaih leh zual sauh a.

"Jonas Luke chunga thil thlen dan tak kha ka hre duh."

"Nilo, i hre duh hauh lo."

"Jonas hre turin dikna ka nei,a ni kha ka unaupa a ni a sin."

"Chuvang tak chuan lawm ka hrilh loh che."

"I duh leh min hua la, Luca pawh haw mai rawh..... thudik tak i hriat ai chuan a la ṭha zawk tho tho."

"Mahse ka haw thei silo che hi a lawm buaina chu!" Meng ling khum hlar.  chung hian a ti ve a .

"Khawngaihin kha lam kha chu ngaihtuah loh hram tum ang che."

"Nilo, Jonas ka thei lo, heti khawpin hriat chak a vang hian ka â ṭep a nih tawh ber hi!"

"Tunah eng nge a pawimawh tak thut nachhan? Hun rei tak a mi a ni tawh tho a."

"Mahse ka hre duh a lawm, he ka mipa hmangaih zet hi ramsa kauhamzet a ni lo tih hi ka hre duh!"

"Sierra engchung chang nge maw i sawi tak hrep le?" Jonas aw chu a chang tha khel khawl hle a .

Sierra chuan hnuailam melh raih chung hian, "Jonas ka hmangaih tawh che." A ti chhuak ta phawng a.

"Sierra kha thu kha sawi hlek suh, chuan kha tiang thil kha ngaihtuah tawh ngai bawk suh!" Jonas hmel chu thinrimna hian a rawn thlak thleng nghal a,a hmel chu hmuh hre awm khawpin a dur hle bawk.

"Mahse thu dik a ni miau si a lawm."

"Damnit." Ti in Jonas chuan a hnungchhawn nghal a.

"Jonas khawngaih takin, he mumang ṭhalo zet ka neih ṭhin hi tih tawp ka duh."

"Thudik tak hriat chhuah ka duh, eng ang pawh a hriat hreawm nimah se ka chinfel a ngai."

"Inlamah kan sawi dawn nia." Jonas pawh chuan ngui zet hian a ti ve ta sup a.

Party ah pawh rei awm ta lo chuan a mawi tawk vel an awm leh hnu reilo te ah  Jonas chuan a hruai haw ve ta a, a ni ngei pawhin Sierra hnena a thusawi tur hi a huphurh ve tho, tu mihring in nge an unau, an pianpui uanau te ngei ngei hralh tum ngai hi, Sierra chuan he thil ahriat chhuah hunah chuan eng angin nge a nat leh zual dawn tih chu a hre mai lo, a rilru tihnat sak tu a ni leh dawn tih pawh a inhria, hrep tak chuan engvanga he nu rilru hreawmna thlentu hi ni reng ṭhin nge maw a nih mai le, a ni lah chuan a hmangaih thu te chu a la hrilh leh ta nghal hrep a nia.

In an thlen hnu pawh chuan Jonas chu a room lamah pawh lut ta lo chuan rilru buai zet hian balcony lam chu a pan a, Sierra chu dam thei ang ber leh a lak nat loh theih tur ang berin engtin nge a hrilh tak ang tuh chu a ngaihtuah a, khang mangchhia a man na ṭhin zawng zawng te kha thudik a hrilh chuan a tih reh sak thei ngei in a ring, khatiang mumang rapthlak mang reng tur khan a phal lo, mahse thudik chu engtiang chiah a damin nge a hrilh ang, mi â nileng lo tan chuan engkim hriat theih vekna a ni bawk si.

A hnungah chuan Sierra a rawn kal tih hriat zet hian a rim chuan Jonas hnar chu a verh nghal zar a, Jonas khawngaih takin min hrilh rawh." A rawn ti ta sep a.

Jonas pawh chu a thusawi tur huphurh zet hian muang changin a inher ve a, Sierra chu a hmachhawn a, thawk a lak hawk hnu chuan ti hian a sawi chhuak ta a, "Luca nen hian hun rei tak tawh a ṭang khan mihring a sumdawng chung chang duhlohna a vangin kan lo inkawp dun tawh ṭhin a..."

"Mihringa sumdawn maw?" Sierra chuan Jonas thusawi ṭan dan chu mak ti zet hian a zawt let a, "Enge chutah chuan ka unaupa chuan inhnamhnawihna a neih ve?"

"Chu kan hnathawh a kan chhuina ah chuan i pa chu an hotupa ber leh a pui ber a nih thu kan hre chhuak ta a."

"Nilo." Sierra chuan tham ṭiak a lo ti ve in, 

"A ni theilo." A ti chhuak hlap hlap a.

"Jonas lo hre tur ka ni a sin." A ti ngui nghal raih.

"Khatih lai khan naupang mai a lawm ila nih."

"Kum 16 ka ni tawh."

"Sierra dawt ka hrilh hauh lo che, Luke kan thah hma kum hnih chhung ngawt chu he thil hi ngun leh uluk takin kan lo chhui tawhin kan lo enthla tawh a ni."

"I sawi awmzia chu Luke kha Luca in athah hma i tihna mi?"

"Keiman a ti tur ka ni zawk a, mahse khami ni khan Chicago ka kal thut a ngaih a vangin ka hna tur chu Luca chuan min lo tih sak ta a ni."

"Chu, ka unaupa chu i thah tur tho a ni tihna maw?"

"Aw, thei ni ila chu keiman ka that zawk ngei ang."

"Mahse engvangin?" Rum zet hian Jonas chu a melh ram ram a. "Khatih lai pawh khan a ni pawh naupang tho a la ni a lawm."

"Nilo Sierra, kum.20 a ni tawh, ka kum ang zah chiah a ni bawk, khatianga hmeichhia a sumdawng tura a puitling tawk tawh a nih chuan thitur pawhin puitling tawk viau tihna a nih chu!"

"Nilo, khatiang Luke an a ti tih kha chu ka awih thei hauh lo,khatiang thil kha a ti ngai hek lo."

"Tun thleng hian Luca chuan evidence a la kawl vek a sin,a phone hman records te leh videos leh thlalak thlengin engkim a la kawl ṭha vek ."

"I pa jail a a tan hnu khan Luke chuan leader nihna a rawn chang chho a."

"Oh nilo, ka thu hriat hi awih a vahar em,  ka pa a tan hnu khan Luke khan min enkawl a, i sawi ang thil chu a ti ngai hauh lo ang, kan unau khan kan rethei a sin." A mittui chu a tling pam a, khatih lai a an retheih dun ṭhin zia kha a la hre vek, Luke kha hnathawk turin zankhua te in a bo emaw nileng ṭhak ṭhak a a bo chang lah a tam, a mahin eitur a insiam a,  an inchhe ve tak kha khawhar zetin a lo nghak ṭhin a nih kha, a u rawn haw chuan eitur a rawn hawn ṭhin a, mite angin eitur tuihnai tak tak nei ṭhin lo mahse an unau khan an inngeih hle a, an hlimdun em em ṭhin, chutiang a nih avang chuan tuna Jonas thil sawi hi a tan chuan awih a harsa hle .

"Sierra, nang pawh inthlengpui a tum che a lawm."

"E.....eng maw?" A thu hriat chuan a deng dawp ni ber hian a hria, a lu rawn hai ta thut chuan a khaw hmuh a ti vai a, a hnunga bang awm chu a ngheng pah salh a.

"Luca nen khan payment turin nang hi min offer a, enliam kan tum chuan thil thlen dan kha dikin kan hre bawk si lo."

"Nilo, hetiang hi Luke chuan a ti theilo ang."

"A pawi hle mai Sierra, a ti ngei a, proof na pawh kan nei."

Sierra chu a ṭap ta hlap hlap a, "Babe he thil hi i hriat a tan pawh ka duh lo."

"Mahni chauh a awm ka mamawh."

"Mu turin ka kal mai ang e." Ti in a inher a, hmanhmawh zetin chu hmun chu a kalsan ta a.

Jonas pawh chuan thawk a la kawk a, tunah ngei pawh khan a rilru chu a tihnat sak leh ta chu a ni si a le.

Hetia a bul a Sierra a kawl pawh hi a ti dik ber em? Hetia a tih loh chuan a him dawn bawk si lo, chutiang tih gre reng chunga a lo thlah zalen a nih chuan eengtikah mah a inthiam leh thei tawh ngailo ang a, Sierra hian engpawh lo tuar ni se a ma thiamloh vekah a ngai ngei ang.

Bar lam a pan a, intur chu a inbelh leh ra nghek a, chu chuan a rilru hahna chu a chhawk ber ni pawhin a hria, Melody a bulah ngawi rengin a rawn kal a, mahse lo biak leh lo ti ti pui tum pawh a Jonas chu a lan loh a vang chuan beidawngin a room lam a pan san ta a, Jonas chu zan rei tak thleng a meng a, rui hnapa intur a in hnu chuan mut thilh ve tawh rilruk takin a room lam pan a tin tuah ve ta a.

A room lama a luh hma chuan Sierra chu en lawk ṭha in a hria a, a va luh chuan a room chu dim light chiah hi a lo inchhi tawh a, a mu tawh nghet tawh hle tih a thawk danah chuan a hai lo.






Jonas chuan chet pawh che sawn eih lo in

Sierra muhil lai chu a thlir ngawih ngawih a, a chhan tak hre silo in a hnaih a awm chu a chak ngawih ngawih bawk, khum ah chuan lawn kai ve in a taksa nem zet chu a ban hrawl tak chuan hnunglam a ṭangin nghet zet hian a kuah a, athawk sak sak danah chuan a harh mai mai tawh dawn lo tih lah a hai lo.

A sam rimtui zet chu hnim sakin thawk a la pah hawk a..... chutia a taksa hnaih taka a awm lai chuan engti kawng pawhin nise hum him duhna thinlung a neih tir nghal a, chu hum him a duhna rilru chu a nu leh a unaunu Devon humhim a duh na ang chiah kha a ni,chuan Luca leh Recardo tiam in.

Mahse he thil hi hmeichhe laka a vawikhat tawnna a ni a, a tan chuan a tlawm thlakin a mizia nena i hmeh tak lah a ni hek lo .

A nupui dik tak a nih zia hi lan tir a puan chhuah duhna thinglung a neih tir a,  achhan pawh a hnam hming a ṭawm ve tawh miau a vangin, nilo, chu chauh chu a nilo, chu aia pawimawhna chu Sierra hian a mah ah a nei tawh tlat, chu thil chu amah a venhim theihna tur a nih dawn phawt chuan midang thah pawh pawitihna rilru a nei lo a, chu thil chuan thihna tluk in a hlauthawn tir a ni.

Chutiang ngaihtuah chuan Jonas chu Sierra bulah rei tawk tak a mu a, a ni pawh chu a hriat loh laiin a lo muhil ve hman a, mahse zing takah harh lehin a room lamah a insawn leh ta a, zan lama Sierra bula a riah vang kha nge a hre lo chumi ni chu a mah pawh a vengin rilru hah hluah hluahna a neih te chu an kiang ta duak a hriat na hi a neih phah hial.

A room lamah a phei hnu chuan mu leh tawh loin shower a hmang a, kitchen lam chu a pan ta a.

Sierra pawh a harh hunah chuan harhin a meng chhuak ve nghal a, a hma zan lam ah khan a mummang rapthlak zet te kha mang tawhlo in a bulah Jonas chu awm ve tlat a hriatna a nei a, mahse zanah em em chuan a rawn kal chiah a ring lo, Jonasan thudik a hrilh tawh vang pawh kha a ni maithei bawk, mahse chumi a vang chuan a u Luke chu a ring chhe tur a ni lo va, Jonas thusawi pawh kha a awih nghal diak diak dawn tihna lah a ni hek lo.

Mahse zan lamah Jonas a bula rawn mu ve ni awm ang taka a hriatna kha chu mumang mai nilo in a taka thleng ang mai ni in a hria, nge mumang a lo ni zawk? Chuan Luke chung changah ve thung kha chuan ngaihdan a la siam duh mai rih lo.

Luak chhuak zetin bathroom lam a pan a, luak chhuah tur em em awm silo in a va uak leh vak vak a, tun hnai te a ṭang  khan pum ruah lutuk a vang a luak chhuaak leh damloh ser ser na nei a inhriatna a nei thin a, eng emaw changa luhai thut na nen, a hma a chaw mumal a ei ṭhin loh vang te pawh kha a ni maithei bawk ti in a ngaihtuah a, a nih loh pawhin an thil eiah chuan a taksa in angeih vak loh thil ei tel a nei pawh a ni mai thei.

Chau leh zawi tak chuan a khum lam a thleng phei a, kitchen lamah eitur a pum tih puarna tur a ngaihven ngei a ngai ang, chuti lo chu a taksa a chak vak lo anih ngat chuan a tlanchhuahna tur hi a ṭhulh leh a ngai mai ang, chu chu a thlen tir thei lo ang, Melody in pawisa a ngaihtuah veleh he hmun hi a chhuahsan vang vang tur a ni.

Luke chung chang bawk chu a ngauhtuah leh a, engvangin nge Jonas chuan khatiang hun angah tawh dawt a hrilh tehlul ang, dawt a sawina awm reng reng a hre lo, a mittui chu a far keh fap fap tawh a, he a natna hian engtikah mah a kian san pawh a ring tawh lo, nizan khan Jonas chu a hmangaih thu a hrilh a, mahse khatiang a sawi tawhlo turin leh khatiang thil.kha ngaihtuah pawh ngaihtuah tawh lo turin thinrim zetin a vin khum a nih kha, ni e, a tan chuan a ni ngei ang, achhan chu Melody a ni chuan a nei tawh miau a lawm, emgvang a khang thu te kha sawi chhuak leh nge a nih reng reng?

A intih fai hnu leh thawmhnaw dang a inbel hnu chuan kitchen lam pan tumin kawngkhar lam pan mai hi a tum a, mahse chutih lai taka a room tukverh rawn inhawng a ṭanga mipakhat rawn lut chuan a rawn nang ching hman chiah chiah, 

"Nang maw?"

"Jonas min pui rawh."  Ti in au chhuak tuar a, mahse a hmui chu nghwt zeta hup nghal ni in, a lu ah silai kawm a nazeta chhutna chuan a khawvel ti thim mup in engmah a hriat zawm tir tawh lo.

Jonas chuan breakfast a eizawh hnu chuan insiam peih sa thlapin Jonas lo biak pah chuan Melody insiam chu a nghak a, vawiin hi Melody a thlah ni tur kha a ni a, Sierra a kawl duh rih a nih chuan he thil hi a tih ngei ngaiin a hria, tun anga Melody lo kawl chu thil tih chi vakah a ruat hek lo.

"Luca ka hrelo tak zet."

"Ngawi lawk teh aw, thawm hre thanin ka i hria." Jonas chuan angaithla deuh vung vung a, engmah a hriat zawm tak loh a vang chuan, Luca chu a biak chhunzawm leh a, "Thil eng emaw hrethan in ka inhria a, mahse emgmah a ni leh lo ve." A ti a.

"Enteh bro, i that a ni emaw i kawl a ni emaw chu bak chu duhthlan tur i tan a awm lo."

"Kawl i ti em ni?" Jonas aw chu a vin tha kher mai. "I ti tak tak em Luc?"

"Khatiang a ka ti a nih vaih chuan human traficker ho nen khan enge kan danglam na ni dawn,  kha thil bei tur khan ka hun pum chanve deuh thaw chu ka lo bei tawh tih te kha hre ta che."

"Chutiang lam nilo in, i hamngaih a a nin a hmangaih bawk che chuan, inneihna tak buaipui dun ula ka ti maw le."

"Luc ka hmangaih hrep lo."

"Bro hmangaihna hi thil mak zet mai a nia, bei duh suh, Em ah khan ka ti tawh ka hlawhchham thak bawk, a thawk tak tak chuang lo, chutiang nilo kha i thluakah khan i thun velh ting zawk ang, eng pawh ni se ka dah ohawt ang e, vawiin chu appointment kan nei a, altrasound tih ni tur a nia."

"Zaninah ka rawn call leh ang che ."

"Ok, kan in beleh dawn nia, in appointment neih turah chuan duhsakna ka hlan a che ."

Jonas chuan a phone chu a cut a, Luca khan tiang khan a rawn sawi hrep a maw, ka hmabgaih hrep lo ve,  nge ka lo hmangaih reng zawk em ni? Thawk a la hawk a, nilo, ka hmangaih vang a nilo, hetia ka care em em bachhan hi chu kan inneih tawh vang mai mai a ni ngei ang, mahse ka lak a ṭanga a awm halt hian engvang a ngai ṭhin nge ka nih chhan?

"Heta hi ilo awm a lawm." Melody in a rawn tih takah chuan Jonas pawh a hawi chhuak ve nghal a, Melody chuan khami ni a a thawmhnaw a rawn ken luh ho kha suitcase te ah dahin a kutin a handle chu a vuan ran bawk a.

"Melody kal chu i inoeih tawh tihna mi?"

"Heta ka awm hi i duh tawh lo tih ichiang takzet maw?" Hnuailam a melh pah raih a.

Jonas chuan thawk a la huai a, "Come on Melody khatin ti leh lo teh!"

"Aw le, i thu thu a lawm."

"Lokalrawh i chenna hmunnah chuan ka va thlah ang che."

"Ka lawm e." A ti ve tak na a chu a hmel chu a hlim lem lo.

Jonas chuan kawmgka kalh hawn a tum chiah a phu chiang kher mai, what the hell , kawngkhar lock hawn tuma ri thin tura a dah alarm chu a lo in disarm tlat, Disarm ready to arm, ti in alo de.zawk zawk mai a, thinrim zet hian Melody lam chu a hawi a, "Alarm hi nangmah em ni disarm tu?" A vin chhuak ṭhawt.

"Eng maw?" Melody chuan a rinloh lutuk a Jonas vinna a han dawng chu a phy chiang kher mai.

"Alarm off tu hi nangmah em ni?" Jonas chuan a silai pai chu a phawrh chhuak nghal a.

"Nilo, ka ti lo tak tak." Hlauthawng zet hian alo ti nghal thuai a.

Jonas chu hmanhmawh zetin bed room lam a pan a, Sierra room kawngkhar chu a tlawh hawng nghal thuai bawk, "Sierra." Ti in ring mang kheng hian a au a.

Melody pawh chuan a rawn zui ve nghal vat, "Eng kim a ṭha vek maw, enge thil thleng awm?"

Jonas thinrim chu a puak keh lo chauh, "Melody Sierra zawngin he penhouse chhung i lo fang chhuak kelh rawh." Tih pah chuan a phone ah chu phawrhin number pakhat a dial nghal a.

Melody pawh a che chhuak ve nghal, "He hotel building chhung a chhuahna zawng zawng kha lo khar vek rawh u, penthouse a ṭanga mi pakhat chhuah tum a awm a, man ka duh."

"Chuan Elijah kha lo bia la, arang thei angberin hetah ka penthouse ah hian rawn kal nghal rawh se."

Jonas chu a hawi kual ruai a,  engtin nge Sierra chu a lo chhuah leh hmanhmawh hrep le? Nizana alarm a off dan kha a lo chhinchhiah tihna em ni ang, nizan khan a incheina a inhmeh pui em a vang khan a lo fimkhur tawk lo deuh tihna em ni?

Mahse chutia a room a a kal kual na lamah chuan chhuata thisen tling pam mai la thar lam zet chu a zu hmu ta a, a kun hniam nghal thuai a, a kuta a zu khawih chu thisen ngei tih a chiang kher mai.

"F*ck thisen."

Tu emaw chu an thi ngei dawn anih hi thinrim tak hian a rum chhuak nghut bawk.

Elijah pawh a theih anga ranga rawn kal nghalin a rawn thleng har lo kher mai, Jonas chuan chan chin a lo hrilh nghal zung zung a, Melody chuan Sierra reng ahmuh loh a vang chuan buai taka Elijah leh Jonas phone hmanna bulah chuan a lo ding ngawi ve reng bawk a.

"Tunge ti tu hi ka hre duh, chu vang chuan CCTV ka en duh ang, tunah ngei tape kha ka penthouse ah rawn la nghal rawh.".

"Enge i sawi awmzia CCTV pawh an hack a maw? Thil theih va ni hrep suh!" Jonas thinrim lutuk chu a au hian a au chhuak ṭhawt ṭhawt tawh mai a.

"Ok, tukin zinga he hmuna hnathawk zawng zawng ka hmu vek duh ang."

A phone chu a cut nghal a, "Enge an sawi a?" Elijah chuan a lo ti nghal thuai a.

"An sawi dan chuan tu emaw in he hotel chhunga security system hi hack in engkim an lo shutdown vek a nih chu!"

"Chumi ti tur chuan password kan mamawh vek a nilom ni?"

"Ni e, password chu kan mamawh ngei a lawm, a ni lo emaw chhunglam a ṭanga pui tu an awm a ni mai."

Jonas chuan a room lam chu rilru hah zet hian a pan a, thil chu a ngaih ang aiin a pui daih dawn ni a hriatna a nei bawk, he tiang a nih chuan Sierra chu a ma thu in atlanchhe hauh lo ang, a duh lo chung hruai luih a ni tih pawh thisen khan a ti chiang hle, a room chhungah chuan lutin kawngka chu phui zet hian a khar nghal a, Luca number chu a dial ta nghal a, mahse Luca number a dial apiang chuan voice mail ah a lut zel, "Tunah chuan phone hi ka la thei rih lo a, i duh anih chuan message i lo hnut chhiah mai dawn nia."

Jonas chuan thawk a la hawk a,vawi tam a tih hnu ah pawh voice mail ah a lut zel.

A tawp a tawpah zawng Luca tan message chu a hnutchhiah ta a, "Luc ....cod..."

Thawk a la hawk a, "LUC CODICE ROSSO."

"Ka sawi nawn leh ang, codice rosso."  Mang ang zet hian a ti ta a.