IT'S JUST AN ILLUSION CHAPTER 30

IT'S JUST AN ILLUSION CHAPTER 30
SANGTEI KHAWLHRING

A va han sei ṭha ngawih ngawih em, words sangruk ngawt ka rawn dah hnuk e, vawiin lam zawnga ka hna, nangni pawhin a thei thei chuan ṭhahnem ngai takin fakna kha min han hmeh sak leh vek ula, a lawmawm zual dawn em mai,  tunah hian dollar khat leh 25 ka mamawh lutuk a, chu chuan 100 a ti tling ve thei tawh dawn a, ṭan min han lak pui sauh sauh teh u, lockdown laia in mi ṭanpui ve na ni mai teh se, kut ka rawn dawh ah te pawh min lo ngaihsak ta ang u la🤑🤑🤑🙊🙊🙊 nidanga fakna hmet thei reng hmet ve lo te pawh khan min han hmeh sak sup sup mai teh u'n,  hetia ka rawn ti ta vak mai hi ka inthlahrung ve det tho a nia aw😊😊😊  sunday ka chawl ang a, monday ah tam deuh rawn dah leh kan tum dawn nia, he thawnthu pawh hi a chanve chu kan lo pel ve ta der a, hei hi kan zawh chuan ka story pangngai kha kan chhunzawm leh tawh dawn nia, kan dam chuan, he thawnthu hi a zawm zel a la tam a, mahse ka lehzawm tawh lo ang, chuan thil pakhat, silent readers tawp nilo in incomment te kha ka lo ngai chang ve reng ṭhin a, hei hian phurna min pe ve ṭhin tih hre rengin comment lam kha min han uar sak ve ta ang u la, ka lawm em em ang.

Jonas room a luh chuan a ni chu muhil in a va hmu a, chung lam pangah thawmhnaw a inbel loh a vangin a awm zawna ser awm raih la thar lam zet chu a hmu chiang hle a, chu ser a hmu zet chu a kehchhe hneh hle, he a ser a neih na chhan hi amah vang tih lah a hai hek lo, a mah ngei in a a neih tir a ni miau a.

Jonas mutna lam chu thawm dim taka panpheiin a awma ser awm chu dim te hian a va khawih sak a, chutah chuan he thil hi angaihtuahna ah a lo lut a.

A kap a, tichuan thi turin a kalsan bawk a nih kha, tunah chuan a hma anga mumang rapthlak tak man tur pakhat a insiam leh hi a ni ringawt bawk, chu thil chu chhuat laia Jonas thisen nena a mah chiah a tlu ṭanpui tu nei lo thi mek ngei mai chu! Chu pawh a mah vang in.

Chutiang thil ngaihtuah chuan a lo khawihsak reng ani tih Jonas kutin a kut a rawnbawh thuah sak takah chuan ahre chhuak zawk, a ngaihtuahna a ṭang chuan a ti harh zawk a, "Hetah te enge i rawn tih?" Ti in a ṭawng chhuak nghal sup bawk a.

Sierra chuan a kut chu rang taka la sawnin, a ṭhu hniam a, "Jonas pawi ka ti lutuk, khawngaih takin min ngaidam rawh, thei ni ila zawng kha hun thleng leh tur khan hun ka her let ngei ang."

Jonas chuan a bula mu ve tur chuan Sierra chu a kuah thlu a, a bulah muttir pahin a kut chuan nghet zetin a kuah bawk a..... chu thil chuan engkim a ṭha leh vek dawn ni angin a ngaih tir a.

"A pawi ka ti tak zet zet." Ti in Sierra chu a phun chhuak leh sep a.

"Shush, ka hria a lawm."

Sierra chu a awmah beiin a in hnit hlap hlap a, Jonas chuan akuah nghet zual sauh tih pawh a hre thei, hei hi a ni a tan himna leh muanna chu, a nu damlai a him taka awma a inngaihna ang chiah kha, chu chu engtik lai khan nge a nih a, engtikah khan nge a lo inṭan tih lah a hre hek lo. Mahse khawi emaw tak a ṭang chuan a inṭan ngei ni chuan a hria, Jonas Black hi atthlak khawpin a hmangaih a, Melody nen a han hmu zet kha chu a thinlung a keh sawm chiang hle, a kah a vangin a chan phah a, chu thilah chuan tumah mawhpuh tur a bei lo, a mah chauh hi a ni.

"Jonas?"

"Yeah?"

"Ka ..... ngaihdan chuan.....ka rindan  chuan ka....."

Room kawngka a rawn inhawng thut a, "Jonas?" Melody a rawn lut a, an pahnih a muduna a rawn hmuh chuan mak ti in a thusawi tum pawh chu a ṭhulh chiang hle mai, a kutin a hmui a hup chaih a.

"In pahnih chungah engmah a thleng tawh lo ang ti in i sawi si a." Ti a sawiin an oahnih chuan rinhlelh hmelfe hian a melh tawn a.

Sierra ngei pawh nuamlo ti zet hian a tho chhuak ve nghal, "I ngaih anga engmah thil thleng a awmlo Melody."

Jonas chuan a mutna a ṭang a tho chhuak chuang lo hian a chhang a.

Mahse Melody erawh a chhuak leh nghal vat, room kawngkhar pawh a khar dimlo kher mai, "Damnit." Jonas chuan a ti hluk a.

Sierra chu inthiamlo zeta sing chhuakin,

"Jonas pawi ka ti lutuk."

Sierra chuan engmah tih tur a nei tawhlo tih a inhre chiang hle a, Jonas chuan a ngaihven zuilo tih lah a hailo nasa, a tho chhuak a, a shirt sofa chunga awm chu la in a chhuak nghal vut bawk, Sierra tan chuan tawrh thiam a har kher mai, engvang a signal pahnih chu siam sak nge a nih? Tun lawkah khan a hmangaih thu hrilh teuh zetin a siam a, Melody a rawn langa ngahmah ngaihloh hmel zetin leh Melody ngaihven hmel takin a kalsan zui leh chu a nia, a tuar thei dawn em ni?

Jonas chuan Melody room lam chu a thleng phei nghal thuai a, a ni chu a mutna khum chunga ṭhu a ṭap chhuak hlap hlap hian a va hmu a.

"Melody engthil mah a thleng lo."

"Heta awm ve tur hian min ti a, chuan ka thawmhnaw te vala in ka lo kir leh a,mahse i room ka rawn luh chuan a mah nena khuma mu dunin ka rawn hmu lehta si che a." Ṭap hlap hlap chung chuan a ti a.

"Jonas min rawn hnaih tawh suh! " A tho chhuak a, living room lam chu a pan phei a, Jonas chuan a zui ve nghal, "Enteh Melody khuma kan mudun lai pawh i rawn hmuh loh kha, engmah tih kan nei lo, a hlimloh em a vangin ka kuah ringawt mai chauh a lawm, chu bak engmah a thleng lo ."

"Jonas i girlfriend ka nih hi." Melody chuan a vin let ve ṭhat.

"Well, a ni kha ka nupui a nih hrep bawk a.."

Melody chu a phu deuh zawk, "Ka hria e."

"Nilo, kha kha ka sawi tum pawh a ni chiah lo." Jonas chuan a ti leh hruih a.

Melody erawh lungchhe zetin a ṭap chhuak thung, Jonas tih ngaihna hre lo chuan thawk a la ri hawk, "Enteh kha kha ka sawi tum chiah pawh a nilo, nang leh kei chu a thar kan ni a, Sierra nen erawh kha chuan a tawp tawh." A ti ta ringawt a.

"Helai hmunah hian ka hun ka khawhral thlawn mai mai em tih hi ka hre duh!" A mittui tla te chu a hru hul a.

Jonas chuan a chhanglo hrim hrim, "Jonas a ni kha i hmangaih tihna mi?"

"No, ka hmangaih hrep lo."

"Kalsan tur che a min duh a nih chuan ka kal mai ang."

"Kal turin ka duh hleinem che." Jonas chuan a va hnaih a, a hmuiah chuan a fawhsak ta nghal a.

Chutianga an awm lai leh an thusawi ho ngawi renga an hnunglama lo thlir reng tu a awm a ni tih chu an hre lo hrim hrim, Sierra chuan an thusawi zawng zawng chu pakhatmah hmaih neilo in a lo ngaithla ve kar a, a tumreng vanga chu thil chu ngaithla pawh a nilo, choka lama kal tum a ni a, mahse an pahnih an lo inbiak tak a vang chuan paltlang hrehin a ding ta ri ngawt a, Jonas thusawi tin mai chuan a thin zawna lung lian tak tak a den ang mai hian a deng dawp dawp ni berin a hria.

Engvanga heng te hi a hma khan lo ngaihtuah lo nge maw a nih chu le? Ti hian Jonas chuan amah ngaidam ang taka langa lem changin a that thei reng si a.

Sierra chu rang lutukin ache chhuak ta nghal a, engthil chiah nge a ngaihtuah tih pawh a inhre hman lo, a hriat zawng chu kawngkhar pui lam a pan tih chauh chu a ni.

Alarm rawn ri ta thut a vang chuan Jonas leh Melody in fawp lai chu an tawp chiang kher mai, "Chu eng thil nge?"

"Alarm a nih chu!" Jonas chuan a lo ti a.

"Ka rawn kir leh thuai ang, tah hian lo awm rawh." Ti a kalsan in kawngkhar pui lam chu a pan ta nghal vat a, a va thlen chuan Sierra in kawngka hawn tuma a lo bei mek chu a va hmu nghal a.

"Eng thil nge maw i tih hrep le Sierra?"

"Min chhuah tir rawh, min chhuah tir hram rawh." A ṭap pah hlap hlap a, kawngkhar chu hawn a la tum ngar ngar.

"Sierra." Jonas chuan a vin nghal thawt.

A rawn inher a, mittui kar a tanga fiah lo riai a Jonas chu melhin, "Ka hua che, ka haw tak zet che, tinge tiang hi ka chungah i tih?"

"Engavanga min tihnat duh nge i nih sawi rawh?"

A thiltih lai chu chawlin kawngkhar chu a ngheng a, ṭap zawih zawih chung chuan chhuat lamah a ṭhu hniam a, Jonas pawh chuan hre awm a ti kher mai, Sierra bulah chuan ṭhu hniam ve nghalin, "Sierra enge diklo awm?"

"Engkim hi a dik lo vek,a diklo fai vek." A la ṭap nasa mai a.

"Jonas ka thinlung i ti kehdarh zo vek tawh tih i hria em, ngatinge tiang hian ka chungah i tih?"

"Hetianga mi tihnat a ka thinlung leh ngaihtuahna zawng zawng mi tih keh sawm tir hi em ni i phuba lakna chu?"

"Come on babe, chutiang a chhia chu a ni hauh lo." Jonas chuan kuahin a din chhuah pui a.

"Nilo, hetiang chuan ka ti thei tawh lo ang."

"Babe engkim a ṭha leh vekmai ang."

"Ka tiam a che, engkim hi a ṭha leh vek dawn a lawm."

*******      ********          *******

Jonas kal veleh Melody chuan phone hmang turin balcony lam a pan a, tah chuan mi a be ta a, "Ka theih tawpa ṭha chuan hna chu ka thawk ngei a lawm."

"Ka hre lo, ka hrelo tak zet zet, ka thawmhnaw la tura ka thang hlanin khumah an lo awm dun a, Jonas hian a mutpui em tih chu ka chiang hauh lo."

"Enteh tunah chuan a inchhungah ka cheng ve tawh e."

"Aw, min ring lutuk tawh."

"He nu hi min thah tir mai la ni tur, ka haw ngawih ngawih."

Melody chu a nui chhuak hak a, "Bugsy ka fiamthu mai mai a nih kha, aw, plan kha chu ka hria a lawm."

"Tumah thah loh a Jonas hi a nupui lak aṭang a dah hlat, tichuan a nupui pawh a rai theilo bawk ang a, chu chu a nil'om ni plan kha."

"Nih leh heng thil hi a zawh hunah leh a hun a thlen hunah Jonas hi ka ta bil tak tak ni thei turin ka nei hlen thei ang em?"

"Ok, ka lo hre reng dawn nia." Ti in aphone chu a cut a, inchhumga lamah chuan a lut leh ta nghal a.

Jonas chu living room ah chuan dingin a va hmu a, hnung lam a tanga va kuah pah hian, "Hey, ka zawngnasa hman tawh che a sin." Tih pah hian a va kuah nghal a .

"Engkim a ṭha maw?" A lo ti ve sup.

"Aw, tha e, nih leh alarm chu eng vanga in off tum.nge a lo nih a.?"

"Ka hre bik chiah lo, mahse tunah chuan a dik leh tawh e."

Tunah chuan shower hman a mut mai ka duh, naktuk zingah ka hmu keh dawn che nia, a tha em?"

"Ka rawn zawm ve che i duhlo em ni?"

"Babe vawiin chu lunat na tur ka ngah lutuk tawh,rain check ka nei thei zawk ang em?"

"Oh, tehreng mai." Melody chu a ruk tak chuan a lung nilo kher mai, mahse tihlan chi ah erawh aruat lem lo.

Jonas an a kalsan hnu chuan a tum nghal hmak a, rain check a ti em kha? Tu mipa in nge an plate khat a offer an pek lo hnawl duh ang? Ka game chu he thilah hian ka put luh ve hlek a ngai dawn ta a nih hi tih chu a ngaihtuah a.

Jonas chuan Melody lam pawh a ngaihven thei tak tak tawh lo, Sierra thusawi khan a rilru a khawih tlat, shower hmang tur chuan bathroom lam chu a pan a, tui chu herh haw in a inphuh tir nghal a,chutih lai reng pawh chuan a mgaihtuahna chu a hahchawl thei chuang lo.

Eng tin nge maw ka tih tak hrep ang le? He hmeichhia hi thlah chu a duh lutuk, a tawng ani tih te thleng khan theihngjilh vek a duh, mahse a ti thei si lo.

Luca chu athin a rim viau ang tih pawh a hria, a ni chuan a nunna a zauh sak ngai hauh lo ang, chutah chuan mawhpuh thei bawk hek lovang .

A chhan chu a hmangaih te zawng zawng tih chhiat vek theihna tur khawpa tam Sierra chuan a hre tam tawk tawh viau, a mah erawh chu Jonas ngeipawh hian he nu thahna tur thil tam tak chu a lo plan ve tawh tho a nilo em ni? Chung thil ho chu Sierra dahthatnan pawh an tha em em vek, mahse chu thil chu amah hian a ti thei tlat si lo.

Zanin kha eng a ti ta nge? Kha tiang khawp ahlim lo leh lungngai hmela a hmuh pawh kha a la hre ngai lo, eng nge a ghusawi awmzia kha ni ta ang, kha a kâ ngei atanga chhuak a thinlung a tihkeh sawm sak vek ti a a sawi kha, eng nge a awmzia ni ta?

A lakah Sierra chu a beidawng tawh a, chu chu Jonas duh zawng a ni hauh lo. Diktaka sawi chuan a mit hmuh phak renga dah a duh a, chu chu ngaiin a hre tlat bawk, f*ck ka buai zo ta chu a nih tak ber hi maw a ti ve ta hial a.

THE NEXT MORNING.....

Jonas chu a thawh ang hun ngaiah bawk tho in a room a aawm lai chuan Luca nen an in be mawlh mawlh a, Sierra kal tir mai a duh zia thu leh a rilru a han sawi chuan Luca ngauhdan a nilo kher mai, an inhnial phah ta hrep a.

"Luca min lo ngaithla teh!"

"Bro hetiang chuan i kal tir tawp theilo ang, I tan a harsa dawn tih chu ka hrethiam lutuk a lawm mahse...."

"I khawih anih vaih chuan hrerawh Luc engtikah mah ka ngaudam thei tawh ngailo ang che."

"Jesus christ Jo, i sawi a nih loh chuan ka khawih hauh lo ang."

"Enteh Jonas a awng lai kha chu i hria ti raw?"

"Yeah, yeah, ka hria e, keimahin ka ti mai ang."

Jonas chuan rilru hah zet hian a phone chu a cut a, kitchen lam chu a pan phei ta a .

Melody chu in siamsa ni awm zet hian a va hmu a, "Good morning, tukin chu i lang ṭha hle mai, kal chhuahna tur i nei deuh em ni?"

"Nilo e, vawiin chu ka mipa hian tha a thawh theihna turin ka bei ang ka lo ti a." A nui pah var var a.

Jonas chu a mengkual rulh a, "Tukin zingah Sierra hi ilo hmu tawh em?"

"Aih, chutia ka tih chu a ngai em ni?"

"Breakfast ei tur hian a rawn chhukthla tawh em tih ka ngaihtuah vang mai mai a nia."

"Aih ka la hmu miah lo, mahse i tan breakfast ka lo siam sak che a sin." A nui zui leh sak a.

Jonas erawh chuan Melody biakna chu a hre chhunzawm.tawh hauh lo, emgvanga Sierra chu rawn chhuk lo nge a nih ang tih leh helai a rawn thlen hnu hian eng thil nge a ei a hmuh tawh engmah, chu chuan a ngaih a ti ṭha lo nghal.

"Jonas?"

"Jonas, ka thusawi chu i hria em?"

"Tihpalh eng thu nge i sawi a?"

"I breakfast ka lo siam sak che a ka tia."

"Ka lawm e,mahse coffee chiah ka lo duh ang chu!"

"Jonas ka buaipui nasa a sin."

"A tha e, a nih chuan breakfast chu min han pe hrep ta che."

"Lo ṭhu la, ka rawnchhawp ang che."

Jonas chuan Sierra hlir chu a ngaihtuah a, nizan lama a thusawi te pawh kha a theihnghilh thei lo, engtiang chiahin nge a chungah chuan a lo nunrawn viau ang tih ringawt a ngaihtuah.

Sierra zing tho chu a inngaihtuah neuh neuh a, zanlama a awmdan a vang khan a inzahpui hle bawk, engvanga a feelings chu Jonas te amg laka ti lang nge a nih? Chumai pawh nilo in Melody kha a duh hle tih lah a hre chiang ropui si a, chuvang chuan he a rilru leh a awmdan hi thupin langlo thei ang bera a awm tlat a ngai tawh ang, Jonas chuan thah a tan bak a tilo tih hi a hre ran tur a ni.

A mittui chu a far nghal zawih zawih a,a ni erawh chuan heng buaina laka ta hi a chhan him ngei tur a ni, chu thil chu a mah chauh pawh a beih ngai pawh ni se a ti mai ang.

A mittui chu a hruhul a, oh khatianga a hanngaihtuah ta chu a mah leh a mah pawh a inawih lo zawk hial, engvanga a thihna duh tu chu a tan a ṭha tur la ngaihtuah sak cheu nge a nih le? Mahse ti lo theilo dinhmunah a ding tlat si, chu thil chu he  mipa a ngaihzawnna hian chhunglamah tih tir turin a tur lui tlat.

Nilo, he thil a ṭang hian a engtin nge a awm ve zel dawn tih a ngaihtuah chhuak ngei tur ani, chu thil chu a tihfel vat a tul ngei ang .

Mahse engtin nge a tih ang tih a hre lo, a a beidawng lutuk chu lungchhe zet hian a inhnit leh hlap hlap a, tih dan tur erawh a ngaihtuah ngei angai ang, mihring tute pawh hi an hmangaihtan engkim chan huamin an inpe ṭhin a nih kha, a ma nu ngei pawhin a pasal chu a hmangaih em a vangin a tan a nunna hial a hlan kha hreta che Sierra, tichuan a nu chuan a pa in silai mu a tawrh ai chu tuarin a nunna a lo chan phah tawh a ni .

A nu chu a ngaithar hle a, a nu chu a pa anga minun rawng a nilo a, hmeichhe nunnem leh zai dam tak,mahni pasal te zah thiam tak leh hmangaih tak a ni a nih kha, mahse a pa chuan khanga nu hmangaihna te kha ngah mah a ngaihsak ngailo a nih kha, ni e, a pa chu ramsa kawlh a a ni a, khatih lai khan engvangin nge a nu hian a a a pa chu a talnbo san daih mai loh tih chu a ngaihtuah thin, mahse tunah hian a nu a pa bula a awm tlatna chhan chu a hrethiam tawh hle, chu mi awmzia chu a nu khan a pa kha alo hmangaih em vang a lo ni .

Chutiang chiah chuan tunah hian a nipawhin a tawng ve tani in a in hre bawk, amah thah duh tu leh thah tum reng ṭhin chu a hmangaih tlat.

Ṭap tawhlo turin a heh chu na zet hian a pet fan fan a, tumruh taka awmtumin bathroom lamah inphih harh tur chuan a lut ta nghal a, a mitmeng chu a ṭah nasat em a vangin a sen ram a, a hmel.pawh a phelh phang bawk, mahse a pawisa lo, a khap fak fak hnu chuan kitchen lam a pan phei ve ta nghal a.

"Vawiin lam enge i tih tur han plan lawk deuh te i nei em?"

Melody chuan no zeta Jonas chu nelh ralh chung hian, "Nangmah nen hun kan hmang dun ang ti in ka lo ngaihtuah deuh a." A ti no hnap.

"Melody hna ka thawk dawn."

Jonas chu chhang tawhlo in, Sierra rawn kal lo nuih sang pah hian, "Morning Sierra, hawh breakfast hi rawn ei ve nghal rawh." A lo ti a.

"A ngailo, ka lawm e, coffee hi ka in anga ka duh tawk mai."

"Sierra ṭhu ringawt rawh, chuan breakfast hi ei bawk ang che."

"Ka ril a tam lo." A mitko chu a san khum ve ak a.

"Helai hmun i rawn thlen a ṭang hian engmah i la ei hlei nem, ti chuan ka ril a tam lo i ti a, i riltam loh thu chu min awih tir tum.hauh suh!"

"Chuan." A kut chu alo phar chhuak diai a.

"Hetia rilṭam a vanga ka thih hlauh chuan min thah i tumna a tang hian ka zalen tiha a ni amai a lawm."

"Eng thu maw i sawi chhuah hrep a?" Jonas chu thinrim zet hian a tho chhuak nghal a, a thawh chhuah zawng chuan a chair thut chu a tlu nghal bawl, Melody chuan hlauthawng zet hian Jonas chu a lo au chul a."Jonas inbengdai rawh."

"Aw le, tikhan han sawi nawn leh teh Sierra?"

Sierra chu a ngawi ran a, chhuat lam a melh tlat bawk a, "Babe khatiang thu kha ka hriat turin han sawi leh teh, ka ti na hreh hauh lo che tih hi i hre dawn nia."

"Jonas hmeichhe puitling a nih tawh kha, a ei duhlo a nih chuan ei lo mai sela a nimai lawm."

Jonas chuan rum zet hian Melody lam chu a melh chhuk a, "Melody rule number 1 he hmuna chen ve zel ila duh a nih chuan.... Sierra lakah hian i hnar kha lo len tawh ngailo ang che, a ni hi ka buaina a ni a, nang nilo in, i hria em?"

"Ka hria e." Thawk a la halh a.

"Melody he hmun a tang hian i duh hun hunah i chhuak thei tih kha hre bawk ang che."

"Nihleh kei hi, ka duh hun hunah ka chhuak ve thei em?"

"Tun ang zing karah pawh i laka ka ngaihdan mi tihlan i duh tihna maw babe?"

"Oh f*** you." Sierra chuan Jonas chu a melhrum kher mai.

"Eng thil nge thleng hi? He hmunah a awm duh tawh lo tih pawh a ti lang chiang viau ani lo'm ni Jonas, mi awm duh lo chung chu engvanga la awmluih tir talh duh nge i nih?"

"Melody i inrawlhna tur hi hre rawh, he thilah hian ilo inrawlhna tur lah a awm hek lo." Jonas aw chu a fiah kek kawk hle a,a hlauhawm hle bawk.

Ka ngaihdan aiin thil a harsa dawn kher mai, Melody pawh chuan a ti rilru rauh rauh, a ngaihdan leh a hriat dan kha chuan he mi te pahnih hi an induh tawn hauh lo tih a ni si a, mahse chutiang lam chu ni in a hre ta tlat lo.

Door bell a rawn rik a vang chuan Jonas chu kawngkhar hawng tur chuan a che chhuak ta vut a.

Kawngkhar a va hawng Elijah kawngka bula lo ding reng tawh chu a va hmu a, "A pawimawh viau a nih ka ring." Tih nghal sup pahin kawng a kian nghal a.

"Well, sawi ta che?"

"Jones nen kan inbia a."

"Chuan?"

"Zanin hian party a buatsaih dawna, chuta tel tur chuan Sierra nen a duh che u a nih chu!"

"Kan theihloh tur thu lo hrilh rawh."

"Keipawhin i tellohna tur kawng chu ka zawng ngar ngar a lawm, mahse a tilui tlat tho."

"He hmuna i nupui nena inva lang lo a nih chuan Black corporation a ṭanga a contract neih hi a la let mai ang."

"Elijah ka ngaihven tawh lo, a chhan chu tun a ṭanga reilo teah hian Bugsy chuan he company hi anei vek tawh dawn."

"Jonas heihi chu i client lianber a ni tih hria la, chuan multimillion dollar ngawt a ni tih pawh hi hre rawh."

"Nakinah pawh he thil Bugsy an a chang vek a nih pawhin.... he thil hian i clients ho zawng zawng kha a la hui khawm thei dawn tih hria la, he contract tello hian Bugsy chu a bankrupt nghal bawk ang, nia i sawi dik, i hotel ho chu i chan ngei ang, mahse hotel thar lei kehin bul i ṭan leh thei nghal dawn tih hi ngaihtuah ve rawh, a chhan chu i hnungdawl turin i clients te ho zawng zawng an awm dawn tlat a."

"Idea ṭha tak a nih chu, mahse he
penthouse chhuahsan hian Sierra chu ka kal chhuah tir theih ka ring lo, hitman ho zawng zawngin Sierra hi thah turin an zawng tih te kha i theihnghilh tawh em ni?"

"He party ah hi chuan security an tam ngawt ang, an uluk hle bawk dawn, chuan party pangai a nilo a, mipawimawh zual chiah sawm an nih a vangin a mah thah duh tu te pawhin Sierra a tel.ve tih hi an hre kher lo ang, he thil.hi puanzar kah a ni hek lo."

"Ka hrethiamlo e, Sierra hruai chhuahna chi a ni dawn nge dawn lo tih hi ka chiang ngam chiah lo, chuloah nihnih chhung ngawt eng mah eilk in a awm tawh leh nghal, athil tih theihna zawng zawng hmanga ka dawhtheihna mi talkchham tir atum ni in ka hre ber." Tih pahin thawk a la ri hrawih a.

"He thil ah hi chuan zahna i lan tir ngei ang tih ka chiang."

"Ka ring ."

Elijah chu a kal chhuak leh ta nghal a, Jonas pawh chuan Sierra room lam a pan ve nghal a,a rin ang ngeiin a roomah chuan a va hmu a, "Kan inbiak a ngai." A ti nghal nghut a.

"Keiin ka be duh hleinem che." A meng nur pah nang a .

"He thil hi engtia rei nge pai i tum Sierra?"

"Luca leh Luke inkarah khan eng thil nge thleng tih hi min hrilh vek phawt rawh."

"No."

"Engvangin?"

"A chhan chu chanchin ṭha tak a nihloh a vangin."

"A nih Luca hian min thah a tum em ni?"

"Ti tura ka hrilh a nih loh chuan a khawih hauh lo ang che."

"Nihleh nang hian min thah i tum tihna mi?

"Maithei, chuvang chuan nungdama i la awm duh a nih chuan mi tih thinrim reng hi tum suh!"

"Chuan eng thil nge thleng tih hi min hrilh theih..... tunah chuan kitchen lamah kalin ei tur va ei la, ti chuan zanin ah party naah kan kal ang."

"Party ah maw?" Sierra chu a phu nasa kher mai.

"Party na hmunah i rual hian ka kal hauh lo ang."

"Kha mi ti thinrim.leh nghal der tawh." Jonas chu a tum nghal hmuk a.

"Melody kha hruai al ti nia, a ni kha i duh hle a ni lo'm ni?"

"Ka nupui niloka hruai phal sela chuan ka hruai ngei ang le."

"Well, ka kal dawn chuang lo." A awrawl chu a san ṭha tawh viau.

Tlema a awki tihniam.deuh hlek chung hian, "Min that dawn tho a, engvangin nge ka kal ringawt na chhan tur?"

"I kalna chhan tur maw kan hrilh ang che, a chhan chu i kal lo anih chuan Maddie ka thah dawn avangin."

"Eng maw?" Sierra chu a meng rang nasa mai.

"I mi hrilh ang khan i ti dawn nge ni a, ka sawi ang khan i ti dawn? Engmah inhnialbuaina neih hi ka duh lo, ka sawi anga i tilo a nih chuan i ṭhiannu Maddie hi i hmuhleh tawh ngailo ang, a chiang tawk em?"

"Duh tawk rawh, khawngaihin duhtawk hram rawh."

"Keimah a vanga midangin an thih phah leh chuanka tuar thei tawh lo ang." Ti in Sierra chu a ṭap chhuak leh ta phawng a.

Jonas chu a thusawi a vang chuan a inchhir nghal der, Sierra chu a va kuah a,  "Ṭap tawh suh!"

"Pawi ka ti lutuk, ka that lo ang."

"Mahse hetianga ka thu i hnial reng anih chuan a hna a ṭangin ka ban ang."

"Jonas engvangain nge ka chungah hetiang hi tih chhan?" A la in hnit hlap hlap a.

"Sierra i nunna zuah a a awmna tur hian engtiangin nge ka thawh nsat tihte hi i.  hre ve em?"

"Mahse min that dawn ti in i sawi kha." Thin phu hlap hlap hian a ti chhuak hram a, chutiang thu han sawichhuah pawh chu a tan a nuam lo duh kher mai.

"Ka that maithei che ka ti chauh a nih kha, mahse keiin ka ti a nih loh chuan tumah midangin i chunga an tih hi ka phal ngailo ang."

"Ngatinge?" Harsa ti zet leh thaw ipik tak hian a ti chhuak hram a, a beng te thleng chuan a kiu vung vung ni hian a hre ber, a kut phah chu a thlan nghal dap dap a, chu vang chuan a nuai deuh nak nak, hepa bulah zet hi chuan vawi engzah fa kau nge hlau hlawp a a awm dawn pawh a hre zo zai tawh lo.

"Eng vang nge tih hi kei pawhin kabhre hrep bik lo." Tih pah chuan a kun hniam a, hriat thiam har zet hian Sierra chu melh deuh vung vungin, rei tak chhunga a lo tih chak tawh em em chu insum theilo in a ti ta reng a, Sierra pawh chuan Jonas fawhna chu a lo chhanglet ṭha kher mai, chu chu Jonas duh leh beisei dan tak pawh a ni reng.

Chutihlai tak chuan Jonas phone a rawn ri ta a.

A fawhna chu thlah nghalin, "Luca a ni maithei, ka la lo a nih chuan min kap leh ah te a ngai palh ang."

A phone chu aphawrh chhuak a, "Nangpawh choka lamah kalin thil eng emaw tak eitur lo va ngaihtuah rawh, chuan zanina i thawmhnaw hak tur ka rawn thawn chho dawn nia."

"Hello?" Ti in a kalsawn ta nghal a.

Jonas kal sawn tak hnu chuan Siera chuan thawk a la halh a, Melody a duh ali reng pawhin engvang a min fawp nge maw a nih le? Eng thil nge a ngaihtuahna ah awm ang tih chu Sierra rilru a ni.

Jonas rawn chhuah leh hma ngeiin ei tur tlem a zawng chu angauhven a ngai ang, chutilo chu Maddie a hna a ṭangin ban a tum tlat, thah em chu a tumlo a, mahse a ei leh in na hnar ber tih tawp sak a tum si, chu chu a ni ang chi Jonas chuan a ti leh duh mai ang tih pawh a hai hauh lo.

Phurlo zet chuan kitchen lam chu a pan ve ta hnak hnak a, diktak chuan a pum chu a ruak.tawh hle a, mahse chu ai mah chuan a hreawm tawrhna te leh a rilru hliama a awmna te hian thil ei lam pawh a ngaihtuah tir thei lo.

Jonas chu a office room lam a pan nghal a, kawngka a khar phui leh chiah, "Jonas zanin a tan khan extra security ka mamawh belh ang."

"Chung ho bulah chuan lang sar lo a awm turin hrilh bawk ang che, mahse Sierra erawh khawdang an hawisan hauh tur a ilo ang,chuan heihi hrilh bawk ang che, an hna an thawk ṭha lo va Sierra an veng zolo a nih vaih chuan an zavaiin ka that fai phiar duh bawk ang."

"Ok, dar riatah limo chu rawn tir ang che."

Melody chu a rawn lut a, Jonas thusawi chu tlem a zawng a rawn hre hman a, "Zanin kal chhuah i tum.tihna mi?"

"Hna lam a nia."

"Sierra i bulah i hruai ve dawn tihna maw?"

"Thlan tur dang nei hek lovi, ka nupui anih angin sawm tel a ni miau si a."

Melody hmel chu a dur nghal khap khap.a, "A awmzia chu Melody, engmah erawh a thleng lo ang, kan rawn haw tlai lo bawk ang." Ti sawiin Jonas chu a kal chhuak ta ngha a.

Jonas chuan penthouse chuan Sierra zan lama hak tur ngaihtuah tur chuan a penthouse chu a chhuahsan a, chu veleh Sierra chuan remchangah hmangin Melody biaknan a hmang ve nghal bawk, "A ni hi i hmangaih em?"

"Sierra i rawn luh lai reng reng ka hre hleinem." Melody chu a phu ve zawk a.

"Engkim a tha vek maw?"

"I lemchanna kha chu duh tawk rawh, Jinas an engmah a hre thei lo, chuan a ni hi i hmangauh em?"

"Tehreng mai, a ni pawhin ka hmangaih ang zetin min hmangaih bawk."

"A hmangaih che tih thu a hrilh tawh che em ni?" Sierra chuan ngaihthlak huphurh zet hian a ti chhuak leh a, mahse chu thu chu a hriat ngei angai ti rilru in a intipachang lui hram hram bawk .m

"Aw, min hmangaih thu pawh a sawi ngei a lawm." Sierra chu chhungrila den dawp ang mai hi ni hian a inhria, lung chang zet lian pui pui awmna hmunah maimitchhingin kal ta sela, kalna tur kawng hmu theilo a lung bang nazet a  va suta ang mai ni hian inchan bawk.

"A nih chuan nang chiah hi min pui thei tu tur awmchhun i nih chu!" Zawi sap leh beidawng zet hian a ti ta a.

"Eng nge aawmzia?"

"A awmzia chu he hmun ka chhuahsan theihna tur hian min pui ang."

Melody chu a nui rah rah a, "Eng vangin nge chu thil chu ka tih rikngawt ang a?"

"A chhan chu he hmun a ṭanga min chhuahtir a nih ngat chuan Jonas hi i ta chauh ni turin i pum bilh thei tawh ang ."

"Chu chuan enge a ken tel le?"

"Pawisa tlem a zawng ka mamawh ang."

"Engzah ?"

"Helai ka chhuahsan theihna khawp a nih chuan a tawk mai."

"A nih lo man leh ta che ang sela?"

"Hemi kan pahnih a kan sawi dun hi chu ka sawi chhuak miah lo ang, chu chu ring rawh."

"Tinge tiang hi tih i duh nachhan? I endan te hi ka hai hauh hleinem,engvanga kal bosan duh nge i nih?"

Sierra chuan thawk a la hak a, a hmelah chusn engmah lang lo se a ti kher mai, "A chhan chu ka hmangaih a vangin."

"Chuti si engvangin nge kalsan i tum?"

"A chhan chu a nin min hmangaih veloh a vangin, a hmangaih che a, a hlimna hi ka duh pui bawk."

"Ok, ka pui dawn che nia... mahse pawisa hmuh nan erawh ni rei lo te chhung chu ka mamawh ang."

"Ka lawm e." Sierra chuan a ti leh sep a.

*****          ******             ******

Khua pawh a thim fel der tawh a, Jonas chu indiam peih at chung hian suit thui nalh zet inbelin a phone a time chu a melh pah zauha, Sierra chu a insiam peih ve tawh ang em tih angaihtuah run run bawk, a kut phah hlai tha zet mai leh a kut tang sei tha zet mai lemziak mi niawm zet chuan a phone ken chu a touch pah zauh zauh bawk a, chutih lai tak chuan kawng an rawn kik ta a.

'Comin."

Melody a rawn lut a, "Minute reilo te chhung inbiakna hun i nei thei ang em?"

"Yeah, enge ni ta?" Jonas chu alam hawiin zawi muang hian a inher a, Jonas sam dum hlap mai pial tha tak a a chal lama khuih chhoh leh a mitmeng pawl ruih mai vawt ruih chu a inhmeh hle a, a hmelah chuan zahngaihna chhete mah hmuh tur awmlo ang mai hian a vawt ruih reng ni mai hian a hriat a ni .

"Engvanga Sierra hi dinner party na a hruai tum nge i nih tih ka lo ngaihtuah mai mai a, midang pawh nitin an inthen reng tho si a, nangni ang hian an inneihna chhunzawm a la inkawp ang mai a an awm a ngaih kher pawh ka hre ngai lo."

"A hma pawhin ka hrilh tawh che kha, buaipui ngai a tam ti pawhin."

Jonas chuan a aw chu thian deuh hruihin, "Melody helai hmuna i lo awm ve hi ruahmanna ṭha tak ni in ka hre ta chiah lo."

Makti zet hian Jonas hmel hriatthiam har zet leh mitmeng vawt ruih reng mai chu a melh chho ak a, "Eng maw i sawi a?"

"Min duh ve ni khan ka hre si a."

"Ka duh che a lawm, kha chu ka pha lo, mahse chutiang lo tih nana hun tha tak ni in ka hre hran lo."

"Ok, hei zawng hi em ni kan sawi dawn?"

"Enteh Melody tihnat che ka duh hauh lo, mahse hriatthiam che hi har ka ti, a chhan chu nang nenna relationship ka nei angah i inngai tlat, chutiang chu kan ni hauh si lo."

"Hetainga pangai taka awm hi pawi ka ti hran hleinem."

"A ṭha e, chutaing chuan kan awm dawn nia.....mahse hmun dangah ni tawh thung rawh se."

"Nih leh helai hmunah hian naktuk zing thleng chauh chu ka la awm thei ang em?"

"Tehreng mai."

Jonas chuan Melody chu melh pawh melh zui leh tawh lo hian inhnuai lamah a chhuk san ta nghal a, Melody erawh chuan a plan pakhat a fail a vangin hnung lamah Jonas chu a melh rum hle.