IT'S JUST AN ILLUSION CHAPTER 27

IT'S JUST AN ILLUSION CHAPTER 27

SANGTEI KHAWLHRING

FAKNA MILEM KHA HMEH LEH VEK TUM ANG AW, 

"Oh engthil pawi nge maw ka tih tak mai hi le?" Chhuat lamah chuan a ṭhingthi thla rap a, a silai ken pawh athlauh ve nghal, a pumin a khur nghal hlawk hlawk a, eng thil pawi nge ka khawih tak?ti in thawk pawh a thaw ṭha hlei thei lo.

Oh nilo, a chet chhuah vat a ngai ngei ang, "Jona...s." a aw chu a ri chhuak chang chang chauh a, a aw ri ai mah pawhin alungphu ri chu ring a ti zawk, nilo ka that chiang lutuk, Lalpa engtin nge ka tih ang min pui rawh.

Sierra chu a ṭap chhuak ta a, "Jonas kha thil kha tih ka tum pawh a ni lo, ka tihpalh liau liau a ni."

A mittui chu a sur zung zung a, tunah pawh hian tunge a ṭap hi thlem ta anga tunge a awmah bei tir tawh ta ang, eng thil nge maw a tih tak chiah hi le? A unaupa that tu a ni tih hre rengin mahse eng vanga pawi ti ta em em nge a nih?

A harh chhuak thut a, engmah tilo a chutia ṭap tur chu a nilo, Jonas chhuata engmah hrelo leh thisen nen a inchiah piah nuai chu a thlir keh zauh a, "Khawiah nge i phone hi a awm ang? A taksa chu a dap a, a hmu hauh lo, a car chahbi erawh a hmu thung a, rang lutuk in pawnah a tlan chhuak a, a car chahbi a kua a rawlh lut tur pawhin a ti thei lawk lo, "Oh engvanga kalh nge maw a nih kher kher le? Damnit." A tawpah zawng kut khur hlak hlak chung chuan a hawng thei ta hram a, phone chu Jonas chuan acarah a lo dah ngei a,  rang takin motor home chhungah chuan a lut leh a, "Hello, ambulance ka mamawh rang takin, hetah hain mipakhat kah a ni."

"Miss i rawn call na hi khawi lai nge?"

"Nevada."

"Tuna a tluk na hmun tak hi Interstate 15 a ni e, tah chuan mipa thisen nen a inchiah piah vekin a tlu."

"Ok, i thusawi hi bawhzui nghal ani e, khawi hmunah tak nge?"

"Motor home chhungah, silai a kah a ni a, khawngaihin intheih anga rangin rawn kal vat rawh u, a mah hi a thi tawh ngei a hriat a ni."

Sierra chuan a mittui tla nasa lutuk chu dan a tum lo nang a chu khua a hmuh fiah theih nan a kut chuan a hru fai a, Luca missedcall a lo tam tawh kher mai, a call back ta nghal a, "Hello?"

"Hey bro min rawn call back mai ka lo ring a, mahse i rawn ti leh ta silo a, chuan eng nge thil thlen dan zel." Luca chuan arawn ti nghal par par a, Sierra aw lam kha chu a ngaihven lo hrim hrim, chu number chu Jonas bulah bak a awm a ring hek lo.

"Luca, Sierra ka nia......Jonas chu a thi tawh."

"Eng chung chang nge maw i sawi hrep le?"

"A thi tawh ti a i sawi chu enge a awmzia?" Luca chu a au hian a rawn au chhuak tawh a.

"Ka.....ka that... a pawi ka ti lutuk."

"Sierra eng thil pawi nge  i tih tak hrep hi?"

"Sierra?"

"Sierra?"

"SIERRA?"

Phone chu ngaithla chhunzawm tawhlo in a dah ta nghal a, Jonas bulah chuan phone chu dahin, "Ka kal bo ngei a ngai ang."

"Jonas pawi ka ti lutuk a nia aw." Jonas hmui chu a duk vek tawh a, thisen lah a mutna hmun velah chuan a darh kawi ngei nguai tawhin a thang tawh hle leh nghal a, Sierra chu a ding chhuak a, eng dang ngaihtuah tawhlo in a piah thinghmun lamah chuan a tlan ta chiam a, tunah chuan a u that tu mipa chu a that ve ta a, mahse chu chuan eng thil nge a thlen, hreawmna chauh, chu pa lah khawvel a a mipa hmangaih tak leh a telloa a awmtheihlohna a la nizui leh ta nghal, Jonas ṭawngkam te chu a bengah a ri nawn awn awn a, thil a tih dikloh zia a hre chhuak chiang hle bawk, a unaupa thihna kha mumang tha lo tak tak a nei reng ṭhin a, tunah chuan chutiang mumang man tur pahnih a insiam leh ta si.

Jonas chu a ngai viau dawn a, mahse inchhir in engmah awmzia a nei tawh lo, tikhan tual that tu chu an zawng ngei tawh bawk ang, a chan tur chu rapthlak tih piah lama ni.

Chutia chauh leh hah pawh sawi lo a thim zinga a tlan nawk nawk lai chuan eng emaw ni sakhat hi a su pawp a, lei lamah chuan a tlu nghal thlawrh, kut hian a rawn dap fuh a, mittui kar a tang chuan fiahlo riai hian a dak chhuak a, mipa pakhat sang vak lo, fel hmel zet hian light a lo en in a kut a vawn a tana pe in rawn kaihthawh hi a lo tum mek a, Sierra lah a hmel chu thlabarna leh hlauhna nen mittui nen a phelh phang leh nghal a, "Tunge i nih, min rawn umzui em ni?"

"Miss chutiang mi ka nilo, ka hming chu Pete a ni a, helai velah hian ka cheng."

"Pete min pui hram rawh." Ti in Sierra chu a thidang zui ta nghal a.

Pete chuan chu hmeichhe khawngaihthlak zet mai chu a en a, hlauh nei a rawn tlan chhia ni hian a hre ber, misualin pawngsual an tum emaw an pawngsual tawh emaw thah an tum a vangin a rawn tlanchhia ni hian a hria a, chu hmunah pawh chuan awmpui reng chi pawh ni in a hre hek lo, a chhan chu a mah rawn um tu ni ngeia a rin te chuan eng ang ralthuam nge an neih dawn a hre silo a.

Chu hmeichhe engmah hre tawh lo chu harsa ti zeta paw bahlat in tumah ina an hmuh chhuah theihlo thinghmun pilril lama a in awmna chu a pan pui ta a.

******         *******        *******

Luca chu a phili buai nasa mai, Jonas numbera a call leh pawhin chhanna a dawng lo hrim hrim, a in ring kuit ṭgak thak tawh , Dante chu rang lutukin a ko a, Jonas phone chu track turin a ti ta nghal a, Dante chuan hna a thawh chhung zawngin a bulah a lo vei sek a, Sierra thah chakna hlirin a khat bawk, Jonas hi a cousin chauh pawh nilo, a pianpui unau ang chiah chiah a a en, a pianpui unau te ai mah pawha a pawh leh a kawm ngeih zawk a nih a vangin, hmeichhe kutah a thi mai mai tur a nilo tih chu a rilru a ni.

"Dante i zo tawh em? Thi leh dam kar ah kan leng a nia." Thawk a la hawk a, "Unaupa lo tuar hram hram rawh aw, i unaupa nangmah pui turin a lo kal a nia."

"Dante chu a rawn dak chhuak a, ka hre thei ta."

"Sawi nghal vat rawh."

Location chu Luca phone ah chuan a rawn thleng nghal a, Luca chuan rang lutukin chulai hmuna doctor awm chu contact nghalin pawisa tam tak pek tiamin chu hmunah chuan lo va kal turin leh a ṭul tur ang ang keng nghal vek turin a hrilh nghal a, silai a kah a nih thu a sawi tel bawk, chumi hnu chuan a pilot a be nghal a, "Tunah hmanhmawh zetin California ka pan duh ang."

Awm khawmuang tawh lo in, Dante bulah chuan, "Naktukah Emma i rawn hruai ve ang a, chuan nang chu Sicily lamah i let leh nghal dawn nia, chuan chan chin hi lo hrilh la ka kal nghal a ngaih thu i lo hrilh bawk dawn nia, hotel in tan ka lo book anga, tah chuan Emma chu dah ang che."

Luca chu a kal chhuak ta nghal a.

Jet a a awm lai chuan doctor chu a be leh a, "Jonas bul chu i thleng tawh em?"

"Aw thleng tawh."

"A la dam em?"

"Aw, a awmah silai hian kah a ni a, chan chin erawh ka la sawi thei lo, a mar erawh a la awm e."

"Doctor a dam chhuah leh theih na turin chet la vat rawh, kha a nunna chhan tur kha chuan ka neih zawng zawng pawh hi sen ka huam a nia."

"MrRomano, doctor thiam tak ka ni tih kha hre rawh, i unaupa chu ngaihtuah duh reng reng suh, a dam chhuak leh vat ang tih hi beisei phawt ang, mahse mihring chin hriat a ni lo a, engmah erawh ka tiam thei lo ang che."

Luca chuan zawi muang hian phone chu a dahthla ruai ruai a, "Nilo, Jonas hi a dam chhuak leh ngei tur a ni, kha hmeichhia khan a that theilo ang, kan pahnih ngeiin phuba kan la tur a ni."

A FEW WEEKS LATER.....

Luca chuan thinrim zet hian hospital corridor ah chuan phone in mi a bia a, "I zawn a ṭangin karhnih a tling tawh a nia, chutah pawh engmah hriat ka la neilo ti in min chhang a, ngaithla rawh, he nu i zawn nan hian pawisa tam tak ka seng a, chu vang chuan i zawn hmuh ngei a ngai ang, damnit."

.

Phone a dah chiah Jane chu Luca bulah a rawn kal a,"I ṭha maw?"

"Engvanga Sierra hian tiang thil hi ti nge a nih le?" 

"A chhan chu mi â a nih a vangin maw le." Luca chuan a ti chhuak hrawih, a aia aw zaidam zawk hian, "Mahse Jane tu pawhin heihi an zawh che chuan tunge silai a kap tu tih hi i hriat loh thu in chhang zel ang che, a chhan chu a nupui tlaktlailo zettin in a kap a ni tih press ho in an hriat chhuah hi ka duh lo." Ati a.

"Vawiin lam te eng nge a an ?"

"Hmeichhia ang maia hman tlakloh in a la awm, tunah hi chuan nurse in a hliam lai kha a dressing sak mek."

Jane chuan a chal dawm raih pah hian, "Coffee inturin ka kal lawk dawn ania." Ti in a kal sawn ta nghal a.

Alexandra chu hospital lamah a rawn lang ve chiah, "Hey, hetah te eng nge i rawn tih ve a?" Ti in Luca chuan a lo be nghal a.

"Hotel lama awm reng zawng a ninawm duh em a lawm, Jonas chu enge a an tawh?"

"A thin a rim reng a, chuan tu emaw thah a chak ngawih ngawih bawk, a mah a la chak vak tawk bawk silo, chu chuan a thin a tirim zual."

"Private investigator lam aṭang te in thu thar hriat i nei tawh reng em?"

"No, America best private invetigator is my *ss, hmantlak a nilo lutuk, Jonas a ṭhat chhuah veleh kan pahnih bawk a hma kan lak a ngaih hmel."

"Luca ngaihtuah teh, kar hnih aia tam tah hian kan awm tawh a, tukin zing pawh khan Dantea'n a rawn phone leh tawh a, Sicily lama kan kir leh a hun tawh in ka hria."

"Sierra kan hmuh a a thil tihsual hi a rul let a ni tih ka hriat hma chu helai hmun hi ka chhuahsan lovang."

"Duh tawk rawh Luca, engmah thu tluan tlingin i hriat loh kha, Jonas sawi danin a unaupa that tu a angaih a vangin a kap a tih kha."

"A unau pa vang a ni e ni lo ve ka ngaihven peih hrep lo Em, Jonas thah a tum a, chu chauh chu ka hriat a ni." Thinrim ru ṭeuh hian a ti a.

"Khatin min vin khum reng reng suh."

"Em hetah chuan ṭan lo hram rawh." 

"Hotel lamah ka kir leh dawn, mahse hei hi nang pawhin hria ang che, ka unaupa hi han kap ve teh, kei pawhin ka kap ve tho ang che."

A inher hmak a, a pasal chu a kalsan ta vang vang a.

IT'S JUST AN ILLUSION CHAPTER 27

"Kan damlo chu vawiin lam te engnge a an?" Jonas room aluh pah chuan Luca chuan a ti lut a.



Jonas chuan mit zim san chung hian a lo melh a,a hliam ṭhuina chu nurse chuan a lo la dressing sak mawlh mawlh a.


"Oh a dam chhuak hrim hrim ang." Nurse chuan a lo ti a.


"Nih leh engtikah nge a chhuah theih ang?"


"Ni rei vaklo hnu ah chuan dam ṭha viahin a chhuah theih tawh mai ka ring, mahse tunah rih chuan a hliam te hi a la hlim chhawn lutuk a, duh angin a la dam chiah lo, pawn lam lan dan ai hian chhunglam lan dan hi ngaih pawimawh zawk tur a nia."



"Nilo, vawiin ngei hian ka chhuak duh."

"Aw, MrBlack i min chhuahsan daih te chuan min ngai dawn lo em ni?" Ti a nuih hak hak pah chuan a hliam chu a tuam sak tawh lem lo in bandage a bel sak a, a tlak mai lohnan a char sak bawk a.


"Yeah, lu na neih ngut ngut ang mai hian ka ngai dawn khawp mai che."


"Luca vawiin chu i cousin hi sunshine an tih ang hi a ni hial lo maw?"


Luca pawh chu a nui chhuak ve hawk hawk a, "Jonas leh sunshine maw?"

Jonas lam chu a hawi phei a, a ni erawh a nui ve hauh lo.



"Mi hipna hi chu i nei ve chiang a ni tiraw Jonas?"


"I sawi a nih chuan le nurse."


"Aw le, handsome kan zo ta e."

Nurse in a tih hnu chuan Jonas chu a ding chhuak a, a mutna khum lamah chuan kalin, a thil vel chu a en fel a, nurse nu pawh a chhuak ve ta nghal a.


"Bro tunah rih chuan khawiah mah i la kal sawn thei rih lo ang."


"Thawmhnaw ka in bel mek a lawm, marathon anga tlan puat puat kher tur nilo in."


"Damn Jonas, khatianga i inphelh ruak dawn a nih te chuan sawi lawk hmasa ta che." Luca chuan a hnungchhawn nghal thuai a.


Jonas erawh chuan ngah mah ngaihloh hmel zet hian, "Mawng chiah ka tilang a nih hi Luca, chulah tupawhin a kan neih ang vek a ni bawk."


"A nih vawiin chuan inlama haw i duh dawn tihna maw?"



"Yeah."


Thil te an tih fel hnu leh hospital a tanga an discharge hnu chuan Luca chuan Jonas chu a penthouse lamah a car in a phur haw ta a, Jonas taksa chu a la chak vak lo hle tih hi ahmel a ṭang chuan a hriat kher mai, car a an phurh a, kawng ahan kal deuh hlek na a vang chuan a hmel chu a chauh hmel ngawih ngawih a, a taksa chu a la chak tawk lo hle tih Luca pawh chuan a hre chiang hle.

Jonas chu a living room ah awmin Luca hnungchhawn zawng chuan a ding a, pawn lam thlir vung vung pah hian, "In zawng hmu tawh em?" A ti chhuak ta sup a.



"La zawng hmu lo."

Thawk a la hawk a, muang chang hian Luca lam hawi chuan a inher a, a hmel chu hmuh theih khawp hian a lungaih hmel bawk, "Nileh a unaupa tia a sawi kha enge a chan chin?"



"Rindan ka nei mai bik lo, a ṭhiannu in a sawi dan chuan a hming chu Luke a ni e a tia lawm."


"Luke maw?" Jonas chuan ngaihven tih hriat zet hian a khabe dawm meuh chuan a ngaihtuah vung vung a, a hmelah chuan hriat chhuah a tum viau ni pawhin a lang.


"Mahse Luke Cole tih hming pu reng reng ka hre lo, chutiang file record lah ka hmu zo bawk hek lo." Luca bawk chuan a ti leh a.

"Cole a ni chiah tih pawh tunge hria?" Jonas chuan arawn ti chhuak a.


Luca chu a phu deuh zawk, "Chung te chu nupui a i neih hma khan  i hriat chhuah vek tawh ka lo ring a sin." Ka hau hian Jonas chu a en a.



"Hun ka nei lo, ngaihtuah ve ta che, a man a sawi duh bawk si lo, nang ngei pawhin a chanchin hriat chhuah har i tih em kha."


"Mahse Bro, a hming tal te chu?"


"Engtinnge maw ka tih hrep bik ang a, tun hnu hian ka ringhlel chauh a nih hi!"


A FEW WEEKS LATER...



Jonas pawh awm hahdam chunga kar hnih dawn inlama hna a thawh hnu chuan office a kal ve leh thei ta a, a office a thlen veleh a rawn lut nghal turin lawyer chu hrilh turin a ti bawk a, a office room a thlen a ṭanga minute nga pawh a liam hma chuan kawngkhar chu rawn kik in lawyer chu a rawn lut a, "Min hmu duh em ni Jonas."


"Aw, kan devorce paper kha file ka duh."



"I chiang chiah maw?'


"Chiang tehreng mai, thildang ho duh engmah ka nei lo, ka duh chu devorce paper chiah kha a ni mai."



"Ok, a nih chuan naktuk zingah hetah nang leh Miss Cole paper sign turin in rawn kal dawn nia."



"Keimah chiah ka rawn kal theih ka ring, tunah Miss Cole chu a awm rih lo."



"Jonas, Miss Cole pawh he thilah hian a awm ve a, a sign ve ngei loh chuan devorce na hi kal pui theih a ni lo."


"Gray mi tih thinrim i tum em ni?"


"Nilo, nilo, in pahnih signature kha kan mamawh vang chauh a ni e." A ti nghal sawk sawk.


"Well, a ni signature hrep kha chu theihnghilh rawh."



"Jonas ka ti thei lo ang." Tih pah chuan a chal a dawm pah ruih a.



"A ni hi lo kir talo sela nih leh eng thil nge thleng dawn? He inneihna ah hian min phuar rwng dawn tihna maw ni a?"



"Nilo ve, chutiang a nih chuan thil special tih theihna dan pek a ni ang, mahse hun eng emaw chen erawh nghah a ngai thung ang."



"Nih leh tunah eng nge ni dawn?"


"Tunah chuan lo nghak rih phawt rawh, thla nga hnu ah Bugsy kutah chuan engkim a awm chauh ang."



"Chumi nilo in, a tih ran deuh theih loh tihna mi?"


"Ka hlau hlel lo."


"He hmun a ṭang hian kal chhuak vat rawh, mi hman tlakloh lutuk mai." Jonas chu a vin chhuak ṭhawt a.


****---      *******      *******

Luca pawh a buai kher mai, Alexandra in a rawn phone reng bawk nen, Jonas awmpui ala duh bawk, tih ngaihna ber pawh a hre lo,  mahse a cousin in a mamawh chhung erawh awmpui chu pawi a ti lem lo a, khalamah kha chuan Dante leh Riccardo an awm tho ti in ainhnem ve bawk a, mahse chutaing chu Alexandra ngaihdan a ni hauh lo, inṭhen puiah a rawn vau ta hlar a.



"Babe nangmah a lawm i chhungte bul New York a kal chak a ka bula sawi tu kha."


"Mahse Luca, i awmve chuang lo a, i hrethiam em, ka nu ngaihdan a nilo viau a nia, ka ngaihdan pawh apel tawh, tianga nih chuan kan inṭhen mai dawn em ni?"


"Kha te chu lo sawi fel ve mai ta che, ok, zaninah Newyork lamah chuan ka rawn thlawk dawn nia, zanin ah ngei i chhungte bulah chuan ka awm ve hman ang, chuan naktuk hian Sicily lamah kan thlawk haw leh dawn nia, Si."



"Ok, keipawhin ka hmangaih che amore."

Jonas pawh chuan in a thleng ve chiah a.

"I nupui raipuar ṭeuh tawh chuan haw a la duh lo em ni?"



"Kei pawh hei haw ka lo tum mek a."


"Vawiin lam lawyer nena in inbiakna chu eng nge a an?"



"A signature a awm veloh chuan inṭhen a theihloh thu ka va hria e."



"Kha te chu i hre ve sa lo em ni? Well, kei pawhin i tan chan chin ṭha tak ka lo nei a nia."



"Sierra chan chin a nih loh chuan eng thil mah hian ka thluak hi a luh thei tak tak lo.....thildang chu ngaihven pawh ka ngaihven peih rih lo ve, he thil hi ka tih hma chuan ka hahdam thei tak tak lo ang." Ti in a phone chu a bih ngur a.



"Sierra kha tunge a nih chiah ka hre chhuak tawh."



Jonas chuan a phone chu ak in a hawi chhuak nghal, a hmel chu a rum.zual sauh bawk, "Sawi ṭan ta che."



"Kum kua emaw kum sawm emaw kal ta a hna lian tham zet mai kan khawih dun ṭum kha i la hria em? "



"Luc hna te chu kan khawih dunin kan thawk dun ngun a lawm." A mengkual.pah rulh a.


"Westlake chung chang kha."


"Douglas Westlake maw?"



Luca chu a bu nghut a, "A fanu chu Sierra hi a nia."


"A fanu maw a nih a?"



"Chuan hei pawh hi i hriat tel a ṭul ang, a fapa Luke Westlake pawh kha."



"Oh, kha ui kha maw, ka hre leh ta e, mahse a ni kha ka thah a ni hleinem."



"Ni e, i that lo, keimah a lawm that tu."