IT'S JUST AN ILLUSION CHAPTER 23

IT'S JUST AN ILLUSION CHAPTER 23
SANGTEI KHAWLHRING

FAKNA MILEM AWM KHA A THEI CHUAN HMEH LEH TUM VEK ANG AW HMELTHA HO, CHUAN A THAWNTHU AH KANLUT TAN DAWN CHAUH A NIA, A NGAIHNAWM TELH TELH TAWH ANG, A BORING LAI KAN KAL PEL TAWH A NIA, TUN A ṬANG CHUAN A STORY HI A ṬANG AT TAWH ANG.

A FEW DAYS LATER....


Sierra chu chumi ni a ṭang chuan Jonas penthouse lamah pawh kir leh tawhlo in Maddie bulah chuan a cheng hlen ta nghal a, khami ni khan Maddie bula a kal hma in penthouse lamah a kir hmasa a, athawmhnaw tlem a zawng awmhmun kawr tih ang reng a la chhuak hman hlauh zawk a, Jonas lahin rawn lam a rawn koh a tum hek lo, tunah phei chuan eng nge a tih ang  tih pawh a hriat pui tawh lo, TV lama news ni se a hmachhawn duh lo a, nithum chhung ngawt chu a room ah hian a inkhung tawh a ni.






Chutih lai ngei pawh chuan Maddie chuan a hrethiam em em a, a inpeih hunah a chuan engkim a fel leh vek mai ang ti in a ṭhiannu chu a tibuai duh ngailo a, a peih huna a rawn ei turin ngawi rengin hna a kal san hma in a ei tur siamsa a hnut chhiah ṭhin!






Sierra pawhin pawn chhuah chakna pakhat mah a neilo a, a room chhung chu a chhuahsan lo tih theih khawp turina awm, a phone pawh a khawih ngai mang lo.






Jonas pawh awmdan pangai takin chumi kar chhung zawng chu a awm biklo a, barah zu in in a riak lut deuh thaw ṭhin a, nitin hian harh fim lai a nei ngailo, Elijah chuan a ṭhianpa a ngaihtuah em a vangin a bulah a tap deuh chawt ṭhin!






Tuk khat chu Sierra room ah chuan Maddie a rawn lut ve hlawl a, a hna lama kal turin a insiampeih thlap tawh bawk, Sierra erawh a awmrawt kawr nen lo la inthuamin khum a ṭang pawhin a lo la tho chhuak ve lo a.





"Sierra tho chhuakin in ti harh tura i tei chhuah a ngai in ka hria." A rawn ti ta hlawl a.







"Maddie ka ṭha a lawm."







"Nilo, nithum chhung ngawt in i chhuahsan tawh lo."






"Thla hmasa lam te khan ka kal chhuak nasa a, hetia inkhung deuh hlek pawh hi a sual lem lo ang." A ti duh lek a.






"Ok, a nih leh hnathawk turin ka kal chhuak leh dawn a nia, mahse ka rawn haw hunah erawh club chang kang zeta kal turin lo inpeih ngei ngei ang che, chuan pawn lamah dinner kan ei chhuak dun bawk ang i rem ti em?"







"Yeah, ok."






A ding chhuak nghal a, "Mamawhna min nei a nih chuan min rawn call mai dawn nia."






"Ok, ka lo ti ang, thanks."





Maddie chu a kal chhuak ta nghal a.  ṭhiannu in a kal chhuahsan hnu chuan Sierra chu a inngaihtuah niap niap a, Jonas chung chang thu engmah he hmuna a awmchhunga hriat a neihloh a vang leh lan pawh a rawn lan eihloh a vang chuan mak a ti zawk hial a, rin harsa a ti hle bawk.







A ni erawh chuan chutiang mipa tlaktlai lo zet chu a ngai ru hle si a, engvanga ngai tlat mai nge maw a nih le a in ti hial bawk.







Jonas chuan bar chu a chhuahsan mang lo a, zan lam tlai tawh tak, zing lam a ni mah zawk ang chu chutiang hunah bak chuan a pent house lamah a kir chauh ṭhin a, chu pawh harh fim lo leh nghalin, tlai takah a tho chhuak a, ei tur tlema zawng a ei in hnu in bar lam bawk a pan leh a, chutiang hlir chuan hun a hmang ṭhin!





Elijah chuan a ngaihtuah em a vangin zan lamah Jonas kalna ṭhin barah  chuan a kal ve ziah ṭhin a, mahse Jonas te ang mahni thu duh lutuk midang thusawi pawm duhlo chi mipa tan chuan ṭangkaina a nei teh chiam lo.






Mahse a pu chunga a lung nihlohna chu a zu in chuan pump in buaina a siam palh ang tih chu a hlauh ber a ni, a ni ang te chuan tual thah pawh a hreh dawn lo nasa tih chu a hre chiang hle bawk.







"Lawyer hnen a ṭanga thil hriat i nei leh tawh em?"







"Aih neilo, ka duh bawk hek lo."







"A nih chuan, tu kutah nge he share hi a awm dawn tih kan hriat a ngai a nih chu, chuan tu kutah nge a awm dawn tih hi i ngaihsak miah na nge? Tu emaw lo ni ta ang se, he company tih tawp duh tu ang te hi! Chutiang a nih chuan heti zat hnathawk tu i nei a, chung ho zawng zawng chuan anhna an chan dawn a nia."







"Chutiang chu a thleng hauh lo ang." Ti. in Jonas chu a rum chhuak kawk a.







A hma aia aw nem deuh zawk hian, he share hi keiin ka chang lo a nih pawhin, ka nu kutah a dah tho tho ang.... chu pawh thu hran a awm leh chauhin, chuan ka nu lahin chutiang a ka chunga tih chu a duh dawn der lo leh nghal." A intur chu a tlak leh pawp a.






 
"Nih leh tun ṭum khan i nu hmingin engmah kal san anei lo a ni lo'm ni?"






"Chu chu engvangin nge ka lo buaina tur a nih hrep ang a?"






"Nilo ve, i lo buaina tur chu a nilo a lawm, tuna i buaina ber zawk chu ithil in lai hi a ni." A tih khum ve ta fak a.








"Bro han ngaihtuah ve teh chawl hauh lo leh chhumlo chatlo in, ni thum a zawn zatin zu hi i in tawh a nia."





"Chuan?"





"Scotch double." A tih zawm leh nghal a.





"Aw le sir."





"Jonas inlamah ka haw tawh dawn a nia."





Jonas chuan engtin mah a chhanglo hian a buk khum nghut a, a intur lam an rawn dah sak chu a ban chhun zawm leh nghal zat a.







Elijah pawh chuan ngawi rengin a kalsan ta nghal a .







"Uhh, Jonas darling hetah te i awm teh mial a, min ṭhawng hle mai." Star chu a lam panin a rawn kal nghal a.







"A ni maw?" A intur lam chauh chu a ngaihtuah a, Star chu a hmeichhe mamawh a ni ber lo tih chu a hre chiang tawh hle a, chu mai pawh nilo in tun a amamawh ber zawk chu Siera a ni tih chiang takin a hria, mahse a ni ang mipa playboy tan chuan Sierra te ang chu a kawp tur chi ni in ahre bawk si lo, a thaw a ipik ru hle a ni.







"Star i ti tak tak em ni chu chu?" A ti nawnleh ngat a .






"Eng nge i sawi awmzia chu?"
A mit ko a sankhum pah âk a.







"Ka sawi awmzia tak chu eng thil nge ṭha ber ang tih ka hre tawh lo ka ti a nih chu..... chuan a rukin min zui ru reng ṭhin em ni?"







A nui chhuak hak hak a, "Chutiang anga i ngaia nih chuan i ngaih dan dan ni rawh se."






"Chutiang lamah ngaihdan ka nei hran lo."







"Nih leh helai hmun a ṭanga kal chhuah hi i duh em?"







Jonas chuan a intur no a bang la awm zawng chu tlak leh pawpin, "Eng ti turin?" A ti deuh hu a.





"Jonas?"





Star nen chuan rawn ko tu lam chu an hawi chhuak dun nghal a.






"Oh, a uino te duhawm zet chuan a pu kalna a piangah a lo zui ṭhin reng a nih dwn hi!" Ngaihnep hmel zet hian Star chuan a hmui chu a tih sawih khum a.






"Oh, thil rimchhe zet pawh a la kalbo duh chuang bik lo a nih hi!" Elijah pawh chuan a tih let khum ve a.







"Elijah i haw daih tawh ang chu ka lo ti a sin." Jonas chuan a lo ti ve a.







"Ka tum ngei a lawm, mahse hei hi rawn hrilh leh phawt che ṭha in ka hria a, hetah i nupui a awmve a ni tih hi!"






"Hetah Sierra a awm ve a maw?'






"Aw, tunah chuan ka haw thei tawh e." Ti in a inher nghut a, a kal sawn leh ta nghal a .





"Chuan kan kal chhuak dawn nge dawnlo?"







"Nilo e, ka kal chhuak theilo ang, Sierra chu kalin ka va biak a ngai tlat."



"Engvangin, ṭhen kha i tum tawh ni in ka hre si a?"


"Teuhlo mai, nak tuk hian office lamah kalin Gray ka va hmu phawt ang a, tahchuan kan ngaihtuah phawt ang."



"A nih te chuan engvanga biak duh nge i nih?"





"A chhan maw, kha paper te kha a sign a ngaih ve hrep a vangin mawle, chuan Star i mipa ni ang tak hian ka chungah rorel tum hauh suh ang che, chutiang a tan hmeichhia hi ka mamawh hauh lo a nia." A tih khum ta erh a .






"A nih chuan tah ka lo nghak dawn che a nia."





"A ṭullo, zanin chu haw hma ka ngai, zingah thawh hma ka ngai dawn."





Jonas chuan Star chu ngai pawimawh lo zet hian a kal san ta a, Star erawh chuan Jonas hnung lamah chuan a melh thip kher mai.



******           *******         *******




Maddie chu nidang zawng ai hian a rawn haw hma ni in Sierra chuan a hria, a rawn thlen chuan insiam pawh alo la insiam peih hman lo, Maddie chuan amelh deuh ran ran a, "Sierra eng nge i awm zia hi? " a ti ta nge nge a.





"Ti maw?"





"Tun thlenga ilo la inpeih loh chhan hi maw le."




"Uhh, heti vut vut a i rawn thlen ka rinloh vang maw le."






"Kal la va insiam vat mai rawh."






An pahnih chuan pawnah dinner ei turin an chhuak dun ta a, dinner an ei zawh hnu ah bar chang kang tak lam an pan dun leh a, Sierra chuan chutia han vah chhuah harh chu mamawh hle hian a inhria a, a harh phah huai in a zang hawk bawkin a inhria, an ṭhian dun chuan hlim zeta ti ti in hun an hmang dun a, Jonas chung chang te an sawi dun bawk a, chutah chuan Maddie chuan a thil hrilh kha a lo ngaihtuah ta em ti in a zawt ta thut a.






Sierra pawh chuan a ngaihtuah a chu kawng a awmloh thu in a chhang, a meng kual ralh a, "Ngaihtuah duh suh, thil ṭha deuh ka hrilh dawn che a lawm."






Sierra chu a nui liam puat a, "Eng thil ṭha deuh maw?"






"Uhh, kha tunah chuan i hre chak viau tawh ni in a lang." A nui chhuak ve hak hak a.







"Ka hriat chak leh chak loh lam a ni lo,  i rilru tih hnual sak che ka duh lo mai chauh a lawm."






"Auch, a va nadeuh ve, mahse he ka thusawi ang chiah a Jonas i thlem a nih ngat chuan maw i mutpui chiang viau ang."






"Really Maddie, sex pathian mut pui tum ang mai te pawh kan ang a lawm le."








"Besty lo ngaithla rawh, Jonas hian a laka va inpe tawp ang chi hi a mamawh hauh lo, chutiang chu dozen sang tam tak a hmu le lu ang chu, chu ai chuan a mah challenge tu a mamawh zawk, a mah ang maia induh ka tihna a nih chu,  han ngaihtuah ve teh a mizia te reng reng hi."







"I thusawi chu a dik viau a, mahse ka theih ka ring lo Maddie, mipa min hmangaihlo tu leh min duh lo tu induh tir chawp a inhmangaih tir chawp tur chuan ka theih ka ring lo."






"Hey girl, khatin ngaihtuah mai lo teh, heti thleng hi i kal tawh a, tunah hian han ṭhen chiah teh, chuan Jonas pawhin a dinhmun tur kha han luah lo na tehse, eng ang chiahin nge i than chhiat dawn i hre lo a nih hi, chuvang chuan i ti tawh ta sa sa bawka , a tawp thlen tir rawh, chumi hnu ah chuan duh leh Jonas chuan a hmangaih theilo che emaw a la nih fo chuan i pawisa la in i ṭhen anga, i tana mipa dik tak i la kawp zawk ang chu, chuan nangmah chiah inngaihtuah suh, fa nei ta ang la,  dinhmun ṭha tak i fa chuan a la chang anga, nuamsa takin a pa ro khawmin a awm thei dawn a sin."






"Tuna i dinhmun der thawng tak ang hian i fa chu i awm tir ve thei tawh lul lo ang." A ti dap dap a.







Sierra chuan a ngaihtuah rauh rauh a, dik a ti viau, mahse Jonas lakah chuan a taksa pawh a hlan tawh ngei mai, a lohnar a nih kha, chuti chung chuan engtin nge a mut pui theih teh lul ang?






"A nih chuan han sawi ta che."  A ti ta nge nge a.






"A hmasa berah chuan a tu a mah mah rui lutukin in awm tur a nilo, hetiang thil tih hi ruih laiin a ṭha hek lo, a mah hman pui tura i inpeih tawh thu hrilh tawp la, chuta a hnar che a nih chuan a nilo pawh  mipa dang an tam zia thu leh a ni chauh hi he khawlvelah mipa a nih loh thu hrilh ngam ang che."








"I han sawi danah chuan a awlsam hmel hle mai ti raw, mahse a tih a tih a nih dawn avangin ka tan chuan a awlsam hauh lo ang."






"Khatia i tih chuan a awl zaih mai ang Sierra, Jonas hian a duhlo hauh lo che tih hi ka hmu thiam reng a nia."







"Chulam chu sawi tawh lo ang." ti in an intur lam chu an ngaihven ta zawk a.







"En ta che, kal chhuah i ngeih zia hi." Maddie bawk chuan a ti leh a.






"Nia ka ring."







An piah lawka Jonas leh Star a va hmuh a vang chuan Sierra chu a chiai chhe leh vek tawh, "Eng nge ni leh ta?" Maddie chuan a hmel diklo a hmuh chuan a ti nghal vat a.







"Hetah hian Jonas leh Star an awm ve."






"An awm ve a maw, ka hmuh hauh siloh."





"Bar lam saw va en ta che." Sierra chuan a chal a dawm pah raih a.






"Hawi chhuak rawh, a rawn pan che a nia, chuan ka thil hrilh ang che lo tihna hun rem chang ṭha takah khan ngai bawk rawh, mutpui turin lo thlem rawh ka ti lo a, lo induh khum ang che."



"Tak zet?"





Maddie chu a bu nghat nghat a.


An hnunglam a tang chuan Jonas aw thawp sat leh ril ruih chuan, "Sierra." A rawn ti ta ngei a.







"Yeah?" Ti in a ni pawh a inher ve nghal a, Jonas a hma chhawn chiah chu a keh chhe lo chauh, intur a ti nasa tih hriat tak hian a meng phi deuh chuai a, a sam dum hlap chu a thur deuh hlek bawk, a khabe hmul vel chu a ṭo deuh siar siar bawk a, a mitmu pawl ram chu mutmu a hmuh ṭhat ṭhin vakloh vang nge nia a inhnem ṭhin lutuk vang, a sen in a pawlh deuh hlek bawk, mahse a sexy dan erawh ala pangai reng thung, chau hmel hi a pudeuh bawk a,mahse tun taka a hmel landan erawh hi chu a sexy zual mah mah ni in a hria, thawk a la pah hak a.






"Min mamawh na i neih chuan bar lamah ka lo awm ang." Ti in Maddie chuan a kalsan ve ta nghala .

.


"Hetah te engnge i tih a?"


A thu rawn sawi chhuah hmasak ber chu hei hi maw? Sierra chu a nuih a za kher mai, "I tih ang bawk kha ti ve turin a nihngei kei chuan ka ring nghal ang."


"Eng ber maw?"






"Eng nge i duh Jonas?" Sierra chuan ti ve in a inkuangkuah hlan a, cho zet hian a melhchho ve hrak bawk.







"Babe i landan vel hi en ve ṭhin la a ṭha deuh lo'ng maw?"







A khabe dawmkhum chung hian a melh chhuk pah run run a, "Eng thawmhnaw nge i inbel kha?"






"Diklohna a awm em ni?"




"Tuna i landan tak kha chu stripper i nih duh hmel."




"Stirpper maw?" Sierra chu a phu deuh zawk a. "Eng rilru nge i put pawh ka hre nek lo e." A vin khum nghal hrak a.






"Sierra ngaihtuah rawh, ka nupui i la ni reng a nia."






"Ngaihtuah duh suh, ka ni rei tawh dawn chuang hleinem."






"Hmm, kan inṭhen hun a rawn thlen hma chu i la ni reng tho, chuan public hma a i inthuam duhna thawmhnaw hi ka tan hmingchhiatna a ni thei bawk."







Sierra chu a nui chhuak ta chiam a, "I hmingchhiatna maw? Honey ni chin deuh lawk a he hmuna Star nen in rawn inzui luh khan kha i hmingchhiatna i sawi kha chu i hlawh daih tawh, mipa khat nupui nei laiin hooker inngai ropui tak a kawp anti bawk che ang a, chutah chuan chhia leh ṭha hriatna te pawh i neilo em ni?"







Jonas chu a nui chhuak ta hawk hawk a, "I thik deuh em ni babe?"







"Thik awkawng lo mai."






A inrin hman hma chuan Jonas chuan a rawn fawp ta chat a, a thil inrim nen chuan aka rim tui tak chu a inchawih hle a, a man perfume hman rim nen a inpawlh vek a rim engkim mai chu hmeichhia ti phur thei tak tur hlir hi a ni.






Sierra pawh chuan chuti khawp chuan Jonas chu a lo ngai hman ang tih rinngaihna a hre lo hrim hrim, a chhan pawh midang hma ah chu pa fawhna chu uar zetin a lo chhang let ve chu a ni si a, Jonas an a thlah meuh chuan thaw chham in thawk a la hlap hlap a, mahse a duh belh a ni, chu pa chu a mamawh a, a taksa chu nasa takin a mamawh tlat, hetiang mipa a taksa peng hrang hrang fawh mai chauh a vanga ti phur chhuak vek thei tu ang hi a tawn ngai lah a hre hek lo.








"Ka rualin lo haw vemai rawh." A rawnti tham ṭuak a.






"Eng maw?" Ti in a lo phun let ve sap.







"Ka rualin lo haw ve mai rawh ka tia nia, ka mamawh che Sierra."






"Engzah chiah nge intur i dawm?"






"A tam tham viau."






Fawp turin arawnkun hniam leh nghal a,  Sierra chuan lo dana duh viau mahse a thei lo,chutiang a lo dang tur chuan Jonas huhang chuan a chakna thahrui zawng zawng a lak sak vek tawh.






A rawn fawp leh a, a ni pawh chuan uar zet hian a lo chhang let veleh nghal zat bawk, Jonas chuan a hmuia fawh sak reng pah chuan a hnute chu a chul sak pah zauh a, a thlah leh thut, "Lo haw ve mai rawh babe, ka mamawh che."







"Nau chu min pai tir i ti tlu ta tihna mi?"





"Teuhlo mai babe, chu tiang chu ka hringnunah a thleng ngailo ang, nupui lah ka nei bawk hek lo ang.... fa pawh ka duh bawk hek lo!"






.
"Zanin a ka sawmna chhan che chu one night stand ah ngai mai rawh!"






Sierra chuan a rilru in one night stand tih chu a sawi nawn a, a hnualnghal raih raih, chu chu Jonas play boy te angina an mammawh chu a ni.






"Nilo, hetiang hi ka duh lo." A ti chhuak ta sap a.






"A hma pawhin kha i taksa kha min hlan i tum tho a nilo'm ni, tunah chuan ka duh tawh a nimai a lawm."






"Nilo Jonas tunah chuan ka thei lo ang, ka kal a ngai." Ti in a kalsan ta daih a.







Jonas chu a lungnilo kher mai, a sawmna hmeichhia in an hnar a hriat vawikhatna a ni bawk, mahse Sierra chu hmeichhe dang ani lk hlauh zawk a, chuti nilo se chuan Jonas chu a dah tlawm em a vangin a lakah tihluihna hmangin a hruai lui anga, a hrem nasa viau ta ve ang, chu pawh a chungah a thiamna hmangin a mah mamawh tak tur leh a hming lama a mamawh thu  au chhuah pui ngei turin a siam ngei dawn a ni, mahse Sierra erawh a hmeichhe kawp ṭhin ang chi kha a nilo tlat.







Sierra ber a awm tak loh a vang chuan Jonas pawh chu a penthouse lam pan chuan a inkhalh chhuak ve ta nghal a, a tan chu chu ṭha a ti hrim hrim, a chhan chu a tuk zingah lawyer hmuh leh a ngai dawn a, chumi tur a tan chuan a thawh hma pawh ṭul in a hre bawk.



THE NEXT MORNING....


Jonas chu zing takah tho in a office lam pan chuan a inkhalh chhuak a, office building a thlen veleh a room lam chu a pan nghal a, Ashley chu a lo ding chhuak nghal vat a, "Good morning sir."



"Mikhual i office room a lo nghak tu che i nei a nia."


"Gray a ni em?"



"Nilo sir,Mr....." Ashley in a sawi zawh hma chuan Jonas chu a office kawngkhar a hawng der tawh.



"Sir a ni chu....."

Jonas chuan a ngaithla tawh lo.


"Hey, vawiin lamah appointment kan eni em ni?"


Trey hmel a hmuh chiah chu a ṭhawng ve hle a, "Chutiang appointment kan neih pawh ka hre lo."


"Ka rawn hriat lawk tir loh che a vangin pawi ka ti hle mai." Ti in thupha a chawi hmasa te te phawt a.



"A pawi hleinem, chu chu buaina a ni ber lo, eng thil nge tihsak theih che ka neih le?"



"Inneihni a kan sawi dun hotel chung chang kha i la ngaihven zui takin ti in rawn biak che ka tum deuh a."



"Trey tunah chuan ka chiang chiah theih tawh lo, thudik tak ka hrilh ang che, he hotel ho enkawl tu hi ka ni tawh lo mai thei a ni, rei tak pawh ka awm karing tawh lo."



"Thudik nilo hram se ka va ti ve."


"Eng nge ni ta?" Jonas chuan ati let veleh chhawng a.


"Rokhawm chung changah i chan dawn thu ka lo hria a."


"Wel, a nih dan takah chuan ka chan lo maithei bawk."


"He thurochhiah siam dan hi ka hnar a nih chuan ka pu dan khauh tak dah pawh hi sut a ni maithei a ni, a chhan chu thil eng emaw mi zirtir a duh vang chauh ah ka ngai, keilo chu a ro han khawm tur awm ang an awm hleinem, mahse engtin nge chung te thleng thleng chuan i hriat theih a? Luca lah ka biak loh na karkhat chuang fe a ni tawhsi a."



"Luca hnen a ṭangin ka hre hlei nem, Luca pawhin ti hian a sawi tho a, a phone i chhang duhlo a nih chuan rawn kal a tum thu hrilh tur che in min tih nghe nghe kha ."


"Nih leh chu thil chu Luca a nih loh chuan khawi a ṭanga i hriat nge, Luca lo bak chu midang hrilh ka nei hleinem."


"Luca nilo in, i chhung leh khat te zinga mi tho in min hrilh, chu chuan ka hotel ho leiah min rawn dil pah bawk a ."


"Ka chhungte maw?"


Trey chu alo bu nghut a, "Bugsy Black hi  i hriat zawng a ni em? Black ro khawm  tu tur a nih thu min hrilh a."



"A ni kha maw, ka pu unaupa zawn chawp a nih kha, chuan ka pu pawh hian a ngaina ngailo hrim hrim bawk, chuvangchuan a share te hi a hnenah chuan a dah hauhin ka lo."


"Well, chu chu min hrilh dan a nia,  i pu lawyer in a biak pawh thu a sawi tel bawk, chuan heng hotel ho hi a kuta a awm tawh hnu ah chuan gentlemen club ah siam a tum bawkin ka hria."


"Gentlemen club ah â?"


"Strip club a ni ber ang chu, nawhchizawrhan ang hi, tah chuan mipa ho an fuankhawm ber chawk a, kha tia ka sawi nachhan pawh a fawmkim vek mai a lawm, zu lam pang te pawh zawrh a ni ang a, mipa ho nawm chenna tur a nih ber chu."







"Chutak chu a nia Jonas rawn biak ka duh na chhan che pawh, heng hotel ho hi chutianga a chan tir a nih chuan ka hotel ho te pawh kan inbiak remna angin chutiangah chuan ka chan tir ve vek dawn a, pawisa lakluhna pawh a ṭha viau a chu mahse a zahawm hlawl lo, a hma te pawhin tiang hi ka lo ti ve ṭhin tawh a, mahse ka nupui Callie hian hetiang neih hi a zahawm loh zia thu a sawi a vanga hotel pangai a ti ta ka ni a, he thil Bugsy a ruahman dan anga ka kal a nih chuan ka nupui chu a lawm dawn hauh lo tih ka hria a, chuvang chuan a nia heta rawn kala ka rawn biak vang vang chhan che chu!"







"Chuan ka hmeichhe ho tun hma a mi ho kha hetiang lam a awm leh chuan thawk tura sawm an ni vek dawn bawk a...."






"I sawi tum chu ka hrethiam e." Jonas chuan ti in thawk a la deuh hrawih a.







"Enteh tunah chuan ka pu lawyer nen kan i hmu dawn a..... eng thil nge thleng chiah tih hi ka han hre chhuak phawt ang a, tichuan chanchin ka rawn hrilh leh ang che."







"Zanin hian Sicily lam panin ka thlawk leh nghal dawn a, min mamawh chuan Luca bulah ka awm ang."







"Aw le, a pawiloh chu, chan chin min rawn hrilh hriat a vangin ka lawm e." Jonas an a ti a lawmthu a hrilh hnu chuan Trey chu a chhuak leh ta nghal a.





"Chu lawyer pa hrep chu a va chak dawn lo rua em, ti angaihtuah chung chuan a pu room lam chu a pan ta a.







A pu office room chhung a lut Gray phone be mek chu eng kaw sawi set set lo chuan a va pan hnai a, a hnarah tak chuan a va hnek sak ta siah a.







"Gray ka that duh mai ang che hre rawh." Ti in ṭawngkam vin zet a hman khum bawk a.





Gray chuan a phone hman lai chu a thlauh nghal bawl a, "Engthil .....?"







"Hnar rawn thi chu a henker chief ah phawrhin a hup nghal thuai a, Elijah pawh an thawmah a rawn lut ve nghal thuai a, "Jonas buaina a awm em ni?"






"Saw laia rul saw buaina chu a ni e." A lo tih khum nghut a, khawih leh atum lai tak chuan Elijah chuan a lo dang nghal thuai bawk.






Gray erawh hlauh a vangin a meng phawk nasa mai a, a kuta lo indan a tum bawk a.






"Eng chung chang thu nge i sawi tih hi ka hrethiam hauh lo." Thei leh theilo hian a rawn ti a.






Chutia anbuailai tak chuan Sierra pawh a rawn lut ve hman chiah a, Jonas an Gray kut a thlak lai kha a rawn hmu chiang hle a,  a hmelah chuan thlaphanna hlir bak hmuh tur a awm lo, rang lutukin a tlan chhuak zui leh nghal a, Jonas chu a thinrim em a vangin Sierra rawn lut lam pawh chu a ngaihven hman lo.






"He ka company a ṭang hian chhuak nghal vat rawh!"






"Enteh Jonas eng chung chnag nge i hriat chu ka hre hauh lo a, mahse ...."








"He company enkawl tur leh ka pu rokhawm  tur hian Bugsy Black in ruat tih thu ka hria a ni."



"Jonas i ti taktak em ni?" Elijah chuan makti zet hian a lo ti a.






"Helai a Gray a rawn kal chhan chu he thil sawifiah tur hian a nih ngei ka ring, a ni hian a hre chiang viau ang chu, a ni hian he Bugsy chung chang hi han sawi fiah teh se."






"Kha chu thudik a ni hauh lo, Bugsy hmu tu leh be tu chu kei nilo ka pa zawk a lawm."






"Wow chu i pa leh nang hian ka hriatlohin Bugsy chu rokhawm tir inlo tum a maw?" A nui chhuak hawk a, mahse a nuih erawh a za hran lo a nui chhuak ri chu a hlauhawm kher mai.






"Nilo Jonas, chulam.pang pawh a nilo."


"Gray, eng mah tihsual palh nei hauh suh ang che, i neih a ka hre chhuak anih vaih chuan ka ...... in pahnih chal darah khan ka silai mu hi ka luh tir loh a takah hre rawh!"






"Jonas." Elijah chuan alo ti thuai a.



"Ngaithla teh Jonas, thorochhiah in ziak kha ka thlak danglam thei tlat lo." Beidawng zet hian Gray chuan a ti a.








"He Bugsy hian ro zawng zawng a khawm theihlohna dan kawngkhat chiah a awm, chu chu thurochhiah a i tih tura a inziah ang khan ti hram mai rawh!"








"I sawi awmzia chu naute ka nei hrep anga maw?" A au chhuak nghal tuar a.



"Aw ni e."



"Gray he hmun hi chhuahsan vat mai teh!" Jonas chuan a chal a dawm a.




"Nau pai tirna turin thlaruk chhung hun i nei a nia."




"Chhuak rawh ti in ka hrilh tawh hrep che a ni lo em ni?" A lam pan leh chu a rual nghal a.



Rang lutukin Gray chuan a chhuahsan ta a.


Gray chhuahhnu chuan Elijah chuan a rawn pan hnai a, "Engtia tih nge i tum tak?"



"Engtin nge maw ka hriat bik hrep ang le?" Thawk a la pah hrawih a."Ka tih theih pawh ka ring nek lo ve."






"Naute ka duh lo a, tun ah chauh pawh nilo in, a nilo kum khua ang."







"Mahse hei erawh ngaihtuah vela a ṭhat ka ring, Bugsy hian engkim a nei vek dawn a, chumi nilo in, he pa chakloh theih dan tur hi ngaih tuah rawh, he company tan i tha leh tui i sen zo zai leh kha kum sawm hmalama i ṭhahnem lo ngaihna ṭhin zawng zawng te kha engmah lo maiah leh a thlawna luan ral tir chu i phal ka ring bik lo."






"Chuvang chuan kal la Sierra kha bia la, eng nge a ngaihdan te va hriat sak ve tum rawh!"







"Chuan Elijah eng nge ka va sawi hrep anga? Hey Sierra hun i neih chuan he ka chhang hi i oven ah min lo tih lum sak dawn em ni ang, kavati anga maw? Chu thil chu lo ti ta pawhni ila, inṭhen ka la duh tho tho ang, chu mai pawh nilo in naute pawh kan siam ka ring bawk hek lo."






"Jonas Sierra chu va be phawt rawh!" A tih leh tak a vang chuan tum hmuk chungin Sierra chenna lam pan chuan a in khalh chhuak ve ta hram a.


*****             *****           *****



Sierra chu a chhukna tur zawn a thlen chuan taxi chu a ding a, chuan man a pek fel hnu chuan zawi muangin a pen chhuak ta a, Jonas vangin bus leh train a achuan a chi tawh lo leh nghal, chu thil chu tukin pawh khan ati a, a sim chiang hle. 







Zing a thawh a ṭanga engmah la eilo a nih a vangina a ril a ṭam ru hle a, inlamah sanwich te a insiam tawh ami ang chu lunch ei pawh a hun hnai dawn tawh tho a, ti in inlam chu a pan a, Maddie pawh hna lamah a kal tawh ngei ang, tlai lamah a peih tak leh a va kal ve ang chu!






An inluah lam a pan inbul lawka Jonas car leh a mah a car ngheng a lo ding reng a hmuh chuan a phu deuh zawk a, "Jonas?" Ti in phawk zet hian a en bawk a, a rinloh lutuk a chutia a lo awm chuan sawi tur mai pawh ahriat tir lo.






"Hetah te enge i rawn tih a?" Zawhna awm a ni em a hre lo a chu, sawi mai tur a hre ngang lo, a  rilru a awm ang ang chu a sawi chhuak pawp pawp rih tawp mai a ni .







"Engvanga office kha chhuahsan leh vat ngei nih?'







"Chhan engmah a awm hran lo." A ti leh sep a.





"Nihleh i rawn kal chhan kha a awm tal em?"







An thusawi lai thudanga pakai tum zet hian "Tinge MrGray kha kut i thlak nachhan?" A tilet ve a, dik tak chuan vawiin lama va kal a tumna chhan tak zawk chu Maddie hrilh dan angin fa nei tura va thlem thluk a tum vanga ni a, mahse a rinloh lutuk a khatiang thila a thlen tak si a vang khan hmanhmawh zetin a tlan chhuak ta zawk a ni.







"Kha chu a pawimawh ber lo." A ti deuh hmuka, sawi zawm a tum loh hmel kher mai.


"Nang thil i la ei btik lo ang tiraw?"


"Aih la ei bik lo."


"A nih chuan thil eng eng emaw eiturin kan kal dawn mi niang?"


"Tunah rih chuan pawn lama kal chhuah hi nuam.ka ti teh vak lo." Ti in a chhang leh sap a.


"Kei pawh ka ni ve tho a lawm, ka penthouse lamah kal ila, eng emaw order in tah chuan kan ei dawn nia."


"Come."


Jonas chuan acar chu hawngin a ṭhu lut a, Sierra chu inngaihtuah in a la tawi hrat hrat, a chhan pawh a tan thil tihna hun rem chang tak chu a hmu ta a, mahse a ti ngam chiah ang em, Maddie hrilh dan ang thlap thlap chuan hepa bulah hian a sawi ngam ang em? Tih zawhna chu a inzawt lo thei lo.


"Come on."


A la ding ta renga, "Sierra." Ring deuh taka a rawn tih leh takah chuan a inchhir leh hma ngeiin Jonas carah chuan a ṭhu lut ve ta vat a.



Jonas penthouse an thlen hnu chuan ei tur te chahin an ei a, an ei hnem dun kher mai, Jonas phei chuan nili chhung ngawt chu chaw mumal a ei tawhloh thu a hrilh nghe nghe a, Sierra phei chuan a ngaihtuah ru viau, a hmuh ang khan barah mai mai hun ahmang kual a ni si a.



An thil eizawh hnu a Sierra bathlara chhuak nitla tur thlir chu Jonas chuan a pan phei ve a, "Khawthlir vel hi nuam i ti a ni maw?" A ti ve sup a.


Sierra chu a rawn inher a, "A nalh em a lawm." Ti in mitmeng de sar hian a chhang a.


"I chenna hmun lama thlah haw i duh tawh em?"


Hnuailam a melh nghal raih, nuamlo tihna leh huphurhna niawm tak hmel hi a pu nghal a, "Ngati nge?"


"Tinge vawiin khan MrGray kha kut i thlak chhan? Thurochhiah chung chang vang kha em ni?" A ti leh ta a, Jonas chuan thawk a la hawk a, ani hnialna engmah hriat a neilo a ni ngei ang le.



"Aw ni e." Ati ve ta sup a.



"Eng thil nge thleng a?" Sierea chuan a chil a lem pah khalh a.


"Kha thurochhiah a inziah dan anga thil ka tilo a nih chuan ka pu unaupa hrawn hmingin engkim hi a awm vek ang."



"A ni chu ingaina vaklo tihna mi?"



"Ngaina lo, ka pu ngei pawhin a ngaina bik chuang lo."



"A nih te chuan engvanga a hminga dah vek pawi tilo nge a nih?"


"Min hrem duh a vangin."


"I rilru a buai em?"



"Naute pai chung chang kha em ni i tih kha chuan tibuai lo ve." Chunglam a melh pah rulh a.


"I ngaihtuah ṭhin em?"

"Ngaihtuah lo, chu lo chhuahdan kawng dang a awm ringin ka la ngaihtuah mek."


"Chuan ka pu unaupa hrawn chuan heng hotel te hi nawhchizawrhna hmunah leh a tum a ni awm e."



"Nawhchizawrhna hmunah maw?" Sierra chu a khawng nghal zawt, aphu chiang hle a.


"A ti thei chiah dawn em ni?" A ti nawnleh sap.


"A duh a nih phawt chuan a ti thei em em ang."


"Pawi ka ti lutuk."


"Ni e, a pawi tih mai lo chu han tih vak ngaihna a awm lo."


"Dinner a vang khan ka lawm e."



"Kei pawh ka lawm e, lokal rawh ka thlah haw tawh ang che."


"Zanin chu tah ka riak ve thei ang em?....pawi i tih lem loh chuan"



"In lamah tibuai tu che anawm em ni?"






"Awmlo e, hetah hian ka awm ve duh mai mai chauh a nia."





"Ok, i riah theih ka ring, a chhan chu kan inṭhen hma zawng a chanve hi i ta ala ni ve reng a lawm." Jonas chu a nui suk a.







Sierra pawh a nui ve hak hak a, a nui lai chu tawp deuh thutin, "Thil pakhat ka zawt thei che ang em?" A ti leh a.



"Sawi ta che."



"Nizan khan Star nen in haw dun em, umm.... in in zui chhuak leh em ka tihna?"


"Haw pui maw?"





"I hriat kha.....mutpui lam maw le."



"Mutpui lo, ka kawp lohna hi kar tam a ni ve tawh, chuan midang pawh chutiang tho, min zawt leh dawn a nih chuan." Nuihza hmel hi a pu tel a.






"Nga tinge awih harsa ka tih viau  le?"






"Mahse thudik a ni miau si a lawm, engpawh ni se, i room kha chu i hriat kha."






Jonas chu inher in kal mai hi a tum a, "I bulah ka mu ve thei ang em?" A tih leh tak a vang chuan Sierra lam chu a hawi leh a.






Sierra chuan rawn pan hnaiin, a awmah chuan a rawn beia, "Khawngaihin ka inpeih tawh."





Jonas chuan alo nam sawn deuh a, "Sierra i â ta em ni?"


"Nilo, Jonas ka i peih tawh."


Jonas shirt hak dumpawl chu phelh sak hi atuma, pakhatin lo dan pah hian, "Tawp rawh Sierra." A ti deuh ṭhawt a.






Sierra chuan hnuailam a melh nghal raih, Jonas chuan a vin a vang chuan a inthiamlo leh a, "Sierra hei leh chen hi i nghak tawh a, hetia i nghah ngar ngar na hi engmah lohah chantir suh!"







"Chutin engmah lo ah ka chan tir hlei nem." A mitko chu a san khum ak a.






Light ina an dinna chu a chhun chian em a vangin Sierra mitmeng dava riai chu Jonas chuan a hmuh hmaih lo kher mai.




"Sierra i tan Mr right ka ni lo."



"Mr right ka duh lo, tunah hian Mr right now ka duh zawk ."



"Oh theihnghilh rawh, ka chenna hmunah min thlah hawng leh mai rawh, chuan mipa dang zawngin ka chunga i tih theihloh ti thei tu ka zawng thei zawk mah na." Sierra chuan a ti ta a.



"Oh, ka ti theilo angin i ngai hrep a maw?" Jonas chu a tlawmngaih hmel kher mai.





"Hmm, khalam pang zawnga ṭawng pawh kha i duh ka ring hlei nem, mahse chu lam chu kan sawi dun angai bawk si ati raw?" A nui var var a.





"Ka sawi ang khan nang chauh hi khawvela mipa awmchhun i ni hauh loa nia."



Jonas chuan kawngkhar ngheng chuan a delh chilh nghal rawk a, "Thil ṭha lam pang tih tumin ka bei hmasa lo ti in sawi hauh suh ang che." Ti a sawia thawk huam huam pah hian Sierra chu duhthawh zet hian a fawp ṭan ta nghal a.



Dah leh hun tur kha naktuk tuk leh zan aw, fakna awm kanhmeh ṭhat dan a zirin dah leh hnawk kan tum dawn nia.