IT'S JUST AN ILLUSION CHAPTER 28

IT'S JUST AN ILLUSION CHAPTER 28

SANGTEI KHAWLHRING

FAKNA MILEM AWM HMET HI KAN TAM LO KHAWP MAI A, KHAWNGAIH TAKIN A THEI THEI CHUAN HMEH VEK TUM ANG U, THENKHAT CHUAN INNGHAK KHAWL TIH KA HRIA, MAHSE FAKNA HMET TUR TAL HIAN MIN LUH SAK VE HRAM ZEL TEH U, MI 1000 IN INCHHIAR A, 56 IN MIN HMEH SAK A, A NGAIHNA HI A AWM LO DEUH HLEK A LAWM, KHAWNGAIH TAKIN MIN LO TLAWMNGAIH SAK VE HRAM HRAM HRAM U LA, ZANIN AH FAKNA HMET AN TAM CHUAN NAKTUK ZANAH KA RAWN DAH BELH LEH ANG A, A NGAI THO HMET TU AN NIH A A PUN LEM LOH CHUAN KA DAH BELH LO ANG A, NAKTUK TUK LEH AH KA RAWN DAH LEH ZAWK ANG, HNA A HAN NEI DEUH CHAWT TUR HI CHUAN FAKNA HMET HI KAN TLEM EM A , A PHUR AWMLO VE DEUH EM A, IN FEL EM KHA, ZANIN CHU A THEI THEI IN MIN HAN HMEH SAK TLUAR TLUAR TA CHE U.

HMEH DAN TUR FAKNA MILEM AWMAH KHAN HMETIN IN LUT ANGA  SECOND SAWM CHHUNG LEK MIN NGHAH SAK ANGA, IN BACK LEH MAI DAWN NIA,CHU TE CHU KA PHUT VE A NI E.

"I thah na chhan pawh kha ka hmanloh vang chauhin anilo'm ni?"

"A dik a lawm."

"Nihleh Douglas hi a la tang reng em?"

Luca chu a bu nghut a, "Ka hriat hnuhnun ber kha chuan maximum security prisonah an dah in ka hria."

"Nih leh a nu hi le?"

"Sierra naupan laiin a boral tawh."

"A nih chuan Sierra pawhin a u leh a pa thil tih ṭhin hi chiang takin a hre dawn a nih chu!"

"Ka ring hran lo, Luke hi ka thah lai pawh khan kum 16 chiah lawm a la nih."

"Nih leh engtin nge keimah ngei hi a u that tu ka ni tih a hriat theih zawk a?"

"Pawn lam a ṭang hian apa tan a thawk ṭhin ni in i ring em?" Luca chuan aw zawi tak hian a ti sup a.

"Ka ring chiah lo, mahse chu chu Pathian chauhin a hria ang."

"Lo nilo ta pawh ni ta ang sela, fimkhur taka kan chet a ngai ang, a chhan chu Sierra hian tunge kan nih tih hi a hre ru tlatin ka hria."

"Hei pawh hi theihnghilh lo bawk ila, kha i inneihni khan criminal tam tak hmu in a lo inhmel hriat tir tawh mai thei bawk a sin, heng ho hian tunge Black Jack tih an hriat emaw Sierra hian a ka a âng vaih a nih chuan kan châk lo nasa khawp ang, a chhan chu Black Jack hi an huat rawn  vek dawn si a."

"F*ck Trey Bailey bulah te khan zankhua te in a awm leh ta nghal a." Luca chuan chek hluk pah hian a ti a.

"Tunah pawh hian an zavaia engtianga tih tluk tur nge tih chu a hre tawh mai thei bawk a ni."

An in melh tawn run run a, thaw ipik zeta Jonas chuan thawk lak hawk pah hian,
"Silai a min kah hnu khan zawn hmuh theih lohin a bo pil hmak a, chumi awmzia chu a pa tan hian a thawk emaw police ho tan a lo thawk reng te hi a nilo maw?"

"Kan zawn hmuh thuai hi kan tana ṭha ber tur chu a ni rih in ka hria."

"Tunah lah khawiah nge a awm chiah tih lah chanchin emgamh hriat a ni bawk silo a ni lo'm ni?"

Luca chuan thawk a la ve hawk a, "Zanin hian NewYork ka thleng hman lo a nih chuan divorce lawyer nen kan in hmuh ngei a ngai dawn bawk si a."

"Ni e, kal rawh, keiman ka lo hmu chhuak thei em em ang, ka lo zawng char char dawn nia."

"Jo, i that theih meuh ang maw?"

"Oh, ka that thei lutuk ang, min kap a, tji turin min kalsan hrep anih kha hre ta che." Chu thu a sawi zawng chuan a biang ki chu a pawng deuh ṭawlh ṭawlh a, a thinrim a in sum nasa hle tih chu a hriat reng bawk.

"Mahse thil chiang taka ngaihtuah chuan a kah na chhan tak che chu, a unaupa that anga a ngaih vang che kha a nia."

"Yeah, a unaupa ve kha maw, a unaunu Sierra ngei pawh kha hralh a tuma ni lo'm ni kha?"

"A dik a lawm, ka kal tawh ang e, chan chin thar i hriat a piang min rawn hrilh ve zel dawn nia."

Jonas pawh chuan pawm pui zet hian a a lo bu ve zauh a, Luca chuan a suit case chu la in kal mai tum chuan a inher a, "Eh Luc?"

A rawn in her leh a, "Yeah?"

"I silai mu dawn ai ka dawng kha aw brother."

Luca chu a nui chhuak nasa mai a, "Ni e, i dawng ngei a lawm, min theihnghilh tir mai i tum lo bawk tiraw a ni em?"

Jonas chuan a mit a lo siai khum zauh a, Luca chuan a men kual khum rulh , "Bro lo in enkawl ṭha in, lo inveng fimkhur hle ang che." Ti a a chah hnu chuan a kal chhuak ta nghal a.

Luca kal chhuah tak hnu chuan Jonas nui hmel chu a reh ve nghal hmiah, Sierra Westlake maw a lo nih hrep a? Tunah chuan ka silaimu te  hi tih tlet a hun ta khawp mai.

A FEW DAYS LATER....

BLACK CORPORATION BUILDING...

Jonas chu a office chhungah chuan ṭhu in file ho a en fel mawlh mawlh a, he hmunah hian thla nga chiah hun a nei tawh a, chumi chhung chuan a theih ang ang a tam leh rim taka thawkin tun a client ho te hi a la la vek thei maithei a ni.

A intercom a desk a mi chu a rawn ri a, a file en lai chu dahin, intercom chu a beng bulah a dah a, "Miss Sommers enge ni ta?"

"Sir pawn lamah hian mipa khat nangmah hmu duh tu in a nghak reng che."

"Tu nge a nih?"

"A sawi dan chuan i uncle a nih thu a sawi."

"Giovanni Romano a ni em?"

"Sir chutiang emgmah a sawi lo."

"Rawn luh tir rawh."

Jonas chuan Giovanni ah a ngai hmiah, mahse America ah te engti tur alokal nge a nih tih chu a inzawhna a la ni tho.

Kawngka rawn hawnga rawn lut chu Giovanni a ni hauh lo, Jonasa'n a hmel a lo hmuh chuan a melhrum kher mai, "Hetah hian engti tura lokal nge maw i mih hrep le?" A lo ti chhuak nghal hrawih a, a aw ah chuan a lawm lo hle tih pawh a hriat bawk.

"Kha tiang te chu i uncle lo lawmna a tan chuan a thlum vak lo a ni tiraw Jonas."  Bugsy chu a office chhungah chuan a rawn pen lut nghal a.

"Ka uncle i ni hlawl lo, ui dik tak i nih zawk kha." Jonas chuan insum.hman lo lek chuan a ti chhuak ṭhawt a.

Bugsy erawh a nui nasa ngang mai, Jonas vinkhumna chu engah mah a ngaih saklo ni hian a hriat bawk .

"Bugsy eng thil nge i duh hrep a?"

"Ka rokhawm tur hi ka rawn en thlithlai mai chauh a nia, i nupui chu enge a an zel? A la rai loh ka beisei."

"Ka thah hma ngei che hian he ka building hi chhuahsan nghal ringawt rawh, chuti lo chu i inchhir ram ramna tur thil ka ti palh hlauh ange aw."

"Thla nga ral hma in he hmun hi ka ta a ni tawh dawn a lawm."

"Kan en ang chu!".

"Rokhawmtur in ziah dan ka hriat rual rual khan..... he hmun hi ka ta a ni dawn tih hi ka hre nghal mai." A nui vei sawng a.

Jonas chuan akut chu hum ruh rauh rauh chung leh Bugsy chu kut a thlak mai hlau zet hian, a melh run a.

La nui zui sawng chung hian, "I nupui leh fa an awm a ngai a,mahse chutiang chu nang hian i ti dawn lo nasa tih chu kan hre chiang dun khawp a lawm tiraw Jonas."

"Ni e, mahse nupui chu ka nei sa der tawh a a lawm Bugsy, chuan thla nga chhung hian naute chu ka pai tir thei reng bawk."

"Son dawt sawi angai lo ang, tunah pawh hian ṭhen i tum ru reng tih hi ka hre ran a nia."

"Huh, i thil hriat zawng zawng te hi awih vek kher suh! Chuan kha i duhamna dang tur khan fa sawm ka nei tih hi hre bawk ang che."

An pahnih chuan rum zetin an inmelh tawn dun a, chutih lai tak chuan Elijah a rawn lut ve nghal chiah, "Engkim a tha maw?" A rawn ti lut a .

"Aw, ṭha vek e, Bugsy pawhin he hmun hi chhuahsan alo tum.ve chiah a." Jonas chuan a ti nghal a.

Thinrim zet a akut hum ruh ṭeuh chung hian, "Thla nga hnu ah ka rawn hmu leh ang che ." Ti a sawiin rum zetin Jonas chu a melh a, Jonas erawh chuan a mit a lo siai khum zauh pek a, chu chuan Bugsy chu a ti thinrim zual sauh a kut chu hum ruh ve ṭeuh in chu hmun chu a chhuahsan ta nghal a.

Bugsy kal hnu chuan, "Eng thil nge a duh a?" Elijah chuan a ti nghal a.

"Thla nga chhunga a thil hmuh vek turah mi rawn diriam khum a tum a nih kha."

"Kha chu a ti ngei ang."

"A ṭha, a nei vek thei ang, mahse he thla nga chhung hian a tan thil ṭha tak tak ka suangtuah tir ang."

"Sierra zawn lamah engmah chan chin i la hre chhuak lo ni in a lang a dik em?"

"No, mahse ka zawng hmu ngei ang tih erawh ka sawi ngam, chumi hunah chuan min pawisak loh a vang hian pawi a la ti khawp ang, tunah chuan Douglas Westlake pawh reilo te va tlawh zauh a hun in ka hria."

*******       *********        ********

Sierra chu Pete bulah chuan a la cheng reng a, mipa fel tak ni in a hre bawk, mahse mipa bulah hrim hrim ngaihngam takin a awm ngam tawh lo a, mipa chu thuhran, midang bul zawk a ni ang chu, engtik lai mai pawh hian a hlau thawng em em reng a, eng emaw hlek ah a phu zawk zawk reng bawk a, Pete hian khawpui lamah kalin mamawh te leh a thil chin te hralha akal chhuah chang pawh hian a room lamah a lo tawm chawt a, a mahin pawn pawh a chhuak ngam ngailo a, Pete rawn haw veleh a a thu lo zawh chu tualthah thu thang hriat a neih leh neih loh a ni .

Pete chuan a hrethiam mai a, tu emaw in pawngsual tumin an bei anga , tah chuan a that palh a ni ngei ang tih hi a rin dan a ni, vawikhat chu chutia a hlauh em em nachhan chu Pete chuan a zawt tawh ngei a, mahse Sierra chuan zawt lo turin leh theihnghilh hram a duh thu in a lo chhang tawh nghe nghe a, Pete pawh chuan tilui lo in, a ngawihsan ta mai mai a ni.

Sierra room chhunga awm breakfast ei tur emaw lunch , dinner ei tur a a va luh chang hian a ṭap lai hi a phawk ziah thin bawk a, zan lamah pawh mut mu a hmuh mumal a ring ngai hek lo.

"Vawiin lam te enge i an?" Ti a a va zawh lai ngei pawh chuan Sierra chu a lo inhnit leh hlap hlap tawh a, mahse Pete a thawm a hriat veleh chuan lehlam hawiin a mittui te chu a hru hul sawk sawk a, pangai taka lan tum in a rawn nuih sak a, "Ka ṭhat tawh ka ring." A lo ti sep a.

A ṭawng tlem em em a, mahni chauh a a awm phei chuan a khur vak mai thin a, chu mai pawh nilo in, zan lamah lah mumang rapthlak zet a mang ṭhin tih hriat tak hian hlau takin a au chhuak reng bawk ṭhin.

"In lama haw leh te i rillruk em?" Tia a zawh veleh chuan a hmelah thlaphanna a rawn lang nghal a, "Khawngaih takin min kal tir tum rih lo hram rawh."

"Sierra haw tir che ka tum lui hauh lo, mahse he hmunah hian kar tam tak i awm tawh a, i chhungte leh i boyfriend te pawhin an ngaihtuah tawh ang che, chutiang chu i nei ngei dawn tih hi ka chiang ."

"Neilo, chutiang i sawi ang chhungte pakhat mah ka nei tawh lo, boyfriend lah ka nei hek lo, khawngaih takin hun reilo min la awm tir hram rawh, buaina engmah ka siam lo ang tih ka tiam a che." Ti in ṭah aw deuh ṭiau hian a ngen a.

"I duh chen chen i cheng thei reng tih chu i hriat kha, nangma lam ka ngaihtuah vang zawk a nia, dinner ka peih tawh e."

Inher a kal leh mai hi a tum a, "Pete."

"Yeah?" A rawn leh hawi leh a.

"Engmah thu hriat i neilo tih i chiang tak zet maw?"

"Sierra TV ka neilo a, radio lah ka nei hek lo, mahse mamawh lam tura dawra ka kal khan kha hmun i sawi Interstate 15 ah khan, tualthat an awm tih thuthang sawi rik pawh a awm lo, chu vang chuan eng thil nge i hlauh a, eng thil nge thleng tih hi rin dan ka nei chiah lo, mahse nagmah kha in tih hahdam tum la, he hmunah hi chuan tu mahin an rawn zawng hmu hauh lo ang che tih hi ka chiang ."

"Ka lawm e Pete."

THE OAKWOOD MAXIMUM SECURITY PRISON.....

Jonasa'n chu hmuna Douglas hmu tura a va kal chuan a veng tu police ho chu an lo khirh ngang mai, criminal turu zet zet dah khawmna a nih a vangin an fimkhur pawh chu awm a tih pui viau, a nihna chu sawi lo phei se zawng a mi hmuh duh hi hmuhtir pawh an remti chiah lo maithei bawk a ni .

Police pakhat chuan Jonas chu uluk zet hian a check a, Jonas pawh an tih ang ang chuan a dawh tawp.

"I sunglasses bun kha phelh rawh." An tih ang chuan phelhin table ah chuan a dah a, "Le in her rawh le, i kut kha chung lamah phar bawk la."

Hnunglam chu uluk zet hian an chek leh a, chumi hnu ah chauh chuan, police pa chuan, "Kan zo ta e." Ati ve ta hram a.

"He ta ṭang hian ṭanin a hmun i thlen thleng i kut kha ngil takin dah reng ang che." Ti a hrilh leh hnu chuan antih ang chuan a ti leh mai a.

"Engmah kut khawih a inbiak leh thil dang khap tlat a ni ang." An tih leh hnu chuan police pakhat chuan Douglas an dahna hmunlam chu a pan pui ta a, a awmna an va thlen chuan Jknas nuih chu a za ru kher mai, darthlalang dai dan tawn ang hi an lo dah vek a, inbe tur pawhin intercom  hman a ngai a, chutiang a nih a vang chuan an thusawi chuan a nuih an ti za hle.

An thlen veleh chuan a kalpui tupa chuan a kal san nghal a, Jonas chuan intercom chu a kuta la kangin, Sierra pa chu a be ta a.

"Well, well, well, eng thil nge maw kan neih tak hi?"

"Khawngaihin lo ṭhu ta che."

Jonas pawh chu a ṭhu ve mai bawk a, Douglas chuan a hmel chu ngun zeta melh vung vung chung hian, "Romano i ni tih chu ka chiang a, mahse a tu ber kha nge i nih?"

"Kha chu a pawimawh ber lo, i hriat lah a ṭul hek lo, chu ai chuan i fanu hi khawiah nge i thuhruk min hrilh vat rawh."

"Fanu ka nei lo."

"Douglas fiamthu thawhlo teh ang, khawiah nge i fanu hi a awm?"

An in en dun vung vung a, Douglas chuan nui hmel pu deuh roh chung hian,  "Slip kha a pe lawk tawh che ti in min hrilh duh suh!"

Chung lam melh deuh rulh pah chuan, "Hmm, i tan a thawk tih hi ka hria a nia, helai hmuna i nun hi tih hreawm sak i duh a nih loh chuan sawi ṭan rawh le." Jonas chuan ati ve a.

"Kei hian hmingṭhatna chang thei ni ila chu ka duh ngawt mai." Ti in a khabe hmul ṭo sei ve tawh tak chu a kutin a tuai vut vut phawt a, "Mahse ka hmuh lohna chin hi a kum a kum a ni tawh tlat, chuan Sierra rinawmloh zia chu kha i hrechhuak tawh ngei ang."

"Engvanga nang ang maia ui rinawm lo nge maw a nih le?"

"Chu chu a ni dawn em ni, nangmah ang maia ui rinawmlo te pawh hi a lo nimaithei zawk a sin, chuan he tianga tlan chhiatsan tur khawp khawp che in a chungah engthil nge i lo tih a?"

"A tam vak lo, a unaupa ka kah hlum sak chauh mai a nia." Jonas chu ngei awm zet hian a nui zui sawng a .

"Nang hi maw lo ni hrep a?" A thutna a ṭang chuan a ding chhuak awk a.

"Nang hian maw ka fapa Luke kha lo kap hrep a?"

"Sierra chu khawiah nge a awm min hrilh vat rawh,chuti a nih loh chuan ka zawng hmu tho tho anga , chutih hunah chuan a na thei ang ber a hremin i fapa ka tih ang ngei khan ka kaphlum zui bawk ang."

"Romano ka hrilh ang che, a sam zaikhat pawh i tina a nih chuan hre rawh, ka that khawp ang che."

Jonas chu a nui chhuak suk a, "I ti ṭha e Westlake, nangai in mi thil ti thei fe fe ka ngah zawk, chuan ka dinhmun a ṭanga min hnuh hniam tumin i bei tawh a,mahse i hlawhchham ta a nih kha."

"Engpawh ni sela, he hmunah hi chuan kan zo tawh ni in a lang, i fanu hi ka power hmanga ka zawng tak tak a nih chuan ka hmu tho tho dawn a, duh leh nakinah a mah vuina hun hmangturin ka rawn la sawm ve dawn che nia."

"Ka hrilh lawk ang che Romano, ka fanu kha i khawih a nih vaih chuan hre rawh i chak dawn hauh lo a nia,keimah ang a nilo a, a ni kha chuan a nu engkimah a chhun fuh a, ka sumdawnna lamah lah ka telh ngai lo."

Jonas chuan engah mah ngailo zet hian intercom chu a dah thla a, "Romano." Ti a Douglas au lauh lauh chu a hrelo der hmiah, a ṭhutna a ṭang chuan tho in a kalsawn ta nghal a.

A FEW WEEKS LATER....

Jonas chuan Sierra chu huat a duh hle a, a thah tur tak ni in a hre bawk, mahse engvang nge tih leh enge a chhan tih a hre lo, thil engkim mai chuan a mah a hriat chhuah tir tlat,huat a a hmelma anga en a duh em em laiin athei lo, a ka chuan a mah huatna thu leh thah a duh thu sawi chhuak nimah sela chhungril takah erawh a hawthei lo va, a khua a har tlat a, a tello chuan mal tlat a inhriatna a nei tlat lawi si.

Chuvang chuan a tun hma nun danah a kir leh a, zu a in nasa hle a, chu mai pawh nilo in hmeichhe dang a kawp ṭhin leh tawh a, Star erawh tun thlengin a kawp tawh ngai lo, a kawp a nih vaih chuan Sierra a hrechhuak dawn chiang tih lah a hai hek lo.

Ṭum khat bara a awm lai chuan hmeichhe sam sen thar mai a dye a ni ngei ang, a tan tawi mat bawk a, a mitmu chu a uk raih a, a hleitling hle bawk, model ni hial awm in apian a nalh a, chu chu Jonas chuan a tawng leh a, mahni chauh a apenthouse a haw a duh loh a vangin chu nu chu a hruai lut ta fo bawk a, chu nu chuan Sierra ang em em chuan hip lo mahse Jonas mamawh erawh a phuhruk sak hneh hle thung, penthouse an thlen hnu chuan duh thawh zet hian Jonas chuan a fawp nghal bawrh bawrh a, "Zanin ah hetah i awm ve duh ang em?"

"Hetah te chuan tuma awm i phal lo ni in ka lo hria a."

"I tan te chuan ka phal mai a niang chu!" Jonas chuan a ti leh sup a.

A thawmhnaw chu phelh sak pahin a fawp zui leh ta nghal a, Melody ngei pawh chuan Jonas fawhna chu lo chhang let ve in an pahnih chuan an duhthawh sawt kher mai.

Chutih lai tak chuan kawngka in hawng ṭhuai thawm Jonas chuan a hriat a vangin a che chhuak zawk, a kekawr kawng hnung lama a pai a silai chu aphawi dawk zawk a, load ngalin thawm awmna lam chu a tin nghal thuai a, Sierra in a kah a ṭang khan engtiklai pawhin leh a ban phak rengah a silai hi a awm tawh ṭhin, chulamah chuan a fimkhur zual em em tawh a ni.

Jonas chutianga a chet nghal a vang  chuan Melody pawh a phu chiang hle a, Jonas silai a hmuh leh lek phei chuan a au chhuak tuarh a, mahse a kawngkhar lama lo lut te chu tu dang nilo in, Luca, Dante leh Riccardo an lo ni lek a.

Luca chuan a mit a lo siai khum zauh,  "What the hell." Jonas chuan ti chhuak hrawihin a silai chu a hnung lamah a zep leh nghal a.

"Min lo ngai tawh em?" Tih pahin Luca chu a nui vur vur bawk.

"Hun reilo te min lo pelawk dawn em ni?" Melody lam hawi phei pah chuan Jonas chuan a ti sup a.

Melody pawh ngawi rengin a a bu ve nghat . Luca te ho nen chuan living room lam chu an pan hlawm a, "Eng thil nge maw in rawn tih hlawm hrep chu le?" A ti chhuak hruih .

"Bro kan rawn backup che maw le." Luca chu a nui nasa mai a.

"Eng chung changah maw?"

"I hmeichhe zawn kha a awmna kan hre  tawh."