IT'S JUST AN ILLUSION CHAPTER 40

   IT'S JUST AN ILLUSION CHAPTER 40

A thei theiin fakna milem.kha hmet leh vek.ang aw.

Jonas chuan a nupui chu khawiah mah kalsan lo in a room ah chuan a awmpui nileng ta a, a chhan pawh a kalsan leh a nih chuan a kal san chhungin a chungah thil ṭhalo dang a thleng leh a hlau a ni.

THE NEXT MORNING....

Luca rawn thleng chuan hospital lam a pan ding nghal a, pawn lam a ṭanga Jonas Sierra bula lo tap chawt a hmuh chuan thawk a la hawk a, "F*ck." Ti in a phun chhuak sup.

Reilo te hnu ah chuan Jonas pawh a rawn chhuak zui ve a, "Eng thil nge thleng leh ta?" Jonas a hmuh veleh chuan Luca chuan a ti nghal, a chhan pawh hospitala a awm thu chauh hi LA a rawn thlen hnu a Jonas ka a ṭanga a hriat a ni a, a rin dan chuan Sierra chu a hma a  Jonas lo sawi tawh ang khan penthouse lamah a awm daih tawh a ring a ni .

Jonas chuan a chal dawm khum ruih pah hian, "Thluak a thisen khar awm maw le." A ti a.

Luca chuan chu thu a han hre thut chu a ṭhawng ve kher mai, "Damn nih leh doctor in enge a sawi?"

"Ni hnih khat hnu ah lo chuan a dinhmun hi a sawi chiang fak thei lo ang, thil hriat chhuah te i nei tawh zawk em?"

"Aw, tunah hian mipakhat enthlak lai mek kan nei."

"Ka hriat zawng mi te a ni em?"

"Nilo ang, mahse chu pa pawh chu a ti tu ber ala nih hmel loh tlat, mahse tunge ti tu tih erawh a hriat ngei ka ring."

"Ok, in man hunah tunge ti tu tih a sawi chhuah ngei na turin in dawp ngei ka beisei."

"Ok, kha chu ka lo ti dawn nia." Jonas thawmhnaw duh uluk ṭhin zia chu Luca hian a hriat pui vek a, thawmhnaw chuar deuh hlek a ngai thei ngai hek lo, chu chu an pahnih a an inlung rualna tak pawh a ni awm e, chuta kara Jonas shirt hak lai chuar deuh nuaih tawh a hmuh chuan a ner khum sawk a, "Tah hian zankhua in i awm tihna mi?" Ti in a zawt ta hial reng a .

Jonas chu a lo bu ve nghut a, "Yeah."

"A nih chuan i penthouse lamah kirin shower te hmangin i inthlak thei ang."
.

Sierra lam chu Jonas chuan nelh lehin, "Nilo ve, hetah hian ka awm a ngai, ka awm loh hlanin thil thleng a awm leh pal ang."

"Bro he hmunah hian engmah tih theih i nei hleinem, chu ai chuan Jonas, i fanu kha ngaihtuah zawk rawh, Sierra chu hetah a him a, i fanu erawh a him miah lo thung, tuna kan tih tur pawimawh ber chu naute hi khawiah nge a awm tih zawn chhuah a ni."

"Jasmine." Jonas chuan alo ti sup a.

"Eng maw?"

"Naute hming kha Jasmine a ni e."

Luca chuan thawk a la hawk a, "Jonas tuna i dinhmun hi ka hriat thiam pui lutuk che, hetiang hian Emily hi awm ve ta ang se kei ngei pawh hian ka ât phah lo chauh ang, mahse chutih rual rualin Jasmine zawnna lamah hian kan rilru kan pek ngaiin ka hria,ngaihtuah rawh Jonas a na thei reng tih hi hre ta che."

Jonas chu hmel ngui zet hian a rawn hawi chhuak a, "Bro tunah tak hi chuan enge ka tih dawn tih leh enge ka tih hmasak ber ang tih pawh hi ka thliar hrang thiam tawh lo."

"Well, a nih chuan doctor hnenah ti hian hrilh rawh, chan chin danglam eng emaw a awm a nih chuan, rawn be nghal thuai tur che inhrilh la Si?"
..

"Yeah ok." 

"I car i rawn keng em?"

"Yeah."

"Ok,a nih chuan kal ila, doctor chu va bia in, penthouse lam kan pan dawn nia."

Doctor chan chin an hrilh hnu chuan Jonas car chuan penthouse lam panin an inkhalh chhuak dun ta a, Luca chuan aaw theian hruihin, "Dex leh a ṭhuih hruai te khan Wisconsin lam chu an dap chhuak dap a, helai LA lam a mi tu emaw hi inrawlhin in i hre mah zawk tawh lo maw chu tiang ang mi han rinhlelh deuh i nei em?"

"Ka rindanin Star hi a ni mai ang em?"

"Kha sl*t khan eng inhnam hnawihna nge a neih ang a?"

"A thusawi dan ho ka ngaihtuah vangin maw le, chuan ni reilo te kal ta khan  Elijah nen thuruk eng emaw sawia an lo ti ti dun lai ka hmu bawk a."

"I ṭhianpa Elijah kha maw?" Luca chuan ka khabe chu a tuai pah zauh a.

"Aw, Elijah hian Star hi a haw ṭhin lutuk a, a ngaina ngai hek lo, mahse tunlai tak hi chu an pahnih ah eng emaw tak a awm ka ring.".

"Nih leh Bugsy kha enge ni ta?"

"A nikha chu a ni lo ang, Sierra sawi danin a ti tu pa ber hian mask a vuah reng ṭhina chu a aw kha a hriat tawh hnu a ni a ti tlat a, chu vang chuan Bugsy chu a ni theilo ang, Sierra hian vawikhat mah Bugsy hi a bia in a la hmu ngai lo."

"Nih leh Sierra pa ve thung kha ?"

"Nilo ang, a chhan chu doctor sawi danin Jasmine hi kar hnih emaw kar thum hma lam a piang a ti a, mahse Weslake ka thahna kha thlakhat leh achanve hma lam daih tawh a ni si a, a ni chu a ni theilo ang, chuvang chuan ani chuan engmah inhnamhnawihna a neih ka ring lo."

"A nih chuan Star a ṭanga kan ṭan leh a ngai dawn tihna a nih chu!" Luca chuan a ti chuak ve ta sup a.

Jonas chuan Luca car khalh lai chu va melh zauhin, "Eng thil nge i ngaihtuah Luca?" a ti a.

"Ṭha ber a lang chu, dinner ei chhuak turin sawm rawh."

"A teuhlo mai Luca, a ni kha dinner ka ei pui hrep lovang e, kei chuan Bugsy kan tih dan ang a tih a inhnuai lama khung a dawp kha ka duh zawk."

"Nilo, kha chu a risky lutuk Jo,  a chhan chu he tianga thluak vawrh vir tu hi a mah a lo nih loh ngat phei chuan, chu ai chuan ṭha deuha bia in sawi chhuah tir tum zawk la a ṭha zawk ang, i theih phei chuan nei hial bawk la."

Jonas chuan rum zet hian Luca chu a melh a, "Luca nupui ka neih hrep.tawh hi!"

"Hmm, ka tih awmzia chu Sierra i ṭhen hnuah i neih tur thu ang chi te hi fah rawh ka tihna a nia, i penthouse kan thlen hunah call la, ti chuan zanin a dinner neih pui tur che in sawm ang che, keiin Elijah chhui hna ka lo thawk nghal ang."

Jonas chuan Luca ina ti tura a tih chu a hreh rilru hle a, Sierra in a rilru a luah lai leh thildang engmah a ngaihtuah theihloh laia hmeichhe dang flirt pah a lem lo chan chu a thil huphurh zawng tak a ni, mahse Sierra tan a ti tur a nih zia chu a inhrilh ru mawlh mawlh a, a tan chuan engmah tih hreh a neihloh tur zia thu chu infuihnan a hmang ru mawlh mawlh bawk.

Penthouse bul an thle chuan car chu ading a, an pahnih chuan penthouse lam an pan ta nghal a, inhnuai hotel an kal pelh lai chuan Jonas chu a ding chawt a, a neng rum.nghal hle bawk, Luca chuan Jonas awm dan chu melh zauhin, "Thil diklo a awm leh em ni?" Zawi sup hian a ti a.

"Star maw le." A mengkual pah rulh, an ni pawh chu Star chuan a rawn hmu ve nghal a, "Jonas." Ti a rawn au in nui hmel pu sang chung hian an lam chu a rawn pan a.

"Hetah te enge a rawn tih ve a?"

"Ka hrilh tawh che kha, khawi hmunah pawh kal ila ka awmna hmunah chuan a lo awmve thei zel." Jonas chuan a ti hmuk a, a ṭawngkam.chhuak pawh chu a nelawm lem lo khawp mai.

"Saw a rawn kal a nia, tha takin lo biak tum.ang che." Luca an a tih chuan Jonas chuan thawk a lo la hawk.

Star pawh chuan an bul chu a rawn thleng chawp chilh nghal, "uhh Jonas kan inhmu chu a mak hle mai."

"Hei hi ka hotel ania, a chungah khian ka cheng bawk a, a makna vak pawh ka hre lo." A lo ti hmuk a.

Mahse Star mitmengah ve thung chuan Jonas ṭawngkam.nelawm loh zet hman lam reng reng langlo in Jonas ah chuan a luangliam.nghal em em tih hi a hriat reng a.

Jonas erawh a mengkual rulh, "Hetah te enge i rawn tih a?"

"Ka thian lunch ka rawn ei pui mai chauh maw le." A la nui sang reng a.

"LA ah hian restaurant dang dang tam tak a awm laiin ka ta ah kher i rawn hruai a, a mak kher mai."

Star chu a nui chhuak ve hak hak a, "I hotelah hian a thleng si a."

"Tunge chu chu?"

"Darling i thik deuh em ni?"

Jonas mitmeng rum nghal ul chu Luca chuan alo hmu ru reng a , thildang a sawi chhuah leh hma chuan a lo ṭawng khalh nghal vat bawk, "Jonas nen penthouse lam pana kan rawn kal lai khan ti hian a sawi a, zanin hian dinner eipui tura sawm che arilruk a ti tak a sin Star."

Mak ti zet hian a phu deuh zawk, "I ti em.ni?"

Luca chuan a Jonas hnunglamah chuan a kutin a kheuh pah zauh a, "Yeah, i rem tih chuan." A ti chhuak ve ta hram a.

"Remti tehreng mai, engtik hunah nge niang?" Nui hmel a pu leh nghal sang a.

"Zan dar sarih ah ka rawn lam dawn che nia."

"Joans date tihna mi?" A mit chuan a siai khum pah zeuh a,a hmela lawmna a khat chung hian an pahnih chu a kalsan zui ta nghal a.

Star kal tak hnu chuan Luca chuan Jonas chu a fiam pah zui hlak a, "Khati khawp a ṭawngkam nelawm lo i hmang chung khan engtin nge maw i hneh theih viau tho le?"

"Bro inbengdai rawh, inbengdai rawh." A lo tia , Luca chu a nui chhuak ta hawk hawk a, engdang sawi leh tawh lo in, Jonas penthouse lamah chuan an inzui chho ta nghal a.

Penthouse chhung an luh hnu in Jonas chuan tih tur a sawi nghal a, "Well, keiin hospital ka lo phone ang a, enge Sierra chu a an tih hriat ka lo tum ang, nangin Dex kha i buaipui ta rau rau bawk a, lo bia la nge an hmalakna dang hriat an nei tawh em tih te lo hriat tum ang che."

Ti a kalsawn mai a tum lai tak chuan inchung lam Sierra room ṭhin tho a ṭang chuan thawm awm than hian an hre dun a, an phu dun zawk, Jonas chuan a silai a phawrh chhuak nghal vat bawk,  "Midang an awm ve em ni?" Luca chuan zawi taka tih pah hian a silai aphawi chhuak ve nghal bawk a.

"Tun angah chuan tumah an awm thei lo."

"House keeper ang te le?"

"Aih, pakhat chiah a rawn lut chho ṭhin a, chu pawh a hna a thawh zawhna a rei tawh lutuk.

"Nih leh kidnapper pawh a ni maithei."

Jonas chuan thawk a la hawk a, "I in ring em?"

"Si, nang zawk?"

"Kei te chu pian tirh a ṭanga tawh a inring sa kha ka nia."

"A nih chuan, let's have some fun brother." A nui chhuak suk a,  an pahnih chuan fimkhur zetin Sierra room.lam chu an.pan dun ta a.

Room kawngka an hawng chiah rang lutukin silai tin chung chuan an zuang lut dun a, "Engmah a awmlo Jonas."

"Tumah an awm bawk hek lo." Luca chu a mengkual pah rulh a.

Jonas chuan room chhung chu a melh kual zung zung a kum bul mai kil khat anau te bawm lo awm reng chu a va hmu ta thut a , "Eng thil nge ni ta hrep saw?" Ti in a au chhuak nghal ṭhawt.

"Naute bawm a ang khawp mai."

"Eng thil nge tih te chu ka hre ve hrep a lawm maw le Luca, kal la va bel chiang rawh, keiin ka lo cover ang che."

Luca chu a nui chhuak hawk a, "Naute lakah min ven i tum a maw?"

"Luc bomb pawh a ni thei, chuti'n awlsam takin kan kutah naute hi min pe mai mai hauh lo ang tih ka chiang." Jonas aw rawl chu a ring kher mai.

Luca chuan ngawi rengin naute bawm lam chu a pan phei a.

"Well Luc?"

"F*ck."

A rawn hawi let a, "Naute a nih hi!"

"Nau....naute maw?" Jonas chu a phu chiang kher mai.

"Bro Jasmine a nih i ring em?" A meng hnuai ruih nghal a.

"Ka hre bik lo bro, mahse he hmuna kalsan tu hian engtin nge inchhung a rawn luh theih ka ti zawk."

"In hnuai lamah khan Star kan hmu a, han ngaihtuah ve la, thil thleng rual te pawh kan ti thei ang chu, chutiang chu a nih i ring ve em?"

"A rinhlelh awm ta viau mai." Luca pawh chuan a ti ve ta a

Naute chu a harh a ni ngei ang, a ṭap ta ngak ngak a, "Luca a harh a nia, thil eng emaw ti teh."

"I fa a nia, nangman tihdan tur te chu ngaihtuah zawk ta che."

"Ka fa a ni tih pawh kan la hriat chian loh hi, a ril a ṭam anih ka ring, eng emaw a ei tur engpawh ngaihtuah sak rawh." Jonas chuan a ngaihna hrelo zet hian a ti a.

"Oh, tehreng mai, hun reilo te min han pe lawk ta che.... chuan keiman ka hrai sak dawn che nia."

"Fridge ah bawnghnute a awm kha."

"Naute hi thah i tum tihna mi?"

"Well, enge naute an pek ṭhin ka hre hlei nem."

"Nu hnute tui emaw naute tana hnek tur chi bik siam chawp kan neilo a nih chuan hospital lamah kan hruai a ngai ang ."

"Si a nih chuan hospital lam chu pan pui nghal mai ang, tiang a naute ṭah tir reng chu kan ti theilo  a ni lo'm ni?"

"Ngaihtuah duh suh, keiman naute chu ka rawn pawm chhuak mai dawn nia, a dik em?"

"Yeah." Jonas chuan chet chhuah pah hian a a chhang a, a car chahbi chu hum chhuakin a kal sawn nghal hmak.

"Beautiful lokal rawh le." Ti in Luca chuan naute chu a kutin a pawm a, chutia naute a han la chiah chu a ṭap a bang nghal hmak a, a kut a hne ta dek dek a.

Inhnuai lamah Jonas chuan a car bulah Luca chu a lo nghak vang tawh a, an awmna hmun a ṭang hian Sierra awmna hospital kha a hlat lem loh a vangin chu lam chu an pan ta a.

Sierra doctor chu hmu in naute chu test eng eng emaw an neih tir ta a.

Jonas chuan test neih zawh hun chu nghak hlel ang reng zet hian a lo nghak a, doctor pawh test nei tura naute a pawm sawn hnu rei vak lo ah a rawn kir leh a, "Naute chu a hriselna a ṭha e, a mah la tu hian a enkawl ṭha hle a ni tih pawh a hriat reng." Tia a sawi chuan Jonas chu a lo thaw huai a.

"Chuan naute hnen a mi sample tlem ka la nghal a, DNA test kha a ngai dawn si a, chuan nangpawh i free a nih chuan i sample tlem ka lak ve a ngai ang, chuan Sierra hnen a ṭang pawhin sample la in in zavai ta hi kan test angai ang."

"Ngati nge Sierra ta lak a ngaih ve kher chhan?"

"Hmm, ti hian sawi ta ila, MrBlack a nu dik tak a ni chiah em tih hriat a ngai ve ang chu!"

"Katih awmzia chu maw doctor, a pa ka ni tih a chian tawh tho chuan Sierra chu a nu tih a chiang dawn lo em ni?"

"MrBlack a hma khan Sierra nen hian fa in neih thu hriat a ni lo a, chu lo ah, i rokhawm tur chung changa doctor khan min rawn bia a, he in hnen a ṭanga kan lak sample ho a ṭang hian in DNA test result a lo en ve dawn a nih chu, chuan a pa i ni lo ang a rinhlelhna i neih pawh hi kan tih chian sak thei nghal bawk ang che , chumi i tih chhung zawng leh he test kan neih chhung zawng chu hetah naute hi kawl a ni bawk ang ."

"Ok, a nih chuan ti zo vat teh ang, a nilo'm ni?"

"A ṭha a lawm." Doctor chu a kal sawn leh ta nghal a.

Jonas chuan pawnlam a ṭang chuan Sierra khuma engmah hreloa mu chu a thlir vang vang a, tu emaw chuan angaihtuahna chu tihbuai an tum chiang a lawm, he buaina hi tu tih tak ni ang maw, buaina nasa tak siam sakin a nupui an lak saka , chuan an hmu let leh ta hram a, chumi tih lai vek chuan fa neiin a fa chu an lak bo sak a, mahse engmah chhan awmlo in a penthouse ah rawn lutin an rawn dah kir leh ringawt bawk a, he an thil tih ah hian engmah phut neilo in an ti tih na em ni ang? Jonas chuan thawk a la hawk a, angaihtuahna chu a buai nuai nuai nimai hian a hre bawk.

Chuan engtin nge a penthouse hi an duh hun hunah an paltlang theih zawk? Ti a ngaihtuahina phone chu aphawrh chhuak a, "Security kha rang takin min biak tir rawh."

A ngak deuh vang vang a, "Hello tunge ka biak hi aw?" A rawn ti ta a.

"I biak lai hi MrBlack a ni e, tunge midang ni se i tih vak chuan a?"

"Sorry sir."

"Vawiin khan ka penthouse ah lut ru an awm a, chu chu tunge a nih ka hre duh, chuan CCTV footage kha second tin in ka hmu duh bawk ang, chu chu zanin ngei hian ka duh! Chuan darkar sawmhnih pali chhunga ka penthouse kawngkhar bula awm hrim hrim tu pawh kha ka hmu duh bawk ang."

Phone chu a cut ta nghal a.

Tunah chuan Star chung chang kha ngaihven a hun ṭan ta ti rilru noh noh chung chuan naute an dah na lam nursery lam chu a pan ve ta a.

Jonas a chhunga a va luh chuan Luca chuan Jasmine ni a an ngih bulah chuan lo kun hniamin naute chu a lo lawm nasa mai a, Jonas chuan men kual.khum rulh chung hian, "Mrs Doubtfire i infiamna neih kha i zawh tawh chuan kan kal a ngai tawh a nia." A va ti a.

Luca chuan naute chu rawn pawm chhuakin, "Enteh bro, naute cute zet ni in ka hria." Jonas lam chu arawn pan phei pui a.

"Ahh, i sawi dikin ka ring."

"Kal chu i inpeih tawh maw?"

Luca erawh chuan a naute pawm lai ngawt chauh chu a ngihven tih hi a hriat a.

"Jo han en chiang ve teh, a i fanu diktak a ni tih hi ka chiang lutuk, enteh a chhun zia che hi!"

"Khatiang thil ṭullo lutuk kha i sawi a a ngailo ang, a chhan chu ka fa a nihleh nihloh pawh kan la chian loh hi ." Jonas hmel chu a rum leh nghal ul tawh a.

"I fa ngei a ni ka tih chu ka feel thei, he naute hi Romano thisen a ṭanga chhuak ngei tih ka hria a lawm, Jo rawn kal la, han pawm ve chhin teh!"

Jonas chu a tawlh hnung nghal dawrh a, "Nilo ve,  ka kal a ngai."

"Hei baka pawimawh thil dang enge awm chuang?"

"Oh, ka hre bik lo, mahse kidnapper te pawh kha tunge a nih zawng chhuah tum ta ang  ila." A maimit chhing pah sawk bawk a.

"Dex khan a mi te zinga mi pahnih arawn thawn dawn a, pakhat chuan Sierra room a veng anga, pakhat chuan naute awmna room hi a veng thung ang, chumi te rawn thlen hma chhung chu nangin tah tian lo veng thung la."

Luca chu a nui chhuak suk a, "Doctor chu a hlim vakin ka ringlo, a chhan chu nursery roomah bodyguard i dah ngat chuan a duh dan a ni hauh lo ang le."

"Engangin nge doctor chuan angaih dawn tih lam.ka ngaihtuah hrep lo." Joas chuan a ti let hmuk a.

"Nakinah ka rawn call dawn che nia." Ti lehin a in her nghal ta vut a.

"Ok, bro."

Jonas chu a kal chhuahtuma a pen sawn lai tak chuan naute chu a rawn ṭap leh ngak ngak a, a kal lai chu atawp chawt, mahse Luca chuan a awi niawm tak a ni, "Shhss."  A tih chuan naute thawm chu a reh veleh mai a, thawk lak hawk pah hian room chu a chhuahsan zui ta nghal a.

Motor parkna lam chu panin a carah chuan a ṭhulut nghal a, car chu ti nungin a tlan chhuak a, a phone chu phawrhin, "Star Jonas ka nia."

"Tun a ṭanga darkar chanve chhung hian ka penthouse ka thleng hman anga, tah chuan nangpawh lokal mai rawh."

"Jonas hmun dangah kan chhuak dawn i ti emaw ka tia."

"Hmun danga mi eitur la in ka penthouse ah kan ei dun mai dawn nia."

"Ngati leh ta si nge?"

"Well, kal chhuah ka duhlo a ni mai, ka penthouse ah chuan kan inhmu dawn nia." Ti in ohine chu a cut ta nghal a..

"B*tch." Ti in a phun pah sup bawk.

Jonas chuan a penthouse a thlen hnu rei vaklo ah Star pawh a rawn lang ve nghal a, mahse dinnee lam a ngaihven ni pawhin Star chuan ahre lo, Jonas awmdan chu mak a ti deuh viau mai, "Hmun danga mi dinner  kan order ang ti khan i sawi in ka hria." A ti ta nge nge a.

"Inbiak hmasak ka duh." A lo ti bung nghut a .

"Eng chung changah maw?"

"Sierra chung chang ah."

"Chutiang engmah sawi tur ka neilo, chulo ah i nupui hlui chung chang kan sawi a nih chuan kan mood a ti off nghal vek dawn tih pawh ka hre sa bawk."

"Nupui maw le." Star chu rum zet hian a melh bawk a.

"Enge chu chu?"

"Sierra hi ka nupui hlui nilo in ka nupui ngei a nih hi!" A vin chhuak ta ṭhawt a .

"Jonas heng zawng zawng hi engvang nge?" Star chuan a kut a kuang kuah pah hlan a, chuti khawp a Sierra thlavang han hauh sak chu mak a ti hle bawk, a mi hriat Jonas hian midang thlavang a hauhsak pawh a la hre ngai lo.

Jonas chuan a thusawi chu a chhunzawm leh nghal a, "Sierra kidnapping chung changah khan. A chungah thil eng emaw tak i ti ni in ka hria."

Star chu za zet hian alo nui a, "credit min pek na hi a hla mah mah deuh lo maw?"

"Huhh, he thil a thluak vai vir tu i ni ti hian ka sawi reng reng lo, ti hian sawi ta ila Elijah thluak a nih ka ring mah zawk."

"Elijah maw?" Star chu a phu deuh zawk a.

Rum zeta Jonas melh chung hian, "Kha mimawl zet nen khan kan inthurual i ring a? Jonas lama a awn deuh hlek pah hian, "Thil eng emaw awihawm deuh hlek te phuahchhuak zawk la." A va ti sa sa a.

"Star he thilah hian inhnamhnawihna i nei tih ka hre chiang lutuk, chuan vawiin a heta i rawn kal chhan pawh kha ka fanu rawn dah tur intih pawh hi ka hre tawh bawk." Jonas chuan alo tih khum a.

"I fanu i ti em ni, fa i nei a maw?" A hmelah chuan Jonas thu hrilh chuan a ṭhawn zia hi a lang a.

A hmel chu thinrimna hian a thlak thlenga , "Jonas engvangin nge ka chungah tiang hi i tih theih zawk?" 

"Eng chu nge  ka tih a?"

"Sierra kha i ṭhen dawn ti in i sawi kha, kha kha plan a ni lawm ni, chumi chu nilo in fa hial a nei tawh tihna maw? Kan pahnih a awmdun kan rel kha, chuan Jonas ka hmangaih zia che pawh i hria a lawm." A mittui chu a tling pam a.

"Star engtik laiin nge i bulah kan awm dun tur thu ka sawi reng reng a?"

Star chuan hnaihchilh leh deuhin, Jonas shirt hak kawrkilh chu tlem a phelh thlak sak in, a kut chu a rawlh lut a, Jonas awm chu chul.sak pah hian, "Jonas khawngaih takin tiang chuan ka chungah tilo hram rawh, ka hmangaih lutuk che hi ka ât phah lo chauh a sin."

"Jonas ka hmangaihna che hi ringhlel lo hram rawh."

For f*ck sake Jonas chuan thawk a la hawk a, "Nang pawhin min hmangaih ve tih hi ka hria a lawm, kan pahnih baka tiang lama inti lawm.tawn thei pawh hi ihre lo ang." Jonas kekawr zipper chu hawngina a chhungah a kut chu a rawlh lut a, a thiamna zawng zawng nen chuan a khawih ṭan leh mial mial tawh, chutih lai chuan Jonas rilru ah vethung erawh he nu hian engthil chiah nge a hriat tih hi ka hriat chhuah ngei a ngai ang tih chu a ngaihtuah ve thung a .

Thawk a la pah kawk a, mahse tianga min khawih reng a nih chuan engtin nge ka tih theih ang, an thil tihlai mek chu a tihlohna a rei tawh bawk nen, hnuailam chu a tho rang kher mai, Jonas chu a in sum thei bik lo, Star chu pawt hnai hrawkin, a hmui chu a tawhchilh sak nghal a, Star chu rawn ṭawngchhuak lehin, "Darling khawngaihin i bedroom lam kan pan dawn em niang?" Jonas chu a harh chhuak thut, Star a fawhna a ta chu a in la hrang nghal a, "Nilo, ka ti thei lo."

A thawmhnaw inbel chu a siam ṭha nghal a, "Engthil nge nangmah ah hian thleng chiah le?"

"Ka thu hriat duh kha min hrilh ringawt mai rawh."

Star pawh chu a thinrim ve tawh kher mai, "Eng mah hriat ka neilo ka ti tawh a nilo em ni?"

"I chiang chiah maw?" Jonas chuan a silai pai chu phawi chhuak nghalin, Star chu a tin at run a, Star hmelah chuan thlaphanna hlir hi chawp leh chilhin hmuh tur a a awm nghal.

"Star sawi ṭan rawh le, a nih loh chuan  ka that ang che ."

"Engmah hriat ka neilo, ka ti tak tak." A hlau lutuk chu a tawng khur hlak hlak bawk a.

Luca pawh a rawn lang ve ta a, "Jonas engkim a ṭha maw?" A rawn ti a.

Chu chu remchangah hmangin Star chu Luca lamah chuan a tlan phei a, "Min pui rawh, Jonas saw a â zo tawh ni in ka hria."

Luca chu za zet hian a lo nui chhuak a, "Tunah i hre ve chiah tihna mi?"

"Bro a ni hi engtia tih nge i duh?" A ti ket zawk ta mah a.

"Inhnuai lamah khan lo zu khung leh phawt ami teh, chutia ni rei vaklo kan khung bo a nih ngat chuan a ni ang chi sazu hi chuan a sawi chhuak vek ami ang."

"Niloooo." Ti in Star chu a au chhuak chiam a .

"Chuan khatianga a au chhunzawm leh dawn a nih vaih chuan a ka kha hnawh sak nghal hmiah ang che."

*******       *******       ******

A FEW DAYS LATER....

Jonas leh Luca chuan hospital lam an in an rawn phone a vang chuan chulam chu an pan a, Sierra room ah chuan lutin Jonas chuan khawdang a hawisawn thei meuh lo, a nupui khum a engmah hrelo amu chu a thlir tlawk tlawk a, a rilru pawh a kal ding ngawt ang tih hriat sa a ni.

Luca chuan biak buai chi ah pawh a ruat hek lo, rei vaklo hnu ah chuan doctor chu a rawn thleng ve a, "MrBlack DNA test result kha kan nei tawh e." A rawn ti a.

"Yeah?" A ti chhuak sup.

"I duh chuan ka office ah rawn kal.la, ka lo chhiar chhuahsak dawn che nia."

"A ngailo ang, naute kha ka fanu a ni nge ni lo tih kha sawi la a ni mai, chu zawng chu ka hre duh!"

"I fanu a ni e." A nui chhuak sak a.

Luca pawh chuan nuih chhuah suk pah hian, ka ring reng a." A lo ti ve bawk a.

"Vawiin ah chuan Jasmine pawh inlamah i hruai haw thei tawh ang, a mah a hriselna a ṭha a, engah diklohna a nei bawk hek lo."

Jonas chu a lo ṭawng chhuak vat, "Nilo, a nu bulah hian a awm ve tur a ni."

"MrBlack chu chu a theih loh ang tih ka hlau ngawt mai, a chhan chu helai hi hospital a ni a, nurserry hmun nilo in, i hruai haw duh lo a nih chuan duh leh child welfare an awm a, chung ho kutah chuan kan dah rih mai a ngai ang."

"Kan hruai haw a nge." Luca chuan a loti ve vat a, Jonas chuan alo melhnghal kawk .

"A ni lo'm ni Jonas?" A siai khum.zauh.

"Yeah." A ti ve ta sup a.

"Ṭha lutuk, a chhuahtheihna tur ka lo buaipui nghal ang e."

Doctor kal.tak hnu chuan Luca chuan a rawn pan hnai a, "Bro i fanu chu va hmu ve la a ṭha ang."

"Luc ka thei lo."