TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 12

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 12

"Ok, anih shower ka va hmang ang a, tichuan insiamin warehouse lamah ka kal leh nghal ang." A ding chhuak ta a.


Darkar rei vaklo chhûng chu mutna hun ka la nei tiin khumah chuan ka mu thla leh a, ka maimitchhing ta nghâl a.

TREY'S HOUSE.....

SOFIA....

 Kawngka kik rîk karh karh avâng chuan ka mu chu ka harh a, "Minute khat lawk aw." Thophang aw zet chuan ka ti a, ka la hám bâi bâi nghe nghe, ka tho chhuak a ,"Ugh, lo lût rawh le."


"Hey, dinner ei turin i lo inpeih ka ring tawh a sin." Alexandra chu arawn nui lût var var a.

"Dar engzah nge ri tawh a?" Makti zet chuan ka mengphâwk deuh hra a.


"Lunch time."

"Pawi lutuk, ka lo muhil leh daih a, minute 20 hun min pe rawh, ka rawn inpeih vat ang."



"A pawi hlei ném, kitchen lamah ka lo nghâk ang che."

"Tûkin ah Theo i hmu em?"


"Aw, ka pa nén warehouse lam panin an chhuak dún a arei ve leh tawh mai."

"Ok, minute 20 chhúngin rawn inpeih ka tum dawn nia." Ka ti leh a.


Alexandra pawh chu achhuak ta nghâl.a.


Bathroom ah chuan shower hmang tùrin ka lût ta vat a, tuilum chu ka inphuh tir nghâl a, Alexandra vawiin lama a hlim dánah kha chuan nizan lama thilthleng kha ahre ve miah lo anih dawn hi tih chu ka ngaihtuah pah niap niap a.


Ni e, a hre tûr ani lo ang, vawiin ah pawh abulah eng nge sawi tûr tihah ka fímkhur hle angai ang.

Bathroom aṭang chuan ka chhuak a, Theo pawh text ila aṭha ang, khum lamah chuan ka thawmhnaw hâk tûr chu ka thehthla a, ka sam ka chhémro tir zuai zuai hnu chuan ka thawmhnaw chu ka inbel leh phawt a, ka phone chu la in Theo message túr chu ka type ta nghâl a.


Hey, Theo , Sofia ka nia, shooter chung chângah khαn chan chin thar a awm tawh em? Alexandra nen lunch eiturin kan chhuak dawn chiah, nakinah ka rawn be dawn che nia. :)

Ka pheikhawk chu ka inthawlh leh sawk sawk a, ka sam chu khuih leh thuak thuakin inhnuai lamah chuan ka chhukthla ta vat a.



DOWNTOWN
The Bronze Dragons ware house

THEO....

"Nizân thilthlen dân chanchin hriat chhuah kan nei tawh em?"

"La nei rih lo." Detroit chuan ka pa lam melhzauhin a ti a.


"Ka ngaihdân chuan Martinez khata awm ve rengin kha hmunah khαn attact atih tir duh dawn em ni? Ka lo ti ve mai mai a." Hunter chuan a ti sup a.


"A tih ngei ani tih hi ka chiang a ni!" Detroit ve thung chuan a
 ti ve hmuk a.


"Chhuanlam ṭha tak anih chu le." Cooper chuan mengkual rulh pah chuan a rawn ti ve leh sup a.


"Tûnah tak hi chuan tumah nén buaina pawh kan nei bawk silo a."


"Clegg containers khawihbuai tu te lo nen kha chuan ti raw?"


"Keimah ni anih lo vék chuan Martinez ho an ni ngei ang, ami lehsa te ho khân containers kha an khawih ani lawm ni? Chu bâk lo chu tudang han puh túr pawh ka hre bîk lo." Hunter lam melh zauh pah chuan ka ti ve a.


"Containers chung chang ka ngaihven lo, ka hriat duh zâwk chu ka area chhûngah tunge silai rawn chelek tu tih hi ka hre duh!" Ka pa chuan ati chhuak ta ṭhawt a.

"Martiinez thil tih ngei ani tih hi kan rin ngeh ṭûlin ka hria." Clegg chuan alo ti damthluam a .

"Kei pawhin tûnṭumah chuan ka remti e, Martinez chhûngkua leh Fangs a pâwlte ho zawng zawng tih tlûk theih hun rem châng takah ka ngai lo thei lo."

"Nilo, Hunter arisky lutuk ringawt." Detroit chuan alo ti vat a.


"Kei pawhin ka pawm e, tûnah tak hi chuan Terence hian asecurity pawh a up belh vak ang tih hi ka hria ani. Tûnah hi chuan Terence bei túrin kan thawkchhuak theilo ang, kan mipa te ho nunna chu risk ah kan dah ngawt thei lovang." Ka pa bawk chuan ati leh a.


"Kei chuan hei vâng hian alawm he  thil hi tih kan tih zawh vat angai ni a ka lo hriat chhan chu!"

"Nilo e, Cooper ahmasaber atân chuan plan fel tak kan neih hmasak phawt angai in ka hria, chumi túr chuan he hmmeichhia hi tunge anih choah tih hi kan hriat hmasak phawt a tûl ang." Ka oa chuan a ti keh a.


Detroit chuan ka lam rawn hawi pahin, "Theo i game chu ṭan ahun tawh viau in ka hria, Terence hi hethilah hian khawiah chiah nge a inhnamhnawih tihah hian nang hi kan khuavâng chu i ni ta e."


"Engtin nge ka hmuh theih ang? Terence hi kan huat ang tluk zetin he nu pawh hian a haw ve bawk si a."


"Chu chu engvâng nge? Tih hi a lawm kan hriatchhuah angaihna lai choah túr chu!" Ka oa chuan arawn ti ve leh khurh a.


Beep ,beep, beep

Ka phone ah chuan message rawn lût chu ka en vat a, "Sofia a nih hi!" Tiin ka open a. Hey, Theo , Sofia ka nia, shooter chung chângah khαn chan chin thar a awm tawh em? Alexandra nen lunch eiturin kan chhuak dawn chiah,  nakinah ka rawn be dawn che nia. :)

Engmah chutiang chanchin hriat túr a awm rih lo, ka tih zawh veleh ka rawn call dawn che nia. ;)

"Eng nge aduh leh tâk a?"

Ka pa lam chu ka melh zauh a, ka phone chu ah ṭhat leh pahin, "Tunge shooter tih kan hriat chhuah tawh leh tawh lo a rawn ngaihven anih kha." Ka ti ve hmuk a.

"Engmah hrilh miah suh ang che, Terence a châwm létna tûr thil engmah i hrilh loh ngei pawh ka beisei." Detroit chuan ati a.

"Kha chu kan la hre chiang bíklo ani lawm ni?" Ka mengkual pah rulh a.


Ka pa hmél chu arum leh zual sauh tawh, "A dik e Theo, he nu chung châng thil engmah hriat kan la nei bík lo, chuvâng chuan héng kan information hrilh luih hi chu ti hauh suh." Ka pa chuan a tichhuak ta hrawih a.


"Ok, inbengdai teh! Zanin ah ngei hian abulah ka lo thawk ṭan tawh dawn nia."


"Tûnah khawiah nge a awm?"


Detroit lam chu ka melh a, "Alexandra nén lunch eitûrin an chhuak dûn!" Tiin ka chhâng a.


"I unaunu ama bula awmturin amah chauh leh nghalin i kal tîr a maw?" Ka pa aw chu a ṭéng chher chuai a.


"Alexandra sâwm chhuah ani mah záwk ang chu!" Ka ti leh nghut a, diktak chuan Sofia hi chutiang mizia chu aneih ka ring lo hrim hrim, mahse ka la hriat chian bík chuanloh avâng chuan engmah phei chu ka sawi chhuak duh lém lo.


"Car kha va la vat mai rawh Theo."


"Detroit zanin ngei hian tunge shooter tih hi hriatchhuah ka duh bawk ang."

Ka pa nèn chuan car lam pan chuan kan chhuak ta nghâl a.

SOFIA.....

Alexandra nén chuan carin kan inkhalh chhuak a, ke a thui vak lo kala vah harh ve hrim hrim kan châk avâng in car chu kan park ṭha a ke in kan vák kual ta a. sweet and cafe bul kan thllen chuan "Lunch atân cupcake kha i sawi em kha?" Ka nuih var var a.


"Ka sawi ngei ka ring hma han hruai la!" Phûr zet hian alo ti ve a, coffee leh cupcake a inthun puar tûr chuan dawr chhúngah chuan kan lût dûn ta a.

Ka phone chu arawn ri a, Theo chuan ka rawn call ang che atih chu a theinghilh lo chiang e. "A aw ril raih mai leh mi híp thei zet ka hriat chuan ka khawng lo chauh, "Khawiah nge lunch chu in ei?"

"Sweet and cafe ah khân."

"Khawiah maw? Chutiang hmunah tunge lunch ei ngai."

"Oh, cupcake kan duh ve ve alawm Theo." Ka nui ri hak a .

"Ok, anih ka dah."

"Theo em ni?"

Alexandra chu ka melh zauh a, "Aw ni e."

A hmûi chu aner sâwi deuh nânga, "Ok, ani hi chu big brother nih hi nuam ati thei lutuk." A nui ta hak hak a.
Kan eitûr te kan lák zawh hnu chuan dawhkan ruak lam chu kan pan phei a, kan ṭhutna tur chair chu pawtchhuakin ṭhuthmun kan rem tè tĕ phawt a, kan thil lam chu kan ei dûn ta mawlh mawlh a, Theon khán a sawi dik chiah mai, Alexandra cupcake eilai chu ka en reng a, a duh ve viau ani ngei ang,  a keih tân tàn mai a, ka cup cake lâk chu ka keih ve zauh a, coffee chu ka dâwt leh khalh a, ani chuan napkin hian a hmûi berh liai chu a hru mawlh nawlh a, a cupcake eilai chu tui ti zet hian akeih leh ṭhin a, chutia athil eilai chu ngawi reng a ka en vang vang hnu chuan, "Anih Theo chu engtiang chiahin nge a big brother nihna chu alantir?" Ka ti ta a.


"Ka chungah aṭha lutuk ringawt , ka bula a awm lo anih pawhin ka duh hunah nitin deuh thaw min rawn be ṭhin a." Anui pah sáng a.



"Kei pawhin u mipa neih ve hi ka châk thei lutuk." Ka ti ve sap a.


"Pianpui unau dang i nei em?"


"Half sister chu nei e, mahse ka mit hmuh phâkah hian awm lo se ka ti mah zâwk."


"Tak tak maw, a sual viau tihna em ni?"

"Chu aimah pawh a chhe záwk chu a niang." Ka chal ka dawm pah ngâih a.

A intura tâna latte alam chu a inzauh a, "Anih leh nizân dinner in ei chu eng nge a an?"


"Um.....dinner hlâwkthlak tak ni in ka hria." Ka ti ta ringawt a.


"Eng tiangin maw?" Ka rinai daihin Alexandra chu a dílchhût reuh a, min hrilhdânin tleirawl kum 16 lai chu ani ve tawh a, mahse naupangte ang maiin athil hriat duh tawh lamah chuan a a dílchhût ṭhin ni in ka hria, Theo ina akum zah min hrilh dânin Alexandra nén chuan kum thumin an inthlâu tih pawh ka hria.


"A mak dang dai ani mai, i inneihna ni tur midangin an relfel lai ngaihthla tu a lo ṭan chu!" Ka ti ta a.

"Theo nèna he thil intih chhan pawh hi ka hrethiam lo, engmah thil tihsual palh pawh awm silo, kei chuan hetiang arrange marraige hi ka remti ngai lo ang." A ti ve a.


"I tidik e, remti ngai lovang che." Ti a hrilh sap pahin ka cofffee dai ve tawh tak chu ka dâwt leh khalh a.


"A nih engvαngin nge rem i tih si?"

"Duhthlan tûr dang ka neih loh vâng te pawh aniang chu!"


"Well, Theo chungah thil chhe tak i ti thei dawn tihna anih chu." A khabe chu a rawn dawh deuh hâ a.


"Chutiang záwng chuan maw ni a?" Ka meng tâl deuh tap a.


"Ni teh réng e, ka thian te zawng zawng hian Theo hi hot stuff ah an ngai vek a, kei erawh chuan chutiang anihna réng ka hmu ve lo."

"Uhh, i ṭhian te ngaihdân chu ka tâwmpui ve e." Ka nuih pah séih a.


"Eng vângin maw?"


"A hot ém vâng in maw le." Kan nui dûn ta hak hak a.

Ka hawi chhuak zauh a, kan piah lawk ah chuan Theo leh a pa kan lam pan a rawn kal chu ka va hmu a, an pafa chu an inang dûn khér mai, tu pawhin hmu se pafa an ni tih chu an hai hlawm hauh lo ang le, Theo chuan kan lam chu amitmu pâwlruih mai fiah kâk chu ka chungah afu reng ani tih ka hriat chuan ka pumin ka sa hat hat nghâl leh der tawh, kan bul an rawn thlen chuan ka lam chu arawn melh a, "Tu maw hot a?"

Zâ zet a nuih chhuah hak hak pahin Alexandra chuan, "I hriat ve atûl hauh lo, hmeichhe ti ti anih hi!" Intihtheih hmél zet hian alo ti var a.


"Dad hetah eng nge i rawn tih ve a?" A tih zawm nghâl zat a, Trey hian engtik lai mahin ka chungah hian nélawmna alantir ngai lo, chu vâng chuan nél pawh ka nél thei lo.

"Heta ka awm ve nachhan chu inlama hruai haw tûr che in maw le!"

"Mahse ina haw ka la inpeih hlei nèm." Alexandra chuan apa mitmeng vawt ruih mai chu thîp zet hian amelh lét ve khâi khâi a.


"Sorry kiddo, darkar rei lo te chhûng chu Sofia hi hruaichhuah ve lawk ka duh a." Theo chuan arawn ti veleh chu, ka zâmna ati zual sauh, hnuailam melh raih pah hian ka kut chu ka nuai deuh nawk nawk a.

"Uhh, chu chuan anghák thei mai lo em ni? Sofia nén hian hun nuam tak kan lo hmang dûn mèk asin." A ti leh hmak a, atûm nghál bâr bawk a .


"Alexi ka hlâu hlel lo, mahse lunch inla nei leh thei tho alawm."


"Come on, princess, hna thawk tûra ka kír leh angai dawn nia." Trey chu akal nghâl daih a.


Alexandra chuan apa chu ninhmèl zeta men tâl khum deuh tap pah chuan, "Nakinah inlamah ka hmu leh thei che ang em?" Ka lam rawn hawi pah chuan ati leh sep a, ahmèl chu angui nghál vek tih pawh ka hria, kan pahniha kan lo inkawm laia hmèl hlim zet aput kha abo zo vek tawh.

"Tehrèng mai." Ka lo ti thuai a.
Hmél ngui zetin apa kalna lamah chuan achhuak ve ta a.


Alexandra ṭhutna chu Theo chuan arawn luah nghâl a, "Aww, Alexandra khawngaihthlák ahlimloh hmél hle mai." Ka ti zauh a.

Theo chu za zet hian anui chhuak hawk hawk a, "Hlim loh vâng ani lo, a tûm anih zâwk kha, a duhloh dân zâwnga awmtir hi chuan naute lianpui ang mai a la ni ṭhin!" Nuihmél hi ala pu zyi sáng a, anuih zâwnga abiangsum khuarh kalh mai leh a ha vâr rualh ṭhah mai lang chu hmuhnawm ti zet hian ka lo thlîr dauh dauh thung!


 Nuih lét ve hak hak pah hian, "Anih leh héng thil zawng zawng hi eng nge a awmzia?"

"Lokal rawh, clubah kalin intûr va dawm ang, chumi zawhah kan ti ti bawk ang a."


A thusawi chuan min ti phu zawk, "Chhûn chhûnah hian maw?" Makti zet hian ka melh kawl kawl a.

"A pawi vak em ni?"


"Engvαngin nge inah haw phawtin kan thawmhnaw te hi kan thlαk phawt mai loh ang?"


"Engvângin nge chu chu kan tih kher aṭûlna?" A ti lét veleh sup a.


"A chhan chu clubah kan kal thei anih chuan zân hun pawh kan siam theih ngei ka ring." Ka ti ve ta hmiah a.


"Mahse tûna i hâklai hi aṭha tâwk viau a sin, a nihnatakah chuan he i leather jacket i hâk hian ka duh zual leh phah saih mai thei bawk che a." Rawn kûn hnaih zauh pah chuan a rawn ti deuh sâ sâ a, min flirt pah tih chu ka hai hauh lo.


Za zet hian ka nui chhuak leh hak hak a, "Ka lawm e, mahse inthlâk chu ka la duh ta tho mai."


A ngawi deuh vung vung a ninhmél zeta mi menkual khum deuh rulh pah hian, "Ok, i tih tlat chuan le." Ati ve ta sup a, aṭhutna aṭang chuan atho chhuak ta nghâl a.

"Ka lawm e." Ka mit chu ka siai khum zauh a, engah mah ngaihloh hmèl zet chuan a kalsawn zui nghâl daih, thâwk lâk halh pah chuan ka zui ve ta a.


Inlamah chuan kan inkhalh haw leh a, khua pawh atlâilam veta ruih mai, kan room lamah chuan ka chho nghâl a, thawmhnaw dahna chu ka hawng a, clubah chuan  engkawr nge ka hâk ang tih chu ka ngaihtuah pah nep nep a, sexy deuh hleka inthuam chu ka duh a, chuan Theo in leather jacket a duh tih ka hre bawk a, oh, Sofia, Theo an analh atih zâwng ahrilh mai che avαnga engvânga a lawm zâwng tûr chu ngaihtuah ta mai nge maw i nih chu le? F*ck Sofia.

Ka chal chu ka béng deuh dat a, kawr chhîng leh pawnfén tight sexy ve deuh tak chu ka thlang chhuak ta a, achhe hran lo ve.

"Ka duh záwng tak." Tiin ka phun chhuak sap a.

Theo chu a inpeih ve tawh ang em le? Ka phone chu a rawn ri ral ral a, ka bag ah chu ka zen rak rak a, ka en chuan ka pa number ani tlat, ka thin chu aphu nghâl dawt dawt a, hreh zet chung chuan ka pick ta hrâm a.

"He....llo."

"Eng infiamna nge maw i hman chu le?" Ka pa aw vìn tak mai chuan thinrim zet hian min vín khur khur a.

"Engamah chutiang hman ka nei lo, ti nge?" Ka aw chu pángai thei ang ber chuan rìk chhuahtir ka tum a, ka kut ka phone kenna  erawh akhúr nghâl zawih zawih.

"A nih chuan engvánga nizâna inneih ni sawn hnaih kha rem tih pui nge i nih?"

"Ka remtih na chhan chu keimah min rin theihnân chauh a ti ka nia lawm."


"Chutin anring mai mai hauh lo ang che, chivâng chyan kan plan dán ang khân awm ri ngawt mai rawh, chu chu i hria maw?"

"Er....yes...."


"Hrilhnawn leh ngai tawh suh ang che Sofia."

Phone chu athi nghál hmiah.


THEO.....


Insiam peih vekin hnu chuan inhnuai lama Sofia lo nghák tûr chuan ka chhukthla a, ka pa chuan chîk zet hian min lo melh leh rûn tawh, abul ka thlenthlâk hnu chuan kal pèl mai hi ka tuma, "Khawiah nge kal i tum?" A rawn tih sup tákah chuan ka inher lèt a,"Club ah ani ang chu!"


"He nu aṭang hian chhânna nei vat rawh ka tia lawm, wine  leh dine out lam nilo in!"


"Ka hrilh tawh che ani lawm ni, inrin ngam tir phawt angai ani ti khân, chumi ah chuan min tih tir dawn nge ni a, nangmahin i ti tawh záwk dawn." Ka pa chu rum zeta melh lét ve pahin ka ti bung nghut a.

"Ka thusawi awmzia chu i hria ang ti raw dad?" Zalo zet hian ka ṭhen khum suk a.

"Kâr khat chhung hun i nei e, chumi chhûnga i ti lo anih chuan keima'n ṭha ka tih dân angin chèt ka la tawh ang." Ka pa chu akal sawn ta nghâl a, thâwk ka la ri hawk a, ka rilru chu abuai kher mai.


Sofia pawh arawn chhuk thla ve ta a, ka enrenga athawhnaw hâk chu a inhmehpui kher mai, avun sen ukkharh mai leh apian zén thlarh nén chuan  a inchawih tak zet, ka bul arawn thlen thlâk hnu chuan ka lo inthunun hman hlauh, "Kal chhuah chu i inpeih tawh maw?"

"Peih tawh e." A zám ru leh tawh tak zet tih pawh ka hai hauh lo.

"I kawr hâk kha i inhmeh lutuk a nia."

"Ka lawm e, nangpawh i inhmeh khawp mai." A bán chu atuai pah neuh neuh a.


A mah ena ka ngawih deuh vung vung hnu chuan, "Anih kan kal tawh dawn em ni ang?"


Pâwn a ka car awmna lamah chuan kan inzui chhuak a, Club chu darkar khat pawh tling loah kan thleng va thleng, bar lamah kan inzuiphei nghâl a, "Eng nge i duh ang." Ka melh chhuk zauh a.


"Jake ang coke ka lo duh ang chu!" Khati khawp a a awm tawh hnuah pawh Jake and coke bawk ala duh fan tho chu a nia le.

"Ka'n la ang e." Ka kalsawn a, bartender hnenah chuan ka intur chu ka lam zawm nghâl a, "Jake ang coke leh beer bottle 1 min pe thei ang em?"

Ka thil duh chu min rawn pe nghâl a, Sofia lamah chuan ontur nen phei lehin, "Kha le."


"Ka lawm e."


"Vawiin Alexandra nena hun inhman dun chu eng nge a an." Beer chu ka innghâl a.

"A ṭha ani mai, doll ang chiah ani." A ti siam siam a, Alexandra angaina nghál ringawt mai chu mak ka ti viau, inkawm tûr tak te pawh an ni ang e.


"Doll ang mai a?" Ka nui chhuak hawk a.


"Tehrèng mai, a duhawm lutuk ringawt."

"Nia chutiang chuan la sawi zèl phawt mai ta che." Ka nuih leh suk a.


"Shooter chung châng kha hriat Chhuah ani tawh em?" Ka en reng lai chuan a intûr chu atem ve hlak a.


"Nope, chutiang engmah ala awm lo."

"Tu nge ni a inrin deuh rèng rèng?" Min rawn melhchho ve zauh a.


"Chutin kan la hre mai lo, amah erawh chu kan la hre chhuak thuai erawh chuan ka ring!"


"I sawi dánah khán i chian hmel hle mai." A rawn ti sap a.


"Khawi hmunah pawh mit leh beng kan nei alawm." Ti chauhin ka chhàng leh a.


"Oh." Ti leh zauh pah chuan a drink chu a lem leh khalh a .


"Ka hhnárah hian powder tlèm ka va hnawih ve lawk ang e, ka rawn kîr leh thuai ang." Ti a fiam ve zauh pah chuan washroom lam chu ka pan san ta a.


Washroom ka thlen chuan ka ding deuh vung vung a, a mahah ka thil duh chhânna chu ka hmu hauh lo a, mahse Sofia chu spy anih na áwm rèng ka hmu lo.

Chutiang a mi han tina duh tûr chi ni pawhin ka hre lo , ka lakah engmah zep neilo a asawi chhuah ngei ka ring bawk, alaka ka rilru put dán chu anèm sáwt riau ani tih pawh ka inhria, huat tum rûn reng lo phei ilang chuan ka hmangaih daih tawh mai thei a ni. He nu hi hmeichhe dang ang ani lo a, keimah ah hna athawh dán chu hmeichhe dang ang ani ve hauh lo bawk, hetiang a ka rilru hneh thei tu hmeichhia hi ka tawn áwm pawh ka hre lo.


A chanchin hi zép neilo in min hrilh sela, kei pawhin alaka ka rilru put dán diktak hrilh mai pawh ka hreh tawh bîk awm lo ve.

Washroom chu ka chhuahsan a, Sofia awmna lam pan a rilru engtháwl zeta ka phei, ka thil va hmuh chuan min ti phu chiang hle mai, saw pa saw tu nge ni hrep? Ryan a ni tlat, Sofiah leh Ryan chu duh thawh zet hian an lo infâwp mawlh mawlh lai chu ka va hmu ta phut a, min ṭhâwng kher mai, Bronze Dragons club ah leh nghál eng angin nge Sofia chuan angaih teh hrep chu le?


Ka rûm chhuak nghut a, avawikhatna atán, a vawikhat na atân tak tak keimah ah thîkna a rawn awm ve a, thâwk harsa ka ti kher mai, chutiang feelings chu tu lakah mah ka la nei ngai lo.