SEPNAYA REAKTSIYA MAFIA ROMANCE SEASON 2 KING THEO 18+ CHAPTER 10
"Nikhat chu kha i hmui smart tak avâng khân buaina tam tak i la tawng khawp ang le." Rum zeta melh chung hian ka tih khum leh khur khur a.
"Chu chu i ring a maw?"
Ka ning tak zet, ka chhânlét chhúng chu min chhâng dawn tih chu ka hre ta a, menkual khum deuh rulh pahin bathroom lam chu ka pansan ta daih a.
Bathroom aṭanga ka chhuah leh hnu chuan alo insiam fel diam tawh a, ka inthlâk ve sawk sawk a, "Kal ang le." Nghah pawh nghâk khawmuang hran tawh lo in ka chhuahsan daih.
Sofia nena car lama kan ṭhut luh hnu chuan ka car chu ka tinung a, kan tlân chhuak zui ta a, bathroom ka chhuah hnu aṭang khán 'kal ang le' tih bák kha engtin mah kan inbiak ka la hre lo.
"Zing aṭang tawh khán engin nge chuti fako a i rilru ti nuam lo va?"
Ka melh zauh a, "New York pan túr a kan inkhalh kír leh angaih avâng hrep hian maw le."
"Alo berah pawh engvânga kîr leh nge kan nih chhan hre túr hi kan ni si a."
"Ni mai thei." Ka chhân bung theih ém avâng chuan thâwk ala rihak tháwm chu ka hria a, angawi zui ve ta a.
Inlam kan thlen hma chu ṭhudun ve si in kan inbiak chhunzawm tawh lo.
Darkar reilo te hnuah chuan kan inkawtah motor chu ka ti ding a, Sofia nén chuan ngawi rengin kan inzui lût a, ka nu kan va hmu hmasa ber a, "Hey mom!"
"Damn, Theo min ti phu nasa lutuk." Ka nu chu aphu chiang kher mai, kan lam pan chuan arawn phei vat a.
"Mom, i ṭawngkam kha." Ka lo ti zauh a.
"I pa in hetiang ṭawngkam hi nitin in ka bulah ahmang reng ṭhin a, chu bâk ngaihthlák túr ka neihloh avángin ka lak aṭangin chu bâk eng nge beisei i neih chuan?"
"Ka pa manner ṭhenkhat ila thunun theilo i tihna ani ngei ang."
"Theo nangmah a ka tih bαk hi thil dangah tih leh ka tum tawh lo, chuan he ina ka awm chhan pawh hi i laka beisei na sáng tak ka neih vâng chauh a ni záwk asin."
"Eng pawh chu ni teh se, Sofia i ṭha maw?" Atih zawm leh nghâl a.
"Ka ṭha e, Mrs.Bailey ka châu deuh hlek a chu chu ani mai."
"Dear, khawngaihin Callie tiin min ko dawn nia."
Sofia chu nuih var var pah chuan a bu ve nghat a.
"I châu anih chuan ka roomah kalin i han mu hahchâwl thei ang, kei chu warehouse ah ka pa hmu tura ka kal angai." Ka ti zui a.
"Ka lo kal ve theilo em ni?" Zawhna zawt tih hriat zet hian min melhchho kar a.
"No, pawi kati khawp mai, hei chu Bronze Dragons business ania." Ka ti leh sup a.
"Ok, anih chuan reilo te mut tumin lehkha tlém ka lo zir leh mai aniang chu." Sofia chu inchung lamah chuan achho ta nghâl a.
"Eng nge ni leh ta?"
Ka nulam chu ka hawi a, "Engtin nge maw ka hriat bìk hrep ang le?"
"Ka lo kír leh vat dawn nia."
"Ok, son."
Ka nu chu ka fâwp zauh a, ka kal chhuak ta nghâl a.
THE BRONZE DRAGONS WARE HOUSE DOWN TOWN
Inchhúng ka lût mipa ho chu anlo kim ṭhap tawh a, ka pa tiamin, "Theo eng thawmhnaw nge maw i rawn hâk leh tâk hrep chu le?" Ka pa chuan ka thawmhnaw inbel chu angai thei leh lo chiang tih ka hai lo.
"Ṭan leh lo mai teh, khatianga hah taka ka rawn inkhalh haw tawh hnu ah chutiang thil tlαktlailo tak ngaithla túrin ka rawn kal hauh lo." Ka tihkhum ve hmuk a.
Ka pa chu angawi deuh vung vung a, "Information thar a awm tihna ami?" Katih zawm nghâl a.
"Chutiang ém ém chu ala nilo, mahse Sofia hi Sofia Martinez anilo tih erawh kan hrechhuak tawh." Detroit chuan arawn ti ve ta a.
"Martinez pianni leh thla hi America ah hian kan hmu zo hauh lo." Ka pa chuan arawn ti ve bawk a.
"Anih chuan he nu hi he country pâwnah apiang te pawh ani maithei asin."
"Arinawm khawp mai, amahrawh chu chutiang pawh ni sela he nu pian kum leh thla tih vel record hi America ah hian awm tawh ngei túr a ni. Entirnαn school emaw college ah tal, f*ck hell, doctor hospital record ang chi te tal pawh." Ka pa chuan ati leh hmuk a.
"Kan tihtur hmasa ber ni a lang chu he Sofia Martinez in ti hi tunge anih chiah tih leh, Martinez fanu ani ngei em tih hi a ni." Detroit chuan arawn ti leh a.
"Chuan lo nilo ta se engtin?" Ka ti ve sup a.
"Inneihna hi atâwp anga , henu hi athi ngei bawk ang." Ka pa chuan a ti a.
"Mahse hetiang ti tura tihluih hi lo ni ta ang sela?"
"Theo ka ngaihven hauh lo, engang in nge hna akal ṭhin tih pawh i hriat kha." Ka pa chuan min rawn melhrum ngang mai.
"Theo hi Sofia lakah hian arilru a hawng ve ṭan tihna ani thei mai ang em?"
Detroit lam chu rum zeta melh pah hian,"Ni hrep e maw le" kati hrawih a.
"Theo chutiang anih chuan aṭha dawn em ni, thil a diklo zâwnga akal phawt chuan he hmeichhia hi i chhan thei hauh lo ang."a ti ta a.
"Chutianga ka mâwl viau i ring em ni?" Ka ti chhuak leh ṭhawt a.
"Thil pakhat erawh mak deuh a awm, kha engagement party neih hnu aṭang khân Terence hian mi rawn biak pawhna pawh ala nei miah lo mai hi." Hunter chuan ati ve khauh a .
"A dik khawp mai, heihi chu kan ngaihven chhunzawm angai ngei ang." Ka pa chuan Hunter thusawi táwmpui zet chung hian ati ve a.
"Ka ngaihdân chuan he Terence Martinez hian thil eng emaw lian tham tak plan anei ani ngei ang, chuváng chuan chu thil athlentir hma ngei leh a thil lo plan a tlawlh vek theihna túrin ineihna hi sawn hnaih vat angai ang." Clegg pawh chuan arawn ti ve a.
"Mahse he nu hi afanu diktak lo ni ta ang se engvânga hetiang hmun hlauhawm a rawn dah ngam nge a nih ang? A fanu diktak chu anih ka ring hauh lo." Cooper pawh chuan a rawn ti veleh a. An ngaihdan hrang hrang anrawn sawi ho chu nguntak hian ka lo ngaithla a, an ngaihdan hrang hrang aṭang erawh thutlúkna diktak ka siam thei mai lo, dik chu ka ti vek tho.
"Chuvâng tak chuan alawm, Theo leh Sofia hi innei vat se kan tih réng ni, a fanu diktak anih loh chuan aruahmana te a zawh hunah eng ang pawhin innei pawh ni se leh Sofia hi thi ta pawh ni se engah mah angai tawh hauh lo ang, chutiang thil a plan chu a nia, engvαnga Sofia hian la zèppui tlat nge maw anih ang le?" Clegg chuan ati ve leh a.
"An pafa inkara hmangaihna hi abo lo pawh ani maithei asin." Tiel zet hian ka tih khum hlawm a.
"Anih loh pawhin he nu hi fangs ala nireng ani tih kan hriatreng a túlin ka hria, ka sawi awmzia chu fangs thuhnuaiah ala awm reng ka tihna anih chu, Theo hi pasala aneih hma chuan fangs thuhnuaiah ala awm char char bawk ang." Ka pa chuan ati ta duah a.
"Theo pasala aneih chauh in!"
Hunter chuan alo tinawn ve sak a.
"Anih leh heta ṭang hian khawiah nge kan kal dawn?"
Ka pa chuan cooper lam chu a hawi phei a, "Vawiin hian Terence chu keiman ka lo contact anga, Theo leh Sofia New York ah an awm tih thu hi ka hrilh ang a, tichuan inneihna chungchâng sawifel túra dinner eiturin ka lo sáwm dawn nia."
"In lamah sawm hauh suh ang che, public hmun ngei dinner ei nân chuan i hmang dawn nia." Detroit chuan alo ti nghâl thuai a.
Ka pa chu angawi vung vung a, chutiang thilah chuan sawi túr ka nei hauh lo, ngawih mai loh chu!
"Ok, helai downtown kawtthler tho ah hian dawhkαn ka book ang."
"Khawi hmunah maw?"
Detroit chu ka pa chuan asiai khum zauha,
"Ele ka resttaurant ah le."
"Trey achi dawn em ni? Chu ai chuan midang ta ni záwk se, ava ṭha ve maw le."
"Ngaihtuah duh suh Detroit, engkim ka tifel vek ang,Callie ngei pawh atel ve dawn avângin achungah engmah thlentir ka phal dawn lo." Ati ta nghut a.
"A nupui pawh sawm ve ngei ang che." Cooper chuan arawn ti veleh khauh a.
Makti zet hian, "A nupui chu ala thilo i tihna em ni dad?" Ka ti chhuak hlut a, mak ti zet hian ka pa chu melh hru bawk a.
"Thi lo, kha nu khân thudik ahrilh che ni a ka rin chu khatih lai khαn Terence leh a nu chu an innei lo, chuan dáwt ahrilh leh che chu kum sawmhnih chhúng ngawt mai Terence hi nupui nei a hriat a ni, chumi lai chuan midang aneih a an inṭhen tih pawh hriat ani hauh lo bawk."
Ka ngawi deuh vang vang a, "Anih chuan Sofia hi túnah kum 18 chauh ala ni a, chumi awmzia chu Sofia hi Terence a sâwn anih ngei dawn chu!" Ka ti chhuak ta sup a.
"Chumi ah chuan afanu ani ngei e tihna a awm chuang hlei nèm." Hunter chuan arawn ti veleh a.
"He nu hi falak lo ni ta ang se, Fangs leh Bronze Gragons inremna túr a siam inneihna paper sign pawh chuan engmah awmzia anei dawn lo tihna anih chu." Thinrim zet hian ka ti chhuak ta hrawih a.
"A dik chiah, Terence hian he thil ahriat chian ém avânga hetiang thil ah hian remti pawh ani ngei ang, he inneihna hian engmah a thlen tir dawn lo ani emaw......"
"Emaw Sofia thih leh damah hian engmah angaihven lo tihna anih chiah chu." Ka pa thusawi chu lo pawtchatin ka ti chhuak leh hrâwk a, chu kan záwngsen pa Terence chu thah ka chák kher mai, ka thinrim lutuk chuan ka cigar chu phawrhin ka ṭan tau sawk a, ka híp pah káwk káwk bawk a.
"Theo lova haw tawh rawh, chuan kha nu kha zanin atân dinner neihna tùra lo inpeih turin i lo hrilh bawk dawn nia."
"Chuan Clegg, Hunter inpahnihin zanin hian hna inthawk dúnang, dock lamah containner lian tak tak alo thleng dawn a, chu chu inpahnihin lo va vèng ang che u."
"Detroit leh Cooper erawh Alexandra in a arawn haw veleh in kha inlo vèng bawk dawn nia."
Warehouse aṭang chuan inkhalh chhuakin thinrim zet chuan inlam chu ka pan ta a, he Terence fing ver vék tak mai hian afa sáwn záwk maw nupuiah min lo neih tîr atum hrep a, thil kal dán vel chu abuai chuar nuai in ka hria, Sofia chuan a sawi dán khân a pa chu a haw èm ém a, engvânga alam a laṭang tlat nge anih ang ? Tih zawhna chu keimah ah alian ber.
In ka thlen hnu chuan ka room lam ka pan chho nghâl a, achhúng ka lút chu Sofia hi tukverh lam hawi alo ding ngawi vang vang chu ka va hmu a, ka aw chu thian deuh hrúk in, "Sofia." Ka ti deuh khurh a.
Ka lam chu arawn hawi ve vat a, chík zeta mi arawn en té tè hnu chuan, "Oh, hey, i hlimloh hmél kher mai, eng thil nge ni ta?" Ka rinloh takin aṭawngkam chu a dam raih mai a.
Ngawi reng hian ka melh rún ringawt. "Eng emaw hriatchhuah innei tawh tihna em ni?"
"Chutiang lam pang engmah ala awm rih lo, mahse zanin hian dinner ei chhuakin inneihna chung chαng kan tihfel erawh angai ang."
"Dinner kan eichhuak ang maw, tu te nén nge tih hi ka hre ve thei em?" Amitmeng pawisawi loh hmel zet chuan min melh chho kal a.
"Ka nu leh pa leh i pa leh anupui nèn ani ang chu!"
A phu zawk a, "ka nuhrawn i tihna em ni? I ti tak tak em?" A mengbial kawl kawl a, thlarau hmu ta ang mai hian a hmel chu a dáng nghâl sáwp sáwp a, chu chu rehin thinrimna hian arawn thlâk leh ta a, "A teuhlo mai Theo, saw uipuihurnu bulah sawn eitúr nén ka ṭhu ang maw, a teuh lo lutuk." A ti ta hlak hlak a.
"Ka tihloh zia túr chu hre rawh, ka nu thi tawh hnu athlαn aṭangin rawn tho leh dawn pawh ni se ka ti chuang hauh lo ang." Ṭéng zet hian ati ve ta hlar a.
Mittui dír zung zung chung chuan a kal sawn a, khum bulah chuan minhnungchhawn záwng hian ading a, a mittui far zung zung chu a hru kiang kiang a, ka khawngaih reuh kher mai, héng thil thleng zawng zawng hi eng nge a awmzia ni ta ang? Tih chu ka inzâwt lo thei lo, engkim mai chu abuai chuar nuaih ni berin ka hre tawh.
Sofia dinna hmun lam chu ka pan phei a, tháwk ka la pah hawk a, dam thei ang ber chuan ka ṭawng chhuak ta a, "Sofia eng thil nge thleng tih hi min hrilh ve loh chuan ka ṭanpui thei hauh lo ang che." Ka ti ta sup a.
A mittui chu atheih ang ang chuan a hru hul ve takna achu a mitah chuan ala tling pam tho a, a hmúi chu a pet deuh fan fan a, ṭap lo turin abei nasa hle tih pawh ka hria, aw lawi dèuh rât sín zet hian arawn ṭawngchhuak ta sap a, "Kei leh Marlene hi kan in ngeih ngai lo." A tichhuak ta sap a.
"Well, kha chu ka ngaihruat thiam mai,mahse engvαngin nge?" Ka ti leh sup a, Sofia lak aṭang chuan achanchin tam záwk hriat belh pawh ka tum hle.
"He nu hian engtiklai mahin min ngaina ngai lo, chuvâng chuan khawngaihin abula ṭhu a dinner eitúr chuan min tilui lo hrâm rawh." Mangan hmèl zet hian a ti ta hlap hlap a.
"He tiang thil hi tihfel vat i duh tih hi ka hria asin, kei pawhin ka duh, chuvâng chuan dinner eitùr a an zínga i kal ve ngei pawh angai ang."
"Mahse hei berkher hi chu ka ti duh lo, ka duh loh ang bawkin min tilui thei hauh lo bawk." A ti ta tuarh a, ṭap chungin bathroom lamah chuan atlân lút leh ta daih a.
Tháwk ka la hawk a, eng thil nge thleng chiah tih hi ka hriatchhuah angai tak zet, eng emaw thil lian tham tak ani ngeia hriatna ka nei tlat bawk.
Sofia hi huaisâr viau angin alanga, mahse anu leh pa chungchâng sawi chhuah veleh hian hlâu tak angin a awm leh lawi bawk si, thil eng emaw tak zawng diklo a awm hrim hrim ang.
Mahse chaweina hmunah khân akal lo anih vaih chuan ka pa thin in atuar leh lo ang a, chu thil chu kei in ka tuar peih lo bawk.
Bathroom lam chu ka pan phei veleh ta hrám a. Kawngkhâr ka hawng chu lungchhe zet a ṭap hlap hlap chung hian ka va hmu a, min hnungchhawn zàwnga dingin banglam chu a hawi tlat bawk, "Sofia rawn inher teh!"
A ṭap chu atáwp chawih a, mahse ala insút ri hraih hraih tho, "Sofia."
Ka lam chu arawn hawi ve ta a." Eng thil nge thleng tih hi ka hre miah lo ania." A hmél ngui tak en chung chuan ka ti leh sup a.
"Mahse hei erawh ka tiam ang che, tuma tihnat che hi ka phal ngai lo ang."
"Nilo, Theo i titáwp thei chuang lo ang." Hnuailam chu amelh pah raih a.
"A tu chu maw ka tihtáwp theih loh ang a?"
"A pawimawh hran lo."
"He chaw eina túrah hian i kallo anih chuan i tân ka pa hmaah ka ding thei tawh lo anga, ka chhan thei tawh lo bawk ang che."
"Engvângin nge ka kal khér atûl chhan?" Hreawm ti zet a tih chhuah leh raih pah chuan akut chu a hmer ngawt ngawt a.
"Achhan chu i kal angaih avângin, ka nupui i nih hma chu Fangs ho thuhnuaiah i la awm tih hi inhre bawk la, kha hmuna Fangs ho nena chhan awmlo a indo âi chuan ka pa in i duhlo chung a hruai lui tho tho ang che, nangin i tlawh ang a, i âu chiam chiam bawk ang a, mahse apawisa hauh chuang lo ang, chuvâng chuan ka thusawi hi pawm la, chaweina hmunah chuan kal la kei hian ka vènghim tlat ang che." Ka ti ta a.
"Ok, anih chuan ka kal ang e, mahse Marlene be tùr erawh chuan min tilui thei lo ang. "
"Kha chu suangtuah pawh ka lo suangtuah hleiném, ka nu in i thawmhnaw hâk tûr arawn thawn chho a, chutah chuan thawmhnaw nalh tak leh ṭha tak thlangchhuak la, dinner eitúr chuan hawisâng vah chungin kan kal dún dawn nia."
Ka nuih suk a, "Bronze Gragons a rokhawm tu tur ber nén inhualna i nei ani lawm ni? Túnah tak hi chuan an hlâu ngawt ang che tih hi hria ang che."
Ka inrinloh lai tak chuan min rawn kuah thut a, "Thank you." Naupangchhia zet hian arawn ti chúl a.
Lo kuah lét ve pahin,"You are welcome !" Ka ti ve ta sup a.
TREY....
Ware house aṭang chuan inlamah ka inkhalh hawnga, in ka thlen hnu chuan kan nuoa room lam ka pan ding nghâl a, Callie chu towel a intuam chung hian bathroom aṭangin arawn chhuak chiah bawk a, ka tie awrh chu pawhtháwl pahin ka kawrchung hâk chu khumah ka theh thla a, ka shirt kawrkilh chu ka phelha, ka kawr bân chu ka thlep chhíng pah mawlh mawlh a, Callie hmèl duhawm zet mai ka hmuh hi chuan ka hahna leh ka rilru buai nuai te chu ati dam sawng sawng ṭhin in ka hre ṭhin!
"Theo nén inlo in be tawh em?" Tih sup pah chuan ka nupui duhtak chu ka panhnâi nghâl a.
"Warehouse arawn kal hnu aṭang kha chuan kan la inbe leh tawh lo hrim hrim, thil akal tluang em?" A sam chu towel chuan a hru pah malh malh a.
"Tûnthleng chuan ala kaltluang zél chu ania lawm, he chaw eina hi zo thuai thuai se ka ti khawp mai." Ka ti chhuak hruih a.
"Honey i buai hmèl riau mai, inbengdai phawt rawh!" A ti dam diai a.
"Heng thil hi ka tih zawh vek hnuah ka la inbengdai aniang chu!"
"Darling i ti ngei ang, i tih ziah ṭhin kha." A nui pah var var a.
"Alexandra hi arawn haw ve tawh em?"
"Tún mai khαn Cooper valam turin a kal ."
"Anih he nu hi eng nge i ngaih ve dán?"
"Tu maw, Sofia maw?"
"Yeah."
"Ka hmeichhe ngainat záwng tak a ni." Anui pah sak a.
"Uhh, kum tam tak kalta a Hannah pawh kha i duhzáwng tak ani tho a lawm." Ka ti ve nghut .
"Aw, kha chu adik alawm."
"Ka ngaihdân chuan he nu lakah hian Theo hi aném ṭan riau in ka hria."
"Takzet? Thu lawm awm tak anih chu, Theo hi hmeichhe ho bulah hian aném ngai dawn lo emaw ka lo tihman tawh asin." Hlimhmél pu zet hian ati leh sárh sárh a.
Ka ner khum sáwng, "Ngaihtuah chiang teh woman, spy pawh alo ni maithei a sin."
"Well, kei chuan anih ka ring hauh lo."
Ka dinhnaih leh sauh a, "Shower ka hmang dawn, min rawn záwm ve duh ang em?" A káwngah chuan ka kutin nghet zet hian ka kuah a.
"Shower ka hmang zo chiah tih hi i hmu thei lo em ni?" Anui pah ar ar a.
"Anih leh i pasal hi abuai lohna túrin i pui duh lo tihna maw?" Ka kiai khum ve suk a.
"Well, chutiang a i tih theih dawn chuan le." Ka kún hniam a, towela a intuamna chu pawh thlâk sakin khum lam chu ka pan pui ta nghâl a.
SOFIA.....
Theo ana min chhuahsan hnu chuan tuilum chu ka herh haw a, ka inphuh tir zuai zuai a, chumi hnu chuan bedroom lam panin ka kal ta a, Callie ina thawmhnaw arawn thawn chhoh chu ka enkual dan dan a, Theo sawi ang ngeiin zanin hian nalh taka lan ka duh, kawr fual pawdal raih mai ṭhui arh chu ka tlang chhuak a, ka vun rawng nén pawh chuan ainhmeh viau bawk, chu kawr chu ka hâk túr ngei niin ka hria, achhan pawh ka nuhrawn ina khawvel thúr ahan ti leh tur hmèl hmuh chu ka châk ru tlat a.
Chu kawr ngei chu hαk ka tum ta a, pheikhawk dum heel sâng vak lém lo tak leh bunnuam tur zet mai arem túr tak chu ka thlangchhuak leh a, ka sam chu fish braids in ka phiar leh malh malh a, ka hmâiah pawh makeup ka hmang nasa ve khér mai, ka ṭah nasat avânga ka mit bui deuh lâk leh sen rám chu langsar lo thei angber a lantir chu ka duh, he thilah hian ka hlim hlè ani tih pawh ka pa chuan hmu se ka duh bawk.
Ka hmúiah chuan lipstick serthlumrawng chu tak ang reng takin ka hnawih leh a, chutiang ang chuan nalh takin lang mah ila ka zâm ru leh lawi si, darthlalang hma ah chuan dingin tháwk ka la pah halh a, kawngka chu an rawn kik ri dat dat a.
Tunge kawngka rawn kik ang le? Thàwk ka la halh a, hawngtûr chuan ka pénchhuak ta a, kawngka ka hawng chiah chu Theo néna inang hauh lo, Callie lam achhûn mah záwk ang, a sam chu abuang uk kharh a, angil hle bawk a, amit meng erawh Theoa pa Trey ang maiin a hring nghalh thung, a vun chu Theo anglo takin ango veng a, a thianghlim in a lang fresh hle bawk, "Hi, Sofia i ni ang ti raw, Alexandra ka nia, Theo unaunu!" A rawn ti deuh phar phar a.
Theo aṭawng tam vak loh teh lul nèn he nula tleirawl hi chu a tawng duh hmèl barh barh khawp mai, "Hi Alexandra i chúng châng thu hi Theo in min hrilh tawh ṭhin a, a hma zâna inbiakna hun kan neilo kha pawi ka ti lutuk." Tiin ka nuih lèt ve sáng a.
"A pawi miah lo, i landânah khân i buai hmél lutuk a." A nui ve var var a.
Ka inthuamna chu amelh zauh a, "Kal chhuah i tum em ni?"
"Aw, i nu leh pa te nén chaw ei khâwmna kan nei dawn a."
"Oh, God, i dinhmuna din chu ka chák ve khèr mai." A ti ta mai a.
Chhân tuma ka án ziau lai chuan Theo arawn lût a, "i inpeih tawh tihna a mi?" A rawn ti lút a.
A lam hawi chuan ka inher a, "Tlèmin ka zâm deuh hlek." Ka ti ve sap a,ka melh chho ralha, hnuailam ka melh leh vat bawk a.
"Khatiang khân awm duh suh, i lang duhawm lutuk a nia." A ti ve ta khauh a, ahma zawnga chutiang thil min fak na asawichhuah ngailoh avâng chuan ka zâmna tihreh atumna ah ka ngai lo thei lo.
"Eng chawei kháwmna nge ni ngai?" Alexandra chuan a rawn ti ve a.
"Thil eng emaw sawi chhuahna ani mai ang chu, inneih hun túr chung châng rél kháwmna te pawh ani bawk ang." Tiin anau chu achhâng a. Ka lo hmuh dán chuan unau inngeih tak ni hian ka hria, kei leh ka unaunu hrawn anglo takin.
"Eng lam pangah maw?"
"Hetiang i dilchhút viau na ang chi ah hian maw le, hetiang lamah i hnár kha lo tilian vak duh lo mai rawh." A nau hnâr chu ka piai sak hlak a.
"Alexandra East Coast lama kan kír leh hma ngeiin inkawmna hun nei a kan chhuahdun ngei ka beisei." Ka nuih pah sak a.
"Ka duhzawng tak anih chu, naktúk angah te hian ni ta se la?"
"Uhh, naktùk chu aṭha tak ang, lunch ei dún turin kan chhuak dawn nia." Ka ti ve ta a.
"Oh, ka nghâkhlel tak zet, Theo thurúk zawng zawng ka hrilh vek bawk dawn che nia." A nui pah ar ar a.
"Ka thurûk pakhat mah hriat i neilo aw, túnah tak hi chuan shoo shoo, kan kalna tûr lamah min ti tlâi tak ngial dawn."
"Theo shoo shoo tiin min hnawt vél a maw? Kum 50 mi em ni i nih a?"
"Naupangte a tâwk ta khawp mai túnah chuan."
"Ohh, inbengdaihna damdawi múm i mamawh anih kha, ka kal, ka kal," ka lam chu a rawn hawi a, "Sofia naktúk lamah kan inhmu leh dawn nia."
"Ni e, inhmuh kan tum dawn nia."
"Later bro." Tiin a u chu flying kiss pek zauh pahin Alexandra chu a kal chhuak ta a. Theo hmél chu ka enchho a, ninhmèl zet hian anau chu alo menkual khum rulh thung, zâ zet hian ka nui chhuak ta hak hak a, "Hmeichhe duhawm tak anih kha." Ka ti sap a.
"A duhawm i ti tak tak maw?" A ner deuh sawk a. "naktúk lunch date inneih zawh hunah min la hrilh záwk dawn nia."
"Naktúkah pawh ka sawi ang tho ani ngei ang." Ka tinawn leh ngat a.
"Takzet? Kal tawh ila aṭha ang, tlâi chu kan duh hauhin ka ring lo."
Thâwk ka la halh chu chu hrethiam zet hian,"Engkim aṭha vek mai ang ka bula i awm tlat chuan." Ka bânah chuan akut lum vang vang mai leh thahrui ngah zet chuan arawn hmer a, inhnuailam panna stepah chuan min kái thla ta hlawk hlawk a, pheikhawk heel sâng ka lo bun loh hlauh vâng chuan lawmthu awm rawh se.
"Nikhat chu kha i hmui smart tak avâng khân buaina tam tak i la tawng khawp ang le." Rum zeta melh chung hian ka tih khum leh khur khur a.
"Chu chu i ring a maw?"
Ka ning tak zet, ka chhânlét chhúng chu min chhâng dawn tih chu ka hre ta a, menkual khum deuh rulh pahin bathroom lam chu ka pansan ta daih a.
Bathroom aṭanga ka chhuah leh hnu chuan alo insiam fel diam tawh a, ka inthlâk ve sawk sawk a, "Kal ang le." Nghah pawh nghâk khawmuang hran tawh lo in ka chhuahsan daih.
Sofia nena car lama kan ṭhut luh hnu chuan ka car chu ka tinung a, kan tlân chhuak zui ta a, bathroom ka chhuah hnu aṭang khán 'kal ang le' tih bák kha engtin mah kan inbiak ka la hre lo.
"Zing aṭang tawh khán engin nge chuti fako a i rilru ti nuam lo va?"
Ka melh zauh a, "New York pan túr a kan inkhalh kír leh angaih avâng hrep hian maw le."
"Alo berah pawh engvânga kîr leh nge kan nih chhan hre túr hi kan ni si a."
"Ni mai thei." Ka chhân bung theih ém avâng chuan thâwk ala rihak tháwm chu ka hria a, angawi zui ve ta a.
Inlam kan thlen hma chu ṭhudun ve si in kan inbiak chhunzawm tawh lo.
Darkar reilo te hnuah chuan kan inkawtah motor chu ka ti ding a, Sofia nén chuan ngawi rengin kan inzui lût a, ka nu kan va hmu hmasa ber a, "Hey mom!"
"Damn, Theo min ti phu nasa lutuk." Ka nu chu aphu chiang kher mai, kan lam pan chuan arawn phei vat a.
"Mom, i ṭawngkam kha." Ka lo ti zauh a.
"I pa in hetiang ṭawngkam hi nitin in ka bulah ahmang reng ṭhin a, chu bâk ngaihthlák túr ka neihloh avángin ka lak aṭangin chu bâk eng nge beisei i neih chuan?"
"Ka pa manner ṭhenkhat ila thunun theilo i tihna ani ngei ang."
"Theo nangmah a ka tih bαk hi thil dangah tih leh ka tum tawh lo, chuan he ina ka awm chhan pawh hi i laka beisei na sáng tak ka neih vâng chauh a ni záwk asin."
"Eng pawh chu ni teh se, Sofia i ṭha maw?" Atih zawm leh nghâl a.
"Ka ṭha e, Mrs.Bailey ka châu deuh hlek a chu chu ani mai."
"Dear, khawngaihin Callie tiin min ko dawn nia."
Sofia chu nuih var var pah chuan a bu ve nghat a.
"I châu anih chuan ka roomah kalin i han mu hahchâwl thei ang, kei chu warehouse ah ka pa hmu tura ka kal angai." Ka ti zui a.
"Ka lo kal ve theilo em ni?" Zawhna zawt tih hriat zet hian min melhchho kar a.
"No, pawi kati khawp mai, hei chu Bronze Dragons business ania." Ka ti leh sup a.
"Ok, anih chuan reilo te mut tumin lehkha tlém ka lo zir leh mai aniang chu." Sofia chu inchung lamah chuan achho ta nghâl a.
"Eng nge ni leh ta?"
Ka nulam chu ka hawi a, "Engtin nge maw ka hriat bìk hrep ang le?"
"Ka lo kír leh vat dawn nia."
"Ok, son."
Ka nu chu ka fâwp zauh a, ka kal chhuak ta nghâl a.
THE BRONZE DRAGONS WARE HOUSE DOWN TOWN
Inchhúng ka lût mipa ho chu anlo kim ṭhap tawh a, ka pa tiamin, "Theo eng thawmhnaw nge maw i rawn hâk leh tâk hrep chu le?" Ka pa chuan ka thawmhnaw inbel chu angai thei leh lo chiang tih ka hai lo.
"Ṭan leh lo mai teh, khatianga hah taka ka rawn inkhalh haw tawh hnu ah chutiang thil tlαktlailo tak ngaithla túrin ka rawn kal hauh lo." Ka tihkhum ve hmuk a.
Ka pa chu angawi deuh vung vung a, "Information thar a awm tihna ami?" Katih zawm nghâl a.
"Chutiang ém ém chu ala nilo, mahse Sofia hi Sofia Martinez anilo tih erawh kan hrechhuak tawh." Detroit chuan arawn ti ve ta a.
"Martinez pianni leh thla hi America ah hian kan hmu zo hauh lo." Ka pa chuan arawn ti ve bawk a.
"Anih chuan he nu hi he country pâwnah apiang te pawh ani maithei asin."
"Arinawm khawp mai, amahrawh chu chutiang pawh ni sela he nu pian kum leh thla tih vel record hi America ah hian awm tawh ngei túr a ni. Entirnαn school emaw college ah tal, f*ck hell, doctor hospital record ang chi te tal pawh." Ka pa chuan ati leh hmuk a.
"Kan tihtur hmasa ber ni a lang chu he Sofia Martinez in ti hi tunge anih chiah tih leh, Martinez fanu ani ngei em tih hi a ni." Detroit chuan arawn ti leh a.
"Chuan lo nilo ta se engtin?" Ka ti ve sup a.
"Inneihna hi atâwp anga , henu hi athi ngei bawk ang." Ka pa chuan a ti a.
"Mahse hetiang ti tura tihluih hi lo ni ta ang sela?"
"Theo ka ngaihven hauh lo, engang in nge hna akal ṭhin tih pawh i hriat kha." Ka pa chuan min rawn melhrum ngang mai.
"Theo hi Sofia lakah hian arilru a hawng ve ṭan tihna ani thei mai ang em?"
Detroit lam chu rum zeta melh pah hian,"Ni hrep e maw le" kati hrawih a.
"Theo chutiang anih chuan aṭha dawn em ni, thil a diklo zâwnga akal phawt chuan he hmeichhia hi i chhan thei hauh lo ang."a ti ta a.
"Chutianga ka mâwl viau i ring em ni?" Ka ti chhuak leh ṭhawt a.
"Thil pakhat erawh mak deuh a awm, kha engagement party neih hnu aṭang khân Terence hian mi rawn biak pawhna pawh ala nei miah lo mai hi." Hunter chuan ati ve khauh a .
"A dik khawp mai, heihi chu kan ngaihven chhunzawm angai ngei ang." Ka pa chuan Hunter thusawi táwmpui zet chung hian ati ve a.
"Ka ngaihdân chuan he Terence Martinez hian thil eng emaw lian tham tak plan anei ani ngei ang, chuváng chuan chu thil athlentir hma ngei leh a thil lo plan a tlawlh vek theihna túrin ineihna hi sawn hnaih vat angai ang." Clegg pawh chuan arawn ti ve a.
"Mahse he nu hi afanu diktak lo ni ta ang se engvânga hetiang hmun hlauhawm a rawn dah ngam nge a nih ang? A fanu diktak chu anih ka ring hauh lo." Cooper pawh chuan a rawn ti veleh a. An ngaihdan hrang hrang anrawn sawi ho chu nguntak hian ka lo ngaithla a, an ngaihdan hrang hrang aṭang erawh thutlúkna diktak ka siam thei mai lo, dik chu ka ti vek tho.
"Chuvâng tak chuan alawm, Theo leh Sofia hi innei vat se kan tih réng ni, a fanu diktak anih loh chuan aruahmana te a zawh hunah eng ang pawhin innei pawh ni se leh Sofia hi thi ta pawh ni se engah mah angai tawh hauh lo ang, chutiang thil a plan chu a nia, engvαnga Sofia hian la zèppui tlat nge maw anih ang le?" Clegg chuan ati ve leh a.
"An pafa inkara hmangaihna hi abo lo pawh ani maithei asin." Tiel zet hian ka tih khum hlawm a.
"Anih loh pawhin he nu hi fangs ala nireng ani tih kan hriatreng a túlin ka hria, ka sawi awmzia chu fangs thuhnuaiah ala awm reng ka tihna anih chu, Theo hi pasala aneih hma chuan fangs thuhnuaiah ala awm char char bawk ang." Ka pa chuan ati ta duah a.
"Theo pasala aneih chauh in!"
Hunter chuan alo tinawn ve sak a.
"Anih leh heta ṭang hian khawiah nge kan kal dawn?"
Ka pa chuan cooper lam chu a hawi phei a, "Vawiin hian Terence chu keiman ka lo contact anga, Theo leh Sofia New York ah an awm tih thu hi ka hrilh ang a, tichuan inneihna chungchâng sawifel túra dinner eiturin ka lo sáwm dawn nia."
"In lamah sawm hauh suh ang che, public hmun ngei dinner ei nân chuan i hmang dawn nia." Detroit chuan alo ti nghâl thuai a.
Ka pa chu angawi vung vung a, chutiang thilah chuan sawi túr ka nei hauh lo, ngawih mai loh chu!
"Ok, helai downtown kawtthler tho ah hian dawhkαn ka book ang."
"Khawi hmunah maw?"
Detroit chu ka pa chuan asiai khum zauha,
"Ele ka resttaurant ah le."
"Trey achi dawn em ni? Chu ai chuan midang ta ni záwk se, ava ṭha ve maw le."
"Ngaihtuah duh suh Detroit, engkim ka tifel vek ang,Callie ngei pawh atel ve dawn avângin achungah engmah thlentir ka phal dawn lo." Ati ta nghut a.
"A nupui pawh sawm ve ngei ang che." Cooper chuan arawn ti veleh khauh a.
Makti zet hian, "A nupui chu ala thilo i tihna em ni dad?" Ka ti chhuak hlut a, mak ti zet hian ka pa chu melh hru bawk a.
"Thi lo, kha nu khân thudik ahrilh che ni a ka rin chu khatih lai khαn Terence leh a nu chu an innei lo, chuan dáwt ahrilh leh che chu kum sawmhnih chhúng ngawt mai Terence hi nupui nei a hriat a ni, chumi lai chuan midang aneih a an inṭhen tih pawh hriat ani hauh lo bawk."
Ka ngawi deuh vang vang a, "Anih chuan Sofia hi túnah kum 18 chauh ala ni a, chumi awmzia chu Sofia hi Terence a sâwn anih ngei dawn chu!" Ka ti chhuak ta sup a.
"Chumi ah chuan afanu ani ngei e tihna a awm chuang hlei nèm." Hunter chuan arawn ti veleh a.
"He nu hi falak lo ni ta ang se, Fangs leh Bronze Gragons inremna túr a siam inneihna paper sign pawh chuan engmah awmzia anei dawn lo tihna anih chu." Thinrim zet hian ka ti chhuak ta hrawih a.
"A dik chiah, Terence hian he thil ahriat chian ém avânga hetiang thil ah hian remti pawh ani ngei ang, he inneihna hian engmah a thlen tir dawn lo ani emaw......"
"Emaw Sofia thih leh damah hian engmah angaihven lo tihna anih chiah chu." Ka pa thusawi chu lo pawtchatin ka ti chhuak leh hrâwk a, chu kan záwngsen pa Terence chu thah ka chák kher mai, ka thinrim lutuk chuan ka cigar chu phawrhin ka ṭan tau sawk a, ka híp pah káwk káwk bawk a.
"Theo lova haw tawh rawh, chuan kha nu kha zanin atân dinner neihna tùra lo inpeih turin i lo hrilh bawk dawn nia."
"Chuan Clegg, Hunter inpahnihin zanin hian hna inthawk dúnang, dock lamah containner lian tak tak alo thleng dawn a, chu chu inpahnihin lo va vèng ang che u."
"Detroit leh Cooper erawh Alexandra in a arawn haw veleh in kha inlo vèng bawk dawn nia."
Warehouse aṭang chuan inkhalh chhuakin thinrim zet chuan inlam chu ka pan ta a, he Terence fing ver vék tak mai hian afa sáwn záwk maw nupuiah min lo neih tîr atum hrep a, thil kal dán vel chu abuai chuar nuai in ka hria, Sofia chuan a sawi dán khân a pa chu a haw èm ém a, engvânga alam a laṭang tlat nge anih ang ? Tih zawhna chu keimah ah alian ber.
In ka thlen hnu chuan ka room lam ka pan chho nghâl a, achhúng ka lút chu Sofia hi tukverh lam hawi alo ding ngawi vang vang chu ka va hmu a, ka aw chu thian deuh hrúk in, "Sofia." Ka ti deuh khurh a.
Ka lam chu arawn hawi ve vat a, chík zeta mi arawn en té tè hnu chuan, "Oh, hey, i hlimloh hmél kher mai, eng thil nge ni ta?" Ka rinloh takin aṭawngkam chu a dam raih mai a.
Ngawi reng hian ka melh rún ringawt. "Eng emaw hriatchhuah innei tawh tihna em ni?"
"Chutiang lam pang engmah ala awm rih lo, mahse zanin hian dinner ei chhuakin inneihna chung chαng kan tihfel erawh angai ang."
"Dinner kan eichhuak ang maw, tu te nén nge tih hi ka hre ve thei em?" Amitmeng pawisawi loh hmel zet chuan min melh chho kal a.
"Ka nu leh pa leh i pa leh anupui nèn ani ang chu!"
A phu zawk a, "ka nuhrawn i tihna em ni? I ti tak tak em?" A mengbial kawl kawl a, thlarau hmu ta ang mai hian a hmel chu a dáng nghâl sáwp sáwp a, chu chu rehin thinrimna hian arawn thlâk leh ta a, "A teuhlo mai Theo, saw uipuihurnu bulah sawn eitúr nén ka ṭhu ang maw, a teuh lo lutuk." A ti ta hlak hlak a.
"Ka tihloh zia túr chu hre rawh, ka nu thi tawh hnu athlαn aṭangin rawn tho leh dawn pawh ni se ka ti chuang hauh lo ang." Ṭéng zet hian ati ve ta hlar a.
Mittui dír zung zung chung chuan a kal sawn a, khum bulah chuan minhnungchhawn záwng hian ading a, a mittui far zung zung chu a hru kiang kiang a, ka khawngaih reuh kher mai, héng thil thleng zawng zawng hi eng nge a awmzia ni ta ang? Tih chu ka inzâwt lo thei lo, engkim mai chu abuai chuar nuaih ni berin ka hre tawh.
Sofia dinna hmun lam chu ka pan phei a, tháwk ka la pah hawk a, dam thei ang ber chuan ka ṭawng chhuak ta a, "Sofia eng thil nge thleng tih hi min hrilh ve loh chuan ka ṭanpui thei hauh lo ang che." Ka ti ta sup a.
A mittui chu atheih ang ang chuan a hru hul ve takna achu a mitah chuan ala tling pam tho a, a hmúi chu a pet deuh fan fan a, ṭap lo turin abei nasa hle tih pawh ka hria, aw lawi dèuh rât sín zet hian arawn ṭawngchhuak ta sap a, "Kei leh Marlene hi kan in ngeih ngai lo." A tichhuak ta sap a.
"Well, kha chu ka ngaihruat thiam mai,mahse engvαngin nge?" Ka ti leh sup a, Sofia lak aṭang chuan achanchin tam záwk hriat belh pawh ka tum hle.
"He nu hian engtiklai mahin min ngaina ngai lo, chuvâng chuan khawngaihin abula ṭhu a dinner eitúr chuan min tilui lo hrâm rawh." Mangan hmèl zet hian a ti ta hlap hlap a.
"He tiang thil hi tihfel vat i duh tih hi ka hria asin, kei pawhin ka duh, chuvâng chuan dinner eitùr a an zínga i kal ve ngei pawh angai ang."
"Mahse hei berkher hi chu ka ti duh lo, ka duh loh ang bawkin min tilui thei hauh lo bawk." A ti ta tuarh a, ṭap chungin bathroom lamah chuan atlân lút leh ta daih a.
Tháwk ka la hawk a, eng thil nge thleng chiah tih hi ka hriatchhuah angai tak zet, eng emaw thil lian tham tak ani ngeia hriatna ka nei tlat bawk.
Sofia hi huaisâr viau angin alanga, mahse anu leh pa chungchâng sawi chhuah veleh hian hlâu tak angin a awm leh lawi bawk si, thil eng emaw tak zawng diklo a awm hrim hrim ang.
Mahse chaweina hmunah khân akal lo anih vaih chuan ka pa thin in atuar leh lo ang a, chu thil chu kei in ka tuar peih lo bawk.
Bathroom lam chu ka pan phei veleh ta hrám a. Kawngkhâr ka hawng chu lungchhe zet a ṭap hlap hlap chung hian ka va hmu a, min hnungchhawn zàwnga dingin banglam chu a hawi tlat bawk, "Sofia rawn inher teh!"
A ṭap chu atáwp chawih a, mahse ala insút ri hraih hraih tho, "Sofia."
Ka lam chu arawn hawi ve ta a." Eng thil nge thleng tih hi ka hre miah lo ania." A hmél ngui tak en chung chuan ka ti leh sup a.
"Mahse hei erawh ka tiam ang che, tuma tihnat che hi ka phal ngai lo ang."
"Nilo, Theo i titáwp thei chuang lo ang." Hnuailam chu amelh pah raih a.
"A tu chu maw ka tihtáwp theih loh ang a?"
"A pawimawh hran lo."
"He chaw eina túrah hian i kallo anih chuan i tân ka pa hmaah ka ding thei tawh lo anga, ka chhan thei tawh lo bawk ang che."
"Engvângin nge ka kal khér atûl chhan?" Hreawm ti zet a tih chhuah leh raih pah chuan akut chu a hmer ngawt ngawt a.
"Achhan chu i kal angaih avângin, ka nupui i nih hma chu Fangs ho thuhnuaiah i la awm tih hi inhre bawk la, kha hmuna Fangs ho nena chhan awmlo a indo âi chuan ka pa in i duhlo chung a hruai lui tho tho ang che, nangin i tlawh ang a, i âu chiam chiam bawk ang a, mahse apawisa hauh chuang lo ang, chuvâng chuan ka thusawi hi pawm la, chaweina hmunah chuan kal la kei hian ka vènghim tlat ang che." Ka ti ta a.
"Ok, anih chuan ka kal ang e, mahse Marlene be tùr erawh chuan min tilui thei lo ang. "
"Kha chu suangtuah pawh ka lo suangtuah hleiném, ka nu in i thawmhnaw hâk tûr arawn thawn chho a, chutah chuan thawmhnaw nalh tak leh ṭha tak thlangchhuak la, dinner eitúr chuan hawisâng vah chungin kan kal dún dawn nia."
Ka nuih suk a, "Bronze Gragons a rokhawm tu tur ber nén inhualna i nei ani lawm ni? Túnah tak hi chuan an hlâu ngawt ang che tih hi hria ang che."
Ka inrinloh lai tak chuan min rawn kuah thut a, "Thank you." Naupangchhia zet hian arawn ti chúl a.
Lo kuah lét ve pahin,"You are welcome !" Ka ti ve ta sup a.
TREY....
Ware house aṭang chuan inlamah ka inkhalh hawnga, in ka thlen hnu chuan kan nuoa room lam ka pan ding nghâl a, Callie chu towel a intuam chung hian bathroom aṭangin arawn chhuak chiah bawk a, ka tie awrh chu pawhtháwl pahin ka kawrchung hâk chu khumah ka theh thla a, ka shirt kawrkilh chu ka phelha, ka kawr bân chu ka thlep chhíng pah mawlh mawlh a, Callie hmèl duhawm zet mai ka hmuh hi chuan ka hahna leh ka rilru buai nuai te chu ati dam sawng sawng ṭhin in ka hre ṭhin!
"Theo nén inlo in be tawh em?" Tih sup pah chuan ka nupui duhtak chu ka panhnâi nghâl a.
"Warehouse arawn kal hnu aṭang kha chuan kan la inbe leh tawh lo hrim hrim, thil akal tluang em?" A sam chu towel chuan a hru pah malh malh a.
"Tûnthleng chuan ala kaltluang zél chu ania lawm, he chaw eina hi zo thuai thuai se ka ti khawp mai." Ka ti chhuak hruih a.
"Honey i buai hmèl riau mai, inbengdai phawt rawh!" A ti dam diai a.
"Heng thil hi ka tih zawh vek hnuah ka la inbengdai aniang chu!"
"Darling i ti ngei ang, i tih ziah ṭhin kha." A nui pah var var a.
"Alexandra hi arawn haw ve tawh em?"
"Tún mai khαn Cooper valam turin a kal ."
"Anih he nu hi eng nge i ngaih ve dán?"
"Tu maw, Sofia maw?"
"Yeah."
"Ka hmeichhe ngainat záwng tak a ni." Anui pah sak a.
"Uhh, kum tam tak kalta a Hannah pawh kha i duhzáwng tak ani tho a lawm." Ka ti ve nghut .
"Aw, kha chu adik alawm."
"Ka ngaihdân chuan he nu lakah hian Theo hi aném ṭan riau in ka hria."
"Takzet? Thu lawm awm tak anih chu, Theo hi hmeichhe ho bulah hian aném ngai dawn lo emaw ka lo tihman tawh asin." Hlimhmél pu zet hian ati leh sárh sárh a.
Ka ner khum sáwng, "Ngaihtuah chiang teh woman, spy pawh alo ni maithei a sin."
"Well, kei chuan anih ka ring hauh lo."
Ka dinhnaih leh sauh a, "Shower ka hmang dawn, min rawn záwm ve duh ang em?" A káwngah chuan ka kutin nghet zet hian ka kuah a.
"Shower ka hmang zo chiah tih hi i hmu thei lo em ni?" Anui pah ar ar a.
"Anih leh i pasal hi abuai lohna túrin i pui duh lo tihna maw?" Ka kiai khum ve suk a.
"Well, chutiang a i tih theih dawn chuan le." Ka kún hniam a, towela a intuamna chu pawh thlâk sakin khum lam chu ka pan pui ta nghâl a.
SOFIA.....
Theo ana min chhuahsan hnu chuan tuilum chu ka herh haw a, ka inphuh tir zuai zuai a, chumi hnu chuan bedroom lam panin ka kal ta a, Callie ina thawmhnaw arawn thawn chhoh chu ka enkual dan dan a, Theo sawi ang ngeiin zanin hian nalh taka lan ka duh, kawr fual pawdal raih mai ṭhui arh chu ka tlang chhuak a, ka vun rawng nén pawh chuan ainhmeh viau bawk, chu kawr chu ka hâk túr ngei niin ka hria, achhan pawh ka nuhrawn ina khawvel thúr ahan ti leh tur hmèl hmuh chu ka châk ru tlat a.
Chu kawr ngei chu hαk ka tum ta a, pheikhawk dum heel sâng vak lém lo tak leh bunnuam tur zet mai arem túr tak chu ka thlangchhuak leh a, ka sam chu fish braids in ka phiar leh malh malh a, ka hmâiah pawh makeup ka hmang nasa ve khér mai, ka ṭah nasat avânga ka mit bui deuh lâk leh sen rám chu langsar lo thei angber a lantir chu ka duh, he thilah hian ka hlim hlè ani tih pawh ka pa chuan hmu se ka duh bawk.
Ka hmúiah chuan lipstick serthlumrawng chu tak ang reng takin ka hnawih leh a, chutiang ang chuan nalh takin lang mah ila ka zâm ru leh lawi si, darthlalang hma ah chuan dingin tháwk ka la pah halh a, kawngka chu an rawn kik ri dat dat a.
Tunge kawngka rawn kik ang le? Thàwk ka la halh a, hawngtûr chuan ka pénchhuak ta a, kawngka ka hawng chiah chu Theo néna inang hauh lo, Callie lam achhûn mah záwk ang, a sam chu abuang uk kharh a, angil hle bawk a, amit meng erawh Theoa pa Trey ang maiin a hring nghalh thung, a vun chu Theo anglo takin ango veng a, a thianghlim in a lang fresh hle bawk, "Hi, Sofia i ni ang ti raw, Alexandra ka nia, Theo unaunu!" A rawn ti deuh phar phar a.
Theo aṭawng tam vak loh teh lul nèn he nula tleirawl hi chu a tawng duh hmèl barh barh khawp mai, "Hi Alexandra i chúng châng thu hi Theo in min hrilh tawh ṭhin a, a hma zâna inbiakna hun kan neilo kha pawi ka ti lutuk." Tiin ka nuih lèt ve sáng a.
"A pawi miah lo, i landânah khân i buai hmél lutuk a." A nui ve var var a.
Ka inthuamna chu amelh zauh a, "Kal chhuah i tum em ni?"
"Aw, i nu leh pa te nén chaw ei khâwmna kan nei dawn a."
"Oh, God, i dinhmuna din chu ka chák ve khèr mai." A ti ta mai a.
Chhân tuma ka án ziau lai chuan Theo arawn lût a, "i inpeih tawh tihna a mi?" A rawn ti lút a.
A lam hawi chuan ka inher a, "Tlèmin ka zâm deuh hlek." Ka ti ve sap a,ka melh chho ralha, hnuailam ka melh leh vat bawk a.
"Khatiang khân awm duh suh, i lang duhawm lutuk a nia." A ti ve ta khauh a, ahma zawnga chutiang thil min fak na asawichhuah ngailoh avâng chuan ka zâmna tihreh atumna ah ka ngai lo thei lo.
"Eng chawei kháwmna nge ni ngai?" Alexandra chuan a rawn ti ve a.
"Thil eng emaw sawi chhuahna ani mai ang chu, inneih hun túr chung châng rél kháwmna te pawh ani bawk ang." Tiin anau chu achhâng a. Ka lo hmuh dán chuan unau inngeih tak ni hian ka hria, kei leh ka unaunu hrawn anglo takin.
"Eng lam pangah maw?"
"Hetiang i dilchhút viau na ang chi ah hian maw le, hetiang lamah i hnár kha lo tilian vak duh lo mai rawh." A nau hnâr chu ka piai sak hlak a.
"Alexandra East Coast lama kan kír leh hma ngeiin inkawmna hun nei a kan chhuahdun ngei ka beisei." Ka nuih pah sak a.
"Ka duhzawng tak anih chu, naktúk angah te hian ni ta se la?"
"Uhh, naktùk chu aṭha tak ang, lunch ei dún turin kan chhuak dawn nia." Ka ti ve ta a.
"Oh, ka nghâkhlel tak zet, Theo thurúk zawng zawng ka hrilh vek bawk dawn che nia." A nui pah ar ar a.
"Ka thurûk pakhat mah hriat i neilo aw, túnah tak hi chuan shoo shoo, kan kalna tûr lamah min ti tlâi tak ngial dawn."
"Theo shoo shoo tiin min hnawt vél a maw? Kum 50 mi em ni i nih a?"
"Naupangte a tâwk ta khawp mai túnah chuan."
"Ohh, inbengdaihna damdawi múm i mamawh anih kha, ka kal, ka kal," ka lam chu a rawn hawi a, "Sofia naktúk lamah kan inhmu leh dawn nia."
"Ni e, inhmuh kan tum dawn nia."
"Later bro." Tiin a u chu flying kiss pek zauh pahin Alexandra chu a kal chhuak ta a. Theo hmél chu ka enchho a, ninhmèl zet hian anau chu alo menkual khum rulh thung, zâ zet hian ka nui chhuak ta hak hak a, "Hmeichhe duhawm tak anih kha." Ka ti sap a.
"A duhawm i ti tak tak maw?" A ner deuh sawk a. "naktúk lunch date inneih zawh hunah min la hrilh záwk dawn nia."
"Naktúkah pawh ka sawi ang tho ani ngei ang." Ka tinawn leh ngat a.
"Takzet? Kal tawh ila aṭha ang, tlâi chu kan duh hauhin ka ring lo."
Thâwk ka la halh chu chu hrethiam zet hian,"Engkim aṭha vek mai ang ka bula i awm tlat chuan." Ka bânah chuan akut lum vang vang mai leh thahrui ngah zet chuan arawn hmer a, inhnuailam panna stepah chuan min kái thla ta hlawk hlawk a, pheikhawk heel sâng ka lo bun loh hlauh vâng chuan lawmthu awm rawh se.
No comments:
Post a Comment