TSEPNAYA REAKTSIYA   MAFIA ROMANCE CHAPTER 43

"Detroit i silai kha dahthla rawh anih loh chuan in boss hi ka kàp ani mai." A rawn ti leh tuarh a.


"Detroit silai dah thlák tih angreng te kha chu atumin tum chhin miah suh, chu chu ka thu pèk a nih chu hre ri ngawt rawh, Katya hian akâp hrep lovang e. " Ka ti chhuak ve ṭhawt a.


"Trey khatin min tihluih tir miah suh, ka unaupa i that a, tûnah chuan keimah ngei hian ka that ve tawh dawn che."


"Kha thlawhna a pilot kha ka ni hrep lo Katya, mahse i tih theih táwk chiah i ti a nih hi." Tiin ka chháng lèt ve salh a.


"Trey kha thu i sawi kha chu pawi i la ti khawp ang maw le." Ti a sawi pah chuan asilai chéng chu a káu ṭan ta a, silai chu a ri ṭhuai a, Callie chu a âu chhuak tuar bawk a.



"I hun i rawn vawng dik khèr mai."

"Boss engtik ah mah signal min pe dawn lo tih hi ka hria alawm, khatia lo nghah na lamah khân ka chau zo tak ngial dawn." Frencesca chu a nui var var a.


"Nang uipui hur, ka ke ah i kâp a maw?" Leiah chuan a ṭhusawp niaih a, a ke lam chu na tih hmèl zet hian adawm ngar bawk a, Frencesca chuan rang zetin Katya silai thlauh chu a chhar sak a, "Ka kah thàwi sak mai chauh che anih kha,i vânnei hle mai, boss cousin nilo phei lang chuan i lu ah i thluak per chhuak chuai khawp in nia ka kah dawn che ni." A tih khum ve a.

"Chu thil pawh chu athleng mai thei, Detroit ani hi hruai la,  warehouse hnuai tαn inah khán lock hnan ang che, ahliam enkawlsak tur hian Taylor i kohsak bawk dawn nia, chu chu achunga zahngaihna ka lantir theih ber ni rawh se."


"Boss chutianga han lock hnan chu ka nuam tih záwng tak." Ti a Detroit chuan mi chhángin Katya chu a kái chhuak ta a.


Callie chu a ṭap hlap hlap a, va kuah pah hian, "Baby atàwp ta e, engkim aṭha leh vek mai ang." Ka ti sup a.

Chu hmun chu chhuahsanin inlam pan chuan kan inkhalh haw ta hlawm a.


A FEW DAYS LATER....

CALLIE....

Tûkin zîng chu Trey aiin ka harh hmasa ve teh khiah, bathroom aṭanga ka chhuah hnu chuan Trey chu arawn meng chhuak ve a, "Good morning husband." Trey chu ka nuih var var a.

"Vawiin chu eng nge i hriat le, fiamthu i va duh hmél ve?" Thawhchhuah pah chuan arawn ti sup a.


"Uhh, kan hringnun hi maw le, he kan hringnun hi a èng lam záwnga ka thlîr váng a nia, ka sam la huh chap chu towel in ka hru hul pah nak nak a, "chu chu ka motto thar a nih chu." Ka tih khum leh zauh a.


 "Chuan i pasal lunat na pawh i thlenbelh tawh lo ang chu tiraw?" Ka káwngah chuan akut leh lama rawn kuahin ama lamah chuan min pawt hnâi salh a.

"Mawh,,chu pawh chu i motto tharah chuan i telve thei ang em?" Kan inhnaih leh ták èm avâng chuan ka thâwk pawh asak leh ṭalh tawh, boruak kham lo ang zet a, hîp luh deuh káwk pah hian,"Tûnah hi chuan ka nungchang ṭha taka siam ka tum." Ka ti ve sap a.


"Ka hmuh hunah ka la áwih aniang chu." Mi nuih zat hmél zet hian min dinhlat san a, ka pai ve deuh dat dat a, khum ban chu ka dawm vat a.


"Eng nge Hunter hi a an tawh?"

"Tûnah chuan aṭha ve tawh lutuk, Taylor min hrilh dân chuan tûn aṭanga nirei lo te hnuah a tho chhuak ve thei tawh ang chu a tia lawm." A khabe chu atuai deuh nauh nauh a.

A khabe hmul pawh chu aṭo deuh siar siar tawh a, nimin lamah aziat lo a ni ngei ang,"Trey hmuh ve ka duh a, ka hmu ve thei ang em?"


"No, warehouse ah i kal thei rih lo, i duh anih chuan inlama ahaw hunah i la hmû zàwk dawn nia." Min tihkhum hmuk a.


Ka mengkual khum ralh a, "Trey, keimah vánga kah táwk ani a sin, chuvâng chuan kalin keimah ngeiin ka hmu ve duh." Ka hnial ve fan a.


"Anih hei hian nungchang tih ṭhatna lam pang kha akáwk em?"


"Khatin mi controll tum tlat ṭhin lo la, tichuan ka nungchang chu ka ti ṭha mai ang." Ka tih khum ve hlar a.


"Tûnah hian Katya lockup ah ala awm reng tih kha i hria ti raw, a ni em?"


"Eng váng a that lo nge in nih a Trey?"


"Ka chhûngte zîng ami anih avângin, chuan ka rindán chuan Katya hian tûnhma in hetiang rilru hi apu ngai lo, Dima thihna hian anghawng nasa viau anih kan ring a, tûna amamawh tak zàwk chu professional puihna zàwk a ni." A ti nghut a.


"Ka pawm pui che, ni e, Katya chuan chu thil chu amamawh ngei in ka hria." Ka ti ve sap a.


"Vawiin hian Dimitri pawh Katya Russia lama hruaikir turin a rawn thleng ang, lo inpeih la i insiam peih hunah warehouse lamah chuan keiman ka hruai dawn che nia."


Trey hmûiah chuan dingdihlíp ák âk hian ka han fawh sak ve zauh a,"Trey ka lawm e." Bathroom lamah chuan alût ta nghál a.


Trey nèn inhnuai lamah chuan kan inzui thla a, warehouse lam panin kan chhuak dûn ta a, Hunter room ka va lût chu ka rinai daih hian alo changkáng tawh a, ka lût min lo hmuh veleh chuan, "Sweet heart, eng nge i an?" A nui pah suk a.


"Ka ṭha e, nang le?"


"Kei pawh ka ṭha sàwt tawh khawp mai."


"Pawi ka ti lutuk a nia Hunter!" Tháwk ka la pah halh a.


"Callie i dik lohna engmah a awm hlei nèm, ka hna chu nangmah vèn him kha alawm, ka hna pawh lo nilo ta ang se kha thil kha ka tih tho ka ring."



"Engtiangin nge ka rulh lét ve ang che tih pawh hi ka hrethiam lo tak zet, mahse i chungah erawh ka láwm lutuk tih hi min hriatsak la ka duh a ni." Ka ti nawn leh sap a.


"Chuti chu i pasal lak aṭangin ka bonus dawn tûr a rit leh sauh dawn tih ka chiang mai." A mit chu min siai khum deuh suk a.


"A nih chuan i thawh chhuah zawng zawng i neu ngei ang." Tiin ka fiam ve zauh a.


"Ka rawn hmu leh thuai ang che." Ti a ka tiam hnu chuan ka chhuahsan ta a.


"Khatia iva hmuh tawh hnu khân i ziaawm phah deuh tawh em?"

"Aw, ka lawm e." Trey chu ka melh ve zauh a.


"Dimitri pawh hetah arawn thleng ve tawh a, Katya chu ka va hruaichhuah sak ang e, chuan Detroit ka rawn tîr ang a, aniin ava thlah ang che." Ti a inher a kalsawn mai hi atum a.


"Nilo Trey, i bulah ka lo kal ve duh." Rum zeta mi rawn melh pah hian, "Katya bulhnai khawi hmunah mah i kal tawh dawn lo Callie, chu chu ka thutáwp a ni, chu mi thilah berkher chuan min ti lui lo ang che." A ti chhuak ta hràwk a.


Ka tûm hmak a, thinrim zet a inher khum hmak pah chuan Detroit chu keimana zawn ka tum ta a.


TREY....


Callie chu athinrim tih ka hre reng mahse thil eng emaw té tè a atihtauhna hi chu ka lák thutak sak vak duh lo, ama dam damin ala dam leh mai ang.

Ka office lam pan pah chuan Detriot ka be nghál a, "Detroit keimah, Callie arawn kal tawh a, inlamah lo va drop mai ang che."

Ka office chhûngah ka lût chu Dimitri chuan min lo nghàk reng tawh a.

Kan pahnih chuan Katya kan khungna lamah chuan kan inzui phei dûn a, kawngka ka hawng hnu chuan Dimitri chuan min rawn zui lût a, "Trey he thil avâng hian pawi ka ti tak zet."
Inthiamlo zet hian ati chhuak ruih a.

"I diklohna engmah a awm hleinèm Demitri, amarawh chu Katya hian hetiang thil hi ati nawn leh anih ngat chuan, ka chhûngte ani emaw nilo emaw, ka that tawh ngei ang."


"A thleng leh tawh ngailo ang, ka sawi awmzia chu i hriat kha, he hmuna aṭang hian arang thei angber in ka chhuahpui ang a, Russia kan thlen veleh a thil mamawh tak, puihna chu ka pe nghal dawn nia." A ti ve a.


"Kha tin ka awm ve lo ang zia záng chuan ka chung thu min sawi khum suh u." Katya chuan arawn ti ve khauh a.


Dimittri chuan afanu chu ava pan hnái a, "Katya eng thil in nge mawlh che a hetiang thil te i tih ták mai chu le?"


"Dima hi Trey hian a that a sin." A ti tuar a.


"Trey hian athat lul lo mai, Dima thih chhan chu accident vâng ani tih kha hre lul teh! I vânnei ngawt mai hetia ka hma a nungdama i la ding thei cheu te hi!"


"Trey hian min that tûrin a huaitáwk lo èm a lawm." A nuichhuak hak a.


"Ka ngam lutuk tlat, chuan hetiang a ka family chunga i thlentir leh anih ngat chuan ka ti ngei tawh bawk ang." Ka tih khum ve hluk a.


"A nih te chuan ti la, Trey, i ngam te chuan min káp ta che." Thinrim zet chung hian a ti tuar tuar a.


"Katya hei chu atàwk ta khawp mai, ngawi hmak rawh." Dimitri aw vîn tak chuan arawn ti ve ta hrawih a, thàwk ala hawk a, ka lam chu arawn hawi a, "Trey i chungah láwmthu ka sawi nawn leh e, i lakah hian bat ka ngah lutuk."


"Engmah ka lakah bat i nei hlei ném, chhûngkhat vek alawm kan nih." Zavak lo hian ka kiai khum ve suk a.


"He thil hian Russia i rawn tlawhna adan loh hrâm ka beisei son." Tiin ka koki ah chuan akut a rawn nghat zauh a, a la lèt leh vat a, Dimitri chu ka lakah inthlahrunna hlîrin a khat tih pawh ka hai lo.


"Ka táwp phah hauh lo ang, kan naute hi a rawn pian hnu ah kan chhûngin vacation hmang turin kan rawn kal leh ka ring." Ka ti veleh a.


"Khawngaihin tih hràm i rawn tum dawn nia, Polina pawh ahlim dawn èm asin."

"Inthlawh kîr lehna tûrah him takin Russia inthleng leh dawn nia." Ti a ka thlah hnu chuan, Katya chu a kai chhuak a,"Son lo in enkawl ṭha ang che." tiin min thlah ve ta a.

Dimitri te chhuah hnu chuan Clegg ka bia a, bar lamah Frencesca rawn tir phei tura ka hrilh hnu chuan bar lam ka pana scotch ka inthlit nghâl a,  ka inthlitsa nokhat vèl ka lo inzo hman ang tih ah Frencesca pawh arawn lang ve ta a, "Min biak duhna i nei em ni boss?"


"Kha mi ni a i thil tih ah khán lawmthu hrilh che ka duh mai a nia."

Ka no ruak chu ka thlit belh leh a, "I nunna ka chhan sak váng che khân maw ni a?" A nui chhuak hak a.


"Boss i lawmthusawina chu ka pawm e, hei vâng hi alawm nang pawhin a kan mamawh engkim min tumsak chhan chu!" A sam buang thar mai a dar chen vèl lek chu a tuai deuh zeuh a, a kalsawn leh ta a.


Detroit chu ka bul a rawn thleng phei ve nghâl a, noruakah chuan a intûr a rawn inthlit ve nghâl a, "Callie chu a haw hma maw?" Detroit chu ka melh zauh a.


"Aw, eng nge Dimitri nen in inbiakna le?"

"A ṭha e, Katya nen Russia lamah an thláwk kir leh nghâl ta anih kha." Ka intur chu ka lem leh zauh a, ka cigar chu ka ṭankai nghàl a.

"Thank God, hmeichhe â antih zinga mi pakhat ani ngei ang le." A thaw ve huai a.


"Dima thih hma te kha chuan khatiang khán a awm ngailo hrim hrim." Ka cigar chu ka híp leh vang vang a, intur chu la kângin ka tem leh hluk a.


"Well, Russia lamah akir leh tawh tih ka hria chu ka lawm ngei mai." A ti deuh hlut a.


"Nang chauh nilo in, kan zavaiin maw le." Ka ti ve sup a.


"Hetah lah naute pianna tûrin thla tam a awm tawh lo a, naute arawn pian hunah chuan kan buai....."


"Anih chuan nawm chenna kan ṭan a ṭha tawh a nih chu." Hetiang lamah hi chuan Detroit ber hi aphûr nghál sûrh zel mai a ni.


A FEW MONTHS LATER....


Trey shower hmang lai chu ka luh chilh a, "Trey vawiin kha chu hnalam pang i theinghilh angai ang, hospital lamah appiontment kan neih kha aw." Ka va ti a.


"Babe chu chu ka tihtheih pawh ka inring lo ve." Trey inla pa leh lutuk hi chu ka haw tlat ṭhin, mahni chauha damdawiin a kal kal mai pawh hi ka kham tak zet tawh, ka nau neih lah chu a hnái chho tulh tulh tawh leh nghâl.


"Eng maw i sawi a?"

"Kan fa pian hma ngei hian warehouse lamah thil tihfel tur ka ngah lutuk, nangin fa i neih hunah chuan ka tih theih lawk hmel siloh a, chumi hma chuan lo inhma khawsuih ve te ka duh alawm."

"Chûng thil zawng zawng ai chuan i fanu hi a pawimawh ber i ti ve lo em ni Trey?" Ka meng nûr deuh náng a.


A rawn inher a, "Callie ṭan leh lo teh!" A ti chuai ve ruih a, ruaka a inbual avâng chuan min hmachhawn záwnga arawn din meuh chuan keimah zâwk chu ka zâm chhe lek lek, a ni hmelah ve thung chuan chutiang lam thil engmah alang lo.


Tháwk ka la raih raih a, ka mit chu ka chhîng deuh vang vang a, ka menchhuah leh hnu chuan, Trey mitmeng fiah zet chuan min lo enreng tih ka hre chhuak a, "Kan princess pian hnu hian hun pék ve ka duh vâng záwk a nia, chumi hma zawng chu engkim thil order láwkin lo dah ila a ṭha èm èm a ni." A ti leh khurh a.


"Enga pawh chu ni teh se." Lehlam ka hawi táu hmak a, ka chhuahsan zui ta a.


Trey chu towel veng chung hian arawn chhuak ve nghâl a,"Tikhán vawiin nilengin min tûm khum leh dawn ti raw?"


"Ugh, ka lo ngaihdân chuan tûm hmél hi chu i style ani mahzáwkin ka lo hria asin." Katih khum veleh ngat a.


"Damnit, Callie, vawiinah chuan he thil hi ti lo hrám teh ang, ka lu hi ana sa teh mai a nia." Achal chu a tuai deuh puat a.


"Oh, Trey kal ta che, kha i warehouse hlu zetah khân va kal nghâl rawh." Thinrim zet chuan ka tih khum ta phiar phiar a, ka lo ngaihdan chuan he afanu piang tur aia amah a pawimawh a awm ka lo ring lo a, nitin doctor bulah ka kal azeng pawh ani silo va, chumi a hman lo ti a min han hnial fithla ṭhak mai chu ka dawh thei bîk tawh awkawng lo.


"Vawiin ni a lo kal kher tûr hian ka mamawh miah lo che." Ka ti leh hmarh hmarh a.


"Cooper in hospital lamah chuan ava hruai mai dawn che nia, naute hi piang thuai thuai se i tân pawh a ṭha ber ang." A thawmhnaw chu a thlâk sawk sawk a, min chhuahsan ta daih a.

"Awi, ka káwng chu ava han kham teh rèng ém!" Ka kal dán posi chu ka hné ngawih ngawih tawh, ka thin te chu arim hlûr tawh mai, nau lo pâi lo malék ila ni tur hi ania, kal pawh ka kal ṭha hlei thei tawh lo a, ka,dul lam lah chuan hma ahruai ûl mai leh nghâl, chèt zûng zûng ka harsat a, héng thil thlen chhan hi Trey váng vek ti a ngaihtuahin Trey chu ka mawhpuh lo thei lo, ani lah chuan minla ngaihtuah lo èm ĕm zui, thinrim zet hian ka âu chhuak ṭhat a.


THE WAREHOUSE...


TREY....


Rilru buai tak chuan in ka chhuahsan a, Callie hian engvâng a thil hi hrethiam duh der lo ṭhin nge maw anih tih hi ka hrechhuak ngai dawn lo anih hi, ama thil chauh abuai pui a, nau pian dawn hnaih a lo inpeih láwk ka tum vena pawh engah mah angai lo, tûn ang huna kal âi chuan a nau hrin dawn huna kal leh nau enkawl dún túra hun thâwl tak ka nei chu ala duh daih záwk ang tiin ka inthiam chawp ta ringawt a.


Warehouse chu tûm bûr chungin ka lút a, Detroit chuan mim rawn pan phei nghál thuai a, "I lung ava áwi hmèl loh ve a?"

"Callie in ka bengkherh zâwng tak thil min hrilh a lawm maw le." Ka ti nuah nuah a.

"Eng nge i tih leh pek tawh a?"

"Eng mah, vawiin ah hospital ka kal theih loh tur thu ka hrilh chauh mai a ni e." Ka ti deuh nghut a.

Ka thusawi chu chhunzawm lehin, "Hetiang anih reng dawn chuan ngaihtuah vela a unaunu pawh ka 'tap' duh hial tawh maithei."

"Callie in unaunu anei hlei nèm!"

"Mi mawl pa, example ka sawina anih chu!"


Hunter pawh arawn lang ve zui a, Detroit ana alo hmuh veleh chuan lo âu in, "Hey, Hunter kan boss hi dog house ah a awm mék anih hi maw!" A ti lûng lûng a.


"A ni leh ta maw, eng thil nge i tih leh tâk a?" A rawn nui phei sûng a, a taksa han ém avâng chuan a ha chu ka hmu vâr nalh ngang mai.


"Dog house ah ka awm hrep lo ve." Ka tihkhum dûn hluk a.


"Vawiin hian Callie hospital lamah akal pui duhlo a ni áwm e." Nui vawr chung hian Detriot chuan alo ti a.


"Ka buai èm alawm, Cooper pawhin ahruai ve thei vek tho a."

"Cooper kha naute pa ani hlei ném Trey!" Hunter chuan ati dam thlup a.

"Thlakhat chhûng zet couch a mut i duh em ni?"


"Hospital appointment hrep anih chu kan sawi Hunter."

"Callie hian nâu ahrinhma ngeiin héng thil hi lo tihfel vek ka duh, naute apian tawh mai avâng in héng thil tihtur ho hi pending char char ka duh dawn hauh lo bawk." Ka ti ram hmuk a.


"Boss, he thil siamṭhat nân hian khua ala tlâi hauh lo a nia, hospitalah chuan va hruai ringawt mai rawh."

"Ni e, va kal pui rawh, keiman ka lo cover vek mai dawn lawm, couch a mut reng zawng avawt duh teh mai a nia." Detriot pawh chuan a lo ti veleh khauh a, anui zui sáwng a.


Detriot lam chu ka hmachhawn siah a, "Detroit engtin nge couch chu avawt lutuk tih i hriat hrep chu le?"

"Hmeichhia rèng rèng i kawl rei ngailo a, chutih chhûng pawhin chu thil chu ilo tawng tawh tihna ani maw?" Ka ti khur khur a.

Detroit chu za zet hian a nui chhuak hawk hawk a, ka thusawi chu thinrimah pawh ala lo, "Hrep tak chuanin, hmeichhe ho hi chu chhangtháwp ang lek an ni." Hunter leh Detroit chu annuih a zâ zual sauh a, thinrim zet in warehouse chu ka chhuahsan a, inlam pan chuan ka inkhalh kîr veleh ta a .


Inchhúng ka lût chiah kitchen lam ka pan phei nghâl a, Callie chu insiam peih at a breakfast ei mawlh mawlh hian ka va hmu a, abula ka va ding chu athil ei châwl meuhin thîp zet hian min lo melh chho khâi khâi phawt a, aw ngaihno beilo zet hian, "Eng nge i rawn tih leh dawn si a." Mi lo tih khum hlar a.



"Hospitalah hruai che ka tum maw le." Ka ti chhuak sup a.
Trey in controll na i mamawh tih chu ka inhrilhru mawlh mawlh bawk.


"I lo kal thei dawn lo emaw ka lo ti tawh a sin." A mi melh dán chu ala pângai reng tho.

"Ka rilru ka thlâk leh a lawm."


"Well, anih te chuan thlâk leh mai la ani mai lawm, khata awmve tur khân ka duh tawh hauh lo che."


"Callie vawiin hian ka thinrimna mi cho chhuahsak hi i chák ve hrim hrim ti raw? Tûnah chuan che chhuak vat mai teh, hetiang thil tih kual káwi vèl nán hian nileng hun ka neilo a nia." Ka inher pah vut a.

"Uhh, heti pawh hian ka ṭha tàwk èm èm tho."


"Ṭawng ṭawng lo khân rawn che chhuak vat mai teh Callie." Ka tih khum leh hráwk a, páwn lamah ka chuahsan ta daih a.

Carah chuan arawn lût táu ve nghawng nghawng a, ka haider sak hmiah, hmalam chu en ngur pah hian, "Zanin chu ka rawn háwng lovang, zankhua in meeting kan nei dawn." Ka ti leh hmuk a.



"Chu chuan min tihbuai viau i ring em ni husband?"

Oh, chakna ka mamawh tak zet.

Hospital chu kan thleng ve ta hrám a, Callie hming lam hun chu waiting room a ṭang chuan kan lo nghâk vang vang a, Callie chu ṭhu talo chuan a vei ngâuh ngáuh a, "Oh, ṭhu ve mai mai teh Callie!"

"Mr.Bailey i râi ve hmaloh chuan engtikah mah raipuar hreawm tawrhna hi i hrethiam pha hrep lovang." Thîp zet hian min rawn melh a.


Callie hmung anrawn lam chu ka thaw huai mai, kan va luh chuan nurse pakhat hi alo awm a, Callie chu khumah muttirin anaupai chu a en kual sak a.


"Engkim a ṭha vek e, naute hi eng tik lai pawh a rawn piang chhuak mai thei dinmunah a ding tawh bawk."



"Hetia nghâk reng lo hian ....eng thil emaw tih theih te hi i nei mial lo maw?"


"Mr.Bailey eng nge i thusawi awmzia chu?" Nurse chuan ka chhânna nghak reng tih hriat zet hian min en reng a.


"Well, naute hian chhuah a inpeih tawh anih chuan....in la chhuak thei mai lo em ni?"

"Tûn angah te hian." Ka ti leh sup a.


He hmeichhe mulai té kual vel turin a min tih át zawh hma ngei hian. Tih chu ka rilru in ka sawi thung!



"Idea ṭha tak anih chu Mr.Bailey mahse chutiang a he hna hi thawh chi ani ngai lo."

"A thusawi kha ngahmah ngaihsak duh suh." Callie chuan alo ti ve zauh a.


Kan inentir kan zawh veleh  warehouse lam ka pan a, Detroit, Hunter, Clegg te hruai chuan naupiang mai tûr lawm turin club lam kan pan pui hlawm a, mahse engmah erawh ka hrilh hre duh lo.Cooper erawh Theo ngaihven angaih avângin ka hruai tello a, kan kalna erawh ka hrilh vek thung! Amah erawh chu Callie hrilh hauh lo tura ka tih chuan nui vur vur chung hian a bu ve nghut nghut a.


Club a hmeichhe pakhat lâm lai chu kan thlír ṭhap hlawm a, Clegg chu rawn ṭawng chhuakin, "Engvánga heta awm nge kan nih, hna thawh tur kan nei em ni?" Intur tem zauh pah chuan ka lam a rawn hawi a.


"Nilo, zu intúr chauh a kal kháwm kan nih hi!" Tiin ka chhâng sup a.

"Zu in turin a?" Detroit chu anui chhuak hawk a.


"Ni e, Detroit, thlamuang taka inturin leh engmah min tibuai tu awm lo in."

"Dog house ah chuan ila awm reng tihna em ni chu?" Hunter chuan arawn ti ve zauh a, a nui pah vur vur a.

"Nope, teuhlo mai, tûnah hian Callie chuan meetingah ka awm angin angai maw le." Ka nui chhuak ve suk a.


"A châng hi chuan boss, i ngeiawm ve ṭhin ngawt mai." Detroit chu a nui vur vur a.



"Detroit sawlai a singer saw ani lawm ni ahma a i hruai chhuah kha?"


A va melh ve zauh a, "Anih saw!"


Rei pawh kan la awm hman lo, Cooper chu hmanhmawh zet hian kan bul chu a rawn thleng phei a, "Boss !"

"Yeah, Cooper?"


"Callie labour roomah alût."


"Eng maw?" Ka thil in lai chu ka phuh chhuak ṭhawt a.