TSEPNAYA REAKTSIYA MAFIA ROMANCE CHAPTER 38

TSEPNAYA REAKTSIYA   MAFIA ROMANCE CHAPTER 38

"In naute lo piang túr hi hmeichhia a ni e."

"A nih ka ring rèng ah!"

Trey chu makti zet hian ka en chho a.

"Ka lo kalsan rih ang che u."  Nurse chu a kal sawn ta nghál a.

"Trey i ring dik ."

"Babe, engtik lai pawh hian ka dik reng ṭhin tih te chu i hriat kha." A mit min siai khum suk a.

"Khatia thliarkar tuma chen ngailohna hmunah kan tán lai pawh khán, fa eng nge kan neih dawn tih pawh hre lo in ka thih mai ka inring tawh a, chumai ani lo rilru hah takin kha hmun kha ka chhuahsan tawh lo ang tih kan ring ber a ni. Han ngaihtuah ve la kha hmun aṭang kha chuan engmah rawn tih theih kan nei lo a, kha hmunah lah khân engmah tih tur a awm silo, thil chi hran hran ngaihtuah kual vak vak mai loh chu tih theih kan nei lo."

Thâwk ala hawk a.
"Chutiang anih a vâng chuan Theo leh kan naute rawn piang tùrin leh a nu thlenga ka rilru in tih hah ṭhin zia chu."

Trey chu ka kuah a nghâl thlawp a, "I tán chuan a hreawm ngawt ang ka hriatthiam pui lutuk che." Ka mittui chu a darah chuan a far kauh kauh a.


"A ni a sin, kei pawhin thil pakhat ka hriatchhuah phah a, i hmangaihna tello chuan engmah ka ni lo a, ka tumna te pawh hian engmah kawngro a su lo, he kan pahniha inhmangaihna chauh hian chakna min pe tih ka hriatchhuah phah ta a ni."

"Mahse tûnah chuan hei ka lo kîr leh tawh a lawm, ka kalsan leh tawh ngai lo ang che." Trey chuan min kuah nget sauh sauh a.


"Babe inlam ah kan kìr leh tawh dawn em ni? Zanin hian Russia thlen ngei ngei kan ngai si a."


Ka dâk chhuak a, "Oh aw le, nitak." Ka mittui chu dìmte hian min hrúk fai sak a, rilru inpawh tak leh inhrethiam tawn tak chuan car awmna lam panin kan kal a inlamah  kan inkhalh haw veleh ta a.

Trey nén a inhrethiam tawn taka kan awm dún avâng chuan ka hlim veng veng mai a, a mah hrim hrim pawh hi misual tak chu ani hauh lo, ka fa te pa atâna pa ṭhatak a nih theih ngei ka ring bawk.



TREY....


Callie inchhûng ka luh pui hnu chuan aroom lama in pack fel turin ka tir chho nghâl a, Detroit leh Hunter, Clegg te ho chu phone in ka officea kal nghâl tur chuan ka ko a, kei pawh ka office lam panin ka kal ta nghâl a.


"Boss eng nge ni ta?" Detroit chu ka office a rawn lûtin arawn ti a.

A hnungah chuan Clegg leh Hunter chuan an rawn zui lût ve bawk a.


"Russia ka kal hma in thil eng emaw tih fel lawk túr ka nei a."

"Boss eng nge ruahmanna chu le?" Hunter chuan a ti vat a.

"Detroit, Hunter in pahnih in Alberto vúina ah inlo va kal anga, a chhúngte bulah ka tuarpui zia thu leh engvânga a vûina hmuna awm theilo nge ka nih chhan in lo hrilhfiah dawn nia."


"Clegg nang leh Cooper erawh chuan inah awmin kan kal chhúngin Theo in lo véng thung dawn nia, Dima vuina huna awm ve túr hian ka duh lo, achhan chu chanchinbu mi ho an tam dawn lutuk." Ka ti leh a.


"A pawilo boss kan lo awmpui dawn nia."


"He hmunah hian Cooper hi mawhphurhna ka pèk belh leh dawn a, Dima dinhmun kha amân a luah ang a, Dima hna kha ani hian arawn chhunzawm bawk ang."


Detroit chu ka melh a,"Detroit nangin a ni hi lo train ang che, Russia aṭanga ka rawn kîr leh veleh ka rawn hmu leh dawn nia."

"Ka hria e." Detroit pawh chuan ati ve nghâl a.


"Ultrasound chu eng nge a an?" A tih zawm nghâl a.


"Tûn ṭum chu hmeichhia a ni e."

"Uhh, a ṭha hle mai maw, fa siam dán i thiam khawp mai." Min nuih vur vur a.


"Boss i buai tawh dawn khér mai."


"Eng vâng chuan maw Clegg?" Ka meng rum deuh ûl in ka inhria.

Hunter chuan ka zawhna chu alo chhân saka, "Ngaihtuahna ti buai tak tak tur hmeichhe pahnih i neih tawh dáwn vângin, pakhatah pawh i buai a, pahnih an nih leh hunah phei chuan."


"A teuhlo mai, ka princess te hi chuan ka hnung arawn dáwl dawn tih hre ta che u, a daddy hi hun khirhkhαn leh harsa a thlen duh dawn miah hlei ném." Ka nui chhuak ve hawk a.


"Chu thil chu athlen ngei theihna tûrin vαnneihna ka hlân a che boss." Detroit in a rawn tih leh hnu chuan kan zavaiin kan nui ta hlawm a.


"Boys, túnah chuan ka buai khawp mai, nangni ho lah chuan ka buaina min belchhah sak sauh bawk a hriatna ka nei."


La ṭhen ṭhu hlawm chung chuan min chhuahsan ta hlawm a, kei pawh Callie chu a inpeih tawh em tih entûr chuan kan room lam chu ka pan ve ta nghâl a.

LAGUARDA AIRPORT NEW YORK.....


Airport kan va thlen chuan Dimitri jet pawhin min lo nghαk reng tawh a, kan thawmhnaw dahna bag lian vak lo chu car driver chuan min dah luh sak hnu chuan vanlamah kan thláwk kâng ṭan ta a.
Callie chuan min rawn melh zauh a, thilsawi duh nei ang tak hian a âng ziau a, mahse a hmúi chu a chìp leh daih a." Eng nge ni ta?"


A chhíng deuh sek a, a rawn meng leh hnu chuan, "Theo kan hruai telve ka lo ring a." A ti ta a.


"Kan haw leh vat dawn alawm, ngaihtuah duh suh, nirei lo te chhúng chauh alawm kan châm dawn a."


"Ka hria a lawm." A tûm deuh hmak a, ka ṭhutna aṭang chuan ka tho chhuak a, Callie bulah chuan ka va ding a, a hméla zawhna zawh hmél zet hian min enchho a, "Eng nge i tih a?"

"Mile high club' ah hian min rawn záwm ve duh ang em?" Ka melh chhuk ve reng a.


A rawn ding chhuak a, nui pah var var chung hian, "Kan theilo ang, tu emaw an rawn lût thut mai thei a sin."


"Babe tumah an rawn lût lovang."

A hmúiah chuan ka fawh sak ṭan leh ta a, a dul lah chu alian tulh tulh tawh mai leh nghâl, he thil hi rei ka ti thei dawn tawh lo ani tih inhre reng chungin ka la theih chhúng chu ám leh duhthawh taka chen ka tum.

Callie thawmhnaw chu ka phelh ruak vek a, a dul páwng deuh pâr tawh nén a inhmeh tak zet, a nau pai vαng ani ngei ang, a taksa pawh a hrisel hmél hliah hliah a, a vun chen chuan a nung sarh a, an sensiah bawk,chutiang khawp a hmeichhe duhawm leh nalh ti a mittla lek lek a ka en pawh ka la hre ngai lo, muangchαng lovin thlawhna seat nghenchhan chu ka ti âwn a, tah chuan ṭhut mut tir titih in ka mipatna chu ka thunlút nghαl pawp a, anuam khér mai, a chhúngril chu a sa vang vang mai a, chu chuan rei min daih tìr leh thei dawn hauh lo tih pawh ka hria, a tâi a khⅇlbáwr lehlam lehlamah chuan ka kut a dawm sakin a mawng chu ka cháwikân sak deuh hlek a, chét ka lαk chhunzawm ta mial mial a, nuam ti zeta thaw hawk hawk ri chu tu dang an nilo keimah ngei aṭang a tháwm chhuak a ni, nawmna nasa tak chuan min tuam hlup hlup a, mipa pawh nimah ila ka âu chhuak ve ṭhelh in ka hria, mahse chutia ti ta ém lo chuan ka rúm chhuak ta hrawih a.


"Baby meng teh!"

"Mmm....!"  A rúm chhuak ve ṭiah ṭiah a chu amengchhuak chuang hauh lo.

Duhthawh thei ang ber chuan chét ka la leh zawt zawt a, ka chαu kher mai, mahse ka chauhna âimah chuan ka nuam tawrhna chu a lét za in ka ngai pawimawh záwk, jet chhúng chu a vawt ve viau a chu lum tiin ka thlan atla tho mai, "Babe ka tla dawn." A kut pahnih chuan thei leh theilo hian ka sama rawn chûl ve a, ka tlâk hnu chuan chau hle mah ila ka bawh thlawp ngam tawh lo, zawite hian achungah chuan ka bawk thla riai riai a, rei pawh bawk duhlo in ka tho chhuak a, bathroom lam ka pansan ta a.


Flight chhúngah darkar sawm chhúng ngawt hman angaih avαngin hun awl hnawhkhahna ṭha tak kan neih angai réng a ni, chumi tùr chuan Callie bâk mamawh ka neilo, darkar tam tak pawh hun hmang mah ila thlawhna chuan ka nin loh ber ṭum leh chuang reilo a ka in hriat ṭum tak anih ka ring.


Callie chu vawi thum lai nupa nun ka hman pui hman a, chutih chhúngzawng chuan nin leh han sawi sel chu thuhran ka taksa in amamawh ang zet chuan ani pawhin min mamawh ve tho tih ka hria, vanramtlafual ka chen pui apiang chuan a phùr ve thei ém èm tlat zel, ka pa thusawi ṭhin kha ka hrechhuak zawk, "hmeichhia i hmangaih tak i hriat theih dân tur chu, engtik lâi mahin i hne theilo anga , abula awm i ning ngailo ang, chu hmeichhia chu i mamawh ⅇm èm reng bawk anga, chutiang bawkin i rilru tihah tu ber leh nangmah tibuai ber tu che ani bawk ang, mahse i haw thei tak tak silo ang, chutiang hmeichhia i tawn hunah chuan nupuiah nei hmiah la i tisual miah lo ang, hei, i nu nén pawh hian chutiang chu kan ni a, ka tisual lo khawp mai tûn thlengin nupa inhmangaih tak kan la nih reng na chhan pawh a ni rèng a ni." Ti a ka pa thusawi chu Callie ah ngei hian a awm in ka hre ta a ni.


A hma te kha chuan hmeichhia hi ka kawp satliah tawp a, ka mamawh min pék chuan ka duh táwk mai thin, rilru a vei zui rèn rún ka nei ngailo bawk , hmangaihna diktak ka pa sawi ṭhin chu a awm pawh ka ring tak tak ngai lo, mahse ka lo la tawn fûk loh vâng mai mai a nih ka ring, hmangaihna awmzia ka hre lo ti pawhin ka sawi ngam ka ring tawh lo, he nu hi ka hmangaih ber chu anih ka ring ber, amah veiloh ka tum poh leh ka vei tulh tulh ani mai.


PULKOVO AITPORT RUSSIA

Zan darsawmah Russia Airport kan thleng a, páwn reilo te kan din chhûng ringawt pawh chuan ala vawt khér mai, vûr chu ala sûr seng seng reng a, febuary thla táwp lam pawh ni tawh mah se vur chu ala tla reng tho a, mahse december thla ang èm èm erawh ani tawh lo thung.


Kan zinna a chauh deuh hlek avángin Callie chu muturin akal nghál a, kei pawh kan thleng tluang tih ka mipa te ka hrilh tawh hnuah shower ka hmanga, Callie bulah ka mu ve ta a.


Zîngah chuan Dima vuina hun hmangturin kan kal a, mi an tam kher mai, chhúng leh khat te leh ṭhenrual ṭha mai bâkah chanchinbu lam mi thlengin an kim tih theih a ni.


Thlânmual lama Dima vuina hun kan hman zawh hnuah kei chu ka la ding khaw muang rih a, Dima thlán bula din vang vang pah chuan thlahna hun ka nei a, Unaupa thlamuang takin zâl nâng che.


In lamah chuan kan inkhalh haw leh ta hlawm a.

LATER THAT NIGHT.....

CALLIE.....

Trey ka bula rawn ding bulah chuan, "Ni rei tak ni in ka hria." Tiin ka phun chhuak sap a.


"Ni e, a ni khawp mai."


"Trey i ṭha maw?" A hmél chu a nguai deuh ruih hian ka hria.


"Lungawina hi i nei ve ngailo em ni?"


"Nei lo tlat mai."


Min rawn pan hnâi sauh a, min fáwp zui zauh a.


"Bronze Dragons hi lo chhuahsan ta ang la eng nge an chungah thleng ang le?" Ka melh chho leh zeuh a.


"Eng maw i sawi a?"



"Ka tih awmzia chu chhúngkua i nei tawh a, chu chu tûnah hian i ngaihtuah angai tawhin ka hria, a ni tiraw Trey, Bronze Dragons hi i chhuahsan angai tawh in ka hria."


"Chutiang thil ho chu ka sawi pui peih lo che." A in her vut a, min kalsawn san ta daih a.


"Trey!" Ka âu zui a chu chhánna ka dawng lo.


Eng chung cháng nge maw ka sawi leh ták chu le?

Trey chu ka ûmzui a, "Trey, eng nge ka thusawi kha adiklo em ni a?" A bân chu ka vawn sak a, mahse min phihthlák sak lawp a, angaihna pawh ka hre thiam lo.



"Trey, khawngaihin min chhâng rawh." A hmèl rum zet chuan ka lam arawn hawi a, "Callie tûnah tak hi chuan i chunga thinrim lo tûrin ka bei mék anih hi!"


"Eng nge achhan Trey?" A hmél put dán chu a rumin a chang kher mai, lungbang te pawh ang ka tih phah hial.


"A chhan chu i thusawi kha a âtthlâk èm a vângin." Thinrim avâng chuan a sehchilh deuh rawp rawp a.


"Bronze Dragons ka chhuahsan ang tih rilru hi engtia pu mai thei nge maw i nih hrep chu le?"


"I.....i thusawi awmzia chu, he Bronze Dragons khawvel ah hian kan fa te chu chawi seilen iduh tihna maw?" Mak titak hian ka mengbial kawl kawl a.


"Bronze Dragons hi ka khawvel ani miau tlat a ni Callie." A insehruh kher mai.

"Ngaithla rawh Callie, ka nu leh ka pa hian Bronze Dragons tân an nunna an hlán tawh a, Ka unaupa Alex pawh chuti tho chu, chutah keiin ka lo chhuahsan mai ang a maw, chu chu ani lawmni i ngaih dán? A teuh lo mai Callie."


"Ka lo ngaihdânah chuan tûnah hian pa i ni tawh a, common sense tlém tal te chu nei ve la."


"I sawidânah ka pa khán common sense anei miah lo angah i ngai tihna maw ni a, ka pa khân he mafia life nei chung hian min enkawl seilian a sin, chutiang bawkin Alex leh Kadie pawh, chuan ka pa  thil lo tih tawh te kha âtthlák ti a sawi i tum tiraw?" A mitmeng vawt zet chuan min melh chhuk rûn a, chutiang ngaih dan thleng thleng aneih chu ka ring lo rèng rèng, a thuhrimah inchhung khura a dinhmun chu hre ve sela, he life hi afa te pa anih tawh na ang a kalsan tûra hrilh mai chauh ka ni.


"Enteh Trey ka ngaihdân angin thil hi hmuhthiam ve tum tawh teh!" Ka thaw chhuak hak a.

"Nilo Callie, kan inneih hma ngei pawh khán tunge ka nih tih leh eng nge ka tih ṭhin tih chu chiang takin i hre vek, he Bronze Dragons hi kalsan âi chuan thih pawh ka thlang záwk." A ti chhuak ta hrawih a, a awka vîn leh hlauawm zet chuan min ti khûr dar dar a.


"Chuan heihi hria ang che, kei hi Bronze Dragons chu ka nih hi!"

"Babe he thil i pawm lo anih chuan buaina nasa tak i tawng ang tih hre bawk ang che."

Thinrim zet chuan a in her nghut a sofa a akawr chung leh shirt chu a ha mawlh mawlh a, hawi pawh rawn hawi lèt leh tawh lo chuan a kal chhuak ta daih a.


Zîng ka ṭhangharh chu ka tho chhuak nghál a, Trey chuan kan room a rawn lût leh tawh hauh lo tih a chiang, zánah pawh ka bulah a riak lo.


Inhnuailamah ka chhûk a, phone biak pah hian breakfast alo ei mawlh mawlh tawh a, Coffee la lum vat vat chu in thlit ve in breakfast chu ka plate tûr ka lákah chuan ka chhawp a, Trey bulah chuan ka va ṭhu ve a, Trey  phone biak pawh a tàwp ve mai bawk a.

"Eng nge diklohna a awm em ni?" Coffee tem hlak pah chuan Trey chu no tlâng aṭang chuan ka melh zauh a.

"Engmah a ni lo, ilo buaina tur pawh a awm lo." A ti chhum hmuk a, a mitmeng chu ala rum tho mai, ka lakah chuan a inla hrang rûn a.

"Anih ni zánah khawiah nge i mut?" Nuamlo ti tak chuan ka zâwt a, mahse ka hre chák viau bawk si.

"Theo khumah ka mu, a chhan chu gangster i bula mu turin i duh tawh pawh ka ring hlei nèm."

A breakfast siamsa ka plate a mi chu phûr lo zet hian ka tem hlak a, "Trey hemi chung châng thu hi kan sawi dûn ngaiin ka hria."


"Engmah sawi dun leh tur chuang a awm ka hre lo, ka sawi tûr zawng zawng chu ka sawi zo vek tawh." A ti bung leh nghut a.


"Ti khán breakfast kha ei la inah hian lo awm ang che, Dimitri hmu tura ka kal a ngai." A phone chu min bihsan lehta daih a.

"Mahse shopping tûr khán kan kal dûn dawn emaw ka lo ti a?" Ka ti zui leh sap a.


"Nilo, ka buai, Katya nangmah hruai turin ka rawn tir ang." En pawh min en leh tawh eih lo.

"Katya nen khán khawiah mah ka kal dawn lo."


"Engváng chuan maw?"


"A chhan chu ka ngainat záwng anih lo avàngin maw le."

"Damnit, hmeichhia, i hriat chian loh vâng mai mai a nih chu!" A inher vut a, a kalchhuak ta nghál a.


Hetah Katya chu rawn thawn lo se atán aṭha záwk ang. Ti rilru pah chuan Trey kal chhuak ta chu thîp zet hian ka thlîr liam a.

A chhuak tih ka chian viau hnu chuan ka ṭhutna aṭanga tho chhuakin kawngkhâr chu ka kalh ta hmak a.

Ka let leh chuan ka ṭhutna ngaiah bawk chuan ka ṭhu leh a, breakfast pawh eizawm peih ta lo chuan ka hawlh káwi vel mai mai a, Trey chuan ka thin atirim tak zet, Katya chu rawn tîr lo hrám teh se, he hmun hi chhuahsan hlân ka nghâkhlel tak zet, New York lam pan chu ka thil duh ber a ni bawk...


Kawngka chu a rawn inhawng a, mak ka ti kher mai, Trey hnu khán ka lock ve thlap khàn ka hre si a.

Katya hmèl chu arawn lang ve nghâl a, "Katya?" Makti zet hian ka mengpháwk hra a.


"I fairy godmother chu heta hi a awm tswh e." A nui chhuak hak hak a.

"Engtin nge i rawn luh theih a? Makti zet chuan ka lo ti a.


"Duhh, chahbi ka kawl ve reng alawm." A nui zui sak a.


"Trey hi ka cousin a ni a, ka kawl thiang ang chu ka lo ti ve mai a.


"Katya eng nge i duh chiah?" Ka melhrum kher mai.


"Whoa, girl inbengdai teh!"


"Jeez, Trey hian alo ti mai mai lo anih hi, a sawi dán chuan hel hmang tak i ni a tih hi alo dik chiah anih hi." Anui chhuak hak hak a.


Ka la nui duh hauh lo,"Engtin maw min lo sawi a?"

A chák lo ang chu aw, ka ti nghâl ram ram a.


"Han ti ṭha leh teh ang, kan thei ang em?"

"Eng chu maw?" Ka tih khum hmak a.


Ka zawhna chu ahaider hmiah, "Trey alo kal a, shopping pui tur che a ka hman leh hman loh min rawn záwt a."

"Shopping ka duh hlei ném." Tiin ka chhâng ta ringawt a.

"Uh, eng vangin nge? Hetia nilenga lo ṭhut tawp te chu i ning dawn lo em ni?"

"Trey lah chu âwiawm loh khawpin atûm leh áwm si a."
Min nuih var var a, a sam senthar mai leh a hmèl hlim sârh remg mai te a mizia harhvâng tak te chuan min ti harh ve sawng sawng mai.
Mahse amithnuai chu a val raih a, zân amu ṭha lo emaw a unaupa Dima asûnna te pawh ani mai thei .


"Min ring rawh alo kîr leh har viau ang."

"Tûnah te hian a rilru hahna tibo tûrin scotch a inthlit leh mék tawh pawh ani maithei bawk a sin."


"I ti dik in ka ring." Ka ti ve ta sap a.

"A nih shopping chu va ti ta ila, tichuan khawi emaw hmun nuam takah lunch te kan ei dûn bawk ang a, a ṭha ang em?" A nui sáng a.


"Chuan kan tih zawh hunah Trey nén pawh in inhmu thei tàwk vel chiah chiah ang."


"Ok, a pawi hauh lo ang, inchung lamah chho in ka kawr chung leh bag ka han la ve lawk ang e." Ka ti ta nge nge a,ka chhoh pah chuan Katya chu ka rin loh ang takin hmeichhe sual tak anih hran ka ring ta lem lo a ni.



Shopping kan ti zo lunch eitûra kan han ṭhu zet ka ke te chu ana kham ut ut mai hian ka hria a, kan vák thui in Katya chuan shopping tih chu nuam alo tiin thil a duhṭha in a duh khirh hlé bawk tih chu sawi kher ngailo in vawiin ni ngei hian ka hriat phah ani.


"Ka ké chu ana tak zet."ka ṭhutna tur chair pawh chhuah pah chuan tiin ka ṭhuthla nghâl a.


"Shopping tih hi nuam ka tih zawng tak a nia." Menu chu ala nghâl zat a.


"Ka hmu thei a lawm, nuam i tih zia chu!" Ka nuih sak a.


"Kei chuan cocktail ka duh dawn a, mahse naute hi ṭha taka apian ka duhpui che avângin thurawn pakhat ka pe ang che, zu lampang hrim hrim hi nau pai lai chuan in duh hauh suh, nau an hmèl chhe duh, chuváng chuan nang chu mocktail hi inla aṭha ang."

"Ka inngai hlei ném."


"Good chutiang tur chu a ni." A nui leh var var a.


Katya mizia tûr âwm ang ka lo riruat ringawt chu ka ti dik ta lo hle hian ka hria, ka lo ringsual chhiava ani tih pawh ka hre ta bawk.


Trey nén hian an in close viau bawk a, Trey chungcháng engkim hriat ka duh chuan Katya hi ka kawmngeih tûlin ka hre bawk.


Katya hmèl chu angui ta hlé a. "I ṭha maw ?" Ka ti pah zauh a.

"Dima hi ka ngaih lutuk váng mai a nia." Hnuailam chu amelh raih a.

"A châng hi chuan a thi tawh tih hi ka theinghilh leh ṭhut ṭhin a, hei hian keimah ah natna min thlen leh ṭhin alawm."


"Pawi ka tihpui lutuk che, in inpawh viau ṭhin aniang maw?"

"Yeah, kei leh Dima leh Trey te hi kan inkawm ngeih ṭhin lutuk, tleirawl kam nih lai aṭang tawh a inkawp chawt ṭhin kan ni a, chuan kan ṭhanglian ho bawk a, Trey hian nipui chawlh aneih apiangin kan bulah hian hun a rawn hmang a, chu chauh pawh nilo in christmas hian an chhûngkua in an rawn kal reng bawk ṭhin a, chuvânga anu in saw in pawh saw lei a ni rèng a, kan pathum hian Russia ah kan seilian tlâng hlawm a, chuvâng chuan kan pathum hi chuan kan inngai zual bîk èm ém a ni, Trey ngei pawh hian tûna Dima thihna hi a sawi chhuak hran lo anga, mahse a rûk tak chuan a tuar ngawt ang."


"Ka  ngaidân chuan inpathum chuan hun hlimawm tak inhmang ho ṭhin anih ngei ka ring."

"Kan hmang ṭhin ngei a lawm. Chutah a nu leh pa te an thahsak hnu hian amahin Bronze Dragons hi a enkawl ta a."


"Nizân khán Bronze Dragons chhuahsan turin ka ti a."


"Eng maw?" A phu deuh zawk a, pháwk zet hian min rawn melh a.


"Damn, girl a chéng tak i tawk fu ani maw, i huaisen hlé mai."


"A thinrim lutuk a, tûkin zing thleng khân min la beṭha duhlo rèng rĕng."


"Min ṭhawng hauh lo, chutiang chuan ati ngei ang, Trey hi i hrechiang lo hle mai."

"Ka ring." Ka ti ve sep a.


"Callie ka hrilh ang che, Trey hian Bronze Dragons hi engtikah mah achhuahsan ngailo ang, a chhan chu atân a chhûngte an nih avangin, a mi leh sa leh a unaupa te vek ani."


"A tân thih an inhuam ang tlukin a ni pawh an tân a thih hi a inhuam bawk." A ti leh a.



"Chuan hei hi i tih chian angaih ka ring, eng thil nge i duh belh zâwk tih hi!"


"I thusawi awmzia chu ka hrethiam hauh lo mai?"


"Trey hi Bronze Dragons leader ani tih i duh pui nge ni a, a tello a awm i duh zâwk? A tello awm chu i duh ka ring hran lo, a chhan chu amah hi duh thlantir lo la, i thlantir chuan nang aiin Bronze Dragons hi a thlang dawn avαngin."


A phone chu arawn ri a, a mit mi rawn siai deuh zauh pah hian aphone chu a pick zui a, "Yes, Trey?"


"Ok, ka lo sawi dawn nia." Phone chu adah leh a.


"Eng chung châng nge." Ka lo ti vat a.

"Trey chu ka nu leh pa te inah dinner eiturin tunah hian a awm mèk anih chu."


"Enga tinge amahin min rawn hrilh mai loh, ka number aneilo a zeng pawh ni silo." Ka ti leh sap a.


"Ka hrilh tawh che kha, âwiawm loh khawp khawp a tûm a titau ṭhin anih thu te chu." A nui chhuak hak hak a.



Kan thil ei te kan zawh fel hnu chuan Dimitri inlam pan chuan Katya car chuan kan inkhalh haw ta a, inchhúng kan va luh chuan sitting roomah hian Trey chu mei zu in kan va hmu a, a kut lehlamin glass a scotch thlitsa hi a lo keng bawk a, kan lút min hmuh veleh chuan a zial zúk chu abula ashtray awmah chuan a nawr hlum nghâl a, a intur no chu dawhkanah húngin kan lam a rawn pan phei a.


Katya chuan thinrim zet a Trey chu melh chho chung hian, "Trey mipa ve si engvαnga mahni αia chaklo hmeichhe chunga inla vung viau nge maw i nih chu le, he i nupui hi ngai pawimawh la, a naupai atâna ṭha lo záwng tûrin rilru hahna engmah thlen tawh suh." A ti chhuak nghâl tawl a.

Trey chuan athu sawi chu angaihna a hriat loh hmél kher mai,"Min lo hrethiam teh? A hmélah chuan abangbo zia pawh a hmuh theih hial, a hmél chu a buai ve nuk mai.


"Ka thusawi kha hre reng ang che." Katya chuan min rawn melh zauh a.

"Ka lo tum ang." Ti a ka chhân hnu ah chuan min kalsan zui ta nghâl a.


"Ṭhiantha thar i chhar leh ta maw?" A hmélah chuan mi tielna hi a lang a, a hmúi chu a ti káwi sáwi deuh nâwng a, mi tielna pawh ni se, a hmúi ahan tih sawih kual vel dân chu a sexy phian mai.

"Thil nilo lo ka lo ngaihtuah avαngin pawi ka ti lutuk Trey, Katya kha ka chungah aṭha hle si a, pawi ka ti tak zet." Ka ti niah niah a.

A sam chu a tuai deuh puat a,"Enteh Callie......."

A thusawi pawh sawi zawh tir talo chuan, ka pan hnαi a, ka kuah ta thlawp a, "Trey pawi ka ti lutuk, khatia kei nge Bronze Dragons i thlan dawn ti a duhthlanna ka pék che kha ka tum rèng vânga sawi chhuak ka nilo a nia, khatiang thil kha a thleng leh tawh ngai lo ang."


"Callie."

Trey chu ka melh chho kal a, rinhlel hmél zet hian min lo enchhuk ve bawk a, chutiang lam záwnga ka sawi chhuah chu a ringlo hlé anih ka ring, "Khawngaih takin Trey min ngaidam rawh, ka hmangaih che."

"Nang hi ka neih phawt chuan thildang engmah pawisak ka neilo, nang hi ka mamawh ber i ni si a." Ka ti leh sap a.


"Callie kei pawhin ka hmangaih lutuk che, mahse he thil erawh i chian hlè angai ang, Bronze Dragons hi engtikah mah ka chhuahsan lo ang tih hi!" A ti ve ta sup a.


"Ka chiang e, Trey ka hre reng tawh ang tih ka tiam a che."


***********************************************************

TREY POINT OF VIEW....

In a ṭanga ka chhuah hnu khân Callie tih loh chu ka ngaihtuahna ah a awm lo, mahse khatia ka tih erawh kha chu ṭha in ka hre bawk si, ka chungah hian thu a nei mah mah em aw tih hi ka ngaihtuah lo thei lo, a chhan chu hmeichhe dang chuan hetiang hian ka chungah han ti ngat se chuan ka silai mu an hlawh loh atâkah. Mahse chutianga ti tu chu ka nupui duh tak leh ka hmangaih èm èm ani miau bawk si, hei hi chu arái vángah ka puh thei lo,  thil tam tak atân ka tih sak a, ka mi te lamah buai viau ṭhin mah ila ka nupui chu ka theih táwpin ka ngaihsak tel bawk ṭhin ka fapa Theo ngei pawh, ka tán a harsa viau a chu ka ti thei ngei túr ani ka tih tlat avàng chauh a dawh hrám hrám ka ni bawk, mahse tûnah chuan Callie hian eng thil nge a sawi tâk hi, Bronze Dragons chu chhuahsan turin min ti anih chu hrep tak chuan, he pawl hi engtik ah mah ka chhuahsan ngai lo ang, ka nunna âi pawha ka ngaih pawimawh záwk chu Bronze Dragons hi atlu chhia ang tih hi a ni.



Kan inneih hma aṭang tawh a engkim hre vek si ina eng vánga hetiang thu tlâktlai lo tak mai sawi chhuak nge anih tih hi ka hrethiam lo, chuvâng a zanlamah pawh Theo room a riak ta ka ni rèng bawk.

Buak ṭhat hmasak ka duh hauh lo bawk.

Dimitri in chu ka thleng ta a, Dimitri nen chuan office chhûngah kan inzui lût nghâl a, "Theo tân hian ala hlauhawm em?" Theo ngaihtuah tak chung chuan a ti lút nghâl a.


"Ka hre rih lo, mahse Surotos ho hian Robbie thihna chung chângah kha chuan phuba erawh an lák ka ring." Ka ti ve nghut a.


"Chutianga ka ring tih mai mai ai chuan tihfel vat hi ṭha in i hre ve lo maw? Achhan chu hna dang thawh tur kan ngah si a, he thil hi i tih zawh thuai chu angai ang."


"Túnah hian an safe house pakhat tih puah sak tur kan la nei a, chuzawng chu ani mai, hei chu ka kìr leh veleh ka rawn ti nghâl thuai dawn nia, ka ruahman dan chuan zan in ngei hian thlawh kìr leh ka lo tum deuh a."


"Naktúk a nih hma chu haw i tum lo emaw ka lo ti a?" Zawhna zawh hmél.zet hian min en a.

"Kha chu Callie in ka ngaihtuahna a tih buai hma a thil thleng a lawm." Ka chal chu ka dawm nghâl ruih a.

"Son married khawvelah hian ka lo láwm a che, hetiang chiah hian lawm Polina pawhin min tih ṭhin, a chhan chu inchhúng khura awm turin leh a chhúngkua enkawl tur hian min duh a, túnah ngei pawh hian ala ni a sin." Tiin abuaina chu min hrilh ve bawk a.


"Nia chutiang ang chu kan nih vek ka ring." A kiai ve suk a.

Kan inzui chhuak leh ta a, Polina chu alo awm ve reng tawh, "Trey khawiah nge Callie? Dima a awm tawh bawk si lo, engvâng in nge Theo i rawn hruai ve loh?" Zawhna hlír záwt tur chuan min lo cháng niáwm tak ani.

Engkim ka hrilhfiah hnu ah leh dinner eitúra ka intiam hnuah chauh arilru chu a dam ve thei ta hrám a, dinner eitur chuan Polina in min sáwm a, mahse Callie be hmasa tu záwk a ṭan chu ka la duh chuang lo, Katya záwk chu ka phone ta a,  kan inbiak zawh hnu chuan intur inthlitin ka awm hahdam ve ta a, chutih lai tak chuan Callie leh Katya an rawn inzui lût a, chhan leh váng awm hauh lo in Katya chuan min liak èrh zui a, Callie chuan kan chung cháng thu chu Katya bulah a sawi chhuak leh tawh tih ka hre mai, hmeichhe ho tak hi chu, an han inkawp deuh hlek a ṭhianah an insiam zung zung thei a, hmeichhia hi chu an lo hmeichhia tak zet a ni e, mahse Callie awmdan chu a dang tlat, ngaihdam min dila tláwm záwk ah aṭang tlat, chutiang karah chuan kei pawh ka inti paukhauh reng thei bík lo, Callie hmaah berkher phei hi chuan ka nèm thuai thuai zel mai a ni, Callie chu ka kuah a, a hmúiah chuan duhthawh zet hian ka fawh sak a, he nu hi engtik lai mahin ka chán phal ngai lo ang, keimah ah eng emaw thil tih theihna anei tlat a ni.


A thusawi lâi chu ngun zet hian ka lo thlìr reng a, hrep tak chuan a hmélah chuan pawi atih zia pawh a lang chhuak chiang lutuk, ka nèm leh zo vek tawh!


Ka phone a rawn ri a, Callie ka kuahna chu thlahin ka phone chu ka phawrh chhuak a, "Detroit sawi rawh?"


"Boss beih kan táwk."


"Eng maw i sawi a, Theo khawiah nge a awm?"


"Trey eng thil nge thleng?" Callie lah chuan hlâutháwng zet hian alo ti ve chûl leh nghâl a, ka duhaiin ka awka chhuak chu a vín mah mah anih ka ring.