SEPNAYA REAKTSIYA MAFIA ROMANCE SEASON 2 KING THEO 18+ CHAPTER 9___

SEPNAYA REAKTSIYA MAFIA ROMANCE SEASON 2 KING THEO 18+ CHAPTER 9

Talia thusawi chu engahmah ngailo tih hriat zet hian ka lam chu ala hawi pah rún a.
"Kha chu thil chhe ber pawh ala ni lo, chu αia chhe záwk chu kan inneihna nî kha an sawn hnâi." A ti chhuak ta hrawih a.


Ka thin chu a phu dawt dawt a, ka ka hau bawk a, engmah sawitur pawh ka hre lo, ka kâ chu ka chip thei lo chiang kher mai, engvânga inneihna chu sawn hnâi thut duh nge an nih tih pawh ka hre thiam lo .

"Engtin nge kan tih tâk ang Theo?" Hlauthâwng zet hian ka ti sap a.


"Ka hremai lo, amah erawh chu kan ngaihtuah chhuah mai erawh ka ring."


"Theo he nu nén hian New York chu in kal hauh lo ang."

"Talia i lo ngawi mai mai thei lo v'em ni? Tihdan tur ka ngaihtuah mék anih hi!" Theo chuan rumzet a Talia lam melh chuan ati chhuak hrawih a.

"Please babe, New York ah chuan kìr tawh lo hrám rawh."

"Talia ka kal ngei chu a ngai ang."


"Sofia kal ang le, kan kal ahun tawh."


 "Tûna kan kal chuan khua athim tawh mai dawn sin, naktûk zíng kan nghâk theilo em ni?"


"No, tûnah ngei hian kan kal angai ang." Hnial rual loh chuan ati leh hmuk a, han hnial ngaihna vak pawh ka hre lo.


Talia lam chu hawi lehin,"Talia ka theih veleh rawn call che ka tum dawn nia." Alo bu nghat nghat a, Theo lamah chuan va áwn hnâiin, "I tiam em?"

"Ka tiam a che."


Talia chuan mi runluih ang zia zâng hian Theo chu ka mithmuh lai ngei chuan a fâwp ta ngâwng ngâwng a, chutih lai tak chuan eng ang rilru nge ka put chiah tih pawh ka hre lo, dik taka sawi chuan ka thîk ve ngei in ka hria, engvánga chu thíkna chu nei ngawt nge ka nih erawh ka hre lo, Theo hi ka duh ṭan tlata hriatna ka nei bawk, kei chuan chu ahmûi sexy zetah chuan fawh ka châk ṭhin tak zet, mahse ani chu ka tân ani lo tih rinna ka nei tlat bawk, ka chungah chutiang in a awm áwm tawp si lo.


"Kan kal dawn nge dawn lo." Ka ti chhuak ta khawl a.


Theo chuan Talia chu a thlah nghâl a, Talia erawh chuan min melh rum kher mai, "Jake hnénah khán kan tlang mai ang tih i lo hrilh dawn nia, hun ka neih veleh ka rawn bia ang tih lo hrilh ang che."


"Aw le."
Talia hmèl pawh chu angui ve hlé mai, Theo chuan ka lam chu arawn hawi veleh a, "Nang inthlâkna tûr thawmhnaw dang ken i nei em? Kal kawnga hâk tûr atáwk mai, adang chu New York ah i lei leh mai dawn nia, in kan tlawhhman tawh ka ring lo."


"Uhm, ka .....inthlâkna tura ka ken kawr pakhat leh jumper leh truck ke......."

Ka thusawi pawh ngaithlazawm lo chuan atho chhuak ta daih a, ahnungah chuan ngawirengin ka zui ve ta a, amah záwkin zawhna min záwt a, ka chhánna pawh angaihthlâk zawm duh leh bawk si lo.



Cara kan chuan hnu pawh chuan Theo chu ala ṭawng chhuak hauh lo, engtiang takin anu chuan rawn hrilh ang maw? "Inneihna chu kan sawn hnâi thei lo ang." Ka ti chhuak ta phawng a.


"Chulo duhthlan tûr kan nei chuang em ni?" Ahma lam hlîr chu a en ngur a, ka lam pawh arawn hawi eih lo.


"I nu leh pa te hian an ti táwp thei lul lo em ni?" Beidawng tak bawk chuan ka ti leh nghat a.

"I nu leh pa te pawhin an ti bík chuang em ni?"


"Ka nu hi athi tawh a, la dam ni se chuan hetiang hi ka chungah a thleng miah lo ang." Hreawm ti zet hian ka ti ve sap a.


"Terence Martinez nupui athi tawh tih thu engmah hriat ka nei hauh lo."


"Ka nu hi anupui ani hlei nèm."

"Eng maw i sawi a?" Theo chuan ati ṭéng chhuai a, min ti phuzawk.


"Ka tihpalh, ka tih awmzia chu a ni emaw ka nu a thih hma khân tún ami nén sawn an inṭhen hman ta lo a ni áwm e."

"Eng thil nge maw i sawi le Sofia?"

"Eng ....mah, engmah ka sawi lo." Ka ti zuih ral kual vel ta mai mai a.

Damnit Sofia, i hmúi kha ngawih tir dân i zir loh chuan an la that duh mai ang che, ka ti rilru a ka khúr ru dar dar hial.


Ngawi renga darkar chanve ngawt kan tlân leh chawrh chawrh hnuah Theo chuan a car khalh lai chu a tiding dawt a, zawhna zawh hmèl zet hian ka melh zauh a, ka hmèl landân hriatthiam hmél zet hian, "A tlâi tawh, hetilai motel ah hian zanin chu kan innghat rih ang, zíngah tlèma harhvâng zâwkin kan inkhalh chhuak leh záwk dawn nia." Tihpah chuan car chu a chhuahsan nghâl a.

"Kan tlang thei mai lo em ni, kan thleng hma thei záwk áwm si a."


"Sofia rawn chhuak vat mai rawh, motor khalh tu hi nang nilo in keimah ka ni a ka châu tawh."

Oh, ka chungah hian nélawmna pakhat mah anei lo he pa hian.
Car aṭanga chhuah ve vat pah chuan ahnungah ka ûm zui ve dat dat a,  akal chak tak zet, amah ûm phák tûr chuan tlán deuh hlawk hlawk a ngai.

Hotel chhûng kan luh chuan hotel reciption lam chu apan nghâl a, room pakhat bawk a book leh ta a, hetiang a atih hi ka lo ring lém lo a, hotel ah thleng thleng engvánga room hran book mai lo nge a nih? Mahse engmah ka sawi sèl chuang lĕm lo, min vin leh hrâwk chu ka hláu anih ka ring.


Kan room túr kan thlen chuan shower hmang túrin bathroom lam apan nghâl a, arawn chhuah leh hnu chuan phone ahman tur thu a sawi zauh a achhuak ta nghâl a.



THEO.....

Kan room kan thlen hnu chuan shower hmang túrin ka lût nghâl a, car kan chuan laia Sofia thusawi khân ka ngaihtuahna ala luah tlat, a dâwt phuahchawp nge ni a thudik tak asawi tih hi ka la chiang thei chuang lo, Terence hian nupui pahnih alo nei tak tak tihna em ni? Mahse chutianga nupui pahnih aneih thu engmah hriat ani lo bawk nèn ka pa in ahriat theih ring chuan zawh ngei ka tum nghet ta a ni.


Shower ka hmang zo chu pawn lamah phone hman duh chhuan lamin ka chhuak a, Jake biak chu ṭha inka hria a, engmah pawh hrilh lo in kan kal chhuak ta mai bawk si a, Talia chuan alo hrilh nge hrilh lo tih pawh ka chiang hauh bawk si lo, ka phone chu ka bengah dahin ka ngaithla rαn rân a, arawn pick ve ta hrâm e.
"Inthleng tawh em ni?"

"La thleng lo, motelah kan châwl rih, zanin chu tah kan riak ang."


"Eng nge ni teh thut a, engvânga Detroit chuan haw nghâl tura duh che nge a nih?"

"Jake ngaithla rawh, Detroit sawi dán chuan Sofia Martinez hming pu tumah an awm lo ati a nih chu!" Ka aw ka thian pah khurh a.

"Eng maw? Chutiang thil áwihawm loh lutuk chu engtin nge anih theih zâwk ṭhianpa?"

"Ka pa ngaihdán chuan Sofia hi a fanu pawh nilo in,Martinez tâna thawk mai mai anih a ring deuh ani áwm e."

"Man, ka áwih hauh lo."


"Jake, kei pawhin túnah rih chuan eng nge rin a rinloh tùr tih hi ka la hrethiam bìk lo, amah erawh chu Sofia pawh hian thil eng emaw tak chu zèp rùk nei thâna hriatna ka nei."


"Chu erawh adik maithei bawk, beach kan kal hma a ka ti ti pui lai pawh khân eng emaw sawi chhuah zauh anei a lawm."


"Englam pang nge a?" Tháwk ka la hawk a.


"Ka hre chiang bîk lo, beach akal tâwp berna ni asawi chhuak a, chutah chuan chiang mang lo zet hian arawn sawi chhuak palh a, mahse thudangah apakai leh ta daih a, sawi zawm leh ngaihna awm rèng rèng lo in thildang asawi san leh ta daih bawk si a, ka tαn chuan zawh chhunzawm ngaihna a awm ta lo a lawm." A ti leh a.

"Anih leh ka pa rindân hi adik i ring em? He ta arawn awm chhan chu keimahni min spy tùra arinna hi?"

"Rindán ka nei hauh lo, amah erawh chu spy lo nita ang pawh ni se, thlantùr dang aneihloh avâng chauh a ti anih te hi i ring ve mial lo maw?"


Thâwk ka la leh hrawih a, Jake bulah chuan tihian ka ti ta a," A duh thu ani emaw nilo emaw spy alo anih hrim hrim chuan ka pa in athat ngei ang, anih loh pawhin keimah, chu thil chu ti tùr chuan min ti ngei ang." Ka ti ta hrawih a.


"Man, amaherawh chu he thil i tihna tùrah hian fìmkhur la, thil i hre chiang anih chauh in chét la ang che, i inchhir lehna tùrin engmah thil pawi khawihloh hrâm i tum dawn nia."

"Ok, ka lo tum dawn ang, tùnah chuan Sofia in eng nge atih ka va en thlithlαi lawk ang e, chu i thusawi chu ka lo vawng reng dawn nia." Ka ti ve ta a.

"Ok, chanchin min rawn hrilh ve zel dawn nia."  Atih hnu chuan kan inbiakna chu kan ti tâwp ta a.


Jake nén kan inbiak zawh hnu chuan ka cigar ka ṭan té tè phawt a, ngaihtuah chian phawt chu ṭha in ka hria, ka rilru chu abuai tak zet, Sofia hi kan pâwl spy tùra Terence tirh lo ni ta ang se engtin nge ni ta ang, ani télin alamah ka rilru lah chu ka pe tulh tulhin ka hre bawk si, ka ngaihtuahna te chu abuai nuaih nuaih hian ka hria a, engtia chèt lαk tùr nge ni ang tih pawh ka hre tawh mai lo.


Spy alo nih palh hlauh chuan ka pa in athat duh ngei dawn si a, chu mai ani lo kei ngei pawh hian ka thah ngei angai ang, ka hmeichhe duhtak pawh ni mahse kan tâna pawi túr bungrua chu ka kawl duh hauh lo ang le.


Eng thil chiah nge thleng tih hi ka pa in chét alâk hma ngeia   ka hriat chhuah hi tùlin ka hre ta ber a.

Sofia chu dinner tui tak eipui ah sáwm chhuak ila, tichuan ka thil hriat duh ang chi chu zâwt ta ang ila aṭhat pawh ka ring.

Kan room chhùngah chuan ka lút leh ta a, a phone chu beidawn hmél zet hian alo bih ngar ngar a, va pan hnaih pahin, "I pa biak i tum deuh em ni?" Ka ti chhuak sup a.

"Tum lo, eng nge point tak chu?"

"Min puih tuma héng thil hi ti ani lo'm ni? Eng nge ni leh ta?"


"A pui hauh lo ang che u, engtin nge chung te chu i thluakah khân i khung theih záwk chu le?"  A rawn ti chhuak ta chùl a.

Hetiang hian ti zⅇl ta ila , ti chuan eng thil chiah nge tih an tum hi ka hriat chhuah theih mai ka ring, ka hma a ding Sofia chu chìk zet a en in ka melh chhuk pah rûn a, "I ril aṭâm em?"


"Aw, ṭâm ve tawh khawp mai."


Hei hi ka chance ṭha tak chu anih ka beisei.


"Tah hian eitùr kan la mai dawn em ni ang?" Zâm deuh tak hian ati leh sep a.

"Engvâng in nge dinner eitûr a kan chhuah dun mai loh ang?" Ka ti ve thung a.

"Kan chhuak ang maw?"

"Aw, restaurant nuam takah kan kal ang chu." Ka ti leh sup a."

Eitúr tuihnâi tak tak leh intùr changkâng tak te nén eipahin kan inkáwm ang a, eng emaw thil tak chu asawi chhuah ngei ka ring bawk.

"A tùl kati hran lo, hetah eitúr chu la ila eimai záwk aṭhat ka ring, kan motor chuanna kha ka châu deuh tlat mai." Ati ta a.

Min chhân dân chu ka ngeiru kher mai, mahse engmah erawh ka tilang hranpa chuang lo a, "Anih chuan kan dinner tùrin pizza ka va order ang e."

A bu deuh nghat nghat a, engmah sawi leh tawh lo inleh thinrim ru ṭeuh chung chuan ka kal chhuak leh ta a.


SOFIA.....

Shower ka hmang zo ka chhuah hnu pawh chuan Theo chu arawn la lût lo a, arawn luh har deuh pawh ka ring, Jake chu aphone in abe phawt ang a, chumi hnuah Talia nén rei tak chhúng an inbe leh ngei bawk ang, ugh, chu thil ka ngaihtuah avâng ringawt pawh chuan ka thin arim hlar mai, Theo hi engvânga heti taka ngaihtuah ta mai nge ka nih tih pawh ka inhrethiam bìk tawh lo, ka bula a awm loh chuan mal riau a inhriatna te chu ka nei ta hial a, hetianga ka rilru put dân hi ka pa chuan hre nâ se chuan engtin tak nge min tih ang tih pawh hre chiangtu tùr ber ka ni, min that duh hial ang.

Chúng ka ngaihtuahna buai nuaih te chu tihreh tumin Ryan chu biak ka tum leh ta a, mahse ka phone chu ala pick duh hauh chuang lo.

 "I pa biak i tum deuh em ni?" Ka hnunglam aṭang chuan Theo aw ngei mai chuan tháwpsat hian arawn ti a.

Tum lo, eng nge point tak chu?" Ka inher a ka melh chho ve khar a, mahse chu amitmu dumpawl ruih ah chuan pil riai riai a inhriatna hi ka nei tlat pek, rei pawh en ṭha ngam ta lo chuan hnuailam chu ka melh chhuk leh daih a.

"Min puih tuma héng thil hi ti ani lo'm ni? Eng nge ni leh ta?"

Makti tizet hian ka enchho hâ a, chutiang rilru chu anlo pù tihna em ni ang, âtthlâk leh lutuk, ka pa hian tumah puih anei ngai lo, ama ṭhatna túr chauh aduh ṭhin! "A pui hauh lo ang che u, engtin nge chung te chu i thluakah khân i khung theih záwk chu le?" Ka ti chhuak ta chùl a.


A mitmeng zìm san chung hian min melh chhuk deuh rén ráwn a, achhĭng leh zauh a, arawn men chhuah leh hnu chuan, "I ril aṭâm tawh em?" Ati ta sup a.


Ka biang chu asa deuh hat hat mai, ka kut chuan ka tawk zauh a, "Aw, ṭαm ve tawh tho mai." Ka ti ve ta sap a.


"Tah hian eitûr chu kan la mai dawn em niang?"  Ka tih zawm leh sap a.


"Engvâng in nge dinner eitûr a kan chhuah dun mai loh ang?"


"Chhuah dun maw?" A thu rawn sawi chhuah mak ti zet chuan ka melh chho hrâ a, Theo pawh hi a â zo tawh ani ngei ngei ang, kan pahnih a romantic dinner nei tùr chuan ala chi hauh loh, he pa rilru put dân chiah pawh hi ka hre thiam lo, mix signal min pe tlat, achâng leh ka chungah aṭha èm ém a, anupui hual duh tak angin min cheibâwl a, achâng leh engah mah mi ngailo ang maiin min en leh ṭhin! A ni nén a chhuahdun chu anuam viau ang, eitûr tui tak tak te nⅇn, oh mahse heti ang thil ti thei hi ka ni lul lo mai.


"A tùl kati hran lo, hetah eitúr chu la ila eimai záwk aṭhat ka ring, kan motor chuanna kha ka châu deuh tlat mai." Ka ti ta zâwk a.

A ngawi deuh vung vung a, a ṭawngchhuak tawh dawn lo emaw katih tawh hnuah chuan arawn ṭawngchhuak veleh ta hrâm a.
"Anih chuan kan dinner tùrin pizza ka va order ang e."

A inher vuta, achhuak ta nghâl a, ka phone chu ka en nawn leh zuai a, Ryan chuan ka missed call te hi ahmu lo em ni? A nunber chu ka dial nawn leh ta a, a in ring a chu a pick hauh chuang lo, a inring zawh hnu chuan voice mail ah alút zél leh nghâl, message hnutchhiah ai ka tum ta a, "Hey Ryan keimah, naktúk hian New York ka awm leh dawn a, kan inhmuh a kan inbiak theih ngei ka beisei, khawngaihin min rawn call back hrâm ang che."

Mutur a lo in tintuah mai chu ka tum ta a.

Ka thawmhnaw te ka thlâk zawh hnu chuan Theo pawh arawn lang ve ta a, inbe leh vak tawh lo in a pizza rawn hawn chu kan ei dùn mawlh mawlh a, kan eizawh hnu chuan keiin kan eina vⅇl chu ka tifel a, ka kut te ka sil hnu chuan lâwmthu sawi ve hrim hrim chu ṭha in ka hria a, chulo ah kan inbe leh tawh bawk silo nén nuamlo ka ti ru ém a ni, abulah chuan ka va kal hnâi a, "Pizza avâng khαn ka lawm lutuk a nia." Ka ti ta sep a.

"No problem!" A nui ve suk a, ka thaw huai mai, kan boruak rit lutuk chu aven phah ngei ka beisei.


Ka inher túr chu ka kutah a man chata, chìk zet hian min melh chhuk a, "Sofia ipa nⅇn hian nangni eng deal nge inneih ve ?" A ti ta a.

"Eng nge i thusawi awmzia chu ka hrethiam hauh lo." Ka kut avawn na chu ka melh zauh a.


Hrethiam zet hian athlah ve mai bawk a, "I pa nén hian in inpawh loh hmél riau in ka hre bawk si a?" Ati leh sup a.


"Ni e, adik alawm, chûng te chu thurûk pawh ani hlei ném!"

"Anih te chuan engvαng a he arrange marriage hi remtihpui nge i nih?"

Thâwk ka la halh a, "Thlantúr dang ka nei chuang lo, i pa thu i zawm angaih ang chiah khân kei pawhin chu chu ka tih ve ngei angai alawm. ." Ka ti chhuak leh sep a.


"Kei chuan ka pa thu ka zawmna chhan a awm, ka pa zawh a leader ni mai tùr chu kei hi ka ni a, chuvâng chauh a athu zâwm ka ni, nang chuan chutiang problem chu i neilo ngei ang a, achhan pawh hmeichhia i nih avαngin chutia i tih chu angaih ka ring miah lo." A ti leh nghut a.


A thusawi chu adik lutuk tlat, mahse tún dinhmuna ka thurúk lo sawichhuah chu ṭha in ka hre ber lo, ka hlauh ber chu ka pa a ni miau va, ka pa  ka hlauhna chhan ber pawh thildang daih, Itali a ka pa cousin te ho Miafia lian tak tak ho chu ka hlauhber an ni zâwk, anni chuan thil an tithei hlè si a, "He thil chung chαng hi túna sawi ka duh rih lo, ka châu tak zet." Ka ti ta sap a.

"Ok, anih keipawh páwnah meizu lawk tùrin ka chhuak dawn nia, mangṭha le Sofia."
Theo chu akal chhuak ta nghâl a.

THEO....

Túnah hian kan boss man chuan eng nge atih ngaihven ṭha in ka hria a, ka cigar chu ṭan kâiin ka hîp vang vang a, avâp chu lei lamah chuan ti thla kauh kauhin, achanve zet ka fawh ral hnu chuan ka raphlum ta mai a, ka phone chu phawrhin ka pa number chu ka dial ta a.

"Dad keimah."

"Thil fello a awm em ni son?"


"No, engkim aṭha vek e, thu kan hriat veleh kan rawn inkhalh chhuak nghâl a, mahse atlai lam tawh bawk nén motel ah kan innghat a, zan chu kan riak ang."


"Son, chawl lova rawn inkhalh tlang tûr i ni asin, ahim lo tih pawh i hriat reng kha."


"Dad ka ṭha e, chuan Sofia in thil eng emaw zèp rúk aneih i rin pawh kha i ring dik e, chu athil zèp rúk hre chhuak ngei tur chuan ka bei bawk ang."


"Engtin nge i tih chuan ang a?"

"Ka hre lo le, amarawh chu Sofia hian min rin chuan engkim min hrilh duh ka ring a, chumi thil chu ka tih ngei angai ang."


"Fímkhur hle ang che Theo, he thil kimchang taka kan hriat chhuah hma loh chuan tumah kan ring tur ani lo, kha nu kha Terence nén an inbeleh tawh hrim hrim em?"


"A sawi dán chuan la inbe lo chu atia lawm, a sawichhuahpalh zauh dán chuan anu thih hma hian Terence nen an innei lo a an inṭhen bawk lo ani áwm e."


"Eng nge achhan i záwt em?"


"Yeah , a sawi dan chuan tún ami nén sawn an inṭhen hma in anu chu a thi a ni áwm e."


"Well, dáwt muhlúm anih chu, Terence hian tumah ṭhen atum áwm thuthang hriat ka la neilo réng rèng."


"Anih Terence hi khawi aṭanga rawn kal nge?"


"A nu leh pa te chu Italian an ni a, Terence tét lai hian America ah an rawn pém ani áwm e, tûnah anchhûng te chu Itali ah mafia lian tak tak an ni hlawm a, Terence ber hi tihian a awm hlen ta ni âwm tak a ni."


"A nih leh tunge Sofia nu chu nita ang? Túna Terence nupui hi chu Italian mi daih ani si a, Sofia lah chuan ahmélah Italian hmél apu miah bawk si lo."

"Son chutiangin ka la hre bík huah lo mai, mahse kan hriatchhuah thuai erawh ka ring."

"Ok, túnah chuan ka mu tawh dawn, naktúk lamah kan inhmu dawn nia."

Ok, son fìmkhur viau ang che."Ka phone chu ka dah ta a.

THE NEXT MORNING....

SOFIA.....

Ka thangharh chu angai ang bawkin Theo chuan min lo kuah leh chial tawh a, mahse nuam ka ti ru veng veng mai, chutia ataksa lum thar thar maiin a min uapna chuan him ta riau a inhriatna hi ka neih phah a, chutia awm kumkhua theih chu ka châk tak zet, a mulai hmèl chu ka melh chho a, a hmúi sexy zet ah chuan fawhsak ka châk ru kher mai, shower hmang tùra thawh vat chu ṭha ka ti lutuk, mahse ka taksa erawh ache sawm hauh lo thung, engtik aṭang khân nge he tia Theo an min kuahna leh ka taksa hnaih taka a rawn khuapna chuan min tihbuai ták loh tih pawh ka hre tawh lo, hetianga kan mut dunna hi ala reilo in karkhat vél èrh áwrh chauh ala ni si a.


Hei chu aṭha lo khér mai, ka pa khân heti ang thil zawng zawng hi hre ngat se chuan min that chiang viau ang.

Tháwmdìm tak a tho chhuakin shower hmangtur chuan bathroom lam ka pan ta a, tuilum chu ka inphuhtir samg sang a, chutihlai tak chuan Theo phone ri chu ka hre remg a, aharh ani ngei ang, a thophang aw teu zet leh vín tak chuan a zawm nghâl a.

Eng thu nge ansawi tih erawh ka hrechiang theilo, Theo awki sân dan aṭang erawh atha vaklo anih hmél khawp mai, phone abiak hnu rei vaklo ah chuan bathroom aṭang chuan ka chhuak a, Theo hmél tûm búr chu ka va hmachhawn ta a.

"Goodmorning." Ka nuih pah sâng a.


"Shower chu i hmang zo tawh maw?" Alo ti hmuk thung!

"Nangpawh good morning le Sofia." Mahni leh mahni chu ka inti lèt zauh .


"Inpack fel thuai mai rawh, kan chhuak nghâl vat ang." Ati leh nghut a.


"Yes sir, ka lo tinghâl ang." Ka nui pah rah rah a.


"Nikhat chu kha i hmui smart tak avâng khân buaina tam tak i la tawng khawp ang le."


"Chu chu i ring a maw?"

A mengkual rulh a, ngawirengin bathroom lam chu min pansan ta a.

"Tu emaw tân chuan zìng ṭha ani vak lo a nih kha." Ka nui sak a.


THEO....

ring, ring, ring.

Ring, ring, ring.

Ka phone ri hrep chu, khum bula ka phone dah chu ka la a, ascreen ka en chu ânchhia ka lawh khum sup a.

"Dad?"

Engvânga ka phone chhâng vat lo nge i nih? Thil thalo tak i tawng emaw ka ti hman asin." Thinrim zet hian arawn ti nghâl tuarh a.


"Hrep tak chuan dad, ka la mu a lawm."

"Theo, i kâ kha véng ṭha viau ang che."

"Dad, eng nge i duh chu ni hrep a?"


"In thlen veleh hmeichhia kha inah drop la, ti chuan warehouse lamah min hmu turin rawn kal nghâl ang che."

"Chu zawng chu maw ni a?" Ka lungawilo kher mai.


"Aw, chu zawng chu." Ka rûm chhuak hrawih, chu thil sawi túr chiah chuan maw min kaihthawh a?

Chutah ka mi hmachhawn leh túr avâng chuan ka ner sawk.


"Good morning!" A nui chhuak sânga.


Tak zet, hetiang zìng hreawm zet nilenga mood off na tùr ka tawn lαi a good morning lo tih te chu.

"Shower chu i hmang zo tawh maw?" Ka tih khum nghut a.


"Nangpawh good morning le Sofia." Ala ti zui, athin arim thei talo em ni? Nge kha a lover boy khân a rawn call ve ta ṭáwk záwk em ni ang?

"Inpack fel thuai mai rawh, kan chhuak nghâl vat ang." Ka tihkhum leh nghut a.


"Yes sir, ka lo tinghâl ang." Min nui pah rah rah a, hreptak zet chuan.


"Nikhat chu kha i hmui smart tak avâng khân buaina tam tak i la tawng khawp ang le." Rum zeta melh chung hian ka tih khum leh khur khur a.

"Chu chu i ring a maw?"

Ka ning tak zet, ka chhânlét chhúng chu min chhâng dawn tih chu ka hre ta a, menkual khum deuh rulh pahin bathroom lam chu ka pansan ta daih a.