TSEPNAYA REAKTSIYA MAFIA ROMANCE CHAPTER 44

TSEPNAYA REAKTSIYA   MAFIA ROMANCE CHAPTER 44

TREY....

Ka thil inlai chu ka nghat chawrh a, rangzetin chu hmun aṭang chuan ka tlân chhuak ta nghâl a.

Hospital ka thleng phei labour room ka pan ding nghâl a, ka lût nghal pawp a, nurse pakhat hian Callie nauvei chu alo fuih mawlh mawlh a, "Callie i thâwk lâk chiah kha ngaihtuah rawh, thil dang ngaihtuah duh miah suh!"

"Sorry, ka hriat veleh ka theih anga rangin ka rawn kal nghαl a nih hi." Ka ti lùt a.

"Eng kim akal tluang maw nurse?"

"Engkim a kal tluang zel e, Mr.Bailey, naute pawh arawn piang chhuak vat tawh ang."


"Babe eng nge i an?" Callie natuar hmél chu ka lainat kher mai, a thlanfîm chu a bawl chhuak ṭak ṭak a, a ṭhen leh deuh sak sak ṭhin a, a thil tawrh lai chu hrilh hriat chawp kher ngai lovin, ahmelah landânah chuan ana takzet tih ka hriatthiam pui vek bawk.
Thei leh theilo a ṭawngchhuah pah hian, "Trey, ana lutuk." A ti hlap hlap a.


"Lokal teh babe."  Callie chu ka kuah vang vang a, khum lamah chuan ka ṭhut tír a, mahse a ṭhu thei lo a ding leh rih a, nurse chu rawn kal hnâiin Callie i mut a hun tawh!" Callie chu anam mu a, chutih lâi tak chuan a rawn ṭhen leh chak chak a.


"Baby i ti ṭha lutuk a nia, kha tiang hlîr khân ti ang che." Ka ti ve sup a, hmuh hreawm ka ti ru khér mai .


"Trey ka ti thei lo ang." Chauh hmél zet hian a thaw hlap hlap a.

"Yes, i ti thei ngei ang Cal."


A rawn ṭhen leh chak chak a, a sang leh ṭan ta a, awmngaihna pawh ka hre bík lo, kalo phi ve chung ani ngei ang, "Min khawih chhén suh." Vîn zet hian ati deuh ṭhat a.


"Uhh, ka khawih hleiném che." Ka phu ve zuk.


"Hei hi i thiamloh vek anih hi i hria em?" A âng hlaih hlaih a.


Hreawm tiru zet hian ka kun ngûih a.

Doctor pawh a rawn lang ve ta nghâl a, kan pathum chuan Callie nau vei chu kan vil hlawm rân a.
San arawn pe leh a, "Oh, ana lutuk, ana lutuk." Tháwk ka la hrawih, he tiang thil hi ka vawikhat tawnna leh hetiang hmuna ka vawikhat awmna hrep a ni.


"Cal, ti khân ti zél rawh, i ti tha tak zet." A chalah chuan ka fawh sak zauh a.


"Babe, i ti thei ṭép a nia."

"Callie i ti ṭha lutuk ringawt, alu a rawn lang tawh a nia, tikhân han ti zél teh, naute in san arawn pék lâi tak khân lo san pui ve vak zél la, san apèk loh lai erawh chuan lo châwl ve deuh la." Doctor chuan a ti a.


"Aaaaaggghhhhhh !" Callie chu a âu chhuak deuh ṭhat a.


"Heta ilo awmve hi i tithei meuh maw? Naute pa hi alang dâng riau in ka hria." Doctor chuan min rawn melh zawk a.


"Ka....Um...." sawitûr pawh ka hre mai lo, hreptak chuan. "Ka nuam viau lo." Ka ti ta sup a.


"Ka laka ném deuh ang chuan lo awm lo teh! Trey Bailey tûnah chuan ka duh rih lo, midangin thisen i hmu theilo ah anngai palh mai tur che a nia." Callie chuan a rawn ti pah tâwk ṭâwk a.


"A nih leh ka ṭha e." Ka ti leh sup a.

"Ka ti thei ang." Ka tih zawm leh nghut a.


"I chiang chiah maw Trey?"

"I tân chuan aharsa ang tih ka hria a nia."

"I ngei awmin i luhlul ve hrim hrim in ka hria.....aaaggghhhh."


Naute ṭap tháwm chuan azui nghαl a, ka thaw huai a, "Wow." Ka ti sup a.


"A ṭha maw, princess chu!" Chau zet hian Callie chuan ati chhuak sap a.


"Cal, a duhawm lutuk ringawt."


Nurse in a naute a tihfai zawh hnu chuan puanin atuam a, ka kutah chuan min rawn hlân ta a, ka pawm zeilo khèr mai, engkim mai chu ka tân thil thar ve a ni, anu bulah chuan ka mut a, Alexandra Rose Bailey, he khawvelah hian ka lo lawm a che." Tiin ka fáwp zauh a.


"Daddy hian a hmangaih lutuk che, chuan ka nupui hi hmangaih lutuk bawk." Ka tinawnleh sup a, Callie chu ka fâwp leh zauh a.


"Trey kan fanu hian i mitmu rawng chiah chiah a nei anih hi!" Callie chu a nui var var a.


"Ni e, mahse nangmah a chhûn lutuk ringawt."

"Naute duhawm tak a nih hi." Ati leh sep a.


Callie chu châu zet hian achhîng diar diar a, amuhil ta a.


Alexandra chu a rawn tâl deuh fiat fiat a, aṭap chhuak ta ngâk ngâk a.


Ka pawm kâng vat a, ka thiam ang ang chuan ka âwi ve a, "Shush, i nu hian mut hahdam rih amamawh a nia."


"Hna hahthlak tak i rawn ni chho dawn khawp mai princess."

"Hetiang ang hi chu beisei pawh ka lo beisei lo asin."


"Yep, buaina chu i rawn ni chho dawn chiang alawm a dik em?"

Chutia ka phun mawlh mawlh lai chuan alo muhil ve ta der a.


A FEW WEEKS LATER....


CALLIE...

Alexandra hi formula milk pe tawh mai ila aṭha ang, hnute tui pék hi chu achauh thlâk ngawih ngawih.


A room ka va luh chuan Trey leh amipa te ho anlo ding khat ṭhup mai a, "Boss naute duhawm tak niin ka hria." Detroit chuan alo ti mèk a.


"A pa hi en ula inhre thiam mai ang." Trey chuan intithei fe hian ati bawk a.


"Boss, chu thu chu nangmah chiah inhrilh ṭhin ang che." Cooper chuan nuih za aw zet hian a rawn ti a.


"Mipa ho ina he achénna in kawngkhαr an rawn kik ringawt pawh hi niléng hna atling ngeiin ka ring." Clegg in arawn ti chu Trey chuan alo ngai thei awzáwng lo mai .

Clegg, ngawi chîp cham mai rawh, anunah mipa tumah ka luh tir lo ang a, dating pawh a awm ngai bawk hek lo ang, engtik ah mah." A ti zui a.


Ka dinna ngai aṭang chuan thlîrin anthusawi ho chu ka ngaithla ve reng a.


"Chu chu engtin nge i tih táwp theih ang a boss?" Hunter chuan a rawn ti veleh sup a.


"Chutiang zînga mi mipa pakhat arawn ti hmasa ber tu chu amitah ka kah sak ang a, tichuan midang ho chu lesson zirtir vak angaih ka ring tawh lo, ahnu leh chu a awlsam zaih tawh mai ang." A ruahmanna ṭha tih hmél zet chuan Trey chu a hawi pir vah a.


"Ni e, boss khatiang lam panga sualthiam riau na kha i nei tlat mai a, i tih duh ngei ka ring." Detroit chuan a thusawi ṭâwmpui zet chuan ati ve leh a.

An ngawih tâk ṭhap hnu chuan ka aw ka thian ta kharh a, "Hetilai hmunah hian eng nge intih zawh vek a?" Ka ti chhuak ta a.


"Princess hi kan lo ngaihven maw le." Detroit chuan nui ruh ruh chung hian min chháng a.

"Nangni panga hian naute pakhat inlo ngaihven tihna maw ni a?" Ka âwihlo kher mai.


"Eng nge kan sawi theih chuan, chutiang a mi titur chuan kut zung ṭang panga lai a nei alawm." Clegg chuan nuih vur vur pah hian a ti ve a.


"Bronze Dragons members zínga rorum zet zet mai panga te chu naute pakhat khûp hnuaiah tûnah hian an kûn ta dual chu a ni si a." Ka nui chhuak sak a.

"A dik em? Lo kal chhuak tawh phawt ru le, Alexandra hnute pék ka duh tawh, nge ni a, in panga hian ka hnute pelai chu in en vek duh záwk?"


"Nope, he hmun hi kan chhuahsan ang e, mipa te u, kal ang u le." Detroit in atih hnu chuan Trey tih loh chu an chhuak ta diak a.


"Eng thil nge ni leh hrep tawh a Callie?" Trey chuan rum zet hian min melh chhuk rûn a.


"Eng nge, nu hnute tui ngei hi naute tân a khawvela thil ṭha ber ani i ti ani lawm ni kha?" Ka mit ko ka sân khûm âk a.

"Babe chu chu i sawi ani lawm ni?" Ka ti el khum leh zauh a

"Good morning honey!" Khuma ka fanu mu lo leng fiat fiat chu ka zu fáwp zauh a.


"Mi tih thinrim hi i chák zek zek reng mai ti raw?" Ka hnunglam aṭang chuan Trey aw vawt ruih chuan arawn ti chhuak sup a.

Engtin mah ka chhâng lo, ka fanu lam ngawt chu ka ngaihtuah lui tlat a, "Râi tir leh che ila, chu chuan angawih tir hlé hlé che in ka ring."


"Mi i râi nawn tir leh chuan min khing hnehin i inring a maw?" A lamah chuan ka inher a, "A point ah tak zel in aw niang Callie." Duhthawh zet hian min rawn fáwp buan buan a, thlaler tui awmlohna hmuna kal atâwpa tui hmu ta duh tâwk leh kham chin lém neilo a tui ti zeta tui in te pawh ka tehkhin hial mai.

Min thlah ve ta hrâm a, "Kal tawh rawh le, i fapa eitur lo zu pe la, keiin i fanu hi ka lo ngaihven ve thung ang." Ka nuih pah sáng a.


"Ka ti ngei ang le." A kal ve ta mai a.

Naute chu ka pawm tho a, ka hnute chu ka pe ta a," Callie!" Trey chu arawn hawi kîr leh a.


"Yeah?"

"Khâng thil chhíng tak tak te kha...."


"Eng nge chu chu, ka inthuamna hi maw?"

"Aw, hâl ral vek ang che."


"Engvâng chuan maw, aṭha kalo ti viau asin."


"An ṭha mah mah tlat, chu chu i hriatthiam mai ka ring."

A kal chhuak ta a, Alexandra chu ka bia a, "I daddy hi a â leh lutuk ṭhin a, a dik chiah tiraw ka thusawi chu?" Ka nuih sak a.


TREY.....

Callie nén hian zân kan inmen chhâwk ṭhin a, chutiang chuan hunbi tuk kan siam a, warehouse lam thlengin chutiang chuan thil kan tifel ani, Alexandra té chu ramhuai naute chimawm zet arawn ni chho a, zan amu duh ngailo a, Callie nén chuan kan in men chháwk zak zak ṭhin, kan pangti depa kan pawm chhûng zawng hi chuan amuhil siai siai a, engang pawhin hre awm mahse lapaw zînga dah ang vél a ni, a muhil nghet tawh ang ti a akhum a kan han mut chiah hi chu hlîng zínga dah ang mai hian arawn ṭap chhuak chiam zela, kan hahpui thei tak zet.


Zanin pawh hi ka awmpui zân ani a, ka huphurh ngawih ngawih, Callie chuan hnute pângai ala nei záwk a, atân chuan a awlsam lutuk ang, kei chu hnute tui siam chawp min pék tir ṭhin avângin mut mu eih pawh ka hmu ve ngai lo.


A ṭah hun arawn thleng leh ṭan ta a, "Come on kid, he hmunah hian min thah i tum hial te hi anilo maw, oh, ṭap tawh lo hrâm rawh, hetia kan awih tawh che chuan muhil ve mai ṭhin la, mut khamlo in kan la thi thei hial ang."


"I mizia hi i nu ang chiah chiah ani mai, i nu pawhin hetia mi tihbuai dân té hi athiam riau a nia."

Ka châu tak zet, zanin chu ka vânnei lutuk, ahnute chu Callie in siamsa in alo dah thlap a, khâwl pakhat alei thar a, chutah chuan naute hnék ngam tur chiah chiahin alum reng zui, hnute kan in pe tláwrh tláwrh reng ringawt.


Zîng dar ruk arîk meuh chuan awih tlauh tlauh ngailo in amu leh mai si a, ramhuai naute ka ti lo thei ṭhin lo, inhnuai lamah coffee inturin ka chhuk a, coffee ka in anga ka mu ve tawh ang tih chu ka rilrûk a, Callie bâwnghnute dah tlém chu ala bâng a, achhiat âi chuan coffee innan ka hmang mai ani ang chu!


A dal ngei mai, chu báwnghnute chu ahran ka siam peih tawh bawk silo, ni vél mai mai tawh teh se, báwnghnute chu achhe tawh ani ngei ngei ang, apawi hleiném curd pawh kan ei fo alawm tiin tui ti lo zet chuan ka in a, Callie chu mut kham hmél zet hian kitchen lam chu arawn pan thla a, "Morning babe?"

"Morning, ila mu na nge?"


"Aw, coffee hi ka inzo anga rei vaklo chu mut ka duh, chawhnu lamah min rawn kâitho mai dawn nia, warehouse ah hna ka nei."


"Aw le." A bu nghat a.


"Taka nizân a i báwnghnute siamsa kha ahne duh khawp mai, tam abáng lo a, hei achhiat ái chuan ka tia ka coffee intúrah ka pawlh a, mahse achhe ta tho anih dawn hi a rawng hi adiklo tlat."


Callie chu za zet hian anui chhuak ta vak vak a, angaihna pawh ka hre chiah lo, "Eng nge nuihzatthlâk a awm em ni?" Angaihna ka hre thiam lo kher mai.


A nui lai chu bangbo zet hian ka thlîr tlawk tlawk a, ka coffee tuilo zet chu ka tihngaihna hrelo chuan ka tem leh hluk ṭhin a, a nui táwp ve ta hrâm e, amittui lah chu anuihna avângin atla phung mai a, "Eng nge khatia i nuih chiam a?"


Hnute tui ka dah kha bâwnghnute pângngai ani hlei ném, ka hnute ka siak chhuah anih kha." A ti zet chu ka coffee no chu ka dah hmak, ka kam ka ṭhuah bawrh bawrh a awmzia a awm tawh chuang hrep lo .


Thinrim zet chuan room lamah ka chhohsan ta a, hre tûr hi ka ni asin, Alexandra in a duh dân èm ém ah te khan, hrep tak chuan, ka luak achhuak ngawih ngawih.


FIVE YEARS LATER....

NOTE=Kal dáwrh mai ang, aneuh neuh lutuk dawn tlat.


CALLIE....

Zínga ka harh chu Trey pawh roomah alo awm tawh lo, kan fanu Alexandra pawh kum nga ani ve tawh a, a u Theo pawh kum riat lai ni ve tawhin Detroit leh apa hian aschool bánah traning an neih tír deuh ziah a, duhlo ṭhin hle mah ila ka dang thei silo, ka rilru tak chuan ka thil duhloh ber a ni áwm e.


Ka intihfai a thawmhnaw te ka thlâk fel hnu chuan inhnuai lamah ka chhukthla ve ta a, kitchen lam ka phei chuan an pafa thumin breakfast hi anlo ei mawlh mawlh a, "Good morning ka beautiful family." Ka nuih pah sáng a.


"Morning baby!" Trey chuan min rawn melh zauh a, Alexandra chu amalchungah a pawm bawk a.

"Daddy mommy hi baby ani tawh lo."

Alexandra hi chu a u Theo ang lo takin a ṭawngkam hi a fel fak a, afiahfai hle bawk.


"Well, princess, atûm cháng hi chuan naute ang mai alawm anih ṭhin."


Trey chuan ka lam arawn hawi phei leh a,"Vawiin chu keiman Theo hi schoolah ka va hruai ang e, vawiin tlai kha atraining hun ani leh tawh a."


"A ti leh ta."

Theo lah chu ninhmél zet hian amengkual ve ralh a.

"Ka ti zél ang Callie, a chanchin kha chu i hriat vek tawh kha, chu váng chuan ti ṭan leh lul lo teh!"

"Kan rawn rei lovang."


Ngawirengin ka kaksan a, "Callie!" Trey chu ka bul maiah chuan arawn ding a.


"Eng nge?" Trey hmachhawn záwng chuan ka inher a.


"Eng vánga he thil hi do char char mai nge maw i nih le? Theo hi Bronze Dragons rokhâwmtu tûr ani tih pawh i hre vek tawh si a." A mitmeng chu vûr tlang ang mai in a meng vawt leh ruih tawh a.


"Chu chuan mi aduh tir phah chuang lo." Ka ti ve nghat a.


"Nolo e, mahse Theo bulah hian hetiang lam hawi zâwng hian complaint  ṭhin lo la."



"A tha e."

"Nakin lamah ka rawn beleh dawn che nia." Min kalsan leh ta a.

"Theo, lokal rawh le, warehouse kal pahin keiman schoolah chuan ka va drop ang che." Theo chu atho chhuak a, Trey nén chuan anin zui chhuak ta a, ka fapa chu ngaihtuah zet hian ka thlîr liam a, Theo hian tiang lam pang hi atui hauh lo, mahse tihluih tir ani tlat si, ka fapa thlavâng pawh hauh theilo dimhmuna ka din avâng chuan ka inhaw ngawih ngawih bawk, nakinah chuan eng thil ti tura tihluih zél nge ala nih dawn pawh ka hre lo, angaihtuah pawh ka ngaihtuah thui ngam lo.

TREY....

Theo school lama ka thlah zawh hnu chuan warehouse lam ka pan ding nghâl a, inchhûng ka luh hnu chuan bar lam ka pan phei a, intur chu ka inthlit mawlh mawlh a.


Detroit chu ka bula rawn kal pah chuan, "Eng nge ni ta boss?" A rawn ti hruih a.

"Vawiin hian Theo school ban veleh darkar rei vaklo chhûng training neih pui ka duh."


"Ruahmanna ṭha tak anih chu."

"A training neih dán hi eng nge i ngaihdân, kan kal rei pui i ring em?" Detroit chu ka melh zauh a.


"A ṭha, atuar pawh afei hle in ka lo hria asin."


"A mah hrim hrim hi tlèmin arilru aném a, chu vâng chuan tûn aia harsa deuh hleka kan tihpui leh angai in ka ring." Ka ti chhuak sup a, intur chu ka tem zauh a, ka cigar chu ka ṭan kâi nghâl a.

"Uhh, ani te chu amommy boy kha ani tlat a, mahse ala naupang a, hun ṭhahnem táwk tak ala nei tho a lawm. " Anui suk a.

"Túnah chuan amah a appron hrui awm hi zai chhum sak angai tawh ang."


"Alexandra a ṭha maw?"

"He hmeichhe naupang hi chuan ka nunna min la chántir vat in ka ring." Ka thaw hawk a.

Za zet hian alo nui huk huk a, ka chal dawm ruih pahin, hei hi chu Pathian hmungin ka sawi chiang ngam sak, amah aváng hian shower pawh ka hman ṭhat theiloh phah, ka kerèkah a vuan tlat a, min tihah lutuk ri ngawt, toilet ah pawh ala ni mai thei, Pathian hian min pui lul teh se." Ka ti chhuak hrawih a .

"Nu leh afanu chu an inchhûn viau ani maw chu?" A nui pah vawr a.


"Hetiang ani ang tih hi ka lo ring ngai lo a, a nu âimah pawhin achimawm thiam fè záwk ang." Ka cigar zûk lai chu ashtray ah ka dah a.


Warehouse lama hun ka hman rén râwn hnuah chuan Theo school bâng chu hruai turin leh training pe nghâl turin Detroit nén chuan kan inkhalhchhuak dûn ta a, ramhnuai kan pawlin a training kan neihna hmunah chuan Theo chu kan hruai chhuak a, makti zet a hawi he haw pah hian, "Hetah te eng nge kan tih dáwn? A nu ang mai a amitmu páwlrâm chuan min melh chho kal a.


"Son, silai kah kan practice dawn maw le."

"Mahse engtianga kah tur nge tih te chu ka hriat vek tawh kha."


"Páwn lamah i la ti chhin hleiném Theo."Detroit chuan a ti ve bawk a.


"Chuan heihi hre bawk la, i bulhnαia mi awm ho te lakah i fímkhûr viau angai bawk ang."



"Chuan thil hlauhawm athlen hma in i hriat láwk angai bawk ang."


"Mahse engvângin?"


"Kahfuh i duh loh a thih i duh loh chuan."


"Dad, kahfuh i tâwk tawh tihna ani maw, ani em?"


Detroit chu za zet hian alo nui chhuak a, "Ok, thil i man chak hle mai, túnah chuan inher tawh la, silai kah chu ṭan tawh rawh." Ka tih khum hmuk a.


"Ok, Theo eng thil nge i tih theih tih chu i han entawh ang hmiang." Detroit pawh chuan ati ve a. Chutiang hlir chuan hun rei tak chhúng chu kan pathum chuan training kan inpe a ni.

Zan lamah anau záwk timu turin aroom lam ka pan leh a, "Princess engvânga i khum lama la awm lo nge i nih?" A khumah chuan ka ṭhu thla ve nghâl a.

"Daddy ka khum lamah chuan ka awm tawh reng hi." Keimah ang mai a amitmu hring nghalh chuan zâm hmél map lo hian min melh chho ve kar a.


"Ok, anih engvánga la muhil lo nge i nih?"


"Ka mut ala chhuak lova."


"Come on, mu tawh rawh, atlai tawh èm hi." Tiin ka fanu chu a nem mu a.

"Thil intur ka duh!"

"I intawh kha." Ka túm deuh hmuk a.

"A nih thil eng emaw eitur ka duh."


"Alex, chûngte chu i ei daih tawh kha."

"Túnah chuan i mit kha chhíng tawh rawh."


"Hetah ka bulah ilo mu ve dawn em?"

"Engtin nge i nu ni ta ang?"

"I mutthilh hmaloh chu hetah ṭhutpui ta ang che ila?"

"No."


"I muhil vat anih chuan naktuk ah i breakfast atαn chocolate donut ka leisak ang che."


"Aw le, ka mutthilh hma loh zawng chu ka bulah lo awm reng ang che." Amit chu anuai ta nauh nauh a.


Aw le, ka ti dawn nia."

A mutthilh hnu chuan kan room lam chu ka pan a, "He i fanu hi chuan min that mai dawn a hriatna te hi ka nei ṭhin!" Ka tilút bawrh bawrh a.


Mahse Callie ka hmu chu ka phuzawk, "Damn!" Ka ti chhuak hrawih a.

Callie chu bra sexy táwk leh underware sexy zet mai senlar tak ha hian alo in pose zaih mai a, ahmúi chu apple hmin eithiang lo ei chakawm taksi angmai hian a hnawihsen vâm ham mai bawk a, asam chu athlah hnâp a, engkim mai chu ka duhdán chiah chiah vek a ni mai,"Hi sexy." Tih pah hian  arawn intheh ṭhíl phei hah hah mai a, 'Man', ka tlu leh dawn ta.


Ka hmazawna arawn din hnu chuan, "Eng nge i duh ?" Ka tihkhum hmuk a, ka enṭha duhlo lui tlat bawk a.


"Eng mah." Ka âwm chu arawn tháwk khum ham ham a.

"Callie lehkhabu ang maiin ka chhiar thei che alawm, thil eng emaw ka lakah phút i nei anihloh pawhin eng emaw tak tih i nei ngei ang."


"A nih thil eng emaw dìl ta ang che ila min pe phal ang em?" A mitmemg sisap chuan min  melh chho a.


"Ka ngaihtuah hmasak zet phawt erawh angai ang." Ka khabe ka dawm deuh rauh rauh a.

Ka hmuhtûr chuan amawngbâwr vawng lah mai leh poh nalh zet chu a sík sawi kual a, hnuailam pang chu a khawng ṭha duh kher mai, a tho ṭual ṭual nghal a.


"He tiang ang chi te hi eng nge i ngaihdân." A rawn hawi lét a, mit min siai khum zauh a, a kut chuan ka kap tak chu arawn hùm vang vang a.


"Khatiang ang chiah túr kha ani." Ka ti thâm ve ṭuak a.


"Min han lâmpui teh!

"Ka lam ngai lo."

"Dirty dance ang chi pawhin maw?"

Min hnungchhawn a, ka kut chu rawn la in a tái báwr leh akáwng bawr vèl chu min zûtkual tir a, ani chuan amawngbawr chu a síksáwi pah reng bawk a, tháwk lâk asak ṭawlh ṭawlh thei mai.


"Lam hi chu a tâwk tawh!" Ka ti chhuak hrawih a.


"Eng nge i duh chu min han hrilh tawh teh?"


"Ka hmangaih zia che hi chu i hria a lawm." A ti leh sep a.


"I thusawi túr point ah tak i luh tluk a duh ka neilo tih chu i hria alawm, chuvâng chuan i ṭawngkam thlum tak tak te kha hmanglo in sawitlang pawp mai rawh." Ka ti nawn ve nghut a.


A mit chu ameng kual ralh a, "Ok, chutiang anih chuan kan sawi tlang law law ang, "Inneih ka duh." A ti chhuak ta tawl a.


"Kan inneih tawh kha."


"Kan thu tiam kha sawi ṭhat leh ka duh, nang leh kan fa te nèn chauh, chuan Beach hmun khawi emaw lum nuam tak ni bawk se la."


"Anih eng nge chutah chuan kei in ka hmuh ve ang?"


"Honeymoon!"


"Anih honeymoon ah chuan eng thil nge kan tih ang a?"


"I duh apiang engkim ani mai."


"Engkim maw, i ti tak zet em?"
Chík zet hian ka melh chhuk reng a.

"Aw, engkim!"


"Oh, baby he thil min lo tiam ta kha pawi ila ti viau dawn ani tih hi hre lâwk rawh."

Khum lam chu ka pan pui a, mi ti châk túr takin ka mithmuhah alo inthuam leh nghâl zanin chu ka duh ang thâlin ka che dawn khawp mai, khawngaihna min díl lawm lawm natúr ang zetin ka che bawk ang. Ka ti rilru rán bawk a, duhthawh leh αm zet chuan a taksa chu ka fawh lawr sak dan dan a, a inthuamna dawrawm zet chu ka phelh sak bawrh bawrh a, ka chèt dán zet chu ramsa ang tluk zet ani tipawh ka hria, mahse ka care vak lo, ka nupui ani a, tún aṭanga nireilo te hnu ah ka nupui diktak ah ka siam dawn bawk a, engmah pawisak ka nei lo, ani pawh chuan ka suasam dán vél chu aduh zâwng tak a ni aniang, a chìk pah ngher ngher a, chu nuamtuar ri chu ka tαn chuan khawvél a rimawi ber ava han ni tak ém.


Hetiang chuan ka daihrei leh hauh lo ang, mahse kar khat ngawt ka ngheipui tawh a, zanin zet chu avawikhatna a tla hma anih pawhin kan vawihnih mai ani ang chu, chu pawh ka la kham lo cheu anih chuan zankhua hun a awm alawm, túnhma pawhin zankhatah ka duh chuan hmeichhia pali pawh azáwnin ka 'tap' theih ṭhin kha, ka la chak ṭha bawk a, ka duh zât zât ka tih pui mai a niang chu.


Ka rûm chhuak hrawih a, ka mipatna chu ka phawrh chhuak a, tisa châkna avangin a tuifim alo chhuak zawih zawih tawh mai leh nghαl, Callie pawh chutiang tho chu anâl dun tawh ém avângin ka duh âia rangin ka thun lút ta pulh a.

A tè chhuak ṭhat a, chét ka lαk chhunzawm mial mial a, ka taksa chu a za chhuak vek a, amur chhuak uaih uaih bawk a, ka vun te chu vawt ti miah silo in abawl chhuak ve ṭawk ṭawk hian ka hria,  ka nuam ti lutuk chu ka rúm chhuak ve lo thei lo, avawikhatna chu a tla ta dèr mai, mahse ka chαk tawh ém avâng chuan ka thil chu ala zawi awkawng lo mai, angâi tè bawk chuan ka chèt chhunzawm leh nghâl a, mak tizet hian arawn mengphar áwk a, nawmna chuan min fan leh ṭan der tawh avângin amaktihna mirmeng chu ka haider sak hmiah thung!


NOTE....
Hemi zawh aṭang chuan Trey fapa Theo chungcháng ani deuh bík tawh dawn a, Theo chanchin hi season 2 tùr anih avângin amah ani deuh bìk tawh ang.