TSEPNAYA REAKTSIYA MAFIA ROMANCE CHAPTER 42
TREY....
Callie ka chhuahsan hnu chuan warehouse lam panin ka inkhalh chhuak ta a, Detroit chu be pah nghâlin warehouse a inhmu tur chuan ka ti a.
Ka thlen hnu chuan bar lam ka pan phawt a, scotch chu tak ṭha ngel ngawl zet a in thlitin ka lem pawp a, ka hrawk athlen chen chu a hriat kher mai, a sa thla ram ram hian ka hria.
Ka thil inlai no thumna tùr ka lo dawm lai tak chuan Detroit pawh arawn thleng zui ve bawk a, Clegg leh Hunter chu ka mitmei pah zauh bawk a, kan pali chuan ka office lamah kan inzui lût ta a.
"Boss eng thil nge ni ta?"
"Detroit mi záwt hmasa khèr ṭhin lo hian ka sawi hun nghák ve mai ṭhin rawh."
A nui suk ringawt a, "Callie in Unknown number aṭangin text message adawng a."
"A va ṭha lo ve chu!" Hunter chuan alo ti a.
"A ṭha lo mah mah, chuváng chuan kan save house lamah lo awm rih mai se ka ti a, eng nge inngaihdán? Chuan Hunter Surotos ho kha kan tuk thlu fai tawh tak zet maw?" A lam chu rum zet hian ka hawi phei a.
"Kan that fai vek tawh tih hi ka chiang a ni, mahse Surotos nilo tunge chutiang thil chu rawn thawn ang aw." Hunter pawh chuan ati ve nuah nuah a.
"Callie tûn hma hun ami te hi an nimai lo ang maw?" Clegg ngawi rún rûn chuan arawn ti chhuak ve phawng a.
"Eng nge i thusawi awm zia chu Clegg?"
"Keini BronzeDragons ho inrawlh theihna chi ani lo âwm mang e aw." Ka tihna a nia." A ti leh sup a.
"Ka lo ngaih dán chuan chutiang ti duh tur chi chu Dillon chauh kha ani a, mahse ani lah chu a thi daih tawh leh nghâl." Tiin Clegg chu ka chhâng a.
"A nih leh Dillon khân chhûng leh khat anei em? Tu emaw phuba han la duh tur chi ang te hi, chúng ho chu ani mai láwng maw? " Detroit chuan arawn ti ve a.
"Ka hre hauh lo, mahse ngaihven erawh angai in ka hria, Clegg nangin lo en thlithlâi la a ṭha ang." Ka sam chu ka tuai pah zauh a.
"Hunter nangin Callie hi vèng reng ang che, chhan awmlo in saw in saw achhuahsan miah tur a ni lo."
"Boss, ka hria e, uluk takin ka lo véng dawn nia."
"Detroit nangin kan mipa te ho koh belh leh la, extra security ka mamawh belh dawn a, ka in hungna gate leh a hung chhúng zawng zawng saw vèng se ka duh, kei mana ka sawi anih loh chuan tumah an lûtin an chhuak túr a nilo ang, kei in kha message lo thleng kha trace ka lo tum ang a, khawi aṭanga rawn thawn nge anih tih kan hriat theih na turin." Ka ti leh nghut a.
Kan meeting kan zawh hnu chuan in lamah ka inkhalh haw leh ta a, room lamah ka lût chho nghâl a, Callie chu ka kalsan ang ang khân alo la awm, "Trey kan in be lawk thei ang em?"
"Eng chung chângah maw Callie, ka hah viau a sin, shower hman a mut mai ka duh tûnah tak hi chuan." Thíp zet hian ka melh khur a.
"Pawi ka ti lutuk a nia, kha text chung châng ka hrilh vat loh che avâng khân."
"Ni e, min hrilh vat túr kha i nia." Ka tih khum hmuk a.
"Ok, anih túnah chuan kan theinghilh thei tawh láwmni, khawvel a tâwp phah dawn pawh a ni lo va."
"Khawvel táwpna túr ani lo i ti elo?" Ka kut chu ka hûm ruh kher mai, kan chhiat vek theihna hi Callie hian aman pha hauh lo mai, ka insehruh ngawt ngawt bawk a.
"Ngaithla rawh Callie, tûnah hian nangmah chauhin páwn pawh ka chhuahtir ngam tawh dawn hlei nèm che." Ka thinrim èm aváng chuan ka thusawi pawh chu ka sehchilh rawp rawp a.
"I át zia hi i hrelo záwk em maw ni chu le, i nunna hlauhawma a awm chuan kan naute tân pawh ahlauhawm ve zèl ani tih pawh hi i ngaihtuah miah na nge?"
"Trey ka hria e, kha lam kha ka lo ngaihtuah leh lo ṭhin a."
"Callie i ngaihtuah ngai hauh lo, chu chu kan buaina chu a ni e." Túnah tak hi chuan ka bula ding ka nupui máwl zet hi ben ṭhuai mai ka chák tak zet.
Ka thinrim chu ka insúm theilo ang tih ka hlauh luat tuk aváng chuan engmah pawh sawi leh tawh lo in Callie chu ka chhuahsan ta daih a.
THE NEXT MORNING....
Ka phone ri reng mai chu ka kham kher mai, zan lam ka muṭha lo bawk nèn, ka phone chu paih darh chuai tak hi ka náp a, a ri lah chu a táwp duh der lo, thinrim zet chuan ka pick ta hrâm a, "Detroit eng nge ni hrep sawi thuai rawh? hremhmun lama ka tirhbo hmangei che hian."
"Boss news kha lo en thuai teh!"
"News mai mai entúrin tún ang hunah hian min kâi tho a maw Detroit?"
Thinrim zet chuan TV chu ka on tâu sawk a.
"Boss, TV chu on la, news chu lo en phawt mai teh!"
"Mi mawl pa, ka on tawh e."
NEWS READER....
"Chibai vek ule, tûnah chanchin kim chang záwkin, tûkin zíng mai khân kan thu thar la khawm tute sawi danin ni zân lamah New York khawpuiah ruang chhar leh a ni a, an sawi dân chuan he thil thleng hun hi nimin tlâi lam pang niin an ngaihthu an sawi, he an ruang chhar hi hmeichhia a ni a, a chal darah tak silai mu kahna hnu hma a awm a, a taksa dang erawh a him pial thung, he a chaldara kahna hi tuar lo in a thihpui ngei ni a rin a ni bawk, kan police te hnén a kan thu dawn dánin he thil thlen chhan hi mimal inrawk tumna leh tihpalh thil a thleng anih loh zia an nem nghet a ni, mithi hi tunge anih tih hriat chian a ni tawh bawk a, amah hi Hannah Jones kum 24 mi niin feet 5 leh 6 inch a sâng sambuang a ni, he thil thlen chhan chung chângah hian kan police te chuan an thu lâk khawm theih ang ang leh ama chanchin hriat theih dân infomation an hriat ang ang te an dap kual nghâl a, Miss Jones hi engvâng a he inruak a kah hlum tawp nge anih chhan tih hi hriat chhuah ngei an tum a ni."
"Damnit, Detroit warehouse lamah tún aṭang a minute sawm chhûngin min rawn hmu vat ang che."
"Hannah a thi a maw?"
Callie chu ka hnungah alo ding ve reng hi alo ni a, a aw te thleng chuan a khûr hlak hlak bawk.
Callie lam hawi chuan muang cháng hian ka inher a.
"A lan dán chuan anih hmèl khawp mai." Ka ti duh lek chauh a.
"Trey i that ti raw?" A mitko a sán pah âk a.
"That ni ila chuan aruang kha an hmu ngai hauh lo ang le." Ka tih khum leh sup a.
"Eng nge nangmah ah hian diklohna awm tih pawh hi ka hre thiam tawh lo Trey." Engtin mah chháng ta lo chuan inhnuai lamah ka chhuksan ta daih a, ka office chhûngah chuan ka lût nghâl a, Detroit pawh arawn thleng ve zui nghal a ni mai.
A rawn lût chiah chu, "I that em ni?" Ka lo ti nghâl tawl a.
"Aw, ka hmeichhe kawp zawng zawng te hi ka that ziah ṭhin, chumi hnuah ka bân leh bawk a."
"Well, a táwk e, anih kan thah anih loh chuan he thil hi tu tih nge ni ta ang?" Ka ngaihtuahna chu abuai ve map mai.
"Callie text message rawn thawn tu bawk kha ani thei mai ang em?"
"Chu chu anih i ring a maw?"
"Chumi lo chu tûnah han rinhlelh tûr kan nei chuang em ni? A nih leh message rawn thawn tu number kha i trace thei ta em?"
"Trace thei lo, kha number kha prepaid ani tlat a, kan mi zawn nilo tu number pawh ani thei !" Ti a ka chhân chuan Detroit chuan tháwk a la hrawih a, kei ngei pawh chu he thil hian ka ngaihtuahna a ti buai pha ve chiang khawp mai.
********************************
CALLIE......
Breakfast eitûra inhnuai lam ka chhûk thlak ve hnu chuan kitchen lam chu ka pan ding nghâl a, Theo leh Trey chu breakfast ei mawlh mawlh hian ka va hmu a, an bul chu ka panphei ve a, Theo bula ṭhutna awmah chuan ka ṭhu ve thla ve a.
Trey chuan mi rawn melh deuh áwk pah hian, "Breakfast i ei tawh em?" Tiin min lo zàwt a .
Ka lu chu thing deuh nak pah in, "Ka ril aṭam lo." Ka ti chhuak sap a.
"Trey , Hannah chungah khân eng thil nge thleng?" Zâmru tak si chuan ka záwt a.
"Ka hre lo, khawngaihin hetiang thil hi Theo bulah chuan sawi lo hrâm teh ang." A tih chhunzawm a.
"Wow, engtiang in nge khawngaihin tih ansawi ṭhin tih te pawh i lo hre ve tawh a ni maw?" Ka men nûr khum deuh náng a.
"Callie, honey, vawiinah chuan nilo hrâm rawh se aw?"
Mawng a chu leh ti rilru rân rán chungin Thîp zet hian ka melh ràm ràm a.
"Kha chu nakinah ka hmâi chhanah ngei min la sawi khum dawn nia."
Ka phu deuh zawk, "Uhh, mi ngaihtuahna leh zèl pawh i hre thei a maw?" Trey chu makti zet hian ka melh há a.
"Ka hre thei hauh lo mai, mahse kha i thluak bûr tereuh tè ah erawh kha chuan eng emaw tak i ngaihtuahtih te chu mi á nileng lo tán chuan a hriat theih vek a lawm, chu thil chu keima lam min deusawhna a ni ngei ang tih ka ring bawk."
OH, bite me!"
"Honey chu chuan a siam fel theih ngei ka ring."
A FEW HOURS LATER....
Room chhûng ka lût chu Callie lo inthuamna chuan min phu deuh zawk.
"Khawiah nge maw kal tuma i han in rin rèng rèng chu le?"
"Uhh, shopping tur in maw le."
"Fiamthu nuih zatthlák tak thawh i tum te hi a ni èm lo maw?"
"A teuh lo mai." Pathianin ka ṭawng hi haw lo se la, Bailey chenna hmunah hian, tu emaw in fiamthu an thawh maithei a ni."
"Vawiin ni hian ka thin tihrim i tumrân ani èm lo maw?
"Nang hian ka thin tih ur i tum zàwk a ni lo maw? Zâmna nei map lo hian a ti lèt ve a.
"Callie, mi finfiah kher hi tum hauh suh ang che." Ka melh rum kher mai.
"He Trey Bailey sual tawrawt zet mai hi tu pawhin an hlâu tih hi ka hria a sin, a rawn âwn phei a, záwi sap hian, "Mahse husband thurûk tlém a záwng chu ka han hrilh teh ang che, chûng ho zîng a mi chu ka ni ve hauh lo."
"A lehlamah chuan hei hi ka ngaihtuah a, thawmhnaw ṭhen khat sexy deuh hlek te lei ta ila, pasalin nupui te tihhlim atumna lutukah hian kawng dangah a hruaisual mai ang tih te hi ka lo hlâutháwng ve deuh maw le." A dâr achhín deuh ák a.
"Honey tûn hma zawngin ka chèt thawh dânah hian sawiselna ka la nei ngai lo."
"Oh, babe, a hma a i chét dân ang khân tûnah i che tawh bík miah lo." Min melh chho ve kar a.
"I rai hi, chuan i châu reng ṭhin bawk a. " Ka tih khum leh hmuk a.
"Tûnah te chuan ka cháu tawh hlei nèm."
Ka va hnaih ve a, "Ok, babe, i duhdân te hi sawi chhuak ve ṭhin la." Tiin a beng bulah chuan ka phun khum ve sup a.
A hmûiah chuan fawh sak nghâl pahin a heh chung lam chu ka seh sak zauh a, tháwk alo la halh a, "Babe hei hi i cho chhuah anih hi, kan kal tlang pui ngei a ngai ang." Ti a ahmui bula phun khum sup pah chuan ka fáwp leh ṭan ta a, dîm vak lo hian athawmhnaw chu ka phelh sak deuh nawk nawk a, a tuar thei phian, chu chuan keimah ah phûrna asiam thar leh a, thawmhnaw kan in phelh ruah sak vek hnu chuan khum lam chu ka pan pui leh ta a, a taksa chu ka fawh lâwr sak dan dan a, adul puar ve pâng tawh ka fawhsak lâi chuan a rawn pàwng deuh ṭalh ṭalh a, ka phu zawk, "He tiang hian a awmna arei tawh em?" Dem aw lek lek hian ka záwt a.
"Ni min piah vel aṭang khán hetiang hian a awm zauh zauh ṭhin."
"Eng vángin nge min hrilh veloh Callie?"
"Uhh, hei chu dân pángai a nia, chulo ah i buai thei lutuk a, ka chungah i lungni vak bawk silo a lawm, adul naute in a arawn tih chèt chu arei vak lo a chu min ti hlim tak zet, "A nu ina nuam atih chu ka princess pawh hian a duh viau anih dawn hi!" Ka nui pah suk a, Callie chhûng lamah chuan dîm tak hian ka ti lût ṭan ta a.
Dîm thei ang ber chuan ka che ve a chu ka tán chuan tawrh ahar in a hreawm mah záwk, a táwp atàwpah chuan kan tling tla dûn ta hrám a.
Ka zawh hnu chuan asirah ka let thla a, Callie chu a chhîng diar diar a, amuhíl ta mai a, ka tho a, ka kekawr tla chu chharin ka inha mawlh mawlh a, Detroit chu ka phone ta a.
"Detroit, Hannah chung cháng chu hriat chhuah innei ta em?"
"Well, Hannah kha ukil alo ni tawp lo tih kan hre chiang tawh e, mahse thil dang erawh kan la hrechhuak thei lo, achhan chu a chung cháng thu engkim mai record na kha tih reh vek a ni."
"A nih chhûngte tal a nei ang chu maw?"
"Tumah mi pawimawh an awm thei lo."
"Chu kil khatah kan la awm reng tihna a ni maw?"
"Heti ang anih chuan Callie leh Theo chu kan safe house lamah insawn rih mai se a ṭha in ka va ring ta ve?" Ka ti hrawih a.
"Boss, kei pawhin chu chu a ṭhat ka ring."
"Ok, zaninah kan sawn lût mai dawn nia, ka mipa te ho kha lo hriat tir ang che, kan tih dàn ngai reng kha ala ni reng ang."
"Car pali ka mamawh ang, a táwktarh tûr telin aw!"
"Aw le boss!"
Ka phone chu ka cut ta a, Callie bulah chuan ka mu thla leh a, ka kuah vang vang a, asam rimtui zet mai chu ka hnîm vang vang bawk a, rawn tál deuh ṭiah ṭiah pahin atih ṭhin dân ang chuan ka áwm chu a rawn kham leh a, ka áwm chu a tháwk khum sâk sák a, rei vak lo chutianga ka muttir hnu chuan alu chu lukhamah ka nghah sak riai riai a, Shower hmangtur in ka thawh chhuah san ta a, bathroom lam ka pan a, ka chhuah leh hnu chuan ka kawr chu ka thlák a, inhnuai lamah chhukin Dana chu dinner peih vat tûrin ka hrilh a, ka chhoh leh hnu chuan Callie chu kai tho in shower hmang harh tur leh inthlâk a thawmhnaw lum lampang inbel tûrin ka hrilh a, zanin ah safe house lamah kan dah tûr thu ka hrilh lài chuan a hmĕl chu angui deuh lap a, mahse atána ṭha tur ani tih ka hrilh hrilh chuan chhel taka a awm tûr thu min hrilh ve a.
Kei pawh chu Theo siam fel turin ka chhuak ta nghâl a, Theo nen chuan inhnuai lamah kan chhuk leh a, Dinner pawh Dana chuan alo peih der tawh, Callie arawn chhuk hnu chuan Dinner chu kan ei ho a, kan ei zawh hnu chuan Callie chu inchung lamah insiam fel turin achho leh a, midang ho pawh an rawn thleng ta hlawm a, Dana chuan Theo chu a hruai sawn vat a, chumi hnu chuan ro kan rel tláng ta hlawm a.
"Zanin hian kan safe house lamah kan kal dawn a," ka aw ka thian khurh a, "Clegg nang a hmasa berah car pakhat khalhin tlânkual hmasa phawt ang che, chumi hnu ah Hunter, nangin Callie phurin i zui ve nghâl bawk ang, nangni chuan kan safe house in pan ding nghâl ang a, a hmun inthlen veleh i rawn hriattir nghâl bawk dawn nia."
"Callie a thlen hunah leh ahim ani tih inhriat veleh Cooper chu Theo hruai in a tlán chhuak veleh chauh ang, chuan keini in Theo te Detroit nen an hnung kan rawn dawl leh ang, zawhna dang a awm em?"
"Âih, kan hria e." An ti hlawm a.
"He kan chét chhuah dántur ah hian kan fîmkhur viau erawh angai ang tih kha hre reng bawk ang che u, achhan chu kan rin phàk báka min en thla ru reng tu an awm ani tih kha ring tlat ula, ti chuan he tianga kan chunga thil titu hi tu nge ani tih kan hriat loh pawhin chét theihna chance kan pe miah tur ani lo."
Callie chu arawn chhuk a, lo pan hnaih pah chuan a zám hmél chu ka melh chhuk a, "I ṭha maw?" Ka ti pah sup a.
"Trey hlauhna hlìr in ka khat."
"Lung ngai duh rèng rèng suh, engkim aṭha leh vek mai ang, i hnung ka rawn dawl reng dawn a lawm." Tiin ka ṭawng thlamuan a.
"Ok." Min melh chho zauh a, a mitmengah erawh chuan athlabαr hlé tih chu hairual ani lo.
"Ngaithla rawh Callie, eng thil mah i tawrh hi ka phal hauh lo ang i bulah ka awm zel dawn tih hi i ring thei ang em? Ka hmangaih che honey, engtikah mah ka lak aṭang hian ka kalsawn tir ngailo ang che." A hmûiah chuan duhthawh zet hian ka fáwp a, chu chuan ka thusawi chu ka nemngheh tir a.
"Trey kei pawhin hmangaih che."
"Kal kan inpeih tawh e." Hunter chuan kan hnung aṭang chuan arawn ti ta a.
CALLIE....
Hunter chuan car chu a khalh a, kei chu ahnungah ka ṭhu rán a, hlauhtháwnna eng emaw tak ka neih chu areh thei mai lo, Trey bula ka awm lai kha chuan ka thla amuang ve lutuk, mahse a bula ka awm loh veleh chuan chu hluahtháwnna chuan min tuam leh nghαl a, ka khúr ru der der reng mai.
Hunter chuan hnunglam rawn hawi zauh pah chuan,"Engkim a ṭha leh vek mai ang." A rawn ti zauh a.
Ni e, engkim aṭha leh vek ang tih chu rin ka duh tak zet, mahse ka thei tlat lo.
Za vak lo hian ka nui ri hak a, "Chu chu kei pawhin ka duh leh beisei chu a nia lawm." Tiin ka chhâng lét a.
Safe house an tih chu kan thleng ta ngei anih ka ring, Hunter chuan car chu a ti ding a, pâwnah kan chhuak dún ta a, in pakhat zau vak lém lo tak leh hmun fâl zet a awm bulah hian kan lo ding reng tawh a, "Lút ang le." Hunter chuan kawngka chu a hawng a.
"Khawiah nge light on na hi?"
"I hnung lamah khân a awm ang." A phone light chuan a rawn én a, Light switch chu ka on ta a, inchhúng pawh a éng ta kuarh a.
"Trey kan be lawk ang e." Hunter chuan a phone chu abih nghαl a.
"Ti chuan a zia awm ta alawm." Ti chhuah sap pahin ka nui deuh sak a, light alo thim khup lai kha chuan hlauhna khân min la tuam reng.
Ka hawichhuak chiah ka thil hmuh chuan min ti phu chiang kher mai.
Inchung lam pan chhohna step bulah chuan mipakhat hi alo ding reng tih ka va hmu a." Oh my God." Ka ti chhuak ṭhat a.
Hunter chu a hawi chhuak ve nghαl a, chu mihring chuan asilai in kan pahnih chuan min lo tin sa reng tawh mai leh nghαl." Eng thil hrep....." Hunter chuan ati a asawi zo hman lo, silai chu a puak nghâl ṭhuai, ka mumang emaw te ka ti rum rum, ka mumang ni záwk se ka ti ngei mai, hei vâng hian em ni ka rilru alo nawm theih der loh chhan? Thil thlen dán chu arang teh thut lutuk, Hunter chu chhuatah chuan engmah hrelo in a tlu hláwm nawk a, a che leh tawh lo, thi lo hrâm teh se, ka chesawn thei tawh lo, ka hmûi ka hup ngawt ngawt a, ka taksa te chu a khawng vek bawk.
TREY....
Detroit chuan Hunter chu phone a tum a, a hmèl chu arum ve khér mai, vawihnih ngawt adial nawn leh a, "A chháng hauh lo." Beidawng aw zet hian ati chhuak a.
"Eng emaw diklo chu a awm ngei a ni." Ka ngaih aṭha lo nghâl a, thinrimna hian min hnawh nghál up up bawk a.
"Tûnah hian thleng tawh ngei tur chu an ni asin le." Ka kut hûm ruh na chu a thlan dup tawh, Detroit chu rum zet hian ka melh pah khur a.
"Boss inbengdai phawt teh, Engmah pawh kan la hriat chian loh hi!"
"Detroit kan hrechiang lutuk ringawt, safe house an thleng tawh anih chuan min rawn call ngei turin Hunter hi mi â ni leng pawh ani lo." Ka tih khum ta phiar phiar a.
Ka phone chu ka phawrh chhuak a, "Clegg safe house lamah tûnah inkhalh kír nghâl vat rawh, Hunter hian kan phone na zawng zawng engkim pickup theih a nei lo."
Phone chu ka cut a.
"Kal ang Detroit!"
Pâwnlama car awmna lam ah tlânchhuah chu ka rual nghâl a.
Detroit pawh chuan min rawn zui ve nghâl vat, car chu ti nungin kan safe house awmna lam pan chuan chakzetin ka khalh chhuak ta nghâl a.
Detroit phone chu arawn ri a.
"Clegg eng nge chanchin?" A ti vat a.
Detroit chuan phone chu loud speaker ah adah achu ka hre chiang vak thei lo.
"Trey kha he hmunah hian rawn hruai suh thâng pawh ani mai thei a nia."
"Aw le, A nih khawiah nge Callie?"
"Aw le, ka lo ti dawn nia."
"Eng nge a awm zia?" Ka steering wheel chu ka hmer nghet kher mai.
"Ok, chanchin min rawn hrilh zel dawn nia."
"Detroit eng thil nge arawn sawi min hrilh vat mai rawh." Ka ti ṭhawt a.
A phone chu a cut a," Hunter kan chán mai thei, chuan Callie a awm lo bawk."
"F*CK!" Ka ti tuar a, car chu ka break tuar a, ka streering chu na zet hian ka chúm bur bur bawk a, ka insûm hman lo.
"Trey car hi warehouse lamah khalh lét leh rawh, pawl kan indin ṭhat leh angai." A ti dam thlup a.
A phone chu a rawn ri a, angaihthlâk chhunzawm nghâl a," Aw le,Theo nén a min rawn hmu turin Cooper chu ka lo hrilh dawn nia."
A FEW HOURS LATER....
Detroit néna ware house lama kan inzui luh hnu pawh chuan mu leh mal ka la nei thei lo, scotch chu ka inthlit mial mial a, ka rilru hahna chu thil chuan tih kian ka tum a, mahse a theih chuang siloh. Callie chu ka hmuh ngei ngei angai ang, anung chung ngeiin him takin ka bul ka thlen leh ngei tur ani, ka fa lah apiang tèp tawh mai leh nghâl, mahse chu chu engtin nge ni ang? Ka thil inna no chu bang lamah chuan ka vawm keh chuai a.
Detroit chuan ngaihṭhat loh hmél zet hian min rawn pan vat a, Detoit hmél pawh chu ka hmu phè vek hian ka hria.
"Callie phone kha i trace tawh em?" Rum zet hian Detroit chu ka melh rún a.
"Boss, Callie phone te chu nangmahin i kawl reng kha amessage dawn trace sak turin."
"Damnit." Ka sam chu ka tuai chho puat a, ka rûm chhuak hrawih bawk a.
Ka beidawng lutuk chu eng nge ka tih ang tih pawh ka hre thiam tawh lo.
"Trey he kan hna hi midang hriattir vak chi ni in ka hre lo, achhan chu kan safe house hi kei ni ho chauh lo chuan kan hre si lo va." A ti ve khauh a.
"Detroit ka thil hriatsa nilo thil dang min han hrilh záwk teh!" Rilru buai lai taka chutiang thil hriat sa arawn sawi te chu ka haw hlur tawh mai.
"Boss, hahdam deuhin awm rih teh! Hunter kha Clegg in athi lo amar ala awm arawn ti a, a rawn harh chhuah leh hlauh chuan he thil ti tu hi kan hrechhuak vat ang, a ni chuan thil ahriat ngei arinawm bawk nén."
"Hunter chu eng nge a an?" Ka ti chhuak ruih a, beiseina ka nei cháu tawh tak zet.
"Túnah hian Taylor in ataksa a silai mu alâk chhuah sak tawh a, Hunter rawn harh chhuah hma chu keini chuan engmah tih theih kan nei rih lo."
"Detroit Callie hi kan hmu ngei ngei túr ani, engmah nâ atawrh ka phal dawn lo tih hi i hria tiraw?" Ka thil in vâng nge ka mittui avâng chuan khua pawh ka hmufiah thei tawh lo.
"Trey ka hria alawm, Hunter hi alo harh vat beisei phawt ang, chumi hnuah chuan Callie chhanchhuak turin arang thei ang berin kan thawk chhuak dawn nia.
DETROIT POV.....
Trey néna safe house lam pana kan inkhalh lâi chuan Clegg chu ka phone a, "Clegg eng nge chan chin?" Ka ti nghâl a, "Kan zíng ami pakhat kan chân mai thei."
"Callie le?"
"Callie hmuhtur a awm lo."
"Trey kha hetah rawn hruai suh ang che, thâng ani mai thei a nia."
"Eng nge a awm zia?" Trey chuan arawn ti a.
"Aw le, chanchin min rawn hrilh ve zel dawn nia." Ka phone chu ka dah a.
"Eng thil nge Clegg chuan arawn sawi hrep." Trey chu ka khawngaih kher mai, hetiang a abeidawng hmél hi ka vawithum hmuhna ani ta, a vawikhatna chu anu leh pa thahsak an nih in a ni a, avawihnihna chu anau Alex an thahsak in a vawithumna chu Hei túnah hian.
"Hunter chu a thi nge adam hriat chian ala nilo a, chuan Callie a awm lo bawk." Ka ti sup a.
"F*ck." A car khalh lai chu abreak rituar a, kan ding dawt a, a car steering a chúm ṭhuai ṭhuai a, engmah ka sawi chhuak lo, lainat zetin ka en tlawk tlawk ringawt, Trey hi ka hrechiang ve táwk a, hmeichhe hmangaih la nei ngailo anih avângin Callie a hmangaih tak a tawng hi a lakah arilru a pe nghâl bur tih pawh ka hriat pui a, atân chuan he hmeichhia hi anunna tluk zetin apawimawh tih pawh hrechiang ber tu ka ni ngei ang.
Warehouse lama khalh lét leh tura ka tih chuan rilru hah hmél zet hian thâwk ala ri hrawih a, mahse engmah erawh asawi chhuak leh tawh lo, Callie awmloh thu ka sawi chhuah hnu khân a ṭawng leh tawh lo hrim hrim.
Warehouse kan thlen hnu chuan Trey chu alût nghâl a, bar lam chu panin scotch a in thlit mial mial mai a, Cooper chu ka bia a, kan mipa te ho lák belhin Trey inlama Theo lo ti mu túr leh uluk tak a véng tur chuan ka hrilh nghâl a, Trey erawh warehouse ah a awm rih a, ani chu ka kuta dah mai turin ka hrilh nghαl bawk a, Trey piah lawkah chuan ka ding reng a, arilru hahna chu intura tihreh atum anih ka ring ber.
A tâwpah ano ken lai chu bangah chuan avawm keh darh chuai a, ka va pan phei vat a, thinrim avánga mitmeng senrûm hian mi lo melh pah chuan, "Callie phone kha i trace ta em?" A lo ti nghut a.
"Trey, Callie phone te chu amessage dawn trace turin i kawl reng kha." A dam thei ang ber chuan ka chháng a.
"Damnit." A hmèl te chu aphelh phung tawh mai a.
"Trey he kan hna hi midang hriattir vak chi ni in ka hre lo, achhan chu kan safe house hi kei ni ho chauh lo chuan kan hre si lo va." Ka ti dèk dèk chu a mengrum leh tawh kher mai, min kâp duh ta hial emaw tih mai tûr hmèl hi a pu a.
"Detroit ka thil hriatsa nilo thil dang min han hrilh záwk teh!" A hmèl put dan chu a pângngai chiah tawh lo, a mittui chu a tling pum mai a, ka khawngaih kher mai, "Trey hawh, inlamah kîr tawh ang, Theo pawhin alo ngai tawh ang che."
"Callie a awm tawh tihna ami?" Ka khawngaih tak zet, ka chháng lèm lo, arui tawh lutuk chu engmah hriat anei tawh lo, Callie angaihtuah zia leh ahmangaih zia te, khawvela ahmeichhe hmangaih ber anih zia thu leh afanu lo piang mai tûr avánga a hlim zia te chu a sawi chhuak bual bual a, hetiang a zu in thiamlo ang nai a Trey a awm pawh hi ka la hre ngai lo hrim hrim, in lamah chuan ka phur háwnga inchhûng a kan inkuah luh hnu chuan aroom lam chu ka pan pui a, khum a ka mut tir hnu chuan ka room lam ka pan san ve ta a.
CALLIE....
Chu mihring chuan silai a mi tin reng pah chuan min phuar bet sawk sawk a, ka kâ hnawhin ka mit min tuamsak bawk a, khawi hmunah nge min hruai pawh ka hre lo, car hnungah chuan min ṭhut tir a, carin kan tlan tih chiah ka hre thei, thildang engmah hriat ka nei lo, cara kan tlán chhûng chu rei ka ti ngawih ngawih, chatuan tluk nihial hian ka hre hman a, atáwp atáwpah chuan kan ding ve ta hrám a.
Ka hnungah chuan min chhawm a, thui vak lo ke a kan kal leh hnu chuan kawngka hawn rîk rak rak thàwm ka hria a, chutah inchhûng niáwm takah hian min nawr lût leh a, ka ṭawng chhuak thei bawk lo nèn ngawih tlawk tlawk chu ka hna a ni mai, inchhûng lamah chuan min kái zela, ka mit tuamna chu a phelh a, inhnuai lamah chuan min hruai thla leh ta a .
Ka hmûi tuamna a phelh chiah tih chuan ka áu chhuak ta vak a, "Minpui rawh u, min pui tûrin tu emaw tal in awm em?" Tiin ka áu vak vak a, tu emaw talin a ka aw an lo hriat chu ka beisei èm èm a.
"Ngawi hmak rawh min an hre thei palh ang, a silai ken chu ka lamah arawn lek a.
"Engvangin nge ka chungah hetia i tihna chhan hi?"
"Mimal thil vâng a ni lo, nang chu sa chah mai chauh i ni, ka duh záwk tak chu Trey hi a ni." A ti leh a.
"Eng vangin? Eng thil nge Trey chuan a tih a?" Tiin ka zàwt leh a.
"I lo inrawlh ve na tur a awm lo, tikhán ṭhatakin lo ṭhu mai mai la, Trey lo kal hun chu lo nghàk tawp mai rawh." A ti leh hmiah.
"He thilah hian Trey hi inrawlh tir hauh suh ang che." Ka tih khum ve ṭhat a.
A nui liam mai a, "Trey rawn lan huna thi a arawn hmuh che i duh loh chuan ka hrilh ang che in ngawi rengin lo awm ringawt mai rawh."
"Trey hian khawiah nge ka awm tih pawh a hre silo a."
"Oh, ngaihtuah lutuk duh suh, Trey hian arawn zawng hmu èm ém ang che tih hi ka chiang a ni, chu chu atih hun kei pawhin ka nghák mèk bawk."
Lungchhe zet chuan ka ṭap ta hlap hlap a, Trey chuan min rawn zawn chhun zawm lo mai se tih na hlîr in ka khat, min rawn zawn hmuh vaih chuan he mihring tenawm leh rápthlák zet hian Hunter a kah ang khân alo káp ve mai dawn si a, Hunter kha a thi nge a dam tih lah ka hre hman ta si lo, rilru hreawmna hlîrin ka khat.
THE NEXT DAY....
TREY...
Zîng takah ka tho a, engtin nge ka khumah ka lo mut chiah tih pawh ka hrechhuak lo, zan lamah intur kha ka inhnem viau anih ka ring, ka lu thleng chuan arit lûk thei, mahse chutiang mai mai ngaihven hman ka ni lo, Ka nupui ka hmuh hma chu ka cháwl hauh lo ang, bathroom lam ka luh pah chuan damdawi ka hmawm zauh a, ka inthlák fel hnu chuan,
Theo room ah ka lût leh zuai a, a ni chu tui zet hian alo la thaw sák sák a, achala zu fawh sak zauh pah hian, "I nu chu dam takin ka rawn hruai thleng leh ngei ngei ang tih ka tiam a che." Ti a ka phun sup hnu in ka chhuak leh a, Cooper hnènah Theo chu uluk taka alo véng tûra ka chah hnu chuan warehouse lam ka pan san ta a.
Hunter anmutna room lam ka pan lai tak chuan Dr.Taylor nen kan intáwk a.
"Hunter chu eng nge a an tawh?"
"A la ngai reng, a taksa a silaimu kha ka lák chhuah sak a, a mahin ala thaw ve zèl rih e."
"Eng nge i thusawi awm zia?"
"Ka sawi awmzia chu ala mu nghet lutuk ka tihna anih chu, eng tikah nge arawn harh chhuah theih ang tih erawh ala hriat chiah rih loh." A ti ve sup a.
"Mahse a rawn harh chhuak leh ang ti raw?"
"Chutianga a tih theih lohna tûr chhan áwm chu ka hmu hauh lo." A ti leh a, "A nupui Maya khán tûnah chuan a awmpui rih kha."
"Aw le, Taylor ka lawm e."
"Aw le boss, min mamawhna inneih chuan min rawn call mai dawn nia." A tih hnu chuan a kal sawn ta a.
Hunter kan dahna room chu ka namhawng a, Maya chuan apasal khuma engmah hrelo a mu reng chu alo thlîr ngawih ngawih a, Maya hi hmeichhe fel zet mai leh rilru ṭha tak a ni a, Hunter ang mai a hâng a ni achu hmeichhe ngaihno bei tak leh hmélṭha zet ani thung, Hunter nèn a an intawn dân hi chu a makve hrim hrim a, Maya hian nu leh pa anei tawh lo a, a unaupa Jonathan nèn an chèng dún a, a unaupa hi drugs dealer ani a, vawikhat chu a chesual ta a, misual ho in aunaupa chu an kah hlum sak hman a, Maya kah leh antum lai tak hian Hunter hian amah kah tum tute chu athah sak ta a, he ta ṭang hian Maya chuan Hunter hi anunna chhanhim saktu ani tih hre rengin Pathian biak tlukin apasal hi a beta hial a, an inngaizáwng chho a, an inneih a fa an neih hnu thleng hian Hunter tâna nupui ṭha tak leh rinawm tak a ni chho zèl a ni.
A bulah chuan ka va phei ve a, "Maya!" Tiin ka phun chhuak sup a.
Ka lam chu záwimuanga inher chung hian arawn hawi a. "Harh chhuak tûrin eng emaw hriatna deuh te a awm tawh em?"
"Áih chutiang engmah ala awm ka hre lo." Ati ve sap a.
Thàwk ala halh a, "A thi ang em?" A mittui chu atling nghál pam a.
"Taylor chuan aṭhat chhuah leh mai tûr thu a sawi a lawm, i ngaih lo ti ṭhalo vak duh suh, amah in hun atih hunah chuan arawn harh chhuak veleh mai ang." Tiin ka ṭawng thlamuan a.
"Clegg khán Callie chung cháng min hrilh a, inhmuh leh thuai ka beisei."
"Yeah, kei pawhin ka beisei." Ka ti veleh sup a.
"Hunter khân Callie hi angainat zia thu a sawi ṭhin a sin."
"Chutiang bawk chuan Callie pawn angai alawm, ka mipa te zawng zawng zîngah chuan a ni tluka ngainat hi a neilo ang."
"A rawn harh chhuah hunah chuan Callie abo ani tih a hre chhuak ang a, hreawm tiin a inthiam lo ngawt ang, mahse Hunter vèkin a sawi dân chuan Callie kha hmeichhe tuarchhel tak anih thu a sawi ṭhin!" A ti chhuak leh sep sep a.
"Ni e, kei ngei pawh hi ka ke pén dân tûr thlenga min kai hruai tu a ni a lawm."
"Bronze Dragons ho hi hmuntinah an inzarpharh a, mi chak tak tak vek an ni tih arin tlat chuan Callie chu aṭha èm ém ang." A ti veleh a.
"Maya i ti dik e."
"Trey hetiang thil thleng hi tûn hma in i tawn vak vak pawh ka la hre ngai lo, chu váng chuan nangmah véngtu tello chuan awm mai mai tawh lo la ṭha ka tih pui khawp mai che, chuan hetiang reng a hringnun han hman mai te chu hreawm tih cháng te i nei ve ṭhin ka ring." Sawisual hlau zet chuan min melh chho pah dák a .
"Ngûlhnám nén kan nung a, kan thih pawhin chutiang tho chuan kan thi ang, chu thu chu kan zavai hian kan hre vek a sin Maya!" Ka ti veleh nghut a.
" Nirei pawh a la ni lo, he ṭhi hi Hunter min lei sak a ni a." A nghawnga a awrhlai ṭhi chu a kutin a rawn keng káng a, "Ti hian phelh ta lo in ka awrh reng ṭhin a, engtik lai mahin ka phelh leh tawh ngai lo ang."
"Kha ṭhi hrep kha." Ka phu zawk, ka thil hriat chhuah thut aváng chuan phûrna hlîrin ka khat.
"Eng maw?" Maya chuan angaihna ahriat loh hmèl tak zet.
"Maya ka fàwp nawk nawk dawn che amawni le!"
Hmanhmawh zetin Hunter room aṭang chuan ka tlân chhuak a, ka phone chu phawrhin," Detroit security room ah tûnah min rawn hmu nghâl vat rawh."
Detroit chu hmanhmawh zet hian arawn tlân lût a, "Thil hriatchhuah eng emaw i nei tihna emni?" A rawn ti lût a.
"Ka beisei, Detroit."
"Christmas a Callie tána ṭhi ka leisak kha i la hrereng em?"
"Ṭhi te ilo leisak hman a maw?" A mengkual deuh rulh a
"Detroit Pathian hmingin ka thusawi chu ngaihven hrám teh!"
"Aw le, aw le, anih ṭhi chung châng chu le?" Nuihza insûm zet hian a ti leh a.
"Kha ṭhi locket chhûngah khân tracker ka dah sak alawm." Ka ti ta a.
Ka inher a, "Tûnah hian aṭhi awrh chu trace ka tum mék bawk." Ka ti leh a.
"Trey Bailey nang chauh hi niin ka hria thil átthlák zet zet ti ṭhin tu hi." A nui chhuak huk huk a.
"Kei chauh hi hetiang thil finthlák tak ti ṭhin tu ka ni i tihna a nih ka ring, chu chu ani lawmni sawi i tum záwk tak chu Detroit?" Ka nui ve suk a.
"Anih kha ṭhi kha engtin nge Callie chuan a awrh ngei ani tih i hriat theih?"
"Well, a awrh ngei tûr ani, a awrh loh chuan keimah ngei hian ka that duh ngei ang." Ka ti leh hmuk a.
"Ugh, true love maw?" A nui huah huah a.
"A awmna address ka hmu ta e." Ka ti nghál a.
Detroit lam ka hawi chu alo mengphar nasa mai, "Khawiah nge a awm?"
"Eastside lamah, lokal rawh kal ang." Kan pahnih chuan hmanhmawh zetin kan in zui chhuak ta nghál a.
Car a kan chuan lai chuan, "Clegg kha address kha thawn ve nghâl la, Tanaeya leh Francesca te hruaiin ahmunah min rawn hmu rawh se." Ka ti a.
"Ka thawn zo chiah e, i silai i keng maw?"
"Eng zawhna nge maw min zawh tih hi i hria em?" Rum zet hian ka melh a, "Ka silai hi ka mutpui ṭhin hrep tih hi hre ta che." Ka tih khum hmuk a.
Callie ṭhi ka trace na hmun bul kan va thlen chuan Clegg te ho lokal hun chu kan nghák vang vang a, anni ho pawh chuan rei anrawn rial lo khèr mai, an rawn thleng ve chawpchilh nghâl a.
An chuanna car aṭang chuan anrawn chhuk sap sap a, ka rorelna nghák chuan an ding ta ṭhap a.
"Kei leh Detroit chiah achhûngah kan lût phawt ang a, nangni pathum erawh inring rengin hetah hian inlo awm thung ang."
"Keima'n a signal ka rawn pèk hma loh chu tumah in chèt inla tur a nilo bawk."
"Zawhna dang ala awm em?"
"Awmlo e, boss, kan hrechiang e." Francesca chuan alo ti ve teh mial a, mak min tih tir záwk, ani hi ka thupèk min sawinawn tir tu ani ziah si a.
"Aw le, tûnah chuan kan ti ṭan tawh ang." Tiin Detroit nèn chuan inruak lam chu kan pan dûn ta a.
Inchhûng ah chuan fîmkhur zet hian kan pèn lût a, kan taksa in ahawina lam apiang mai chu kan silai kawhmawr chuan ahawi ve zèl bawk a, kan pahnih chuan kal dûnin roomtin chu kan fang a, "Clear."
"Boss engkim kan en vek tawh, tumah lah kan hmu silo." Detroit chuan min rawn melh zauh a.
"He in bawlhhlawh zet hi aruak hrep anih dawn hi!" Thinrim tak chuan ka ti chhuak hrawih a
"Inhnuai lam te a awm mial lo maw boss?"
"Zawng chhin ila." Inhnuai lam panna tûr áwm ang chu kan melhkual zung zung a, inhnuai lam chhukna kailawn chu alo awm ngei e, fímkhur tak leh tháwm dîm zet chuan kan pan thla leh ta a.
Chu hmun chu areh ngawih ngawih, inhnuai lamah chuan a chunglam ang tho in room alo awm nual a, ka aw chhuah ring ngam chiah silo hian, Callie chu ka âu leh zauh ṭhin a .
"Trey heti lamah hian ka awm." ti a Callie âw ngei mai chu ka hre ta a, aw lo chhuahna lam chu fîmkhur zet hian kan pan phei zèl a, light dím tak hnuaiah chuan Callie chu amah chauh hian kan va hmu ta a, amah phuarna chu ka phelhsak thuai thuai a, "I ṭha maw, an ti nâ che em?" Ka ti pah sup a.
"Áih, ka ṭha e." Chuthil ka hriat rîkngawt pawh chuan ka thaw huai mai.
"Minlo ngaithla teh Trey, he hmun aṭang hian nang ber hi i chhuahvat angai ang." Thlâphâng zet chunga thaw pah hlap hlap chung hian a ti a.
"Shush, eng kim aṭha leh vek dawn lawm Callie!" Ka ti leh sup a.
"Nilo, Trey aṭha miah lo ang." Ahmûi chu a hup châih a, a mitmeng pháwk hra aṭang chuan a thlabar takzet tih pawh ka hria.
Light arawn éng phut a, ka mit avâi deuh rum rum hial mai, "A hun tàwk kher mai Trey, i rawn kal tawh dawn lo emaw ka lo ti hman tawh asin." Callie chu ka melh leh zawk a, hlauhna hlîr hian a khat. Ṭawngthlamuan ka duh lutuk, mahse hun a awm tawh lo. Chu aw lochhuah na lam chu ka hawi phei a, achhan pawh ka aw hriat ṭhan tak pawh nilo in ka hre hneh lutuk ringawt chu aw hrep chu.
Detroit chuan alam hawi chuan asilai kaw hmáwr chu a hawi tîr nghál a.
"Eng thil hrep....." Detroit pawh chu mak ka tih ang tluk zet chuan mak ati ve bawk.
"Detroit i silai kha dahthla rawh anih loh chuan in boss hi ka kàp ani mai." A rawn ti leh tuarh a.
"Detroit silai dah thlák tih angreng te kha chu atumin tum chhin miah suh, chu chu ka thu pèk a nih chu hre ri ngawt rawh." Ka ti chhuak ve ṭhawt a.
No comments:
Post a Comment