SEPNAYA REAKTSIYA MAFIA ROMANCE SEASON 2 KING THEO 18+ CHAPTER 11✴

SEPNAYA REAKTSIYA MAFIA ROMANCE SEASON 2 KING THEO 18+ CHAPTER 11✴

"Takzet? Kal tawh ila aṭha ang, tlâi chu kan duh hauhin ka ring lo."

Thâwk ka la halh chu chu hrethiam zet hian,"Engkim aṭha vek mai ang ka bula i awm tlat chuan." Ka bânah chuan akut lum vang vang mai leh thahrui ngah zet chuan arawn hmer a, inhnuailam panna stepah chuan min kái thla ta hlawk hlawk a, pheikhawk heel sâng ka lo bun loh hlauh vâng chuan lawmthu awm rawh se.

TREY.....

Inhnuai lam ka chhuk chu Detroit pawh alo awm tawh a, "Trey eng restaurant berah maw kal intum a?"

"Enigma ah ani mai ang chu!"


"Ruahmanna ṭha tak ani ber dawn em ni?"

"Detroit ka restaurant ani a, Terence pawhin aringhlel lo ang, hmundanga ka eipui aniherawh chuan aringhlel mai ang."


"Yeah, i tidik e." A ti ve ta a.


"Anih leh kan mipa ṭhenkhat ho dah i duh em?"


"A ngailo ang, min cover tu ka nei."


Theo pawh chu kan bulah arawn phei ve nghâl a, "Eng nge kan ruahmanna ni ta?"


"Enigma ah dinner eitûr chuan kan kal ang."

Theo chuan a cigar chu ṭankaiin azu nghâl hlat hlat a.

"Theo zanin hian eng thu pawh kan kalpui anih chuan ka thusawi chu i min pawm pui tûr ani ang, chutiang bawkin kha nu pawh khân ti turin i hrilh bawk dawn nia."


"Ok, engmah asawi ve dawn hlei ném." A ti nánga chu ka ring lèm lo.


"A tâwp berah chuan Terence hian hei hi ahriat angai ang, amah ber kan target ani tih hi!" Detroit chuan ati leh sup a.

Theo chu ka va melh leh a, acigar chu tui tih hmèl zet hian alo la hîp vang vang mai a, ka ngaithei ta hauh lo mai, "Theo kha i cigarette kha ti hlum vat rawh, i nu ina min mawhpuh hma ngei hian." Ka ti ta hrawih a.


"Car kan kohsak tawh ang che u." Detroit chu aphone phawrhchhuakin a kalsawn ta nghαl a.


Callie alo chhukthlâk hnu chuan car chhúngah lûtin Enigma restaurant lam pan chuan kan kal ta a.


Restaurant chhúng kan va lût Cain chuan min lo nghâk reng tawh a, "Boss, Mrs.Bailey ka hmu che u chu ka lawm ngawt mai." Nui sáng chung chuan alo ti a.


"Cain."


"Inmikhual te pawh an awm tawh e."


"Anih chuan hma han hruai ta che."

Kan dawhkân tur awmna hmunah chuan min hruai phei a, "Mr.Bailey indawhkan túr aw."

"Cain kan lawm e." Min nuih vur vur a, akal sawn ta a.


Thuthmun rem pah chuan, "Terence kan thu ngai pawimawh a in rawn kal avángin ka lawm e, kan tlai deuh aváng erawh chuan pawi ka ti khawp mai." Tiin thupha ka chawi pah nghàl a.


"Trey apawi hleiném, Callie kan inhmuh leh theih avângin ka lawm e, Callie, Trey hei hi ka nupui Marlene anih hi." Anui pah sáwng bawk a, diktak chuan chu pa fing phakar zet rúl túr nei ang mai chu kah thlûk zawt mai hi ka náp a.

"Mr and Mrs.Bailey kan inhmu thei chu ka lawm e." Marlene pawh chuan arawn ti ve a, chu nu chu sam buang thar mai upa ve tawh tak hmûi panhlang hi a ni a, ani pawh chu hmeichhe hlauhawm tak anih ka ring.

"Marlene hetia ka koh dân ang che hian khawngaihin Trey leh Callie tiin min ko dawn nia."


"Marlene kan inhmu thei chu ka lawm e." Callie pawh chuan a rawn ti chhuak ve sap a.


"Theo leh Sofia an rawn tel ve ka lo ring a." Terence chuan lâwm hmèl loh zet hian arawn ṭawng chhuak ve a.

"An rawn kal ngei alawm, office lamah an rawn lût kâwi lawk anih kha, Theo an phone hman lawk angai a."


"An rawn reilo ang tih hi ka chiang." Callie chuan alo ti ve bawk a.

"A hmanhmawh thlâk chuang hleiném." Marlene chu anui pah vawr a.



"Kan rawn tlâi avângin pawi kan ti lutuk."  Theo chuan arawn ti ta a. Sofia nén chuan an ṭhutna tur chu pawt chhuakin ṭhuthmun arem nghâl a.


"Phone call pawimawh tak a nia, ka hnar theilo a ni."  Theo chuan thupha a chawi ve luam a.


SOFIA.....

Zám zet hian ka la ding reng a, boruak chu ka kham khawp lo khér mai, boruak thianghlim mamawh belh tak chuan ka thaw pah raih raih a, ka nuhrawn hmèl ka va en zauh pawh chuan ka thâwk ati tâwp thei hialin ka hria, "Babe ṭhu rawh le." Theo chu ka melhchhúk a, chu amitmu pâwl ruih leh mi híp thei zetah chuan thil tihtheihna tam tak a awm hian ka hria, chu chuan tumruhna min pe a, muangchângin ka ṭhu thla ve ta a.


Theo chuan amitmeng chuan kei mah chiah min en tih pawh ka hai lo, min ngaihtuah tak zet ni hian ka hria a, ka malchunga ka kut ka dah chu a kut lum thar thar chuan rawn hmer vang vang pah hian a mitmeng thûk raih chuan engkim aṭha leh vek mai ang tih melh hian min rawn melh a, chu chu tún dinhmuna ka mamawh tak pawh ani.


Trey chuan ka nuhrawn lam chu a hawi phei a, "Marlene hei hi kan fapa Theo chu anih hi!" A ti chhuak sup a.


"Marlene kan inhmu thei chu ka lawm e, i chung châng thu hi ka hre nasa tawh khawp mai." Theo chuan tih leh pah hian ka kut chu arawn hmer nghet zual salh a, kei erawh ka ngawi rauh rauh thung!


"Theo kei pawhin ka hmu che chu ka lawn e, Cassandra lo hruai tel ve tûr hi kan nia, a hmuh chák ve dawn tehlul che nèn."


"Tunge Casandra chu ni a?" Ti a Theo rawn ṭawngchhuak chu ka en chho vat a, ahmélah chuan zawhna hlîr bák ka han hmu lo.

Ka pa chu arawn ṭawngchhuak ve ta a, "Casandra chu kan fanu a nia."

"Theo ,Casandra nén chuan in inhmeh dún viau in ka ring a ni." Marlene bawk chuan a rawn ti leh a, kan thil eitûr alo thlen tâkah chuan ka thaw huai mai, eitûr chauh ka ngaihven thei tawh ang.


"A táwk e Marlene, Casandra hi Sofia unaunu ani tih hi hre ta che." Terence chuan a ti ve nghut a.


Ka pa lam chu thíp zeta melh chung hian, "Half sister, chuan ka pasal hual hi ka hrechiang a, Casandra hi minute khat lek  pawh adawh thei dawn em ni?" Ka ti ve ta nghat a.

"Nang a dawh thei che anih chuan tupawh a dawh thei túrah ngai ang." Thîp zeta mi rawn melh râm râm chung chuan Marlene chuan a rawn ti ve hmak a.


"Terence fanu dang i nei tih pawh ka lo hre lo va?" Trey chuan arawn ti ve leh khauh a, ka pa chu chîk zet hian amelh pah bawk a.


"Nia, Casandra hi kum 19 a ni tawh a, mahse relationship lamah hian a inhnamhnawih ve lo a, chu váng chuan he inneihna ah pawh hian intiamna aneihtir theih lo a ni." Ka pa chuan inthiamloh hmèl zet hian a ti ta a.


Relationship a intiamkamna tih chu ka ngaihtuah a, ka nuih aza ta tlat pek a, he tiang relationship hi chu ati mah mah zâwk ani si a, ka nui chhuak ta hak a.


"Eng nge nuihzatthlâk a?" Theo chuan min lo enreng ani tih chu ka lo theihnghil leh der tawh.


"Tihpalh, chutiang a lâk thutak vak tûr engmah a awm lo." Ka ti ta vat a.


"Trey eng nge sawiho ngai i tih chu?" Ka pa chuan a hma a eitur awm ei leh zauh pah chuan a ti ta a, kan thupui ah chuan kan lût ṭan dawn ta tak zet e.


"He inneihna hi tih vat ka duh!"


Ka pa chu aphu ve zawk a, ahmèl maktihna hlîr akhat chung chuan, "Eng a, engvângin?" A ti hlut a.



"He thilah hian thlaruk kher kan nghah aṭûlna ka hrelo ani."


"Kan inremsiamna ah kha chuan thlaruk anih kha."


"Kan nghâk duh tawh lo." Theo chuan a rawn ti leh a . Ka kut leh lamah chuan arawn hmer leh zauh a, ka thin chu aphu nasa khér mai, Theo ina ka khut min arawn hmerna chu ka lawm tak zet, ka thla ati muang nghâl sawng sawng thei!



"Sofia he thil hi eng nge i ngaihve dân?" Ka pa hmél rum zet chuan ka lam chu arawn hawi a, amitah tak pawh enngam lo chuan, "Theo kha ka pawmpui e, engvángin nge kan nghah khér ang?" Ka ti ve ta sap a.


"Kei erawh chuan ka ngaihtuah hmasak phawt aṭûl ka ring, he thil hi kan inremsiamna ang kha ani hauh lo." Ka pa chuan ati ta nghut a.


"A eng záwk zâwk pawh chu lo ni ta ang sela, inneihna ni kan sawnhnaih chuan kan deal pawh a táwp ani mai a lawm." Trey chuan ala ti ve ngar a.


"Theo he kan deal ah hian pawitihna i neilo maw?"


"Ka pa rorelna hi ka ring tâwk a lawm."  Theo bawk chuan ka pa bulah chuan ati leh mai a.


"Hetiang thil athlen chhan hi Sofia thil tih vek ani leh pek ang tih hi ka chiang a ni. Sofia hian eng thil nge maw alo sawi leh hliam hliam tawh le?" Marlene chuan vîn zet hian a rawn ti chhuak ta ṭhat a, thîp zet hian min rawn melh khâi khâi bawk a, ka tirilah chuan ka khûr ru zawih zawih.


"He thilah hian Sofia hian inrawlhna pakhat mah a nei lo." Theo chuan ka thlavâng min hauhsak tih pawh ka hre reng, ka ṭah chu achhuak ngawih ngawih, engvánga Marlene hian a chhia apianga min ring vek zèl nge anih pawh ka hre lo, kal lampangah khân Theo chuan kan inneihna chung chângah amah support zèl tûra min tihna thu ka dawng chauh ani záwk si a, héng ngaihdân bawlhhlawh zet zet hi engvânga ka chunga bûr bun vek nge anih ṭhin pawh ka hre lo.


"Hei hi keima duhthlanna ngei ani a, Sofia hian apawm duhlo anih chuan in la lét leh thei ang." Theo chuan arawn ti leh khauh a.


"Chutianga kal thuipui vak pawh angailo ang, kan agreement siam ah khân kan kal leh thei ang tih hi ka chiang a ni, chu chu kan zavâia hláwk tlânna tûr pawh ni in ka hria." Ka pa chuan ati leh hmuk a.


"Martinez ka agreement siam chiah túnah chuan a awm rih chumi i duhlo anih chuan haw mai rawh ." Trey chuan ati ta hmiah a.


Bang, bang, bang.
Silai kah rîk ṭhuai ṭhuai thâwm chu kan hre zui nghâl a.


"Eng thil hrep."
Theo chu a dingchhuak vat a, silai alo pâi ve reng mai, "Awm hniam vek rawh u." A ti chhuak ṭhawt a, dawhkân hnuai kan chuh nghâl rawk rawk.


"Callie ṭhu hniam ve rawh." Trey ana a tih ṭhawt ri chu silai puak ri ring zet chuan a rawn luahlân nghâl a.


"Detroit Enigma kha attack a tâwk." Trey chuan a ti leh ṭhawt a, silai puakri lah chu anasa tulh tulh, ka awmhnunah chuan engmah ti ngamlo in ka lo khûr ve zawih zawih bawk a, Theo leh Trey chu pâwn lamah an tlânchhuak tih chu ka hre thei achu ka hawi chhuak ngamlo hrim hrim, Theo chuan silai mu atawrh lohnân ka rilru in ka ṭawngṭai hial, ka hlâuthawng ngawih ngawih.



"Oh my God, eng thil nge thleng ta hi?" Ka ti chhuak chûl a, ka hlauhluat tuk avâng chuan ka aw zawng zawng te chu akhûr dawt dawt.

"Sofia heti lamah hian lo kal rawh rang takin." Pâwnlama silai puak ri ṭhuai ṭhuai katah chuan Callie aw chu ka hre viai viai choh a ni a, bawk vâk pheiin Callie awmna lam chu ka pan a.


Trey leh Theo tlân chhuah hnu deuh lawk chuan silai puahna pawh a hla ṭan ta a , Cain ti a Theo in a koh kha arawn tlân lût a. "Inṭha vek em?" A rawn ti a.

Callie chuan, "Ka ring." Tih chauh hian alo chhâng a.


Ka pa chuan mi rawn âu in, "Sofia, Callie lokal rawh u, he hmun aṭang hian kan kal chhuah angai." A rawn ti a.


"Mrs Bailey leh Miss Martinez hi khawiah mah an kal lo ang."Cain chuan rum zet hian arawn ti a.


 "I lo ngaihtuah vena tûr a awm lo, i hna kha va thawk la anih hrep chu?" Ka pa chuan Cain chu avín khur khur a.


Cain chu a vínna avâng chuan a zám hauh lo, a silai chu phâwichhuakin ka pa chu a tin ta rûn a.


TREY.....

Theo tlânna lam chu ka va thleng phei ve thuai a, "i man hman hlawm em?"

Thâwk ala hawk a, pâwnah carin alo nghâk reng alawm, chu chuan antlânchhe hman." Vîn zet hian a ti hrawih a.


"God damnit." Ka áu chhuak ṭhawt a, ka thinrim ngei mai.


"Anih eng ang mi nge annih i hre thei em?" Theo chu rum zet hian ka melh khur a.


"Balaclavas in anhmâi antuam vek, mahse an shooter ber erawh kha chu ka kâp fu hman ." A ti leh hrawih a.

"Bad." Ka ti nghut a.


"No, a darah chauh ka káp fuh."


"Eng thil nge thleng?" Detroit chuan kan bul arawn thleng chawpchilh a.


"Han sawi chhuak ta che." Beidawng zet chuan Theo chu ka melh rulh a.

"An tlânbo tawh."

Hunter leh Clegg pawh chu anrawn thleng ve nghâl a.
"Tunge an nih tih hriatdân te a awm mial em? Hunter chuan arawn ti ve a .


"Âih, mahse zanin hian hetah kan awm tih hi tunge hria?" Theo chuan alo ti a.


"Hetianga ti duh tu chu Martinez bâk ani lo." Clegg chuan arawn ti ta a.

"Kei pawhin chu chu ka rindán chiah a ni." Detroit pawh chuan ati ve bauh a.


"Thil engpawh kan tih hma in proof kan neih phawt angai ang." Ka ti ve nghut a,Theo lah chuan a cigarette chu ṭanin a hîp leh vang vang tawh.


"Theo kal la i nu leh kha hmeichhia kha lo va hruai haw ang che, tûnah chuan héng mi te hi tute nge an nih tih kan hriatchhuah angai ang, an kalbo hma ngei hian." Ka ti ta a.


Min en vang vang phawt a, a cigarete zûk lai chu apaih a, "Shooter ho chu kei man ka lo en zui ang, nangmah záwkin ka nu leh Sofia chu inlamah lo va hruai haw záwk rawh." Ati ta a.


Inchhúng ka va lût chu anlo buai nuaih mai a, Cain chuan Terence te nupa chu asilai hian alo tin a, "Kha i silai kha dahthla vat mai rawh, chhûngkhat vek kan nih tawh hi, Sofia hi ka fanu ani tih hre ta che." Terence chuan alo ti tûn tûn a, an hmuhloh tûrah chuan ka ding chawt a eng thil nge thleng tih chu hriat zui ka duh !


"Cain túnah chuan i silai kha dahthla tawh rawh, aṭha vek tawh e." Callie chuan a ti ve bawk a.


"Sorry, Mrs.Bailey i pasal aṭangin thupék ka dawng tlat,  amahin asawi leh anih loh chuan tuman he room hi an chhuahsan tûr ani lo tiin thupék a siam a, athu ang lo chuan engmah ka ti dawn lo."


"Hei chu a âtthlâk hlé mai." Terence bawk chuan arawn ti veleh a.


"Boss hnén aṭanga thupék ka dawn dân ani tlat." Cain chuan asilai ken chu adah thla dawn lo chiang sa.


Ka dinna aṭang chuan ka pén chhuak ve ta a, "Eng thil nge thleng?" Ka va ti ve a.


"Martinez hian i nupui leh afanu hruaiin chhuah a tum a."


"Ka tih nachhan pawh anhimna tûr ka ngaihven vâng chauh ani e."


"Cain i ṭhawk ṭha e, i silai kha i dahthla thei tawh ang." Ka ti ta a.

"Ka lawm e, boss."


"Terence ahun leh ahmun i hre hlé mai, ka ngaihdán chuan kan thil tih hi hun danga tih atân dah ta mai ila ṭha kan ti em?" Alam hawi chuan ka ti a.


"Ok."

"Cain nang pawhin Mr. Leh Mrs.Martinez hi tluang takin in anthleng em tih ngaihven ang che."


"Aw le boss." An pathum chuan an inzui chhuak ta hlawm a.


"Khawiah nge Theo a awm, a ṭha maw?" Hlâutháwng zet hian Maetinez fanu chuan arawn ti a, ka ngaihtuah mai mai a, Theo chu angaihtuah ve tak tak dawn em maw ni, a lemchanna leh bawk anih ka ring ber.


"A ṭha a lawm, warehouse lamah Detroit nèn an kal ta anih kha."


"Engvângin nge warehouse lamah a kal a, an kâp fuh emni, engvânga Taylor chu Theo hmu túr a Detroit chuan rawn mai lo nge anih?" Callie lah chuan alo ti hmanhmawh a.



"Nilo, nilo, nilo, Callie, Theo chu ahim pial e, shooter ho hnu kha chhui nghâl kan duh a, chuvâng zâwk chu ani e."  Chutia ka chhân tawh hnu pawh chuan anhmél chu hmuh hreawm khawp hian ala ngui a, "Lokal rawh u, i haw phawt mai ang u." Ka ti leh a.

Kan pathum chuan kan inzui haw ve ta a.


SOFIA.....


Trey leh Callie te rual chuan carah ṭhu in ka ngâwi rân a, kan pathum chuan kan inbe hlawm eih lo, Theo hlîr chu ka rilru ah a awm a, Trey thusawi kha ka âwih dawn em? Theo chu engvânga rawn lang leh tawh lo nge anih? Ka rilru anuam thei hauh lo.


In chu kan thleng ani ta mai a, inchhûng lamah chuan kan kan lút a, hall way ah chuan kan ding ṭhap hlawm a, "In pahnih khân mu tûrin inkal thei ang, zân rei tak erawh ani dawn anih hi!" Trey chuan arawn ti sup a.


"Warehouse ah kalin Theo chu eng nge a an tih ka hre duh."  Ka ti chhuak sap a, ka tum váng réng a sawi chhuak pawh ka ni lo, Theo ka ngaihtuah lutuk vâng ani ber ang chu, mahse ka sawi tawh lak lawh.


"A ṭûl hauh lo mai, a him lo." A ti ta nghut a.


"Warehouse chung châng hi Theo chuan min hrilh vek tawh, ahim lutuk mah mah záwk, alo berah pawh security tânin ang vel ani ati si a!"


"Mu turin ka kal tawh ang e." Callie chuan arawn ti ve sap a, inchung lamah chuan achho ta nghâl a.

Trey chu luhlul zet hian achhânna nghâkin ka la melh rân a, min rawn melh chhuk deuh rûn rûn hnu chuan a rawn ṭawngchhuak leh ta sup a, "A chhânna chu áih tih ala ni reng ania, Theo chuan hna athawk a, ahnathawh lai a rilru lo tih pén sak kha ṭûl ka ti lo."


Beidawng zet chuan room lam chu ka panchho ta hnak hnak a, room kawngka chu ka hawng dâk dâk a, Theo a awmloh chuan aruak huai mai hian ka hria, ka pén lût ta chhat chhat a Theo chu hmuh ka duh ngawih ngawih, engvânga a pa ruala rawn lût a warehouse akal tûr thu rawn sawi lo nge anih ang?


Engvânga Trey lak aṭanga order chu la nge ka nih? Theo sawidân khân he inneihna arawn thlen hma chu Fangs dán in ka la awm ani lawm ni, Bronze Dragons ni lo in.


Ka thil duh engkim chu ka ti thei bawk.

Warehouse lam chu ka pan lui dawn em maw ni le, oh nilul lo mai Sofia, he hmunah hian awm mai ila aṭhat ka ring záwk, Trey hian thil nilo lamah te min lo ngaih hi ka duh lo. Tih chu ka ngaihtuah leh ta zâwk a, engpawh ni se mut mai loh chu tih theih ka nei ta lo.

Ka thawmhnaw hák te chu thlâk felin khum lianpui lam chu ka pan ve ta a, rei tak chhûng chu chû khum lianpui ah chuan ka let ka let kual a, Theo rawn hâw thâwm hriat inring zet chung chuan ka beng ka chhi pah rân bawk a, mahse zân rei tak hnu thleng pawh chuan Theo rawn haw tháwm rèng rèng hriat tûr a awm lo, chutia mu reng ta chu hriat loh kârin ka lo muhîl ve ta a.

THE NEXT MORNING
THEO BED ROOM....


Zíng ka ṭhangharh chuan ka bulah Theo chu alo mu ve reng tawh ani tih ataksa lum ham hamin a min rawn nghenna avâng chuan ka hre thei a, a harh tlat a hriatna hi ka nei a, mak ka ti hial zâwk , rilru hahna avânga a mut theihloh erawh ka ring hauh lo, nge arawn haw na ala rei vak lo zâwk?


"Theo i harh em ni?" Ka ti sap a.

"No." Alam hawi chuan ka inlet thak a, alo meng reng tawh tih chu ka va hmu a, "Theo thutak deuh teh! Nizαna a rawn bei tu te kha inhrechhuak tawh em?"


"No."


Ka ṭhuchhuak nghâl a, "Anih tunge shooter tih pawh inla hre chhuak lo tihna a ni maw?"


"La hrechhuak lo, mahse kan kan hriat chhuah thuai ka ring."


"Nizân i rawn haw lai ka hre lo rèng rèng ." Ka kut chu ka tuai pah neuh neuh a, ka thusawi chu ka zak leh hnu hnawh hlè mai, ka lo nghák reng ani tih hre chhuak lo hrám se ka duh ber.

"A tlâi lutuk tawh a." A ti leh sup a.


"Anih vawiin lam te eng nge plan a awm em?"

"Hna ka thawk ang, nang chu ka unaunu nèn lunch ei turin inchhuak dawn ani lawm ni." Thawk ala pah ham ham a.


"Shit, ka lo theinghilh daih tawh." Inthiamlo zet chuan ka ti a.


A rawn ṭhu chhuak ve nghâl a, a taksa lian zet chuan min khuap leh rûn tawh hian ka hria, a pian nalh tak mai chu en lo theilo in min siamin ka hria, "I chák vaklo te anih chuan cancel la ani mai alawm."


"Nilo, chutia tih chu ka duh hauh lo, ka theinghilh záwk mai a ni e."


"Ok, anih chuan shower ka va hmang ang a, tichuan insiamin warehouse lamah ka kal leh angai ang." A ding chhuak ta nghâl a.


Darkar rei vaklo chhûng chu mutna hun ka la nei tiin khumah chuan ka mu thla leh a, ka maimitchhing leh nghâl a.