TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 15

TSEPNAYA REAKTSIYA MAFIA ROMANCE SEASON 2 KING THEO 18+ CHAPTER 15

Zîngah chuan ka harh hma hle a, joging ti tur chuan ka insiam mawlh mawlh a, Sofia chu ka va melh zauh, ani chu tui deuh hian alo la thaw sâk sâk a, nizân arawn mut pawh ka hriat loh avâng chuan tiharh duh hranpa lovin kitchen lam ka pan thlαk san ta a, Ka nu leh ka pa chu dawh kan kìl hian anlo ṭhu der tawh a, "Morning, darling. Tùkin chu i va tho hma ve a?" Ka nu chuan makti zet hian alo ti a.


Ni e, ka tho hma vak ngai lo hrim hrim a, túkin erawh ka phúr ve thut ani ber, vawiin lam ka thil tih tur chuan min mawlh ve deuh te pawh ania nge.

"Jog ti turin ka chhuak dawna, chumi hma chuan ka pa hi biak lawk ka duh."


"Ok, son kha ka seat hi luah rawh, kei pawh inchung lamah chho in shower ka han hmang a nge." "Thanks mom." Ka nu chu tho chhuakin inchung lam chu a pan chho a.


Ka ṭhufel chiah chu ka pa chuan mi lo melh rûnin ," chuan, nizân chu eng nge ni ta?" A lo ti nghâl vat a.

"Kha Ryan mawl.zet vâng kha maw le.


"Ryan a?"


"Yeah, i la hriat reng ka ring, heta engagement party kan neih zαn a Sofia te rual a rawn tel ve pa kha maw le."

Ka pa hmél chu arum sauh, "Sofia chuan chu pa inah chuan eng nge alo va tih rèng rèng le?"


"Kha chu thudang daih a nia, Pathian hmungin he pa hi ka that ngei ngei ang." Ka ti ve hruih a.


"Inbengdai phawt teh Theo, záwimuangin kha chu insawi dún teh ang."


"Oh, i nunah hian inbengdâi tak chunga thusawi i nei ve tawh hrim hrim em?" Ka pa chu rum zet hian ka en rún a.


"Ka rindan chuan Ryan hi khami zâna shooter kha anih ka ring asin." Ka tihzawm leh a.


"Engvânga ring nge i nih?"


"Silai anei alawm."

A nui chhuak hawk hawk a, "New York chhŭnga mihring  chéng chanve dawn hian silai te chu an nei vek ang, chu chuan kha shooter kha ani tih chianna a awm chuang lo."


"Mahse he pa hi amumal hauh lo, tunge hmeichhia silai a tin chunga hréng lui reng a, chu pawh ahmeichhia in amah nen a inkawp aduh tawh lo mai avâng chauh leh nghâlin."

"Rilru nat avânga ti ani thei mai lo maw, angaihtuahan thluak bùlah eng nge awm kan hriatpui tlat lo va." Ka pa chuan ati leh chuar chuar a.


"Chu chuan he keimahni min kâptu ani ang tih rinna min la neih tir chuang hauh lo."


"Kei chuan he pa hi kan mawhpuh thei ka la ti ta cheu tho mau, chu vâng chuan a address kha min rawn thawn sela Ryan hian tùn ṭum chu atuar ve hlek dawn niin alang."


"A nih chutia tihliih tlat i tum anih chuan nangmahin kal lovang che." Ka pa chuan ati ve ta ṭáwk a.


"A ṭha e, Detroit nen kan kal dawn nia." Ka ding chhuak a, "Chuan he thil chung châng hi Sofia lo sawi hmuh hauh suh, a bulah chuan ka theihnghilh tur thu ka hrolh a nia."

"A nih ahnéna aṭangin information te chu i nei thei tawh em?"  A thutna chu pawttawlhin a rawn ding chhuak ve nghál a.


"La nei rih lo, mahse plan erawh ka nei."


Ka pa ina inchhung a cigarette ṭan kaia azu hlat hlat chu makti zeta melh zauh pahin, "Inchhùnga meizùk te i chîng ṭan ta mai elo?" Ka zui a.


"Eng nge , ka in ani hrep lo em ni?" A inher a, min hnungchhawn zâwnga awmin tui ti zet hian a thil zùk chu hîp vang vangin tukverh lam chu a hawi deuh vauh vauh a.



"Huh, i thihni alo thleng ta ngei anih hi , hei heta hi ka nu."

Ka pa chu aphu zuk a, amei zúk tui lai tak chu a paih chhuak chiang kher mai, ka nui chhuak hawk a, "ka fiamthu a nih kha."


Ka pa chu arawn inher a, a thinrim kher mai, "Tunge hruihrual a inhlap ta hi?" Ka mit ka siai khum suk a.


"Mimawl pa leh." A mengkual rulh a.


Ka nui chhuak leh hawk hawk a, kawngka pui lam pan phei pah chuan, "Sofia kha arawn harh hunah jog ti turin ka kal tih thu lo hrilh ang che."

Kha thil maksak zet i tih tawh hnuah khαn i duh leh nangman i la hrilh zâwk dawn nia." Ti a min chhαnna chu chhânglét leh tawh loin  jog titurin ka kalsan ta a.


Ka tlαn ṭan ta nghαl a, chutia ka tlan lai chhùng zawng chuan thildang hlir ka riluah a awm a, he Ryan dude hi shooter zĭngah chuan atel em tih hi ka hriatchhuah ngei angai ang, Terence ina awlsam zeta angaih ang mai mai hian engmah awlsam takin ka thlen tir hauh lo ang le.


Fucking hell, Ryan chu Terence hnuaia thawk ani thei mai ang em? Ka tlan chak sauh a.

Ka phone arawn rík avang chuan ka tlân lai chu ka ding chawt a, "Hello."


"Hey babe i ṭha em?" Talia leh bawk maw ni a. Thâwk ka la hawk a.

"Talia eng nge ni ta?"


"Ni tamtak chhŭng chu i chanchin ka hre tawh lo a, eng tikah nge i lo kìr leh theih ang tih hi ka lo ngaihtuah mai mai a."


"Sorry, ka buai thei ém a ni, kar leh lamah chuan kan rawn kìr ve thei tawh in ka ring."



"Kan â ni a? Khawngaih takin kha nu kha i rualin arawn kìr tawh dawn lo tiin min hrilh hrâm rawh." A aw a thìkna lang zet chuan arawn ti leh hlar a.


"A ni maiu si alawm Talia, Sofia chu ka rualin arawn kìr veleh ngei angai ang."



"A nih leh inneihna chu anla kalpui zél tihna em ni chu?"



"Aw, anla kal pui zel chu a nia lawm."


"Theo he thil hi ka tih theih pawh ka ring tawh lo ve." A ti zuai ta raih a.


"Eng nge ka hrilh ang che tih hi ka hre lo takzet Talia, ka rawn kĭr leh hunah hemi chung châng hi chu kan sawi dùn thei mai ang em, jog ka ti a, hei haw ka tum mék a, nakinah ka rawn beleh záwk dawn che nia."


"Aw le, nakinah kan inbeleh dawn nia." Phone chu a dah ta a.

Thâwk ka la hrawih a, ka lo tlαn tawhna hnulamah chuan kĭr lehin inlam panin ka tlân leh ṭan ta a, Talia nena kan inkar pawh hi tih chat ahun ta in ka hria, ka kìr leh veleh ahmαi chhanah ngei ka ti ngei ang.


Inchhŭng chu ka lùt a, choka lamah chuan phei zet phawtin tui intur bottle chu ka la a, tlém in nghâlin ka room lamah chuan ka chho ta a, kawngka ka hawng chiah chu Sofia ka computer lo ṭhutchilh rân chu ka va hmu nghâl a,  ka va pan hnâi a, ka aw then deuh khurh pah chuan, "Hey." Ka ti chhuak sup a.


"Hey, ngawilawk aw, reilo te hun min han pe lawk teh!" A thul zirlai chu asave zet phawt a.

"Done, ka zo ta e." a rawn ding chhuak ve nghâl a, "Jog chu khawilamah nge i neih a?"


" A hriatbsa reng lo'm ni?"


"Min kaihthawh ve tur che ania, ka lo kal ve duh remg asin."


"Jog turin maw?" Chĭk zet hian ka melh chhuk a.


"Ke ka nei ve reng tih chu i!hria alawm." A mitko asαn pah αk a.


"Khâng i ke te kha an fuh dun viau chuan ka hria."  Alam a thle hnαi zauh chung chuan ka ti sâ sâ a. A mengkual ralh thung, he nu hi achαng hi chuan thunlung sak tak ang maiin a awm a, kan flirt ani tih pawh hrelo ang khawpin a awm leh ṭhin!


"Engpawh ni se, shower ka hmang anga, warehouse lamah hna tlém tihtur ka nei a, chumi hnu chuan surprise tur che ka nei a nia." Ka ti ta a.


"Ka tαn surprise i nei a maw?" A beusei loh lam tak anih avαng chuan a thâwng lutuk tih pawh ka hai hauh lo, a mitmu lian kelkawl tak leh nalh zet chu a meng zαu kâwk a.


"Aw, i tαn ni e."


"Oh, surprise chu ka duh zâwng tak." Naupang chhia ang mai a phùrzet hmèl put pah hian." Eng nge?" A ti nghαl ta sek sek a.


"Ka hrilh nghαl mai che chuan surprise ani thei nαng, tùnah chuan shower kan hmang ve lawk tawh ang e, chuti lo chu warehouse lamah hun ka hmang rei lutuk palh ang." Ka nuih pah suk a.



"Oh, please in emg nge surprise chu min han hrilh hmasa zet phawt la." A hmél hriat châk lutuk leh phûr ta viau mai chuan ka nuih ati za kher mai, ka nui chhuak lek lek.


A mah hrilh tûr ang tak chuan ka kún hniam a, "Nope." Ka ti leh ta daih a.


Bathroom lam chu panin shower ka nei sawk sawk a, warehouse lam ka pan a, warehouse aṭang chuan Ryan chènna chu Detroit nén kan pan leh ta a.


"A address chu i nei ta em?"


"Aw, mahse kal kawnga kan awm chhùng hian i temper erawh i tih hniam i inbengdaih zet phawt angai thung ang."

Detroit lam chu ka hawi phei zauh a, ka nerkhum deuh sâwng a.


"Theo."

"Eng nge?" Ka mengkual pah rulh a, insum tak chung chuan thâwk ka la hawk hawk a.


Detroit an a awmna hmun address asawi na hmun chu thlengin Car chu ka húng deuh dawt a, rum zet hian min rawn melh hráwk a, inbengdaih tum zet hian thâwk ka la leh hawk a, chu appartment lam.pan chuan kan inzui phei dùn ta a.


Kawngka bula chuan Deteoit chu atâwi deuh hrut a, mi rawn enzauh pah hian, "I silai i keng em?"


Chu thil chu inzawh âwm pawh em maw ni le, "A hriatsa reng alawm." Ka ti hmuk.


"Pângai taka awm tum ang che." Atih leh sup hnu chuan, door bell chu ahmet ta chauh a.


Ryan ngei mai chuan kawngka arawn hawng a, kan hmél ahmu chu kawngkhâr chu khâr leh nghαl hi atum a, chu thil chu atih ka rinsa avâng chuan kawngkhâr biangah chuan nghet zet hian ka chelh a, inchhung lamah chuan kan inzep lùt lui ta tho a.


"Eng thil nge i....." ka kuttum chu a hnâr zâwnah chuan aghlâwk phei nghâl fua a ka hnek nghâl chawrh chawrh a,  "Eng thil nge i tih hrep hi?" A hnâr aṭanga thisen rawn chhuak nghâl zaih zaih chu abuaipui nghαl a, abula hrùk puan awm chuan a hup ping a, a thisen far vél chu a hrufai pah mawlh mawlh a, rum zet hian min rawn melh râwm râwm a, inkhawih deuh hlek ka châk teh réng nen min lo beih lét ve chu atum hmél loh kher mai. "Hetah hian ka tin min rawn ti ngawt theilo ang." A rawn ti chhuak ve hrawih a.


"A landânah chuan ka ti daih tawh chuan ka hria." Ka ṭhen deuh sawk a.


"Eng thil nge i duh?"


"Chhan awmlo in ka rawn hnek ringawt che a, min fight lét i tum miah na nge?" Chu pa han khawih deuh hlek chαkin ka za zel zek hian ka hria, mahse min lo beih lét tum angin alang hauh lo.



"No, hmeichhia i beih dαn ang kha ani lo tlat alawm ti raw?" Ka tih khum leh salh a, ala ngawi rùn reng a.

"Nge i life ah hian hmeichhia chiah i sawisa ṭhin zâwk?" Ka tihkhum leh fak a.


"Ka life ah hian hmeichhia hi ka kut hmâwr te pawhin ka la khawih ngai lo." A rawn ti ta tuarh a, ka hnekna avâng khân amit ko chu tlém a kak raih bawk a, chu chu rawn vûngin amit leh lam chu a vúng phui deuh bùr a.



" Nilo e, i khawih ngai hauh lo, amahrawh chu silai a tinin i tihṭhaih zâwk ṭhin tak ti raw?" Za hauh lo hian ka nui hul hak a.


"Eng nge i duh?"


"He ka nupui hual lak aṭang hian lo inla hrang tawh ang che."


Za zet hian anui chhuak a, "He i nupuihual hi ka hmeichhia ani a, chu vâng chuan chu thil titur chuan min beisei lo law law rawh."



"Nang michhaw pa he nu hi i girlfriend a ni leh tawh ngai lo ang tih hi i lo hre dawn nia." Ka aw ki chu ka sαn deuh mah mahin ka hria, inbengdaih nân thâwk ka la kâwk a.


"Nangmah ringawtin chu thil chu i tifel thei ngawt lo ve."



Ka nui chhuak hawk a, "Oh, keiman ka ti réng réng lo, nizαn khân khumah ngei....
 Sofia in a ti zâwk a lawm, chuan silai kha eng nge ni ta? Nang leh Sofia pa hian eng nge inzawmna inneih?" ka tih zawm leh khur khur a.


"Eng thilin nge Sofia pa hnuaiah ka thawh chu rintir hrep che a? A ni pawh hi nangmah ang zeta mi tlâktlailo ani tih hi hre ta che."

"Chuti maw ni a?" Ka aw ki chu a záwi set sawt viau achu ka thil tih tumah erawh ka chiang khawp mai.


"Tehréng mai, namghi ani lo'm ni hmeichhe duh tak pawh tih tir duh lo a, inneihna a nawrlui tu bawk chu, hmeichhe zalenna pe duhlo tu ve tho i ni tih hi inhre ta che, chuvαng chuan ani lawmni atih luih chhan hi?"


"I pa hian i nu chungah hetiang ang tho hian emni atih luih ve tho?"


"Eng maw i sawi a?" Duhaiin a ṭawngtam ta mah mah chuan ka hria, a tâwk ta viau e, ka nu leh pa chung châng phei chu sawi thei dimhmunah hian ading lo réng réng.


"Ka sawi chu i hria em? Hmeichhia te nupuiah nei luiin emni chhúngkua indin?"



Chu thil chu asawi takzet amaw? Ka insúm thei tawh bĭk lo, ka thinrim lutuk chuan khua ka hmu tawh hauh lo, a ri pawp pawp a, ka hnek laia ahnârruh tliak rirawp ri chuan nuam min tih tir phian, aṭawng tam luat avαngin ahnαr chu thi mai chauh pawh nitawh lo in, a ruh hial atliah phah ta a ni, a hmai zawng zawng chu thisen hian abual khat vek tawh a, ka hnek mawlh mawlh avâng chuan alu ahai ani ngei ang, chhuat lamah chuan atlu ta ṭhuai a.


Ka la duhtâwk hauh lo, ka chhir zui pawp pawp a, Sofia chu arawn lang zawk, Sofia chuan hla tak aṭanga tâwp tura min rawn âu lawm lawm ni ang mai hian ka hria a, amah vαng chauh chuan ka thiltihlai chu ka tâwp ta hrâm a, "Ka nu leh pa chung châng thu khatianga i rawn sawichhuak leh anih vaih chuan hre rawh, ka that tawh ngei ang che." Ka tihkhum chhur chhur a.


Detroit lah chuan thinrim zet hian, "That nghâl tawp rawh, kan milehsa ten he hmun hi chu anti fai vek mai ang, chu chuan kan rawn kal lehna tŭrah hian min chhan záwk ang." A lo ti ve bawk a.



"Nah, ka nupuihual bulah ka kĭr leh aṭha tawh záwk ang, hetiang mimawl thisen tihfai ai chuan."


Thei leh theilo hian arawn hawi chhuak a, "Ka hlâu hauh lo che." A rawn la ti a, Sofia thusawi kha ka rilru ah awm tllat lo se chuan ka silai kaw hmawr chuan ka chuktuahna arei tawh ang.


Ka zu ṭhu hniam ve a, a bengbul sétah chuan zu phun khumin, "Well, min hlauh chu angai ngei ang, achhan chu i chét dân engkim ka hmaih nei hauh lo in tùn aṭang chuan ka enthlâk tawh dawn che avângin, chuan tumah second chance ka pe ngailo tih hi hrereng bawk ang che." Ka dingchhuak leh ta a.


"Kal ang, he hmun hi chhuahsan vat teh ang." Detroit chuan arawn ti ta a.


Ka pheikhawk buna zu thai leh zauh pah chuan, "He hmunah hian min kìr tir turin che tawh hauh bawk lo ang che." Ka ti zui leh hrâm a, Detroit nen chuan kan chhuahsan ta a.