CATSISH EPISODE 8 BY SANGTEI KHAWLHRING
Ka room a ka chhoh hnu chuan, ka phone chu ka en leh a, mahse Jordan message reng reng hmuh tur a awm lo.
Rilru hah zet leh harsa ti zet chung chuan ka muhîl ve ta hram a.
Zîngah chuan Brinn chu ka phone leh a, la hâm deuh bâi bâi pah hian min rawn chhang a, " Ṭhiannu i va duh zîng thei ve?" A rawn phun deuh nang nang a.
"He thil hi hrilhhlân che ka nghâkhlel ém a lawm." tiin ka lo nui pah har har a.
Nimin lam thil thlen dân zawng zawng chu Brinn hnenah chuan ka sawi ta vek a.
"Hey, ngawi lawk teh!" Rawn tih hlut pahin, "Jordan chu i va man teuh fia fia ve mawle."
"Mahse ṭhiannu engah mah a ni kha chu ngâi duh tawh suh! I bulhnâia awm mipa sexy tak tak te kha ngaihven tawh zâwk rawh!"
Lo hnial zauh pahin, "Mahse Brinn Jordan chu ka engkim a ni tih i hriat kha...."
"Nilo, Rachel , Jordan chu tupawh lo nirawh se, a ni chu i duhlo , i mi duhtak zâwk chu a hmel a ṭang a ṭha i lo tih tawh leh pa i lo tih ém em ṭhin Chase zâwk kha a ni."
"Jordan chu a hmél pawh i hmulo a, Chase zâwk kha ani, a hmél i lo hmuh ṭhin zâwk chu. "
"Chuan mipa hausa tak niin vawihnih lai chu in in fawh tawh bawk kha, a ni em?"
"Oh, ka rindan chuan a nuam viau bawk."
"Ka sawi kha , Jordan nilo in Chase chauh kha ngaihtuah ringawt mai rawh!"
"Brinn mahse Jordan hi chuti mai a han bânsan chu harsa ka ti ani, i hrethiam ang tiraw?"
...."Oh honey...Jordan chu tupawh a lo nithei, a mah a vâng ringawt chuan hetiang chuan awmlo hram rawh."
"Mahse keimah hi ka invéng theilo chu a nih hi, a mah hi ka ngaihtuah lo theilo, a chhan chu ka chungah a ṭha em em si a." hrehawm tizet chuan ka ti sap a.
"Chuan Chase ang a mize nei pawh a nilo."
"Uh a nih chuan chupa mizia 50% chu i unaunu hrawn mizia ang tihna em ni?"
"I unaunu hrawn pawhin lehkhabu a kawl tuarh si a."
" Aw, mahse ka unaunu hrawn chuan a chhiar ngai eih hlei nem, Jordan erawh chuan lehkhabu hrim hrim chu hre tak a ni , a chhiar ṭhin a vângin. "
"Chuan chhiar tura ka tih a piang te hi a thu ṭha deuh a a hriat chu min rawn sent ve zél ṭhin a ,chu chuan a bu chhûng a keu ngei a ni tih min hriat tir a ni."
"Oh girl a nih te chuan, kei pawhin internet a ṭangin, i lehkhabu hming kha type in a thu ṭha lai lai chu ka thlang chhuak ve thei reng a ni tih hria la , engtin nge i Jordan chuan a chhiar chiang a ni tih i hriat bîk a?"
Chuti ang thil chu ka lo ngaihtuah ngai hauh lo, mahse ka thinlungah hian a chhiar a ni tih hi hriatna a awm tlat, chu chu Brinn chuan min hriat thiampui ka ring tak tak lo.
"Tûnlai chu Jordan pawn min rawn be tawh ngailo."
"Oh, Rachel a nih te chuan engatinge a mahah i rilru ila pek tlat fo ni? Kal la mipa sexy tak tak nangmah rawn ngaihven tu te kha buaipui zawk ta che."
"Ok Brinn nakinah kan in be leh dawn nia." phone chu ka cut ta a.
Inhnuai ah chhukin breakfast eitur chuan kitchen lam chu ka pan leh ta a, ka pa chu insiam peihsa thlapin a lo awm leh tawh a.
"Morning pumkin." min lo ti zauh a, mi pawh a rawn melh hran lém chuang lo a.
"Hi dad !"
"Ni hnih nithum vel bawr chu i hmél ka hmul tawh lo niin ka hria, Enge tûnlai i tih tlângpui deuh?"
"Oh dad tûnlai ka thil tih ṭhin te chu i hriat ve ka lo ring a sin."
"Mm hmmm ," tih hruih pah chuan , min rawn melh ve ta a, "enge Hamptons hi ang i tih? Nuam i ti em, i tân mipa ṭha tak te i tawng ve tawh em?"
"Uhh dad hmeichhe ṭha deuh a awm dân ka zir mék a ni e."
"Ṭha lutuk, i art lampang chûngchâng i sawina a ni ngei ang maw?"
"Uhh dad i rawn kal hauh lo a? Chuan nihnih liamta khân a ni daih tawh bawk a..."
Ka pa chu a phu zawk a, a Coffee inlai pawh chu a phuhchhûak teuh kher mai,"Oh nilo, ka tihpalh lutuk, hetiang a ka tih hi ka in ring lo hial zâwk mai." inthiamlo zet hian min melh a.
A dik réng a ni, a lo theinghilh leh pek tawh a nih chu, ka nu phei chuan hria nise chu a ṭim erh duh hial mai thei a ni.
"A nih eng nge a an hrim hrim?" In thlahrung zet chuan a rawn ti leh hruih a.
Melh ve zauh pah chuan, "a ṭha a ni mai e, zu leh mipui pawh an tam khawp, chuan NBD a ni mai e."
Door bell chu a rawn ritlang a, "ka hawn a ngai tlat !"ti a sawiin ka pa chu ka kalsan nghâl a.
Ka pa chuan min rawn âu zuiin, "kan la sawi zolo a nia." a rawn ti a, mahse ka hrelo der hmiah hmiah thung!
Kawngka bul pawh ka thlen hma hma chuan, Jessica chuan min lo hawnkhalh tih chu a ṭawngkam a ṭang chuan ka hria a, ka tâwi ta hrat hrat a.
"Uhh Chase heta i rawn kal chhan chu, Rachel vâng a ni leh ngei ang maw? Vawiin chu ka bed room a ruaklo tlat!"
Chulam pang a nilo, ka rawn inkhalh chhûak mai mai a nia, vawiin chu khua a lum lutuk a, Rachel nilo in nang leh kei hian pool ah hun nuam zet hmang ila tiin ka lo ngaihtuah deuh zâwk asin."
"Uhh nang leh kei hian maw? Nizân lawk ah Rachel nen hun in hman hnu ah leh nghâl,"
"Chutiang lam ni lo in,Rachel kha ka ngaihven tak tak i lo ring elaw ? Chase chu a nui ri hawk a.
Awka vîn zet a Jessica chuan chhâng lét ve in, "Nangmah ah hian thil eng emaw tak a awmin ka hria," a tih khum hlar a
"Rachel leh kei hi eng emaw tak a inkawp dûn turah i ngai takzet a ni maw? Chu chu Chase Eloit mizia a ni hauh lo a nia Jessica."
"Ka hrilh chiang law law ang che, kei leh Rachel inkar ah hian engmah a thleng lo."nizân khân i room ah khân nangmah beisei in ka rawn kal.a, mahse nang nilo in Rachel zâwk a lo awm si a,chuan Chase mizia chu i hriat kha ." a nui hul hak a.
"Tichuan nangmah vâng zâwkin ka lokal tih chu i hrethiam tawh mai em?" A tihzawm leh nghal a.
Ka thil ngaihthlâk chu leh, ka mit chu ka chhîng pah vang vanga, Chase chuan eng thil tak tih a tum chu ni maw? Tiin ka ngaihtuah a.
Jessica ngawingal reng chu a rawn ṭawngchhuak ve ta hlut a, "Oh chutiang chu maw lo ni a, keimah vângin i lokal a, tichuan ka roomah chuan Rachel a lo awm tâk si a vângin , i insûm theilo in Rachel chu i kiss ta zâwk a, a ni em Chase?"
"Aw, chutiang deuh chu a ni e, ni e, Rachel chu keiman ka kiss hmasa a lâwm."
"A nih kan inthlâk ang e aw, pool house ah kan in hmu dawn nia ." rangzet aJessica roomlam pan thawm chu ka hre thei.
Jessica kal liamhnu awm velah chuan ka va in lan ve a, Chase chu chîk zet hian ka en deuh vang vang ohawt a, a tâwp a tâwpah chuan, "I ti takzet maw?"Ka ti chhuak ta sap.a.
Min nuih khum vawr a,"Engmaw, I lo thîk deuh tihna em ni a? "Tihpahi a inchhuan hmél fe hian a mitko chu min sân khum âwk a.
"Chutiang chu lo ni ta ang ...."
"Rawn pui tur che a lokal.mai ka ni, a lo ti ta sup a.
Ka unaunu kawp chungin maw?"tiin awihloh hmél fe hian ka lo.melh khar a.
"Tu inge inkawpna chungchâng thu sawi réng réng? Thutak zet hian a lo ti a, a mitmu dum fiah kâk mai chuan chîk zet mai hian min lo melh rûn mai bawk a.
"Enteh, rawn tih leh sup pah chuan, ka darah chuan a kut chu a rawn nghat a, rawn ṭawngchhuah leh supin,
"Jessica hi Jordan a ni tih hi kan la hre dûn hauh lova, chuvâng chuan keiin ka lo tibuai ang a, chumi chhûng chuan nangin a phone i lo enru dawn nia.
"Tuiah chuan a phone chu a ken ka ring hauh lova, a ni lawm ni?
"Chu chuan a ṭhâwn vak che pawh ka ring lèm lo Chase."
Ninhmél zet hian a chal min dawm khum nguih a,
"Ka lo tihbuai chhungin a phone awmna chu hriat lo tumla, lo enrûk tum mai teh! "
"A ṭha e."
"A nih chuan ka swimsuit inbel ve turin ka kalsan tawh ang che." Chuan hei hi ka la ring thei hauh lo, hetiang ti tur a kan in pe ringawt mai hi, ka tân chuan a tlâwmthlâk lutuk tlat ."tiin a mitko chu min sân khum leh âwk a.
Ngeiawm zet a melh lét ve pahin, " Oh khawngaihin, mahse hetia han tih vél hi chu i lawmzâwng tak a nia lawm ti raw?"
"I sawi dik e, ka duhzâwng tak!" tiin thutak zet hian min chhâng ve a.
Jessica chuan, "Chase i lokal dâwn em?" A,rawn ti ta lâng lâng a.
"Ka lemchan hun a thleng ta e." tih sup pahin, "ka rawn kal ." Jessica chu a âu zui ta nghâl a.
Chase kal tâk hnu chuan, hei hi ruahmanna râpthlâk zet a nih loh hrâm ka beisei, ti ngaihtuahin keipawh chuan, Jessica phone dahna tur awmang chu ka zawng ve ta nghâl a.
Duhaiin ka kal hma hret, Jessica leh Chase chu pâwnah an lo la chhuâk dûn hauh lo.
min hmuh hlâuzet chuan bang phénah ka pil zauh a, ka thin chu a phu dap dap nghâl a, bang phén a ṭang chuan ka va bih leh dâk dâk a.
Mahse Jessica chuan min hmuhloh hmél khawp mai, mi pawh a ngaihven ka ring hran lo, chu a swimsuit hâk chiah tihlo chu thildang a ngaihtuah hauh lo a.
Chase bulah chuan, inher kual vel pahin," ka swimsuit thar hi enge i ngaihdan?"
"Ahh a nalh takzet!" Chase chuan a ti ve sup a. Chase chuan min rawn hmu reng tih ka hai lo.
"A nih engnge a hnuailam hi a an le?"Jessica chuan Chase bulah chuan a ti leh a.
Ka nuih chu a zâ khawp mai, Chase chu ka khawngaih zâwk hial mai.
Jessica chu in herkual leh vel pah chuan, "cheetah print hi ka ngainat zâwng tak a nia ."a lo tileh a.
Chase chu nuihsuk pah chuan, "ka rindan in an siamna hi cheetah nilo in leopard print a ni zâwk in ka hria ,engpawh chu nise, a nalh takzet lo tih leh sup pahin, lokal rawh le." tiin a kâi a.
Jessica chuan nozet a melh leh pahin," ka lâwm e Chase , lokal rawh zûang lût nghâl ila." an in zui chhhuak dûn ta a.
An kal liam hnu chuan ka thaw deuh huai a, ka bihrûk na a ṭang chuan ka pén chhuak ve ta a.
Khawiah hian nge Jessica chuan a phone a dah ang? tiin an lo dinna hall vel a drawer chu ka enkual ta vat vat a.
Mahse ka hmu hauhlo mai, ka beidawn ṭép tawh hnuah, chuan sofa cushion karah chuan a zep tih ka hmuchhuak ta hlauh a.ka lâwm ngei mai.
"Ka hmu e." tihsap pah chuan ka nui chhuak var var mai a, mahse a silent hauh lo.
Net ka on chiah chu notification ho rawn thleng chuan sound a siam ta tlat mai.
Rang zet chuan cushion karah ka zudah leh rih a.
Jessica chuan a lo hrepha tlat
"Ka phone ri ka hretlat in ka hria." A ti lang lang ri chu thunphu dap dap hian ka ngaithla kar a.
Chase chuan rangzet hian,"Hey min lo enteh, enge maw noticed a lo thleng mai mai aniang." a lo ti vat a.
"Engmaw? Jessica chuan a ti lét hlar a.
'Chase chuan mitmeng mawi zet i nei tih hi i inhria em? A ti keh nghal.sawk sawk.
"Ka nei a maw ?" A aw ah chuan a lawm hle tih pawh hai rual a ni lo.
Ugh, mitmeng mawi chu a ni tak tak dawn em maw ni le? Tiin ka inzâwt ru ve sep a.
Phone chu oa lehin silent ah ka dah nghal a.
Ok, a account ah chuan ka awm ta e, mahse password chhut a ngai ta tlat mai ka hre silo.
Chase chuan, "A nih i mitmeng te kha engrawng nge ni chiah?"
"Jessica chuan, blue a ni chuan ka hria, ka sawi dik em Chase?"
"Ni e, Blue diktak a ni, tuifinriat rawng ang maia duhpawl raih mai mitmeng mawi tak i nei tih hi ka hria a ni." Idea ka nei chiah, chuti anga Chase an a sawi kher chhan chu ka hrechhuak ta a.
Blue chu password ah type chhin ila a ṭha ang, Chuti nilo se Chase chuan a zâwt hauh lo ang ka ti rilru a.
Chase chuan "tuipui dumpawl kan hmuh ang ṭhin hi a ni hialin ka hria." A ti nawn leh kher a.
" takzet? "Chase i nelawm takzet." Nuam ti aw zet hian ti deuh hlap hlap a. Chase ṭawngkam a ṭang chuan eng emaw min hriattir a tum chiang mai.
Ka chiang ta, Blue tih chu Jessica chuan a passwordah a dah tih chu ka manthiam ta a.
A phone ah chuan ka type ta a, ka lût thei ta, mahse Jordan account reng reng ka hmu hauh lo.
Phone chu a awmna ah ka dah leh vat a Jessica chu a nilo ta phawt.
Jessica chuan Chase enga tinge ka lakah hian i nelawm deuh thut na chhan pawh hi ka hrelo." a lo ti a, ka lo thîk ru kher mai,
Chase chuan lo chhân leh pahin, "hetia ka tih châkna che hi a rei tawh mai a ti ve a.
An in kiss dâwn chiang khawp mai, tih chu ka ngaihtuah leh hman hmawh a.
Mahse Chase chuan lem a chang mai mai a ni tih inhrilhnawn mawlh mawlh mah ila, midang in an han khawih vel tur leh hmeichhe dang a han kuah vel tur chu ka ngaingam hauh lo nia.
Hetia ka din reng a an ṭawng hrephâk reng a ka awm chuan ka duh loh deuh thil ka ti duh hial ang ti rilru chung chuan, ka room lamah ka chho ta daih a.
Darkar khat vel ka lo awm tawh ang tih chuan, Chase chu half pant nen chiah hian ka room.ah chuan a rawn lût a.
A taksa pa hrâk mai leh a pian nalh zet mai chu ka lo en a, a nalh in a pa takzet !
A taksa ah chuan sawisélna tur réng réng ka hrelo. Milim kertu in uluk zet leh hnehsawh zet a a ker mi ang mai hi a ni.
"Sorry kan rei deuh a vâng in, a rawn ti lût sup a.
Oh engvâng chuan nge ka lo thîk ve ringawt chhan ? Ka boyfriend pawh a ni hauh silo.
A duh chuan Jessica kha a mutpui thei hial ta ve ang chu. Mahse keimah ah chuan thîkna namen loh hi a in tuh tlat bawk si.
Ka hmél chu hmulo se ka tih a vâng chuan, alam chu ka la hawi duh hauh lova.
ṭawngchhuah leh sup pah chuan," Enge nithei chu i hria a lawm...."
A lam a va inher nghat pah chuan, "Chase Aloit **** hnathawh chu a harsa viau a ni tiraw ?"ka tih khum nghat a.
"Uhh a châng chuan harsa ve ṭhin tho.e, mahse in pumpék na te pawh a ngai ve ṭhin! "
A ṭawngkam ah chuan ka lo hlauh ang ngei ngeiin a ni ang mipa chuan, Jessica chu a mutpui ngei tih hi ka ring nghet nghal bur a.
"Nang chuan min lo thîk leh ṭan tawh a?" ti in a nui vawr zui a.
"Enga? "Nangmah leh nangmah chu i infak der thei lovang, "ka tih khum hlar a.
"Uhh chuti a nih chuan, Rachel hian Chase nen chauh a pool a awm ve a mamawh ve zu nia."
Ten hmel zet a melh ram ram pah chuan, "Ugh, nangmah nen a pool a chén dun ai chuan, bacteria tamtak pai nen a chèn dun pawh ka thlang hial zâwk ta ve ang."
"Okay, a nih ka sâwm ngai hauhlo che ti chuan i sawi thei lovang." nuihzat hmél fe hian min en a.
A aw then leh khurh pahin,"A nih Jessica phone ah chuan enge i hmuh chhuah ták?"
"Engmah." ti nghatin, " Jordan account pakhat mah a awm lova, chuan A ni hi Jordan chu a ni lo bawk, a mah a ni a kan lo rinna zawng zawng te kha kan paihbo leh vek angai ang ."tiin ka lo chhâng a.
"A nih Jordan hnén a ṭangin thuthar dawn te i nei leh em?"
"Aih nei hauhlo mai, min rawn message ṭhin te pawh kha a ti tâwp vek tawh, min la tûm khum tluang zel e."
Zâm deuhtak hian, "i taksa chunglam kha khuh ve i tum miah nange Chase?"
"Uhh, he ka taksa nalh zet hian i awm alo tinuamlo deuh a ni maw?" tiin a mitmeng a nuihsawh hmél zet chuan a rawn meng de sawr sawr a.
"I engkim mai hian min ti thinur zawk a ni e."tihlét khum sak a.
"Ahh a nih Jordan nen in beleh tur hian eng emaw tak chu i tih a ngai ang, a mah a ṭangin reaction lâk tum rawh."
"Engtiang in maw? "
"Ka hre bîk lo. "Tihpah chuan a khabe chu a kutin dawm vung vung a.
"A nih chuan hmeichhia ho hian i ngaihsak na dawng turin engtin nge an tih ve ṭhin che Chase?"
Nalh zet a nuih hawk pah hian, "Ha ha, an selfie sexy tâwk tâwk min rawn sent ṭhin maw le. "A nui chhuak.hawk hawk a.
"Oh a changkâng khawp mai maw? Mahse kei chuan chutiang chuan ka tive ngâi hauh lo ." Ka menkual khum pah ralh.
"Oh, Come on he thil ah hian chak zâwk nih i duh leh duh loh a thu aniang chu."
"Mahse photo in sent erawh kha chu, ruahmanna chhe zawk zawk chu a nilo a lâwm ka ngaihdan chuan. Ngawi lawk teh! I sawi ang khân photo nilo in, kan pahnih a video hi send ta ang i la."
"Damn, Enge maw nangmah ah hian duhawmna rûktak a awm ṭhin a, mahse chu chu i thukru daih zel a, a tih zawm leh nghal a.
"Huh , khatiang video bawlhhlawh lam pang chu ni love Chase." rum zet a melh in, "Mahse he thil hi kan lantir tawh ngei chu a ngai ang, a Id fake ani tih kan hrechhuak tawh ani tih hi!"
A ṭawng tur chu lo khap leh zauh pahin, "chuan he a fake id hi kan hretawh a ni tih a hriat chhuah hunah chuan a ma tân a ṭhat zâwk nan bo vang vang kha ṭha a ti ve bawk ang."
Inngaihtuah mûk hmélzet chuan, "Aw le, chutiang chu thawk a i rin chuan le ." Lungawi chiah lo hmel erawh a pu thung!
Ka phone ah chuan online in, # Rachel =kan mutual friend nen hian kan inṭhian ta in ka hria..tih hi ka type ta a.
Ka phoneah chuan video chu la in, "Hi Jordan, ka ti a. Chase chuan thinrim zet hian," Dick head khawi a ṭangin nge ka identity hi i lo rûk reng reng a ti ve bawk a.
Chu video chu Jordan kan sent ta a.
Jordan message chu a rawn thleng ta nghâl a.
#Jordan= Engkim ka sawifiah vek angai ang....
# Jordan= Naktuk ah breakfast min eipui turin Bostwick's chowder house ah i lokal thei ang em?
#Rachel= Aw tehreng mai.
.................................................................
Advertise kha min lo click sak leh hram hram dawn nia. A lehpek ah chuan Jordan pawh kan hrechhuak ve thei dawn ta e.
No comments:
Post a Comment