THE CONTRACT
CHAPTER 13
A meng kual deuh ralh a, a biang erawh a sen ṭan ṭan thung, "Duhlo mai ang e, thil eng emaw tihdan tur dang ngaihtuah záwk rawh."
Ka nuih za lutuk chu ka insûm ṭang ṭang, a chang hi chuan he nu te hi a lawmawm reuh viau bawk ṭhin in ka hria, ka kut chu lek kângin a lamah chuan ka phar chhuak a, "Min thawh pui rawh."
Zawi muang hian a kut chu rawn phar chhuak ve in ka kut chu a rawn vuan a, ka kut chungah a kut phah tereuh te a rawn dah hnu chuan ka lo húm sak a, a taksa chu a nemin tawh a nuam kher mai, chutia a kut ṭang nuam ti taka ka hmer vawng vawng hma ngei chuan ka thlah nghal vat, "i hmu em, min khawih hian i kan phah lo a, engtin mah i awm phah loh hi!"
Kan thil tih turah chuan phúr ru zet chunga ding chhuakin, ka kal kual te te phawt a, "Midang inkawp te awmdan ang tak a pangngai taka kan awm dun pawh angai ngei ang, i biangah ka fawhsak che a ni emaw ka lamah ka kuah hnai che a nih pawhin, pangngai tak a lo awm hrâm i tum tur a ni ang." Ka shirt ban chu ka thlep chho a, "Chuti anga ka tih ang chuan nang pawhin ti ve in ka lamah ka kuah hnai che anih pawhin min rawn pan hnai ve nghal ang a, min nuih sáng ṭhin bawk ang, nuihmel i put deuh reng a ngai dawn tihna anih chu, ka tih ṭhin dan ang zul zui zelin nang pawh i rawn che chhuak ve nghal zel ang, tunah chuan kha i bawp tawi zet mai kha dingchhuah tir in ka bianga min fawhsak tur hian rawn tho chhuak rawh le." Eng emaw..... kha chu ka kohduatna tur ang chi che kha a nia, i hrethiam mai em?"
"Yes." Tihpah chuan chimawm hmel pu zet hian min melh chho ve a.
"Eng nge ni ta?"
"Sweetheart ti a min ko anih chuan kei pawhin special tak a ka koh ve tho che angai ngei ang ti raw?"
"Nick name hi ka ngaina vak hran lo a, mahse eng anga min koh nge i duh deuh a?"
"Uhh, thil eng emaw simple tak a ni ang chu!"
Simple a ti em ni? Ka ti thei ve mai ang chu maw, "eng ang chi?"
"Dick." Pângngai tawk hian a rawn ti a.
"No."
"Why not, i hming lam tawi a ni bawk a, nangmah nen a inremthlap bawk a, i nihna chiah chiah ni bawkin ka hria."
Hriam hreih hrawih tak hian ka melh chhuk a, Anderson Inc a ka thawhlai khan hnathawk dang ho in tuna a sawi ang chi nickname hi min phuahsak a ningei ang, chuvânga tuna ka chunga mi nuihzatnana hmang hi a ni ang tih pawh ka chiang hle bawk."No, thildang thlang rawh."
"Ka lo ngaihtuah ṭha leh dawn nia."
"I tih ngei a ngai, Dick tih lam thil kha chu tel tawh lo hram se la aw ."
A heh peh deuh zauh pah chuan a ngaihtuah deuh vang vang a,menkual khum deuh rulh pah chuan, "Duh tawk mai teh Katharine, a rei mai maiin ka hria."
"Fine, Dick tih kha chu a ṭhat tehreng nen thildang ngaihtuah chuuah leh ka lo tum dawn nia."
A fiamthu min thawhkhumna chu ngaihsak lo zet hian, "No, a tâwk e." Ka dingchhuak nghal a, phuzawk chung leh makti hmel pu zethian min en chho a .
"Practice chu kan ṭan tawh dawn em ni ang?"
"Eng practice maw?"
Remote chu la in play button ka hmet a, music ho chu ka thlâk nghal zung zung a, music damraih ka play thlen hma chu ka next char char a, "Lam ang le, ka bulhnaiha awm hi pangngaiah neih tum rawh." Ka kut chu phar chhuakin tunhma zawnga alaka ka la hman ngai loh tunhnai te a ka zir chawp, "Khawngaihin." Tih ṭawngkam chu hman zauh pah hian, a ṭhutna aṭang chuan ka pawt tho ve nghal a. Khawr zet hian a rawn kal hnai a, a kawngah chuan lo kuahsak nghalin a sam rimtui zet chu ka hnim sak vang vang a, kan chèt dun dân chu eng emaw ti tak a nuam tih riauna hian min zém chiai chiai niber hian ka hria, awmdan a thiam nghal lutuk leh a zei nghâl thlarh chuan mak min tih tir hle bawk. Kei ai chuan a hniam daih zαwk a, ka koki chu a rawn vuan ve nghal zat a, tlema lo kûn hniam deuhin ka khabe chu a chhipah chuan ka nghat a, hrilh leh hranpa ngailo zet hian ka αwmah chuan a rawn bei nghâl hlân a, chumi hnu reilo te ah chuan a insangmar ruk ṭeuhna chu thlah dulin, a taksa nem zet chuan ka taksa ruh zet chu a rawn ngheng hnâi a, kan pahnih chuan taksa pumkhat ang mai hian music rem chuan kan insawi dun ṭan ta a, chuti anga a chét chu a beisei dân ani bík hauhin ka ring lo, a ke a chét dan chu ka thlir chhuk a, chutih lai tak chuan ka thluakah chuan min hrilhru tu awm ang mai hian a mit tui a tlâk lai pawhin heti anga hnem a amah nghet taka lo kuah tu hi nei sela, chu thil ka ngaihtuah chhung chu a reilo kher mai, kei chuan chuti ang nilo in a mah tih phūtna leh a thin tih ṭhawnsak chiah bαk thiam ka nei si lo, min rawn melh chho ve a, chĭk zet hian ka lo melh chhuk ve reng bawk a, a hmelah chuan a duhawmlohna reng reng ka hmu tawh hauh lo. A biangah chuan ka kut pahnih hian ka khuap sak a, a mengzâu nghal kâwk kâwk tih pawh ka hre reng, ka thil tih lai erawh ka ṭhulh phah chuang lo.
"Eng nge tih i tum?"
"Fawh che maw le."
"Engvangin?"
"Practice."
Thαáwk lâk halh pah hian, "oh." Ka kun hniam sauh a, a heh nel thep chu ka hmuiin ka tawh sak nghal a, chuti ang taka heh nem zet leh nel thep mai fawhnuam zet aneihna chuan mak min tih tir kher mai, chu ka thil tawn thar chuan min ṭhawng viau a, mak ka tih angtluk zetin min ti tuiral zo dawn a hriatna leh keimah a phûrna mak zet ka la tawn ngailoh thil rawn piang chhuak chu ka hre thei, heti ang thil hi hmeichhe dang laka ka la tawn ngailoh a ni tih pawh ka chiang hle bawk.
Ka thil tih lai chu ka duhthawh tulh tulh a, a hmui a tawh rîk ngawt pawh chu duhtawk ta lo chuan zâwi muang hian a heh chu ka nawr kau sak a, ka lei chuan a ka chhung chu ka hawl kual sak ṭan ta a, engtin mah min chhαnglet hran pa lem lo, chu a heh lum thar thar aṭang chuan ka hmui chu ka la sawn a, thαwk ka la deuh hawk bawk a, a hmui a ka fawh nawn leh hma ngei chuan ka inla hrang ta vat a, ka tawlh hnung nghal bawk a, ka kuahna chu ka thlah ve nghal bawk a, kan bul vela boruak chu a rit deuh mup nimai hian ka hria, ka nuih khum suk a, "Kha, a chhe hranpa lemlo e, min fawhna avâng khân i thih phah hauh lo ang."
"Nang pawh." A aw chu a bungin a khûr deuh dar dar a.
Ka nui chhuak huk, "Nia, kei pawh ka thih phah chuan ka ring hran lo, hna hmuh nan chuan eng pawh tih kan inhuam ang chu."
"Nia."
Remote chu la kαng lehin music chu ka off ta nghal a, "Well done Katharine, vawiin chawhnu atan chuan a táwk tawh viau in ka hria, naktuk hi kan tan ni pawimawh tak a ni dawn a, chumi atân chuan chawlhhahdamna hun pawh kan mamawh dún viau."
"Okay." A aw chu a záwi hle a, a richhuak chang chang tih tur ang vel lek chauh hi a ni.
"Vawiin chu i ti ṭha khawp mai, ka lawm e." Ka inher a, ka kalsan ta nghâl a.
KATHARINE....
Ka mu ṭha leh pek tawh lo, ka mutna khum aṭang chuan tho chhuakin tháwm dim zet hian Richard mutna room lam chu ka pan phei leh dân dân a, a room kawngkhαr chu hawngsa in ka dah leh ta a, zanin chuan bawkkhup zawnga mu in a pillow kham lai chu a kutin alo kuah a, a la hnâr reng tho a, Mahse a thâwm chu ka khum a ṭang chuan ka hriat a ngai miau bawk si.
Dim light hnuaia a hmel chu ka thlir phei vang vang a, ka kut chuan ka heh chu ka tawk pah zauh bawk a, kan lâm dun laia a bân tha chak zeta min kuahna leh mi a fawhna chuan tun thleng hian effect a la nei reng, mahse khatia a tih chhan kha a plan neih tih puitlin nana a tih ni tho mahse zanin kha chuan mipa danglam tak ka tawng niin ka hria, a nuih dan te leh a mitmeng de sawr sawr leh a aw dam thlup te khân keimah ah thlamuanna a tuh nghet tawh tlat, heti ang hian a hma te khαn awm sela ni tur hi a nia, mahse chŭng a mizia te chu a thup hneh ém ém mai si, chung a mize ṭhatna te chu sawi chhuak ni ila chuan ka lakah ngei pawh hian thupin a awm leh ngei ang, mahse zanin zet kha chuan a mi fawhna a hmui sexy zet leh lum ham ham mai te khan danglamna nasa tak keimah ah a siam tih ka pha lo.
A mi fawhna a hmùi lum thar thar mai khan tur ṭha mi ang maiin min hìp bet a, a nemin fawh a nuam hle bawk, a mi khawihna te kha a damin phûrna nasa tak min siam sak ka ti lo thei lo.
Rum chhuak deuh hlek chung chuan a inlet pah thawk a, a blanket sin chu a pawt hlim a, chuvαng chuan a taksa sek nalh zet mai chu ka hmuh theih phah a, chu a taksa nalh zet leh pâ tak a tâwk chauh a sek ṭalh mai chu ka thlîr lo thei lo, mipa nalh tak chu ni hian ka hria, a pawnlam landan ringawtah pawh chu chu a hriat theih a ni.
Hriat theih chiah lo hian a ṭawngvai deuh nuah nuah a, a room kawngkhar chu hawngsa a dahin ka room lamah ka phei san leh ta vat a.
Vawiin tlai chhung zawng kha chuan a mizia a ṭhatna leh ka laka a nelawmna chu ka hmu ṭeuh mai, mahse hetia a muhil lai ka thlir ṭhin tih hi hre na se chuan, chuti ang mizia chu ka lakah a pu tawh kher in ka ring hran lem lo, mahse chutia a mutthilh laia a rúm ri leh a hnar ri te chuan min ti thlamuang a, tui takin ka mut theih phah viau bawk si.
THE NEXT MORING
Condo chu zing hma takah tho in ka chhuahsan a, Penny awmna hmun lam chu ka pan ta nghal a, vawiin zing chu a mood pawh a ṭha viau niin ka hria, min lo be ve seuh seuh mai, keimah ngei ka ni tih pawh min hria a, hlim tak a inkawmin a mutthilh leh hma zawng chu kan nui a kan ti ti pah bawk a, a mutthilh nawn leh lai chuan kei pawhin rilru engthawl takin coffee ka lo in a, chutih pah chuan a lem ziah te chu ka lo enkual sak bawk a, a mu chu a rawn harh leh a, a painting chu a buai pui leh ta nghal a, ka lo thlír reng a, a kuta a painting ken lai chu lâksakin, "He thil hi ka duh ngawt mai." Ka nuih pah seih a. "Hei hian nipui laia kan pahnih a pangpar kan lâk dun lai kha min hriat chhuah tir tlat." A ṭhutna chair chu ka lam hawi zawng chuan a rawn her a, a lu chu thin deuh nak pah hian makti zet hian min rawn en he haw phawt a, chumi hnu chuan mak ka tih tur zet hian a ṭawng chhuak ta a, "Hralh theih ani nge nilo tih chu ka fanu i záwt mai dawn nia, mahse khawiah nge tunah tak hian a awm tih erawh ka hre lo."
Ka thâwk te chu a tâwp nghal vek ni mai hian ka hria, ka thu ngaihthlâk chuan min ṭhawng viau bawk, ka lak aṭangin a kalbo leh tawh niin ka hria, he anatna tawrh mek aṭang hian a ṭha chhuak leh dawn ti a ka rinna zawng zawng te pawh chu vawmbo ang vek a ni leh tawh.
"Eng pawh ni se, ka lo la phawt ang a, tichuan i fanu chu ka va zawn sak dawn che nia."
A pain brush chu la lehin, a lemziahna lam ngaihven chhunzawm leh pah hian, "School lamah a awm maithei, tah chuan i zawng chhin dawn nia, ka Katy chu hmeichhe buai thei tak mai a ni a."
"Mrs.Jhonson i hun hlu tak min pèk avângin ka lawm e."
Ka chhuah dawn chuan a room kawngkhar thleng chu min rawn thlah ve a, a room aṭang chuan chhuakin a lemziah ka lâk sak chu ka kuah a ka mit tui a far nghal zawih zawih bawk, a thinlung chhungril ber a ṭang pawhin min hre thei leh tawh lo chu a nia le, mahse a fanu angin min la ngai tlat tih ka hre thei, Katy kha ka ni tih a hre tawh lo a chu, a fanu a ni tih erawh a la hria, hei vang hian kei pawhin ka family ang tlukin ka la ngaih phah, heti ang thil ka tih duhloh tak Richard laka ka tih nachhan ber pawh hi a mah vang chauh a ni si a.
Ka mittui ka biang luang thla ngiai ngiai chu hru hul sawk sawkin Richard condo awmna lam chu ka pan leh ta a.
Kawngka ka hawng Richard hmel rum zet chu ka hmachhawn nghal a, "Khawiah nge maw i kal hrep chu le? Vawiin hian appointment i nei tih te kha hre ve ta che ."
Thâwk lâk raih raih pah hian number pakhat aṭanga sawm thleng ka chhiar chhuak a, "Richard nangpawh good morning le, tunah hian dar sawm chiah a la ri a, ka appointment kha chu dar sawmpakhat a ni a, hun ka la ngah viau niin ka hria."
Ka thusawi chu ngaih pawimawh loh hmel zet hian, "Engvanga i phone a ka rawn call pawh khαn chhânglo nge i nih? I car lah i la chhuak bawk si lo."
"Penny ka va tlawh lawk a, a awmna home hi heta ṭang hian a hla vak lem lo bawk nen, ke in ka kal ta mai a lawm."
Ka âwm a ka kuah beh lemziah chu rawn kawh pahin, "Hei eng nge?"
Ka lo vawn ngheh vak loh avâng chuan awlsam zet hian a rawn la a, a en vung vung hnu chuan, "Hetah chuan i târ em lo ang chu ti raw?"
Âu khum chiam chákna avâng chuan ka thin chu a tawt mup mup hian ka hria, mahse ka inbengdai leh nghal vat a, "Chuti ang lam pang chu ngaihtuah pawh ka lo ngaihtuah hlei nem, ngaihtuah vak duh suh, hei chu ka room ah ka târ dawn a lawm."
Chu lemziah chu mi rawn pèk let leh pah hian, "What ever." Ti leh supin a dar min san khum zauh a, kalsawn pah hian, "I thawmhnaw ho kha arawn thleng tawh a, i room a i closetah ka khai ṭhat sak tawh che kha, bag ho erawh i khum chungah ka dah ang, tuna i hâk lai kha chu hal nghal ang che, ka hmu peih tawh lo."
A kal sawn ta nghal a.
Chawhnu lam anih hnu chuan condo lamah ka lét leh a, tunah chuan mithar ang hlak ka ni tawhin ka inhria, a hma a ka hmel lo put dan zawng zawng chu a inthlák thleng hlawk bawk, ka vun zawng zawng chu min nawh khawk sak vek a, ka hmul zawng zawng pawh min waxe sak vek bawk a, engkim ka taksa chu an thlâk danglam vek, ka sam chu shampoo leh conditioner man to ber ber a sûk a ni a, ka inhmeh tur ang taka cut ṭhat a ni bawk a, makeup avângin ka lang thar sar a, ka hmel te chu a no sarh tawh mai a, ka mit te chu ka meng lian kel kawl tawh viau bawk, ka mitmu pawl raih chu an mit hnawih hman avâng chuan a lang paw raih a, chuti ang bawkin ka hmui te chu fawh chák awm zet ang mai hian a pawrh târh a, a sen hlar bawk a, ka danglam zo vek tawh bawk, chuti ang taka ṭha chuan makeup hian min thlâk danglam thei ang tih rinngaihna pawh ka pian ahnu lamah ka vawikhat hriatna a ni hial ta ve ang, makeup ka hman ngailoh avângin ka danglam hûih vek hian ka hre bawk a, inchung lamah chho in chumi ni a ka hâk atan a Amanda min thlan chhuah sak kawr fual chu ka inbel nghal mawlh mawlh a, a sawi dan chuan chu kawr chu vawiin ni a hâk a tan a ṭha ber a tih vângin, chu kawrfual chu off white hi a ni a, a rawng chu hmuh a hahdamin a dai raih a, a rùk a par hi a ni bawk a, a puan pawh a ṭha in a nem a, taksa deh a nuam phian a, chu kawrfual chu kal zawng a leng delh delh thei hi a ni a, chu mi rem.tur tak chuan sandal pheikhawk hniam lam pang ka bun leh a, nipui inthuamna nalh zet chu a ni in ka hria.
Thâwk ka la pah halh a, ka tâwt deuh mup mup ni ber a inhriana ka nei, tunah chuan ka inchei dan hi Richard duh zawng a ni em tih entirna hun a ni tawhin ka hria.
RICHARD....
Dawhtheilo zet hian Katharine rawn chhuk hun nghákin counter lamah ka kut ṭang chu ka tlir pah zaih zaih a, pen thawm ka hriat avángin chu lam hawi chuan ka inher nghal a, ka intur vawt raih mai dawm lai in ka tum leh dawn lai tak chuan Katharine ka lam pana lo kal ka hmuhna chuan ka intur glass a awm chu in ta lo in ka hûng lét leh phah, Katharine ka hriat ṭhin ang kha a ni ta hauh lo, a hma a ka lo rin lâwk sa tawh ang ngeiin thawmhnaw nalh tak leh makeup hmang chung a a sam a inhmeh dan tur tak a cut ka han hmu zet chu hmeichhe duhawm zet ani tih ka hre thei nghal, a nalh tak zet, Katharine ka lo hriat ṭhin hmeichhe ṭhing ve tak kha a mah ah ka hmu tawh lo reng reng, a hma a hmeichhia ka lo kawp tawh ho zawng zawng pakhat te mah khân an tluk hian ka hre tawh lo, an ni chuan pawnlam mawina chiah an nei a, ani ve thung erawh chuan chhûngril lam mawina thlengin a nei tel tlat, mawina in a a thuam famkim ti ila kan sawi dik ber awm e, mahse eng a pawh chu ni se, he kan thil tih turah hian a thawk ngei ang tih ka hria.
Ka bul a rawn thlen chuan ka ṭha tih rúkna chu lanchhuahtir loh tum tak chung hian ka melh chhuk rûn a, "Khawiah nge i zungbun?"
"Oh." A purse ken lian lem lo tak chu a hawng a, a dahna bawm aṭang chuan la chhuakin a bun ta nghal a, "Engtik lai pawh a i bun reng a ngaih tawh dawn avángin, a bawm kha chu dah bo daih tawh ang che."
"Ka kut leh ke tin vel min chei sak lai khan ka phelh a, ka lo bun leh theihngilh daih a nih hi!" A nui var var a, min fiam lèt ve hlak achák ni mai hian.ka hria, "Kha thil kha min hrilhnawn leh avamgin ka lawm e, my darling."
Ka mitko sân khum deuh pah âwk chung hian, "My darling a ni?"
"Dick ti a koh kha i duh silo a, chuvang chuan nangmah koh nan khati ang deuh hlek mawihnai bawk si ka thlang ta mai a nih kha, inhmangaih te ang tak a awm ngai i ti bawk si a."
Ka kut kuang kuah chung hian ka melh chhuk vung vung a, "Min nuihzat ni in ka hria."
"Ka nuihzat ngai hauh lo ang che." Mi ṭawng elsen khum zet ang a lang s hian chapo hmel zetin a sam chu a hûi kiang pah zeuh a, "A nih leh ka landanah hian Graham chuan min pawm thei tawh ang ti raw?"
"Ka pawisa i hmanghnem khawp mai." Uiru tak si sawi chhuak dawt ngam chiah silo hian ka ti leh a.
A purse table a adah chu lák kan pahin, "Richard kha lthu i sawi dan kha chu ngaihthlâk a nuam khawp mai, i zaidam zia leh i ngilneihna i tilang viau ni in ma hre bawk, hmeichhe tam takin a nangmah hmangaih che inchuh a i hma a an rawn in line chur chur lo hi chu mak ka ti záwk ngawt mai."
A mi chhân lét dan ṭawngkam chu a ngeiawm ru viay, huat dawn a huat theih ni chiah silo zaidam taka sawi chhuak ni bawk si ṭawngkam meinei zet mai a hmanna chuan ka nuih a ti za ru hle a, fiamthu dangdai tak mai thawh a chínna chuan min ngainat tir a, a maha eng emaw tak awm chu hmuhsak hian ka inhria, chu chu ka duhzawng tak a ni bawk.
Kawngkhar lamah chuan kan inzui chhuak dun a, kawngkhar ka kalh chhung chu min lo nghák a, nuih chhuah suk pah hian ka kut chu ka pe a, "Sweetheart i inpeih tawh maw?"
Min men kual khum ralh phawt a, ka kut ka pék chu lo vuan ve nghal chung hian, "Engtik lai pawhin maw le my darling."
"A nih chuan ṭan i la."
Kan kalna tur hmun kan va thleng a, car chu ti dingin ka chhuak hmasa a, Katharine ṭhutna lamah chuan phei lehin car kawngkhar hawnsak pah chuan ka kut ka pe a, ani pawh chuan a kut chu mi lo pe ve in ka kai chhuak ta nghal a, chu hmun ahan hmu chu a meng záu káwk káwk a, chuti ang in ropui leh chang kang a hmu chu a maktihna a thup thei lo a ni ber. Chuti ang hmun nuam Graham Gavin inleh lo ropui leh nalh tak ka han hmu zet chu kei ngei pawhin nalh ka ti hle tih ka pha bìk lo.
"I rilru a i thil vei kha ti lang suh!" Ti a phun khum sup pahin Katharine chu ka pawt hnâi nghal bawk a, mi hnial hran lem lo hian ka lamah chuan rawn thle phei deuh hlekin ka awmah chuan a rawn bei ve nghal mai bawk a .
Tirhkah mipa hi rawn kal hnaiin kan car park ṭha turin a kal nghal a. "Hahdam taka awm tum rawh."
Nur deuh nanga mi rawn melh chhoh pah hian,"Richard heng hausakna te hi i tán chuan a pangngai a nimaithei e, mahse ka tan chuan ka vawikhat tawnna a thung." A mit chuan a melh kual nasa mai, athlaphan hmelin a chiai ṭan nghal der mai.
"He hmun hi ka awm ve na tur chi a ni lo." Tiin a rawn phún deuh sa sa a, thâwk lák halh pah chuan, "Lem kan chang a ni tih hi an hre nghal ang." Hriat tham chang chang chian a ti leh sep a.
Ka kun hniam deuh hlek a, a mit taka en pahin sehchilh deuh tak hian, "Damnit, an hre lo ang, i bulah ka awm reng dawn hi, inhmangaih tak angin kan awm bawk ang, he hmuna awm zawng zawng hian ka hna aiin nang hi ka thlang záwk hrep che tih an ngaihtuah ang a, nang chuan min ngaisang lutuk angin i lang tur a ni tih hi hre ri ngawt rawh."
Min rawn en chho a, a hmel chu chiai na hlirin a khat, chuti ang hmel ka hmuh avâng chuan ka inthiamlo deuh hlek a, zaidam deuh záwk hian, "I thei ang Katharine, i ti thei tih ka hria."
Ka koki chung chiah chu melhin a phun zui leh sep a, "Graham Gavin kan lam panin a rawn phei a nia."
"Anih chuan sweetheart kan ṭan a hun tawh tihna anih chu, i hmuiah khan ka fawh sak dawn che a, nangpawhin i duh ve hle ni a arin theihna tur ngeiin i lo awm ve dawn nia, gift ka pe angah che ngai mai rawh, he meeting hi kan ti hlawhtling thei anih chuan gift chu ka pe ngei bawk ang che."
Reilo te chhung chuan engmah a thleng hran lo, thâwk lehkhatah a mitmengah chuan tumruhna a lang chhuak nghal, chuti anga ahmel put dan rawn inthlák thut chuan a ti lang ṭha leh zual sauh a, a mah chu melh chhuk reng chung hian ka suangtuahna ram lamah chuan ka chèng zui ta nghal a, "Richard!" Ti a ring deuh taka min kohna chuan ka suangtuahna ram aṭang chuan min harh chhuah tir zawk a, "Ka tân hian i ṭha mah mah chuan ka hria." Ti in ka sam chu min rawn chûl sak a, chutih pah chuan ka fawh rem zet tur hian a rawn kal hnâi nghal bawk a, a thusawi dan chu hrethiam nghal vatin a káwngah chuan nghet zeta kuahin a hmuiah tak chuan midang mit mei pawh veng lo hian ka fawh sak ta siah a.
Aw then rík deuh khurh thawm ka hriat hnu ah chauh ka inlahrang thei hrαm a, a heh nozet en pah chuan ka nui pah suk a, Katharine chuan mi rawn melh chhoh deuh hâ a, chu hmeichhe heh nel thep mai ka tawhna chuan khawvela ka la tawn ngailoh thil nuam zet mai ka tawng ni a inhriatna hian ka khat.
"Rawng senno hi chu i duh ve ngawt chuan ka hria." Tih pah hian ka hmui a a mah ka fawhna lipstick hnu hma chu a kutin min tihfai sak nghal a, rawng senno a ti a maw, hrep tak chuan, ka rawng duhloh ber pawl a ni ngei ang, chuvang chuan a heh ah chuan ka fawh nawn sak leh nghal sak, "Hetiang rawng hi inhnawih tawh lo turin ka hrilh tawh che kha, chuti lo chu ka fawh reh sak zel ang che." A kawnga ka kuahna chu thlah chuang lo hian Graham lamah chuan ka inher pui nghal a, , "Sorry Katharine hi a zαuthau hma thei lutuk a, keilah ka lo insum thei bìk lo bawk nen." Ka nui pah suk a.
Graham chu a nui ri ve huk huk a, a kut chu mi chibai tura rawn phar chhuah pah huan a nupui Laura pawh chu inhmelhriatna min neih pui nghal a, Laura chu Katharine ang chiah a sang lem lo tak hi a ni a, a sam chu rangkachak rawng ni in a tukhumah chuan fel thân hian a báwk a, a landanah chuan hmeichhe nelawm tak leh khawngaihna ngah tak ni hian ka hria.
Kei pawh chuan Katharine chu ka nupuihual a nih thu in hmelhriatna ka neih pui nghal bawk a, chu thu ka sawi lai chuan Katharine chuan nui chunga a kut chu phar chhuak ve nghalin a sen pah awp awp a.
"Eng thil chiah chuan nge lo ti zαuthau che tih hi min hrilh ve ngei chu a ngai ang Katharine." Laura chuan Katharine bulah chuan nui rah rah chung hian a ti a.
"Tún lawk khân Richard chuan ka beisei loh lutuk gift min pek a in tiam a, a ni hi chuan engtiklai mai pawh hian min surprise reng mai anih hi, khawngaihin Katy tiin min ko dawn nia, Richard chuan ka hmingpum a min koh hi a ti lui deuh tlat ṭhin a, mahse kei chuan Katy ti a min koh hi ka duh zâwk."
Ka lu chu ka bûk khum nghut a, "Hmeichhe hmelṭha zet tana hming mawi tak niin kei chuan ka hria."
A mengkual pah ralh a, Laura erawh a nui chhuak hak thung!
"Katy engtikah mah pawh alung i ti awi thei chuang lo ang, mipa ho hi chu thilsiam zinga luhlul zet kha an nia." Tih pah hian a banah chuan a kut rawlh luh sakin, a kâisawn nghâl a,"Lokal rawh ka chhungte nen inhmelhriatna ka neih pui ang che, Jenna chuan a hmu châk tawh lutuk che a nia."
An hnungah chuan kei pawh chuan kan zui ve nghal a, Laura chuan Katharine chu zâwi deuh tak a biak deuh sa sa pah hian, "Eng gift chiah nge pèk a tiam che a?"
An hnunglama zui zel pah chuan engtin chiah nge Katharine chuan a chhân ang tih hriat châk zet hian uluk tak leh hriatloh hlâu zet hian anthusawi chu ka ngai thla a, ti hian ka lo suangtuah a, Jewelry nge, len khawthawn na nge ni ang? Chung thil chu hleihluak zet mai chu ka hmeichhe kawp tawh te ho in a an beisei a ni si a, a vawikhat lehna atân a thusawi chuan min ṭhawng leh ta, "Richard hian rilru zâu tak puin No- kill shelter NGO ah donation pèk min tiam a, chutah chuan kei pawh member ka ni ve a, he hmun hi pawisa an neih tawk tawh loh avângin khar an tum tawh thu ka hria a, ka hlâuthawng lutuk a, chu thu chu a hma in Richard ka hrilh tawh sa a."
Laura chuan Katharine dar chung aṭanga min rawn melh pah hian, "I va ti ṭha ve Richard." A rawn ti a. "Kei leh Graham pawhin in donation pék zât chu kan pe ve ngei ang, keini pawhin ran chu kan ngaihven zawng tak a lawm."
Katharine chuan chu thu a sawi avâng a thâwk deuh hlap hlap pah hian, "Oh, Laura khati ang kha tihkher a ngai hleinem."
Laura chuan Katharine ban a vawnna chu vawn ngheh deuh sauh pah hian, "Off course kan ti ngei ang, engtia rei nge chuti ang thilah chuan i lo in pèk ve tawh?"
Ka lo inrawlh nghal a, kha a list ka lo chhiar sak tawh avâng leh ka hriatrengna a ṭhat em avang hian ka lawm tak zet. "Kum thum, chu bâkah he a inpekna avâng hian vawihnih ngawt Volunteer of the yea@r a ni tawh bawk." Tiin ka lo chhân sak ve thuai a.
"A va ropui ve, Graham nakinah Richard nena in inbia@@k hunah Katy hmingin check i pe ve ngei ngei dawn nia."
Chu a thu rawn sawi chhuah Graham nena inbiakfal dunna kan neih tur chung chang thu chuan phûrna min pe a, he kan lemchanna hian hlawhtlinna a nei ngei dawn a rinna ka nei bawk.
Graham chuan a nupui Laura chu nuih vur vur pah hian, "Ka lo ti dawn nia my love."
Ka ruahman dan chuan Katharine bul hnaiah ka awm char char ang ka ti a, mahse chùng ka ruahmanna neih ho chu a bahlah char char, Jenna nen inhmelhriatna kan neih hnu ah tawh phei chuan, a mah chauh nilo a pasal Adrian, a fapa upa zawk Adam, leh a nupui Julia leh a fa te pahnih, chutiang ho zo zai nen a kan inhmuh tawh hnu ah Katharine nen chuan kan awmna chu a inhlat viau tawh.
Laura in a fanu Jenna leh Katharine a han inhmuhtir chu Jenna a pa ang maia mitmu rawng hring nghalh mai nei phûr tih hriat zeta de sar sar chuan hlim zet hian a lo melh a, a ni pawh chu a sang vak lem lo a, a pangngai a ni mai e, a duhawm reuh viau a, a sam chu a buang thâng a, nelawm zet hian alo nui pah var var bawk a, a pasal chu football khelhna hmuna line man hnung a defansive football player ang mai a, a sân dan ang bawkin a dar pharh pawh a hlái ṭha hle, a sam dum hlap ang maiin a mitmu pawh a dum fiah ṭha hle a, an nupa landan chu an inngaihhlut tawn dan ngaihtuah chuan, tlemin an ngei awm lek lek zâwk hian ka hria.
Jenna chuan Katharine banah chuan vuan lehin hmeichhe dang ho chu a hmel hriat tir hlawm a, Graham ve thung chuan a office a staff thawk mipa ho chu min hmelhriat tir ve bawk a, chu chuan a rilru putzia a hriattlang theih nghal vek, chuti anga atih nachhan a ka rin chu a office staff ho chuan eng angin nge min ngaih ang tih hriat a tum ber ni in a lang, chuvangin keipawh nungchang ṭha ber anga lan ka tum.
Katharine nen a kan awm hran tâk daih avang chuan ka ngaihtuah ru hle a, khawiah nge a awm ang tih ngaihtuahin ka mit ka lèn ru pah reng bawk a, a chhan chu eng emaw thlengpalhin thil a ti khawlo palh vek ang tih ka hlauhpui tak zet, mahse ka va hmuhdan chuan engmah buaina neilo ang mapin mahni invengthiam zet leh a dinhmun hre takin a awm tih pawh ka va hmu.
Chutia ka awmlai leh Katharine awmna lampang ngaihven hmel taka ka va melh phei leh vung vung ṭhin lai tak chu Graham chuan a rawn hmu ve ta a.
Kan dah leh hun tur kha naktuk tuk leh zanah aw. Chuan net ṭha tan advertise awm kha clickin second sawm.tal kan nghâk leh ang a, kan back leh mai
No comments:
Post a Comment