THE CONTRACT CHAPTER 12

THE CONTRACT CHAPTER 12

KATHARINE...

 Chawhnu lam hun ka hman dan chu ka tan chuan ṭhawngaleivir ang tluk zet a ni, Richard chuan Amanda chu lei tur a hrilh chikim hle mai, engkim chu a sawi kim deuh vek nimai hian ka hria a, thawmhnaw lei tur list a pék lah chu zo thei lo tur khawp zet hian a tam a, dresses, pants, skirts ah Chanel company siam chhuah chauh lei turin min ti a, blouses tih te leh suit tih te leh bathing suit ah Gucci company ngat a ti bawk a, kan thawmhnaw thlanchhuah ho te chu pakhat te te a hâk chhin zel a ngai a, chutah thlan chhuah zel a ngai zui bawk, Amanda a tih nu ka hruai lah chuan ka inhmeh leh inhmeh loh a en zel a ngai a, ka thawmhnaw hâk chhin kan lâk loh tur kan dah ringawt pawh chu a vúm hian a vûm thur tawh mai a, ka hne tawh ngawih ngawih, thawmhnaw chu kan thlang fel zo ta ṭâwk a, Amanda chuan min en deuh vang vang hnu chuan ka pheikhawk bun tur lam kan ngaihtuah leh ta a, a ni chuan ka bun turin low heel lam a ngaihtuah laiin kei erawh chuan high heel lam hlir ka lo ngaihtuah ve thung a, kan pheikhawk thlantur company lah chu to mangkheng, pheikhawk mai mai nisi a man chiah to ang chi Valentino company ang chi ṭhah a ni leh nghal a. A tâwp ber a tán exercise thawmhnaw min la entir hram a, exercise lâk ka peih ngai lo, ka châu tawh viau bawk, tiang tih nan hian thawmhnaw ṭha tâwk a ngai emaw ni le? Tih chu ka ngaihtuahna a ni. "Excercise lâk nan thawmhnaw manto tâwk tâwk hák a ngai kher em ni?" Ka ti hlar tawh mai a, chiang kel kawl taka mi rawn en pah ralh chung hian, "Private gym a neih kha." Ning zet chunga ka kut chu ben pah hian, "A tâwk e, list a aziah zawng zawng chu dah vek la, kei min râwn ka ngai tawh lo, ka châu lutuk tawh ka haw tawh dawn." Tiin naktuka ka thawmhnaw hâk tur leh hâkthlak tur tlem azawng ka la a, a hma a ka thawmhnaw inbel chu silk kawr sen leh jeans kekawr hian ka thlâk bawk a, a chhan chu Richard chuan thawmhnaw thar a induang tawh tura min tih avâng chauhin, thildang zawng erawh chu a tihfel hnu ah Richard condo lama rawn thawn tawp tura tiin ka chhuahsan ta vang vang a.


Car a ka chuan hnu leh inlam pana kan tlan lai pawh chuan ka chauh em avângin ka ngawi hmak ṭawng pawh ka ṭawngchhuak peih tawh lo.

In ka thlen hnu chuan ka chahbi spare kawl chuan kawngka chu ka hawng nghal a, kawngka ka hawng fel chiah inchhung aṭang chuan music a rawn ri chhuak a, Richard chuan exercise a la tih pawh ka hrethiam mai, exercise la a abuai ka rin avâng chuan ka room lam ka pansan a, ka room ka thlen hnu chuan ka thawmhnaw hawn ho chu wardrobe lamah ka dah fel nghal vek a, chutia ka intih fel fai hnu chuan Penny chung chang hre turin home lam ka phone ta nghal a, a nurse chuan lo chhángin, "Vawiin chu lo kal rih lo mai rawh a nuamsam vak lo." A rawn ti a. Hetiang mi ang ho hi ka haw tak zet, mahse a thusawi erawh a dik ve tho si, va kal pawh nimah ila rilru hrehawm a awmtur chu keimah tho ka ni.


Inhnuai lamah chuan chhukin kitchen lam chu ka panphei a, kitchen chu a ṭha in a changkang tak zet, mahse eitur lam pang erawh engmah hmuh tur a awm lo thung! Thei tlem azawng leh thingpui bawlhlo ilo leh eitur siam nana hman chi bawlhlo te chu a awm kim vek a, mahse ei mai tura han siam theih thil pakhat mah hmuh tur a awm lo.


"Thil zawn i nei em ni?" Ti a ka hnunglam aṭanga a rawn ṭawngchhuah thut avâng chuan ka phu chiang hle, a lam chu ka hawi phei vat a, Richard hmelṭha zeta chu kawngka biangah hian a lo ding reng tawh a, a nghawngah hian towel var ṭha zet hi a bát a, a sam chu a thlan avαngin a huh deuh chap bawk, a taksa pawh thlan avângin a tle deuh hlarh a, a pian nalh zet mai chu enreng tana ît awm zet hi a ni a, a hmel put hmang pawh a sexy tak zet, a lang ṭha kher mai.

A pian nalh zet mai ka en na avâng a thâwk chhuah deuh halh pah hian, "Eitur lam pang i va nei lo ve?"


"Eirawngbawl hi ka thiam vaklo a, achang hi chuan hotel ami te ka chah mai ṭhin a, a chángin ka in enkawltu in min siam sak bawk ṭhin!"

"I inenkawl tu maw?" In enkawltu a neih thu min hrilh hauh lo.

A bu nghut, a kuta a ken lai a tui bottle chu a inpah zauh bawk a, "A dang ka hire leh a ngai ang, a chhan chu a hma a thawk kha abânna pawh karkhat hmalam daih tawh ah khan a nia." A kut chu vai zauh pah hian, "Heti ang mi hi chu an rawn kal a an bâng leh ṭhin bawk a, ka tan thil thar a ni hranpa lem lo."


Ti hian kei chuan ka ngaihtuah ve thung a, heti ang mipa tawhkhirh zet hi chuan tumah a chhawr rei thei hauh lo ang, amah an hrechiang hle te anih ngawt loh chuan, a mizia a thlâk hma zawng chuan tumah abulah pawh an awm rei duh ka ring lo .


Chu thil ka ngaihtuah avâng chuan ka nuih a za ru phian, mahse ka tilang chhuak chuang lem lo. "Keiman eirawng bawl chu ka tithei a lawm."


Mi rawn siai khum zauh pah leh elhsen hmel zet hian, "I thil tih theih i sawi chhuak ve ta maw?"



Chutia a mi elsenna ṭawngkam chu haider sakin, "Hetah hian keimah ngeiin eirawng ka bawl ang a, in te ka ti fai bawk ang a, hnathawk ho tih ngailo in an tih ang chu ka ti thei ve vek tho a lawm." Tiin ka chhâng lét ve a .


"Engvángin maw?"

"Engvângin nge ka tih loh ang a?"

"Engvanga chung chu tih duh nge i nih?"


"Richard." Dawhthei tak hian ka ti phawt a, "Hna ka thawk tawh dawn lo a, hunawl ka ngah viau bawk ang, chuti ang ka tih theih ve reng thilah chuan engvânga,midang chu hire tum tlat nge i nih? Heti ang thil ti tur hian kei ka awm tawh a, midang chhawr angaihna chhan âwm ang tur reng reng ka hre lo."


"Maktih hmel zet hian a mithmul chu a chuar pah nâwng a, midang ni se a hmel put dan buai tak chu an hrethiam lo maithei, kei erawh chuan ka hriatthiam sak thung! Mi ringlelh ti ang reng te hi a mizia a bet hrim hrim a ni a, chuvâng chuan ka hrilhfiah ṭha leh vat a, "He in hi ṭha takin ka enkawl sak che ang a, chu chu nangmah ka enkawl na angah che ....ahh ...ngai mai rawh."


Rilru buai hmel zet a mi rawn melh vung vung pah hian a nghawng hnunglam chu a tuai ve nauh nauh a, "Nang hian i ti dawn a maw?"

"Yes." Tihpah chuan ka bùk khum nghat a.


"Ok, i ti dawn a nih chuan ka card pék che khân i mamawh thil ṭûl ho chu i lei ṭhin mai dawn nia, chuan puih i ngai anih pawhin kha mi pawisa tho kha i hmang thei ang."



"Okay."

Chuti ang tih phalna min pék avâng chuan ka hlim viau, achhan pawh he in zau pui a engmah tih tur neilo a tei tei ai chuan ka hunawl hnawhkhah theihna tur hna shopping leh in tih fai na hun tur leh buai taka hnathawh a ka hunawl hnawhkhah theihna tur ka neih tawh avâng chuan ka thâwl deuh huai hian ka in hria.


"I lawyer nen in inbiak na chu eng nge ni ta?"


"A ṭha e." Tih pahin a bottle a atui inbang la awm chu a in zo a, hnawm bawm lamah chuan bottle chu paihin, "I shopping chu eng nge a an?" A tih zawm ve nghal a.

Lo menkual khum deuh ralh pah hian, "I list pék danah kha chuan shopping na tham zet chu a ni e." Thâwk ka la leh halh a, ka hah zia mai kha ngaihtuah pawh ka ngaihtuah kir peih tawh kher lo.


"Nangmah ah engkim thil thar vekin ka duh tiin ka hrilh tawh che kha."


"Well, i duh ang ngeiin a thar vek tawh e."


Min rawn pan hnai a, ka kawr hâk ban chu a kut ṭang sei thlurh a rawn chul thlâk zai zai pah hian, "mmh, heti ang chi hi ka duh zawng tak, good, heti ang chi i lei avαng hian."


"Ka pawisa kha i hmang nasa lo maw?"

"Oh, tehreng mai, nakinah chuan kha ka in té ka luah ang chi ah khan ka chén tir dawn che maw le."

Chutia ka chhαn avαng chuan zâ zet hian a nui chhuak hawk hawk a, a hmelah chuan a nuih a zâ tak tak tih pawh a tilang a, mak min tih tir kher mai, a nuih avânga a mitmeng nalh zet mai de sawr sawr chuan a tilang naupang sawt bawk. "A tâwp atáwpah zawng ti tura ka tih ang chiah a i ti ṭhin hi chu a ṭha e."


Ka lo thâw ri halh thung! Mi rawn kal pél thuak pah hian envelope rawng buang deuh lampang pakhat hi min pe a. "Hei."


A envelope min pék chu lo la in, ka kuta ka lâk chiah chuan a rit deuh nalh hian ka hria a, "Eng nge hei hi?"


"I car chahbi tur."


"Ka car chahbi tur maw?" Ka khék pah ráih a.


"I car tur pakhat ka leisak ang che ka tih tawh kha, garage 709 bul chiah ah khân ka tâ pahnih a awm a, chumi bulah chuan a awm ang, a chhungah khan i pass pawh a awm nghal ang, chu pass chu garage a i luh leh chhuahna tur a nih chu!"


"What.....?


"I car tur chu Lexus a ni a, hmeichhe khalh chi a niin, hmeichhe tαn a him a, kha i shirt hâk rawng ang mai a sen kha a ni ang."

"A vahan ṭul lo berkher tak." Ka tih khum ve hlak.

"Yes, Katharine a ṭul lutuk, tuna i landan ang mil tur kha a ngai tak zet, a chhan chu midamg hmuh ah inhual angin lem kan chang dawn a ni a, thil ho te ang a lang pawh hi kan uluk viau a ngai ang, chu chu hre reng ang che." A ko ki chu min sân khum zauh pah hian, "Chu loah he thil kan tih zawh hnu ah hian kha car kha lo kawl duh ta lo pawh ni la, pawisa ah emaw chantirin hralh leh duh pawh ni la, a resale value pawh a la ṭha hrim hrim tho a, contract a kan sawi dun tawh ang khan, ka thil pèk tawh hrim hrim che chu i ta vek tur a ni tawh tho a."


Bûk khum deuh nghat pah hian, "Engtin nge heti ang zo zai atan hian i pawisa i sen theih zâwk a? Hlawh chu i hmu tih ka hre tho achu, mahse heti ang thil zozaia seng tur khawp em em chuan hlawh an pék ṭhat che pawh ka hre lo."


A hmel chu a dur deuh khup khup a, "Ka nu leh pa in min boral san hnu khan an rosum zawng zawng chu ka tan an hnutchhiah vek lawm, ka nu leh pa te hi mirethei zawk zawk an ni lo bawk a."


"Oh, tihpalh lutuk Richard, tunhnai mai a boral em ni an nih a?" Heti ang thil amimal chung châng hi ka la hriatsak ngailo hrim hrim bawk nen.

A insangmar ruh ṭeuh tih chu ka hmu a, "An thihna chu a rei tawh, kum 14 lai a liam tawh, mahse pawi ti vak duh lem suh, an thihna hi ka life a thil min tih sak ve theih chhun anih hi!" A ti nghut a, chuti ang lampang thil zawh leh pawh inthlahrun awm khawpin min siam a, engti anga sawi chhu zawm tur nge tih pawh hriatthiam har khawpin kan thusawi lai chu a titâwp chiang hle bawk.


"Chuvang chuan  pawisa ka sen ral na lam pang hi chu ngaihtuah vak duh lem suh tawh suh ang che." Tiin kitchen aṭang chuan a kal sawn nghal pah hian, "shower hmang turin ka kal dawn nia, living room table ah i tan list ka dah a, lo en deuh ang che, chumi hnu ah kan dinner eitur ka order leh ang a, dinner ei pahin chumi list chu kan sawi dùn leh dawn nia, kha ka list siam kha kan thil tih dun tur a ni leh ang."


"Kan lemchanna lama kan hnathawh dân leh tur tihna em ni?"


"You got it, chuan chhuar aṭang khan red wine bottle ṭha bera i ngaih kha lo la chhuak la, ṭha bera i hriat kha a ni mai, i hmuh dana ṭha ber chi a i ngaih kha." Tih pah hian min nuih khum pah suk a, a kalsawn ta nghal a.


A kalsawn lai chu hnunglam aṭang hian ka thlir zui pah vang vang a.


RICHARD.....

Shower ka hmang zo ka room aṭang a chhuak a kitchen lam ka kir leh hnu chuan Katharine chu high chair ah hian alo ṭhu sa a, a ṭhutna bul table ah chuan wine bottle chu hawn sa a dahin a ṭhen chu a glass ah chuan thli chhuakin ka paper list dah chhiar tura ka tih kha en pahin a sip pah zauh zauh bawk a, thâwk ka la vang vang phawt a, abulah chuan va kal hnai ve in, a ma min pék list a siam chu ka chhiar ve ta nghal a, he thil hi kan hriat chian tawn dun hle angai ang, achhan chu naktuk hian midang hmuh danah inhre chiang tawh tak anga kan lan dun angai dawn si a, chu kan list siam chu thiam nal taka kan zir dun ngei pawh a ngai ngei ang, chumi awmzia chu zanin hi a rei dawn hle a ni tih na a nih ber tâk chu, he thil a thiam taka lem chang thei tur chuan kan hun kal tawh te inhriat chian sakin leh kan pahnih chung chang bahlah miah lo a kan in sawi dun sak tawn theihna tur a kan beih ngei a ngai ang, Graham hi mi â nileng a nilo tih pawh ka hre tawh a, chuvâng chuan he kan thil tih tuarah pawh hian a rin theih dan ber leh inngeih tak ang a a rin theih ngei na tur leh inhmangaih tak kan ni tih kan rin tir theihna ngei tur a chét kan lâk dun tawn a ngai dawn a ni .


He thil tih tur ka hupurh nachhan em em pakhat pawh ka hun kal tawh hnu sawi chhuah leh ngai tur hi a ni a, chu chuan ka rilru ati hah in a ti buai a, achhan pawh ka nu leh pa chung châng ka tet lai hun hi ka ngaihtuahna ah dah loh hrâm hrâm ka duh ṭhin a ni.


Ka pa chung châng ngat phei hi chu tawite pawh ni se ka sawi hreh em em ṭhin a, sawi chhuah hi ka phúr ngai miah lo, chuvanga ka nu leh pa chung châng thil hi sawi chhuah duh zen zen lo pawh ka ni rèng a.


Katharine mitmu pawlram mai desar mai leh ka mitmeng chu a intawng siah a, a sam dum hlap mai ka lo rin dân ang ngei mai a ngil ṭha zet chu a dar vaw hnâp hian a thlah hnalh a, a kawr sen hâk chuan a vun dang lam pang chu a kâp no ve siah bawk a, a langṭha hle hian ka hria, ka la hmuh ngailoh a maha ṭhat rúkna riau awm chu hmuh sak ve hian ka in hria a, zan in zet chu a awmdan chuan ka mit a la hle a ni.


Wine hawnsa chu ka glass tur a lo chhawp sa ah chuan thli chhuak ve in a ṭhutna bulah chuan ka ṭhu thla ve nghal a, chung ka hmuh ṭhatna te chu paihbo a kan list a rilru pe zâwk tur chuan.



"Ka dinner chah pawh a rawn thleng ve ṭep tawh ang, i tan cennelloni ka chah sak che a, i duh zawng anih ka beisei."

Bûk deuh nghat lah hian, "Ka duh ber te zing ami a nia lawm." A ti ve sep a.


Ka nuih khum ve suk a, "Ka hria a lawm."


Ka wine ken chu ka sip ve zauh a, ka wine duhzawng pawh a thlang thiam kher mai.


Ka paper ken lai table a dah kir leh chuan, "Kan ṭan tawh dawn em ni ang?"


Rei tâwk tak kan list siam kan chhiar tawn dun hnu chuan ka glass no a ka wine la bâng zawng chu ka tlâk pawp a, hrehawm ka ti ru ve ngawih ngawih tho, achhan chu ka hun kal tawh chung châng thu hi tuma bulah ka sawi chhuah ngai loh avâng in leh ka bula hmeichhe awm bulah hian sawi chhuah a ngaih dawn tâk avâng hian ka zâm ru ve hlé bawk, zanin zet chu zan dang zawng zawng âiin kan hun hman dân tur chu a huphurh awm ngawih ngawih ni hian ka hre ber.



Kan vanneihna pakhat erawh chu, thil engkim a ruh lang râwt râwt khawp a phawrh chhuah lⅇuh a ngai lo chu a ni.


A hriat tur ho zawng chu fapa mal ka ni a, ka nu leh pa in min boral san tawh bawk a, ka tetlai hun tlem te leh khawiah nge school ka kal ṭhin eng nge ka thil duh zawng ni a, eng nge ka duh loh zawng tih leh ka rawng duhzawng te leh thawmhnaw ka ngainat zawng te chu a ni mai a, ka ei in duh zawng ang chi te nen, mak ka tih ber chu ka duh zawng leh duh loh zawng hi a hre vek emaw tih tur hi a ni a, office kan kal ṭhin lai khan mi lo chîk ru hle pawh a ni mahna, keiin a ka ngaihven loh teh reng ṭhin nen, a tân chuan a hna a thawh tur pawh a tih awlsam phah ngei ka ring.


A lehlamah ve thung chuan kei chuan Katharine chung châng thil tam tak ka hriat thar phah a, ka hlim thla ang maiin min hre chiangin eng kim ka awmdan zawng zawng a chík ṭhin hle a ni tih pawh ka hriatchhuah thar phah bawk, a ni pawh keimah ang bawkin a hun kal tawh chu sawi nuam a ti bìk hran lo a, ka tana hriat tur pawi mawh chin chiah bâk a sawi chhuak bík lo.


A ni pawh chu fanu mal ve tho a ni a, a nu leh a pa hian a tleirawl laiin an boral san ve tawh tho a, tuna a aunt bâk hi tumah chhungkhat hnai vai a neih tawh loh thu a sawi ve bawk a, chu a aunt a sawi ngei pawh chu home enkawl na hnuaiah a la awm zui bawk.


School ah pawh high school chauh a kal chhuak a, he a thawhna Anderson Inc ah pawh hian temporary mai mai in a lût a ni.


Eng vâng nge ti a ka zawh pawhin, "Ka hmalam hun tur hi ka la thlang fel chiah lem lo a, chuvang chuan Anderson Inc ah pawh hian he tia thawk mai mai rih hi ka ni." Tiin min chhâng.

A mi chhân danah chuan mak chu ka ti khawp mai, mahse eng nge angaihtuahna ah awm tih erawh ka hriat pui ve bawk si lo.


Ka aw then deuh hrawih pah hian ka thaw chhuak hawk a, Katharine chuan hmel buai deuh nak chung hian min rawn en a, keilah chuan ka ṭhutna chair hnung lam chu ka lo ngheng ur ur thung!

Mi a rawn enna mit meng leh a ṭhut ṭhat sek danah chuan dawhtheihna tlâkchham hmel zet leh zawhna zawh belh châk zet hmel hi a pu ni in ka hria.


"Heti ang thil leh lutuk kan hand cream duhzawng te thleng thleng hi chu a ngaih pawh ka ring lo." Tiin min rawn melh leh zauh a.


Ni e, hmangaihna lamtluang kan zawh dun chhoh turah hi chuan a ngai hran lo ang, kan ti thei thawkhat tawh viau mai, "Thildang zawng ai chuan ka bula i awm a i khawng âuh ṭhinna hi i inthlah dul theih hma chuan eng kan ang theih pawh ka ring lo, hnaih che ka tum apiang hian i lo in sangmar ru ṭeuh nghal zel a, i khawng awt zel bawk, ti ang te chuan inhmangaihtak kan ni tih hi an ring thei hauh lo ang."


"Ka tih ṭhan ngailoh thil a nia, chuloah nangmah hian thil eng emaw hlekah hian min ti phu thut ṭhin a." Ti hian min chhâng a.


"Uhh, inngaizawng anga kan awm a ngai, inngaizawng te chu an duh duh hunah an inkhawih a, an awmhnaih dun reng a ngai bawk a, an taksa pawh a inhnaih ṭhin a, an in beru sar sar bawk a, ṭawngchhuak miah lo a inmitmei tawn a thil inhrilh te a ngai a, chuti ang a kan awm chu a ngai alawm, chumi ah inrinlawkna a theih ve hleinem, Graham family hi chhungkaw lam inpawhna ngaisang mi an ni a, ka khawih emaw ka tawk dawn che emaw a signal ka pék zel che i ngai dawn a nih chuan kan awmdan chu an man chhuak vat ang, a ni emaw ka rawn khawih deuh che a i lo phu zawk a ilo insangmar ṭeuh zel chuan kan thil tih turah hian kan fail chiang viau bawk ang, achhan chu he ka mizia ka thlâk thut danah hian Graham chuan kan awmdan chu a chík ngei dawn avαngin."


A kut ṭang chuan a glass no tlâng chu chhui riai riai pah hian, "Eng thil nge sawi i tum chu?"


"Ka khawih dawn che emaw i beng bulah ka rawn hrilhru duh che emaw, a ṭûl anih chuan ka fawh che pawh a ngai ang ka ring, chu chu a nilo'm ni inhmangaih te awmdan tur chu? Chuti ang a ni emaw sweetheart ti emaw in ka koh thut thut che a ngai ang, kan pahnih hian kan inhmangaih tak zet a ni tih hi keimahni ah an hmuh reng a ngai ngei bawk ang."


"Ka lo rin dan chuan hmangaih ka la nei ngai miah lo tiin i sawi bawk si a?"


Nuih suk pah hian, "Heti ang lamah chuan advertise ka ti nasa tawh a, hetiang lam pang hi chu ka tih thiam zâwng tak a lawm, tisa châkna lamah phei chuan experience ka ngah lutuk, chuan he hmangaihna an sawi leh tisa chαkna hi chu a dang vak lo."


Rum zeta mi rawn melh râm rám pah hian, "Hmangaihna tello a sex hman te chu taksa innâwk tawnna mai chauh a lawm."


"Yes, khati ang i sawi anga taksa innαwk tawnna chiah kha a lawm ka duh chu, sex life hi nuam ka ti a, hmangaihna ve thung hi chuan mihring a ti dawi a, a ti buai bawk a, rilru a ti na in nun a ti harsa zâwk a sin, kei chuan khati ang hmangaihna kha ka nunah hian neih ka duh lo a, ṭûl lah ka ti bawk hek lo."

"I vânduai hle mai." Alo ti sep a.


"Ka khawvel angah chuan nilo ve, a nih leh kan thil tih turah hian kir leh ta ang ila, ka khawih thut che emaw, fawp ta thut che emaw ni ta ang ila, tlánchhe mailo in i tuar thei ang maw?"

Ka list ziahna paper chu ka hùm tawm nawk a, "He kan thil ziah hi hriat chauh nilo in hlawhtling tur chuan practical pawhin thil tam tak kan tih ala ngai dawn nia."


A khabe chu rawn tih poh deuh lah pah hian, "Yes."


"Okay, thil eng emaw kan tih chhin chu a ngai ang."

"Eng nge kan tih ang a?"


Ka khabe chu ka kut chuan ka tuai deuh zauh a, "Well, sex hman dun vel chu kan ti dùn thei dawn si lo a, chuvâng chuan thildang eng emaw tak chu kan ngaihtuah chhuah a ngaih ngei ka ring, mahse i try duh anih erawh chuan?"


Naktuk tukleh zanah kan dah leh ang, kan remchan dan azirin advertise kha clickin second sawm tal kan nghak ve ṭhin dawn nia, tichuan kan back leh mai ṭhin dawn nia.