SEDUCTIVE CHAPTER 28

SEDUCTIVE CHAPTER 28

Nuamlo ka ti ṭan ta kher mai, hna thawk tura kal ka nih loh chuan he hmuna ka kal hi hun khawhral thlawnna mai maiah ka ngai, achhan chu ka pi damlo enkawl ngai ka ni nen, Wesley ka hmuh leh veleh he thil hi ka la zawt chiang ang, eng thil ti turin nge he hmunah hian min hruai tih hi!


"Well, eng chung châng nge kan sawi kha?" Kan ngawih reng tâk a vang chuan Arthur chuan arawn ti leh sup a.


"Ka awm anuam lo leh tawhin ka hria, bathroom ah ka va kal lawk ang e." Ka ding chhuak ta nghal a.


"Okay, min mamawhna i neih chuan min rawn ko hrwh lo ang che ."

Lu hai zet leh pâi deuh chhat chat chungin bathroom lam chu ka pan phei a, ka chau nghal nghulh nghulh mai, tui vawt takin inphih harh ila ka ziaawm deuh ka ring, ka kut vawt thler chuan ka pang chu ka dep a, a lo sa nasa tawh mai leh nghal, "Oh, God, hospital chu kal ngei ka ngai dawn ta anih hi!" Tiin ka phun chhuak pah sep a.


Tui lum lam chu herh haw in, ka hmai vel chu ka ti huh a, ka hmel chu darthlalang awmah chuan ka en pah deuh vang vang bawk a, ka hmel put hmang chu a chauh hmel kher mai, ka mit hnuai lamah chuan dark circle a val raih bawk.


Tháwk ka la halh a, Arthur min lo nghahna lam kan dawh kil lai chu ka pan phei leh ta a.


"Arthur, penthouse lamah min thlah thei tawh mai ang em?" Ka zam lutuk chuan ka kut ka nuai pah nak nak.


"Yes, a pawi hleinem, he mi hmun aṭang hian ka chenna ahla vak lo a, ka car ka chhuakin ka va thlah dawn che nia." A lo ti hlauh, ka lawm kher mai .


"Address min lo hrilh dawn mi niang?"

"Khawi i phoneah khan kan chenna hmun GPS ka set sak ang che ."


Kan chawlhna restaurant aṭang chuan chhuakin, Arthur chenna lam chu kan pan dún a, a car pawl chu la chhuakin, a phone a GPS ka set sak hnu chuan ka chenna penthouse lam pan chuan kan inphur chhuak dun ta a.


Kal kawng a kan tlân lai ngei ngei te pawh chuan ka pang sat lutuk avânga luhai nasa tak neiin, ka thidang lo chauh hian ka hria, chuti anga,ka,awm thut pawh ka ring lo hrim hrim, ka dam dawi lei khan min tih dam ka rin avánga hospital lamah pawh in entir ta lo kha ka ni a, mahse ka damdawi ei chuan ka khawsik chu tidam nilo in, a chhawk mai mai a ni tih pawh ka hre thiam.



Penthouse kan thlen hnu chuan ka room lamah kan lût chho nghal a, khum lamah chuan ka mu nghal hmak a, Arthur erawh thung chuan penthouse chu a en chîk kher mai, he hmuna hruai lut tur hian ka ring ngam chiah ang em tih erawh ka hre bík lo.....mahse lo inhruai tirlo ta ang ni ila, he ka khawsik aváng hian nikhaw hrelo in kal kawngah te lo awm ta ang ila, engtin mah he hmun hi ka thleng theilo ang,



Arthur chu duhthlanna awm chhun ka neih ani miau a, a chhan chu Wesley heti ang chung changa meeting pawimawh tak aneih lai a, keima chung chang thil a lo va tihbuai chu ka thil hreh záwng tak ani bawk.


"He hmuna min hruai thlen avâng hian ka lawm tak zet, chawlh hahdam lawk ka mamawh in ka hria."

"Tui intur ka rawn lák sak dawn che em ni ang?"


"Ka lawm ngawt ang."


Arthur chu ka tui intur la tura athang hlan chuan ka thawmhnaw damlohna avanga thlan huh deuh chap chu ka phelh nghal sawk sawk a, top pang ngai tak leh pajama hák nuam tak tur chuan ka lo inthlák ve nghal a, khum lamah chuan vawt ti takin ka mulum leh nghal a, "Kha le, tui chu in rawh."


Tui glass a arawn ken chu ka kut khur deuh hlak hlak chuan ka lo ban a, ka in zo vek, ka chal chu rawn khawih zauh in, "I khua ala sik reng a nih hi!" A thaw chhuak ve hawk a.


"Wesley pawh a rawn haw ve ṭep tawh ang,dar engzah nge ni tawh remg reng le?" Ka ti khur hlak hlak.




"Wesley a ?" A makti ahmela rawn lang deuh zawk chu ja hmu hman a, "I hria em ni, Wesley chu?"


"Tlailam dar sarih ari tawh!" Tiin min lo chhâng ve mai a, chutih lai tak chuan ka room kawngkhar kik thawm chu ka hre ta nghal a.


Chu chu Wesley ani tawh ngei ang, a rawn thlen hun chu a fuh leh viau tawh maithei a ni.


Ka bula a awmloh laia, a hmel hriat ngai pawh nilo bula ka lo awm chu alung nilo viau ang tih pawh rindan ka nei sa nghal.


Arthur chuan ka khawsik ala awm nge awm lo tih hriat nana a kut a ka chal arawn dek nawn leh lai tak chuan, Wesley hmel rum zet pawh chuan room chhung arawn lût ve nghal bawk a



A rawn luh veleh a athil rawn hmuh chuan ati lawmlo hle tih min rawn melhna amitmeng vawt ruih chuan ati lang chiang hle bawk, chutih lai tak chu Arthur an a min rawn.hnaih chilh lai tak alo ni zui ber kher bawk nen, ka lak aṭang chuan amit chu la sawn in, thinrim a vânga hmel dur khuih chung leh mitmeng vawt zet chuan Arthur lam chu ngawi remg hian amelh leh re te phawt a, chutah, min rawn en nawn leh sak a, a mitmeng chu a vawt  tawh mai lo, a ling hian a ling tawh a, crystal chamg ṭha tak te pawh ka tehkhin hial, ka bula mipa awm chu a duhdan anih loh zia pawh a hmel rum zetah chuan a tilang chiang hle a, chuti khawp a thunrimna a neih chu thup tum viau mahse ka hmu thiam vek tho.



Eng diklohna nge maw a neih tehhrep chu le?



"Hey, Wesley......i rawn la kir hman pawh ka lo la ring hleinem... ka lo nghak char char ....."


Ka thusawi pawh ka sawi zawh hman hma hma chuan a bán tha chak zet mai chuan Arthur chu a nam kiang nghal lawp.


"Wesley eng thil nge maw ti a i han inhriat hrep chu le?" Ka vin khum pah ṭhat a.


"Tunge maw i nih hrep a, eng nge ka penthouse ah hian i tih?" A aw vawt ruih mai leh nelawmna reng nei lo hian Arthur chu a tih khum khur khur a, ka vin ve na te chu a bengkhawn lo hrim hrim, Arthur lam hlir chu a ngaihven a.


Chuti anga Arthur chunga Wesley hawihawm lo lutuk avâng chuan ka haw kher mai, dik tak chuan Arthur chu mi ṭha tak ni hian ka hria a, vawiin chhung zawng te khân amah chuan min buai pui char char a ni si a, tunah lah chuan chu thul atih avânga Wesley kaka aprice dawn ve chu nelawmlohna chauh ani mai si.


Chuti anga Wesley tih dan chu a phu hauh lo, a maah Wesley hian chuti anga tih chu a phu daih zâwk.


"Relax, dude, kei chu Eleanor ṭhian mai chauh a lawm ka nih." A ti chhuak ve hruih a.



"Eleanor a thusawi chu a dik em?" Ka lam pawh rawn hawi hran lem lo leh, Arthur rum zet a la melh rûn chung chuan a ti ve sup a.


"Aw, a awm awm in awm tur mai mai teh, thil hriat chian hma hauhin, khatin che vak tawh ngai bawk suh!" Ti a Wesley ka vîn khum leh hraihna chuan Arthur chungah bawk chuan athinrimna a tilang leh nimai hian ka hria.


"He ka pent house aṭang hian chhuak vat rawh, chuan min rawn tibuai nawn leh ngai tawh lo ang che."


"I â chu a ni em lo maw Wesley? A ni hi thil tibuai tu nilo in nang hian i rawn tibuai zo vek záwk ani lo maw?"



"Ka hung chhunga rawn lut tur hian tumahin phalna an pe bawk lo che."  Ka thusawi ve chu eng ah mah a ngaih hmel lo kher mai, chu chian ka thin ati rim zual sauh bawk.


"Wesley i awmdan hi âwiawmlo khawpin a ngei awm ni in ka hria." Rum zet hian ka melh rám rám a, Arthur hmela inthlahrunna rawn lang chu ka hmuhgmaih lo kher mai, min lo pui ta kha a inchhir záwk viau in ka ring, harsa takin inah ka damlo min thlah hawng a, heti tehhrep a Wesley ṭawng khumna a dawng leh bawk a nia.


"Eleanor ka kal mai hi a ṭha záwkin ka hria, mahse thil pakhat erawh ka chah duh che, he pa lakah hian fimkhur viau ang che, in ka thlen hunah ka rawn text dawn che nia."


Eesley chu runluih ve deuh hrim.hrim ka chák tlat, achhan pawh arawn chét dan mawilo tak a vang khan hrem a phu ngawih ngawih bawk, Arthur biangah chuan fawhsak zaug pahin, "Arthur in enkawl ṭha viau ang che." Ka nuih deuh sak bawk a.


A rinloh leh a beisei loh taka a bianga ka fawhsak avang chuan Arthur hmel chu a zâm tuh hriat zet hian a sen ve deuh sawk a, zahzelah a sam a tuai chho puat bawk a, Wesley chu ka melh ru pah reng bawk, min melh thíp kher mai, a thík ani chiang ang.


Ka chala mi rawn fawh let ve zauh pah hian, "Kan inhmuh leh vat dawn nia, i ṭhat chhuah leh thuai beisei ang, kal dunna tur hmun kan la ngah teh mai a nia."

A inher a, ka room.aṭang chuan a kal chhuak ta a, tunah chuan Wesley nen chiah kan ni leh ta, khatia Wesleya'n Arthur atih tawh hnu ah phei kha chuan engmah sawi tur pawh hre lo hian ka ding ngawi ngal a,  Arthur kal ták hnu chuan rum zeta min rawn melh ang chuan ka melh chho ve rám râm a, kan ngawi dun reng na a chu kan inmelh rum dun kher mai, a kut kuangkuah meuhin min melh chhuk rún a, a mitmeng chu vur ang mai hian a vawt vek bawkin ka hria, ka chunga thinrim tur anih loh zia ngaihtuahin ka inthiam hle a, chuvanga rum taka melh chho ve pawh ka ni réng.

"Tunah chuan a kal ta e." Ka chal ka dawm pah zauh a.

Thinrim engphiar zeta ka hma a ding mipa hmelṭha zet chu melh ṭha lehin, "Eng ang diklohna nge maw i neih reng reng a, khatianga awm tur pawh kha i ni hleinem."


"Nilengin i rawn inlan lo a, chuan i rawn inlan veleh engvanga buaina rawn siam zui nghal nge i nih? Tih hi ka hre thiam hauh lo."


WESLEY.....


Eleanor in Arthur ti a akoh pa biang a ahan fawh sak leh chu pa hnaisailo zetin a a chala afawhsak lai chu thunrim.puak keh lek lek hisn ka lo thlir reng a, ṭawng chhuah loh hram hram tumin ka inthunun a, ka kut pawh lek.chhuak lo turin ka hum ruh tlat bawk, Wesley inbeng dai rawh, Wesley i thunrimna te kha controll tum rawh, ka che chhuak anih vaih chuan chupa taksa chu na ti a dawm ngaihna hre lo a sawi sak phiar phiar tluka chak tun dingmunah hi chuan ka nei kher awm lo e.


Eleanor lah chu nuam tih hmel zet hian ala nui sang zui leh ta nghal, inhmu leh vat turin an ti a maw? Ka mawng a nih chu, kha mihring tlak tlailo zet kha Eleanor hian ahmu leh tawh nguar ang.


An thusawi eng eng emaw te te ho chuan ka thin ati sa kher mai, vanneihthlâk zet hian chupa sam sena chuan min chhuahsan vat ta zâwk hlauh a, a ziaawm ṭan ta e, mahse Eleanor chungah chuan ka thin ala rim tho mai.


Chupa kal chhuah hnu chuan kan inmelhrum dún kher mai, Eleanor chu ka chungah a lawm vak bik lo tih a thinrim mit meng ling hlar aṭang chuan a hriat theih vek a, a ni chauh hi he hmuna thinrim a ni bîk hauh lo.

"Eng ang diklohna nge maw i neih reng reng a, khatianga awm.tur pawh kha i ni hleinem."Nilengin i rawn inlan lo a, chuan i rawn inlan veleh engvana buaina rawn siam zui nghak nge i nih? Ka hre thiam theilo che." Thinrim.tak chung hian q ti ve pâng pâng a



Kha pa khan hetah eng nfe a rawn tih? Chu chu chhang phawt rawh....."

Vawiin nileng chuung zawngin he nu chung châng hi ka ngaihtuah char char tawh a, ka thu hriat leh tuna midang a han flirt vel ka hmuh leh lek ohei hi chuan min ti thinrim viau bawk.


He nu chân hi ka duh lo, keimah ah hian cocoon ang maia tân beh tir tlat ka duh, chu chu ka duhdan tak pawh a ni, tih ngei pawh ka tum, heti anga an awm anih chuan Eleanor chuan mipa dang a fawp ngei ang tih pawh ka ring, kei nilo in.....chu chuan a lakah nasa takin ka thin a ti ur a, kha vanga ka polite na zawng zawng pawh hlauh a, in controll thei talo pawh ka ni reng a ni.

Tunah tak hi chuan engti ang rilru chiah nge ka put tih pawh ka hrethiam lo, kha pa lakah khan hlim hmel pu in, tunah ka lakah thinrim hmel a pu leh a, eng angin nge min ngaih tih chu a chiang viau in ka hre bawk, mahse engvanga midang tana phal tlat lo nge ka nih erawh ka hre mai lo.


"Ka ngaihdan chuan kha pa kha i duh ni in ka hria, ani kha i hmangaih em ni, min han hrilh teh?"


Ka thusawi chhuah chuan ati phu chiang kher mai, a mengzâu kâwk bawk a, "Eng chung châng nge maw i sawi le?"


A mengkual pah ralh a, "Arthur kha chu ṭhian satliah mai chauh anih kha."

 A thusawi hi ka rin sak thei ang em? Arthur hi ṭhian satliah ang chauh in em ni a en tak tak ni ang, eng nge ka sawi leh tâk ang? Kei hi nih leh min hmangaih em tih maw ka sawi ang a? A teuhlo mai, min hmangaih ni in ka hre thei lo, kei chuan a mah ah buaina ka thlen a, ka tihlim thei lo a, thinrimna bák ka thlensak ngai lo, a tan mipa ṭha tak pawh ka nih theih ka inring lo, vawiin lam te kha chuan Aida thu min rawn hrilh avang khan hmanhmawh a ṭúl tih ka hre reng, rose dawrah ka lût a, a tan rose leisakin poem lam ziak thiamlo tak ka ni a chu ka nu peom min hrilh ṭhin ang kha remkhawmin a tan ka ti ve ngei a, in ka rawn thleng a, a hmuh ngei turin choka lamah rose ka lei leh ka poem ziah chu hnut chhiahin aroom lam chu ka pan chho ta a, mahse ka rinloh ang taka thilthleng ka han hmu ta si beidawnna avangin ka hnual nghal rawih rawih a, kha pa Eleanorin a bianga a fawhsak ka han hmuh hnu ah leh lek phei kha chuan thinrimna namenlihin min luahkhat nghál a ni. Khati ang mizia kha hmeichhe dangah ka put pawh ka hre ngai lo, Eleanor Garcia hi ka hmangaih takzet niin ka hria, tuna ka awmdan ang hi hmangaihna anih ngai chuan, he nu tluka hmangaih hi ka neih leh tawh pawh ka in ring lo, mahse a bulah ka awm veleh hian engvanga timna nei tlat ṭhin nge ka nih? A bula ka awm veleh ka sawi tur zawng zawng te chu min pâmṭul tir leh tu a ni ziah bawk, nita bera ka hriat chu ka hmangaih thu ka hrilh ang a, mahse ani chuan ka hmangaih ang hian min lo hmangaih let velo ang tih ka hlauh vangah ka ruat ta ber a ni.


Eng angpawhin awm dawn nimah ila, min hmangaih ve ani tih ka hriat chhuah hma zawng chu ka bula awm tur leh keimah chiah min hnaih turin ka siam tlat ang, kei nilo mipa dang a hnaih hi ka phal ngai lo ang, chu chu ka thutlúkna a ni tawp tawh.


A hma zan khan a thianghlimna chu min hlan a, ka pian ahnu lama nawmna nasa ka tawn ṭum leh ka hlim ber ṭum ani hial ang, chu thil chu tih nawn leh ka chák a, ka mamawh belh sauh sauh a, ani telin chu ka mamawhna chu a zual zel ni hian ka hre bawk, kha athil min hlan kha a tihpalh ve hrim hrim nge ni ang a, min hmangaih ve vang zawk.tih ah erawh ka la chiang thei chuang lo.


Mahse hei erawh ka thutiam chhe thei ngailo tur leh ka tih ngei tur a ni, Eleanor hi ka tan chauh a ni tur ani tih hi!


A tello chuan ka thi thei mai ang, ka bulah awmlo ta ang se, nung reng chung si a zawi zawi a thi ta ang hian ka inchan ber ṭhin! He hreawmna ka neih hi Eleanor thiltih theihna ka taksa a a thawh dan a ni miau bawk si, alaka ka feelings neih hi engtik ni emaw ah chuan ka la zep theihloh hun a awm ngei ang, mahse eng thil nge thleng tih erawh ka hriat pui lo, a room ah khan lo lut ta lo ang nita ila,  kha  mipa a lo awmpui nen khan eng thil chiah nge tih an lo tum ang ni?

Eleanor thawmhnaw inbel dawrawm tak mai chu ka melh lo thei lo, chu chuan ngaihtuahna ati thui viau.


Ka kuta ka khabe dawm roh roh pah hian, "I chiang chiah maw?"


ELEANOR....

Wesley chuan ka inthuamna dawrawm zet chu rinhlelh hmel zeta en pah a, Arthur ka hmangaih leh hmangaih loh thu min zawh dan chu ka hrethiam kher mai, ni e, ka thawmhnaw inbel chu mi pangngai tan chuan a âwm ang lo deuh bawk em a ni, ringlhlelhna neih pawh a awlsam ve ta viau ang.



"Khawsik ka nei a, dmadawi ka ei avangin ka thlan a rawn sa a, chuvang chuan a nia, ka thawmhnaw ka phelh ṭhen chhan."


"Â ka ti tak zet che kha ti ang ngaihdan....."


"I damlo a maw?" A nghawng hnung lam tuai zauh pah hian a ti a, a hmelah chuan mi ngaihvenna hi hmu nghal chawpchilhin ka inhria.



"Aw, tunah chuan min ngaihvenna pawh ka hmu ve ta a lawm." Ka mit ko chu ka san khum pah nâng a.


"Wesley min lo kalsan rih rawh."


Ka melh chho leh zauh a, "Tunah chuan engtin nge ka tih ang che tih pawh hi ka hre mai lo, eng nge achhan tih pawh hrelo in khatiang ang khan i rawn awm a nia....."



Ka thusawi tur pawh sawi zo ta lo chuan ka taksa zawi lutuk avang chuan khum lamah ka muthla a, ka lukham chu ka siam rem pah nghal bawk a, a mah nena inbiak chhun zawm zel pawh ka duh rih tawh lo.


A chal dawm ruih paha rawn ṭawng chhuakin, "Engvanga min rawn call mai lo nge i nih? Kei pawhin ka enkawl ve thei tho si che a."


"Meeting pawimawh tak i nei dawn ti khan note ah i hnut chhiah si a, chutih laia lo tihbuai che chu ka duh hleinem."


"Yeah, kha meeting ka neih ai pawh khan nang hi i pawimawh záwk a sin Elo."

A tawp deuh chawt a, "Kha pawh i hriat sa a ni."


Wesley thu rawn sawi chuan a ngaihna pawh min hriat thiam tir lo, chu thu a sawi chhung zawng chuan ka lo sen chhuah awp awp ringawt, mahse ka lawmna em em pakhat a awm, ka hmai chu a sat sa avangin a sen sa reng chu a ni.


Ka hmai sen ṭanah leh ka mit thìp na ṭhum ah Wesley chuan a kut a rawn dah vang vang a, chutia a kut arawn dah rikngawtna pawh chuan keimah ah danglamna nasa tak min siam sak a chu thil chu ka taksa a tawh ṭhinna feelings special tak ang tho kha a ni.

Tuna min en dan anga min en hi chuan chaklo ngawih ngawih a inhriatna ka neih phah ṭhin, "Eng thil nge maw i tih le? Ka damlo tih chu ka hria a lawm."

Chutianga chhân lèt pah chuan a kut lum thar thar chu ka nemsawn pah bawk a.


"I khua asik nge siklo tih ka en hleinem, i hmai hi ka khawi duh chauh mai a nia."

"I â ta chu a ni em lo maw?"


"Aw, ka â tawh chu a nih ber hi Elo, hmangaihna avâng hian ka á zo tawh....."

Naktuk ah chuan contract kan dah chhunchhunzawm leh dawn nia, advertise kha click ve tho ang aw.