THE CONTRACT CHAPTER ELEVEN

THE CONTRACT CHAPTER ELEVEN

KATHARINE

Vawiin zîng zet chu thin táwt zetin ka awm, Richard pawh chuti ang thoa a awm ve pawh ka ring, office ah chuan a personal thil pack sak tur chu a nei tam bík lem lo khawp mai, mahse ka pui ta tho a, shirt hák thlák tura a dah tlem azawng leh lehkhabu ṭhen khat emergency a tana a dah ho chu a ni mai a, a shirt ka thleh ṭhatsak lai chuan thil pakhat min ṭhawng zet tu chu ka hmu nghal a, chu chuan mak min tih tir kher mai, chu a shirt ban hmawr ah chuan embroidere hian RVR a in ṭhui kalh a, ama tán bîk ngawih ngawih a siam thawmhnaw a nei thei leh a ma hming lamtawi inṭhui tel thei ngat a nei hrim hrim hian mak min tih tir ! A mimal thil ka tih fel sak ho chu box pahnih lekah a leng vek a, chu a office chhung a thilawm pawh chu a condo a mi ang tho in a mizia hriattheihna awm reng reng ka hmu leh lo, mahse he thil hi amah chîk ru zet tan lo chuan a hriat theih mai mai lo ang.

Chung thil ka tih lai chuan milim ang chi tereuh te hi a shelf ah chuan ka hmu tel a, chu thil chu la chhuakin ka lek chhuak a, "Richard i keng tel duh em?"


Ka thil lek chhuah chu rawn melh deuh vung vung , thil dang a sawi leh hma chuan a office kawngkhar chu rawn inhawngin David a rawn pĕn lût nghal a, kan thil tihlai a rawn hmu chu a ding khawng awt a, a hmel maktihna hlir a khat chung hian min en tawn a, Richard chu a desk ngheng hian a ding a, a kutah kan pahnih a resignation letter a keng rún bawk nen, kei lah chuan ka kutah milim te ka keng a ka bul maiah box inhawngsa pakhat hi a awm leh nghal. Davida'n chung thil a han hmu chu a hmel chu a rumin a dur nghal khup khup mai a, "He hmunah hian eng thil nge thleng hrep hi?"

Richard chu a ding ngil a, ka lam chu a rawn pan phei a, ka kuta milim té chu la in boxah chuan a thehthla a, a khar nghal bawk a, "Katharine hetah chuan kan zo fel tawh niin ka hria, kal la i desk lamah min lo va nghak tawh rawh."

Chu hmunah chuan ka la ding khawng ta reng a, ka biang a kuta dím te a rawn chúl pah huan "Sweetheart!" Ti a min phun khum supna chuan nuam min tih tir veng veng, a rawn kûn hnai a, ka taksa hnaih zeta a tháwk lum ham ham chu ka feel thei nghe nghe, a rawn phun chhuak leh sup a, "Kal rawh le."


Mak ti zet hian ka mit ka khap khum fak fak a, sweetheart â ni ? Eng thil nge maw tih a tum reng reng le?


Min rawn hnaih leh zual sauh a, a thaw lum ham ham chu ka hre chiang zual sauh chu chuan ka taksa ati mur nghal ar ar a, "I desk lamah lo va kal rawh, ka ṭha em em ang, kan kal chhuak vat tawh dawn nia." Ka kawnga a kuta mi rawn kuah pah chuan a rawn ti nawn leh a, mi thlah lehin min nawr sawn deuh bawk a, chu chuan minrinna ati lang ni hian ka hria, a sawi ang ngei chuan ka ti ta bawk, ka pen sawn chiah tih chuan David chu a âu chhuak nghek a, âu chhuah pah hian ânchhia a phuh chhuak pah tuar bawk, chutih pah chuan ka kutah rawn man a tum a, Richard chuan alo hmu nghal a, a ni chu nemsawn nghalin kan inkarah a rawn tlazep vat a, "David ani kha i khawih theilo ang, chu chu i hrethiam em?"


"Eng thil hrep ! Richard nang hian.... nang hian a ni hi i mutpui tawh tihna mi? I assistant nen hian affair  innei tih min hrilh i tum a maw?"


"David hei hi affair thil ani hlei nem, a ni nen hian kan inhmangaih záwk a ni e."

David chu a nui hul deuh hawk a, a nui ri ah erawh nuihzatna pakhatmah hmuh tur a awmlo thung! "Hmangaihna a?" A rum chhuak nghut a, "He hmeichhia a hmel pawh i hmuh peih ṭhin ngailoh leh midang a thlákna tur i ngaihtuah ṭhin kha i hmangaih a maw? I tan chuan a ṭha maithei, mahse i future tân erawh nghakuai a i tàng ang maiin hei hian ala hnûk pil ve ngei ang che."


David chuan a thusawi chu aw nelawm lo zet leh vawt ruih hian a sawi zawm leh a, "He company tan hian i death warrant i sign tlukah in ngai rawh."


Richard chu a lo nui suk thung, "A tlâi tawh mah mah." David lama kan resignation pahnih chu nawr phei pah chuan, ka nupui hual nen hian kan báng dún e."


David chu makti zet hian alo kα ho a, "I nupuihual maw ni a? I career hi he hmeichhe lák tlâk lo leh ṭhing ve tâwk tak mawl bawk si vang hian i ti chhe dawn a maw?"


A thleng rang teh thut lutuk, ka dang hman lo, David âu lûng lûng lai chu second khat lek chhungin Richard chuan a va hnaihchilh hman der tawh, a kut chu nghet zet a hûm ruh rún chung in leh a hûm ruh luat a avangin akut châng chu var kalh kalh a,  David chu rum zet hian a melh chhuk bawk a, thinrim zetin David lamah chuan a kún hniam a, a nuna mipawimawh tak emaw a mi hmangaihtak chhan tum tak tak te pawh a ang viau, "Kha ti ang khân he hmeichhe chung chαng thu hi i sawi leh tawh tur a ni lo, vawi te khat mah i sawi nawn leh tur a nilo vang, vawiin ni ngei hian he hmun hi kan chhuahsan dawn, ka duh tâwk tawh tak zet, i lakah hrep hian, tunge ka hmangaih ang tih te thleng thlenga ka chunga rorel i tumna leh he company Anderson Icn thleng hian ka hne vel vek tawh."



"Richard i la inchhír khawp ang maw le." Thinrim avâng hmai sen ṭul chungin David chuan a ti chhuak leh hrawih a.


"He thilah hian ka inchhir fe zâwk, he company tana ka campiagn ṭha tak tak ka lo hman teleh he company pawhin a ala hmuh chhuah ngailoh thil ka pèkna avâng khân ka inchhir fe zâwk, mahse túnah chuan ka kham tawh tak zet, ka kal tawh hnu a in company changkan zelna tur a tan erawh duhsakna ka hlán a che."


Ka lamah chuan Richard chu  a rawn tawlh kir leh hrut a, "Sweetheart i thil te va tifel la túnah hian kan chhuak nghal dawn nia."


Hmanhmawh zet chuan ka desk lam chu ka pan phei nghal thuai a, ka coat leh ka bag la tur chuan ka desk chu a fel fai em tih leh ka computer dahna chu a fel fai em tih chu ka en leh zung zung a, chutih rual chuan thil theinghilh ka nei em tih chu ka en nawn leh a, engmah theinghilh tur ka nei lo, a hma khan Richard chuan ka personal thil chu boxah khan min dah luh sak vek tawh, ka computer aṭang chuan a personal thil engmah a awm tawh lo ang, achhan chu Richard chuan a hard drive hmangin a format vek tawh tih ka hria, zawi sup a  "Good luck fuckers." Ti a a phun  chhuah sup hnu ah computer pawh a shut down ve nghal anih kha, thil eng emaw company tana a thil pawimawh tak a khawih ni a ka rin avâng chuan  IT department in an hriatchhuah hunah chuan a chungah eng thil tak thleng ang maw tih chu ka ngaih tuah a.


David thusawi ho chu bengkhawn lo zet hian a office aṭang chuan a rawn chhuak a, David erawh ṭawngkam chhe pui pui a áng chung leh Richard chu vo deuh thaw te hian a âng buan buan a, Richard chuan exit awmna lam chu min mitmei zauh a, kawngkhar lam chu hawngin a ni chu a chhuak nghal a, hmanhmawh zet hian a hnungah chuan ka zui ve nghal vat bawk, David erawh ala âng buan buan a, court a akhin tur thu te hial a sawi chhuak lûng lúng a, midang ho lah chuan keini lam chu hmuhnawm ti zet hian an thlír ṭhup mai a, an hnathawhlai pawh an ngaihsak hlawm tawh lo, khawdang pawh hawisawn ngamlo in Richard hnung chu ka melh rân a, hmanhmawh zetin a hnungah chuan ka zui hlak hlak bawk, Richard ve thung erawh chu a hmela chapo na khat chung leh zahna pakhatmah neilo in leh inchhuan hmel zet hian a la hawisang lawrh lawrh thei tho, engmah thleng lo ang mai hian a awm thei bawk.


Elevator kan thlen hnu chuan botton chu a hmet nghal a, Elevator bula lo awm ho engmah hre lo leh thilthlen dan hre chák tak chung a mi lo en ho chu a melh a, heng kan thil tih hi love drama mai a ni si a.


"Thawhpui che u hi nuam ka ti khawp mai, mahse keini erawh kan chhuak tawh dawn, kha blood sucker hnena in thawh lehna zel turah duhsakna ka hlan a che u, achhan chu David hi tunge anih tih pawh kan hre vek si a, Elevator chu a rawn inhawng a, box ho chu a chhungah chuan dah lút nghalin a rawn chhuak leh a, a kut chu phar chhuakin min kún khum zauh a, "After you, my lady."


Ka lût nghal vat a, zah avángin ka hmel te chu a sen chhuak vek tawh , a ni pawh chuan min rawn zui lût ve nghal a, Alevertor door chu a inkhar dawn chiah tih chuan a kuta lo dang betin he thu hi a sawi leh a, "Chuan hemi chung chang thil a sawi neuh neuh leh rinthu insawi siak vak vakna inbân theihna turin, yes, Katharine nen hian kan in ngaizawng a lawm, he company in a keimaha a thil tih ṭhat ve ber awmchhun chu he nu min pe hi a ni."

Chu thil a sawi zawh hnu chuan mi rawn pan hnâiin min rawn kuah a, kawngka in khar tur a danna chu thlahin min fáwp pah nghal bawk a, an hmela maktihna awm chu kan hmu thei ta lo va, chutih veleh chuan Richard chu inlahrang nghalin a kut lehlama min kuahna pawh chu a thlah ve nghal thuai a, a tawlhsawn nghal bawk, chu tia a chét deuh thut a vâng chuan pai deuh khat khat chungin ka hnunglam chu ka ngheng pah rawp a, thâwk ja la vak bawk, a mi fawhna chu a dím lo kher mai thinrim avαnga infawhna te pawh ang lek lek hian ka hria.


"Engvânga ti nge i nih?"


A kún a, chhuat lama a box dah chu la kângin a rawn ding chuak leh a, a dar chu mi sân khum zauh chung hian, "Kan chhuak dawn a nih chuan rîk ṭhak mai tur." A chek pah hluk a, He building chhungah hian insawi tih vel hi a nasa em em a, chu vang chuan zanin chhungin khawi hmunah pawh a darh hman vek ang." A nui chhuah leh hawk pah chuan a hnunglam chu a ngheng a, "Kha zawngsena khân ka duhzawng tak min tih sak dawn a ni tih rinna pawh a nei miah nâng."


Kawngka chu a inhawng a, a car awmna thleng chuan ka zui phei a, ka bula a rawn ṭhut hun chu ka lo nghâk rân a, a rawn ṭhut luh ve hnu chuan, "Eng i duh zawng maw? Heng thil.....heng thil zawng zawng hi i lo ruahman sa vek tawh maw?"


A mi melh dán chu a naupanchhiat thlâk kher mai,"Nilo e, a hma a ka lo plan dan chu khati ang kha a ni hauh lo, mahse a rawn luh rual chiah khân ka plan chu ka thlâk ta nghal a nih kha." A sunglasses man to hmel zet rayban company ngat chu a kuaithla a, a mit min rawn siai khum zauh hnu chuan a siamṭha leh nghal a, "Katharine ka ti ṭha viau in ka hria, client te oawh hian thil chi dang leh thulthar an duh ang bawkin chutia i tih ve chu a ngai, David a rawn luh a box ho a hmuh khân eng thil nge thleng dawn tih a hre vek, chu váng chuan lemchan scene hmuhnawm tak siam chu ṭha in ka hre ta a."


"Tutan maw a ṭhat ang a? A ngaihna la hrethiam hauh lo."



"Advertise vekin a kal hi, Anderson Inc company ṭawngtheih zia hi i hre lo em ni? Naktuk a rawn nih chuan Graham hian a hre daih tawh ngei ang, kan than dan avângin kan lemchan hi ringhlel hauhlo in a pawm nghal bawk ang, ka hna ai pawhin ka hmeichhe hmangaih ka thlang zawk ani tiin a hre ngei ang, chu chu a ṭha viau lo em ni, a hma a ka lo plan dan âi pawhin tun lawk a thil thlen dan kha a ṭha mah mah zawk."


A thusawi pawm sak lo zet chung chuan ka lu ka thin khum nak a, kei chuan kha a thil tih ah khan engmah a ṭhatna awm reng ka hmuh sak ve lo.


"Relax Katharine." A thâw chhuak deuh huai a, a rawn thâwk chhuah dân chu traffic aṭanga chhuak fel chiah hi a ang. "Thil thleng tur chu a thleng vek tawh, i ti danglam thei tawh lo, ka lawyer ka call ang a, Davida'n min dan a tumna tur hmasa berah hian min veng nghal bawk ang."


"Min danna tur hmasa ber a?"


"David chuan a company leh a amah hmingchhia a awm kha a duh lo hrim hrim ang, chuan ka kir leh duh rinna aneih tlat dawn avângin eng mah a ti ngam tak tak lo bawk ang."

Rum chhuak hak chungin Nissan car chang kang zet mai chhungah chuan ṭhu in glass vawt thler chu ka va ngheng a.


"Vawiin chawhnu lam chu i free dawn bawk a, shopping tura i kal angai in ka ring."


"Ka kal a ngai maw?"



"Yes, ka hrilh tawh che kha....an mahni zing ami anga lang ve turin leh nalh taka lang turin ka duh che, personal shopper ka nei a, chu nu chu call in vawiin chawhnu lama in inhmuh dun theih nan ka lo hrilh dawn nia, kan thil plan kha vawiin chawhnu hian kan ti thei mai ang."

"Great."


A music play chu a ti ring a, a kut ṭang chuan steering wheel chu a music play rem chuan a tlir pah dat dat chung hian ka ṭawngel khumna chu a haider lui tlat bawk a. Shopping tih hi ka thil huat ber te zinga mi a ni a, chuvanga thil pawh lei tam ngailo ka ni, mahse tûn ṭumah hi chuan keimah bill pe tu tur ka ni dawn lo a, a nuam phian mai thei a ni.


Condo kan thlen hnu aṭanga reilo te ah chuan envelope pakhat hi a rawn thleng a, , Richard chuan a hming a sign hnu chuan chu envelope chu pawtthlerin American express credit card tih chuang kalh mai rawng dum hi phawrh chhuakin ka kutah chuan min pe a.

"Hei hi eng nge?"


"I mamawh leina tur."

Card chu ka en a, ka hming silver a inziak chu ka hmu a, "Engtin nge.....a ngai leh lo ve." Hmm Richard thil tih theih zia te chu ka hria a lawm.


Ṭhuthleng lamah chuan ṭhutthlâk pahin, "Sign vat la, chuan i hmang nghal dawn nia, keiin Amanda ka lo call ang.....ani chu ka personal shopper ti a achung chang ka hrilh tawh che kha a nia, tun aṭanga rei vak lo hnu ah a rawn thleng ve vat tawh ang."


"Fine."

"Eng nge ni ta?"

"Chu nu chuan naktuka ka hák tur dress chu a rawn thawn thei mai lo em ni? Eng ang thawmhnaw nge ka hâk tur a tana i duh tih pawh i hrilh sa vek tawh âwm tho si a."

A lu chu a thing deuh nawk a, "Katharine hei hi naktuk a mi tân chauh ka ti hleinem, nakin zel atana sawi ka nia, ka thusawi awmzia chu i hrethiamin ka ring, hetah hian thawmhnaw ṭhui nalh tak tak inbel la ka duh, smart suit ang chi te leh pheikhawk lam chen in i thawmhnaw hâk ṭhin zawng zawng hi thlαk vek la ka duh bawk ang."


Ka underwear thleng thleng hian ka thlâk a ngai dawn em?" Ti a ka zawh chuan nuihza insum zet hmel hi a pu a, mahse a nuichhuak chuang lo.


Chumi hnu reilo teah chuan a nui chhuak ta suk a, ka thusawi avâng chuan a nuihza a insum theilo a ni ngei ang, "Nangmah ah hian khawilaiah emaw tak chuan huaisenna hi a awm ve hrim hrim a ni ngei ang, he i role play tur a tαn hian, aw, i thlâk vek chu a ngai ang."


Meng kual khum ralh pah hian, card chu ka hûm rauh rauh a, "Fine, mahse he thil vang erawh a nilo thung ang, tumahin chhunglam kha an rawn hmuh theih dawn loh avângin."


"Eng ang mizia nge maw i neih le?" A rum chhuak pah hawk a, "Hmeichhia tumah hi ka pawisa min hman sak turin a ngen in ka la ngen ngailo hrim hrim, chu chu thu hran ni se, ka bank account mi hmanpui hi an châk ngawih ngawih zawk a ni si a, nang ve chu engvânga induh viau nge maw i nih le?"


Ka tho chhuak nghal a, "Chuti anih te chuan chung i hmeichhe ho chu i loving fiancee niturin ti zâwk ta che, kei zawng he i thil tih âtthlâk zetah hian ka inrawlh peih reng reng hleinem." Kal sawn mai ka tum lai tak chuan a kut ṭang lemziakthiam tak kut ang mai a sei thlurh chuan ka bân rekah chuan a rawn vuan a.

"Katharine."


Ka kut a vawnna chu thin thlαk sak lawp pahin, "eng nge?" Ka vin khum ṭhat a.


 A kut chu a kuangkuah nghal a, "Thawmhnaw lei tir ka tumna che ah hian eng problem nge i neih tih hi ka hrethiam lo."


Ka mit chu ka kuta nuai zauh pah hian, "Naktuk hian i result duh ang hmu ta lo la, engmah loah i pawisa i seng thlâwn mai mai awm si a, chuan he kan thil tih zawng zawng hi thil átthlαk tak leh engmah lo maiah a chang bawk dawn a."


"Âtthlâk tak ah maw?"


Ka mit tui far tur tling pam tawh chu ka dangkir lui hram hram a, "Inhual anga awmin ka in aṭangin min hruai chhuak a, nangmah nen hun hmang dun anga kan lantir avângin kan pahnihin kan hna a ṭanga hnawhchhuah kan ni leh bawk a, David ngei pawhin min duh loh zia chu a hrechiang hle a ni lo'm ni Richard, engtin nge chuti ang thil thlen hnu ah leh lek phei chuan he kan thil tih lai hi hlawhtling thei a la ring cheu chu nge maw i nih le?"



A koki chu mi sân khum deuh âwk pah hian, "Chu chu a ni emaw nilo emaw thawmhnaw nalh tak inbel chung a i hna thar i thawh theihna tur tal hi ngaihtuah i la....khati ang hmun tlawm lutuk ang chi kha i in a hmang tawhlo in kha aia ṭha deuh hlek te pawh kha i hmuh phah tawh ngei ang tih ngaih tuah chung talin tih tum rawh." Min rawn dinhnaih leh sauh a, "Katharine tlang takin ka hrilh ang che, i chungah hian ngaihdan ka lo siam rang lutuk ni in ka hria, mahse tunah chuan nang nen a inhnialna neih a ngaihthlâk te hi nuam ka ti tawh zâwk a , i bula hun hman hi a hlimawm in nang han tih thinrim ve hrim hrim che hi nuam ka tih zia ka inhmu chhuak tawh bawk, hei hi ka hmusitna ah che min ngaihsak lo ang che."

Ka thusawi a pawm loh zia a nemnghehna chu eng tianga lo chhân lét tur nge tih pawh ka hre mai lo.
"Okay?" Eng thildang nge sawi leh a tum tih thlaphâng zeta lo ngaihchân reng pah chuan ka zawt ve zauh a.


"Chuan shopping tur a kalin ka pawisa chu va hmang rawh, i mamawh ang ang chu inthlahrung hauh lo in rawn lei ang che, hei hi
 ka chânna ah ngai lo la, ka lo tih hrehawm ṭhinna che avânga thupha chawinan ngai la, ka gift pek che ah ngai hmiah bawk ang che, heti ang thil hi chu ka chungah a thleng nasa tawh lutuk, tunah chuan kei pawh phone call hmanga thil tih fel lawk tur ka nei, in i rawn ve thlen leh hunah kan chawhnu lam hun chu kan pahnihin ti ti dun nan leh naktuk hian kan pahnih a inkawp lai inngeih leh inthlahlel tak ni a kan lantir theihna turin, tlem a inhriat chian tawn dunna hun a tan kan hmang dun leh dawn nia, a ṭha ang em?"



A ni chu thlir deuh vang vang pah hian, ka kâ chhung chu ka lei chuan ka hawlkual deuh pap a, "Okay."


"Good, thil pakhat leh."


"What?"

A kut kuangkuah chu phelhin, a kut a box te a hum chu a rawn lek chhuak a, "He thil hi bun turin ka duh che."


Chu box chu chesawn thei lèk lo hian ka en ngar a, "A seh lovang che."


"Eng thil nge?" Ti in ka phun chhuak sap a, a chhânna tur erawh ka hre tlang sa vek tho.


"Kan engagement ring."

Ka la chesawn ta chuang lo a, beidawn hmel zeta thâwk rawn lâk rîk hrawih pah hian, "Ṭhingṭhi chunga ka buntir che i beisei em lo ang chu."


"No." Ka dar ka chhín khum ve ák a.


"A nih chuan la ta che."

Kut khur deuh dar dar chung chuan a box min pek chu lo banin  ka hawng a, achhungah chuan white gold ṭhami tih hriat reng reng tur light ina a chhun avang a tle set set chu ka hmu nghal a, a nalh kher mai.

Chu zungbun chu hawi sanin a mah chu ka melh chho deuh hâ a, a hmel put dan erawh hriatthiam a har kher mai, "A zuar tunu hnenah simple tak nilo changkang ru tak ka duh thu ka hrilh a, hei aia lian heti ang deuh chiah hi a awm tho achu, mahse tun dinhmun a tan chuan, hei hi i duh ngei ka beisei."


A thusawi dan chu a chhum bung ve nuaih mai, ka lungkuai zawng tak a ṭawng atumna lutuk vang te pawh a ni mahna, "ka duh zawng a ni a lawm."

"Well, anih chuan bun la, kha khan kan pahnih a thil pakhat a entir dawn si a."

Chu zungbun nalh zet mai chu ka kut zungṭangah chuan ka rawlh lút a, ka tawk chiah chiah leh nghal, mahse chuti ang thil ka kut zung ṭanga a han awm ta mai chu mak ka ti lo thei lo. "Ka pék kir leh hma zawng che chu ṭha takin ka lo kawl ṭha dawn nia."


Thâwk lak leh deuh hrawih pah hian, "I tih ngei ka ring e, a chhan chu heti ang lampang thil a thlawna dawn ang chi hi nangmaha mawlna awm khân a hnar tlat ṭhin avângin ."


Ka mit chu ka menkual khum deuh ralh a, ka kal pel nghal bawk a, a kuta a sana bun a chain pure gold ngat aṭanga siam chu bih zauh pah hian, "Okay, car pawh pawnah nangmah nghakin a awm reng tawh ang, kal la i thil mamawh ho ang ang chu lei turin kal tawh rawh le."

A inher nghut a, room chu a chhuahsan ta nghal a, ka purse chu la in ka kut light in a achhun avanga ka zungbun bun lai tle ṭha zet chu ka zu melh leh hram a, well tuna a landanah hi chuan a nupuihual ka ni ta chu a nia le.

Mipa keimah min duh ngai miah lo tu leh ka laka sawiselna tur zawng reng ṭhin chi, hna dang beisei avâng leh a boss hlui tih thinrim duhna rilru put hrim hrim avânga ka pasal hual nita chu a nia le.


Naktuk zan hi ka hman dawn lo a, a tukleh zanah sei deuh hlekin ka rawn dah dawn nia, kan chhiar zawhah kan rem chan dan angin fakna awm kha hmet leh in second sawm tal kan nghak veleh hrâm dawn nia.