THE CONTRACT CHAPTER TEN

THE CONTRACT CHAPTER TEN

KATHARINE

Ka muhil thei hauh lo, ka beih nasat viau chung pawhn ka harh tulh tulh zâwk, ka taksa chu a cháu em em a, kan pahnih a kan thil tih dun hi a âtthlâk viau loh hram ka beisei ve tawp, ka taksa chu chawlhhahdam tir a ngai ngawih ngawih, mahse ka thei si lo.



Ka hun tawng ho mak zet zet leh reilo te chhunga ka nundan danglam ta vek ho chu ka chhui kir a, Richarda'n offer min pék hi ka rinlohlam tak thil a ni tih pawh ka hria, chu pawh nimai lo in thil nithei tura ka ruat loh lutuk a ni.


A hnena cheng turin min ti leh a, ka rin phâk bâk bâk a ngeiawm thiam tak leh thinur sam tak a ni reng bawk, mi nawr luih chìng zet leh a thil duh tawh ah chuan midang duh dan pawisa miah lo.


Chûng thil zawng zawng ka haider sak hma chuan, ka mimal thil trunk lian tak tak te nen a car hnunga phur chungin a condo ah chuan kan kir leh ta a, he hmunah hian ka awm hlen thei dawn ani emaw a thil plan ho tak a zawh hma zawng chauh, tunah chuan he a plan ho zet mai leh a inkulh na hmunah ka awm ta chu a nia, dik taka ngaihtuah neuh neuh chuan ka boss ala ni tho tho in ka hria.


Chu condo chu a reh ruih mai a, engmah thâwm ri va hriat tur tehlam pawh a awm lo. Zantin a ka hriat ṭhan em em ṭhin trafic thawm ka mutna pawnlam lawk lawk a ri te leh thawm dang dang inluah hawh nei tu inhnial na thawm te, motor sirens ri chuah chuah te chung thil ho chuan a châng chuan ka zán mu lai min ti harh fo ṭhin, a châng chuan chung thawm ho avâng chuan hlauh cháng pawh ka ngah mai, mahse chuti ang thawm pakhatmah chu hetah hian hriat tur a awm tawh lo, mahse ka muhil thei tlat si lo, ka him a ni tih chu ka hre lutuk, he hmunah hian vawi za pawh nilo vawisangkhat chuang zetin ka him tih ka hria, a hma a ka lo riah ṭhin na room rápthlâk thei zet kha chu a liam tawh a, hahdam tak leh nuam ti takin ka awm ve thei tawh ang.


Khum chu a zau in a lian ṭha em em a, khuma bedsheet inphah chu silk man to chi leh taksa deh nuam tak tur a ni a, puan sin tur an dah chu a lum ṭha in arhmul deh ang vel ni hialin ka hria.


Khum aṭang chuan tho chhuakin room kawngkhar lam chu ka pan phei a, kawngka ka hawng chu zawi te hian a ri ṭiah ṭiah thawm ri va a awm loh lutuk vang pawh a ni maithei, ka beng chhi rân chung chuan ka pèn chhuak a, mahse eng thawm mah hriat theih ka nei chuang lo. Kan awmna hmun hi a sang lutuk a traffic thawm pawh a hriat phák loh a ni ngei ang, bang pawh hi a chhah ṭha viau a ni ngei ang building dang luahtu te thawm pawh ka hre thei lo.


Inhnuai lama chhukna step lam ka pan phei a, a bul lawk chu Richard  room tih pawh ka hria, eng huaisenna thinlung nge ka neih tâk thut tih pawh inhre lo in kawngkhar chu ka namhawng dèk dèk a, ka lu chu rawlh lûtin ka taksa dang zawng pawnlama awm si chuan ka dâk lût a, a ni chu ka mutna khum ai pawha a lét a lian leh zual tur zet mai khum lian zetah hian a lo mu a, a taksa chung lamah chuan thawmhnaw engmah inbel lo hian a ruak kâng a, a lu in a ban tha chak zet leh hrawl ṭha zet chu khamin, thlamuan hmel zet hian a muhil a, a hma chhung zawng aṭang tawh khan tumah tibuai tu a nei lo tih chu a awmdan aṭang chuan a lang chiang hle hian ka hria.

A room chhung a alight chhit eng vak lo chuan a sam buang uk kharh mai tle siau chu a khuh bo hauh lo, a khum a a sheet phah chu rawng thim lam hi a ni a, thawm pakhat ka hriat chuan min barakhaih kher mai, chu chu a hnâr ri a ni, a hnar thawm chu sawifiah thiam a har kher mai . A mutthilh lai chuan a hmela mi nuihsawhna awm ṭhin kha hmuh tur a awm tawh lo a, a lang naupang sawt, mi hnehchhiah zetna leh chapo hmel kha hmuhtur a awm tawh lo. A hmel lan dan chu thla eng vânglai ang mai hian a éng phât nimai hian ka hria, hmuh a nuam hliah hliah, mahse he tia thlír reng tur ka ni lo tih chu ka hre chhuak ta vat a, a muhil lai chu rawn harh ta thut sela a kawngkhar bul lawka ding chung hian min hmu tur a ni lo hrim hrim.

Mahse helai reh tak leh ka awm ngailohna hmuna  a hnar ri leh thaw ri chuan mahni chauhin ka awm lo a ni tih min hriattir avâng leh min tih thlamuan tlat aváng chuan ka ngaithla lo thei si lo, ka tan chuan ngaihthlâk a nuam em em si, reilo te ka ngaihthlâk leh vang vang hnu chuan a room kawngkhar chu hawngsa in ka dah sak a, ka room lam chu ka pan leh ta a, ka room kawngkhar pawh chu hawngsa a dahin ka khum ah bawk chuan ka lawnkai leh a, ka khum aṭang chuan thâwm chu a záwi viau a, ka hre pha chang chang chauh, mahse ka hre thei tho, thâwk ka la pah halh a, heti ang hian ka thlamuan pui a ni tih hre chhuak ngat se chuan a ṭhu chhuak tawp ang a, a thawm pawh a reh zui daih ang, chuti ang thil ngaihtuah leh hrehawm tih rúkna avâng chuan  lukham ah ka hmai ka phum a, thla tam tak chhunga a vawikhatna atán chuan a ngaihna hriatloh avângin ka ṭap chhuak ta hlawp hlawp a.


Zing ka tho chhuak kitchen lam ka pan a hmel ka zu hmu chu min titlawm nghal riau hian ka hria, no lian tawk tak khat pum a coffee in thlit hian a lo in mèk a, coffee machine counter a awm ah chuan ka coffee tur chu ka insiam ve nghal a, coffee ka insiam chhung zawng chuan mawilo khawp hian a reh ngawih ngawih, han biakna mai tur ka hre lo a, eng chung chang nge ka sawi pui ang tih lah ka hre hek lo.


"Thil pakhat neih loh ka nei, cream ka nei tello a nia."


"A pawi hleinem."


Ka bulah chuan paper pakhat hi a rawn dah a, "I resignation letter ka lo ziak a."


Lehkha chu la kâng in ka chhiar nghal a, a pangngai in a tawi ṭha viau a, a tawi fel ṭha tek tawk hle bawk, "Keimah pawn ka ziah ve theih mai i ringlo tihna em ni?"


"Pangngai taka a lan hi ka chiang duh a ni, i bán duh nachhan zawng zawng ziak kur nguai lo in."



Ka lu chu ka thing deuh nak a, "Ka hrethiam hauh lo."


"What? Eng thil nge i hriatthiam leh tawh loh chu?" A nghawng hnung lam chu a kutin a tuai pah nuap nuap a.


"Resignation letter ziah ringawt ah pawh min ring zo táwk lo a nih chuan eng tin nge kan thil tih kawngah pawh hian min rin theih...." ka hra. wk a hnawhtu awm ang mai hian a thusawi lai chu ka táwp chawt a,

"Katharine thil pakhatah chuan ka hre chiang ve viau che, hna i thawk rim hle a, ka tan pawh i thawk ṭha ṭhin hle bawk, chuti ang bawk chuan tuna kan thil tih ah hian ti ka ka duh, he mi tur hian hlawh pawh ka pe ṭha viau ang che."


A briefcase chu a la a, "Office lamah ka kal tawh a ngai, spare key leh pass card hall a table chungah khân a awm ang, i hmung pawh ge in luah tu te zinga list ah a awm tawh kha, doormen in alo biak buai loh na tur che in, nang mah leh nangmah a ṭanga inhmelhriat tir na i neih chawp erawh a ngai thung ang."


"Eng .... engtin nge chuti ang zozai chu i tih theih záwk? Tunah dar riat em pawh a la ri si lo a."


"Board member ka ni ve a, khatiang te chu ka tan a harsa lo, file a alandanah chuan he hmunah hian thlathum chuang zen zawn chu i cheng ve tawh, chuan i resignation kha lunch neih zawh ah ka kutah a awm a ngaih kha aw, chuan i chhuahsan thei tawh ang, ka office aṭangin files ṭhenkhat dahna box ken chhuah tur a awm dawn a, tam chu a ni hran lo, mahse ka personal thil ṭhen khat erawh pack fel turin tukin zing chu min puih ka ngai dawn nia, nang pawhin i mimal thil zawng zawng te pack fel turin ka duh che, chuan hetah ka rawn dah ang."


"Chutin office lamah mahni thil em em ka nei hran lo."

"Fine."

"Engvânga inpack fel chu tum nge i nih, bán pawh ila tâwk ĕm si lo a?"

A nui chhuak ve suk a, mahse nelawmna lam kawng erawh a káwk a ni hauh chuang lo, mahse a hmel put dan hmang erawh chuan engti kawng zawng emaw tak a mi hìp na riau a nei lawi si.


"Hetia bân ka tumna hian David chu a ti thinrim viau ang a, mahse Graham lakah ve erawh thung chuan engti ang chiahin nge ka lâk thutak tih hi a rin tir dawn a ni, chuan kan pahnih resignation kha darthumah David hnenah ka lo pe ang, kan thil tih duna David thinrimna tuar lo a keiman ka tuar vek tur hi zak chem chem tur chu i niin ka hria, mahse ka rawn haw hunah kim chang takin engkim ka hrilh leh vek ang che."


Mak ti zet hian ka kâ deuh ho a, chuti ang hmel chu ka pu lo thei lo.

"Italian kha i duh ti raw?" A thil min zawh chu a thlâk chawp chilh nghal a, a hma lawk a athusawi thin ti ṭhawng zet hliahkhuhna te pawh a ni maithei.

"Um yes."

"Great, anih chuan zanin dinner a tan ka lo order dawn nia, zanin dar rukah dinner chu kan kil dun ang a, chumi pah chuan ti ti dun nan a hun hmangin inhriatchian tawn dumna kan nei ang, chuan naktukah barbeque a i hâk tur thawmhnaw nalh tak leinan leh i sam leh i hmai vel makeup tihna hun a tan kan hmang ang a, khami atân khan appointment ka la sa tawh ka tih kha, kan kalna hmun turah hian ṭha taka lang turin ka duh ang che."


A in her a, "Office lamah kam inhmu dawn nia." A nui chhuak pah hawk a, chutah a rawn ṭawng chhuak leh a, chu chuan min ti khur dar dar, "Sweetheart."


Kawngka ka khar fel hnu chuan lu hai chem chem a ka inhriat avâng chuan ka ṭhu thla hnak a, eng ang thil nge ka rem tih tâk a ka pawm tâk mai hi le?


Current kan nei lo char char a, ka dah thei tawh dawn lo emaw ka ti hman tawh a, achhan chu ka phone battery a low lutuk avângin, tlai deuh tawh ah khan vanneihthlâk zetin a rawn awm leh ta a, ka type ta char char a, hei zawmg hi dah loh aiah ka rawn dah ve thei hrâm e. Edit erawh ka ti hman ta lo, advertise awm kha kan theih hram chuan net ṭha kha chuan kan click ang a, second sawm tal kan nghak ve dawn nia aw, sunday kha chu ka chawlh ṭhin kha, monday ah chuan thui pangngai ve takin kan dah tawh dawn nia, current te a awm ṭha zel a nih chuan.