TESPNAYA REAKSIYA LOST CHAPTER 25 SANGTEI KHAWLHRING

TESPNAYA REAKSIYA LOST CHAPTER 25

SANGTEI KHAWLHRING

FAKNA MILEM AWMKHA HMET LEH VEK ANG AW, CHUAN SECOND SAWM LEK TAK TAK KAN NGHAK VE LAWK DAWN NIA.

LUCA....

"Bailey te lamah buaina a awm em ni?" Ka ti chhuak leh khauh.

"Ka hre lo, mahse he thil hi kan tih erawh ṭul ka ti lo."

"Ni e, kei pawhin i pa thusawi kha ka pawm pui, an mi sawmna hi kan pawm a nih vaih chuan target kan insiam a ni nghal mai." Dante chuam a ti ve leh a.

"Eng ang pawhin target chu lokal rawh se ka ngaihven lo, mahse he thil kan ti lo a nih chuan ka thu tiamah khan ka ding nghet dawn lo tihna zawk a ni e."

"Marinos ho chuan Bailey ho chaklohna leh an sa pan lai takah khawih an tumin ka hria."

Ka pa chuan Rick lam chu hawiin, "Emma ah tihna mi?"

"Nge an naute pianghlimah zawk?" Dante chuan a ti ve a.

"Bailey te chuan an chhungkua chu an veng hneh turah ka ngai, chuvang chuan Donnie Marino nen meeting kan neihna tur chu ti fel nghal rawh u."

Ka in her pah nghut, "Well, kha chu a ṭha lo hle mai." Rick chuan a ti zauh.

"Nilo e sherlock."  Dante tih rih chu ka hre leh a, an duh dan dan chuan lo ṭawng mai mai teh se, kei hian ṭha leh dik a ka ngaih chu ka ti mai tur a ni.

BACK IN NEW YORK...

ALEXANDRA...

Kiara chuan ka nu thlan lamah chuan min hruai a, Uncle Alex thlan kianga ka nu thlan a hming ngei chuanna ka han hmu chu ka insum theihna zawng zawng te kha keh chhia in lung chhe em em hian ka inhnit ta hlawp hlawp a, ka nu kha ka ngai em em a, vawikhat tal a hmel hmuh leh theih chu ka duhthusam a ni, mahse chu te zawng duhthusam thlawn mai mai an chang zo ta si.

Thlan bulah chuan ka ṭhingthi nghal rap a, chhuak em.em hian ka ṭap ta zawih zawih a, ka tawrhna leh hreawm ka tihna zawng zawng te chu chu thlan khawhar leh reh takah chuan bun ruah fai vek ka duh.

"Mum ka awm ve loh a vangin pawi ka ti tak zet, min ngaidam rawh aw, Sicily ah khan lo kal lo tawp tur hi ka ni a sin, han ngaihtuah ve teh ka tan chuan natna tawp khawk a tling ang."

"Mum i lo thawh leh theihna chu ni se engkim mai hi i tan tih ka huam a sin, mahse chung pawh chuan a ko kir zo tawh dawn silo che, engvangin nge ka awmloh lai ber kher a min lo kalsan."

Ka nu thlan lunga a hming in ziak kalh chu mittui tlak nasat a vanga meng phi riai chung chuan ka melh ngar a, a ziak te erawh ka mittui kar a ṭang chuan fiahlo riai hian ka hmu a, chhiar lah ka chhiar thei hek lo.

Ka nu in a ka tan a min tihsak ṭhin zo zai te leh ka hlimna tur a nih phawt chuan ka pa pawh hmachhawn a hrehloh zia thin te kha, kawng engkimah min ngaih pawimawh zia leh mi a hmangaihna a tilang ṭhin a, mahse kei ve erawh a thih ni pawha a bula awm theilo leh a ruang pawh thlah ve theilo in a bulah pawh ka awm.thei silo chu a nia, ka rilru a na vawng vawng a, tawrh dan thiam.har ka ti kher mai.

Ngawi rengin ka ṭhu chawrh chawrh a, eng hun nge tih lah ka chhut peih hek lo, engtia rei nge chu tiang chuan ka awm tawh tih lah ka ngaihtuah duh hek lo.

ka nu in min boral san chu khawvela chan nasa ber pawlah ka indah lo theilo a, khawvela ka ro hlu ber chu ka nu a nih miau a vangin.

"Eng nge a an?" Mipa aw hian a rawn ti sup a.

"Brandon." Kiara in a tih zawm ri chu hla tak ni mai hian ka hria.

Mit tui la parawl ṭeuh chung hian ka ngawi ran a, "Hun lo takah i rawn kal ni in ka hria, a nu boral thu a hre chhuak ve chauh a."

"Ka hria a lawm, mahse a tan ka awm a ni tih hi hria se ka duh." Mipa aw chuan a ti leh a.

"Hun reilo te chhung pe ve la, a rawn kir leh hun ang te..."

"Pawi ka ti khawp mai, mahse hmuh ngei ka duh."

An ṭawnghnem lutuk an bengchheng bawk, ka ngaihtuahna an tibuai takzet.

"Alex."

Brandon aw ngei chuan a rawn ti a.

Zawi muang hian a lam chu ka hawi a, ka ding chhuak nghal bawk. 

"Brandon."

Min rawn pan hnai a min rawn kuah ta a, ka lung achhe thar leh thut a, chhuak em em hian ka inhnit leh ta hlap hlap a, tlem a ka zia awm.hnu leh ka insum theih deuh tak hnu chuan,"Ka ngai tawh lutuk che." Brandon chuan a ti chhuak nghal sup.

Ni e, a ni hi chu Brandon kha a ni a, Luca a ni ve lo.

Ka nem kiang a, ka sawi tur hrelo chuan, "Hey." ka ti ve tawp.

A hmelah chuan ka nem kiang chu a ngaihdan a nilo.hle tih ka hria, engvanga pawi ti miah lo nge ka nih erawh Ka hre lo, chutia ka tih chu Brandon chuan a phu reng em?

"I nu chung chang a vang hian pawi ka tihpui khawp mai che." A ti chhuak leh sup a.

"Ka lawm e, Brandon."

"Alex kan inbiak a ngai takzet."

"Ka hria, tunah hian nilo in, nakinah ka rawn.be dawn che nia."

A bu ve nghut a, engmah a sawi chhuak tawh lo, lawmthu ka hrilh ve sap.

Brandon min kalsan hnu chuan Kiara chuan kan inlamah min thlah hawng a, midang pawh be lo in ka room lam ka pan nghal, ka thlen veleh chhuak zet hian ka ṭap chhuak leh ta a, tlemin ka ziaawm hnu chuan bathroom lamah lutin ka hmai te ka phih a, khum lamah ka let leh ta a.

Bedroom lama ka awm leh hnu rei vaklo ah chuan ka room kawng khar an rawn kik dat dat a, "Lo lut rawh." Ti in ka lo chhawn nghal vat.

Sofia a rawn lang a, "Eng nge i an tawh?"

"Ka life hi a tawp vek ni mai a hriatna ka nei, chutiang chuan ka awm?"

"Sawi pui te i duh em?"

"Khawi a ṭanga sawi ṭan ber tur nge tih pawh ka hre lo."

"Luca vang em ni?"

Makti zet hian Sofia chu ka melh a, "Engtin nge Luca chung chang i hriat a?"

"Theo an min hrilh a lawm."

"I tih awmzia chu Theo thinrim in hrosa thawm a ṭangin a ni ngei ang maw?"

"Yeah, chutiang vel a ṭang chuan a ni e."

Thawk ka la halh a, "A ni kha ka hmangaih."

"Eng maw?" A phu zawk nghe nghe.

"Nihleh Brandon hi le, i hmangaih em?"

Brandon hi ka hmangaih em? Nilo ka hmangaih hauh lo, a ni chu thiantha hmangaihna mai chauh a ni, Luca anga ka taksa thu nei tu hi ka la hre lo, a nin min duhlo pawh ni sela, ka damchhungin ka hmangaih ral thak mai a niang chu! "Aih hmangaih lo, Luca ka hmangaih." Ka ti chhuak ta hlawl a.

"Thlan lama ka kal pawh khan Brandon nen chuan kan in hmu a, kan inbiak a ngaih thu min hrilh nghe nghe."

"Nia, chu chu i tih a ngaiin ka ring."

"Mahse tunah tak i chuan a ni nena inbiak chu ka inpeih chiah em ka la hre rih lo a ni." Ka ti chuai raih, a aia ring mah chuan, "Eng nge ka tih dawn tih pawh hi ka hre lo, ka nu a han kal ta hi ka la ring thei lo." Ka ṭap chhuak leh ta a.

Ka phone ah message a rawn thleng tih hriat zet hian a ri tlang, tu tak ni leh ang maw, "Chu chu i phone a ni lo'm ni?"

Ka bu nghat a, ka phone a text message lo thleng chu ka en a, number ringawt a ni, ka open ta nghal a, #Hey babe Kiara in i number thar hi min pe a, kan inbiak ngaiin ka hria, i hman chuan kan inah lokal rawh, ka hmangaih che Brandon.

"Brandon a nih hi, a mah hmu turin an chenna lama kal turin min rawn ti a nih hi!"

"Eng nge tih i duh?"

"Ka hre mai rih lo." Ka chal ka dawm pah ngaih a, tun ang reng remg a rilru hah leh buaia ka awm.pawh hi ka la hre lo.

Sofia chu ka melh a, "Luca chung chang hi ka hrilh ang em?"

"Kha chu nang mahni decision i siam fel hunah chauh a niang chu! Ok, mahni a inngaihtuahna hun ka siam.sak ang che."

Sofia ka lawm e." Min nuih sak hnu chuan a in her a, min chhuahsan ta nghal a.

Ka nu boral tawh hnu ah leh lek phei chuan Sofia hi ka be ber a, a ni pawh ka tan u nih a tlingin kawng engkimah ka nu dinhmun kha a luah zo hle hian ka hria a, a chungah pawh ka lawm hle, a ni hi awm lo phei se chuan engtiang chiah in nge ka nu boralna hi ka tawrh dawn ka hre si lo.

Ngui zet hian ka phone chu ka bih nawn leh a, Brandon hmu tur chuan ka kal dawn em? Kal a va sawi pui vat chu a ṭha chuan ka hria, ka rilru put dik tak hi a ni pawhin a hriat ve a ngai.

Inthlak phawt i la, chumi hnu chuan ka va hmu a niang chu! Bathroom lam panin shower ka hmang leh zuai a, kawr chhing purple leh kekawr dark grey ka ha a, Brandon te inlam pan chuan ka inkhalh chhuak leh ta nghal a.

Hun rei ve tak hmu tawh lo pawh ni ila Brandon te in chu a lo la ngai reng a, tun hma zawng kha chuan inthlahrunnna pawh awm hauhlo in ka lut tlang nghal pawp ṭhin a, mahse tun ṭumah erawh hi chuan ka tim tlat tawh, kan naupan lai ni se la in ngaizawng lo mah ila kan inṭhianṭhat em a vangin an in hi chuan kai nan tak ka hmang a, ni e tunah chuan a danglam tawh em a ni.

An doorbell pawn lam a mi chu ka hmet a, rang takin Brandon ngei mai chuan min rawn hawn nghal vat, "I lokal a vang leh ka thusawi min ngaih pawimawh sak a vangin ka lawm e." A sam chu a hma ang tho khan a la khuih pial a, a ngai ang tho in a sei lek lek, a la dum hlap bawk a, mahse tun hma zawng ai khan a biang ruh chu a ki deuh hlek hian ka hria a, a mit khur a thuk deuh tawhin a biang pawh a thawp deuh hlek tawh.

"Insawi fiah hi a fair berin ka hria a." Ka ti chhuak sep, kawngka a hawnah chuan ka pen lut ve nghal bawk a.

Sitting room lamah chuan min hruai phei a, ṭhut pawh ṭhu ta chuang lo chuan kan in dinchilh ran a, "Luca chung chang kha ka lo hria a."

Ka phu deuh zawk, "I hria maw?"

"Umm, inpahnih inkarah eng emaw a awm ni in ka hria a lawm, chu chu an sawi dan a nia, i hriat kha keini ho ah chuan thuruk a awm thei hlei nem."

Thawk ka la pah halh a, "Enteh Alex ka hrethiam a lawm, i hriatna i hloh a, eng thil nge i tih tih pawh i hre lo ang, mahse hei erawh ka hrilh duh che, Luca kha i tan a mipa ṭha tak a nilo."

"In chung chang thu ka hriat veleh khan a chung chang ka chhui ta nghal a, strip club tam tak a nei a, zan tin hmeichhe hran hran kawpin a chhuah pui bawk ṭhin a, chuan Sicilian mafia ho tu lu ber a rawn ni chho dawn leh nghal bawk a, han ngaihtuah ve teh, nang chuan Bronze Dragons mi leh sa pawh i date pui duh loh laiin, i chungah remchang la in a kawp vel mai mai che tih hi a chiang reng a lawm."

"Khatiang chuan a tilo a sin." Chu thil chu zawi te hian ka kâ a ṭangin a ri chhuak sap a.

"A nih na i lo hum a i khuh mawi sak a ngai reng reng lo."

"Luca chung chang thu i sawi kha i tawp thei tawh em?" Ka thin chuan a tuar tawh lo, ka mipa hmangaih ber a chhiatna hlir a han sawi chu ka dawhtheihna in a tlin tawh lo a, mawi leh mawi lo pawh dawn lo in ka thin tawt lutuk chu ka au chhuak lo thei lo.

"Pawi ka ti lutuk, a chung chang thu ka sawi pui che khan a ti hreawm che a ni maw?"

"Eng maw?"

"A pawi khawp mai, ni e, a ni kha chu theihnghilh daih la a ṭha ber tak ang, ka lo sawi chhuak chiam chiam a, theihnghilh daih la ka duh ber."

"Theihnghilh ka duh hauh lo, a chung chang thu a chhe lam hlira i sawi hi tawp la ka ti mai chauh a ni e, mipa ṭha tak a ni a, chuan ka hmangaih hle bawk." Ka ti chhuak ve ta sak a.

"I hmangaih a maw?" Brandon hmel chu ka thusawi chhuah chuan a ṭhawng hle tih hi a hriat reng, a mengphar nasa hle bawk.

Thawk ka la hak a, ka tum loh deuhin ka sawi chhuak tih ka inhria, mahse khatianga Luca chung chang a chhe lam zawng  sawi vak vak tur khan dikna a nei bik tlat lo.

"A ni chu i hmangaih a nih si chuan nih leh kan pahnih hi eng nge ni ve ta?" Hmel ngui ruih hian a rawn dak chhuak a.

"Ka hre tawh bik lo."

"Khawngaihin hun thawl ṭha he thil ngaihtuahna hun hi lo inpe la, ti chuan lo ngaihtuah ṭha leh hram rawh, kan pahnih a kan thil lo tih tawh zawng zawng te leh kan hun kal tawh hnu zawng zawng te kha mipa pakhat i tawn thar chauh a vang hian ti tawp lo hram rawh."

"Inlamah haw phawt i la ṭha in ka hria."

"Khawngaihin zanin te chu ka bulah i awm thei mailo em ni, a tlai tawh si a."

"Brandon ruahmanna ṭha tak ni in ka hre lo."

"Khawngaih takin, ka khawih miah lo ang che tih ka tiam a che, ka ngai em em che a, nangmah hnaiha awm hi ka duh vang mai chauh a nia."

"Nilo, ka thei rih lo ang Brandon, tunah tak hi chuan ka chiai tak zet rih, min hrethiam rawh, i hnena lo riah chu a chak awm viau a, mahse a fair lo vang."

"Ka hre thiam e." A kun nghal lup a.

"Ka rawn be leh dawn che nia." Hre awm ti zet a sawi lehin ka inher a, an kawngkhar chu ka nam hawng a, Brandon chu chet sawn pawh tum lo in a dinna ngaihah chuan a ding khawng reng, leh lamah chuan ka khawngaih viau a tan pawh a na ngei ang, mahse ka hmangaih tlat lo.

Ka car chhung a ka luh leh hnu chuan inlam pan in ka in khalh haw ve ta nghal a.

A FEW DAYS LATER...

BACKIN SICILY...

LUCA...

Zingkar ah chuan insiam peih atin inhnuai lamah ka chhuk a, kitchen lama black coffee in phawt a, chumi hnuah meeting neihna lama kal tum ka ni a, mahse ka pa leh Dante lo inbiak a vang chuan kawngka bulah chuan thawm nei hauhlo in ka ding a, "Meeting pawh tun a ṭanga reilo te hnuah ṭan tawh a ni ang." Dante chuan a lo ti a.

"Ruahmanna ṭha lo tak ni in ka hria." Ka pa chuan rilru hah hmel zet chuan a ti a.

"Ngati maw?"

"Bronze Dragons hi ka hre chiang ve hle a, tlawm zawk nih an duh dawn hauh lo tih pawh ka hre chiang.".

"Ka hria a lawm, mahse eng nge tih theih kan neih chuan?"

Ka pan hnai ve nghal a, "Bronze Dragons ho chuan an duh ang angin an ti thei reng ang chu!" Tih ve nghut pahin black coffee chu ka inthlit nghal a.

Ka no ken chu ka hmui zawn a lek kangin coffee chu ka tem pah zauh a, "Donnie lakah kan lo intiam tawh a, kan thu tiamah kan din ngheh a ngai zawk ang?"

"Kha te chu hun dangah pawh kan rul let thei reng, tun ṭum thil ber kher hi chu ka pawm zawng a ni lo."

Rum zet hian ka pa chu ka melh let a, I inhnuk hniam dawn nge ni a, hnuk hniam dawn lo tih hi a ni zawk, he thil hi ti tura min duh anih chuan lo inrawlh lo la, ka hna chu min thawh tir mai mai rawh."

"Okay Figlio, ti ngei ang che, mahse ka hrilh lawk lo che ti erawh chuan i sawi theilo ang."

Ka pa chu a kal chhuak ta nghal a, "Kan inpeih tawh em?"

"Aw."

"Matteo in a lo hmu hlawm dawn a, kei ni pawh kan kal thuai a hun tawhin ka hria."

Dante ka buk khum nghut hnu chuan kan chhuak dun ta nghal a.

Pawna ka car Dante an a lo peih sa diamah chuan kan ṭhu lut nghal a, "Donnie hian Emma i bulah a cheng ve chung chang thu kha a hriat i ring em?"

"Aih, lo hre ta ang pawh ni se, kei ni pawhin tunge a nih kan hriat loh chu eng tin nge a hriat bik hrep ang a?"

"A dik ang, mahse hei erawh hre reng la ka duh, Donnie hi rul ang maia fing ver vek a ni tih hi! Chuan engtik lai pawhin mi fuih vel leh inthup thiam tak a ni tih pawh hi hria la ka duh."

"Donnie lakah hian min ngaihtuah ta viau a ni maw chu!" Za hran lo zet hian ka nui chhuak hawk a.

Kan ware house pawh chu kan thleng chawpchilh ta a, engmah sawi zui dun tawhlo in, warehouse kawt kan thlen chuan kan chhuk ta nghal a, pawnah chuan Matteo chuan min lo nghak a, "Matteo."

"Boss."

"Hetah an awm tawh em ni?"

A bu pah nghut a, "Aw, an rawn thleng fel ve awrh chauh, Donnie leh a pawl te pahnih an rawn kal."

"A nih chuan Matt ti ṭan i la."

Inchhung lamah chuan kan lut ta nghal a, inchhungah chuan Matt sawi angin mipa pathum hi an lo awm a, Donnie hmel fing ver vek zet chu a la danglam lo kher mai, a sam chu a hma aiin a lo ṭuak nasa tawh deuh e tih mai chauh hi a ni a, a mit meng erawh a la fiah ṭha in a fim kak thung!

"Donnie."

Nuih vur vur pah a rawn din chhuah hi a tum.a, "Thawh chhuah kher a ngai lo."

"Kan in hmu leh chu ka lawm e, Luca, tunlai i pa eng nge a an?" A ṭhutna lamah ṭhut thlak leh pah chuan a ti a.

"A ṭha e, a retirement a lawm a, hmun dang dangah a,zin kual vel a ni ber."

"Kan thusawi turah khan lut nghal mai ila, eng thil nge ni reng reng a Donnie." A hmel chu chik zet hian ka melh pah bawk a.

"A tlangpui thu chu i hriat tawh kha." Dawhkan lam chu a rawn bawh phei deuh a.

A thusawi hmasak zawk aia aw zawi deuh zawk hian, "Trey Bailey hi man ka duh a, chuan Bronze Dragons ho tluk chhiat tir hi ka duh bawk, chumi a tan chuan i puihna ka mamawh tel ta anih chu!"

"Bailey ho chuan eng nge i chungah an tih tawh a?"

"Chu chu i lo ngaihtuah buai tur a awm lo."

"Hrep tak che chuan, ka mipa ho nunna risk ah ka dah dawn chuan engkim ka hre duh khawp ang."

"Kan hnung dawl tura thutlukna i siam hunah chauh ka hrilh thei ang che, chumi a nih hma chuan engmah ka hrilh theilo ang che."

"Luca hei hi ka chance neih chhun a ni tawh a, chu vang chuan engmah loah ka plan hi a kal hlauh ang tih ka hlauh vang a nia, kan zinga thawh rem i tih phawt chuan engkim ka plan zawng zawng te zep awm hauhlo in ka hrilh dawn che nia.".

"Tumah hi awlsam te a ring chi ka nilo a, chutiang mi rinawmlo lakah chuan ka rinna ka dah duh bawk hek lo."

"Donnie min vau chu tum duh lo mai teh, chuan i lakah rinawmloh tum lah ka tum hek lo, chuan in vau hi ka duh lo bawk."

"Oh, ka hria e."

"He thil hi ka tan a pawimawh zia chu min hriat thiam pui ka ring." A ti leh hruih a, a fing em avang chuan tlawm zawk nih lah a hreh hek lo.

"Bailey chu awlsam takin i man dawn hauh lo tih chu chiang sa a ni a, chuan eng nge i ruahmanna ni reng reng?" Ka ti nawn leh a.

A ngawi deuh run run phawt a, a khabe hmul lang thei khawp a to suar tawh chu a tuai pah nauh nauh bawk a, chumi hnuah a mit fim rula mi rawn melh leh pah hian, "Bailey chu tharum thawh a hruai chhuah ka tum hauh lo, chu tiang tur chuan a harsa,dawn tih te chu ka hre ve a,lawm, ruahmanna ṭha tak ka nei zawk."

"Chu chu eng nge?" Ka lo ti nghal vat a .

"A little princess Alexandra hi maw le."

"Alexandra maw?" Ka ti chhuak ve sup.

A bu pah nghut a, "Aw, a fanu hi!"

"Hmeichhe duhawm tak a ni reng a, thah pawh inchhir awm khawp a hmeichhe nalh a ni bawk, mahse tih erawh a ngai tlat si."

"Engtin nge han man in tum deuh reng reng?"

"Kumin kum tawp lamah hian thlahtu bul chhuina ang deuh ball neih leh tur a ni dawn a, tah chuan tu te pawh an buai em em vek ang, Trey Bailey ngei pawh a buai hle dawn a, chu tih lai hun tak chu ka tan hun remchang chuh hun a ni dawn a ni, tunah hian a fanu enthla tu ka ruat fel vek tawh a, a enthla mek bawk." Za zet hian a nui chhuak a.

"A nih Luca kan zinga lo tel chu i rem ti em?"

"Yeah, ka rem ti e."

Ka hnunga ding Dante chuan thawk a la ri hawk ri chu ka hre reng mahse engtin mah ka danglam phah eih chuang lo, ka inchhu ngeng lui tlat bawk.

"Ṭha lutuk Luca."

"He thil ka tihna chhan pawh i laka bat ka neih vang chauh tih hi hria ang che, mi pangai ka that ngailo tih hi hre bawk la ka duh."

"Oh, Trey Baileya fanu a nih hi, i rin ang a ni hauh lo ang, mi pangngai tak nih chu a tan a harsa bawk ang tih hi hre mai rawh." A nui khi vur a.

"F*ck off Donnie, ka rilru ka thlak leh hma ngeiin he hmun hi chhuahsan rang la ka lawm hle ang ."

"Sumdawn na ka han khawih pui tur che hi ka inchhuang tak zet zet, tiang lamah chuan ka tih tlak viau ang, ka lo beisei reng dawn che a nia." Ti in a ding chhuak ta nghal a.

An kal chhuak chiah, "Eng thil nge maw i tih hrep le Luca?" Dante chuan ati chhuak nghal ṭhawt.

Ka hawi chho a, "Dante ka tih tur ka ti mai chauh a nih kha, chuan kha tiang thu kha min zawt nawn tawh ngailo ang che."