TESPNAYA REAKSIYA LOST CHAPTER 31 SANGTEI KHAWHRING

TESPNAYA REAKSIYA LOST CHAPTER 31 SANGTEI KHAWHRING

Zanin chu dah loh ai ka rawn dah hram a ni e, ka nuamsam lo lutuk a, khawvawt leh thut hi ni in ka hria, ka lu a na bawk si a, ka hritlang ka ping luk mai, edit pawh ka ti peih talo, chhiar pahin lo edit mai rawh u aw



Inrinni zanah tam deuh hlek rawn dah ka tum mai dawn nia, heta note ka ziah hi chhiar ṭhin ula, ti chuan ka rawn post leh hun tur te zawh zawh ngailo in in hre thei ang, chutih rualin fakna milem awm kha min hmeh saka second sawm chhung lek min nghah sak ve leh hram turin ka rawn ngen nawn leh che u a ni e, hei hian intan thawnthu ka dahna tura ka net pack a tum ve si a, khawngaih taka fakna kha min lo khawih sak ve hram hram turin ka ngen che u a ni e.



"Ni chin deuh lawk,  minute rei pawh a la nilo ang, a hmu ve tawh e."




Thawk bawk ka la leh a, Trey chuan engtiang chiahin nfe a nupui lo la dam reng chu a ngaih ang ka hre lo.

CALLIE...

Trey nen kan fawh lai tak chuan Theo a rawn lut tih hriat zet hian ṭawngkam na khel khawl takin a pa chu a rawn ṭawngkhum a.

"Eng thil nge maw ti a i in hriat hrep chu le, mum a thlan chhunga vawh pawh a la vawh hman hma hma in hmeichhe dang i awmpui leh nghal thei a maw?"

Theo thu rawn sawi a vang chuan Trey nen kan infawhna chu kan thlah nghal, Theo lam hawi pah chuan, "Theo." Ka ti a.


Ka hmel a hmu chiah a hmelput hmang a buai nghal nuai a, "mum, i ni Chiang maw, nilo a ni theilo." Awmze neilo hian a rak chhuak nawk nawk.


A lamah huan kalin ka va kuah a, "Eng thil chiah nge maw thleng hi le?" Hriat thiamloh hmel zet hian a ti chhuak a.


"Son engkim kha remruatfel na veka thleng a ni e, hei, ka awm tawh a lawm, khawiah mah ka kal tawh lo ang, Theo engkim.a ṭha leh vek dawn a lawm."


"Khatihlai hun chhung zawng khan ngaihtuahna aṭang hian engtiklai mahin ka paihchhuak thei ngailo che." A ti ve ruih a, chutiang chu a nih ngei ka ring bawk.


Inlam panga ho eng nge an an, an ṭha maw?"

"An ngai vek che."


"Inlama haw thuai thuai a hmuh leh vek ka nghalhel tak zet, Tori ngei pawhin min hriat pawh ka ring tawh lo."


"Teuhlo, a nu i ni a, a la hre reng ang che." A tih chuan ka thawi huai a.


Trey phone a rawn rik a vang chuan a ni chu a kalsawn deuh hlek a, kei ni pawh kan thu sawi lai chu chawlhsanin Trey phonea a biak ti chu kan ngaithla ve a, loud speakera a dah a vangin rawn be tu chu Detroit a ni tih ka hre nghal bawk.


"Trey, Donnie te kha kan hmu tawh e."


"An mahni an ni chiang tih in hre choang chiah maw?"


"Aw, Dante an an ni chiang a tia lawm, inpakhatah an inhmu khawm mek.

"Ok, a nih chuan kha hmun kha bomb darh vek nghal rawh u."


"An meeting neihah chuan eng nge an rel chiah kan hre theilo a chu, mahse inbeih dan tur an rel a ni ngei ang, an member pawh an kim vekin ka hria."


"Chung aia hna ṭha zawk chu an thawk theilo em ni? Hun remchang ṭha tak in neiah ngai ang, bomb darh vek nghal rawh u, chuan rawn tlan chhuah tum.a piang lo that bawk ula, tumah dam chhuak an awm tur a nilo, chu chu rawn chian bawk ang che u, tumah thi bang awmlo in that vek rawh u."


"Boss ka hria e."

Trey chuan phone a hangup hnu chuan ka pan phei a, "Engkim a ṭha vek maw?" Ka va ti a.


A rawn hawi let ve nghal a, "Baby, hei tluka ṭha hi a awm leh thei tawh dawn chuang em ni?" Ka biangah min rawn fawh sak pah zauh.


"Doctor pakhat hi kan bulah a rawn kal a, "Mrs.Bailey chhuah i inpeih tawh em, kan discharge thei tawh che a nia."


"Ka lawm e, doctor." Trey lam chu ka hawi a, tuna ka hak bak thawmhnaw pakhat mah inbel tur ka neilo a nia." Ka ti chhuak sap.


"Ok, i thawmhnaw hak tur chu keiman ka va ngaihven sak dawn che nia."


"Nangman maw?" Ka phu deuh zawk.a.


"Aw keiman ni e." Nuihmel hi a pu nghal a, "Baby, ka thusawi chuan a ṭhawng viau che a ni tiraw? Tiang thawmhnaw ha chung chuan i kal chhuah ka phal hleinem."


Theo pawh chu alo nui nasa mai a,"Ngaihtuah duh suh mum, keiman i hak tur chu ka rawn lei sak zawk ang che." A mit min siai khum.pah zaih bawk a.


Thawk ka la halh, nang paah hi i pa ang naia misual zet i ni in ka hria."


"A landanin he hmun ka rawn luh a ka kawr hak ngai bawk kha ka hak a ngaih ka ring."



"Baby tlwm tala mi rinna te chu nei ve la maw le, i kawr hak tur nalh tak ka rawn lak sak ngei ang che."


"A ni aia nalh ka rawn laksak thei ngei ang che." Theo chuan a tih veleh nui chuan kan nui fai ta vek a .

Ka rum chhuak nghat, "Inpahnih hian ka kawr hak tur chu inlwi dawn a maw a tha e, vanduaina kan tawk leh dawn a nih hi!" Ka ti chhuak raih.


An pafa erawh an nui chhuak dun hawk hawk a.


Kei erawh nuih za vak lo tak chuan doctor chu ka zui ta nghal a.


Room pakhatah hian docror chuan min luh pui a, ka taksa ah chuan na ka neih leh neih loh te leh, hliam dang ka nei em tih te, ka BP a normal em.tih ang remg te a check a.

Chumi hnu chuan a bu ta nghut nghut a, "Mrs.Bailey tunah chuan i chhuak thei tawh e.'

"Engkim.a vang khan ka lawm e, doctor."


"He kan awmna room piah chiah a roomah khan shower a hman theih a, lo va inbual la chumi chuung chuan i fapa leh i pasal thawmhnaw lei pawh an rawn thleng ve mai ang, heta ṭangin thawmhnaw zawrhna dawt pawh a hlat loh kha." Nui chung hoqn q ti ve a, ka menkual khum ralh.

Doctor chu a kal chhuak ta nghal a, room pawn ka va chhuak Theo leh Trey ka hmu nghal l, an kutah chuan plastic bag hi an khai ve ve a, "Mom eng hi nge i hak zawk dawn?"


An thawmhnw rawn lei chu ka en ve ve a, ka rinloh zetin thawmhnaw lei an thiam dun viau, dawr nghaktu chu hmeichhia ni in an thlan tir a nih ka ring.


"I pa min rawn leisak hi ka ha phawt ang a, naktuk lamah min rawn leisak hi chu ka ha dawn nia." Bathroom lam chu ka pansan ta nghal a, ka inbual zo thawmhnaw ka hak mawlh mawph lai chuan aluca ka ngaihtuah chhuak a, a ni chu eng nge a an zel le? Ka dam.chhung zawngin a lakah bat ka nei kumkhua tawh dawn a nih hi! Mahse engpawh ni sela, a ṭhat chhuah leh theih erawh beisei phawt ang.


Thawm.hnaw chu ka inbel nghal ta mawlh mawlh a.


Ka my darling hunband kawr min rawn lei sak chu a nalh kher mai, chutiang bawkin Theo rawn lei pawh, mahse Theo min rawn leisak zawk erawh a ngaiah dah let lehin, nudanga hak a tan ka dah ta zawk a.


Thil eng emaw eitura ka inthunpuar a ngai ang, ka ril ṭam.tawh zia ka hre chhuak a, a chhan pawh kha hmunah khan ei tur min pek theinghilh chang chuan ka nghei mai ṭhin a, chaw kaw puara ka eilihna chin lah ka hre tawh lo, chu mai pawh nilo in min mut thilh tir deuh char char bawk si nen, chaw mumalin ka ei vak lo a ni.


Trey thawmhnaw min lei sak ha a ka va lan leh hnu chuan Theo chuan min lo hmu hmasa zawk a, "Eng ni nge naw ni le vawiin zet chu ehh?"


"Engni mah a nilo Theo, thihna a ṭangin i nupui rawn kir ve ta ang se, chutiang chauh chu a ni e." Ti in ka lam chu a rawn hawi ve nghal a, Trey min rawn en laia a mitmeng hlimna a vanga desawr ah chuan rilṭamna hi ka hmu zuai a, mahse a reh keh nfhal thuai bawk.


"Detroit khan min rawn bia a, engkim tih fel vek a nih tawh thu a rawn sawi a, tumah tlan chhuak an awm lo bawk a ni awm e, tunah chuan kan haw thei tawh hlawm ni in ka hria, inlama haw chiah kan hmabak tawh."


Trey chu a bu nghut a, "Ok, anuh chuan zanin la la hian New York lamah kan thlawk haw nghal dawn nia, mahse kan chhuah hma in Giovani ka biak hmasak phawt erawh a ngai ang."


Trey chuan min rawn pan hnai a, a mit min siai khum pah zauh bawk, "Baby i lang duhawm hle mai."


"Mum hian tihlawm che a duh vang chauhin i thawmhnaw thlan kha a hak sak che a, ka thawmhnaw thlansak kha a la tha zawk tho tho." A la ti ve ṭang tho a.


An pafa inchhan dan a vang chuan ka nui chhuak hak hak, Trey chuan min rawn dinhnaih leh zual pah hian a kun hniam deuh a, ka beng bula thlek phei pahin, "Zanin kan thlawh chhuah hma in hotel.pakhat book ila, tah chuan kan awm hahdam rih dawn em ni ang, eng nge i ngaihdan?" A rawn ti deuh sar sar a.


"Shhss, Theo an a hre thei ang e." Ka lo ti zauh.

"A ni te chu mipa puitling a lawm a nih tawh, a hrethiam lutuk, baby ngaihtuah ve la, i awmloh chhung zawng a ka mal ṭhin zia kha..." a ti tham deuh ṭuak a.


Ka menkual khum ralh, "Trey insum rih deuh rawh."



"Hey, ka hre thei vek a nia." Theo pawh chuan nuih za awka zet hian a rawn ti a.

Ka nui nasa,mai, Trey erawh thawk.a la hrawih thung! Theo dinna lam chu kan pan hnai a, "Hotel lamah mum hi ka lo va hruai anga, nangin Giovanni chu lo bia la tiraw?"

"Yeah, ok, ka rawn rei kher ka ring lo, reilo thei ang bera tih ka rawn tum dawn nia."


"Nilo." Ka ti chhuak zawk.

"Eng nge buaina a awm emni honey?"

"He hmun ka chhuahsan hma hian Luca hmuh hmasak ohawt ka duh ang."


"Luca maw?"

Ka buk khum nghat a, "Ka nunna min chhan sak tu a ni a lawm, Luca kha lo awm talo ni ta se chuan, tunah hian inbulah pawh ka awm theilo maithei a ni."

Ka lung a chhe thut ka nghal ta hlap hlap a.


"Mum khawngaihin ṭap lo hram rawh." Theo chuan a lo ti ve sup.


"Baby eng thil chiah nge thleng min hrilh thei em?"


"Luca hi a lawm min rawn chhan chhuak tu leh min rawn hmu chhuak tu chu! Chutih lai pawh chuan bangah chain a thlun beh ka ni a, kan chhuak nghal thei silo a, chumi chhung zawng chu ka bulah a awm ta chat char a, tichuan a pawlte chain cheh chah na tur chahin kan lo nghak dun ta a."


Thaw ipik zet a thawk ka lak hraih hnu chuan ka thusawi lai chu ka chhunzawm.leh a, Trey te pafa chuan thil thlen dan ka sawi chhung zawng chu uluk em.em hian an lo ngaithla bawk a, "Chutia a ṭhiante ho min rawn chhuah hun nghak a kan lo awm lai chuan Marlene rawn lut hmanin min rawn kah a tum ta a, mahse Luca chu ka bulah awmin min dinhliah ta tlat a, tichuan kei min kap talo in Marlene chuan Luca zawk chu a kap ta a."



"Trey ka mit hmuh leh ka bul ngeiah Luca chu a kap a sin."

Ka ṭap chhuak leh ta a, hreawm ka ti tak zet zet, keimah a vangin mipakhat la naupang tak chuan a tuar phah a nia, Trey chuan min rawn kuah vat a, a awmah min bei tir nghal a, "Trey ka thiamloh vek a ni."


"Baby i thiamlohna pakhatmah a awm lo."


"Nilo, Trey a dam chhuak lo a nih chuan ka dam chhung zawngin ka inthiam leh thei tawh ngailo ang."


"A thi dawn hleinem."


Trey min kuahna a ṭang chuan ka tal pit a. "Khawngaihtakin a mah hmu turin min hruai rawh."


"Giovanni ka lo be dawn nia aw."


"Tunge Giovanni chu?" Ka ti ve sep.


"Luca pa a nia."


"A ni chu i ṭhian te zingah a tel ve em?"

"Ni chiah lo, ṭhian satliah ve mai chauh."

"Nih leh Luca hian Alexandra a hria tih hi i hria em?"


A bu nghut a, "Hria e."


"A sawi dan chuan Alex Sicily a kal lai khan an inhria a ti a."


"A dik a lawm." A chhing deuh sawk a.

Trey min chhan dan chu ka duh khawp lo kher mai, thildang pawh hriat chian belh ka duh laiin zawh nawn chak awmloh khawpin min chhang bul thung!

"Chuan nih leh eng thil chiah nge thleng?" Ka kut chu ka phar chhuak pah zeuh a.


"Inla awm reng a ni maw? Inla awm reng danah he hmun hi midang anglo takin in nhaina viau a nih ka ring." Doctor bawk chuan a rawn ti a .

A lam chu hawi a inher pah hian ka nui chhuak hak hak, "Chulam pawh a ni chiah lo, kan ṭhian pakhat hmuh kan duh a, kan la nghak a nih hi!" Ti in ka chhang a.


"Nang leh i fanu chu in inang hle mai, phir ni awm tak in ni, chu mi a ni emaw i fanu chu i nulat lai thlalak a phawk fuh ngei ka ring bawk."

Ka phu deuh zawk, "Alexandra i hria a,maw?"


Trey thawk la ri hawk ri chu ka hre chiang kher mai, ka hriat loh thil eng emaw tak zawng a awm chiang mai.


"Hre chiah lo, mahse accident a tawh hnua amah enkawl tu ka nia." A dar a chhin pah uk a.


"Accident maw, eng accident nge?" Ka ti chhuak chul a.


Min chhan leh hma chuan a phone a ri a, "Ka biak a ngai tlat, min o hrerhiam lawk r'u." A kal sawn ta nghal a.


Trey lam chu mit meng rum zet hian ja melh chho al a, "Trey eng accident nge doctor khan a sawi?"


"Giovanni be tur khan ka kal vat a ngaiin ka hria." A che chhuak nghal vut.


"Trey Bailey khatin min kalsawn san theilo ang, lo kir leh teh!" A hre lo der hmiah hmiah, ui puar koh ang nal nal a ni mai.


Ka beidawng chuan Theo chu ka hmachhawn leh a, "Theo." Ka ti chhuak hlar.


"Kei te chuan engmah hriat ka neo ve lo."
Ka chal ka dawmkhum ngaih a, min chhan dan hlawm a vang chuan ka lawm vak lem lo kher mai.