IT'S JUST AN ILLUSION CHAPTER 29

IT'S JUST AN ILLUSION CHAPTER 29

SANGTEI KHAWLHRING

NIDANG AI CHUAN FAKNA HMET PAWH IN PUNG DEUH E, IN TI THEI TIH HI KA HRIA A LAWM, MAHSE ṬAN MIN HAN LAK PUI SAUH SAUH TEH U, MI FEL TAK TAK TE IN NIH KHA, HETIA FAKNA MIN HMEH SAK TU IN PUN CHUAN KA TAN PAWH A PHURAWM VE SAWT A NIA, NIDANGA 50 VEL CHAUHIN A HMET ṬHIN KHAN NIZAN KHAN 100 IN TLING VE AW, CHUAN ṬAN HAN LA SAUH SAUH U LA, INHMEH ṬHAT LEH KAN POST REGU THEI VE ZEL A NI MAI, FAKNA AH KHAN LUTIN SECOND SAWM CHHUNG LEK ENKUAL A CHHUAH LEH MAI CHAUH A NI E.

"Khawiah nge a awm a?" Jonas chu nghet zet hian a in kuangkuah nghal a.

"Nevada ah khan a la awm reng, nangmah a kah na hmun a ṭang khan a hla vak lo."

"A mah a ni tih i chiang maw?"

"Chiang e, i buai a nih chuan keimahni pawhin kan va ti thei mai ang."

"Are you kidding me Luca?" Jonas hmel chu a rum zual sauh. "He thil thlen hun tur hi thla engzah chuang nge ka lo nghah tawh?"

"Tunge hmeichhia kha?" Luca chu a nui deuh suk a.

"Tumah."

"Tu emaw tak chu a ni khawp ang, chuti nilo se i penthouse ah i hruai chho lo tawp ang." A khabe chu a tuai vauh vauh a.

"Melody a nih kha, kan intawnna kar tam pawh a la nilo, chuan engthil nge i hriat chu min han hrilh tawh teh?" Jonas chuan a ti ve a.

Luca chuan a aw then deuh khurh pah hian, "Ka hre tam lo khawp mai, mahse mipa pakhat bulah ramhnuai ah a cheng tih zawng ka hria."

"A nih leh engvanga helaiah hian he mi te pahnih tlak tlai lo zet zet hi rawn kal ve nge an nih chhan?"

Riccardo chuan, "Idiot." A lo ti ve hlak a.

"Inven thawn thu hla ah a ni mai ang chu, a chhan chu eng thil nge kan tih dawn hi a hriat chiah bawk silo a."

"Ok, tunah kal nghal mai ila a ṭha ang, chuan a hmun pawh a tlai chhiat hma tak takin kan thleng hman bawk ang a, kan za vaiin inpeih vek ang u le. " Jonas chuan ti in a room lam chu a pan leh ta nghal a.

Luca phone ah chuan message a lo thlen a vangin a phone ah lai chu phawrhin a en a,  a nupui Emma ti a save number a ṭangin a lo ni a, a chhiar ta nghal a, #Luca khawngaih takin nunna zuah hram turin ka ngen a che.

A aw a thian hruih a, a phone chu a ak ṭha nghal leh ta daih a.

Jonas room lama a luh chuan Melody chuan ka hau hian a lo melh a, Jonas chu a inha nghal mawlh mawlh, "Kal chhuah i tum em ni?"

"Aw, mahse tah hian i lo awm thei ang."

"I ti tak tak maw?" Melody chu a nui chhuak var var a.

"Si, naktuk zing vel ah ka lo haw hman chauh ka ring."

"Ok, ka ngai ngawt ang che."

Jonas chuan ahmui a fawh sak zauh pah hian a kal dawn chuan a siai khum zauh a, midang ho chu va fin lehin an pali chuan an chhuak ta nghal a, Jonas carah chuan lutin Dante leh Riccardo chu seat hnung lamah an ṭhu a, Jonas leh Luca chu hma lamah ṭhu in Jonas chuan a car chu chak zet hian a khalh a,  "Chuan i nupui lakah i rinawm talo tihna a ni maw bro?"

"Rick ngawi chip cham rawh."
Riccardo erawh a nui nasa mai.

"Nih leh Melody i tih nen hian in inkarah thleng a awm deuh tihna mi?" Luca pawh chuana rawn ti ve a.

"Awm lo, engvanga tun a taka ka sex life chu ṭulna awm ta thut nge maw a nih le?"

"Bro chu chu nupui laka rinawmlohna ti in a sawi theih tho loh em ni?"

"Luca hepa hi hetiang reng reng a hram reng a nih chuan ka kap duh khawp ang maw le." Jonas chuan ati chher chuai.

Luca pawh chu a lo inrawlh ve nghal a, "Riccardo zip it."

"Damn, tumahin fiamthu pawh an thawh thei lo chu a nia le."

Luca a ṭawng chhuak leh a, "Ni leh kan va thlen hun a tan eng nge i plan ni deuh Jo?"

"Inchhungah kan lut nga, tichuan ka that anga, chumi hnu ah kan haw leh nghal dawn nia, a chhan chu Sierra hi keima buaina a nih a vangin, tumah in inlo khawih tur a nilo ang."

"Kan hria e, nihleh witness lam te?"

"Ngailo, tumah inrawlh suh u."

"Khami ni a in inneihna a inthu chham te kha in zah ve dawn em em lo em ni?"
Riccardo chuan a lo ti leh khauh.

Jonas chuan thawk a la ri hrawih a, "Oh, for  f*ck sake." 

"Dante kha pa hmui kha hnawh sak rawh." Luca chuan a ti chhuak ve ṭhawt.

*****           *******           ********

Sierra chu zingtakah khua pawh a la var chiang lo tih chuan a tho chhuak nghal a, Pete chu a hnathawhna ah chuan a pui ve malh malh a, Pete chuan thlai eng ilo a in bulah chuan chingin chung chu dawrah pe leh chhawngin chumi hralhna pawisa chu mamawh leinan an hmang leh ṭhin a, Sierra pawh chu tlemin a zia awm tawh a vangin Pete hnathawh chu a tih pui ve malh malh a, khawvar hma a ṭanga an lak hi zingah Pete chuan gregory store ah pe in an mamawh a rawn hawn ṭhin a ni.

"Engtiang chiah in nge he ka chunga i ṭhatna hi ka rulh let ang che tih pawh ka hre lo." Ti in a bula Pete chu lawmthu a hrilh pah mawlh mawlh a.

"Sierra min rulhlet a ngai reng reng lo, hetia nang pui thei che a ka awm hi ka lawm lutuk zawk, chuan i kawr hak lai a vang khan pawi ka ti takzet, thawmhnaw dawr pangai ah ka kal hman silo a, heihi eichawp dawr ka kalna hmun a an neih chhun a ni si a." Ti in thupha a chawi nghala .

Sierra chuan alo hnial vat, "Chutiangin ka ngai hauh lo, a cute in ka duh zawng tak." Tih pah chuan a kawrfual hak ṭial rak mai tlang chu a zut pah neuh neuh a, eng ang pawhin sawi sel nise a tan chuan awmzia a awm dawn lo, chu ai chuan thawmhnaw mumal pawh neilo a awm kha a tan a hreawm daih zawk.

"Engpawh nise, he ka chunga i thil tih ṭhat a vang hian i chungah ka lawm em em a, ka dam chhun zawngin ka hre reng tawh ang, naktuk hian kal chhuah ka rilruk deuh tawh a, enge i ngaihdan Pete?"

"Kal na hmun tur dang nei in i in hre deuh em ni?"

"Nilo ve, he hmun a ṭanga hla tak ah hian kal a, heng lai hmun hi ka theih tawk a hlat ka duh vang zawk a nia, chu chu ka tan a him ber pawh ka ring." Ti in inchhung lamah an lut dun ta a.

An thlai lak chu Pete an a ken theih turin an buaipui leh nghal zung zung a, chutih lai tak chuan kawngkhar lam chu nazet hian an rawn tlawh hawng nghal rawp, Sierra chu a phu nasa kher mai, Jonas leh Luca chu suit dum vek a inbel chungin leh an kut a silai keng chung hian an kawngkhar tih chhiat a ṭang chuan an rawn lut a, "Ta hi le, ka nupui hmangaih tak chu!" Jonas chuan ti el khum pah chuan ngei awm zet hian a nui chhuak suk a, a nui hmel ngei awm lutuk chuan Sierra tha a ti khur zawih zawih nghal, chulo ah chuti mai a an rawn kal a rinloh lutuk na chuan engmah mumalin a hriat tir thei hek lo, thi ngei turah a in dah nghal tawp bawk.

Pete chuan thinrim zet hian, "Ka kawngkhar in rawn ti chhia a maw?" A lo tive hruih a.

"I vannei hle mai ṭhianpa, kan rawn tih tliah hi i ringruh a nilo hlauh zawk a." Jonas mit chu Sierra chungah a fu nghal chat , Sierra lah chu mithi tho leh hmu ang mai hi a ni a, Jonas hmel a hmu chu a dang var nghal vek.

Hlauhna a vangin a thaw dep dep a, a mit vai emaw ni tih hialna a nei, mahse a tak ngei ani bawk si, Jonas chuan a that chiang khawp ang le, a ni chu thi tur tho a ni a, a pawilo,mahse Pete hian engmah diklohna a nei lo, a ni hi chu an zuah ngei tur a ni ang, theih ang tawka a ngaihtuahna chu tih fim tum hian a bei ve a, chutiang anih loh chuan pawisawi lo Pete hian a tuar ve palh mai ang, an ni ho saw eng nge an nih a hre chiang hle a, tualthat tu dik tak an ni, chu lo ah Jonas kha thi turah a dah kha a ni a, dam pial a a han hmu leh chu a ṭhawng hle a, lawm tur nge lawm loh tur tih lah a thliar hrang thiam hek lo, mahse a rilru ah erawh tual chu a that em lo ve tih hi a awm a.

"Nang kha,chesawn la, bang lam nghengin va ding rawh." Luca chuan arawn ti ve a.

"Ka inchhung ah hian tih tur min hrilh hauh suh!"

Sierra chuan Pete hlauhthawn pui zet chung hian, "Khawngaihin ti tura an tih che chu zawm hram rawh."

"Che chhuak vat rawh." Luca chu a vin leh ṭhawt a.

Pete erawh Sierra bulah chuana la ding ngur a, Luca chuan Pete chu a silai tin leh chung hian, "Thil awlsam lam zawngin nge kan tih dawn a harsa lam zawngin?"

Pete chu a silai tinna chuan nazet hian a do sawk a, Sierra chu a lo ṭe chhuak ṭhat, "Khawngaihin a ni kha chu ti na lo hram rawh u."

Jonas chuan Sierra chu a pan hnai a, a mah ngaihnep hmel zeta melh chung hian, "He thil a ṭang hian awlsam takin ka kal tir mai che i ring ti raw, a ni em?"

Sierra chuan Jonas chu rapthlak ti zeta melh kaw kaw chung hian, "Ka tihpalh."tiin aphun chhuak sap a.

A thusawi dan chuan Jonas thin a ti rim zual sauh, "Min kap a, thi turin min kalsan zui a, chuan ka tihpalh tih thu i sawi hrep a maw?"

Sierra chu a kat deuh dawrh a, "Mah...se ambulance ka koh sak che kha."

"

I ti tak zet em?" Jonas chu a in sehruh ṭeuh mai a.

"Bro enge i sawi neuh neuh a, i tih tur chu ti vat rawh." Luca chuan a rawn ti a.

"A pawi ka ti tak zet." Tia Sierra chu phun chhuak leh sapin a meng khup ta lap a, a mittui a bianga luang thla ngiai ngiai chu Jonas chuan ahmuh hmaih thei tlat lo.

A mittui tla chu ngaih pawimawh loh tum takin a silai chuan a thin zawnah a tin ṭha leh a, mahse a hmet puak thei tlat lo.

"Jonas i silai kha hmet puak ta hrep che, kha nu khan thil a hre hnem mah mah." Luca aw chu a vin kher mai.

Sierra mittui lah chu a dir zung zung a, Jonas chuan thawk a la hawk, a silai tinna chu dah thla in, "Kan bulah kan hruai ve ang." A ti ta hmuk a.

"Bro eng maw i sawi a?"

"Kah hlum nghal tawp chu a tan a awlsam dawn lutuk, hetah chuan kan tih tur kan zo tawh e, mahse phuar hlawm ang che u."

"Nih leh hepa ve thung hi , engtin nge kan tih dawn?"

"Engatan nge kan tih vak anga, that ringawt rawh Luca."

Sierra chuan Jonas chu a hnaih phei thuai a, "Jonas khawngaih takin a ni saw chu kal tir hram rawh." Tih pah chuan Jonas jacket hak ah chuan a va khawih a, "Min va la rawn khawih ngam zawk ve, kha i kut tenawm zet kha la sawn thuai rawh." Ti a a lo vin tuar tak a vang chuan a kut chu a la let leh rang kher mai.

"Jo engtin maw ka tih dawn?"

"That rawh."

"Nilo, Jonas."

Silai chu a puak nghal ṭhuai thuai a, Pete lam chu a hawi nghal vat, chhuat lama Pete tlu chiah chu a va hmu hman a, "Nilo, oh my god i that."

"A landanah chuan angni ai chuan keini hi mithah ah chuan kan ṭha daih zawk a nih hmel khawp mai." Jonas chuan nui chhuak suk chungin Sierra chu a ti el khum a.

Sierra chu ṭap zawih zawih chungin pawn lamah a tlan chhuak nghal a, Jonas chu Luca chuan rawn pan pheiin, "Eng thil nge thleng leh ta?" A rawn ti ve hruih a.

"Ngaihtuah duh suh, keiman ka lo ngaihven dawn nia."

"I thil tih hi enge a nih i hriat chian ngei ka beisei, chuan tunah enge ni leh dawn?" Luca chuan a tih zawm nghal a.

"He in hi hal rawh u."

Sierra tlan chhuak kha pawn lamah a va ding khur zawih zawih a, Luca kha mifel tak angin a lo ngai ṭhin a, mahse Jonas ang tho a khawngaihna neilo leh mi nunrawng a nih zia tunah khan a hmu ve chauh a ni, Jonas an a lo hrilh tawh kha tunah khan a awih ta chiah bawk.

Pawn lamah chuan mipakhat sambuang leh Riccardo chu an lo awm reng hi a lo ni a, sambuanga zawk chu ṭawngchhuak ah ṭangin, "Sweetheart kal na tur i nei deuh em ni?" A rawn ti a.

"Riccardo khawngaihtakin min pui hram rawh." Sierra chuan aw khur dar dar chuan a ti a.

Riccardo pawh chuan Sierra thusawi chu engah mah ngaihloh hmel zet hian a silai chuan a tin ve nghala, "Sorry Sierra, ka cousin i kah khan ka laka i chuanna tur lawng chu hralh a ni tawh."

Sierra chu lungchhe zet leh beidawng zet hian a ṭap chhuak leh ta a, Jonas pawh a rawn chhuak ve a, "He nu hi car chhungah khan dah rawh u, hetah chuan thil.kan ti zo tawh e, buaina siam a tum a nih chuan a ka hup sakin a kut kha hnungkhirhin in phuar sak mai dawn nia."

"Sierra heti lamah." Riccardo chuan a tih hnu chuan Sierra pawh chuan ngawi reng hian a zui ve mai a.

Jonas chu kalsawn lehin Luca awmna lam chu a pan a, "Kan ti zo tawh em?"

Luca chu a rawn dak chhuak a, "Aw zo tawh." Tih leh inchhunga a oil leih buak ah chuan a thil hal kai chu a zu dep a, inchhung chu a kang ṭha duh kher mai, reilo te ah in chu mei pui hian a bawm khat ta vek a.

In a alh hlauh hluah hnu chuan an car awmna lam chu an pan dun leh a, "I penthouse lamah kan va drop leh phawt che u anga , chumi hnu ah kei ni pawhin airport lam kan pan ve leh nghal mai ang."

"In muhil hmasa phawt dawn lo em ni ?"

"Nah, in lamah ka haw leh hmasak zet phawt a ngai ang, a chhan chu rei tak a mah chauh a Em kalsan hi ka duh lo." Luca chuan alo ti ve sup a.

"Hmm, nupui tana husband ṭha tak hi chu i ni ve deuh a lawm ti raw."

"Nia, ka ni a lawm."

"Nih leh enge in an zel?"

"A ṭha e, kar hmasa khan a vawikhat na a tan naute a rawn che a, Em dul a rawn tlawh a, kan lawm teh a sin."

"Yeah?"

"Bro ka hrilh ang che, a nuam kan ti dun ngawih ngawih, kan tan chuan thil ropui zet a ni bawk."

"Ok, nangin a chutianga i sawi chuan ni kan ti mai a niang chu!"

"Nia bro, nikhat chu tiang hun hi i la tawn ve ngei ka beisei."

"Teuhlo mai."

"A nih leh Sierra a lo kir lehna hian enge a thlen dawn che?"

"Enge i thusawi awmzia chu?"

"Plan danah kha chuan a mah thah nghal kha a ni si a."

"Chu chu ka la ti ngei ang, mahse a thih hma a hreawm tawrh hmasak tir phawt ka duh maw le."

"Chu thilah chuan i chiang takzet maw?"

"Tehreng mai."

Car bul an thlen hnu chuan an lut nghal a, chu hmun chu an chhuahsan ta vang vanga, zan rei tawh lam deuh hian Jonas penthouse chu an thleng a, Car a ṭang chuan Sierra chu Jonas chuan a nam chhuak deuh lawp a, Sierra chuan engmah sawi selna tur anei lo a ni tih in hria in leh a ni pwah hi an thah hmabak a ni tih in hre ran in engtin mah a sawi sel lo.

Luca te leh Jonas an in thlah fel hnu chuan Jonas nen pent house lam chu an pan dun a, inchhung an luh chuan room chhung chu alo thimṭhiap a, Sierra rindan chuan living room ah an awmnghal ni mai hian a hria, Jonas chuan light engvak lo hi a rawn ti eng a, chutah chuan thil a hmu thei ta a, a awm bo chhung khan engmah Jonas penthouse chu tih danglam la nilo in ala pangai vek tih a hmu thei nghal a, Jonas chuan engvanga a nunna hi la zuah sak nge a nih a, engvanga kha hmuna Pete ruala kap hlum mai lo nge a nih tih kha a ngaihtuah lo thei lo .

"Tlan chhuah leh tih lam kha chu ngaihtuah pawh ngaihtuah duh tawh reng reng suh." Jonas chuan a ti ram hmuk a. A thusawi chu chhunzawm lehin, "He penthouse chhung zawng zawngah hian alarm dah vek a ni tawh." 

"Hetah hian min khung reng theilo ang." A ti chhuak ve sep.

"Chutiang a nih dawn chuan ka thah mai che a ngai dawn tihna mi, nge mi i kah ang chiah khan ka kap hlum.ve nghal zawk mai dawn che?"

"Ka hua che." Sierra chuan achal a dawm pah raih a. 

"Babe ṭawng ring rawh, i thusawi kha ka hre thei hauh lo a nia."

"Ka hua che ka ti a nih chu!" Ring zet hian a ti leh a.

"Yeah, min kah ni khan kha chu i ti chiang daih tawh a lawm,mahse nangpawhin heihi hria la ka duh, kan ngaihdan chu a inang dun khawp mai."

"Ka unaupa i that a lawm."

"Luke Westlake kha i tihna a ni ngei ang." Jonas chuan a ti chhuak ṭhawt.

Sierra chu a ṭhawng kher mai, a phu deuh zawk, "Engtin nge a hming te i hriat theih zawk a?"

"A chung chang thu engkim.ka hre vek maw le.... chuan i pa ngei pawh."

"I unaupa kha ka thah lo ni zawk se ṭha zawk tur hi a nia le, mahse vanneihna chu ka kutaha a awm talo a a pawi hrep a nih hi!"

"Eng thu nge i sawi chu?" Sierra chuan mak ti zet hian a melh chho a.

Jonas erawh angawi run thung, "Mahse tattoo kha....."  a kutin ahmui a hup chaih a, a inngaihtuah buai hmel hle bawk.

Jonas chu inher vut pahin Sierra chu a kal sawn san a, "Kha i thawmhnaw hak ṭhing lutuk kha thlak thuai rawh."

Jonas chuan a room lamah a luhsan ta daih a, chhuah a tum a nih chuan a hre thei dawn chiang lutuk tih lah a hai lo, rilru nuam zet chuan a mutsan ta daiha , a chungah eng thil nge a thlen tir dawn tih chu zingin a la hril ang chu!

THE NEXT MORNING.....

Jonas chu zanlam ah mut mu a hmuh ṭhat em a vangin zing lamah pawh a tho hma viau a, a coffee tur siamin a innghal a, Melody rawn chhuak chuan a ṭhawng kher mai, damn a awm ve tih ka lo theihnghilh daih tawh, ati rilru rauh rauh a.

Bra leh kekawr te nen chauh a rawn tho chhuakin a ke zenzaih leh sei thlarh chu a ti lang chiang hle a, "Good morning honey." Tih pah in Jonas hmuiah chuan a rawn fawh sak zauh a, a thawhna a rei tawh nge ni Star ang maiin make up a hmang hman vek.

"Morning." Jonas chuan a lo ti ve sup a.

"Tunah i lo thleng chiah tihna mi?"

"Nilo, nizan khan ka lo kir tawh."

"A nih chuan khawihah nge i mut a?"

Jonas chuan a coffee in na noruak dah pah chuan, "Ka khum ah." Ti in achhang a.

"Nih leh khawiah nge ka mut?"

"Guest room ah.'

"He hmuna zan awm turin min ti a, i rawn kir hnu ah pawh khumah kan mu dun lo a?" A meng nur deuh nang a.

"Melody tumah ka khum ka ṭawmpui ngai lo, chu chu ka tihdan a nih chu!"

Melody chuan a rawn pan hnai a, "Nih leh tukin lam te plan kan nei em?"

"Hna thawh ka tum, thlah hawn lam che te i ngaihdan a ni em?"

Siera a rawn lang ve nghal a, "Baby i sl*t i lo hruai lut leh pek tawh a ni maw?"

Melody chu mak ti zet hian a inher a, "Excuse me?"

Jonas chuan Sierra lam chu rum zeta melh chungin, "Sierra i ṭawngkam kha fimkhur viau rawh." 

"Thil eng emaw hmuh hmaih ka nei em ni?"  Melody chuan ti zauh pahin Jonas chu zawhna zawh hmel.zet hian a en chho a.

"Aw, i thawmhnaw i theihnghilh ni in ka hria." Sierra bawk chuan a lo tih khum leh a.

"Ngah mah ngai duh suh a ni kha chu!" Jonas chuan a ti ve hluk.

"Jonas he nu hi tunge?"

"Tumah a ni lo."

"Uhh,a nupui ka nia."

"A nupui i ni maw?" Melody chu a meng phawk nasa mai.

"Jonas nupui i nei tawh maw?kar tam fe chu kan in date tawh a....mahse chutih chhung zawng chuan nupui i nei tawh emaw lam pang hrim hrim i sawi lang lo reng reng?"

"Babe chu kar tam tak chhung min lo rinawmloh san tawh a ni maw?bad boy dik tak chu i lo ni chiang a lawm." Sierra bawk chuan a ti nawn leh ngat.

"Sierra ṭawngtam lo. mai teh, chuti lo chu ka thin in a tuar rei hauh lo ang."

"Enteh Melody, kan inneihna chu a tawp tawh." A ti leh nghut a.

"Nih leh a ni hi engvanga la awm si nge a nih?"

"Nia, babe engvangin nge ka la awm reng chhan?"

"Sierra he hmun a ṭang hian kal chhuak vat rawh."

"No problem Maddie hmu turin ka kal dawn a nia."

"He pent house hi i ke khan pen chhuah han tum.na teh."

"Engvanga chhuak theilo nge a nih a?" Melody chuan a lo ti leh sep.

"Yeah, engvanga chhuak theilo nge ka nih?"

"A tawk." Vin lutuk hianJonas chuan a ti chhuak ta hrawk a.

"Melody nangpawh i chung chang nilo ah chuan lo inrawlh tawh suh ang che, chuan kal la thawmhnaw chu va inbel vat rawh."

"Jonas." A phu deuh zawk a, Melody chu mittui tling pam hian a room lam chu a pan nghal a.

Jonas chuan Sierra lam chu melh lehin, "Nang pawh hre rawh, kha i kâ kha i hup lo a nih vaih chuan i room chhungah rei tak chhung phuar beh i ni ang."

"Oh kinky." Sierra chuan a tih khum zauh. "Mahse kha i grilfriend thar tan khan tlem.tal chu khek ve ang che vawka." Tum hmarh chung hian a room lam chu a pan tau a.

Jonas chuan Sierra awm dan chu a man chiang kher mai, oh a thik chiang a phur awm e, a thik tur a ka awm chunzawm zel a ngai ang, ti in ngaihdan thar a nei ta a.

Jonas chuan fridge a tui bottle chu la in a in te te a, Melody room lam chu a pan a, mahse Melody chu thawmhnaw inbel fel sa in a room pawnah a phone khawih malh malh hian a va hmu a, "Melody a chhan ka sawi fiah thei."

"A ngailo ang, taxi koh ka lo tum mek a.... chuan ka kal chhuak tawh mai ang." A mittui parawl ṭeuh chu a hru pah zauh zauh bawk a.

Jonas chu a in ngaihtuah run run a,  chumi hnu chuan, "Awm rawh." A ti chhuak ta sup a.

Mak ti zeta Melody chuan en chho chung hian, "Eng maw i sawi?"

"Ka hria a lawm, Sierra rawn awm ve hi i tan a nawmloh phah viau ang, mahse ngahmah ngai duh suh, rei tak chhung a awm pawh a ngai lovang."

"In inṭhen tawh a nih chuan engvanga heta la awm reng nge a nih chhan hi ka hre duh?"

"Thil a buai chuar rih a nih hi!"

"Engtiang lama buai chuar in maw?"

"Enteh Melody kan inṭhen tawh tih ka hrilh tawh che kha, chu chu a chhan a ni rih mai, chu zawng bak chu ka hrilh thei rih lo che, nang pawhin chumi chhung chu min lo nghak ve thei ang tiraw?"

"Nih leh emgvanga heta ka awm ve hi duh nge i nih?"

"Ka duh che."

"Kei pawhin ka duh che a lawm, mahse.... hei erawh min tiam theila ka ti, a ni leh nangma inkarah hian engmah thil thleng a awm tawh lo ang tih hi!" A ban tuai neuh neuh pah chuan a ti a.

"Ka tiam a che."

"Chuti a nih chuan kei pawhin he ta awm ve chu ka duh e."

Jonas chuan a mit siai khum suk pah hian, "Chutiang thu ka hria chu ka lawm e." Ti in duhthawh zet hian Melody chu a fawp ta nghal a.

"Zanin hian engvangin nge dinner ei tura kan chhuah dun mai loh ang?"

"Ka hrilh tawh che kha, kan inṭhenna hi kan buai pui zawh hma chuan midangin min hmuh hi a mawi lo, a bik takin mahni chauh ni lo leh nghal phei chuan." Melody chalah chuan a fawh sak leh zauh a.

"Jonas ka hrethiam lo."

"A buai chuar nuaih ti a ka hrilh tawh ang che kha a ni e."

Melody chuan thawk a la ve halh a, Jonas chuan sawi chhun zawm
lehin, "He penthouse pawn lam leh midang bulah ah chuan ṭhian ang chauh kan ni bawk tur a ni ang, chu chu kan inthenna zawh hun chhung zawng hman a ngai ang, chumi chhung zawng chu ka tan i ti  thei ang em?"

Melody chu a bu ve ta nghat nghat a, "A nih chuan ka apartment a ṭang in ka thawmhnaw tlem a zawng ka va lak a ngai ang." A ti ve ta a.

"Ok."

"Tun a tanga reilo te ah kan in hmu leh dawn nia." A tih chuan Jonas chuan kawngka chu a hawnsak ta a.

A kal chhuah dawn chuan Melody chuan duh thawh zet hian a rawn fawp leh a, a kal liam ta nghal a, Jonas pawhin kawng a kalh leh chiah.

Living room lam chu panin sofa chungah chuan a ṭhu a, a phone chu la in Elijah a be ta nghal a,"Elijah keimah."

"Ni rei vaklo chhung inlam a ṭangin hna ka thawk dawn a nia, emergency thil viau a nih loh chuan min rawn biak tum lo ang che."

A ding chhuak a, tukverh lam hawi pah chuan, "Inchhungah ni rei vaklo ka in khung dawn tihna a nih chu!"

Jonas chu a phone cutin a in her let a, a room lam pan a tum a han inher chiah Sierra a hnunga lo ding reng nen chuan an in su ta pawp a, "F*ckin hell Sierra...."

"Ka lamah i rawn kal a nih kha."

"Engvanga ka hnung alo ding reng nge i nih hrep?" Jonas chuan a vin nghal ṭhawt.

"Ka unaupa kha tu thah nge tih ka hre duh?"

"Chu chu a pawimawh viau em ni?"

"Aw, pawimawh lutuk." A lo ti ve hlar a.

"Luca in athat."

"Luca in a that a maw?" Sierra mit meng chu a lian kher mai, a hmelah chuan maktihna hlir bak hmuh tur a awm lo, thawk a la halh a, "ma....mahse engvangin nge ?"

"Thahna tur chhan a nei a ni mai a lawm, chuan thah kha a phu vereng pawh ani thei bawk."

"Eng chhan maw, eng mah chhan awmlo in a rawn kap hlum tih hi ka chiang lutuk."

"Hmm, a thah chhan chu a hre khawp mai, chu chu engtin mge maw i hriat zawk hrep chu le?"

"Ka .....ka...." Sierra chu angawi leh daih a.

"A ṭha e, i thuruk chu tikhan zep zel ang che, Luca hian chhan awmlo in tumah a that ngai lo, nangpawh ti khan hahdam takin i chawl thei ang, i unaupa Luca'n a thah na chhan chu thih a phu em vang a ni mai tih hi pawm tum tawh ang che."

"Chhan ṭha tawk tak neih a vangin kha pa khan tumah a that hauh lo, enge a thah nachhan tha tak chu, Pete pawh kha nih leh engvang a that nge a nih, nangman that tura i tih kha chhan tha tak chu maw ni a?" Sierra chuan thinrim.takin Jonas chu a kut zungchal hian a kawk a.

"Pete chu tunge maw ni leh hrep tawh le?"

"Nimina Luca thah kha Pete a nih kha, kha pawh nangman that tura thu i pek vang chauh leh nghalin."

"Kha Pete i chunga thil ti tu kha maw babe, engvangin nge a thah tih chuan, nangmah vang chauhin a nih kha, a mawh phur tu tur chu nang ngei hi i ni bawk, nangman ka chunga i thil tihah khan i hnuk lut a, tichuan a ni pawisawi lo khan a tawrh phah ta bawk a ni,i hrethiam em?"

"Kalna tur dang ka nei silo a lawm." Sierra chuan pawi ti zet hian a ti chhuak a.

"Babe kha te chu mi i kah hma khan ngaihtuah lawk hmasa tur i ni a sin, tunah hian  mithi sa mai i ni tawh, kei hi i hlauh ber tur lah ka ni hek lo."

"Enge chu chu a awmzia?" Sierra chuan Jonas thusawi chu aman thiam lo kher mai.

Jonas erawh chuan chhang talo chuan a kal pel thuak a.

"Khatin ka zawhna chhanglo in min kalsan hauh suh." Ti a au zuiin Jonas chu leh pelh tum hian a umzui hlak hlak a, Jonas lah a kar zau nasa mai si, Sierra chu a tlan deuh thaw a ngaih phah hial a.

Kitchen an thleng hnu chuan Jonas hma ah tak chuan dingin, a zawhna ngai chu a sawi leh a, "Enge mithi tawh ang mai ka nih nachhan chu, chuan nang hi ka tan a hlauhawm.ber pawh i nilo ti a min hrilh hi sawifiah vat rawh." Tih pah chuan a mah kawhnan azungchal chu ahmang leh a.

"Jonas min chhang vat rawh."

"Babe kha i kut kha nangmah inkawhnan hmang zawk ta che."

"Engthil nge thleng tih hi engvanga min hrilh duh tlat lo nge i nih Jonas?"

"Sierra i lo mawl hlum lo chauh thin em ni?"

"I thusawi awmzia chu ka hrethiam hauh lo." A mitko a sankhum ve ak a, a inkuang kuah hlan bawk a.

"Silai a min kah hma khan eng thu nge ka hrilh tawh che kha?"

"Kha kha maw, ka nunna lak duh tu an awm i ti a nih kha, chuan i thusawi kha ka.awih bawk hek lo."

"Engvangin nge ka nunna chu lak an duh rik ngawt anga?" A meng nur deuh nang a.

"Hmeichhe luhlul leh dilchhut zet leh mawl zet nanglo chu ka hmuh pawh ka la hre nek lo ve, ka lo hmu a nih pawhin chung ho zingah chuan a nasa ber pawl i ni ngei ang." Ti a sawi in a chal a dawm khum ruih bawk a.

"Ti hian ngaihtuah han tum chhin teh, ka pu unaupa in rosum tam tak multibillion dollar company a neih theihna tur kawng dal tu ber chu nang hi i ni a, chuan i pa pawh hi tunge a nih kan theihnghilh loh bawk a ṭha ang, chuan hmelma a insiam nasa ang tih pawh hi ring ta i la, chuan nang hi a fanu ilo nih tak si ah chuan nang hi that che in ipa laka phuba la a inngai te pawh an kat nuk ta ve ang."

"Kar rei vaklo kalta ah kha chuan chu thil a ṭanga i nunna chhan chhuah  tumin leh humhim che tumin ka bei a, mahse chung thil ka tih tumna zawng zawng te chu nang hian ti khawlo zo in a thla a thla chhung i kal bo a, ka hna pawh thawk theilo in a thla a thla chhung teh meuh mai kha in enkawl nan ka hman leh a ngai zui ta bawk a."

"Chu chu enge a awmzia?" Aw tham chal hian a lo ti tham ṭiak a.

"Chumi awmzia chu maw, hit hi ka hnenah a awm rei thei lo tih ka sawi tumna mai a ni e, he thil ka tih loh reng chuan kei chauh nilo midang an tam a, chung ho kutah chuan hlan chhawn ni in, a ti hma sa sa hnenah pawisa chu pek a ni ang."

"Engtin nge chu tiang hit chu i neih theih a?"

Jonas chuan a rilru in number a lo chhiar a.

Three

"I thusawi dan kha a khirhkhan em a lawm."

Two

"Chuan eng chung chang nge tih hi ka hrethiam...."

One

"Oh my god, nang hi hitman an tih ang chi i ni maw?"

"Kha i hre chhuak ve ta a lawm Einstien."

Sierra chuan a kut leh lam lehlam chuan a lu a dawm a,"Hitman i lo ni reng a maw?" Ti in a au chhuak ta chûl a.

Jonas chuan engtin mah a chhang ta lo chuan tui bottle chu la in a kalsan ta daih a.

Oh God nilo, nilo, Jonas hi hitman a lo ni reng a maw? Sierra phei chu a ṭim sung sung nghal, oh engvanga lo hre lo nge maw ka nih le? Zan a kal chhuah ṭhin lai te khan Star emaw hmeichhe dang a kawp turah ka lo ngai a, khatih lai te khan mi a lo that ṭhin reng tihna em ni ang?

A FEW HOURS LATER....

Sierra chu ngui lutuk in a room lam a pan a, Jonas hitman a lo ni reng chu rin harsa a ti kher mai, oh engvanga lo hre lo nge ka nih le? Tunah ngei pawh hian rin harsa ka la ti tho mai, $500,000,00 (50 million) hmu turin a duh chuan min that thei reng si a, mahse a ti si lo.

"Oh chu ai chuan min puih a tum a, kei lah chuan ka lo kap zawk za mah leh ta nghal vei nen."

Ka biak ngei a ngai ang, chhanna ka mamawh,  keimah a zawhna awm hi chhan a nih hma chu engtikah mah a dik thei ngailo ang, ti rilru chung chuan Jonas room lam chu a pan ta a.

ZANIN FAKNA HMET INTAM DAN A ZIRIN NANKTUK ZANAH DAH LEH ṬAWK KAN TUM ANG, IN HAN FEL VIAU MAI HI CHUAN HMAN LO CHUNG CHUNG PAWH A BEIH ṬANG ṬANG HI A CHAKAWM VE A NIA, VAWIIN LAMAH PAWH LO LAMAH TE THLENG THLENG  KA TYPE A NIA