TSEPNAYA REAKTSIYA MAFIA ROMANCE CHAPTER 18

TSEPNAYA REAKTSIYA   MAFIA ROMANCE CHAPTER 18

TREY .....

Callie chu a ṭap leh ringawt tawh,"New York ah ka hum him thei záwk ang, a chhan chu ka mipa ṭha tak tak ten an vâiin an véng thei ang, ka inlah security system vek a ni bawk a."

"Mahse ka tello chuan a hlim hauh lo ang, nang hi ala hre bawk silo che a." Inhnít hlap hlap chung hian a ti a.

Tháwk ka la hawk a, "Callie a nu i ni a lawm, i lo kal ve duh anih chuan i kal ve thei reng a nia, mahse tûna ka ngaihtuah hmasak ber tûr chu Theo nungdama dah a ni."

"Trey ka hrethiam e." A mittui luanna chu a kutin a hru hul a.

"Tûnah chuan insiampeih tîr tawh la aṭha in ka ring!"

"A nih leh Bakery hi engtin nge niang?"

"Kha chu ngaihtuah duh suh! Ka kutah dah la ka lo tifel dawn nia,"tiin ka chháng a.

Callie chu a che ta sawk sawk a, a insiam a phî buai lai chu thlîr deuh ngar ngar pah in, he thil ti tu hi tu pawh ni rawh se, pawi an la ti khawp ang.

LAX AIRPORT
ONE WORLD WAY, LOS ANGELES CALIFORNIA

Jet ah chuan kan lût a, darkar thum lai mai kan thlawh hnu chuan Theo chuan a nu bulah chuan,"Mummy rilṭam!" A ti chhuak a.

"Ka hria sweety darkar hnih chiah angâi tawh ania,,chumi hnu ah chuan eirûr eng emaw pawh kan ei theih ngèi ka beisei." Callie chuan tiin Theo chhîpsamah chuan a fawh sak zauh a.

Theo chu anu malchung aṭanga tál thla in ka lam chu a rawn pan a. A mitmu hring nghalh chuan min melh chho kal a, a mitmu chu a té reuh viau a chu a mengfiah kâk mai.

"Eng nge ni ta little man?" Ka nuih suk a.

"Tu nge?" Ka chhân hma loh chu a din duh hmèl, little Trey dik tak chu!

"I daddy ka nih hi!"

"Aih, daddy a kal tawh!"

"Well, ka lo kîr leh tawh alawm."

"Theo heti lamah hian lo kal leh vat rawh, tûnah!"

Callie chu ka melh a, "Dawt sawi na chhan tûr a awm tawh lo." Ka ti pah sup a.

"Theo, ka thusawi i âwih dawn em?"

"Yes, mummy!" A nu bulah chuan a va ṭhu veleh mai a.

BACK IN NEW YORK...

Ka in lam panin car chuan kan tlân a, kan thleng inchhûng kan lût chu Callie hian phu deuh zawk chung hian,"Wow, he hmun hi a danglam riau!" A ti deuh hlut a.

"A pawi vak hlei nèm, chuan Theo eng ang room nge i duh ang?" Tiin ka fapa chu ka melh leh a.

"Cars!"

"Cars â?" Angaihna ka hrethiam hauh lo, car chhûng chu room ah a duh tihna em ni ang? Ka bangbo lutuk hmél chu Callie chuan alo hmu a, aman arawn chháng ta a.

"Uhm... Disney cartoon chung châng a car a nia a sawi!" Tiin min lo hrilhfiah a.

A ṭha e, pa nih chu kan zir poh aniang chu! "Uhh, chutiang cars chu maw i lo sawi a?"

Theo chu a bu ve nghat nghat mai,"Theo kal la kitchen awmna lo va zawng ta che, kei pawh ka rawn kal har lo ang." A tih hnu chuan Theo pawh chu a kal ve mai bawk a.

Callie chu melh deuh rûn pah hian, "Theo chu i bulah a riah mai rih angai ang, a room tûr ka peih fel hma zawng chu, eng nge i ngaihdân?"

"Chuan Danna pawh khawiah emaw hmuh tûrin a awm ang, a ni hian eitur lampang chu a buaipui ang."

"Dana maw?"

"House keeper a nia!"

"Ka fapa eitur chu kei man ka siam ve thei reng!" Alo ti nghat a.

"I tih dân dán le." Callie chu Theo kalna lamah chuan a phei ve ta a.

Ka phone chu ka phawrh chhuak a,"Detroit keimah!" 

"Mi dang ho kha lo hrilh la, darkar chan ve chhûngin meeting kan neih angái ang, ware house aiah hetah a ni bawk ang."

"Chuan decorators ho kha lo hire ang che, ka room piah chiah a room pakhat awm hi cars ang chi khân lo chei rawh se."

"Ka hre hrep lo Detroits, Disney cars chungcháng a nia ka sawi ni! Chuan rang tak a ti tûrin ka duh bawk ang, a rei berah nihnih chhûngin an ti zo ngèi ngèi tûr tih kha hrilh bawk ang che."

Ka phone chu ka cut a, ka room lamah shower hmang tûrin ka kal ta a,  shower ka hmang zo thawmhnaw dang a ka inthlâk hnu chuan ka office lamah midang lo kal hun chu ka nghâk ta a, anni pawh chu an rial rei lo hlawm khèr mai, minutes nga ka awm hman deuh chauh ang, an rawn lamg ve nghâl sap sap a, "Boss eng nge ruahmanna kan neih?" Detroit chuan a rawn ti chhuak sup a.

"A hmasa ber atân chuan tunge he luman hi pe tu tûr tih  kan hriatchhuah phawt angai ang, chu thil kan tihlâi chhûng zawng chuan nangni pathum hi he hmunah hian in awm ve ang a, Callie leh Theo hian ka phalna la lo chuan mahni in he in hi an kal chhuahsan bawk túr a ni lo."

"He thil hi Callie pawhin a hriat tûrin in ti chiang dawn nia." Clegg chuan a ti ve khauh a.

"Kan rules chu a tih ve ngei a ngai ang."

"Boss tûnah chuan eng nge tih tur tih hi i hria maw?" A nui pah vur vur a.

"Detroit rilru nuam lo zet a min siam hi i tum ti raw?" Ka thaw chhuak hrawih a.

"Boss hian eng nge tih a tum ber a?" Hunter chuan hriatthiam loh hmél zet chuan a rawn la ti ve hû bawk a.

"Callie hi a nei mai ang chu!" Detroit chu za zet hian a nui chhuak a.

"Boss i ti tak tak em?" Clegg min zawhna pawh chu chhâng lèm lo hian ka menkual khum rulh a.

"Leader ber laka ṭang a rokhâwm tu tur a piang anih chuan sâwn a ni túr a ni lo, ka sawi awmzia tak chu kan Trey boy hian Callie hi nupuiah a nei dâwn tihna anih ber chu!" Tih pah chuan mit min rawn siai khum suk a.

"Well, good luck boss, Callie hi i nupui tûr a i thlan tâk a vângin!"

"Hunter ani hi ka thlan a ni hrep lo tih hi hre teh!" Thinrim awka vîn zet hian ka ti chhuak hluk a.

An za vâi chuan za zet hian an nui a, "Boss i vánnei viau in kan lo hria a sin, fa hmasa ber i neihah a diaper pawh pakhat té mah i thlâk sak lo a nia." Hunter bawk chuan ti lehin, an zavâi mai chuan an nui leh hawk hawk hlawm a.

"Mi â ho leh!"

CALLIE......

Theo chu ka bulah ka mut pui a, kei pawh tlèm mut ka mamawh, ka châu tel tlat!

Chutih lâi tak chuan room kawngkhâr chu a rawn inhawng a, Trey chu a rawn pèn lût ve nghâl a.

"Hetiang hian a mu rei viau ṭhin em ni?

"Ni chuang lo, mahse darkar eng emaw zah erawh a ngái thung ang, a flight chuanna khân a ti châu deuh hlek a." Trey melh chho kal chung chuan ka ti a.

"Pawi ka ti lutuk, meeting kha ka rin ang âi in a kal rei zék a."

"A pawi hlei ném."

"Thil pakhat kan pahniha sawi fel ngâi a awm a, Theo awm tello se a ṭhat leh zual ka ring." Min en deuh vung vung a, a hmél chu a thu tak khur bawk a.

"Nak tûkah a theih mai loh em ni? Ka cháu tak zet zet." Ka ti chhuak sap a.

"Aw le, naktûk chuan kan inbiak ngéi a ngai ang, a pawimawh teh a nia." Tih chhuah leh sup pah chuan a inher vut a, room aṭang chuan a kal chhuak leh ta nghál a.

Eng chung cháng nge sawi dun a duh tih chu hre thei nghàl hialin ka inhria.

THE NEXT MORNING....

Choka lamah chuan Theo nen kan phei dûn a, a damlo emaw a chau viau anih lèm loh chuan a tho hma thei hlĕ ṭhin!

"Theo breakfast ah eng nge i duh ang?" Coffee chhuan kâi pah chuan ka ti a.

"Hre lo."

"Theo thlang fel vat teh aw!"

"Morning!"

A taksa hîpna ngah zet chuan min uap leh rûn tawh, a after save hman rim chuan ka hnàr a verh zar mai, a rimtuiin a man pawh a tam khawp ang le, "Morning breakfast i duh ve nghál em?"

"Duh lo mai ang, mahse coffee erawh siam anih tawh chuan ka lo in ang e."

"Lo ṭhu rawh ka rawn siam nghál ang." Ka kut khûr leh dar dar tûr chu thup hràm hrám  ka tum, engváng a ka bulah, hepa hi a awm mai avánga hetia awm ziah ṭhin nge maw ka nih le?

Trey chu adinna hmun aṭang chuan akal sawn a, ka thaw huai mai, Theo bulah chuan ṭhuthmun a rem ve a, an pafa chu an inchhûn dûn tak zet, "Morning buddy nizán lam te i mu ṭha em?" Trey chuan a ti zauh a.

"Yep!"

"Phone ah khán eng nge i tih a?" Hun âwl aneih hi chuan Theo hian ka phone chu min dîl ziah ṭhin!

"Games khèl a!"

"A ṭha e."

"Room thar?"

"Nak tûkah i hmu ngei ang, i lo ngaihtuah ang chiah khán a ni bawk ang, thil pakhat hriat rúk  ka nei a, mahse a ṭha lutuk tlat."

Chu thil a sawi veleh chuan Theo lawm lutuk chu a bân aphar a a âu deuh chûl a, dawhkan chu a achûm deuh dat dat bawk a, A eitûr ken phei pah chuan, "Duhtáwk teh Theo, kha i breakfast hi ei phawt rawh! Chuan hei i coffee tûr!" Tiin an pahnih thil tûr chu dawhkân ah chuan ka chhawp sak a.

Trey chuan min rawn melh chho zauh a,"Ka lawm e."

Theo chu a ner deuh nâwng nawng a, "yuck!"

Theo hian break fast atân hian siamchawp ngat a duh ṭhin a, tûkin chu ka hman hlawl lo, ka tho tlâi a ka châu hluah hluah bawk, chutiang thil chu ka siamsak peih tlat .
"Theo ei ringawt rawh, anihloh chuan room thar i nei lovang."
Roomthar neih loh hlâu tak chuan a eilui ve mai bawk a.

Ka inher kal sawn ka tum lâi tak chuan Trey chuan "Callie!" A tih avângin ka inher lét leh a.

"Yes Trey?"

A coffee no chu la in a rawn ding chhuak a, "Tlai lamah dinner ei tûrin kan chhuak dawn nia, biak duhna che ka nei."

"Theo hi engtin nge ni ang a?"

"Mipa ho in an lo en rih ang chu!"

"Trey ka hre lo le!" Ka bân chu ka tuai pah neuh neuh a.

"An bula alo awm chu ahim ém ém ang tih hi ka chiang a ni, ka mipa te pathum chu hetah hian an chéng leh nghâl."

Ka phuzawk, "engvâng a Hunter, Detroit leh Clegg chu heta chèng ve nge an nih?" Mak ti zet hian ka záwt a.

"Hetah hian kan mamawh alawm, kha thil chung cháng cang te pawh khân ani ang chu!" A mitmeng hringnghalh chu meng zîm san chungin min melh chhuk vang vang a.

"In roomah khân Theo nén a in thawmhnaw thar túr a awm ang, in mamawh ribg in tûkin zîng khân ka lo leisak che u a."

"Ok, ka lawm e."

"Phone a mi biak lawk tûr ka nei a, Theo pawh ti fâi in lo insiam la dar li ah kan chhuak dawn nia."

"Aw le."
A in her vut a, a coffee inna no chu dawhkanah chuan hûngin a kalsawn ta nghâl a, Theo bulah chuan va phei leh rihin, "Theo hmanhmawh rawh! Inbual leh i thawmhnaw te hâk ila ngâi dawn leh nghâl." Ka ti nguai raih a.

Theo hian inbual a duh rei thei tawp, chuvângin kan inlamah phei kha chuan Julie hlîrin abual ṭhin a, kei chuan chawlh ka neih lâi chiahin amah bualnân chuan hun ka nei ṭhin, bubble siam vak angai a, toys la lûtin min inkhualtelem pui ziah ṭhin, tih tir loh pawh tum mah ila tih angâi tho tho zél, chutiang chuan engtin emaw tak a thil duhzâwng a athuhnuaia min dah chu Theo hian a thiam tlat.

Kan tho tlâi bawk nen Theo ka siam fel a keimah ka inti fai leh meuh hnu chuan tlailam darli a lo ri thuak tawh tih ka hrechhuak ve chauh, inhnuai lamah Theo chu ka hnut chhiah a, hmanhmawh zetin kan room lam chu ka pan a, dinner ei chhuak túr chuan ka insiam ta sawk sawk a.

Shower ka hmang leh zuai a, ka sam chu ka chhemro leh sawk sawk a, thawmhnaw dahna chu hawngin kawrfual pawdal raih mai a nghâwng a gold colour a chei mawi chu ka thlang chhuak a, ka sam chu ka thlah mâwl tawp a, ka hmâiah chuan powder tlém hnawiihin lipstick sen ka hmúiah chuan ka tât leh zaih a, darthlalang hma ah chuan ka ding deuh vang vang a, ti chuan kal tûrin ka inpeih ta in ka hria.

Inhnuai ka zu chhuk leh chu ka ding deuh dat a, Trey leh Hunter ti ti chu ka ngâithla ta a, "Chu zanin chu zawhna pawimawh tak i sawi chhuah hun maw ni a?"

"Khatiang zâwng khân ka dah dawn hauh hlei ném Hunter! Paper ah chauh thu dik tak ani ang tih a lan hi ka duh ber."

Eng thil nge an sawi ang aw? Ti a ngaihtuah rauh rauh chung chuan an bul chu ka thleng thla a, "Ka inpeih e." Ka ti chhuak ta sap a.

A hun tawh réng a ni." Trey chuan a lo ti hluk a, hepa lakah hi chuan ṭawngkam nélawm tak dawn ka in beisei tawh lo law law, ani lakah chuan chûng ṭawngkam thlum leh nélawm tak te chu vâna rah ang tluk zet a ni si a.

"I lang ṭha lutuk a nia Callie."
Hunter chuan tih pahin a mit chu min siai khum zauh a, ka zám khér mai.

"Hunter ka lawm e." Ka ti ve sap a.

Hunter he hmunah hian nikhat chiah ila rawn chèng a, i nupui pawh i ngaihtuahna ah i dah thei lo nghâl ringawt a maw?" Trey chuan a ti chhuak hluk a.

Detroit chu Theo a malchunga pawm chung chuan a rawn ṭawngchhuak ve a, "Callie, Hunter khân a sawi dik chiah i langṭha tak zet." A lo ti ve a.

"Huney meialh kâng lâi ang mai i ni!" Clegg chuan nui vur vur chung hian a rawn ti ve bawk a, kan nui ta vek a.

Trey chuan thinrim zet hian, "Mi chhaw awm khâwm in nih chiah hlawn hi!" A in her vut a, a kalchhuak ta nal nal a.

Midang ho chu an nuih a za sauh.

"Guys ka lawm e."  Ti leh zauhin Trey chu ka ûm zui ta vat a.

Pâwn ka chhuak chu Trey ka hmu mai lo, Limo car hi a lo ding reng a, tah chuan ṭhuin min nghâk a ni chiang mai, kha a awm dân naupan chhiat thlâk zet mai khân ka nuih ala ti za reng.

Car chhûng ka lût chu alo ṭhu rûn a, rum zet hian min lo en a, ka ṭhut luh veleh chuan Driver chu kal tûrin a hrilh ta nghal a. Kal kawng tluan chuan kan inbe lo hrim hrim, Trey hi chu thinlung vawt tak nei ang chi kha a ni miau a.

GRAMERCY TRAVENT RESTAURANT
42 E 20 St New York

Trey chuan restaurant chang kâng zet chhûngah hian min luh pui a, dawhkán pawh alo hauh sa diam tawh, chutiang hmun chang kâng tak takah chuan ka awm a nuam thei ngâi lo. A dawh kân hauhna lamah chuan waiter hian min hruai a, champagne a hma daih a ka lam ang ngei man to zet chu a bottle in a rawn la a, Trey tân erawh chuan wine a rawn la thung a, kan no a min thlitsak hnu chuan a kal sawn leh ta a, Trey chu melh zauh pahin, "Héng thil zawng zawng hi eng váng nge?"

"Well, hei vâng hi maw le Callie," chîk zet a mi rawn en pah chuan, "Kan in nei dawn!"

A thu rawn sawi chhuah dân teh tawlh chuan min ti han haih vek, "Eng maw?" ka kâ chu ka áng pam a, Trey chu ka melh tlawk tlawk a, engmah tih zαi ka rèl thei lo, champagne no chu ka la lawk a ka tlâk pawp a, a dang ka inthlit leh a ka tlâk leh pawp a, ti chuan tlém in ka ziaawm ta deuh e.

Trey chuan dawh thei zet hian min lo nghâk ve teh mial a. Thâwk ka la halh a, "Trey thu pehhél dân kawng chu i thiam lo hlé mai maw?" Ka ti chhuak thei tâwk.

"A pawi ka ti khawp mai, chutiang chu ka thiamloh zâwng tak, mahse kawng awm chhun a ni miau si a lawm."

"I nuih zatthlâk hlé mai." A thusawi chu Trey kâ aṭang a chhuak a mawi lo zet a ni. Chu chuan ka nuih a ti za lutuk, ka nui chhuak ta hak hak a.

A ni chu a nui ve hauh lo, a hmél chu a thutak rûn mai, ka nui chu ka tâwp hmak a, "I ti tak tak em ni?" Âwih lo tak hian ka ti leh a.

"Callie ka ti mai mai ngâi em ni?"

"I ngaihtuahna te kha khawiah nge an awm zawh tâk? I â zo tawh a ni ngei ang, chuan Trey he thil hi a thleng ngâilo ang tih hi ring ringawt rawh!"

"Pathian hming in, hrep takzet che chuan, kan indate ngai azeng pawh nilo, kei chuan ka ti thei lovang." Ka ti ta nghat a.

"Callie lo ngâithla teh! Paper ah chiah kan innei tak tak ani tih hi kan tilang ang, chu chauh chu kan awn dûn chuang dawn hlei nèm!"

"Trey he thil hi eng nge a awmzia?"

"Tûnah hian Theo hi ka fapa diktak a la ni tlat lo, kan inneih hma loh chu ka ro kháwmtu diltak a ni thei lo vang!"

"Oh a ṭha e, Theo hi i rokháwm tu ni tûrin ka duh réng réng lo. Chuan Bronze Dragons enkawl tûr hian ka duh lo bawk tih hi hria ang che." Ka tih khum ta hlaih hlaih a.

"I â ta em ni Callie?" A meng vawt ruih a, rum zet hian min melh bawk a. "Theo hi ka rokhawmtu tur diktak anih loh chuan a nunna atân ahlauhawm lutuk tih hi hre ve ta che, veih pawh a awlsam sawt bawk ang." A ti ṭhawt a.

"Nilo ve Trey, kei pawhin Theo hi ka enkawl ve thei reng, chutiang a i lo ngaihtuah vak pawh a ngái lovang, lung ngai duh suh, achungah hian engthil mah a thleng hauh lovang."

"A thlensa tawh reng hi Callie, i duh emaw duh lo emaw he thil hi chu ka kal tlangpui tho ang, kan inneih tûr thu hi i remtuhna ka la a ni lo a, ka hrolh hre zâwk che a nih chu! Theo hi ka fapa anih ang ngei in a nu pawh ka nupui a ni tûr a ni, chutia ka tih chuan Theo nunna hi ka vènghim thei dawn tihna a nih chu!"

Chutiang a a thilneih a inchhûng bungrua ang mai mai a min han ngâi zet chu ka sa phat mai, ka dingchhuak zawk a, "Ka haw tak zet che Trey, i duhdán chu ka thlentir hauh lovang tih hi hre rawh!" Ka ti ta nghek a.

"Chu, min haw hlé mai maw, mahse ka kaltlang pui tho erawh a ngâi ang." A la ti ṭâng tho.

Trey hremhmun lamah thlâwkbo rawh tiin ka chhuahsan ta daih a.

TREY....

Callie chuan thinrim zetin min chhuahsan a, hmrichhia ho tak zet hi chu aw, kan fapa hi a hmangaih viau in ka hre si a, engvâng a Theo him theihna chu duhlo tlat nge maw a nih chu le?

Mi thlém hliau hliau a ka duh lutuk che, hmânah kha chuan engah mah ah ka ngai ngailo che a, mahse i awmbo aṭang chiah khân ka ngai ta ngawih ngawih che a, i tello a awm har ka tih zia ṭhin chu, chuváng chuan ka bula awm reng tûr hian ka duh ta che a, Theo tân pawh a him phah bawk ang a, kan pathumin hlimtakin awm kan tum ang chu ti raw! Hei hi Trey mizia a ni ve lo. Hetiang thil hi ka kâ aṭang hian a chhuah pawh ka ring hrep lo.

"Well, dinner tui tak leh hlimawm tak chu kan kîl ta lo phawt chu a nia, muang chángin ka ding chhuak a, Callie zawngtur chuan chu hmun chu ka chhuahsan ve ta a.