TSEPNAYA REAKTSIYA MAFIA ROMANCE CHAPTER
35
"Trey nilo, ani thei lo, he thil hi ka ring hauh lo, i ruang ka hmuh hma loh chu ka ring chuang lo ang."
Ṭap chungin chu hmun chu ka chhuahsan a, bathroom lam ka pan nghal a, ka rilru zawng zawng chu a mumal thei mawlh lo, Trey hi he tin a awm thei lo, ka ṭap zawih zawih a, ka thin a tâwt lutuk, "eng tin nge Trey tello chuan ka awm tâk ang?" Ka phun chhuak sep a, he thil hi thleng tûra ka duh loh ber pawl a ni
Thilthleng tak tak anih erawh ka ring thei lo, ani chu hetiang hian holam mai mai in ache lo ang. Engtin nge ka awm ang? Ka rilru táwt ang zet chuan ka thluak pawh a buai nuai a, tháwk lák pawh harsa ka ti ṭan hlé, ka na ka na tak zet.
Hetiang ringawt chuan ka awm thei lo ang, news reader khân an damchhuah loh aring ringawt ani lawm ni, engmah thu chiang kuang hriat tur ala awm chuang hlei nèm, chu thil ka ngaih tuahna avâng chuan ka thaw huai mai.Trey chu athih ka ring lo, mahse hlauhtháwnna ka nei tlat lawi si, intih pâukhauh tum zet in ka in seh ruh a, ka chhuak leh ta a.
MEAN WHILE, BACK IN NEW YORK.
Bronze Dragons members ho chu an ding nguai nghiai a, an hotu pa chanchin deng kháwng tak chuan a ti nguai vek, tumah hlim hmèl pu an awm lo, nuiri pawh hriat tûr a awm hek lo, hneichhe ho han inhnít ri faih faih ri leh, mipa ho thaw ipik zet a thaw chhuak hawk tih bâk chu warehouse ah chuan tháwm hriat túr dang a awm lo, abík takin Clegg leh Hunter chu an khawngaithlâk awm tak zet, an hmélah chuan beidawn na bâk hmuh tur a awm lo.
Francesca chu a mittui a pa rawl kiang a, Tanaeya pawh lungchhe takin a insût hlawp hlawp a, tute mah han inhném tûr chuang hi an awm bík lo.
"Tûnah chuan eng nge kan tih tâk ang." Ngui raih chung chuan Francesca chuan a rawn ti chhuak ta sap a.
"Detroit kha kan zínga thunei dawt tu a ni a, ani khân Trey awmloh châng pawhin Bronze Dragons kha a enkawl ṭhin kha a nia, mahse.... " Clegg chuan athu sawi lâi chu achhunzawm thei tawh bík lo.
"Clegg Detroit pawh Trey bulah a kal a, an pahnihin an awm tawh lo, an kal tawh." Tanaeya chu a ṭah chhunzawm leh hlawp hlawp a.
"Tu nge incharge ni ta ang?"
"Francesca lo ngaihtuah buai duh suh, kei leh Clegg hi Russia kan kal ang a, Trey awm loh leh Detroit awmloh pawhin tunge incharge a kan neih ang tih hi hriatchhuah kan rawn tum dawn nia." An bula ngawi reng alo ding reng Hunter chuan a rawn tichhuak ve a.
"Tûnah hian tunge incharge túr ni ang tih in la hre thei lova maw? Boss khân Detroit chu a hnuai chiaha awm túrin a dah nameuh mai, chu bâk engmah hriat in nei lo a maw, khâng te chu inhriat tluk in kan hre ve bawk e, nang ni pahnih hi mipa hmantlâk loh tak in nih hi!"
"Francesca kha i hmúi, i thil nilo pui pui sawi chhuahna kha lo chíp hmak la aṭha ang, chuti anih loh chuan Robbie tânna hmun ah ka kalh hnan ve khawp ang che." Clegg chuan thinrim zet hian ati chhuak hrawih a.
Tanaeya pawh chuan Francesca chu lo khak ve zauh pah hian, "Francesca tûnah chuan kan rilru abuai veka, chuvâng chuan khatianga ngeiawmna lo chhuah vél hun kha a ni lo." A ti ve hlak a.
"Tanaeya heta awmlo kan members ho zawng zawng kha hrilh hria la, he hmuna lo kal túrin leh kan boss chung a thil thleng dân kha kan hrilh hriat ve ngei angai ang, chuan heihi hrilh bawk la, tûna tân chuan Dimitri Vadik hi kan incharge ani rih ang tih pawh hrilh nghâl bawk ang che, chu chuan anni ho kha dân diktak ah a awm tir thei ang. " Hunter bawk chuan a ti leh a.
"Frencesca, Cooper lo bia ang che, Hunter nén kan kalbo chhúngin Robbie hi alo véng ang a, khawiah mah alo chhuah tir túr a ni lo bawk ang, Robbie awmna hmun hi chhûn zán zawmin Fenzo nén an lo invⅇn chháwk túr a ni." Clegg chuan arawn ti leh hrûk a.
"Aw le, ka lo ti dawn nia."
"Boss hian Robbie hi engtin nge kan man tih hi a hrehman em?" Tanaeya chuan a rawn ti chhuak leh sap a.
"Hre lo." Tiin Hunter chuan a lo chhâng a .
MEAN WHILE, BACKIN RUSSIA...
CALLIE ....
Bathroom aṭanga ka chhuah leh hnu chuan Polina ka piah lawk room pakhat aṭanga rawn chhuak ve mék lam chu ka pan phei a, a ni pawh chu ahmèl put hmang hmuh ahreawm tak zet, "Theo chu a ṭha maw?" Ka ti chhuak sep a.
"A mu ta anih kha, chuan thu thleng engmah hriat a nei lo."
"Thil pakhat.... "a thaw chhuak halh a, a hmúi chu a petsáwi ngawt ngawt a, atân chuan anat dân a thuahhnih ngawt ang tih pawh ka hriat pui, a fapa té záwk leh a unaunu fapa an chhúngzínga dam awm chhun tawh chuan hetiang thil hi a han tawng leh ta chu a nia, hriatthiam a har duh khawp ang.
A rawn ṭawngchhuak leh a, "New York police i be pawp tawh em?" Chu thil chu sawi ka hreh ang zetin lo angâithla tu a ṭan pawh a hreawm viau ang.
"Aw....be tawh e, thlawhna chu a tla ngei tih an sawi chiang tawh." Ka ti chhuak sap a.
Katya leh Ivan pawhin min rawn pan phei ve a."Eng thil nge thleng inhre chiang thei tawh em?" A mittui chu a hru zung zung a.
"Zawn hna an la thawk mék zél ani awm e, kan tihtheih chhun chh lo nghah chauh hi a ni." Chutiang thu sawi chhuah sawi chhuah pawh chu ka tân a nuam lo tak zet.
"Chutin ka inhawng reng thei lo, chhânna kan mamawh." Katya chu anu áwmah chuan a bei a, aṭap zawih zawih a.
Chu thil ka hmuh chuan ka lung ati chhe veleh a, túna manganna ka tawh ang hi tunge inhnem nân ka hman ve ang, Katya chuan nu leh pa ala nei a, kei chuan he khawvélah inhnemna pawh ka nei ve tawh lo, kei mana ka tuar leh mai chu a ngai ang, Trey nu leh pa te lah an thi ve ve tawh leh nghâl.
"Dimitri in Clegg leh Hunter an rawn kal dawn a ti a nih chu!"
Ivan chuan a rawn ti a.
Chu thu chuan tlémin ka rilru ati nuam huai mai, anni bulah chuan Trey ka ngaihzia pawh ka hrithla ve thei ang chu.
"Engvâng in nge rawn kal an tum a?" Ka ti chhuak sap a.
"Ka rindân chuan engtin nge an kal zél ang tih leh eng nge tih tûr ti a Dimitri rawn biak ráwn an tum a nih ka ring."
"Callie eng vángin nge reilo te tal chu i mut hahdam rih mai loh ang? Theo chu ka lo ngaihven mai ang a."
"Chutia mut hahdam chu ka duh rèng rèng lo Polina."
"Mahse i pum chhúnga naute awm kha i ngaihtuah angâi si alawm, i tân chuan aharsa viau ang tih chu ka hria e, mahse chawlh hahdam i mamawh tak zet."
"@Polina ka theilo ani, Trey hi athih ka ring lo réng réng, ka tân leh Theo tân a rawn kír leh ngei ang tih hi ka la ring fan a sin." Ka heh chu ka pet fan fan a.
"Dear, ka hria asin, chuvâng tak chuan alawm lo cháwl hahdam rawh ka tih che, Trey arawn kìr leh chuan heta taksa dertháwng taka ilo awm hi a duh pui hauh lo ang."
Ka inngaihtuah vang vang a, Polina chuan a sawi dik chiah huan ka hria, ka Trey chu arawn kír leh ang a, hlum takin kan awm dún leh ngei ang, ani nén hian hringnun hmabâk thui tak hman dub túr kan la nei si a, "I ti dik e, Polina rei vaklo chu ka va mu hahchawl ang e." Tiin ka bedroom tûr min kawhhmuhna lam chu ka pan ve ta a.
Ka taksa chau lutuk tawh avâng chuan khumah ka mu chiah chu ka muhìl nghâl der a.
"Baby ka lo kìr leh ang tih hi ka tiam a che."
Trey chu ka ngai tak zet, ka lo ban a ka kut chuan ka khawih thei dér lo, engtizia nge ni ngâi, ni e Trey khân a kal dawn a a thusawi chiah chiah kha a sawi nawn leh.
"Baby ka lo kír leng ngei ang, ka tiam a che.
"Ka tiam a che, ka lo kìr leh ngei ang."
"Ka tiam a che."
"Ka tiam a che."
"Trey !" Ka âu chhuak ṭhawt a, ka ṭhu chhuak nghâl a, Trey ka hmu lo, ka mittui chu a sùr zung zung a, chhuak zet hian ka inhnít hlap hlap a, Trey i lo kír leh dawn tiin min tiam kha.
"A ni lawm ni mawh, ka la thlahlel che, Trey lo kír leh ngéi rawh aw, ka ngai tawh che, túnah khawiah nge i awm ?"
Ka lungchhe lutuk chu ka châu zo vek, ka thin chu a na vawng vawng a, ka dang aro halh halh bawk a, thih ve mai ka châk, lo thi ta ni ila Trey chu lo kìr leh ta se engtin nge ni ang? A thih hi ka ring tùr a ni lo, ka Trey hi ala dam ngei tih hi ka rilru ah ka dah ngei tûr ni in ka hria.
THE NEXT MORNING....
Zing ka tho chu shower ka hmang a, choka lamah chuan ka phei a, Dimitri leh Polina chu ka va hmu a, Polina chu a pasal bulah hian lungchhe zet a ṭapin ka va hmu a.
"Chanchin thar dang a awm leh tawh em?" Hriat huphurh tak chung chuan ka ti sep a.
"La awm lo, an chuanna Jet súlhnu engmah hmuhchhuah an la nei lo." Dimitri chuan a ti sup a.
"A nih an jet chu atla ngei tih an chiang chiah a maw? A chhan chu chutiang sawi tùr chuan eng emaw tal an hmuh chhuah ngéi angai si a. "Ka ti leh sap a.
"Callie hei hi nguntakin ngaithla ang che, plane kha khawi hmun mah a thlemg lo amg, Air traffic thu dawn hnu ah leh lek phei kha chuan." A thawchhuak deuh hruih a.
"Ka la áwih thei hauh lo Dimitri, plane keh them engmah hmuh awm lo, an ruang engmah hmuh túr awm lo bawk, an thi tih hi ka la pawm hauh lo mai." Ka ti ve hmak a.
"Callie i pawm mai a ngai ngéi ang, ngaihtuah la nihnih chhûng ngawt an zawng tawh a, chumi hnuah chuan an dam tawh hauh lo ang, lo dam ta tehreng pawh ni sela tuiah an tla ania tûnah chuan an dam khawchhuak tawh hauh lo ang, tui vawh zia lah chu i hre vek a, minung tán damchhuah theihna chi zia záng ani tawh lo."
A thil asawi avâng chuan thinrimna hlír hian ka khat a, "Well, Dimitri chùng thil chu engtin nge i hriat chian theih hrep chu le?" Ka ti ta hmak a.
"Callie kan vâi hian an la dam ani tih chu rin theih vek hi kan duh a sin, Trey hi kan vah pa a ni a, chuan kha plane ah khân kan fapa pawh a chuang telve bawk a sin."
!Polina pawi ka ti lutuk, chutiang lam záwng chuan ka lo ngaihtuah lo a ni, mahse Trey hi a thi thei lo ang, a thi thei mawlh lo, ka tân alo kìr leh ngei ang tih pawh min tiam a lawm." Ka mittui chu a far zawih zawih a, dan pawh ka tum tawh lo, Trey kumkhua atân ilo kír tawh dawn lo maw, i chunga ṭap túr leh i hmél hmuh leh tùr pawh awm tawh lo in maw min kal san tâk.
"Ni chin deuh lawk khân Call ka dawng a, Hunter leh Clegg pawh an rawn ṭum tawh a, an rawn thleng ve thuai tawh ang, ka office lamah kan inbiak lawk a ngai ang."
Dimitri thusawi chuan min hnèm zo lo, tûnah hian timah duh ka nei lo, Trey chauh ka bula awm tûrin ka duh, he ka natna hi Trey chauh lo chuan ati dam thei tawh ngâi lo ang.
Ṭap chung chuan, "Trey khawiah nge i awm, lo haw tawh rawh, i rei lutuk tawh." Ka ti chhuak ta phawng a, ka awmna te chu a vir muai muai vek hian ka hria a, ka khaw hmuh chu a phè vek bawk a, engtin nge ka awm chiah ka hre tawh lo.
"Oh Callie khaw ngaihthlâk!" Polina tih ri chu ka hre vuai vuai, ka harh chhuak ka mit ka nuai chat chat a, Polina chu ka bulah hian a lo ṭhu rân a, puan huh hian ka chal leh ka hmâi vel chu alo hru kual reng a, a mangan hmél khér mai, ka mit ka mengchhuak a hmuh chiah chuan a thil tih chu tâwpin," kha i rawn harh chhuak thei ta maw, ka lo mang ang hman a sin." Thawveng ta huai ang mai hian a thaw hak a.
"Eng tin nge ka awm?" Ka tho chhuak nghâl a.
"La tho chhuak rih suh Callie lu haiin i tlu a, ka lo mang ang hman tawh lutuk a, i taksa a chak lo a nih kha, thil ei theih tum hrám hrâm la, i pum chhúnga naute kha ngaihtuah tel hrâm hrám ṭhin ang che."
Polina thu min hrilh chu ka záwm thei meuh ang em, Trey tello a hun hman chhoh chu ka zuam mawlh lo, Theo ngei pawh hi engtin nge ka hrilh ták ang, Trey i la dam ti raw? Theo hian a hriat ve hunah chuan a hrilhhai dawn èm mai, Theo vâng tal hian bei hrám hrâm ang che, hreawm tihna aváng chuan chhûngrilah ka rûm vawng vawng a, tuma hriat pui silo in ka beidawng ngawih ngawih bawk.
Kawng ka in hawng ri leh mipa dang ṭawng ri ka hria a, Polina in min dan hman hma chuan ka zuang tho zawk a, "Trey !" Tih pahin kawngka pui lam chu ka pan phei nghâl zat a, mahse kawng khâr bula lo ding te chu beidawnna ti zual tu lek chauh an chang mai, insûm zo lo in ka ṭap chhuak leh ta a, hetia hreawm ti tak a ka awm lái ngei pawh hian Trey chu thi tûrin ka la dah phal hauh chuang lo, kawng khâr arawn hawng ang a, ka lam chu rawn panin hlim zet leh thlahlel takin min rawn kuah ang a, a pangti lum thar thar ngheng chungin ka ngaih ṭhin zia ka hrilh pah malh malh ang tih chu ka rilrû a ni.
Mahse kawngkhâr bula lo ding te chu Hunter leh Clegg an ni a, lungchhe zet a inhnît hlap hlap chung chuan Clegg chu ka va kuah thuai a.
"Callie nangmah chiah i ni tawh lo, tûnah chuan i tán hetah kan awm ve tawh a lawm." Hunter chuan min ti a.
"Honey, Hunter khân a sawi dik chiah, he thil hi kan vâiin kan tawrhpui che a nia." Clegg chuan nghet zet hian minkuah lèt ve a.
"Ka Trey hi a thi theilo, a hun lo, hetiang ringawt chuan min kalsan hauh lo ang."
"Callie Trey thihna hi i pawm ngèi erawh a ngai ang, i tán. chuan a harsa viau ang tih chu ka hria a lawm."
"Nilo, Trey hi a thi hauh lo." Lungchhe zet chuan pâwn lamah ka tlán chhuak ta daih a.
"He thil hi ala na hlè anih hi!" Dimitri chuan a rawn ti chhuak sup a.
"Hriatthiam chu a har alawm." Clegg chuan atih hnu chuan Office chhúng lam pan chuan an pathum chuan an in zui lût ta a.
Dimitri chuan kawngka chu khár phui pah chuan, "New York lam pang chan chin eng nge?"
"Tûnah hian Robbie chu lock hnan in kan kawl mék." Hunter chuan a ti a.
"Tûna kan chak dân hi akim thei lo, kha si thlum si ang vél ani."
"Anih Dimitri túnah hian kan incharge atân tunge ni ta ang? Ka sawi awmzia chu kan boss leh kan under boss chu anliam tawh bawk si a, Theo lah chu mipa naupang mai ala ni baek nén ." Tháwk lâk hawk pahin Clegg chuan a ti a.
Hunter pawh chuan a thusawi lo tuihnih ve in, "Ni e, tunge an hmun chu luah rih dawn?"
Dimitri chu a thaw chhuak hawk a, a aw then deuh khurh pah hian, "Callie a ni ang chu, a ni hi incharge a ni ang."
"Eng maw i sawi a." An pahnih chuan an ti rual ṭháwih a, Dimitri hmèl chu mak ti zet hian an en a, a thusawi chu an hriat sual ani ngei ang an ti rilru dûn hial.
"Tûn hma in hetiang case hi kan la nei ngai hauh lova, hei vâng hi ania, boss leh under boss hi an zin dún ṭhin loh chhan pakhat chu, mahse Trey leh Detroit te kha chuan an ti dûn miau bawk si."
"Chuvâng chuan Callie hi Trey nupui anih angin a fapa Theo rawn ṭhanlen hma loh chu amah hi incharge ah dah ani ang." A ti ta a.
"Uhh, hei chu aṭha dawn chiang khawp ang, aṭha lutuk mah mah ang." Hunter chuan ati ngui ruih a.
Well, kan hna thawh túr a ka rin chu cake kan ur ang a, chuan naute thawmhnaw tûr te pawh kan ṭhui ka ring." Clegg chuan lunghnur zet hian a rawn ti chhuak ve bawk a.
Hunter chuan amitthla niáwm tak ani, a nui chhuak hawk a.
"Engvânga nui nge i nih? a bula ding Clegg chuan a rawn ti nghut a.
" Tûnah chuan silai káwm hûm tawh lo in, laphiar fawng kan hûm tawh áwm si a ka nuih aza thut alawm maw le, Theo rawn pian aṭang khân Trey lahin baby sitter ah min hmang fo leh nghâl." Hunter an a Trey hming asawi chhuak chu a hmèl anguai rawih rawih, a ngai ve hlè tih pawh hai rual lohin ahmél ah chuan alang thei.
CALLIE....
Páwn ah chuan lungchhe zetin ka tlân chhuak a, Trey chu ka ngai ngawih ngawih, "Ka ti thei lo ang, Trey tello chuan ka awm thei lo ang."
Trey number chu ka hmet chhuak a, ka dial leh a, "Trey phone hi chhâng hrâm rawh khawngaih takin." Ka ṭap pah zawih zawih a.
Trey hian engtik lai mahin a phone off in a dah ngâi lo, ka ṭap khúr ngawt ngawt a, khaw vawtin a ka taksa a rawn hmeng khawng ṭan pawh chu ka pawi sa lo, ka mittui tla te chu ka biangah a khang nghâl zel hian ka hre tawh a, páwn ka tlân chhuah hma khân inthuam lum lam ka lo ngaih ven hauh lo tih chu ka hre chhuak a, mahse ka pawiaa rih lo.
Trey hi lo kîr leh túrin ka duh ngawih ngawih, mahse a lo kîr thei chuang silo, hetia lungchhe tak a ka auhna pawh hi a hre lul lo em ni, engvâng a chhûngril a la dam anga ngai tlat nge maw ka nih mai le, Trey chu a kal tawh alawm, ni e, Theo nén mi pawh ngaihtuah loin a kal tawh, ka ṭap chhuak leh a, ka pum chhûng a ka nau pâi chu ka dawm vang vang a, Trey i fanu hmél hmuh pawh i nghâk hlel viau a ni lawm ni?
Ka taksa vawt lutuk tawh chu inchhûng lam ka pan ve ta hrâm a, inchhúng ka va lùt TV hmaah hian an lo ding leh ṭhap tawh a, "Eng nge chan chin a awm leh tawh em?" Ka ti chhuak sap a.
"Up date kan thlír leh mai mai dawn a nih hi." Dimitri chuan arawn ti a.
"Vawiin ni hian Mr.Bailey vanduaina tawh chung chânga thuchiang kan hriat theih ang ang te kam rawn puang leh dawn a, kan thuthar lakháwm tu te sawi dánin kha plane ah khân mi pali an chuang a ni tih hriat chian ani tawh a, chûng mi te chu, Trey Bailey leh a cousin Dima Vadik, Mr.Bailey ṭhian ṭha tak mai, Detroit Brown leh Mr.Bailey family pilot Alberto Jackson te an ni a, Mr.Jackson pawh hi Mr.Bailey a pa Jacob Bailey (late)a ṭhian ṭha tak mai a ni bawk a ni."
"Boruak lampang a chhanchhuak tu pawl sawi dân in vawiin pawh hian lo zawmg hmu ta tehreng pawh ni se, tumah damkhaw chhuak an awm tawh lo ang ti in kan thu thar la khâwmtu te chu an hrilh a ni."
"He thil thlen chung chângah hian chhiattáwk chhúng te pawi kan tih pui zia leh kan tawrhpui zia he news kal tlang hian kan hlân duh a ni."
Chu thil ka ngaithla zo chiah chu ka kα aṭang chuan he thil hi arawn ri chhuak phawng a, "Hetiang hian ka awm reng thei tawh lo ang, vawiin ni ngei hian Theo nen New York lamah kan kal a ngai." Ka ti chhuak ta phawng a.
"Chu chu kan ti thei lovang, Trey khân he hmuna awm tur hian a ti che u alawm Callue." Hunter chuan arawn ti a.
"Well, Trey a thi tawh a, kei mαn ka duhthlanna chu ka siam ve thiang tawh a ni, tûnah chuan keimah ngeiin ro ka rel ve ngei tawh angai ang." Ka ti barh barh a.
"Nilo, Callie kan tih tir thei lo ang che, Theo hi ngaihtuah la, amah thah duh tu hmuntinah an la inzár pharh lâi leh nghâl chuan he thil hi kan tih tir thei lo ang che." Clegg ngei pawh chuan arawn ti veleh a.
Uhg, hei hi Bronze Dragons páwl thutâwpah chuan in ngai a maw, mahse tûnah chuan kei hi he pawl a alu ber chu ka ni tawh mai lo em ni, a chhan chu Bailey family a puitling dam awm chhun chu kei hi ka ni tawh a, ka thu chu inhnial thei lo ang." Ka tih khum leh hlaih hlaih a.
"Chuan heihi hria ang che u, vawiin ni ngei hian New York lam kan pan ngei tûr a ni."
Chu hmun chu chhuahsan in ka room lam chu thinrim.zet hian ka pan san ta a.
******************************
"Hei vâng hi em ni Trey hian Callie hi thunun a harsa alo tih ém ém ṭhin?" Hunter chuan a ti chhuak hruih a.
"A thinrim ém a, chu lovah Trey thihna hi a tuar bawk nen mu leh mal pawh anei rih lo anih kha, a duh ang chuan New York lam chu pan pui ula, mahse ro kháwm tu tur Theo hi véng uluk viau ang che u, inthlahthlam hauh túr a ni lo ang, chuan Theo vén hna in thawhna ah security pawh siam belh leh zual ang che u." Dimitri chuan a ti ta a.
CALLIE...
Room ka lút chu Theo nén a kan thawmhnaw tlém a záwng min rawn ken sak ho chu ka pack mawlh mawlh a, kha hmunah kha chuan va kal leh pawh ka châk vak rih lo, a chhan chu Trey súlhnu a tam lutuk tlat, chutah New York lamah pawh atam tho mai, ka tuar thei ang em? Ka intih pachan erawh a ngai viau ang.
Ka insiam zawh hnu chuan Airport lam kan pan ta hlawm a, Airport kan thlen chuan Theo chu ṭhutthlengah chuan ka ṭhut tir a, Flight lo thlen hun chu kei leh Clegg, Hunter te chuan kan nghâk ta vang vang a, "Little man i ṭha maw?" Hunter chuan Theo bulah chuan a ti sup a, a chhîpsamah chuan a tuai sak thuak a.
"Daddy hmu dawn em?"
"Um....thlawhna lian zet ah kan kal dawn a, daddy nen inchuanna âi lianah leh nghâl."
"Ka mittui chu a far zawih zawih a, Theo pa ang záwngin emaw Trey hming sawi chhuah reng hi ka la tuar thei lo.
"Hunt i ti ṭha e."Clegg chuan a lo ti hmak a.
"Ka lo ngaihtuah tel miah lo a." Inchhír hmel tak chuan a ti leh a.
Kan flight pawh alo thleng ve ta a, kan zavai mai chuan kan seat tûr lam chu kan pan sap sap a, Theo seat belt ka tih sak mawlh mawlh lai chuan min en chho a, "mommy home?"
"Tehreng mai sweety inah kan haw tawh dawn." Ka nuih sak a.
NEW YORK ....
In kan lût chu Theo chu atlân lût a, hmun tin maiah chuan tlân kualin,"Daddy, daddy !" Tiin a âu a.
Hre awm ka ti tak zet, "Callie i hrilh hriat ve chu angai lo maw?" Clegg chuan min rawn pan hnâi pah hian a ti a.
Hunter erawh chuan Theo kalna lamah chuan a ûm zui nghâl a.
"Amah ah hian eng thil mah tih ka duh rih lo, Trey ruang ka hmuh hma loh chu a la dam ah ka ngai." Ka ti hmiah.
"Mahse Callie hei erawh i rin angai ang, thlawhna kha tui chungah a tlâk kha, an ruang chu i hmu ngai lo ang, thu dik hi pawm i tum loh chuan thil a harsa tulh tulh záwk ang."
"Ngawi hmak rawh Clegg, lo ngawi ringawt mai rawh." Ka vîn hlar a.
Lungchhe zet hian ka ṭap chhuak a, Trey chuan min kalsan thei mawlh lo, thil theih ani lo.
Ascension Island
Atlantic Ocean
DETROIT.....
"Ka harh chhuak hlawl a, an thi vek tihna em ni?" Ka ti chhuak hrawih a, kei chauh dam chhuak a midang an thi vek anih chuan thih ve nghâl law law chu ka duh dán a ni.
Ka áwm chu ana kher mai, ka enchiang a, a lo kak duai mai a, "Kei chauh hi em ni dam chhuak awm chhun?"
"Nang leh kei tih chauh loh chu dam chhuak an awm lo."
Trey aw ka hria chu ka pian ahnu lama ka lawm ber ṭum ala ni hial âwm e.
"Trey pawi ka ti tak zet." Ka ti chhuak a.
"Detroit he hmun aṭang hian kal chhuah vat dân kan ngaihtuah angai ang, a chhan chu ka thisen a chhuak nasa khawp mai." Trey chu ka en phei a, a bân bulah chuan hliam nasa zet hi alo tuar a, chumai ala ni lo, a bek chu a thi nuai mai bawk a.
Tuipui zau tak lam chu ka melh phei vang vang a, engtin nge kan chhuah theih ang? Tih zawhna chu a lian ta ber mai.
"Kan vânneih viau chuan kan thlawhna kha a la ṭhat ka ring a, anih loh pawhin radio tal kha."
Thlawhna tla chhûngah chuan ka lût vat a, radio chu ka en a, vânduai thlâk takin a ṭha lo hlauh mai, mahse thlawhna erawh chu enchian deuh ala ngai ang, "Radio chu a chhia a, thlawhna erawh en deuh hlek angaih ka ring."
"A nih leh kan phone ho kha a la nung i ring em?"
"Battery a awm lo vek tawh."
"Chuan boss Dima leh Albertto hi engtin nge kan tih dawn?"
"Kan phûm mai ang chu, chu bâk tihtheih hetah kan nei lo.! A ti hmuk a.
"Eng tin maw?"
"Well, he island aṭang hian kan chhuak dûn phawt anga, ti chuan nakinah an ruang phawrh tûr chuan he hmunah hian kan kír leh ang, chumi hunah chuan helai thliarkar hreawm zet aṭang hian kan la la chhuak leh dawn nia." A ti ta a.
Ka ṭawng chhuak lawk lo.
"Detroit he hmun aṭanga kan chhuah nân kan thluak kan hman nasat angai viau dawn a nia." A rawn ti leh hrawih a, ka harh zawk hian ka hria.
Min rawn melh leh ngur a, "He hmun chhuahsan hi i duh ve nge velo tih chu ka hre hauh lo, mahse he hmun a thih ngawt ái chuan hmun danga thih chu i thlan záwk ngei ka ring, chuvαng chuan han in ti paukhauh la, he hmun chhuahsan vat dan hi i han ngaihtuah teh ang hmiang, chu chu ka thu pèk a nih chu." Khauh zet hian ati chhuak a.
Ka hma lamah chuan a kal ta vut a, Trey chu ka âu zui a, "Kei in thing tuah tur ka lo zawn chhúngin nang in ei tur lo ngaihtuah ang che." A hre pha ang em? Tih chu ka ngaihtuah rum rum, thung ro zawng túr chuan ka kal ve ta a.
Come on Detroit he hmunah hian engvâng a dam chhuak nge i nih, flight accident ah i thi lo a, ge hmunah hian i dam chhuak ngei tûr ani tiin ka in fuih ru sauh sauh a.
A FEW DAYS LATER...
HUNTER....
Ka phone chu a rawn ri a. Ka pick vat a Callie a lo ni a, "Hunter khawiah nge i awm? Ka be duh lawk che a, Trey room ah khân ilo chho lawk thei ang em?"
"Inhnuaiah ka awm a Callie ka rawn chho nghál ang e."
"Ka lawm e." Phone chu a cut zui a.
Trey room lam chu ka pan chho a." Eng nge ni ta Callie?"
"Robbie hi khawiah nge a awm?"
"Eng ati maw?"
"A chhan chu ka hriat duh vângin."
"Kan kalh hnan."
"Khawiah nge in kalh hnan?"
"Callie eng pawh tih i ngaihtuah anih chuan i thei nghilh thei ang." Ka ti ta hmuk a.
"Hunter ka hmu duh a ni." A ti ve tuar a.
"Callie a thlen phah chuang lo ang."
"I phalna ka mamawh hauh hlei ném, ka hrilh hre mai záwk che a ni e." Za lo zet hian a nui chhuak hak a.
"Dimitri phalna erawh i mamawh khawp ang, a ni chuan he i thil tih tum hi a phal ka ring lém lo."
"Dimitri chu eng nge a nih a nih leh?" Thîp zet hian min melh chho rám rám a.
"Tûna kan incharge a ni rih a lawm." Hetia ka sawi nachhan chu amah hi incharge ani tih a hriat hlauh zawngin, thil a ṭha lam in a kal nasa mah mah ang tih ka hlau a ni.
"Hunter khawngaih takin he Robbie hian ka nun chu a ti chhe vek a ni, a chhânna ka duh." A ti leh sep a.
Tháwk ala chhuak halh a, "Trey thih nachhan chu amah vâng hi ani a sin, he pa chung châng hi ngaihven lo se chuan kha tih hunlai khân Trey chu kha a jetah khân a chuang hauh áwm si lo." Hreawm ti zet hian aṭap chhuak leh ta hlap hlap a.
"Callie pawi ka ti lutuk, ka ti theilo ang."
A âu chhuak tuar a, "Callie inbeng dai rawh."
"Thinrimna hi naute tân aṭha lo tih te hi i hre tawh ang chu ti raw?"
"Ok, Demitri chu kan phone ang e, eng tin nge a tih kan en ang chu." Ka ti ve ta a.
"Ka lawm e." A ti ve sap a.
35
"Trey nilo, ani thei lo, he thil hi ka ring hauh lo, i ruang ka hmuh hma loh chu ka ring chuang lo ang."
Ṭap chungin chu hmun chu ka chhuahsan a, bathroom lam ka pan nghal a, ka rilru zawng zawng chu a mumal thei mawlh lo, Trey hi he tin a awm thei lo, ka ṭap zawih zawih a, ka thin a tâwt lutuk, "eng tin nge Trey tello chuan ka awm tâk ang?" Ka phun chhuak sep a, he thil hi thleng tûra ka duh loh ber pawl a ni
Thilthleng tak tak anih erawh ka ring thei lo, ani chu hetiang hian holam mai mai in ache lo ang. Engtin nge ka awm ang? Ka rilru táwt ang zet chuan ka thluak pawh a buai nuai a, tháwk lák pawh harsa ka ti ṭan hlé, ka na ka na tak zet.
Hetiang ringawt chuan ka awm thei lo ang, news reader khân an damchhuah loh aring ringawt ani lawm ni, engmah thu chiang kuang hriat tur ala awm chuang hlei nèm, chu thil ka ngaih tuahna avâng chuan ka thaw huai mai.Trey chu athih ka ring lo, mahse hlauhtháwnna ka nei tlat lawi si, intih pâukhauh tum zet in ka in seh ruh a, ka chhuak leh ta a.
MEAN WHILE, BACK IN NEW YORK.
Bronze Dragons members ho chu an ding nguai nghiai a, an hotu pa chanchin deng kháwng tak chuan a ti nguai vek, tumah hlim hmèl pu an awm lo, nuiri pawh hriat tûr a awm hek lo, hneichhe ho han inhnít ri faih faih ri leh, mipa ho thaw ipik zet a thaw chhuak hawk tih bâk chu warehouse ah chuan tháwm hriat túr dang a awm lo, abík takin Clegg leh Hunter chu an khawngaithlâk awm tak zet, an hmélah chuan beidawn na bâk hmuh tur a awm lo.
Francesca chu a mittui a pa rawl kiang a, Tanaeya pawh lungchhe takin a insût hlawp hlawp a, tute mah han inhném tûr chuang hi an awm bík lo.
"Tûnah chuan eng nge kan tih tâk ang." Ngui raih chung chuan Francesca chuan a rawn ti chhuak ta sap a.
"Detroit kha kan zínga thunei dawt tu a ni a, ani khân Trey awmloh châng pawhin Bronze Dragons kha a enkawl ṭhin kha a nia, mahse.... " Clegg chuan athu sawi lâi chu achhunzawm thei tawh bík lo.
"Clegg Detroit pawh Trey bulah a kal a, an pahnihin an awm tawh lo, an kal tawh." Tanaeya chu a ṭah chhunzawm leh hlawp hlawp a.
"Tu nge incharge ni ta ang?"
"Francesca lo ngaihtuah buai duh suh, kei leh Clegg hi Russia kan kal ang a, Trey awm loh leh Detroit awmloh pawhin tunge incharge a kan neih ang tih hi hriatchhuah kan rawn tum dawn nia." An bula ngawi reng alo ding reng Hunter chuan a rawn tichhuak ve a.
"Tûnah hian tunge incharge túr ni ang tih in la hre thei lova maw? Boss khân Detroit chu a hnuai chiaha awm túrin a dah nameuh mai, chu bâk engmah hriat in nei lo a maw, khâng te chu inhriat tluk in kan hre ve bawk e, nang ni pahnih hi mipa hmantlâk loh tak in nih hi!"
"Francesca kha i hmúi, i thil nilo pui pui sawi chhuahna kha lo chíp hmak la aṭha ang, chuti anih loh chuan Robbie tânna hmun ah ka kalh hnan ve khawp ang che." Clegg chuan thinrim zet hian ati chhuak hrawih a.
Tanaeya pawh chuan Francesca chu lo khak ve zauh pah hian, "Francesca tûnah chuan kan rilru abuai veka, chuvâng chuan khatianga ngeiawmna lo chhuah vél hun kha a ni lo." A ti ve hlak a.
"Tanaeya heta awmlo kan members ho zawng zawng kha hrilh hria la, he hmuna lo kal túrin leh kan boss chung a thil thleng dân kha kan hrilh hriat ve ngei angai ang, chuan heihi hrilh bawk la, tûna tân chuan Dimitri Vadik hi kan incharge ani rih ang tih pawh hrilh nghâl bawk ang che, chu chuan anni ho kha dân diktak ah a awm tir thei ang. " Hunter bawk chuan a ti leh a.
"Frencesca, Cooper lo bia ang che, Hunter nén kan kalbo chhúngin Robbie hi alo véng ang a, khawiah mah alo chhuah tir túr a ni lo bawk ang, Robbie awmna hmun hi chhûn zán zawmin Fenzo nén an lo invⅇn chháwk túr a ni." Clegg chuan arawn ti leh hrûk a.
"Aw le, ka lo ti dawn nia."
"Boss hian Robbie hi engtin nge kan man tih hi a hrehman em?" Tanaeya chuan a rawn ti chhuak leh sap a.
"Hre lo." Tiin Hunter chuan a lo chhâng a .
MEAN WHILE, BACKIN RUSSIA...
CALLIE ....
Bathroom aṭanga ka chhuah leh hnu chuan Polina ka piah lawk room pakhat aṭanga rawn chhuak ve mék lam chu ka pan phei a, a ni pawh chu ahmèl put hmang hmuh ahreawm tak zet, "Theo chu a ṭha maw?" Ka ti chhuak sep a.
"A mu ta anih kha, chuan thu thleng engmah hriat a nei lo."
"Thil pakhat.... "a thaw chhuak halh a, a hmúi chu a petsáwi ngawt ngawt a, atân chuan anat dân a thuahhnih ngawt ang tih pawh ka hriat pui, a fapa té záwk leh a unaunu fapa an chhúngzínga dam awm chhun tawh chuan hetiang thil hi a han tawng leh ta chu a nia, hriatthiam a har duh khawp ang.
A rawn ṭawngchhuak leh a, "New York police i be pawp tawh em?" Chu thil chu sawi ka hreh ang zetin lo angâithla tu a ṭan pawh a hreawm viau ang.
"Aw....be tawh e, thlawhna chu a tla ngei tih an sawi chiang tawh." Ka ti chhuak sap a.
Katya leh Ivan pawhin min rawn pan phei ve a."Eng thil nge thleng inhre chiang thei tawh em?" A mittui chu a hru zung zung a.
"Zawn hna an la thawk mék zél ani awm e, kan tihtheih chhun chh lo nghah chauh hi a ni." Chutiang thu sawi chhuah sawi chhuah pawh chu ka tân a nuam lo tak zet.
"Chutin ka inhawng reng thei lo, chhânna kan mamawh." Katya chu anu áwmah chuan a bei a, aṭap zawih zawih a.
Chu thil ka hmuh chuan ka lung ati chhe veleh a, túna manganna ka tawh ang hi tunge inhnem nân ka hman ve ang, Katya chuan nu leh pa ala nei a, kei chuan he khawvélah inhnemna pawh ka nei ve tawh lo, kei mana ka tuar leh mai chu a ngai ang, Trey nu leh pa te lah an thi ve ve tawh leh nghâl.
"Dimitri in Clegg leh Hunter an rawn kal dawn a ti a nih chu!"
Ivan chuan a rawn ti a.
Chu thu chuan tlémin ka rilru ati nuam huai mai, anni bulah chuan Trey ka ngaihzia pawh ka hrithla ve thei ang chu.
"Engvâng in nge rawn kal an tum a?" Ka ti chhuak sap a.
"Ka rindân chuan engtin nge an kal zél ang tih leh eng nge tih tûr ti a Dimitri rawn biak ráwn an tum a nih ka ring."
"Callie eng vángin nge reilo te tal chu i mut hahdam rih mai loh ang? Theo chu ka lo ngaihven mai ang a."
"Chutia mut hahdam chu ka duh rèng rèng lo Polina."
"Mahse i pum chhúnga naute awm kha i ngaihtuah angâi si alawm, i tân chuan aharsa viau ang tih chu ka hria e, mahse chawlh hahdam i mamawh tak zet."
"@Polina ka theilo ani, Trey hi athih ka ring lo réng réng, ka tân leh Theo tân a rawn kír leh ngei ang tih hi ka la ring fan a sin." Ka heh chu ka pet fan fan a.
"Dear, ka hria asin, chuvâng tak chuan alawm lo cháwl hahdam rawh ka tih che, Trey arawn kìr leh chuan heta taksa dertháwng taka ilo awm hi a duh pui hauh lo ang."
Ka inngaihtuah vang vang a, Polina chuan a sawi dik chiah huan ka hria, ka Trey chu arawn kír leh ang a, hlum takin kan awm dún leh ngei ang, ani nén hian hringnun hmabâk thui tak hman dub túr kan la nei si a, "I ti dik e, Polina rei vaklo chu ka va mu hahchawl ang e." Tiin ka bedroom tûr min kawhhmuhna lam chu ka pan ve ta a.
Ka taksa chau lutuk tawh avâng chuan khumah ka mu chiah chu ka muhìl nghâl der a.
"Baby ka lo kìr leh ang tih hi ka tiam a che."
Trey chu ka ngai tak zet, ka lo ban a ka kut chuan ka khawih thei dér lo, engtizia nge ni ngâi, ni e Trey khân a kal dawn a a thusawi chiah chiah kha a sawi nawn leh.
"Baby ka lo kír leng ngei ang, ka tiam a che.
"Ka tiam a che, ka lo kìr leh ngei ang."
"Ka tiam a che."
"Ka tiam a che."
"Trey !" Ka âu chhuak ṭhawt a, ka ṭhu chhuak nghâl a, Trey ka hmu lo, ka mittui chu a sùr zung zung a, chhuak zet hian ka inhnít hlap hlap a, Trey i lo kír leh dawn tiin min tiam kha.
"A ni lawm ni mawh, ka la thlahlel che, Trey lo kír leh ngéi rawh aw, ka ngai tawh che, túnah khawiah nge i awm ?"
Ka lungchhe lutuk chu ka châu zo vek, ka thin chu a na vawng vawng a, ka dang aro halh halh bawk a, thih ve mai ka châk, lo thi ta ni ila Trey chu lo kìr leh ta se engtin nge ni ang? A thih hi ka ring tùr a ni lo, ka Trey hi ala dam ngei tih hi ka rilru ah ka dah ngei tûr ni in ka hria.
THE NEXT MORNING....
Zing ka tho chu shower ka hmang a, choka lamah chuan ka phei a, Dimitri leh Polina chu ka va hmu a, Polina chu a pasal bulah hian lungchhe zet a ṭapin ka va hmu a.
"Chanchin thar dang a awm leh tawh em?" Hriat huphurh tak chung chuan ka ti sep a.
"La awm lo, an chuanna Jet súlhnu engmah hmuhchhuah an la nei lo." Dimitri chuan a ti sup a.
"A nih an jet chu atla ngei tih an chiang chiah a maw? A chhan chu chutiang sawi tùr chuan eng emaw tal an hmuh chhuah ngéi angai si a. "Ka ti leh sap a.
"Callie hei hi nguntakin ngaithla ang che, plane kha khawi hmun mah a thlemg lo amg, Air traffic thu dawn hnu ah leh lek phei kha chuan." A thawchhuak deuh hruih a.
"Ka la áwih thei hauh lo Dimitri, plane keh them engmah hmuh awm lo, an ruang engmah hmuh túr awm lo bawk, an thi tih hi ka la pawm hauh lo mai." Ka ti ve hmak a.
"Callie i pawm mai a ngai ngéi ang, ngaihtuah la nihnih chhûng ngawt an zawng tawh a, chumi hnuah chuan an dam tawh hauh lo ang, lo dam ta tehreng pawh ni sela tuiah an tla ania tûnah chuan an dam khawchhuak tawh hauh lo ang, tui vawh zia lah chu i hre vek a, minung tán damchhuah theihna chi zia záng ani tawh lo."
A thil asawi avâng chuan thinrimna hlír hian ka khat a, "Well, Dimitri chùng thil chu engtin nge i hriat chian theih hrep chu le?" Ka ti ta hmak a.
"Callie kan vâi hian an la dam ani tih chu rin theih vek hi kan duh a sin, Trey hi kan vah pa a ni a, chuan kha plane ah khân kan fapa pawh a chuang telve bawk a sin."
!Polina pawi ka ti lutuk, chutiang lam záwng chuan ka lo ngaihtuah lo a ni, mahse Trey hi a thi thei lo ang, a thi thei mawlh lo, ka tân alo kìr leh ngei ang tih pawh min tiam a lawm." Ka mittui chu a far zawih zawih a, dan pawh ka tum tawh lo, Trey kumkhua atân ilo kír tawh dawn lo maw, i chunga ṭap túr leh i hmél hmuh leh tùr pawh awm tawh lo in maw min kal san tâk.
"Ni chin deuh lawk khân Call ka dawng a, Hunter leh Clegg pawh an rawn ṭum tawh a, an rawn thleng ve thuai tawh ang, ka office lamah kan inbiak lawk a ngai ang."
Dimitri thusawi chuan min hnèm zo lo, tûnah hian timah duh ka nei lo, Trey chauh ka bula awm tûrin ka duh, he ka natna hi Trey chauh lo chuan ati dam thei tawh ngâi lo ang.
Ṭap chung chuan, "Trey khawiah nge i awm, lo haw tawh rawh, i rei lutuk tawh." Ka ti chhuak ta phawng a, ka awmna te chu a vir muai muai vek hian ka hria a, ka khaw hmuh chu a phè vek bawk a, engtin nge ka awm chiah ka hre tawh lo.
"Oh Callie khaw ngaihthlâk!" Polina tih ri chu ka hre vuai vuai, ka harh chhuak ka mit ka nuai chat chat a, Polina chu ka bulah hian a lo ṭhu rân a, puan huh hian ka chal leh ka hmâi vel chu alo hru kual reng a, a mangan hmél khér mai, ka mit ka mengchhuak a hmuh chiah chuan a thil tih chu tâwpin," kha i rawn harh chhuak thei ta maw, ka lo mang ang hman a sin." Thawveng ta huai ang mai hian a thaw hak a.
"Eng tin nge ka awm?" Ka tho chhuak nghâl a.
"La tho chhuak rih suh Callie lu haiin i tlu a, ka lo mang ang hman tawh lutuk a, i taksa a chak lo a nih kha, thil ei theih tum hrám hrâm la, i pum chhúnga naute kha ngaihtuah tel hrâm hrám ṭhin ang che."
Polina thu min hrilh chu ka záwm thei meuh ang em, Trey tello a hun hman chhoh chu ka zuam mawlh lo, Theo ngei pawh hi engtin nge ka hrilh ták ang, Trey i la dam ti raw? Theo hian a hriat ve hunah chuan a hrilhhai dawn èm mai, Theo vâng tal hian bei hrám hrâm ang che, hreawm tihna aváng chuan chhûngrilah ka rûm vawng vawng a, tuma hriat pui silo in ka beidawng ngawih ngawih bawk.
Kawng ka in hawng ri leh mipa dang ṭawng ri ka hria a, Polina in min dan hman hma chuan ka zuang tho zawk a, "Trey !" Tih pahin kawngka pui lam chu ka pan phei nghâl zat a, mahse kawng khâr bula lo ding te chu beidawnna ti zual tu lek chauh an chang mai, insûm zo lo in ka ṭap chhuak leh ta a, hetia hreawm ti tak a ka awm lái ngei pawh hian Trey chu thi tûrin ka la dah phal hauh chuang lo, kawng khâr arawn hawng ang a, ka lam chu rawn panin hlim zet leh thlahlel takin min rawn kuah ang a, a pangti lum thar thar ngheng chungin ka ngaih ṭhin zia ka hrilh pah malh malh ang tih chu ka rilrû a ni.
Mahse kawngkhâr bula lo ding te chu Hunter leh Clegg an ni a, lungchhe zet a inhnît hlap hlap chung chuan Clegg chu ka va kuah thuai a.
"Callie nangmah chiah i ni tawh lo, tûnah chuan i tán hetah kan awm ve tawh a lawm." Hunter chuan min ti a.
"Honey, Hunter khân a sawi dik chiah, he thil hi kan vâiin kan tawrhpui che a nia." Clegg chuan nghet zet hian minkuah lèt ve a.
"Ka Trey hi a thi theilo, a hun lo, hetiang ringawt chuan min kalsan hauh lo ang."
"Callie Trey thihna hi i pawm ngèi erawh a ngai ang, i tán. chuan a harsa viau ang tih chu ka hria a lawm."
"Nilo, Trey hi a thi hauh lo." Lungchhe zet chuan pâwn lamah ka tlán chhuak ta daih a.
"He thil hi ala na hlè anih hi!" Dimitri chuan a rawn ti chhuak sup a.
"Hriatthiam chu a har alawm." Clegg chuan atih hnu chuan Office chhúng lam pan chuan an pathum chuan an in zui lût ta a.
Dimitri chuan kawngka chu khár phui pah chuan, "New York lam pang chan chin eng nge?"
"Tûnah hian Robbie chu lock hnan in kan kawl mék." Hunter chuan a ti a.
"Tûna kan chak dân hi akim thei lo, kha si thlum si ang vél ani."
"Anih Dimitri túnah hian kan incharge atân tunge ni ta ang? Ka sawi awmzia chu kan boss leh kan under boss chu anliam tawh bawk si a, Theo lah chu mipa naupang mai ala ni baek nén ." Tháwk lâk hawk pahin Clegg chuan a ti a.
Hunter pawh chuan a thusawi lo tuihnih ve in, "Ni e, tunge an hmun chu luah rih dawn?"
Dimitri chu a thaw chhuak hawk a, a aw then deuh khurh pah hian, "Callie a ni ang chu, a ni hi incharge a ni ang."
"Eng maw i sawi a." An pahnih chuan an ti rual ṭháwih a, Dimitri hmèl chu mak ti zet hian an en a, a thusawi chu an hriat sual ani ngei ang an ti rilru dûn hial.
"Tûn hma in hetiang case hi kan la nei ngai hauh lova, hei vâng hi ania, boss leh under boss hi an zin dún ṭhin loh chhan pakhat chu, mahse Trey leh Detroit te kha chuan an ti dûn miau bawk si."
"Chuvâng chuan Callie hi Trey nupui anih angin a fapa Theo rawn ṭhanlen hma loh chu amah hi incharge ah dah ani ang." A ti ta a.
"Uhh, hei chu aṭha dawn chiang khawp ang, aṭha lutuk mah mah ang." Hunter chuan ati ngui ruih a.
Well, kan hna thawh túr a ka rin chu cake kan ur ang a, chuan naute thawmhnaw tûr te pawh kan ṭhui ka ring." Clegg chuan lunghnur zet hian a rawn ti chhuak ve bawk a.
Hunter chuan amitthla niáwm tak ani, a nui chhuak hawk a.
"Engvânga nui nge i nih? a bula ding Clegg chuan a rawn ti nghut a.
" Tûnah chuan silai káwm hûm tawh lo in, laphiar fawng kan hûm tawh áwm si a ka nuih aza thut alawm maw le, Theo rawn pian aṭang khân Trey lahin baby sitter ah min hmang fo leh nghâl." Hunter an a Trey hming asawi chhuak chu a hmèl anguai rawih rawih, a ngai ve hlè tih pawh hai rual lohin ahmél ah chuan alang thei.
CALLIE....
Páwn ah chuan lungchhe zetin ka tlân chhuak a, Trey chu ka ngai ngawih ngawih, "Ka ti thei lo ang, Trey tello chuan ka awm thei lo ang."
Trey number chu ka hmet chhuak a, ka dial leh a, "Trey phone hi chhâng hrâm rawh khawngaih takin." Ka ṭap pah zawih zawih a.
Trey hian engtik lai mahin a phone off in a dah ngâi lo, ka ṭap khúr ngawt ngawt a, khaw vawtin a ka taksa a rawn hmeng khawng ṭan pawh chu ka pawi sa lo, ka mittui tla te chu ka biangah a khang nghâl zel hian ka hre tawh a, páwn ka tlân chhuah hma khân inthuam lum lam ka lo ngaih ven hauh lo tih chu ka hre chhuak a, mahse ka pawiaa rih lo.
Trey hi lo kîr leh túrin ka duh ngawih ngawih, mahse a lo kîr thei chuang silo, hetia lungchhe tak a ka auhna pawh hi a hre lul lo em ni, engvâng a chhûngril a la dam anga ngai tlat nge maw ka nih mai le, Trey chu a kal tawh alawm, ni e, Theo nén mi pawh ngaihtuah loin a kal tawh, ka ṭap chhuak leh a, ka pum chhûng a ka nau pâi chu ka dawm vang vang a, Trey i fanu hmél hmuh pawh i nghâk hlel viau a ni lawm ni?
Ka taksa vawt lutuk tawh chu inchhûng lam ka pan ve ta hrâm a, inchhúng ka va lùt TV hmaah hian an lo ding leh ṭhap tawh a, "Eng nge chan chin a awm leh tawh em?" Ka ti chhuak sap a.
"Up date kan thlír leh mai mai dawn a nih hi." Dimitri chuan arawn ti a.
"Vawiin ni hian Mr.Bailey vanduaina tawh chung chânga thuchiang kan hriat theih ang ang te kam rawn puang leh dawn a, kan thuthar lakháwm tu te sawi dánin kha plane ah khân mi pali an chuang a ni tih hriat chian ani tawh a, chûng mi te chu, Trey Bailey leh a cousin Dima Vadik, Mr.Bailey ṭhian ṭha tak mai, Detroit Brown leh Mr.Bailey family pilot Alberto Jackson te an ni a, Mr.Jackson pawh hi Mr.Bailey a pa Jacob Bailey (late)a ṭhian ṭha tak mai a ni bawk a ni."
"Boruak lampang a chhanchhuak tu pawl sawi dân in vawiin pawh hian lo zawmg hmu ta tehreng pawh ni se, tumah damkhaw chhuak an awm tawh lo ang ti in kan thu thar la khâwmtu te chu an hrilh a ni."
"He thil thlen chung chângah hian chhiattáwk chhúng te pawi kan tih pui zia leh kan tawrhpui zia he news kal tlang hian kan hlân duh a ni."
Chu thil ka ngaithla zo chiah chu ka kα aṭang chuan he thil hi arawn ri chhuak phawng a, "Hetiang hian ka awm reng thei tawh lo ang, vawiin ni ngei hian Theo nen New York lamah kan kal a ngai." Ka ti chhuak ta phawng a.
"Chu chu kan ti thei lovang, Trey khân he hmuna awm tur hian a ti che u alawm Callue." Hunter chuan arawn ti a.
"Well, Trey a thi tawh a, kei mαn ka duhthlanna chu ka siam ve thiang tawh a ni, tûnah chuan keimah ngeiin ro ka rel ve ngei tawh angai ang." Ka ti barh barh a.
"Nilo, Callie kan tih tir thei lo ang che, Theo hi ngaihtuah la, amah thah duh tu hmuntinah an la inzár pharh lâi leh nghâl chuan he thil hi kan tih tir thei lo ang che." Clegg ngei pawh chuan arawn ti veleh a.
Uhg, hei hi Bronze Dragons páwl thutâwpah chuan in ngai a maw, mahse tûnah chuan kei hi he pawl a alu ber chu ka ni tawh mai lo em ni, a chhan chu Bailey family a puitling dam awm chhun chu kei hi ka ni tawh a, ka thu chu inhnial thei lo ang." Ka tih khum leh hlaih hlaih a.
"Chuan heihi hria ang che u, vawiin ni ngei hian New York lam kan pan ngei tûr a ni."
Chu hmun chu chhuahsan in ka room lam chu thinrim.zet hian ka pan san ta a.
******************************
"Hei vâng hi em ni Trey hian Callie hi thunun a harsa alo tih ém ém ṭhin?" Hunter chuan a ti chhuak hruih a.
"A thinrim ém a, chu lovah Trey thihna hi a tuar bawk nen mu leh mal pawh anei rih lo anih kha, a duh ang chuan New York lam chu pan pui ula, mahse ro kháwm tu tur Theo hi véng uluk viau ang che u, inthlahthlam hauh túr a ni lo ang, chuan Theo vén hna in thawhna ah security pawh siam belh leh zual ang che u." Dimitri chuan a ti ta a.
CALLIE...
Room ka lút chu Theo nén a kan thawmhnaw tlém a záwng min rawn ken sak ho chu ka pack mawlh mawlh a, kha hmunah kha chuan va kal leh pawh ka châk vak rih lo, a chhan chu Trey súlhnu a tam lutuk tlat, chutah New York lamah pawh atam tho mai, ka tuar thei ang em? Ka intih pachan erawh a ngai viau ang.
Ka insiam zawh hnu chuan Airport lam kan pan ta hlawm a, Airport kan thlen chuan Theo chu ṭhutthlengah chuan ka ṭhut tir a, Flight lo thlen hun chu kei leh Clegg, Hunter te chuan kan nghâk ta vang vang a, "Little man i ṭha maw?" Hunter chuan Theo bulah chuan a ti sup a, a chhîpsamah chuan a tuai sak thuak a.
"Daddy hmu dawn em?"
"Um....thlawhna lian zet ah kan kal dawn a, daddy nen inchuanna âi lianah leh nghâl."
"Ka mittui chu a far zawih zawih a, Theo pa ang záwngin emaw Trey hming sawi chhuah reng hi ka la tuar thei lo.
"Hunt i ti ṭha e."Clegg chuan a lo ti hmak a.
"Ka lo ngaihtuah tel miah lo a." Inchhír hmel tak chuan a ti leh a.
Kan flight pawh alo thleng ve ta a, kan zavai mai chuan kan seat tûr lam chu kan pan sap sap a, Theo seat belt ka tih sak mawlh mawlh lai chuan min en chho a, "mommy home?"
"Tehreng mai sweety inah kan haw tawh dawn." Ka nuih sak a.
NEW YORK ....
In kan lût chu Theo chu atlân lût a, hmun tin maiah chuan tlân kualin,"Daddy, daddy !" Tiin a âu a.
Hre awm ka ti tak zet, "Callie i hrilh hriat ve chu angai lo maw?" Clegg chuan min rawn pan hnâi pah hian a ti a.
Hunter erawh chuan Theo kalna lamah chuan a ûm zui nghâl a.
"Amah ah hian eng thil mah tih ka duh rih lo, Trey ruang ka hmuh hma loh chu a la dam ah ka ngai." Ka ti hmiah.
"Mahse Callie hei erawh i rin angai ang, thlawhna kha tui chungah a tlâk kha, an ruang chu i hmu ngai lo ang, thu dik hi pawm i tum loh chuan thil a harsa tulh tulh záwk ang."
"Ngawi hmak rawh Clegg, lo ngawi ringawt mai rawh." Ka vîn hlar a.
Lungchhe zet hian ka ṭap chhuak a, Trey chuan min kalsan thei mawlh lo, thil theih ani lo.
Ascension Island
Atlantic Ocean
DETROIT.....
"Ka harh chhuak hlawl a, an thi vek tihna em ni?" Ka ti chhuak hrawih a, kei chauh dam chhuak a midang an thi vek anih chuan thih ve nghâl law law chu ka duh dán a ni.
Ka áwm chu ana kher mai, ka enchiang a, a lo kak duai mai a, "Kei chauh hi em ni dam chhuak awm chhun?"
"Nang leh kei tih chauh loh chu dam chhuak an awm lo."
Trey aw ka hria chu ka pian ahnu lama ka lawm ber ṭum ala ni hial âwm e.
"Trey pawi ka ti tak zet." Ka ti chhuak a.
"Detroit he hmun aṭang hian kal chhuah vat dân kan ngaihtuah angai ang, a chhan chu ka thisen a chhuak nasa khawp mai." Trey chu ka en phei a, a bân bulah chuan hliam nasa zet hi alo tuar a, chumai ala ni lo, a bek chu a thi nuai mai bawk a.
Tuipui zau tak lam chu ka melh phei vang vang a, engtin nge kan chhuah theih ang? Tih zawhna chu a lian ta ber mai.
"Kan vânneih viau chuan kan thlawhna kha a la ṭhat ka ring a, anih loh pawhin radio tal kha."
Thlawhna tla chhûngah chuan ka lût vat a, radio chu ka en a, vânduai thlâk takin a ṭha lo hlauh mai, mahse thlawhna erawh chu enchian deuh ala ngai ang, "Radio chu a chhia a, thlawhna erawh en deuh hlek angaih ka ring."
"A nih leh kan phone ho kha a la nung i ring em?"
"Battery a awm lo vek tawh."
"Chuan boss Dima leh Albertto hi engtin nge kan tih dawn?"
"Kan phûm mai ang chu, chu bâk tihtheih hetah kan nei lo.! A ti hmuk a.
"Eng tin maw?"
"Well, he island aṭang hian kan chhuak dûn phawt anga, ti chuan nakinah an ruang phawrh tûr chuan he hmunah hian kan kír leh ang, chumi hunah chuan helai thliarkar hreawm zet aṭang hian kan la la chhuak leh dawn nia." A ti ta a.
Ka ṭawng chhuak lawk lo.
"Detroit he hmun aṭanga kan chhuah nân kan thluak kan hman nasat angai viau dawn a nia." A rawn ti leh hrawih a, ka harh zawk hian ka hria.
Min rawn melh leh ngur a, "He hmun chhuahsan hi i duh ve nge velo tih chu ka hre hauh lo, mahse he hmun a thih ngawt ái chuan hmun danga thih chu i thlan záwk ngei ka ring, chuvαng chuan han in ti paukhauh la, he hmun chhuahsan vat dan hi i han ngaihtuah teh ang hmiang, chu chu ka thu pèk a nih chu." Khauh zet hian ati chhuak a.
Ka hma lamah chuan a kal ta vut a, Trey chu ka âu zui a, "Kei in thing tuah tur ka lo zawn chhúngin nang in ei tur lo ngaihtuah ang che." A hre pha ang em? Tih chu ka ngaihtuah rum rum, thung ro zawng túr chuan ka kal ve ta a.
Come on Detroit he hmunah hian engvâng a dam chhuak nge i nih, flight accident ah i thi lo a, ge hmunah hian i dam chhuak ngei tûr ani tiin ka in fuih ru sauh sauh a.
A FEW DAYS LATER...
HUNTER....
Ka phone chu a rawn ri a. Ka pick vat a Callie a lo ni a, "Hunter khawiah nge i awm? Ka be duh lawk che a, Trey room ah khân ilo chho lawk thei ang em?"
"Inhnuaiah ka awm a Callie ka rawn chho nghál ang e."
"Ka lawm e." Phone chu a cut zui a.
Trey room lam chu ka pan chho a." Eng nge ni ta Callie?"
"Robbie hi khawiah nge a awm?"
"Eng ati maw?"
"A chhan chu ka hriat duh vângin."
"Kan kalh hnan."
"Khawiah nge in kalh hnan?"
"Callie eng pawh tih i ngaihtuah anih chuan i thei nghilh thei ang." Ka ti ta hmuk a.
"Hunter ka hmu duh a ni." A ti ve tuar a.
"Callie a thlen phah chuang lo ang."
"I phalna ka mamawh hauh hlei ném, ka hrilh hre mai záwk che a ni e." Za lo zet hian a nui chhuak hak a.
"Dimitri phalna erawh i mamawh khawp ang, a ni chuan he i thil tih tum hi a phal ka ring lém lo."
"Dimitri chu eng nge a nih a nih leh?" Thîp zet hian min melh chho rám rám a.
"Tûna kan incharge a ni rih a lawm." Hetia ka sawi nachhan chu amah hi incharge ani tih a hriat hlauh zawngin, thil a ṭha lam in a kal nasa mah mah ang tih ka hlau a ni.
"Hunter khawngaih takin he Robbie hian ka nun chu a ti chhe vek a ni, a chhânna ka duh." A ti leh sep a.
Tháwk ala chhuak halh a, "Trey thih nachhan chu amah vâng hi ani a sin, he pa chung châng hi ngaihven lo se chuan kha tih hunlai khân Trey chu kha a jetah khân a chuang hauh áwm si lo." Hreawm ti zet hian aṭap chhuak leh ta hlap hlap a.
"Callie pawi ka ti lutuk, ka ti theilo ang."
A âu chhuak tuar a, "Callie inbeng dai rawh."
"Thinrimna hi naute tân aṭha lo tih te hi i hre tawh ang chu ti raw?"
"Ok, Demitri chu kan phone ang e, eng tin nge a tih kan en ang chu." Ka ti ve ta a.
"Ka lawm e." A ti ve sap a.
No comments:
Post a Comment