TSEPNAYA REAKTSIYA MAFIA ROMANCE CHAPTER 21

TSEPNAYA REAKTSIYA   MAFIA ROMANCE CHAPTER 21

THE NEXT MORNING...

CALLIE....

Ka room kawngkhâr inkhâr ri deuh khap thâwmah chuan ka harh a, tunge ni ta ang? Ka mengchhuak nghâl kâwk a, nizân ka kal chhuak kha an hre chhuak ang em le aw, tih chu ka harh tawh hnu chuan ka ngaihtuah rauh rauh a.

Khumah chuan ka ṭhu chhuak a. Ka my darling fiance a chanchin engmah hriat ka la nei ta chuang lo.

Nizân khân Robbie khân engthil nge ti a ahan inhriat hrim hrim mai chu le? Ka lung ni lo tak zet, nakinah ka la text a niang chu, ka hâm deuh bái bâi a, bathroom lam chu ka pan ta a, tuilum chuan.ka taksa chu ka phuhtir sar sar a,  Trey pawh hian eng thil nge ti a ain rin hrim hrim le? Vawikhat té mah pawh min rawn biak loh mai ni, bathroom aṭang chuan chhuakin,thawmhnaw ka inbel thuai thuai a, Theo room lam chu ka pan a, mahse a lo ruak hiai tawh mai, break fast eitúrin an chhuk pui tawh a ni ngei ang, inhnuai lamah chuan ka chhukthla ve ta a.

Sitting room lamah Trey phone hmang thâwm ka hria a, Trey chu a rawn kír leh tawh anih hmèl khawp, a aw aṭang chuan ahlim hauh lo tih pawh a hriat reng mai,  tu tak chu bia ang maw tih chu ka ngaihtuah a.

A bula va kalhnaih pah chuan,"Trey!" Tiin ka ko pah sap a.

"Nakinah ka rawn beleh dawn che nia." a tih hnu chuan a phone chu cutin ka lam a rawn hawi a, "Buaina i nei deuh em ni?"

"Chutiang buaina chu kei hian ka neih i ring a maw Callie?" A mitmeng vawt zet hiann min melh chhuk rûn a.

Ka lo be ta kher kher kha ka inchhîr rum rum mai, "Khawnge Theo hi, a roomah a awmtawh lo a?

"Detroit leh Hunter te nén an kal chhuak a nih kha."

"Khawiah maw an kal a?"
Trey khawiah tak nge an kal?" Rumzet hian ka melh chho kal a.

"Inbeng dâi ringawt mai rawh Callie!" A kut a hûmruh leh khur tawh, chutiang bawkin a mitmeng te che a chang leh tawh tak zet.

Mahse ani chauh nilo in kei pawh ka lungâwi bîk chuang hauh lo, "Ka inbeng dái hrep lovang e. Ka fapa ani a, ka tello in khawi hmunah mah akal ka âwih hleiném." Ka tih khum khar khar a .

"Ka fapa ani ve tho tih hi hrilhnawn reng i ngái dawn mi a? Ka mipa ten an hruai chhuah hi kei chuan ka duh pui a, an ti ngei bawk ang, chu chu i hria maw? Chubâkah nizân a i lover boy hmutur a i kal lâi te kha chuan Theo hi i ngaihtuah miah lo a nih kha."

Chu thil a sawi chhuah chuan min ti phuzawk, "eng maw i sawi a?"

Thinrim avánga heh khûr deuh dar dar chung hian, "Nizân a ka awmna te engtin nge i hriat theih zâwk hrep chu le, min lo zuiru reng tihna a ni ang maw?" Thinrim zet hian ka tih lét khum ve khar khar a.

"Hei hi Callie chu a niang maw?"
Rawn ti tu lam chu kan hawi phei rual ṭhawt a.

Mipa pakhat samsen thar leh mitmu buang uk kharh mai nei leh vun ngo zet chu kan bulah chuan a rawn ding ve nghâl a, chupa chu tunge ni ang? Tûnhma zawng pawhin ka hmuh ngâi pawh ka la hre lo, a hmél chu a fâi sar mai a, a lang fresh tak zet bawk, doctor niâwm tak a ni.

"A hriatsa vek lâwm ni?" Trey chuan chupa lam hawi chuan a ti hmuk a.

"Hei, tu nge?" Trey lam chu ka melh kal a.

"Hei hi ka cousin Dima a ni a, Russia a ṭangin min rawn zui háwng rih a nih hi!"

Chu pa chuan mi nuih sáng pah hian, "Callie kan inhmu chu ka lawm khér mai." A lo ti a.

Dima chung ah chuan nèlawmna ka lantir duh loh váng pawh nilo in, Trey  chuan ka thin atihrim vâng ém avαng zâwk chuan bung zet hian, "Hi." Ka ti hmak a.

"Ka office ah ka rawn hmu vat ang che, chuan ware house lam kan pan dûn leh dawn nia." Trey chuan Dima bulah chuan a ti a.

"Bro tehréng mai, hun ala tam alawm." Tiin a kalsawn ta nghâl a.

"Eng vánga ani kha heta rawn awm ve nge a nih?" Dima kal liam hnu chuan,Trey chu ka zâwt a.

"A rawn awm ve na chhan chu Theo chungchâng thu ah hian min puih dáwn avángin."

"Kan ring chhin, criminal dang leh bawk maw Trey?"

"Russian mafia zâwk maw le."

Ka phu zawk, "I ti tak tak em ni?",phâwk hra chung hian ka ti a.

Dima pa hi Dimitri a ni a, ka patea a ni bawk, a ni chu Russia ah mafia leader ber a ni. Chuan hei hi hria ang che, Dima kha ka chhûng leh khat a nih avâng in a chungah zahna i lantir ṭhin ngei a ngai ang."

"Dima he hmuna a rawn awm chhan chu kan fapa chung châng thu a min rawn pui turin tih hi hre reng bawk ang la, chuan he Robbie chungchâng thu hi kan la sawi chhunzawm leh ngei ang, kan la sawi zo lo tih kha hria bawk la, ka hman veleh kan chhunzawm leh ang." Mi tihkhum leh hrâwk pah chuan a inher nghut a, a office Dima lo nghahna lam chu min pan san ta a.

LATER THAT DAY.....

TREY...

Ka office chhûngah chuan ka awm a, Callie chu ka lo nghâk rûn tawh a, ka rin âiin a rawn lang har èm ém mai leh nghâl.

Kawngkhâr kik ri chu a tâwp a táwp ah chuan.

"Lo lût rawh!" Ka ti bung nghut a.

Callie hmél chu rawn inlan in a rawn pén lût a." Min hmuh duhna i nei em ni?"

"Babe tûnah chuan kha i inbengdai ve thei tawh a ang khawp mai."

"Khatiang anih chuan tûkin zînga kan thusawi zawh loh kha chhunzawm in tum dâwn teh ang." Tihpahin ṭhutna chu ka kawhhmuh zauh a, mahse ṭhu duh âwm pawhin a lang chuang lo, hmeichhe rilru lian ve lo tâwk tak chu niin ka hria,  amah erawh chu a zakzum tel tlat bawk. A ṭhut duh miau loh tαkah chuan ka ding chhuak a, a lam pan chuan ka phei ta zâwk a. Min men kual khum ralh ringawt, chu chu ka huat tâwk a tling leh ém ém tawh.

"Callie khatin min menkual khum ringawt lo teh!" Ka ti hluk a.

"Trey engthil nge sawi i duh, sawi ringawt mai teh!"

"Nang leh Robbie chung châng!"

"Kei leh Robbie chung chângah eng ber maw?"

"Engvαnga amah hmutûra chhuak ru khér nge i nih tih hi maw le Callie?" Rum zet hian ka melh chhuk khur a.

"Uhh, kha kha maw? A chhan chu body guard nén a kal ka duhloh avâng te pawh a ni ang chu." Ngaihsam hmél zet hian a ti a.

A thusawi chu chhunzawm sak ve in, "Emaw a sex hmanpui lâi che hmuh i duh loh vâng te pawh a ni thei a a ni em Callie?"

"Robbie néna kan inkar ah hian inṭhianna bâk thildang a awm lo."

"Hey, Robbie i hmu duh anih chuan pawi ka ti hauh lo a nia." Chû ka thusawi chu ka ti tak tak em tih erawh ka hre hauh lo.

"Mahse hei erawh theinghilh loh aṭhat ka ring, tunge ina rinawm taka awmtûr a duh tu kha, tih te hi! A nih loh pawhin,  kan original idea kha kan hmang leh zâwk mai dâwn em ni ang, inneihna lem zâwk kha?" Callie mit takah chuan ka melh siah a.

"Kha tia inngaihtuah buai vak vak lo khân thumal pakhat 'aw' nge 'âih' ti in min chhâng mai la, tichuan Robbie pawh i kawp thei mai dawn lawm." Ka ti leh sup a.

Eng mah ala sawi chuang lo, a ngâwi tlat thung!

"Mahse Callie hei erawh vawng reng rawh, ka lakah hian infiamna hmang hauh suh ang che."

"Hey, Robbie hi ka duh hauh hlei ném!" Kha zet hian min melh râm râm a, "Kan pahnih inkarah engmah thleng a awm lo bawk. A tih chhunzawm leh a.

"Eng mah a awmlo tak tak maw?" Âwi loh hmél zet hian ka nuih pah sâwng a.

A zâm chhe leh dér tawh, nizân lama thil thleng kha ka hre vek si a, a mit chu la sawnin hnuailam chu a melh deuh ngar ngar a.

"Callie ka nghâk reng a nia."

"Min rawn fawh a tum a...."

"Fawh a tum chauh che a maw? Thil âwiawm loh deuh deuh hi sawi lo teh Callie." Âwihloh hmél zet hian ka nui chhuak leh hawk a.

"Fawh chu min fâwp hman a lawm, mahse ka ...namsawn a...."

"I fâwp lét ve em?"

"Âih, fâwp lét hauh lo, min fáwp a, ka nam kiang hman."

"Ok!"

"Eng nge Ok tih chu, ka thusawi chu i ring chiah lo a ni maw?" Mitmeng buai deuh nak mangan hmèl zet hian min melh chho zauh a, a mit chu a la sawn leh vat a.

"Babe nizân a khatiang thil a thlen hnu aṭang kha chuan i thusawi engmah âwih ka nei tawh lo, a chhan chu engthil nge thleng tih nén lam i footage zawng zawng ka hmuh ve vek a vângin."

"Chuan... hei chu kan duhtâwk tawh mai dâwn em ni?"

"Ka footage ho maw?! A rawn thinrim thar leh a, "Ka awmdân zawng zawng i lo record vek a ni maw a, a ngam pawh i va ngam zâwk ve maw le? Dân kalhin i che tih hi inhria ang che."

"Babe ti hian ti teh ang, keima chung châng thu bîk ah hian lo inrawlh lo la aṭhat ka ring, eng nge i ngaihdân le?" A meng rum ve âl a.

"Oh, sweetheart dân kalh chuan ka che sa reng ṭhin alawm, chuan i chung chαng record tu erawh ka ni lo, amah erawh chu record vek erawh a ni thung!"

"Trey i â tawh tak zet a nih hi!"

"A ni mai thei! A maherawh chu kan inneih hma hian engkim i sign fel vek a ngâi thung ang, a ni lâwm ni Callie?"

"Uhh, i pawisa hi duh a chuhpui tûrah che min ngái a ni maw?" Zah vang nilo, thinrim vâng zâwkin a hmâi chu a sen chhuak ṭalh ṭalh a.

"I fîmkhur viau a ngai ang, kan zo ta e."

"Hunter kha pâwnlamah a awm hmél a, i chhuah pahin rawn luhtir nghâl ang che." Callie chu ka hnungchhawn nghâl a.

"Trey tihmawh pa, awmherh leh lutuk mai." Tih tuar pah chuan kawngkhâr chu na zet hian a khâr bur a, thâwk ka la hawk, kan sawi zo ta hrâm e, tûnah chuan.

Hunter chu a rawn lût a, "Engtin nge a kal tâk zel?" Kawngka chu a khârphui leh nghâl a.

Thâwkchhuah hrawih pah hian, "He hmeichhia zet hi chuan ka ngaihtuahna a ti buai khawp mai." Ka thaw leh hawk a, ka sam chu ka tuai chho puat a.

"A nih Robbie hi le?"

"Ka rinhlelna hi a dik ka ring tlat, Robbie ah hian thil eng emaw diklo awm tlata hriatna ka nei." Tiin ka chhâng a.

"A mah enthla tu te kha hmanhmawh deuh hlek tûrin i hrilh dawn nia, hei hi ka thupék a ni tih sawi bawk la."

"Ka lo ti nghâl dawn nia, chu lo thildang ala awm em boss?"

"Robbie kha tûnah chuan lo ngaihven reng phawt ula a ni mai, achhan chu a chung châng thu ka hriatchhuah tak tak hma hian, kan enthla ru a ni tih hria in a bibo palh hlauh ang nge, chuan tûnlai engthil nge a buaipui ber tih te nén lam kan hriat hi a tûl tak zet." Ka ti leh a.

"Ok, boos kan lo ti dâwn nia." A inher a, ka office chu a chhuahsan leh ta a.

THE NEXT MORNING...

CALLIE.....

Tûkin zíng chu ka thotlâi mah mah tih pawh ka hai lo, zanlamah ka muhîl theilo a, Trey thusawi ho zo zâi kha ka tân chuan mut theihlohna tham a tling rèng bawk a ni.

Bathroom ah ka lût zuai a, ka thawmhnaw te ka thlâk fel hnu chuan choka lam panin ka chhukthla ve ta a.

Choka ah chuan Theo leh Trey chu ka va hmu a, Theo chuan pizza a lo ei hmiah hmiah tih ka'n hmu zet chu ka thin a sa leh phat tawh, "Breakfast a tân pizza maw Trey?"

"Theo hian pizza a duh a lawm."

Theo bulah chuan ka ṭhu thla ve nghâl a, "Theo engvâng in nge min rawn kaihthawh loh va?"

"Daddy áih a tia."

"Khatin eitûr hmuam ṭun chung khân min chhang suh!"

"A nih te chuan a thil ei lâiin zawhna zâwt lo la ti nia."

"Min kaitho lo tûrin hrilh tawh suh ang che Trey!"

"Ka bâng e, ka fapa breakfast ka pe ve duh a ni mai a, chumi avâng a buai erawh ka duh hauh lo thung!"

"I bâng i tih chhan chu i thinrimna khân pizza hi a tih lum belh leh i hlâu tihna a niang a ti raw? Hetia pizza i pék tawh hnu ah leh ngâl phei chuan. " Ka nui lui hak a.

"Eng nge a pawina awm vak a, a puar tho a ni lâwm ni?"

"Uhh, buaina pakhat mah a awm lo, father of the year!" Ka tihkhum ta salh a.

Tháwk lâk hrawih pah hian, 

"Zanin ah party a awm dáwn a kha aw."

"Eng party nge?"

"Kan inhual thu kan puang dawn."

"Oooh ka vânnei hlé mai!" Ti el zet hian ka tih khum a.

"Hetiang uipui hur ang reng hian em ni awm i tum a?"

"Mommy uipui hur?" Theo chuan a lo ti zauh a.

"Oh, Trey i ti tha lutuk tlat!"

"Theo kha ṭawngkam kha vawikhat mah hmang leh tawh ngai suh!" Ka tih khum hlar a.

"Theo, Hunter kha khawiah nge a awm min va zawn sak lawk dâwn mi niang." Trey chuan aw zaidam zet hian a fapa chu a bia a, ka lakah chutiang ṭawngkam chu a hman ve pawh ka la hre lo.

"Ok, daddy!" tiin a ṭhutna chair a ṭang chuan a chhuk tharh a, a tlân chhuak ta nghâl a.

Trey chuan ka mitah tak rawn ensiah pah hian, "I duh chuan Robbie pawh zanin hian i sâwm ve thei ang." A ti leh nghut a.

Chu a thusawi chuan min ti phu zawk, "Eng vangin nge ka sâwm ve ang a?" Zawhna ka zâwt lét zâwk a.

"I ṭhian ti khân i sawi si a, a ni lawm ni?" A ṭhen pah sak a.

Ka bân tuai neuh neuh pah chuan, "Aw, ka ṭhian chu a ni a lawm, mahse i ngaina vaklo in ka hre si a." Ka ti chhuak sap a.

"He in aṭanga i chhuahrûk leh dâwt i sawi hi ka duh lo mai a ni e, Robbie i hmuhna turah chu tiang thil engmah tih a ngai lo ang." A ti leh a.

"Ka hre lo le, New York ah hian a la awm ang em? Mahse ka lo text ve hrim hrim dawn nia." Ka ti ve ta a.

Trey chu a ding chuak a, min rawn melh chhuk vang pah chuan, " Shower hmang tûrin ka kal dawn a, Theo pawh ka bulah shower a hmang ve ang."

"Aw le, ka lawm e." Tiin hnuailam bawk chu ka melh leh ralh a.

Trey pawh chuan engmah sawi leh tawh lo in, choka chu a chuahsan ve nghál a.

Robbie chu text nghal ila aṭha ang, khawiah nge a awm pawh ka hre silo.

Hi, Robbie New York ah i la awm em?

Hey, Callie, aw ka la awm ngati nge, eng nge ni ta?

Engagement party kha zanin ah kan nei dawn a, i lo kal ve thei ang em?

I ti tak tak em ni, Trey a lawm ang maw ka rawn lan ve chuan?

Aw, pawi a ti lo ang, 150 Sycamore lane ah zân dar 7:00 pm ah lo kal ang che.

Ok, ka lokal dawn nia.

A FEW HOURS LATER....

"Hey, Detroit , Trey i lo hmu mial em?"

"Ka hmuh hnu hnun ber chuan Theo bual turin a hruai chhoh kha, mahse chu pawh a rei leh tawh viau mai."

"Aw le, thanks Detroit."

Inchung lamah chuan ka chho a, Theo room chu ka en phawt a, an awm lo ve ve, Trey room chu ka hawng leh dâk dâk a, Trey khumah chuan an pafa hian an muhil hi a lo ni a.

Ka en deuh vang vang hnu chuan, ka va pan hnai a, "Trey tho rawh!" Ka ti pah sap a.

A harh mai lo, "Trey!"

A rawn meng chhuak a,"Eng nge nita Callie?"

"I muhil daih a, party tûr khán insiam ṭan a hun tawh!"

"Ok, minute nga hun min pe rawh, ka lo insiam dawn nia."

"Zan in Theo hi engtin nge ni ang?"

"Party naah rei vaklo chhûng chu alo kal ve thei ang, chumi hnuah chuan Dana in muttir tûriin a room lamah a hruai chho leh mai dawn nia."

"Ok, anih chuan kei pawh ka va insiam ve ang e."

"Theo chu keiman ka lo siam ang."

Makti in ka meng nghâl kâwk a,"I chiang chiah maw?" Tiin ka zâwt leh khér a.

"Tehrèng mai!"

"Ok, ka lawm e." Tiin ka chhuahsan leh ta a.

Ka room lam chu ka pan a, ka rilru a nuam thei dèr lo, Trey hian eng vâng a Robbie hi kal ve tûr a mi sáwmtir nge maw a nih chu le? A ngaina lo hle si a.

Kawrfual senno dalraih khûp chen vèl tûr chu ka ha a, ka sam chu ka tukhumah ka zial a, powder tlèm ka inhnawih leh hlak a, ka kawr rawng ang tak lipstick senno dal raih chu ka in tât leh a, ka nghawngah chuan parl ṭhi hi ka kualtîr bawk a, pheikhawk silver rawng ka bun leh a, ka inpeih chu a ni mai e.

Robbie ber chu ka ngaihtuah, Trey hian engtia tih nge a tum a, zanin ah te kalve tûra a tih ták mai chu le? Eng kim ṭha lam záwngin a kal hrâm ka beisei! Ti a ngaihtuahin tháwk ka la halh a, ka room chu ka chhuahsan ta a.