TSEPNAYA REAKTSIYA MAFIA ROMANCE CHAPTER 22

TSEPNAYA REAKTSIYA   MAFIA ROMANCE CHAPTER 22

• 
  

TREY....

Theo ka hmu reng che a nia." Theo chu Detroit nén kan inkârah chuan a inzép tâlh tâlh a, tlém a in dinhnaih deuh tûr hian min pawt sat sat bawk a, eng thil nge tih a tum ka hrethiam hauh lo.

Mahse Callie a rawn lan ve tâkah chuan Theo thil tih tum chu ka hre thiam ta chiah, a nu chu tih phût atum chiang khawp mai, chu chu hria in Theo chu ka din hliah ve nghâl vat a, a mitah chuan a lâwm viau tih pawh ka zu hmuh sak.


Callie chuan kan lam chu a rawn pan phei a, kan bula rawn thleng chiah tih ah Theo chu a rawn chhuak a, "Mommy boo."

"Oh, Theo min ti phu lutuk." Callie chu a phu tak tak.


"Han in en teh Theo, i thawmhnaw inbel chu i pa ang mai!"


"Eng nge, ka inthuam dân hi a ngén ve tlat a."


"A tih ka ring réng a ni."

Kawngka lam pang hawi phei pah hian, "I ṭhianpa pawh alo thleng tawh a nih hmél khawp mai." Ka ti churh churh a.


Callie pawh chu a hawi phei ve nghâl a, "Theo lokal rawh le, Robbie saw i va chibai ang hmiang." Theo chu a kâi hrang ta nghαl a.


"Boss engvαnga zanin ah te Robbie chu rawn kal ve nge a nih?"


"He thil i tih theihna tûr hian maw le, zanin hian Robbie hi eng nge anih chiah tih hriat chhuah kan tum dawn a ni." Tiin ka chhâng a.


"Mahse boss silai te chu boxah ka dah vek a sin, zanin angah te chuan a ngaih pawh ka lo ring hlei ném."  Inthiamloh hmél zet hian a ti pah sup a.


Chu a thusawi chuan ka thin a ti rim khér mai, "Robbie chuan hetiang a intih hi a rin vâng a lawm zanin hian a rawn kal ve na chhan chu, gate ah khân check pawh a rawn tâwk lo bawk ang a ti raw?" Ka ti chhuak hrawih a.


"Boss kan lo ti dawn nia, Robbie hmélah hian hetiang mi a ni ang tih rin ngaihna hi a vâng ém a ni." A ti leh khauh a.


"Detroit kei pawhin chu chu ka rindân a lawm, mahse silai emaw wire eng emaw alo vuah mai thei a sin, tunge hria, a hnunglam pang lah enthlâk mumal ni bawk silo, silai pawh a pâi tel ka ring tlat."


Phût deuh zawk pah hian, "Chu police a nih i ring deuh tihna maw?"

"Chutiang vél chu, Feds ho hi eng nge i ngaih dân?"


"Ok, boss kan han ti nghâl ang e."


Callie te nufa pawn ka bul an rawn thleng leh tawh a, "Danna chu alo kal dawn lo em ni? A tlâi tawh hlé si a." Min melh pah kal a.


"Zanin chu Danna a lo kal lo ang, midang alo kal zâwk ang."


"Hey Callie."


Kan bulah chuan Julie chu a rawn thlengphei ve nghâl a, ti kha chuan Callie chuan ka chhânna chu Julie hnén aṭangin a hmuh ka beisei.


Callie chu a ṭhuthmun aṭang chuan a zuang tho zawk a, "Julie eng tin nge heti lâi hmun....eng tin nge i rawn kal?"


"I pasal hual duhawm zet hian he hmun ka rawn kal theihna tur hi min ngaihtuah sak lawm." A nui pah var var a.

"Ka ngai lutuk ṭhin che a sin!" Julie chu a kuah pah zauh a.

"Kei pawhin Theo nén hian ka ngái thei ṭhin lutuk che u."


Ka lam chu Callie chuan a rawn hawi a, "Trey ka lawm lutuk, he thil hi keimah ah engtiang chiah nge anih tih i hrethiam phâk kher lo ang." A ti chhuak sap a.


"I ṭhian a lawm Callie, chuvâng chuan hei hi ka ngaihtuah ta a, hetiang hunah hian i ṭhianṭha chuan telpui ve ngei che sela ṭha in ka hre ta a ."


"Ka lawm lutuk a nia."

 Julie lah chuan mitkhap lék lo hian min lo melh tlawk tlawk mai leh nghâl a, che mak sak reuh lutuk, Callie ṭhiante ho hi ka hrethiam hrep lo ve.


"Intur i duh ang em?" Callie chuan a ṭhiannu lam hawi leh pah chuan a ti zauh a.


"Duh lém lo, chu âi chuan ka little man hi a room lamah hruai chho tawh mai ila aṭha zâwk ang."


"Kei pawh ka rawn kal ve ang, reilo té chu i bula hun hman ve lawk ka duh!" Callie chuan min melh chho leh zauh a, "Trey ka kal ve lawk dáwn a nia, pawi i ti ang em? Ka rawn kîr leh vat ang, rei ka rawn rial lo ang."

"A pawi miah lo, kei pawh Hunter biak lawk ka ngai dawn a." Ka ti ve sup a.

Callie te pa thum chu engmah sawi keh tawh lo hian an in zui chho ta a.


An kal liam fel deuh âwrh ang tihah chuan, Francesca hi a wine no dawm chung hian ka hma ah tak chuan a rawn ṭhu a, a kuttin zuah zum sâl mai nailpolish hnawih sen tak hlar chuan dawh kâna a dah a wine no tlâng chu a chhui pah dan dan a, chumi hnuah a hmûi hnawih sen zet chu alei hian a liak leh zauh a, a wine inlai no chu châwi kângin a dáwt deuh khalh a.


"Boss inneihna chu i kal tlang pui dawn ta a?"


"Aw, eng nge buaina a awm em ni?"

"Awm hran lo ve, mahse i lo sawi ṭhin dán leh kan lo hriat ṭhin dânin nupui neih lampang hi chu i ti ngâi lo in i ti lo tûrah che kan lo ngái a."


"Francesca thil hi a inthlâk danglam ve ṭhin châwk a sin, chu lo ah Callie hi Theo nu a lo ni bawk nén ."


"Wow, chu Callie neih i tum chhan chu i hmangaih váng pawh nilo in, he naupang váng mai khân maw lo ni a?"


"Francesca he ngaihdán hi khawi aṭanga i neih nge, Elizabeth chunga thil thleng kha i hre reng em? A ni khân i hnâr hnuaiah khân thil eng emaw alo beitir ve palh te hi a niang e, Chutiang alo nih hlauh chuan hre rawh, nang pawh hi i bâng bîk hauh lo ang." Ka ti leh nghut a.


"Ahh, nilo ve boss chutiang a sawi chu tum pawh ka ni chiah lo a sin."


"Hei hi hria ang che, Callie hi ka nupui a nih hunah pawh  nangni ho hian ka nupui a nihna ang ngéiin ka chunga inlo tih ṭhin dânang tak min zahna ang kha achungah pawh lan tir ve ula ka duh a ni."


"Chuan a hmâ a ka chung a inlo tih ṭhin dán ang bawk khán ka fapa leh ka nupui chu a hmasa berah innunna ái pawh a min lo dah pawimawh na ang kha inlan tir ve bawk tûr a ni, in nunna ái pawh a inthlan tûr chu an ni nufa hi a ni, chu thil chu in ti thei dawn em?"


"Aw boss ka ti thei ang." Inthiam loh hmél zet hian a ti chhuak sap a.


"Chu thil i ti theilo a nih chuan nang leh kei hian problem kan nei tih na a ni ang. Tûmah in Elizabeth chunga ka tih ang kha min tihnawn tir leh tûrin ka duh lo a chiang tâwk em?"

"Aw boss, a chiang tâwk e."


"A nih chuan heta ṭang hian kal sawn vat tawh rawh, Hunter i hmuh chuan rawn tîr nghâl bawk ang che biak ka duh ang." Francesca chu a kalsawn ta vat a.


CALLIE....

Theo room kan thlen hnu chuan Theo pawh reilo té hnuah a muhil ve ta mai a, a mutui khér mai, Julie leh kei ve thung chu kan ti tî dûn malh malh a, "Kha ti khawp khân i pasal hual hi a hot ang tih pawh ka lo hre hauh lo va, nang lah chuan i sawi chhuak ngâi dèr bawk silo." Dem hmél pu lek lek leh lungâwi loh hmél zet hian min melh râm râm a.


"Trey kha ahot i ti a maw?"

"Oh, hre lo chu i ni hauh bík lo ang, nilo ṭhiannu nang pawhin a hot tih chu i hre ru reng ang, a hmél sexy zet mai te leh a piannalh tak pâ bawk si te kha, a meng thim raih a, mi hîpna a la ngah ém ém zui bawk a."


"Chuan a meng vawt ruih bawk a, a mitmengah khân ngaihno beina pakhat mah a awm lo a, a ngaihtuahna te thleng thlengin a vawt vek bawk a ti raw." Tiin a thusawi chu ka lo chhunzawm sak ve a.

Julie erawh chuan ka thusawi chu a hre chang hauh lo, nge a hrelo der tih pawh hi ka hrethiam lo, a suangtuahna ramah chuan ala chéng a ni mai thei.


"Khumah a zei viau lo maw?" A rawn tichhuak leh phawng a.

A thusawi chuan min ti phu zawk, "Eng maw i sawi a?"


"Khumah a zeiin a khawihna vél te pawhin hmeichhe chungah thil a ti thei viau ang chu!!"


"Julie!" Ka ti deuh ṭhat a.


"A zei hlé i tihna ah ka ngâi, hmeichhe ṭhenkhat hi chu an vannei teh e." A nui deuh sak a.

Chhânna tûr che engmah ka neilo."


"Ka dingchhuak a, party na hmunah ilo lét ve leh ang em? Theo a mutthilh tawh ber chuan Danna pawhin a loenkawl thei tho va!"


"Nilo ve, ka lo kal tawh lo mai ang e, ka lo kal leh zawngin ṭhian kan nih vâng ni miah lo in, i pasal hual sexy zet kha ka zuan palh mai ang tih ka hlâu, oh Lalpa, unaupa te hi a neih ngei ka beisei."


Julie thusawi avâng chuan Alex ka hrechhuak zawk a ka ngái thar thut, Alex kha chu Angel ang mai a rilru ṭha leh zâidam a ni a sin, Trey anglo takin.


Ka lu chu ka thing deuh nak a, "A nih chuan kei chu party na.lamah ka kîr leh dawn a nia."

"Tehréng mai hlim takin hun zu hmang leh rawh."


Inhnuai lamah chuan ka chhukthla veleh ta a, ka zu thleng ka hawikual a, Trey chu Hunter nén hian an lo la inbe mawlh mawlh a, Robbie chu amah a dingin intûr no hi alo dawm bawk a, kawmna hun pawh ka la neih teh chiam loh avângin leh Trey chu ala buai rih a ka hriat avâng chuan Robbie dinna lam chu ka pan phei ve ta a.


TREY......

 "Boss min ko em ni?" Ka ep chiah ṭhuna âwl chu a rawn luah a.


"Aw, nichin deuh khân Robbie khân pâwnah eng nge a tih reng?"


"Dap kual vél kha a duh lo a ni ber ang chu , chuan Boss i rin ang chiahin Robbie chuan silai a lo kawl ngéi a, mahse wire tih lam erawh chu pakhat mah vuah leh thlunzawm a neilo."


"Kha, ka ridân chiah, Feds ho a nilo ang tih chianna kan la nei hauh lo a nia, zanin angah te chuan wire chu a kawllo pawh ani mai thei e, achhan chu a tân zanin hi a hringnun a Bronze Dragons hnaih theihna. Ber leh a hmâichhan a abiak leh a pawh theihna ber hun hlu tak a nih dâwn a vângin." Thinrim zet hian ka ti chhuak nghut a.


"A dik mai thei boss, chu pawh chu thil nithei tak tûr chu a nia lâwm, mahse he pa hi kan rin angin Feds ho zînga mi chu lo nita ang se, a fîmkhur hle tih a hriat mai, amah enthlatu tûr kan tirh te pawh khân tûn thlengin eng thil mah amah ah hmuhchhuah an la nei lo a nia, chu loah Feds hi a ni lâwmni kan hnung a rawn kaltûr a kan duh ém ém kha?"


"Nih chu a ni a lawm, mahse
 fîmkhur tûrin theihtáwp erawh kan chhuah angâi thung ang."

"Ok, boss kha chu kan lo vawng tlat dáwn nia."


"Tûnah chuan Callie pawh alo thleng ve ta bawk a, Robbie lakah sâwn  intihhlim na tlém va siam pahin a mah hriat chianna hun kan neih a hun tawh in ka hria." Ka nui chuak huk a .


"Boss good luck."


"Luck na te chu ka nei sa reng a lâwm Hunter, a ni zâwk saw i hlan ngéi a ngai ang, tunge ka huang chhung rawn dâi záwk hi?" Ka nui chhuak leh hawk a.

"Boss i ti dik reng mai." Ṭhenṭha chung hian a ti ve a.


Ka dingchhuak a, Callie te pahnih awmna lam chu ka pan phei ve ta a.


CALLIE....

Theo chu a muhîl ta em ni?" Rawn ti tu aw rilruih lam chu ka hawi a, Trey chu kan bul maiah hian a rawn ding ve nghâl a, a mi uapna na zet mai chuan ka awm a tinuam lo leh tawh tak zet, ka mûr ru iaih iaih a, damlo dâwn ni mai a inhriatna te ka neih phah hial mai.

Aw muhîl tawh, thidang ang hialin a let dèr tawh mai." Ti melhzauh pah hian ka chhâng  a.


"Zanin chu nuam i ti meuh em chu, i hlim ve maw?" Robbie chu thamloh hmél zet leh chal delh hmél tak hian a melh pah khûr a. A mit meng chu a ngei awm lek lek, a tlé ru mai bawk a.


"Aw, nuam ka tih zâwng tak!" A ti ve mai a.


Ni e, Trey hi amah hre ngâi lo tân chuan a heti tlat zél mipa ngaihawm tak leh ngaihnobei zet mai, zαidam tak hmél a pu tlat, mahse a hmél landan ang erawh a ni hauh lo thung! Chhûngrilah chuan chutiang a ni hauh lo, kei ngéi pawhin a ka hriat chhuah tâk chu thinlung sak tak leh nèlawmna pakhat mah neilo, mi chaldelh thei zet mai leh lainatna nei lo mi hmusit thei tak leh diriam chîng tak a ni tih hi ka hrechhuak tawh a ni. Thinlung pawh a neih ve tak tak ka ring lo bawk.


Trey chuan alam hawi záwng a mi kawih her pahin," A nih chuan i pasal hual duhtak i inhualna kiss i lantîr a hun tawh tihna a nih chu!" A hmûi chu sexy zet hian a pet sáwi zauh a, ka mengphâwk kher mai, eng thil nge amah ah hian awm pawh ka hre hrep lo ve.


A rawn kûn hniam a, ka bengbul lamah chuan thle pheiin, ka bek vⅇl thâwk lum khum ham ham pah chuan, "Tûn hma mi i lo fawh ṭhin dán ang nilo in aw niang." A rawn ti leh sar sar a.


He pa ngaihtuahna ah hian engthil nge awm tih pawh ka hrethiam lo tak zet zet.


Ka fawh rem tûr tak chuan a hmûi chu a dawh ta a, ka ding dihlîp deuh hlek a, a hmûi chu ka han sîk tir da da a, muang châng hian ka fáwp ṭan ta a, he thil atih chhan chu Robbie thîk tûr a a tih chu ka ring ber, ka fawhna chu min chhânglét hauh liva, mahse amah ah effect a nei reng a ni tih hriatna chuan min ti phûr tho tho, chu vαng chuan ka thil tih lâi pawh chu ka chawlh duh phah chuang lo, rei vaklo hnuah chuan a insûm thei tawh bîk lo ni ngéi tûr a ni, min kuah hnâi leh sauh a, a hmûi lum ham ham chuan zei  leh uar tak hian min chhâng lét ve ta a, afawhna chu a uar ém a vâng chuan nawmna nasa tak hian min chénchilh leh dér tawh, boruakah chuan léng delh delh a inhriatna hi ka nei a, a taksa ruh ṭang leh a pangtilum in min nghenna chuan him ta ngawih ngawih a hriatna hi min neih tîr bawk a, chu ka thil tawrh lâi mék a vâng chuan ka nghéng hnâi ve ṭâlh ṭâlh bawk a, kan taksa inhnaih dân chu pum khat ang mai a ni tawh hial ang, a kut ṭang sei thlurh chuan ka biang leh lam leh lam ah chuan a rawn khuap a, duhthawh zet hian min fâwp ta mial mial a, chu thil avâng chuan ka maimitchhing lo thei lo, tunge min en a tute nge awm ve tih pawh ka pawisa zo tawh lo, Chu hmunah chuan Trey nen chauh kan awm tawh ni a hriatna hi min neihtir tlat, phûrna nasa zet nén boruak ah chuan ka thlâwk delh delh ni ber hian ka hria.


Chutia phûrna nasa zet mai ka neih lâi tak chuan hnunglam aṭang a Robbie khuh kharh thâwm chuan min ti harh zawk a, ka ngaihtuahna fîm chu a rawn lèt leh a, Trey pawh chuan chutiang bawkin min fawhna chu a thlah a, ka melh chho zawk a, ani pawh Robbie thâwm rawn siam chuan ati lâwm hauh lo tih Robbie a melh dân aṭang chuan a hriat theih!

Robbie melh rûn pah chung hian, "Babe zân a rei lam tawh bawk party hi kan ti tâwp tawh mai dâwn em ni ang?"

"Tehréng mai." Tiin ka chhâng ve sap a.


"Ok, chutih hma chuan Hunter biak lawk ka ngâi a, ka va beleh lawk ang a, party bâna chu kan rawt tawh mai dawn nia."  A kalsawn zui ta nghâl a.


Inthiamloh hmèl zet a Robbie lam hawi pah chuan, "A pawi ka ti tak zet, uhm .... ngaihtuahna a ngah deuh a nih ....ka ring....." Ka ti kual vel ta niah niah a.


TREY....

Hunter lo ṭhutna lam chu ka pan a, ka ṭhutthlâ ve nghâl a.

"Boss eng nge chan chin?"


"Robbie chuan Callie a hmuhlâia ka khawih vél chu a duhloh hmél khawp mai." Tiin ka chhâng sup a.


"Robbie hian Callie lakah ngaihdân eng emaw aneih te i ring em?"


"Mai thei." Ti chauh in ka chhâng a.

"Chu zâwngchhia zet chu(h), nungdam in a in ka thlen tîr hauh lo ang." A kut dawhkâna a dah chu a hmer ngut ngut a.

"Hunter inbengdâi rawh, Robbie hi tu hnuaiah nge a thawh tih kan hriat hmasak phawt tûl i ti ve lo maw?"


"Aw le, mahse he hmun a chhuahsan hma hi chuan kan piai liam liam phawt ang chu le." A nui pah suk a.


"Ngâithla rawh, Robbie hian he hmun achhuahsan veleh nang leh Clegg hian akalna hmun apiangah zui nghâl ula ka duh a, a boss a biak ngéi ka ring bawk a, tu hnuaiah chiah nge a thawh tih hi kan hriat chhuah vat angâi ang, chuvâng chuan khawihmunah pawh a kal anih chuan rawn bo hauh suh ang che u."

"Kei pawh mut tum tawh mai ila a ṭhat ka ring, chuti lo zawng he hmuna ka awm reng chuan mipakhat nunna in atawrh mai ka hlâu." Ka nui pah ruh ruh a.

"Ok, boss i sawi ang chuan kan lo che nghâl ang."

Ka dingchhuak leh a Callie awmna lam chu ka pan leh a, midang ho kan mangṭha hnu chuan inchung lamah chuan kan chho ve ta a.


CALLIE....


Trey néna kan room lam panna coridoor kan kal lâi mék chuan alaka lâwmthusawi ve chu ṭûl hian ka hria a, ka inher a, ka hnunga awm Trey lam chu hawiin, "Zanin aváng khân ka lawm e." Ka ti sap a. Thuldang han sawi zawm leh chuan tûr hre lo zet hian, "Uhm...mu turin kal mai ila aṭhat ka ring!" Ka tih zawm leh a.


"Callie lo la ngâwi lawk teh!"

Ka room lam pana ka inher tûr chiah chu Trey lam hawi zâwng chuan zâwimuang hian ka hawi lét leh a.


"Yes Trey?"


"Rinawm taka awm chung cháng kan sawi kha pâwnlamah leh inneih hnuah chauh ti raw?"


"Aw, eng nge chu chu?" Trey chuan khâng stripper Shantoy ang chi kha a inah koh a tum a ni chiang ang.


"A chhan chu Callie hetiang hian rei tak chhûng ka awm theih ka ring lo mipa ka ni a i hrethiam ang chu, inchhûngah hi chuan ka nupui tûr tâna ka rinawm phawt chuan apawi chuang lèm em ni?"

"Uhm......"

Trey chu ka melh chho a, amit meng thimruih maiah chuan he thil hi ka hmu ta a, min duh a ni, chutiang bawkin min mamawhna chu a mitmengah ka hmu thei! Kei pawh hian Trey chu nasa takin ka mamawh si a, ka rilru put dân ka thlâk leh hma ngei chuan Trey jacket hák ah chuan ka pawt hnâi a, a hmûi lum thar thar ah chuan ka heh chu ka han ti si ta dα da a, min lo chhâng rang khawp mai, a bântha chak zet chuan min pawt hnâi lawp a, nghet zet a ka taksa chu kuahin rilṭâm hmél tak hian min fâwp zui nghâl ta bawrh bawrh a, a chét dân chu ramsa kauham zet ang mai hi ka tehkhin ber, ramsa rilṭam zet maiin a atâwpa asa seh tûr a hmuh tui tizet a a pet hlawih hlawih ang hi nimai hian ka hria.


Rihna ka neita lo emaw tih mai tûr ang zet hian zo zetin min pawm káng lawp a, ka room chu min pan pui a, ka room chhûng kan thlen chuan kawngka a khâr phui leh nghâl a, chumi hnuah kan thawmhnaw chhuata tlâ in a zui nghâl a, thawmhnaw kan inphelh ruah sak vek hnu chuan khum lam panin min pawm phei leh a, khum chungah chuan min nghat deuh lawp a, a mitmeng tisa châkna ina a bawh khah chuai chuan min melh chhuk deuh ngur a, ka taksa chu a enthla leh dan dan a, zah ahnékin chûng thil chuan min tiphûr tlat, hetiang a mipa in rilṭâm hmél zeta ka taksa an enkual lohna chin pawh hi ka hre tawh tlat lo, kha thil kha chu kumhnih hma lampang daih tawh kha a ni si a.


A underwear aphelh chiah chuan a mipatna hrawl zet chu a rawn inperh tho nghâl auh a, ka kut khûr dar dar chu la in min hûm tir a, chu thil lum vang vang chu ka feel raih raih, ka kut chu rawn hûm thuahin amah chuan a ti che ṭan a, nuam a tih hmél kher mai, vanvadâk meuhin a maimitchhîng pah duar duar  a, a rûm chhuak hrawih bawk a, chutianga a nuamtuar hmél chuan phûrna nasa tak min thlen ve lo thei lo.


A duhtâwk niâwm tak a ni, a mipatna pawh chu a hma âiin a mar leh zual sauh hian ka hria, ka kut chu ala sawn a, khum lamah chuan min kuai bungbu a, ka chhûngril a min ti phûr ve tûr chuan a kut chu a hmangthiam takzet. Ka khûr dar dar a, ka kut chuan khum lulam tlâng chu ka vuan rán bawk a, ka dák leh ârh ârh ṭhin bawk a, awmngaihna rèng ka hre lo.


A duhtâwk a min suasam hnu chuan hnunglam zâwngin a rawn che ta a, a mipatna ka chhûnga a rawn luhtirh lâi vel chuan ka lo îp deuh cháih châih a, a na deuh hlek, mipa ka mutpui lohna kha a rei tawh viau si a, chu loah Trey chuan a nei hrawl ve deuh hrim hrim bawk.


A hnuah chuan nawmna nemèn loh hian min tuam leh dér tawh, ka thaw hlap hlap a, ka dâk leh deuh ârh ârh bawk ṭhin a, chu ti taka nawmna ka han tuar leh chu ka maimitchhîng leh ta riai riai a, ka mengphal mawlh lo.


Nawmna tuipui fâwn chuan min tuam hlup hlup a, kâr lovah limawng lamah chuan kan pil dûn ta vang ni mai hian ka hria, ka râk chhuak ṭhat a, Trey kut tha chak zet chuan ka tâi bâwr ka khél leh lam leh lamah chuan a dawm a, ahma âia uar leh zual chuan chét a rawn la thar leh a, ka khûr dawt dawt a, engdang mah ka ngaihtuah thei tawh lo, Trey hming chu zâwi te tein leh keima hriat thamtâwk lek lek hian ka lam chhuak pah sap sap a, hepa hi ka mamawh ber chu a ni si a.


Min lehthal lawp a, ka bawp pakhat chu a kut lehlam hian chunglamah a dawm kâng a, rang zet hian a rawn che leh zawt zawt a, ka âu nasat lohna tûr chuan ka kutin ka kâ ka hup ngat ngat, a zawi ta hnawk a, ka chungah chuan rawn bawk thlawrhin ka chhûngrila a thil lum tak chhuak chu kan feel dûn raih raih a, châu tak chung leh chesawn peih tawh leh tawh lo in puan pakhat in zâwn chuan tui zet hian kan muhil dûn ta bawrh bawrh a.


THE NEXT MORNING....

CALLIE....

"Mommy !"

"Mommy!"

Ka mengchhuak a, ka bulah chuan Theo chu alo ding rân tawh a, a kut tereuh té chuan ka lû ah chuan a lo sâwi deuh nak nak a, "Theo eng nge ni ta?"

Trey kut lian zet chuan puan chhûngah chuan ka hnute chu a kuah rân bawk a, eng thil nge thleng ta hi? Ka tho chhuak zawk a, mahse saruakin ka lo la awm reng ani tih chu ka hrechhuak leh nghâl vat a, khum mawnglama puan chu la vatin ka intuam nghαl thuai a, "Mommy daddy'n tah nge atih?"


"Uhm.... Theo...."


"Ni e Trey hetah te eng nge i tih a? " Dima chuan kawngkhâr rawn hawn pah chuan nuih za aw zet hian a rawn ti ve a, ka intuamna puan chu ka hûm nghet sauh sauh a.

"Trey chu a rawn meng chhuak a, "Dima hetah te eng nge i rawn tih hrep?"


"Trey, Theo bulah khatiang ṭawngkam kha hmang suh!" Ka lo ti hlak a.

"Mommy leh daddy in eng nge tih?" Theo lah chuan alo ti ve sek mai leh nghâl a, chhânna a hmuh hma chu a zâwt leh ngar ngar duh ang.

Trey chu a tho chhuak a, ani chuan kekawr a lo ha diam tawh, hreptak chuan, zan lamah a harh ani hrim hrim, a fair lo khér mai, Theo chu a pawm kâng a, "Mommy leh daddy chuan movie an en mai chauh a nia."


Ka nuihza lutuk chu ka phuh chhuak teuh lutuk.

 "Tak tak maw Trey, movie in en chiang a maw?"Dima nuih chu a za kher mai.


"Dima he hmun a ṭang hian chhuak hre....."


"He hmun aṭang hian lo va chhuak vat mai teh!"


"Ok, bro, hetiang hian em ni vawiin ni pawh hi i sâwi dawn?" A nui leh vak a.


"Dima chhuak vat mai teh!"