TSEPNAYA REAKTSIYA   MAFIA ROMANCE CHAPTER 20

CALLIE...

"Hei hi kan ruahman zínga mi kha a ni ve lo." A ti leh nghut a.

"Oh, kan ruahman zingah khân telve in  thlangtu tûr chu nangmah hi i ni mai a lawm."

"He thil i sawi chhan hi i pasal chu rinawm taka ina awm tur a i tihna em ni?"

"Oh, teh reng mai!"

"Ok, ka pawm e, rinawm tak chuan ka awm ang e."

"Ok, ṭha taka i awm chu a ngai ngei ang, chuti anih loh chuan Theo nen hian kan chhuahsan ang che."

"Chu chu i hria ti raw?!"

Tiin hnunglam pawh hawi leh tawh lo in ka kalsan ta daih a.

TREY....

Callie kal hnu chuan tháwk ka la hrawih a, he ka thil tih ah hian eng nge hlâwkna ka neih ve le? Ka tân engmah hlawkna a awm lo.

He hmeichhia zet hi chu min ti buai tu leh kawng engkim a rilru hahna min thlentu chu a ni ve chiang a lawm.

Ngui zet hian inchhûng lamah chuan ka lût ve ta a.

A FEW DAYS LATER....

Ka room aṭang chuan insiam peihsa atin ka chhuak a, inhnuai lamah chuan chhukthla in Callie sitting room a awm chu ka zu fin ve a.

"Theo chu ala mu em ni?"

Callie chu ka lam hawi zâwng chuan zâwimuang hian rawn inher in, "Aw, a dam sam vak lo a."

"Damnit, ka kal hma a va thlah ka tum a sin le!"

"Eng vângin maw, khawiah nge kal i tum a?" Min melh chho kar a.

Chhân ka tum lai tak chuan ka phone chu a rawn ri a, "Sorry, hei chu ka lâk a ngai." Tiin ka phone chu ka pick ta nghâl a.

"Nu kak dela Demitri?(Demitri i damṭha maw)

"moy samolet uletayet cherez chas." (kan thlawhna pawh darkar khat chhúngin a chhuak ang.)

"Ya budu v Rossii segodnya vecherom!"(Aw, zaninah chuan Russia ah ka awm hman ang.)

"Horosho uvidimsya!"
(Aw le, kan in hmu dawn nia.)

Ka phone chu ka ak ṭha leh a.
"Eng ṭawng nge i hman kha?"

Callie lam chu ka hawi leh a."Russian ṭawng a nih kha,  hrilh che ka lo tumsa hrim hrim a, Russia ah ka kal a ngai ang tún aṭanga darkar khat chhûng hian ka flight ka nan hman ngei a ngai dawn." Ka ti a.

"Eng nge Russia ah chuan i tih dawn?"

"Chhûngkaw thil a ni ang chu, Theo chung châng hi kalin ka sawipui hlawm an ngai ang, chuan meeting ka nei sa hrim hrim bawk a."

"A nih loh pawhin hun dangah nang leh Theo hruaiin ka chhungte ho chu ka la hmuhtir ve ang che u."

"Engtin nge Russia ah daih daih chhûngte i neih dân?" A hmèl chu ka en a, dîlchhut na chauh tih loh chu hmuhtur a awm lo.

"Ka nu hi Russian a nia."

"Ka kal angai, Detroit ka hruai dawn a, mamawh ilo nei anih chuan Hunter leh Clegg bulah ilo sawi ṭhin dawn nia."

"Chuan Callie in hi lo chhuahsan suh ang che."

"Ka lo ti lo ang."  Ti a min chhân hnu chuan ka inher nghut a ka chhuahsan ta nghâl a.

CALLIE....

A merican full anih loh kha ka lo ring sa réng tawh a.

Ni e, athinrim chángin ṭawngdang chu a phuhchhuak ngei ṭhin alawm, mahse Russian ṭawng anih pawh ka lo ring ngâi lo a, ni e, Russian ṭawng chu a thiam khawp ang.

A nih chuan half Russian tihna a ni ta a, a sexy rèng a ni, thlahpawlh ho hi engvâng a sexy viau zel leh mi hîpna ngah ém èm zèl nge maw an nih ṭhin le? Callie chutiang ngaihtuah thei pawh i nih loh hi, ani chuan eng atân mah angai hlei nèm che. Tiin ka in hrilh leh rih a.

THE NEXT DAY....

Trey chu Russia a kal aṭangin engmah a chanchin hriat ka la nei lo hrim hrim, engtik ah nge a rawn haw dawn tih pawh ka hre chuang lo.

Buzz Buzz Buzz
Ka phone chu ka en vat a, amah ani ngei tawh ang, ka phone a message rawn thleng chu ka hawng a.

Mahse Robbie hnén aṭangin a lo ni zâwk a, Trey message chu beisei lo law law ila ka ti fuh záwk mai thei a ni.

Hey, beautiful, New York ah i awm tih ka lo hria a, sumdawnna eng emaw thil vângin ka rawn kal a, fancy meeting neih pahin zanin hian dinner min kîl pui thei ang em? Robbie x

Dinner ei pui turin min duh a, engtin nge ka tih ang? Trey chu a thinrim leh viau ang chu, Robbie hi angaitheilo ve hrim hrim bawk nⅇn.

Mahse Russia ah a awm mèk a, engtin mah a hrechhuak hauh lo ang.

Robbie hi ka ṭhian a ni a, ka ngai a, hmuh leh pawh ka nghâkhlel tawh tak zet.
Trey chuan a duh emaw duh lo emaw ka ngaihven peih vak lo.

Ka phone chu ka ban leh a, dinner eipui tûra hmuh mai mai te chu a pawi ka ring lém lo, tiin a message tur chu ka type ve ta a.

Hey, Robbie hmuh che chu ka châk lutuk, khawiah nge ni ang, chuan engtik hunah nge?

Italian restaurant 5th Avenue dar 7 ah i thei ang em?

A ṭhat chu kan in hmu dawn nia.x

Tûnah chuan engtin nge ka chhuahrûk theih ang tih chu ngaihtuah angai hmasa phawt, chuti anih loh chuan ka body guard nén dinner eina hmunah pawh ka kal zèl angai dawn si a.

Hunter chu ka call ta a."Hunter Callie ka nia, ka roomah ilo kal zuai thei ang em?"

"Ok, ka lawm e."

Ka phone aṭanga rei vaklo hnu ah Hunter ka room lam pan a rawn kal thâwm chu ka hre ta a, mahni leh mahni chu inhrilhin, Callie ṭha takin lo ti ang che, an rin ngei ngei theihna tur che in!

Hunter chuan ka room kawngkhâr chu a rawn hawng ta a, ka hmél chu ka lo ti nguairaih a, damlo hmél zet hian ka meng dulhnak bawk a,"Callie engkim aṭha maw?"

"Ṭha vaklo, Hunter ka lû a na lutuk a, "ka lo ti chuai raih a.

"Doctor koh sak che i duh em?"

"A ngai lovang, Theo kha min lo ngaihven sak tûrin leh khuma lo mut tir tûrin ka duh zâwk mai chauh che u a nia." Ka ti leh sap a, ka lu chu na tih hmel zet hian ka bek tawn tawnah chuan ka kut pahniha dawmin ka ṭhen deuh sak sak bawk a.

"Ok, a pawi miahlo, aspirin emaw nachhawkna thildang te i mamawh ang em?" Mi ngaihtuah hmél zet hian a ti leh a.

Kei erawh chuan kal thuai thuai se ka ti tak zet, ka thawmhnaw thlákna hun ka neilo pal hlauh ang tih chu ka hlâu zek zek.

"Nachhawkna chu ka ei tawh e, min chháwk room thim a mut rih ka duh mai chauh a nia, chuan i chungah ka lawm tak zet bawk." Tiin ka ṭhenkhum deuh sak a.

"Ok, kan little man chu ngaihtuah duh rèng réng suh, kan lo ngaihven reng ang."

"Ka lawm e, chuan tupawh heihi min lo hrilhsak la aw, tumah zaninah chuan min tibuai tur in ka duh dâwn lo a nia."

"A pawi lo, ka lo ti ang." Tiin a chhuak ta a.

Ka nuichhuak var var a, ka ngaihtuah ang âi in thil a awlsam daih mai!

Mahse buaina a thlen tir loh hrám ka beisei, manchhuah ni ta ang i la, ṭha takin boruak a kal tîr hrâm chu ka beisei tak zet.

Tûnah chuan insiam a, inpeih vat vat a hun tawh tih pawh ka hria, ka tlâi tèp tawh leh nghâl.

Kawr dum lampang ka hâk ngei a ngai ang, zânthim hnuaiah pawh ni mahse inhnung lampang kawngkhâr aṭangin ka chhuak dawn a, tukverh a an lo dahchhuah pal hlauh zawngin min hmu sam lutuk palh ang e, tih ngaihtuahna avâng chuan kawrlum phiar fual deuh hlek dum leh kekawr tlâwn ka mal leh châwn phuar deuh ṭang chu ka ha a, ka ke lamah chuan pheikhawk pum dum bawk ke artui sang lém lo tak bun nuam zet tur chu ka bun bawk a, ka sam chu ka pawt mar leh sawk sawk a, ka inpeih ve ta hrâm e, kawngkhâr hnunglam aṭang chuan tháwm dîm zet hian ka chhuak a, taxi ko in Robbie min lo nghahna reataurant lam chu ka pan ta a.

A hmun ka va thlen chuan ka chuan man te chu pe felin dawr chhûngah chuan ka lût a, kawngkhâr bulah chuan ding deuh hlekin Robbie chu ka mit in ka zawng kual a, ka dinna hmun aṭanga hla vak lo ah hian a lo ṭhu a, a phone chu a lo bih sek tawh tih ka va hmu a, thil pakhat hrechhuak zawkin ka phone chu ka silent ve ta nghâl a, Robbie bul chu pan pheiin a ṭhutna ep chiahah chuan ṭhut hmun ka rem a, nuih sâng pah hian,"Min lo nghahna a rei tawh em?" Ka ti pah a.

"La rei ém ém lo e," a nui zui suk a, "Callie i duhawm kher mai."

"Ka lawm e Robbie ! Ṭhiante i ni bawk si a, ka rawn ngai pawimawh lutuk che a." Ka nuih lét ve sak a.

"I pizza duh deuh ang chi kha ka lo order ve tawp a, pawi i tih loh ka beisei." Min melh pah zauh a.

"Pawi ti nâng aw, ka lawm lutuk e."

MEAN WHILE BACK AT HOME...

HUNTER....

Ka phone chu a rawn ri a, Clegg chuan min melh rum kher mai, achhan chu nimin lam pang lawk ah Theo a damloh avâng khân zanin pawh hian ala damkawr deuh èm avángin tihmut a harsa hlé a ni, a nu Callie lahin tih buai a duh bawk si lo, hmanhmawh zet hian Theo room chu ka chhuahsan a, boss number ala ni zui, room pâwn ka thlen hnu chuan kawngka chu khârin, phone chu ka pickup ta a.

"Boss eng nge ni ta?"

"Khawiah nge Callie a awm? A phone pawh a chhâng lo rèng réng! " a rawn ti ṭèng deuh chhuai a. A thin a rim hmél khawp mai.

"Khumah a mû, alu a ná a, tihbuai a duh loh thu a sawi a."

"Well, ava ṭha ve a, alu anat avângin tihbuai a duh lo a maw? Túnah a roomah chuan kal la min rawn be nghâl vat tûrin hrilh rawh!"

"Ok, boss!"

Callie room ah chuan ka chho leh a, room kawngkhâr chu ka kik karh karh a, mahse mi chhâng tu rèng an awm lo, a muhîl a ni ngei ngei ang ti rilru chung leh kaihthawh nghâl tumin room chhûngah chuan ka lût a, khum chu a lo ruak hiai a, bathroom ah te a lût a niang ti lehin ka nghâk deuh vang vang a, a rawn chhuah mai tâk lovah chuan bathroom kawngkhâr chu ka hawng a, tumah an awm chuang lo, khawiah nge Callie chu a awm ták ang?

"Callie!" Tiin vawithum lái mai ka âu a, mahse chhânna rèng ka dawng lo.

"F*ck, khatiang thil ti tûra min tih hnu khán a pût chhuak ru  a nih chiang mai!" Ka ngui rawih rawih, "boss min ânkhumna ṭawngka chu dawn leh angâi ang."

Ka phone chu phawrh chhuakin, Clegg keimah, "Callie a kal chhuak amah in."

"Ka hre lo, Theo kha ṭha deuhin lo vèng ang che, keiin Cooper ka lo hrilh ang a, zawngkual tûrin ka lo ti dawn nia, chuan boss pawh kan phone nghâl ang e." Phone chu ka cut a.

"Cooper Callie a kalchhuak a, lo ngaiven ang che, khawiah tak nge a awm kan hre lo."

"Boss Callie chu a roomah a awm lo."

"Eng nge i sawi awmzia a awm lo i tih chu?" A ti chher chuai a.

"Ka rawn biak hma che khân Cooper bulah zawngkual tûrin ka lo ti a, Kidnap anih pawh ka ring lo, a chhuakru zâwk niin ka hria."

"Engtin nge kidnap ani lo tih i hriat zâwk?"

"A chhan chu a lu nâ atih avângin kan han check duh tawh lèm lo a, chu chu rem chângah hmang in a chhuakru a nih ka ring ber." Ka ti leh a.

"In pahnih khân mi mâwl tak inkawp innih kha hre rawh u, hmeichhe pakhat lek controll chu engtiang hrep a harsa viau nge maw a nih le?"  Boss chu a thinrim viau ani tih a ṭawngkam aṭang ka hriatchian èm aváng in engtin mah ka chhâng duh lo.

"Theo khawiah nge a awm?" A ti leh hrawih a.

"Theo chu a khumah a muhil, Cleggin a khum bulah a vèng."

"Callie chu tûnah a phone trace sak kan tum ang e, ka chhawm dawlna lo ngâi châng reng ang che u, chumi hmazawng chu eng thil mah tiin lo che chhuak suh ang che u."

Boss chuan phone a dah a, kei pawh thil awmzia leh boss nén a kan inbiakna thu Clegg hrilh ve tûr chuan ka kalsawn ta nghâl a.

MEAN WHILE IN RUSSIA...

TREY...

"Detroit, Callie phone kha lo trace sak ta che, chuan Alberto kha hrilh nghâl bawk la, phone i trace zawh hnu ah jet hi boruakah thlawh kân tir tawh rawh se."

"Ka lo ti dawn nia boss!"

Detroit chuan Callie awmna chu a hre thuai a, min hrilh ta nghál a, thinrim zetin Hunter chu ka beleh a, "yes boss?"

"Callie chu tûnah hian Italian restaurant 5th Avenue ah a awm hrep a nih chu, va pawh khér angai lo a nia, a nunna hlauhawma a awm te a nih loh chuan, amaherawh chu enthla ru reng la, i hloh tûr a ni lo ang, a kalna hmun apiang ah zui zel ang che." Ka ti leh hmuk a.

"Ok, tûnah Russia ah em ni ila awm?"

"Rawn haw tumin thlawh  chhuah kan tum mék, darkar 12 hnuah New York kan rawn thleng leh ang."

"Ok boss, kan in hmu leh vat dawn nia.

Ka phone chu ka cut ta a, "Detroit, Alberto chu i hrilh tawh em? Hnanhmawh ka duh, ka awmloh chuan engkim a buai chuar nghâl vek zél." Ka ti chhuak hrawih a.

"Aw le, boss ka lo tur ang."

NEW YORK
ITALIAN FAST FOOD
5th Avenue

CALLIE...

Robbie chuan eitur kan ei mawlh mawlh lâi chuan min rawn melh leh zauh a, "Pasal i nei dawn niin ka lo hria a?" A hmela zawhna zawh hmél zet hian a ti a.

"Aw, ka tum chu a nia láwm." Chu thil berkher a sawichhuah chu ka rinloh lam tak a ni.

"I hlim lutuk lém lo a ni maw? He i thil tih tûrah hian." Hriatchian belh châk hmel zet hian a ti leh a, ka mitah tak chuan a en bawk a.

"Oh, ka hlim lutuk, mahse a thleng teh thut lutuk a, chuvâng chuan ka hamhaih deuh hlek e tih chauh a ni." Ka ti leh sep a. 

Chutia ka sawi mai chu ṭha ka ti ber, mahse ka ṭhian a ni a, thudik tak ka hrilh lo erawh nuam ka ti teh chiam lo thung!

"I hria alawm, i duh chuan he thil chung châng hi min sawi pui thei reng a nia," dawhkαn a ka kut dah chu a rawn hmer deuh vang vang a.

Ka kut chu ka la kîr rang khér mai, a ni pawh a mengphar ve âwk tho, ka kut chu ka la lét rang teh thut lutuk chu a ni ngei ang, "Ka hria a lawm, mahse diktak a sawi chuan ka hlim lutuk tlat!" Ka nuih pah séih a, ka sawi lai chuan hlimhmél hi ka pu lui sáng bawk a.

Hunter chu Trey an a rawn hrilhna address lam pan chuan a inkhalh chhuak ve ta a, chu restaurant thlen hma deuh hret langsâr lo lai tûr âwmah chuan a car chu a park a, inchhûnglamah chuan a lût ve ta zauh a, Callie chuan mipa pakhat hi alo ṭhutpui a, a lo hlim nasa mai, well Callie lan dânah chuan dinhmun hlauhawm takah a din loh hmél khawp saw.

Sawlai a abula a mipa awm 

pawh saw tunge a nih tih chu rindân ka nei mai.

"An pahnih thlalâk hi boss kan thawn ve mai mai ang e." a Phone chu a phawrha, camera ah dahin Callie leh a ṭhutpui pa thla chu a lâk sak a, a Boss chu a thawn ta a.

Pâwnah chuan Callie te chu an in zui chhuak a, Hunter pawh chuan an hmuh phâk loh tâwk chiah chiah chuan a zui ve zel bawk a, an ṭawng pawh a hre pha ve vek zèl.

Zan hun ṭha tak min hmanpui a vângin i chungah ka lawm lutuk Robbie." Callie chuan a ti a.

"Uhh, beautiful kei tluk a láwm hi an awm dawn em ni, nangâi chuan ka láwm záwk fe a sin, ka rawn thlah dawn che em niang?"

"A ngailo ka lawm e, taxi ka la leh záwk mai ang, ka tân pawn a awlsam zâwk."

Callie in a Robbie ti a a koh chuan Callie chu a fáwp ta thut a, Hunter lah chu camera nèn a lo inring reng anih vâng chuan an thla chu a lâksak chiang kher mai.

Callie chuan thinrim zet hian a num per dâwrh a, "I va zak lo ve a Robbie, engthil nge i tih hi i hria em? Pasal ka nei dáwn tih pawh i hre vek, engvanga min rawn fáwp ringawt nge maw i nih chu le?"

"Callie ani kha i nei duh lo a ni tih hi pawm mai rawh, i nei duh lo tih hi ka hrechiang lutuk tlat!"

"Chutiang thul chu sawi pawh i vahan sawi ngam záwk ve maw le? "

Callie thin chu arom khér mai Hunter chuan a dinna hmun aṭang chuan alo thlîr reng a, chu pa chuan Callie chu khawihluih a tum anih vaih chuan ca inlan nghâl chu a tum rilru a.

A mah erawh chu Callie záwk chuan taxi chu a phar ding a, a chu pa chu a chuan san ta daih a.

Hunter chuan thlalâk chu la fuh inti zet chung hian, Vala i châklo viau ang maw le, mi nupui tûr chu i fâwp ngam a nia, i huai man chu ila hmu khawp ang, i hringnuna i thil tihpalh lian tak anih ngéi ka ring, kha thil i tih kha i death warrant i sign fel tawh ah ngâi hmuah bawk ang che ti a ngaihtuahin a thlalâk pakhat chu A boss a thawn leh ta a.

TREY....

Kan thlawh chhuah hma deuh lawk chuan ka phone chu arawn ri a, ka en vat a, Hunter hnén aṭang hian pics ṭhenkhat a rawn thleng a, ka hawng chiah chu ka thin arim khér mai, f*cking Robbie bawk maw ni a?

Rinawm deuh a awm tih vél chu ka mawng hi a ni ringawt.

Kei, kan country pâwna ka awmlaiin a ni chuan Robbie a lo chhuahpui leh hmanhmawh a, engtin nge kei pawh rinawm tak chuan ka awm bîk reng ang a? Ka thinrim lutuk chu ka inseh ruh ṭeuh a.

To be cont....