TSEPNAYA REAKTSIYA MAFIA ROMANCE CHAPTER 19

• TSEPNAYA REAKTSIYA   MAFIA ROMANCE CHAPTER 19

CALLIE ......

Thunrim zetin Trey chu ka chhuahsan a, páwnah chuan ka ding vang vang a, Trey chu khawvel a mipa nèp leh hmusit awm zet ni hian ka hre hial mai, mihring pawh a ni lovang nge tih tur khawp in a awm chu a nia, zâwimuangin ka kal chhat chhat a, ka thinrim lutuk chu ka lum pup pup hian ka hria,eng ti kawng zâwng mahin ka nei hauh lo vang le.

"Oh, he mipa zet hi chuan ngaihtuahna ava han tibuai tak zet ém." Thâwk ka la halh a. A rual pawhin ka haw leh thei tawh lovang, taxi la in inlam pan mai ila aṭha in ka hre tawh.

Taxi lâk tuma ka hawi chhuak chiah chu ka thil va hmuh chuan ka thin a ti phu dawt dawt mai, tlânbisan nân a tlâi lutuk tawh, ka bul chu a rawn thleng chawp chilh nghál a.

"Callie kan in hmu leh ta a lâwm le."

"Dillon!" A mitmu silver rawng chuan kut thlâk châk zet hian min melh chhuk rûn a, ka hlâu tak zet, khatiang a Trey te ho a chungah an chét tawh leh lek hnu ah phei kha chuan ka hlâu ngawih ngawih tawh.

"Eng nge i duh?" Ka ti chhuak thei hrám a, eng thil nge tih pawh ka hriat loh chuan ka thâwkna dâwt te chu a hnawh up up hian ka hria.

"I rulh lét ve na túr ka duh!" A aw chu a fiak ṭha khér mai.

"Mah....mahse kei chuan eng mah ka tih ve loh kha....."

"I boyfriend leh kha a ṭhuihhruai ho mi â zet zet te khân ka in chu bawlhhlawh paih khâwmna hmunah min siam sak a, kei chu hospitalah che thei lo in min kalsan bawk tih hi i hria em?" A ti leh khur khur a.

Ka rilru té tè chuan i chan táwk chauh anih chu ka ti a.

"Ka bulah ilo kal ve ngèi angai ang." Ka bânah chuan a rawn vuan a, min kalpui luih chu a tum a.

"Nilo, min thlah rawh." Ka bân rèk a a vawnna chu a na khèr mai, ka thisen zâm kal lai te chu a buai ani mai thei, ka kut hmáwr lam chu a hik mam mam a. Mahse ka theih tâwk erawh chuan ka ṭang tho.

"Callie min han hrilh teh! I fapa chu a dam ṭha em, a hming pawh Theo ti raw?"

Chu thu chu engtin nge a hriat theih hrep pawh ka hre lo, ka mang ang khér mai, Trey te ho thusawi lah kha ka fapa that tu tu chu pawisa pék an ni ang tih a ni si, he Dillon ngei pawh hian nuai sawm hmuhna túr chuan naupang mai mai chu a that hreh hauh lovang. "Engtin nge Theo chung cháng chu i hriat theih záwk a?"

"Eng kim ka hre vek, i chung cháng thu hriat loh ka nei hlei nèm." Chanṭha chang intih hmèl zet chuan a nui pah vawr a.

"Lo kal rawh le sweetheart!"!

"Nilo, ka lo kal theilo ang, Dillon min thlah rawh!"

"Uihurnu leh!"

"Dillon, Dillon, Dillon!"

Ka hnunglam chu ka hawi nghâl a, "Vawi engzah fa ko nge he thil hi kan han tih dâwn le aw?"

Trey chu ka kuah thlawp a,"Theo chung châng kha a hre vek." Ka ti nghâl hlap hlap a.

"A ni chiah em Dillon?"

Trey chuan ka kuahna lak aṭang chuan min nemsawn deuh a, ahnungah chuan min dintir té tè phawt a, Dillon chu amân hmachhawnin,"Ka fapa chung cháng eng nge hriat i neih?" Thinrim zet hian a ti khur khur a.

"Eng chung cháng nge i sawi tih hi ka hre hauh lo." Bangbo hmél zet hian a ti ṭha leh vél a.

"Ka tâ engpawh kha i kut hmáwr pawh a ilo khawih leh anih vaih chuan hre rawh, ka ti boral ngèi ngei tawh ang che."

Trey chuan a dinner jacket dum a hâk chu a kéu a, a kâwng hnunglama a pâi silai chu phawrh chhuakin Dillon dul záwnah chuan a tin ta rûn a.

Dillon hmél chu lapua ang tluk hian a vár pap nghâl a, a hláu hle tih a hmélah chuan hai rual ani lo.

"Ka thusawi kha i hrethiam ti raw?" Trey chuan a ti chhuak leh hrawih a.

"Aw, ka.....ka hrethiam e." A ti bah ve nawk nawk mai.

"A nih leh tûnah tu tân nge i thawh?"

"Tu tân mah ka thawk lo, Callie hian fa anei tih hi ka lo hre ve tawp a ani mai." A ti leh thuai thuai a. Chu a thusawi chu ka âwi ther tè lo, tûnhma a a hna thawh ṭhin kha ka hriat pui ve vek, khatih lâi khân ka lakah eng ang pawhin zèp tum mahse ka hre ru ve remg tho a ni.

"He hmun aṭang hian kal bo vat mai rawh rang takin." Trey chuan a ti leh tuar a, a silai chu a kâwng hnunglamah chuan a thiat leh nghál a.

Rang zet hian Dillon chu a che chhuak a, a kal ta nal nal a.

"Engváng a kaltir nge maw i nih chu le? Theo chung châng engkim hre vek chung si khán, a tûnhma hnathawh thlengin i hriatpui vek áwm bawk si a....?"
Thinrim zet hian Trey ka lam rawn hawi chu ka lo melh khar a.

"A chhan chu kha tia nung chunga ka dah khân ka tân aṭangkai dawn a ni." A ti ve nghut a.

"Chuan nang hi, nang hrep hi, mahni chauh a tlán sawn tih vél hi chîng tawh suh ang che." A hmél.pawh chu ka en ṭha ngam lo, a khabe ruh kual lai chu a pâwng ṭawlh ṭawlh a, a inseh ruh hlè bawk.

"Khatiang a i awm te chuan i fapa lu chu a thlâwn liau liau in i zuar tih hi i hria em? Hei hi i ngaihtuah miah lo em ni, nang hi man che in i fapa lák nân ahmang thei che tih te hi?" Chutiang ém ém a ka laka Trey aw ka vîn leh kut hial min thlâk duhna mitmeng chu ka la hmu ngai lo hrim hrim.

"A pawi ka ti lutuk." Ka ti chhuak ve sap a, lei lam chu ka melh ngar bawk a.

"Car lamah lût phawt mai teh Callie!" Tih chhuah leh hruih pah chuan chauh hmél zet hian a thaw chhuak hrawih a, kei pawh ka che ta vat a, a thin tih rim sak belh leh tu nih chu ka hlau ngawih ngawih, a fapa a hum tumna lutuk ah min that ve mai ang tih pawh chu ka hlâu hlel lo.

Car ah chuan kan ṭhu lût a, Trey chu biak pawh huphurh awm khawpin a hmèl chu a rum a, ka biak ṭawng zawh pawh ka in ring chuang lém lo bawk nèn mahni ngawih ngawih chuan kan ngáwi dûn pah rán a, kei chuan ka suangtuahna chu ka kâwm ta ringawt a, mipa hmélṭha zet mai leh pá ta taksa nalh tak nei, mahse thinlung vawt tak nei, candy ka teh khin lo thei lo, Candy hi a thlumtui khawp mai, mahse sehkeh tum nghâl chuan a sak lutuk tlat, chutiang chu Trey mizia a ni.

THE NEXT DAY...
TREY HOUSE
New York downtown 36 st

Computer hma ah chuan ṭhu in email a an thil min min rawn thawn chu ka en vang vang a, Bakery lamah pawh ka sumdawnna chu a kal tluang zèl e, ka hmeichhe pahnih parttime a ka rawih te kha Trey chuan ala ruai zèl a, chhang siam tur mi pakhat a rawih belh a, maneger a rawih belh bawk a, kei mán ka enkawl lâi kha chuan chûng thil zawng zawng chu keiman ka ti vek ṭhin kha a nia,  hna thawh leh tawh chu ka chák kher mai.

Room kawngka chu a rawn inhawng a, Trey chu a rawn lût a, T-shirt bân bul hi a rawn ha a, truck kekawr a hnuailamah chuan a ha bawk a, a taksa chunglam chu alang tam mah mah, a taksa nalh tak mai a nalh tawk chiah a inphiar ṭalh mai leh a bân puam a táwk chauh a thahrui han inphiar deuh ṭalh ṭalh chu ka en lo thei lo.

"Inneih chung cháng kha i ngaihtuah chhunzawm em?" A ti chhuak leh nghut tawh!

"Âih, ka la ngaihtuah hauh lo, achhan chu thil âtthlâk zetah ka ngaih a vángin." Vawtraih hian ka tih khum ve a.

"He inneihna hian engkim athlen ang." a ti ve fan mai, hepa hi chu a luhlul ve hlé chuan ka hria.

Ka tih awmzia chu kan inneihna tûrah khân thil eng emaw thlanbîk te i nei em, inneih na hmun ang chi te leh han hâk duh ang riau chi te hi, mahse ngaihtuah duh suh, khatiang ti ṭhin ṭha tak mai ka hire ang a, engkim fel fái takin kan kal pui dawn nia." A nui chhuak sáwng a, min nuih sawh ani mah mah záwk.

Ka aw táwp a âu khum chung hian, "Trey nang nèn hian kan innei hauh lo ang." Ka tih khum tuar a.

"He thil hi engtia rei nge i ngaihtuah na ah i dah dawn babe."  A âia vîn zawk chuan a rawn ti a.

"Ngaithla rawh Trey inneihna hi ka rin záwng tak a ni a, chuváng chuan a derin thu ka tiam dawn hauh lo tih hi hria ang che."

"Oh, chuváng chu maw lo ni a?"

"Aw, anih túnah eng nge i tih tâk ang le?" Cho zet leh khabe tipoh deuh lah chung hian ka enchho a.

"Inneihna dik tak i duh tihna a ni a....." a khabe chu a dawm deuh rûn rûn a.

"Âtthlak zâwngin thil ti hauh suh!" Ka lo ti hmanhmawh a.

"Ahh, ka hria e." Min rawn dinhnaih sauh a, a thaw lum ham ham thleng chuan ka hre thei, thâwk pawh ka thaw ṭha ngam lo."ka khum min ṭâwmpui i duh tak zet anih chu, chu vâng a khâng thil kha sawi chhuak i ni a ni lawm ni!"

Mawnga hian engmah a hrethiam pha hrep lo e, hmeichhia leh mipa inhmangaihna meuh pawh a hrethiam pha lo, ka thin a rim kher mai, "Kha i khum hnâisai lo zet mai ṭâwmpui che ka duh vâng a ni hauh lo."

"Ka mutpui leh duh hauh tawh lo che, he planet a mipa awmchhun pawh lo nita tehreng pawh ni la, athleng leh tawh ngái lo ang tih hi hre rawh, i khum ka ṭâwmpui che a nih chuan i mumang ah chauh ani tawh ang." Hriam zet hian ka tih khum hrák a.

"Chu chu a ni meuh a maw?"

"Oh, tehrèng mai."

A rawn che thut a, mi hîp thei ang ber chuan ka hmuiah a rawn fáwp leh ta chawt a, ka taksa chuan ami tawhna te chu an lo la theinghilh lo nasa mai, an lo muhîl chauh zâwk a ni, Trey fawhna chuan chûng ka mamawhna muhil tawh te chu a rawn kâi harh thar leh hi a ni mah zâwk a, ka taksa pum chu a khûr leh dar dar tawh, engvánga he a fawhna hi lo indang thei lo nge ka nih? Ka inhaw tak zet, ka thluak chuan namsawn tûrin min fuih ngar ngar, ka taksa erawh chu a controll thei miah silo, namsawn lam âimah chuan ka kut lu lek chho in a sam chu ka ṭhamsak ta záwk a.

"Ewww!"

Theo aw kan hre chiah chu kan inthlah rang kher mai, Detroit nui ri hian a zawm ve nghâl a.

"Theo!" Sawi tur ka haihchham kher mai.

"Kissing!" A ti leh a.

"Nilo e....Theo...uhm...daddy mitah hian bawlhlawh alût a."

Trey chu za zet hian a nui chhuak a, "eng â? Engtin maw i sawi a?"

"I â hlé mai!" Thîp zet hian ka melh chho a.

Lokal rawh Theo lunch siam tawh ang." Tiin.ka fapa chu ka kâi a, ka kalpui ta daih a.

TREY....

"Khâng thil thlenna chhan kha eng vâng nge?" Detroit chuan nuih chhuah sáwng pah chuan a ti a.

"Kha kha maw, tu nge boss tih Callie kha ka hriat nawn tir leh a nih kha."

"Tûn aṭanga darkar chanve ral hnu ah meeting ka office chhûngah a awm ang, midang ho kha lo hrilh hlawm amg che." Ka tih zawm nghâl a.

"Aw le boss ka lo ti nghál dawn nia." Detroit pawh chu a chhuak ve ta nghâl a.

Thâwk ka la hawk a, khatiang thil a thlen hnuah leh lek phei kha chuan cold shower ka mamawhna chu nasa tak a ni.

Damn, he hmeichhia zet hi chuan ka rilru leh ngaihtuahna zawng zawng thâwklehkhatah a la nghál vek thei a nih hi!

Shower hmang tur chuan ka room lam ka pan ve ta a.

Shower vawt tak mai ka hman chuan chu hmeichhia nasa ta a ka duhna chu a ti zia awm khawp mai, suit dum chu ka inbel a, ka office lam chu ka pan phei ve ta a, ka va luh chuan midang ho chuan min lo nghâk ṭhap tawh hlawm a.

Ka ṭhutna lam pan a ka ṭhut fel hnu chuan, "Eng nge ni ta boss?" Hunter chuan a ti a.

"Nizân khân Callie chu thinrimin restaurant aṭangin a tlân chhuak a, ka va zawng a ka va hmuh chuan Dillon nén an lo ding dûn remg a, Dillon chuan kan fapa chung cháng hi a hre vek ani âwm e, ka rindán chuan kan hmélma lamah a thawh ka ring tlat."

"Chu chu engvâng a ring nge i nih chhan?" Clegg chuan a lo ti ve a.

"Ka chiang chiah bík chuang lova, mahse khapa chénna erawh kan hriat kha, chuvâng chuan darkar 24 chhung kan enthlithlai erawh angai ang ." Ka ti leh sup a.

"Chuan hepa hian aboss hnen min hruai thlen ngei pawh ka ring."

"Ok, chuthil ti tur chuan mi tu emaw ka lo tir dawn nia." Detriot chuan a lo ti ve a.

"A nih leh Callie atlân chhuak tiin i sawi a, nizân sáwmna chu eng nge a an?" Min siai khum pah suk a.

"Ahh, thil aharsa lam záwngin a kalpui a, mahse chona hi ka thil duh ber a ni."

"Uhh, boss zungbun i mamawh anih chu, mi tu pawh hian propose kan neih chuan zungbun tello in an ti ngâi hlei nèm." Hunter chuan inti hre zet hian alo ti a, nupui nei tawh ber anih aváng hian hetiang lam pang hi chu a phûr hûrh zel.

"Trey zungbun chu lei sak che i duh em, chutiang a Detroit an a sawi chuan?"  Oh, Pathian Detroit lah hi a mâwl hlum lo chauh, "Kei man zungbun chu ka lei ve thei reng a lawm, zungbun lei mai mai chu aharsa viau em ni a?" Ka ti nghut a.

An lo nui ṭhen ṭhu hlawm a, ka nuih aza ve hauh lo rum zet hian ka melhrum ûl ringawt, "Boss diamond ahan hmu ang a, Callie chuan a rilru te chu a thlák vek mai ang." Clegg chuan a ti veleh a.

"Diamond a ni emaw nilo emaw inneihna chu a thleng ngei tûr a ni, Callie pawh ahma thei ang ber a tivat tûr a ka tur angai ang. Lehkha târ hma ngeiin a lo inpeih pawh angai ang." Ka tih hnu chuan meeting chu kan bâng ta hlawm a.

A FEW HOURS LATER....

kan pathum chuan Theo bed room thar tûr lam chu entûrin kan kal hlawm a, "Ok buddy i inher thei tawh e."

"Cars!" Tih chûl pah chuan Theo chu aroom lam panin a tlân phei vat a, khum chungah chuan hlim zet hian a zuang lauh lauh a.

"A nalh tak zet." Callie chuan a ti chhuak sap a.

"A duhzawng tak a nih saw." Ka ti ve a.

Oh, a duh ṭhin lutuk a mahse...." Callie chu a ngawi ta daih a, alam chu ka hawi a, chîk zet a Callie hreawm ti hmél chu enchhuk vang vang pah hian, "Callie ka fapa ani a, thil awh rèng réng neilo tûrin ka siam ang, amah erawh chu Theo hian tawrhchhel erawh a zir angai ang." Ka ti chhuak sup a.

A FEW DAYS LATER.....

CALLIE...

Shower chuan ka phuh sang sang a, ka maimitchhing a, ka taksa a tuilum nuam takin a a phuhsar sar chu ka feel raih raih.

"Ka en reng che a nia."

Trey aw in a a rawn tih chuan ka ṭe chhuak tuar a, "Damnit Trey he hmun aṭang hian chhuak nghal vat rawh."

"Uhh, min lo záwm ve rawh i tih ka lo ring a, kha i taksa nalh tak mai te kha ka lakah i show kual vél ka lo ring a sin, mahse Callie bubble bath i hmang lo tlat, chuan ahma khân saruakin ka hmu lo che pawh a ni si lo a." A nui pah sâwng a, amit erawh chuan ka taksa chu a hawisan hauh lo.

"Chhuak rawh!!"

"Ka lo ngaihdân chuan ti hian ka lo thlir dawn che emaw ka lo ti a." A nui chhuak hawk hawk a.

*"I châk lo viau ang Trey Bailey* !"

A la nui hawk hawk tho.*TREY!"*

"Ok hmeichhia inbeng dai rawh, ka thil thlîr lai hian ka beng a ti kherh zo tak ngial." Tiin a kalsawn ta a.

"AssH*le !" Tiin ka la âu zui hrâm. Inbual pawh chu nuam.ka ti tawh lo.Shower chu ka herh tâwp a towel chu la in ka intuam vat a.

Bathroom a inthlâkna ka lo keng lût chu ka lawm tak zet, a chhan chu ka room chhûngah a awm ngei dawn si a.

Bathroom aṭanga ka chhuah hnu chuan ka room ah ka rinnang ngei chuan a lo awm a, "Engtiang zet a pawimawh nge ni a? Chuti fa ko a ka inbual lai chhûng pawh nghâk thei lo chu." A hma ah tak chuan ka va ding siah a.

"Eng vak mah anilo." A ti chhuak sup a.

Ka sa kher mai, "Chuti anih te chuan engvâng a inbual zo a ka rawn chhuah chu nghâk thei lo nge i nih." Ka vin ṭhat a.

"Eng nge diklohna a awm em ni, ka nupui hual chu shower a hmang lai ka hmu theilo tihna maw?"

"Hey, i nupui hual ka ni hauh lo i hria em?!"

Min rawn pan hnai a, ka kut chu la in " Heta hi!" Tih pah chuan ka kut zungṭang ah chuan lunghlu zungbun lawk ṭha zet mai hi a rawlh lût a.

Ka phu zawk thei, "Hei, eng thil nge ni a?"

"Inhualna zungbun a nih kha, inhual tawh anga kan lan angâi ang." A ti leh sup a.

Ka thaw chhuak halh a, "Trey zumgbun nalh tak anih hi, mahse kan innei thei lovang."
Ka ti chhuak ta sap a.

"
Yes, kan innei thei ém ém ang Callie!" Amit mengah chuan tawrhna hi hmu thân in ka inhre tlat!

"A pâwng apui a thinurna kan lan chhuahtir hian engmah a thlâk danglam thei chuang lovang." A ti leh sup a.

"Oh, chutiang chuan ilo ngai a amaw? Min lo ngaithla teh Trey Bailey! He zungbun hi ka bun dawn rèng rèng lo."

"Khatiang ang zet chuan awm reng lo mai teh! Kha zungbun kha bun ringawt mai rawh, bun ringawt rawh Callie khawngaihin!" A ti thâm ta ṭuak a.

"He ka fapa tân hian eng pawh  tih ka huam, a himna tûr anih phawt chuan." A ti chhuak leh ruih a.

Trey ana ka mit taka min rawn en lâi chuan he thil hi ka lo ngaihtuah a, Trey nupui diktak nih chu eng ang chiah nge a nih ang? Tih chu kalo ngaihtuah a. Chu a hmui nalh leh sexy zetah chuan chin lém awm lék lo tur a fawh vawng vawng mai chu ka châk a, mahse chu thil chu tihpal thil thu ani leh ang tih pawh ka hre chhunzawm leh vat bawk.

Trey te ang hi chu tu ta bil mah an ni thei tak tak ngâi lovang tih chu ka rilru ah ka tuh nghet tlat tawh.

"Theo hian eng nge atih ka va en lawk ang e." Ka ti chhuak sap a.

"Ok," a ti veleh sup a.
ka inher a harsa tizet chung hian Trey chu ka kalsan ta a. Room pâwnah chuan ka ding dat a, Trey hreawm ti zet a rûm chhuak hrawih thâwm chu ka hre zui a, phone a hmang leh a, "Shantoy hotelah khân tûn aṭang a darkar khat chhûngin min rawn hmu ang che." A tih ri ka hriat chuan rilru na zetin ka kalsawn ta a.

Theo chu Detroit te ho nén chuan an lo infiam a, a hlim kher mai, anvâi mai chuan an hlim vek, ni e, kei hi chuan hlimna ka hmuh leh tawh ngai ka ring lo.

An infiam tui lâi chu tibuai duh lo in mittui tling pam chung chuan library lam chu ka pan phei chhat chat a, Trey hi chuan a fapa vâng choh a min nei duh a ni si a le, a ti lang chiang viau a ni lawm ni! A fapa nunna in atuar ang tih ahlauh vâng choh a min neih tum a ni si a, a tilang chiang khawp a lawm, ka mittui chu a far zung zung a, he thil hi ka tilo anih chuan ka fapa chu ka hmangaih ve tho si engmah a tawrh hi ka phal lo a, chu mai pawh nilo in, Trey hi nei duhlo pawh ni ila, ka fapa tello chuan khawiah mah ka hlim theih tak tak pawh ka ring lo.

Engváng a ka hringnun hi hreawm bîk èm èm nge maw a nih chu le? He khawvelah hian vánduai tûr ringawt a piang chu ka nih bík ka rong thei lo, mahse a ni miau bawk si, ka thaw ipik lutuk chu ka dingchhuak hliai a, eng nge ka tih ang tih pawh hi ka hrethiam tawh lo takzet zet, ka beidawng a ka cháu ngawih ngawih tawh.

He inneihna hrep lah hi ka duh emaw duhlo emaw a thleng ngei ngei dawn bawk si, engtin nge ka awm ang, mipa min hmangaih velo tu bula chén reng dawn ták mai chu, ka hun lo hman tawh te chu ka ngaihtuah chhuak a, Trey laka ka thil lo tihah khân inchhirna hlírin ka khat zo tawh.

Thil pakhat ka hre chhuak ta, "He inneihna ah hian thu ka neilo, amah erawh chu thil eng emaw chu ka ti fel ve thei ngei mai." Keimah leh keimah chu ka inbia a ni mah zâwk.

Khawiah nupui angin inah ka awm hauh lo ang, ani pawh midang bulah a riak chhuak ve ngei bawk dawn a.

Engtiang a rei nge nge kan inneihna hian hun a duh ang aw ...?

"Thil pakhat chiangsa chu engtik ah mah Trey hian min hmangaih ve ngailo ang tih hi! Chutiang anih dawn chuan he hmangaihna pawh tello a inneihna hi ka ti duh ang em?"

Ka ti duh lo anih chuan ka tlánbo leh thei bawk a, kumkhua a hawi lét leh tawh lo turin leh Theo pawh ngaihtuah tawh lo túrin, mahse Theo ngaihtuah maih lo tur a awm chu ka zuam tak zet em? A nu ka ni a ka ti thei ngai dawn lo tih chu keimah a thil chiang sa a ni.

A nih leh inneihna hi lo pawm ta ang ni ila, Theo chu a him phah choang bal ang em? Ka rilru hah lutuk leh ka ngaihtuahna tam lutuk avâng chuan ka lu te chu na ngut ngut hian ka hria a.

Tûnah chuan duhthlanna chu ka siamfel ta in ka hria.

Ka phone chu ka phawrh chhuak a, "Trey keimah! Kan inbiak angai in ka hria."

"Tûn aṭang a minutes 10 chhungin he in huan hungchhungah khán min rawn hmu dawn nia." Phone chu ka dah a, duhthlanna diktak ka siam ngei ka beisei.

Ka tho chhuak a, pâwn lam huan awmna lam chu ka pan ta a, a hmun ka va thlen chuan ka ding cang vang a, Trey pawh rei a rawn rial lo kher mai, ka lam rawn pan pah chuan, "Eng thil nge ni ta?" A rawn ti a.

A lamah chuan inher nghatin, "Inneihna chung chângah khân duhthlanna ka tifel ta e." Tiin ka chháng a.

"I ti ṭha e."

"A maherawh chu intiamkamna tur ka nei ve bawk a.!

"Sawi ta che."

"A hmasa ber atân chuan, kan innei anih chuan Bronze dragons pâwlah hian ka thawk tawh lo ang."

"A ṭha e, ka nupui a nih chuan ka hnéna thawk tûr in ka duh réng rèng hlei nèm."

"A pahnihna atân chuan, darkar 24 chhung ngawt khawilo ka kalna apiang a min zui reng hi ka duh lo bawk."

"Kha chu a theih rih lo ang, a chhan chu pawisa dahsawn theih inla nitlat rih tih hi hria la ka duh, tûnah rih chuan intân body guard hi a ṭangkâi ém ém a ni."

He thil ti tu túr hi tunge a nih tih leh Theo luman atân a a pawisa sén phaltu kan hmèlma hi tu nge a nih tih kan hriat chhuah hunah choh/chauh bodyguard hi chu a tâwp choh / chauh ang, kan lo sawi ṭha leh dawn nia." A ti a.

"Thildang ala awm em?" Min en chhuk rûn a, kei erawh chuan ka lo tûm khum ve hmak.

"Kan innei anih chuan kei pawh nupui rinawm ang takin inah ka awm reng bîk lovang tih hi min pawmpui vela ka duh bawk."

"Eng maw i sawi a?" A phu ve zawk mai, chu thil ka sawi chhuah chu a ring hauh lo a ni ngei ang.

"I hria maw?"

"Kha chu a theihloh, ka hriat chu kan pahnih in sex kan hmang dûn leh tawh lo ang tih anih záwk kha."

"Chutiang chuan ngai vak duh lo mai rawh, in ah ṭhu rengin nalh thei ang ber a inkhung beh reng kha ka thei lo ang, hmeichhe bum awlsam zet zet te ang nilo in." Ka tichhuak hrâk a.

Ka thusawi chu chhunzawm lehin, "Tunge thei bík anga, an pasal te hmeichhe awlsam zet zet bula kal reng a lo râlkhat thlîr mai mai tûr chuan tumahin an thei bík hauh lo ang."

"I ti tak tak lo ti raw?" A lo ti nghut a.

"Oh, babe ka tih tak tak zia mai chu, kha thil kha ka sawi chiang ani tih hi ka nemnghet sak e."

"Kan fapa tân a kan inneih hi  ṭha i ti ta sa sa anih chuan, i neih ṭhin ang bawk i sex life ang kha kei pawhin neih ve ka  duh." Ka tih khum ve ta hmak a.

To be cont....