TSEPNAYA REAKTSIYA MAFIA ROMANCE CHAPTER 24

TSEPNAYA REAKTSIYA   MAFIA ROMANCE CHAPTER 24

CALLIE.....

"Tûn aṭanga nihnih chhûng hian inneih a rawt a."

"Nihnih chhûngin maw, nihnih chhûngin i ti em ni, ka hresual chu a ni ém lo maw? Thil âtthlâk zet a nih chu, eng emaw thil thleng a awmvâng em ni Callie?"

"Robbie ka hre lo, thilthleng lo awm ta tehréng pawh ni se, Trey hian min hrilh ve ngai lo."

"Well, a nih chuan i duh loh thu hrilhtlang tawp mai rawh! He inneihna hi innghah theih ngéi ka ring tlat."

"Ka duhloh thu chu ka hrilh ve ngei a lawm, mahse ka chungah a thinrim lutuk." Ka ti leh sap a.

"A nih chuan a inbengdaih hun nghâkin alak aṭang khân inla hrang tlat rih ang che." A rawn ti leh a, chu athusawi chu a ṭhat ka ring bawk.

Kan ngâwi dun deuh vang vang a, rilru hah hmél zeta phone a a thaw hawk ri chu ka hre thei reng, ti hian a rawn sawi leh ta a." Fancy meeting ang chi khân Coffee intûrin kan inhmu leh dâwn em ni ang?"

"A ṭha khawp ang chu, dar engzah ah nge kan inhmuh theih ang a?"

"Tûn darkar ah hian a ni mai lawm." A nui chhuak leh hawk a.

"Aw le, ṭha lutuk, kan inhmu vat dawn nia."

"Aw le, beautiful." Phone chu ka cut zui ta a.

Inhnuai ah chuan ka chhuk thla a, Trey leh a cousin Dima chu an lo inbe mawlh mawlh a, anbula phei ve pah chuan, "Trey coffee in tûrin ka kal chhuak dawn nia."

Zâwimuang hian ka lamah a rawn inher a. "Tu nen?"

"Robbie nen a niang chu!"

"Aw le, mahse i kal dawn lo." Dima lam chu a ngaihven leh nghâl daih a.

"Dima zanin hian kan shipment alo thleng dawn a, nangin ilo va buaipui mai dawn em ni ang?"

"Min lo hrethiam lawk, ka kal dawn lo i tih awmzia kha ka hrethiam hauh lo?"

"Hreptak che chuan Callie, ka buai tih hi i hmuthei na nge?" Rum zet hian min melh chhuk leh khur tawh!

"Robbie hmu tûr chuan ka kal dawn tho." Ka ti ve hlar a.

"I kal lui dawn a nih chuan Detroit in hruai tîr ang che."

"Detroit chung châng ka sawi hauh lo mai."

"Keiin ka sawi thung alawm."

"Detroit hian min hruai hauh lovang."

"Well, anih chuan i kal miah lo anga a ni mai alawm."

"Dima nakinah kan la sawi chhunzawm mai dawn nia." Tiin Dima lam chu a hawi leh a.

Dima pawh chu ngawi rengin a kalsawn ve ta a.

Hmél ngui zeta ka lam chu rawn hawi leh pah hian, "Callie tûnah rih chuan nangmah chauh a kalchhuah hi a him ber rih lo a ni tih hi pawmthiam hrâm tum teh!" A leh hruih a.

"Robbie hmutûr a ka kal chu eng nge pawina awm tih leh engthil nge thleng chiah tih min hrilh ve hma te chuan engtin nge ka hriat theih teh lul ang a, mahni chauh a chhuah nén." Ka ti ve a.

"Aw le sawi ṭan ta che?"
Ka ngâi châng reng a.

"Callie i vânneihna hi i nawrlui deuh mah mahin ka hria," a ti ta hmuk a, ka haw tak zet, eng thil nge thleng tih lah chu min hrilh duh dér mai lo leh nghâl.

"Ka chungah thil chhe ber thleng tûr a awm anih te chuan, ka hun neih chhun chu ka hman ve mai loh nâkah!" Ka tihkhum ve hmak a.

"Babe he thil hi i hrechhuak duh lo chiangsa ang tih hi ka hria a ni."  A aw chu a hlauhawm khér mai, chutianga a rawn ṭawngchhuah avâng chuan ka phudâwr a, ahma âia zâidam deuh zâwk hian, "Callie he thil hi i lak aṭanga hla taka  ka dah anih chuan ka tân a awlsam zâwk ngei ang."

Ka kut zungchal chuan ka káwk ve siah a, "Trey nang hian vanduaina min thlen ti raw?"

"Chutiang vαnduaina ka thlen hrep lo che."

"He hmunah hian ka nun pumpui chu ka hlân ve a sin, mahse chuti chung pawhin nang erawh chuan min la ring zolo cheu chu a nia." Ka mitko chu ka sân khum pah âr a.

"A ṭha e, hmeichhia, ka hrilh ang che, tûnah hian Theo luman chungchâng a thilphal zet kha kan hrechhuak tawh a, kan ruahman dân chuan kan bei vat ang tih hi kan rél tawh a ni." A ti chhuak ve ta hrαm a.

Chuthil a sawi chuan min ti phu zawk, ka rin aiin an hrechhuak rang ka ti leh lutuk, "Engtin nge i hriat a?"

"Information thar kan dawng maw le, enteh Callie kan inneihna kan sawn hma kha nang leh Theo tâna inhimna túra ti ka ni a, kha thil kha kan tih hma zawhpoh leh in nufa hian inhim hma a ni mai."

"Mahse Trey, he thil ah hian ka la inpeih lo a lawm, ka ngaihdânah ka la thei rih lo." Ka ṭah aw tiau a, chhuak zet hian ka inhnît ta hlap hlap a.

"Nilo, nilo Callie ṭap tûr ini lo, he hmunah hian kan ṭap thei lo ang." A ti leh sup a, a thusawi chu dik ka ti lutuk, mahse ka ṭap chu ka tâwp thei bîk lo, a ṭawngkam damthlup te chuan ka lung ati chhe tulh tulh zâwk nimai hian ka hria.

TREY...

Callie chu ka tilui thei hauh lo, Theo a hmangaihna avâng a hetiang dinhmuna a ding ringawt pawh hian min ti lawm tawh, ni e, a thusawi kha a dik mah mah, Theo a hmangaih avângin he hmunah hian a nun pumpui chu a pe ngⅇi a lawm, kei chuan Callie hi hlim leh lâwmna ka pe ve thei lo, kan dinhmun hi a inpersan lutuk, he thil hi tih vat vat ka duh, ka tih zawh hma a ka fapa nunna derthâwnga a awnloh veleh Callie chu ka thlah zalén leh ang a, a hlimna ber ti tûrin mangṭha ka tum mai a niang chu. Ka tân hian Callie chu a ṭha mah mah tlat. Mahse chutiang ka ngaihtuah a piang chuan engvânga na tel ve ngawt ṭhin nge ka nih erawh chu ka hre thiam lo.

Callie taksa chu ka chén na meuh mai, mahse midang angin kham chin leh hné chin tih lém ka nei tak tak thei lo. Chu âi chuan ka mamawhin ka duhbelh leh zual sauh ṭhin zâwk si a, hetiang hi engtin nge an tih reh tih pawh ka hrethiam pha ngût ang em aw..

Damnit, he hmeichhia ka bula lungchhe zet a ṭap hliam hliam hi ka tuar thei lo tak zet, hreawm ka ti lutuk, Fucking hell, Callie chu hnèmtûrin ka âwmah chuan beitîrin ka kuah ta hlé hlé a.

"Pawi ka ti lutuk, keimah ah hian eng nge diklohna awm tih pawh ka hre lo." A ti pah hlap hlap a, ka kawr âwm chu a mittui chuan ati huh chiap bawk a.

"A ṭha vek e, héng thil zawng zawng hi a tâwp vat ang." Ka ti chhuak ve sup a.

He hmeichhia hi hetia lungchhe zeta aṭap lâi hmuh hi ka thei lo, ka huat zâwng tak a ni, mahni pawh ka inhaw tel bawk, a chhan chu aṭah lai a ka lo nat ve tlat zél ṭhin a vâng hian.

Jesus, hmeichhia ang mai nita hian ka inhria, achhan pawh Callie chu hnem ka duh ta tlat mai, Callie khabe ah chuan ka kutin ka dáwmkαng deuh hkek a, a heh nél thep ah chuan ka fawhsak ta a, mahse ka inla hrang leh thuai, tûnah chuan aṭap pawh a tâwp ve ta a lawm.

"Moya lyubov' tûnah chuan nihnih chhûnga inneihna ka rawt chhan chu engvâng a ti nge ka nih i hrethiam tawh ang chu ti raw?" A chalah chuan ka fawh sak leh zauh a.

"Ka hrethiam chuan ka hria." A ti ta sap a.

"He inneihna hi kan tih zawh fel veleh Theo nén Russia ah in kal nghâl dawn nia, chutah chuan thlakhat chhûng vel chu inchâm rih pawh angaih ka ring."

"Tak tak maw, Trey, Russia ah kan kal dawn tak tak em ni?" A phu zawk a, ahmélah chuan phûrna nasa zet hi ka hmu a.

"Ni e, he thil hi engkim kan tihfel a, kan hmélma te ho chu kan tuk thlûk zawh fel a ngâi phawt a lawm, midang ho pawhin honey moon kan hmangah an ngai bawk ang a, nang leh Theo pawhin ka chhûngte ho in hmuh phah thei bawk anga." Ka kiai ve suk a.

"Dima in a thlawhpui dawn che u nia."

"Russia kal hi ka châk thei lutuk a sin!" A mitmeng a zâmna khat chung hian min melh chho zauh a.

"Kal la, Julie lo call ang che, naktûkah Hunter ka hruai tir ang tih kha ilo hrilh dawn nia."

"Kei chuan Detroit ka bestman atαn leh ka groomsman atαn Dima ka nei sa a, Julie nilo hmeichhe pakhat bridesmaid tûr ila mamawh belhin ka hria."

"Tanaeya ka hmang mai ang chu ka lo ti a, ani hi a hma pawh a ka kawm leh ka ṭhianṭha tak nih kha a tlin ve viau bawk a." A ti leh sep sep a.

"Ok, ka lo hrilh dawn nia."

"A nih chuan ka lawm e, tûnah chuan ka chanchin hriat hlimawm zet hi Theo kan hrilh ve phawt ang e, a ni pawh a lâwm ve ngawt ang." Tih chûl pah hian min rawn kuah zauh a.

"Trey ka lawm e."

"Kei pawh le."

Callie kal hnu chuan ka inngaihtuah buai nasa mai a, a mahah i rilru kha pe leh tawh suh, vawikhat alakah a bei tîr tawh che a, a beitir nawn leh thei reng che tih kha hria la, a zél â leh vek mai ang che, hreawm tizet a tâlchhuah dân kawng ngaihtuahin i buai leh viau mai tûr a nia.

Rilru pék tih te mai mai hrep chu thil âwiawm lo leh khawvèl a awm ngâilo thil a ni a lawm.

TWO DAYS LATER....

THE WEDDING DAY

CALLIE....

Ka room ah Julie leh Tanaeya te nén chuan kan awm ho a, anthawmhnaw hâk chu an inhmeh dûn khér mai, ni e, Trey chuan hetiang lama mibík leh thiam kha a ruai tlat a lawm, kawr dumpawl an ha ve ve a, an vun sen ukkharh nén chuan a inchawih tak meuh meuh a ni.

In pahnih hian innalh dún lutuk a nia." Him zet chuan ka ti a, tûn dinhmunah tak hi chuan kan inneihna hi a der mai ani tih chu theihngilh ve in ka hlim ve khér mai.

"Oh, Callie vawiin i pasal neihni ani tih hi ka la ring thei lo cheu mai, i vânnei tak zet mopa chuan aduh hmanhmawh hlè mai maw, chumi awmzia chu a hmangaih hlé mai che, i hrethiam mai em?" Ka bengbulah Julie chuan ati sâ sá a.

"Va inthlâk ve phawt teh i mokawr nén a i rawn inlan tûr hi hmuh ka châk lutuk tawh tlat." Tanaeya chuan a lo ti ve bawk a.

Zâm rilru tak chung leh phûr ru tak bawk si chuan inthlâk tûrin ka kal ve ta a, ka mokawr var thianghlim sar mai nén a ka va chhuak chu an lo meng phâwk dûn nasa mai a, "ka zâm deuh hlek." Ka ti chhuak sap a.

"Ahh, kha te chu adán pângngai ve tûr réng a nih kha." Julie chuan a ti leh zauh a, min nuih var var bawk a.

"Oh, dear i nalh tak zet." Tanaeya chuan hlim hmél pu sâng chung hian a alo ti leh zauh a.

"Luak chhuak up up ang hian ka awm," ka sam min siam sak mawlh mawlh lai chuan ka ti a,

Thâwk han la vak teh! A pângngai leh mai ang." Julie chuan a thaw îp vak chungin a rawn thaw chhuak leh hawk a, a tih anga ti tûr chuan zaizir hian min hrilh a, ka ti ve takna a chu eng ka ang chuang lo.

Ka samah chuan Tiara hi a tâwp ber a tân min thiah sak a, "Kan kal thei ta e." Tanaeya chuan tiin muangchângin inhnuai lamah kan chhuk thla a, limo car chuan kan inneihna hmun min hruai túr hian min lo nghâk reng tawh hi alo ni a, kan vâi chuan kan ṭhu lût a, Julie leh Taneya chu hlim zet hian an ti ti dûn mawlh mawlh a, kei erawh ka zâm lutuk avâng chuan an ti ti vél ngâithla in kawngtluanin ka ngawi kar thung.

A hmun kan va thleng a, ka thin te chu a phu dup dup hian ka hria a, ka benga ngaihthlαk hreawm zet khawpin ka lungphu ri te chu ka hre hial, thidang mai dáwna inhriatna nen ka awm nuamlo lutuk chu ka haw ngawih ngawih.

A hun takah kan thleng e, kan inneihna hmun tûr chu nalhtak a duan hi a ni a, chutiang hmun mawi lutuk tak mai chu movie lamah chiah ka lo la hmu ṭhin, chu chuan ka zâmna lutuk te chu tlém hian a hnawt bo ve a, ka melh phei zél a, Priest bulah hian Trey chu coat suit dumpâwl ṭhui nalh zet nⅇn a induang zaih hian a ding a, chu lam pana muangchâng a kan kal phei chu min lo melh reng a, ahlat tham deuh vαng nge chu a mitmeng vawt ruih ah chuan engthil nge a ngaihtuah chu ka va hriatsak thei lo.

A inthuamna chu a inhmeh khér mai, a dinna hnuai chiah ah chuan a suit hαk rawng chiah a inthuam ve Detroit leh Dima chu an ding a, Hunter pawh suit nalh tak nidanga suit dum plane pαngngai ang nilo nalhtak maia inthuam hian Theo nⅇn ka va hmu bawk a, Theo pawh chuan apa suit hâk ang chiah chiah chu alo ha ve bawk a, Theo hlim hmel chu hmuhnuam ka ti kher mai, Trey chungah bawk chuan ka mit chu a fu leh a, Trey chu analh chung chuangin a langsar bík lurh hian ka hre hial, a thawmhnaw inbel chu a inhmeh lutuk tlat, a hâk tûr âwm réng a duan ni âwm tak a ni.

An bul ka va thleng Trey bulah chuan amah hmachhawn záwng hian ka ding ve a, ka mit erawh chuan amitah tak a en ngam lo thung! Julie leh Tanaeya pawh Dima te dimna hmunah chuan an ding ce bawk a, an zavâi mai chuan hlim hmél hi an pu vek hian ka hria, kei leh Trey tih chauh lo chu.

"I nalh hlé mai." Trey chuan a aw rilruih mai zâwi tak si hian a ti ve teh khiah a, ka melh chho ve zawk a, ka mit erawh ka la sawn leh vat , "Ka lawm e, nangpawh i lang chhe hran lém lo khawp mai." Hnuailam melh ralhin ka nui sak a.

Priest chu a rawn ṭawng chhuak ta a, Kan hun chu kan lo ṭan mai tawh ang a."

"Nangni Pathian aṭanga chhuak hmangaihna nei tute u, vawiin ni a heta kan lo kal khâwm chhan chu in pahnih a Pathian a ṭanga chhuak mipa leh hmeichhia pumkhat an nih zia hriatpui a lawm pui tûr che u in he hmun ah hian kan lo kal kháwm a.

"Hmeichhe lu chu mipa a ni a, mipa lu erawh Krista a ni thung a, chutiang in mipa  in anu lehpa kalsanin a nupui a vuan ang, tichuan tisa pumkhat an lo nitawh ang."

Inneih ceremony chu akal tluang viau a, a tak tak ni ah te ka han chan thûl ka rilru chu a hlim ve veng veng hian ka hria, a chhan chu a tak tak ang a ka rin tlat a vângin.

"Pathianin a zawm tawh chu mihringin ṭhen suh se, tûnah chuan nupui leh pasal an ni tih ka puang e. I nupui chu i fáwp thei tawh e."

Trey chuan min rawn din hnaih a, chîk zet hian min melh chhuk a,"Kan ti thei ang em?" A aw záwi tak leh thâwpsat hian a ti a.

"Oh, Yes."

A rawn kûn hniam a , a hmûi lum thar thar mai leh nél thup chuan ka heh chu a rawn tawk a, a nawr kauh pah nghâl bawk a, a lei chuan ka ká chhûng chu a háwlkual pah nak nak bawk a, a nawmdán leh keimah a hna athawh dαn chu a dangdâi leh tawh khèr mai.

Chutia Trey ana min fawhna nuam ti zeta ka lo dawh lâi chuan kan piah lawk aṭang hian silai puak rithuai hian a zui a, Trey aw hriam zet chuan, "Callie kûn hniam rawh!" A ti chhuak tuar a.

Rang zet hian lei lamah chuan min nem kûn a, chumi hnu a ka thil ri hriat chu a rápthlák tak zet.

Hmuntin aṭang chuan silâimu kah chhuah ri ka hria a, hawi chhuak ila chuan Bronze Dragons ho in a an kâp lét ve chu ka hmu thei ngéi ang.

Khawihmun ah pawh mai chuan silai mu hi a lèng sung sung hian ka hria a, hmuntin aṭang hian silai kahchhuah chu a de zuai zuai a, eng thil hrep nge thleng ta hi?

Beih kan táwk ta tihna em ni?

Hmuntin maiah chuan thisen hi a luang zèih zúih nimai hian ka hria a, tûn a ka hriattheih ber chu thisen ! Thisen tam tak a ni ringawt.

Héng thisen zawng zawng te hi khawi aṭang a rawn chhuak zozâi nge an nih?

Tunge min rawn bei tu te hi?

Tu emaw tak chu ankâp fuh chiang mai, mahse tunge ni ang tih erawh rindán ka nei mai rih lo.