INTOXICATE CHAPTER SIXTEEN

INTOXICATE CHAPTER SIXTEEN

AFTER THREE DAYS IN MINNEPOLIS..

LEXI....

Ka room tukverh ka hawnga, boruak thiang tak mai ka hîp lwh vang vang phawt a, pawnlamah erawh thil danglam teh vak hmuh tur a awm lo, khawilai mai pawh chu vur tla chuan a khuh var chiai hlawm a, ka tan erawh chung thil chu a nalh hlawm hle a ni.

Ka naupanlai hian ka pa nen snowman siamin leh snowball te siamin kan in fiam ṭhin a, tunah chuan a tunu lo piang tur nen an ti veleh tawh ang chu, ka nui chhuak pah sak a, suangtuahna hlimawm tak ni in ka hria, ka nu angin keiin inlamah an pahnih ta turin hot chocolate ka lo siam sak ve bawk ang a, ka pa hian hot chocolate a indan tlangpui pawh ka hre tawh, xxxRum tam lemlo tak pawlhsak a duh ṭhin!

"Hey sweetheart."

Ka va hawi phei chu ka room kawngkhâr bulah ka pa a lo ding reng tawh a.

"Hey dad." ti a phun chhuak ve sapin rang tak huan ka pa lam chu ka pan phei a, ka kuah chawt nghal a, a ni pawh chuan min lo kuah ve hlu hlu bawk.a.

"Han in enteh, sweetheart i duhawm viau a nia!"

"Dad ka ngâi lutuk che." Ka pa awm zawnah chuan ka hmai ka phum kâk a, ka pa ka han hmu zet chu ka lung a chhe thar leh a, ka mittui a dir zung zung bawk, mahse chu thil chu lungngaih vang nilo in, ka pa ka hmuh leh a vanga lawmna mittui a ni thung!

A ni chuan ka hnungah min chul sak a, ka inhnit hlap hlap chu dawh thei zet hian a lo nghak reng bawk, kei pawh rei vaklo hnu chuan ka ṭap ka bang a, a awm a ṭanga ka beina a ta ka lu chu ka lasawn ve ta a, ka pa chuan mi lo melh chhukin min nuih pah suk bawk.

"Honey kei paw'n ka ngai lutuk che."

"Lo insiam peih vat la i nu nen dinner eichhuak turin ka hruai chhuak ang che u, rilru tihvensak i mamawh ni in ka hria." Dam zet hian ka chalah min fawh sak zauh a, in a rawn thleng ve deuh chauh a niang a, chutiang a kei a fanu min han dah pawimawh nghal chu ka lawm em em bawk, ka pa nen hian kan inngai zual bik.a, ka nu ka ngai tho.a chu, ka tet te lai a ṭang tawhin ka pa nen hi chuan kan inkawmngeih bik em em a, thil engkim ka pa hi ka hrilh zawk mah awm e, hausa em em lo mah ila, chhungkaw hlim tak kan ni ṭhin, ka hriatah ka nu leh ka pa hi an inhauh pawh ka hre ngai manglo a, kan.chhungkua hi kan inngeih tlang em em a, ka pa chuan ka nu chu a hmangaih em em a, chuti.ang bawkin ka nu pawhin a hmangaih a, kei an fanu neihchhun ka ni a, chhungkaw inngeih tlang tak.kan ni.

"Engvangin maw dad?"

"Pû ka ni tawh dawn a chu chu kan lâwm ang chu! 'Nuih vur vur pah hian a lo ti a.

Ka phur hle nghal lutuk ringawt ka pa chuan min kalsan hnu chuan ka theih angtawk a rangin ka insiam a, ka dul lang tawh zet mai chu han khuhmawi ngaihna a awm.tawh lo.

Kan pathum chuan restaurant a dinner eina tur hmun chu ka pa car chuan kan pan ta hlawm a, ka pa chuan.motor kalhin ka nu nen a hnung lamah kan ṭhu a, kan hlim tlang in kan dinner eichhuak tur chu kan phur tlang hle bawk, hetiang chhungkaw hlima ka fa a rawn piang chhuak tur hi vannei ka inti hle bawk.

Ka pa chuan restaurant ah table a hauhlawk sa tawh thu a rawn sawi chhuak a, ka tan veka ti an ni tih ka hriat chuan.ka hlim rual rualin kan dinhmun nen inthlahrun erawh a na duh khawp mai, ka pa tihna hmun kan va thleng chu, ka rin loh lutuk leh ka beisei loh lutuk mipa  lo ṭhu ve reng chu ding meuhin ka melh ta tlawk tlawk.a, engmah sawi zai ka rel.thei lo.

A ni erawh ve thung chuan hlim hmel pu zet hian min lo melh thung a,  a hmui sexy zet chuan min nuih suk bawk a, ka haw ngei mai.

A ṭhutna hmun kan va thlen phei chuan ka insum zo tawh lo.

"He tah te eng nge i la tih a?"ka melh thip hle bawk .

"I ṭawngkam kha fîmkhûr viau rawh Lexi Logan." ka nu chuan a lo ti khauh a, ka nu lam chu ka hawi phei vat a, rum zet a min lo melhna avang chuan mak kati hle bawk, ka chhungte hi ka lamah an ṭanglo zawk tihna em ni? Ka ti rilru hial, nge Rex chuan a sum tam tham takin a lo tlawn lungawi hman zawk?

"Mr. Logan, Mrs Logan he lai hmunah hian min sawm ve a vângin ka lawm e." Rex chu ka nu leh ka pa lamah chuan a bu tawn zauh a, a ṭhutna hmun aṭang chuan a tho chhuak nghal bawk a, ka pa chu a kut a pe nghal a, ka pa chuan a kut chu thinsak meuhin.a lo chibai bawk a, chung thil ka hmuh phei chuan ka sa zar nghal.

Ka pa lah chuan, mâkpa a tana duh hmel zet chung a en pah chuan, a lo nuih vur vur mai leh nghal, "Rex i lokal chu ka lâwm takzet."

"A tâwp a tâwp ah kan inhmu thei ta chu, ka lawm khawp mai Mr Marshall."ka nu chuan a lo ti ve luam bawk a.

"Khawngaihin Rex tiin min ko dawn nia, kei tak hi a sin lâwm zâwk chu!" tih ve sup pah chuan, pawisawiloh hmel fe mai hian a  nui suk bawk a.

"Eng thil nge thleng hi?" An ni ho ti tina karah chuan ka lo inrawlh ve nghal zauh a, ka nu leh ka pa hian ka lakah thil eng emaw zep an nei a ni ngei ang, kei min hrilhhre ve bawk silo.

Ka telllo in an pathum chuan eng emaw tak plan an nei rân a ni tih chu ka ngaihruat thiam vek a, chu vang chuan ka thin a rim ru ṭeuh, Rex an ngaihven em em danah te chuan ka lungnilo viau bawk.

An fanu zâwk engmah min hrilh ve loh a vang chuan, ka thin pawh a  rim kher mai.

"Lexi i ṭhutna tur hmun ah khân ṭhu la, mi hmuh duh zâwngin awm suh!"
Thinrim zetin ka pa chu, ka melh ngal ngal mai a, han chhânna mai lah ka hre bawk hek lo.

"Tunah!" a rawn tih leh hrâwk tak a vâng chuan hreh zet chungin, Rex bulah chuan ka ṭhu thla ve ta a.

"Heti ang thilthleng dan zawng zawng te hi eng nge maw a awm zia ni hrep chu le?"

"Lexi." Ka pa aw chu a hriam ṭhat tak em a vang chuan ka ngawi ta hmak a, ka duh dan takah chuan la ân piap piap mai hi ka la duh a, ka pa min khapna avang chuan ka ngawi zui ta tho a.

"He thil hi nang leh Rex hian chingfel dûn ang che u."

Ka pa chu ka han melh chho hâ a, a lo thutak viau mai bawksi a ka haw hluah hluah mai.

Ka nu chu a rawn inrawlh ve ta a,"Nangni pahnih hi in inngeih thei ngang lo a nih pawhin, in naute lo piang tur tân tal hian ngaihtuah hram ang che u."

"Rex in zawh hunah i rawn thlah hâw pah mai dawn nia." ka pa chuan ka nu chu a pan hnai nghal a.

Rex chuan, thuawih hmél zet mai hian,"Ka lo ti dâwn nia."

"Nangpawh Lexi fel takin awm ang che." Ti a ka nu in min hrilh veleh hnu chuan chhuah mai tum niawm zet hian an in her nghal a.

Chutih veleh chuan ka mangang ru ta kher mai, Rex hi mahni chauh chuan.ka hmachhawn theilo ang , ka nu tal ka bula awm ve turin ka duh, ka nu chu melh pahin, " In awm ve dâwn lo maw?"ka ti chhuak sap a.

"Aih, thil plan pakhat kan nei ve a lawm." ka pa chuan lo tih leh pah chuan, an chhûak nghal ta daih a.

Tûnah chuan a mah leh keimah chiah kan ni leh ta.

Ka taksa a hîp na zozâi te kha, a mah ka huatna a vâng khán a bo vek tawh emaw ka lo tih ṭhin te chu, a nilo chiang khawp mai !

A bula kan awmleh zet chu ka taksa péngtin a min hîp na te chuan muhîl tawh kaihthawh ang mai in an rawn tho leh ṭuam ṭuam zui leh ta nghâl a, he pa bulah hian ka zâm a, a ṭhatna te chuan a thusawi engkim min awih tir leh diam diam mai dawn ni hian ka inhre tlat bawk; chu chu ka duh tawh lo, khatiang thil kha thlengnawn leh tawhlo se ka duh.

A mah ka thlahlelna ṭhin zawng zawng te kha chu bo tawh ah ka lo ngai ngawt ṭhin a. Mahse chuti ang chu nilo in,.an lo muhîl lek zâwk a lo nih hrep chu.

Mi nuihzat hmel zet a min en rûnna chuan ka thin a ti rim ṭeuh mai leh nghal a, a lakah chuan te ta ngawih ngawiha inhriatna hian ka khat zo bawk,a hmel ṭha vawr ah chuan ben sak sawk mai ka duh rum rum.
"Sawidun chu i in peih tawh em?'

"Nang hi engmah ka sawipui duh che ring suh!" Ka aw chu thinrimna avangin a khur hlak hlak a, a ni erawh a nui mai a.
"I nu leh pa khân fel deuh a awmtur in, an hrilh lo che em ni? "A ti leh khauh a.

"F*ck you." A mah chu huat hmelzet hian ka melh râm râm a.

"Tuna i thusawi dan pawh hi a la ṭha chiahlo, rumzet a min rawn melh lét ve pah chuan, a ti leh khauh a.

"Ka ngaihdan chuan awmdân mawi zirtir hlak tur che in, ka khûp hnuaiah kûn tir che ila ngâi dawn a nih hi!"

"I ti thei hauh lo ang!"

"Tûna tan chuan nilo e, i râi loh hunah zawk a nia ka tih ni; a chhan chu, chatûanin i râi dawn lah a ni silo , a dik em babe?"

A sakhmel ṭha zet ah chuan, ben chawrh mai hi ka châk rum rum mai.
A phone chu a ri a,  pickup nghâlin, loud speaker ah chuan a dah a, chutih lai chuan a hma zawnga thawip zeta ka lo awm ngar ngarna chu remchangah hmangin ka thaw huai nghal a.

"Hey Barrett !"

"Rex ka rawn phone chhan che chu, Miss logan hmutu khân a hlawh kha a la duh a, chu mi a tân chuan, cheque i sign sa em?"

"Barrett ,engkim a felfâi maw?"

"Yes sir, engkim i thupék ang vekin a kal e."

"Aw le, kha chu hotel lama ka rawn kir veleh kan la tifel dun dawn nia." Phone chu ahangup ta nghal a.

Ka lam chu rawn hawi phei lehin a phone chu a pocketah a ak ṭha leh nghal a.

"Nang té reuh hian, $100millions min sén tir tih i hria em?" A nui pah suk bawk a.

"Min tih sak rawh pawh ka......"
A ui viau anih chuan engvanga ka tan chung pawisa zo zai chu seng kher nge maw a nih chu le, a duh a a seng a ni mai a lawm, ka lo telve na tur pawh a awm lo.

Kawngka lam a mi rawn lut chu ka lo thlir mai mai a, a chhan pawh ka hmazawn tak a ṭhu pa hi ka melh tam.ka duh lo. Mahse kawngkhar lama ka thil va hmuh chuan min ti mengphâwk in min khûrh tir dar dar thei, ka lungphu te chu a su nghal dup dup ni hian ka hre bawk, hlauhna chuan min rawn man nghal vek bawk a, tlanchhiatna tur melhin ka hawikual ta ruai a, mahse chuti ang thil chu chawpleh chilh zet chuan ka ngaihtuah nghal mai thei lo, ka melhna ngai chu ka melh ta reng a.
Ka hmel te chu a dâng sâwp sâwp hial ta ve ang.

Ngaihṭha lo âw zet hian, "I ṭha maw ? " Rex chuan a rawn ti a, a mengzim pah sun bawk.

Engtin mah ka chhâng lo.

"Oh Lalpa .....a mah ..a ni." Ka ti khûr dar dar a.

"Tu maw?" Tihpah chuan, ka  melhna lam chu a en ve a ta.

"Saw pa saw tiraw kidnap tu che kha? "Thinrim zet hian a ti chhuak hrawih a.

"A.. aw ." Ka ti chhûak thei ṭâwk a, ka hmel landan tak chu a hmuhnawm phian in ka ring bawk, mahse kha hmun hreawm zeta tan.leh reng kha chu ka duh tawh lo.

"Ok, chiâi lo turin ka duh che a, a chhan chu, kan lo inpeih hma in, min rawn ringhlel lo se ka duh a ni."

"Mahse.... a hmeichhe rawn hruai saw.....?"

"Enge i sawi awmzia! Saw nu saw engtin?"

"Saw hmeichhia saw ,min rawn chhanchhûak tu kha a lawm, eng ....engtin nge an inkawp theih zawk a?" Ka rilru a buai nghal nak bawk , ka aw khûr dar dar pawh chu ka control tak tak thei lo. ka hlau lutuk chu ka ṭap ta ringawt a, Rex chuan ka thusawi awmzia pawh a hriatthiam.ngei ka beisei.

Aw zâidam zet mai hian Rex chu a rawn ṭawngchhûak a, "Lexi min lo ngâithla teh!"

"Heta ṭang hian thâwm nei hauh lo a kal chhûak turin ka duh che; chuan thil kal dan hi ka hrethiam ni in ka hria."

"Pawnlam i thlen veleh police call turin ka duh bawk che." a ti dap dap a, a thusawi chu chiai hauhlo a ngaihthlâk  ka duh mahse ka thei hlawl lo, ka taksa chu hlauhluat a vang chuan a khur hlawk hlawk tawh mai a, engtin nge ka thunun dawn tih lah ka ngaihtuah hman tawh bawk si lo, ka mang ang hle bawk.

Mahse Rex awka dam thlup mai chuan ka chiâi na te chu tlemin thahrui a rawn pe thar leh ni hian.ka hria a, ka thlamuan phah sawt bawkin ka hria, heti ang hunah hian a lawm a ṭawngkam chu ka mamawh ni.

Ka mittui kâr a ṭang chuan ka han melh chho a, a mitmeng thim ruih mai a keimah min ngaihtuah zia chu ka han hmu thei a, chu chuan huaisen na thar min pe tel hian ka hria, a mit mengah chuan a mah chu ring turin min duh tih pawh ka hria a, mahse ka hlau em a ni.

"Mahse.....nilo Rex an hlauhawm lutuk, lo kal ve rawh!" Ka aw chu a richhuak chang chang chauh a, chumi te pahnih chu engvanga helai thleng thleng te a rawn kal ngam nge an nih? Min rawn zawng leh te hi a nilo maw ka ti hial bawk.

"Ka bulah Barrett a lo kal ve a lâwm, he hmuna rawn kal tur hian ka phone nghâl dawn a, kei chu min ngaihtuah duh suh!"

"Tûnah, che chhûak la, pângngâi thei ang ber a kal a, chhûak turin ka duh bawk che." A awka chhuak chu a khauh ṭha hle a, zawm loh ngam chi pawh ni in ka hre lo, mahse Rex ka ngaihtuah lutukna avang chuan luhlul erawh ka chhuah tlat tho.

Ka lo ngaihven tawh ngailo emaw ka in ti a, mahse hetiang thil kan han tawng meuh chu kei ai mah pawh a ka ngaihtuah chu Rex hi a ni tlat, a nin a tawrh ai chuan kei hian tawrh mai pawh ka hnial hauh lo, mahse chu thu chu swichhuak nita ila Rex hian engtikah mah min pawmsak ngai dawn lo a, duh pawh a duh hauh lo bawk dawn tih chu hriat sa a ni.

"Nilo khawngaihin, hei chu police in ngaihven rawh se, Rex silâi pawh a mipa zawk sâwn a kawl leh hrim hrim ang." hlauthâwng zet chuan ka lo ti leh a, a chhan pawh min man ni kha ka la hre reng, khami ni pawh khan a Revolver hman Ruger Sp 101 vawtthlara ka taksa a dehna ka la feel thei tlat a ni. Kha vang khan a nia ngawi hmak tura min tih pawha a thu ka zawm hram hram chhan pawh, tualthah a hreh hauh dawn lo tihlah thil chiangsa a ni.

"Lexi i life ah hian vawikhat tal, ka thusawi ang hian awm ve teh!" Zâwi tak sî fiah zet hian a ti leh a.

A thusawi chu a chhunzawm leh nghal a,"Pâwn i thlen veleh police phone nghâl thuai ang che." A tih leh charh bawk a, a mitmeng dum fiah zet chuan chiang fahran hian min rawn melh bawk a.

Eng nge ka tih tαk ang tih pawh ngaihtuah theilo leh rilru mumal lo zet chuan zâwimuang hian ka ding chhuak a, ka inher riai riai a, Rex chu ka melh let leh hram a, " Khawngaihin fîmkhûr hrâm ang che Rex!" ka ti nawn leh sep bawk a.

"Ka lo tum ang, tunah chuan kal tawh rawh le Sweetheart! Engmah hlauhthawn tur a awm.miahlo a nia, pawn i chhuah hnu a Police i phone veleh nangpawh inlamah haw vang vang la, ti chuan thil ka tih fel zawh ah nangmah lam turin ka rawn kal leh ang, zanin hian hlim zet leh i nuna i tawn tur ni a. i phu dan ang taka awmtir che hi ka tum a nia, chuan engkim a ṭha vek dawn tih ring tlat bawk ang che."

"Aw le Rex." A thusawi dan chuan ka lung a ti chhe leh ta hle a, mak zeta Rex.chu chân dawn ta a inngaihna te pawh min neih tir, ka ngaih a ṭha thei tlat lo , heti ang ṭawngkam hi ka lakah vawikhat te mah a la hmangngai bawk hek lo.

"Babe kal tawh rawh le, chutilo chu kan mi veh mek te sawn an rawn hmu hman hlauh palh ang che."

Hreh zet chuan ka pen ṭan ta a, kei ma hriat tham tawk lek a phunin, "Rex ka hmangaih che." Ka ti a, mahse a zawih em a vang chuan a ni chuan a hre thei chuanglo ang, a hriat tura sawi lah ka ni hek lo, mahni ka inhrilh a nimah zawk awm e.

REX....

Lexi hreh taka akal chhuak chu ka thlir zui renga , kawngkhar a thlen phei hma chu ka mit ka la sawn lo hrim hrim, vawiin ni angah te hetiang thil kan han tawn le, la ti rilru a, hetiang ang hian a ni pawhin a ngaihtuah ve tho ang, khami te pahnih a hmuh a vanga a hlauh dan em emah khan an nun a rawngin an ti duh dah viau ni in ka ring bawk a, chumi te pahnih chu chhuah ka tum lo viau bawk, Barrett min rawn phone lai.khan ka cheque ka lo tifel.mai palh ang tih te pawh ka hlau ta ngawih ngawih a.

 Ka pawisa lam kha chu thuhran nise, hemi te pahnih hian khawiah nge Victoria a awm tih chu an hre khawp ang. Hetiang thil hi ka tih zawh vek hnu ah Lexi te chenna hmunah ka kal leh anga , tah chuan ka nupui niturin ka sawm ang, chu chu ka rilruk a ni, chumi hma chuan engkim ka hrilh hmasak phawt erawh a ngai dawn a, chuan a mah ka hmangaih a ni tih hi ka hrilh hre tawh ngei bawk ang, a tello chuan engtihna mah ka nilo a ni tih ka inhmuhchhuah tawh thu thlengin ka hrilh ang.

Ka phone ah chu ka phawrh chhuak a.

"Barrett tûnah ka location kha enla, rangtakin,  Restaurant Labeau ah lo kal thuai rawh!"

Chumi te pahnih chu ka hnung lawka table awlah chuan waiter chuan a rawn hruai tih an thawm a ṭang chuan ka hre thei a, hawi pawh ka hawi chhuak duh lo, a hun hma a ka hmel an hmuh vaih chuan engkim a kal dikloh phah zo ang tih ka hlau, a hmeichhia awmloh hlana a mipa zawk saw lo va nawr bet ka duh a, chu hun chu ka nghak ran bawk, chu chu Police leh Barrett lo thlen hma a ka tih tur a ni, an ni pawhin rei an rawn rial hauh biklo tawp ang.

"Darling ladies bathroom ka va hmang lawk a nge ka lo kîr leh thuai ang."tihpah a a nupui niawm tak, Emily ti a akoh chuan a ti ta a, ka nui suk bawk, ka remruatna chu a kal tluang dawn hle ah ka ngai a, a hmeichhia zawk a tho tih hriat zet chuan chaiar chu a ri deuh ṭiah ṭiah a, a kalsâwn thawm chuan a zui nghal bawk a, rei vaklo chu ka nghak leh zawk a, ka ṭhutna a ṭang chuan ka tho chhuak ve ta a.

Don in ti bula va din pah chuan,
"Nang sâwn fa lak!!" Rum zet hian ka melh chhuk bawk a, Lexi kidnap tu a nih a vang chuan kut thlâk hial.pawh ka duh rum rum, mahse restaurant chhungah kan awm tuh ka hriatna avang chuan engmah ka ti duh rih lo a, ka kut erawh ngil taka thlαkthla in ka hum ruh hle.

Don chu ka lam hawi chuan arawn in her a, a Revolvar chu phâwiin ka inrinloh lai tak chuan min rawn kâp ta mai a, ka khawhmuh a phe vek nghal a, ka taksa a ṭanga thisen tharlam tak a rawn chhuah a vang chuan min kαp fuh chiang hle tih pawh ka hre bawk, hetiang thil hi chu mipui tamna hmunah te a tih duh ka ring loh vanga va hnaih ngam pawh ka ni a, mahse ka ringsual hle a ni tih tlaikhawhnu ah ka hre chhuak ve chauh, chutih laia ka rilru leh mitthla a awm chu Lexi raipuar ṭeuh tawh mai hrehzeta min kalsan dawn lai hmel kha a ni.

Fiahlo zetin Emily a rawn tlân lét leh lai chu ka lo hmu a.

Chhuata thisen nén a lo in chiahpiah nuai mai leh ka lo tlu sawp tawh reng chu râpthlαk tih hmel zeta mi rawn en pahin, hlauthâwng hmel zet hian, Don bulah chuan, " I kâp a maw?" A ti nghal hlap hlap a.

Don chuan rum zet a Emily chu melh pahin, "ngâwihmak la tlân chhe nghâl ang." a lo ti a, chu lâi hmun a ṭang chuan, mipui rawn pun tam hma chuan an tlân chhe ta nghâl a.

Engmah ka ti theilo a, ka chesawn thei tawh bawk silo nen lo man tur pawhin tha ka nei tawh ka ring lo, chutih rualin Lexi erawh ka ngaihtuah hle, nghakhlel zetin an in ka kal hun tur a lo thlir rαn ang a, keilah ka dam chhuak dawn nge dawn lo tih ka hre bawk silo, tunah hian ka hliam tawrh chu engmah a ni lo, ka natna tak zawk chu ka fa hi ka hmu theilo maithei hmu turin ka harh chhuak leh ang em tih ka ngaihtuahna chuan min ti na fe zawk, ka mit sulh a, engmah ka hre zui tawh lo.

PAUL BARRETT....

Boss in a min rawn biak a vang chuan ka che chhuak nghal thuai a, ka gps pawh ka on nghal a, engvanga Rex chuan restaurant lama kal nghal.tura min rawn ti reng reng nge maw a nih le? Nichin deuh lawk kha chuan a mah hotel lama a rawn kir hunah a ti kha a ni si a, mahse thil pakhat erawh ka hria, he thil a rawn tihna chhan hi thil ho mai mai zawng a nilo tawp ang tih ka hria, chutin chawp leh chikh zetin emergency thilah Rex hian min ko ngai hauh lo.

 Chuvang chuan ka hmanhmawh pawh ṭulin ka hria, ka theih ang tawk a chakin motor chu ka khalh a, a awmna hmun tur niawm tak ka thlen hnu chuan  ka car chu ka tiding dawt a, hman hmawh zetin restaurant chuungah chuan ka tlân lut ta a, restaurant kil khat hi mi hian an lo bawr deuh luih luih a, eng emaw thil fello chu a awm chiang mai tih hrilh hriat ngai hauhlo in ka hre nghal a, Rex chu ka mita melh kual ruai pahin midang ho lo dinna hmunlam chu ka pan phei ve ta a, mahse ka thil va hmuh chuan min ṭhawng kher mai,  ka boss chu chhuat ah a lo tlu sawp reng mai, engmah a hre tawh lo a ni tih hi a hriat reng mai bawk a, ka hlauthawng hle mai, mipui in a an lo bâwr luai luai tawh bawk si nen, tu tih ber nge ni ta ang? Thil thlen dan chu ka zawt deuh thuak thuak silaia kah a nih lai tak hi tumahin an hriatloh danah silaiah chuan silencer (rithupna) an vuah a ni ngei ang, an hriat zawk tak chu Rex tlu tawp thawmah chauh a nih thu an sawi hlawm bawk, Rex chuan a nâk nemah hian silai a kah a tuar a, thisen lah a chhuak tawp thei lo. A mar chu ka dek leh nghal a, a marphu lah muang tawh hle mai; tun aṭanga reilo teah chuan mihring kan inchan lo tawh mai ang, "Ambulance ko thei inawm em?" Ka harh chhuak zawk chuan kati nghal a, mipakhat hian  "Ambulance chu kan ko tawh a rawn.thleng vat tawh ang." A tih chuan ka thaw huai mai.

Chupa sawi ang tak chuan Ambulance pawh a rawn thleng ta thuai a, kan che zung zung a, Rex lah chuan.thusen a hloh hnem tawh ngang mai, thisen leh oxygen pek nghal a ni a, motor kamah chuan hmanhmawh zet hian an dah lut ta nghal a, police pawh an rawn thleng ve tawh a, chulaia mi ho chuan an lo tifel in an lo hrikhfiah mai turah ka ngai, kei chuan tih tur ka ngah lutuk, Rex hi harh chhuak leh turin ka theihthawp a beuh ka duh, a rawn harh chhuak a nih chuan a mah nfeiin tu nge kap tih hi a la rawn.sawi mai ang.

Hospital thlen hnu chuan, Rex chu hmanhmawh zet a Hospital chhûng a nawr luh nghal a ni a, Hospital thlen.nan pawh hun a duh reilo kher mai, Doctor chuan, Rex chu a ko pah mawlh mawlh bawk a, Rex erawh chuan engmah hrelo hmwl.a pu thung!

"Mr. Marshall ka aw i hre thei em?"

"Tûnah chuan hospital ah i awm tawh a nia."

"Kan chân mek ni in ka hria,
hmanhmawh rawh u."tiin nurse ho chu a vîn deuh hrâwk hlawm a.

"Lo tuar hrâm hrâm rawh! Mr. Marshall!"

"Shit a kal tawh , a lungphû pawh a zâwi tual tual mai, hun kan nei tlém tawh lutuk!"

Ka rilru chu a buai vek mu leh mal pawh ka nei tawh lo, Rex nu leh pa nge ka phine hmasak anga Lexi he miah hian ka buai, ka rilru buai nuai a vang chuan bathroom lam ka pan phei a, ka hmai ka phih harh te te phawt a, tlem chuan ka zia awm, hetiang em ema ngaihtuahna buai nei hian ka awm pawh ka la hre lo.

Rex hi ka unaupa ang mai a ni a, a tan chuan ka nunna hial pawh chan ka huam, engvanga vawiin niah berkher a bula ka awm loh ṭum berkher a heti ang thil hi thleng nge a nih hrep chu le?

Rex hian tun ṭumah hian anunna ina tuar a kan chαn a nih vaih chuan kumkhua in ka inthiam keh ngai tawhlo ang a, ka thlarau thleng pawhin a chawl hahdam thei lo ang, Rex damchhuah leh nan chuan ka rilru in ka ṭawngṭai phah hal; ka hma darthlalangah chuan ka hmel chu ka thlir vang vang a, Rex thisen chu ka kuahna a vang khan ka lo kai nuan mai a, mahse tun ang dingmunah hian chutiang chu ka care hran lo.

Bathroom ṭanga ka chhuah leh hnu chuan tlemin ka zia awm ta, Ben chu ka phone ta a, thilawmzia ka han hrilh chuan flight rawn ṭum lehhmasa ber turah an rawn tel.dawn thu a sawi hmuk a, phone chu a thi vang vang nghal bawk.

Ni e, min mawhpuh khawp ang, ka unaupa ka venghim zolo hi kei ngei pawh engtikah mah ka inthiam.leh theih tawh pawh ka inring lo.

Lexi te chu phone va hrilh ve mai rilruk tak chuan Rex phone a ṭang chuan a number ka zawng a, mahse number a nei tawh hauhlo tih ka hrechhuak ta a, an in phone number lah ka hre hauh bawk silo, mahse vanneihthlαk zetin Rex phone ah chuan Lexi ṭhiannu in an in awmna hmun address chiang zeta a hrilhna message inboxah chuan ka hmu hlauh mai a, chulam pan chuan ka in khalh chhuak ta nghal a, kal pahin Rex enkawl tu te ho doctor zingami pakhat chu ka bia a, chanchin a chhia pawh a ṭha pawh ni se engpawh a awm a nih chuan min rawn hriattir nghal vat turin ka chah bawk.

Kal kawng tluan chuan a girlfriend raipuar ṭeuh tawh bulah chuan engtin nge ka sawi ang tih ka ngaihtuah a, ka thu hrilh danah a innghat ang, chanchin dengkhawng tak anga ka sawi a nih chuan a naupai chuan a tuar phah ang tih ka hlau a, mahse dam taka sawi dan lah ka hre hek lo, engti ang tak chuan nge ka sawi ang tih ah ka buai ber a, ka life ka thil sawi huphurh ber ṭum ni hialin ka hre bawk.

LEXI.....

Pawn ka chhuah hnu chuan kut khur hlak hlakin ka phone ka la chhuak a, police ka phone leh hnu chuan inlamah Rex min hrilh dan ang tak chuan cab la in ka,haw ta a.

In ka thlen hnu thleng pawh chuan ka,awm hle hle theilo a, ka vei tawn sek bawk; ka nu leh ka pa kal chhuak pawh chu eng nge an hriat ni an rawn thleng hma hle a, ina ka lo awm reng tawh min han hmuh chuan mak an ti hle tih anhmelah a hriat theih.

Ka nu chuan men phar deuh âk pah hian, "In hmuh thiamlohna innei leh pek tawh em ni? I va rawn haw hma ve."

"Chulam pawh a ni chiah lo! Lo va haw la, tichuan kei pawh ka thei anga,rangin rawn kal.ka tum dawn nia a tih vang a nia." Ti a sawiin ka nu leh pa hmela keimah mi an rinhhlelh an lang chu tihreh na turin restaurant a thil thleng zawng zawng chu ka hrilh fai ta vek a.

Ka pa chuan a khabe tuai ve nauh nauh pahin, "Sweetheart ngaihtuah duh suh, Rex kha mipa puitling tak ni in ka hria a, a rawn kal ngei ngei ang tih pawh ka ring, a hmel ka hmuh khan ka mipa rin chi tak ni pawhinka hria."

Ka pa thusawi chian min hnem hle a, ka nu chu kitchen lama lutin hot chocolate tray a chawiin a rawn phei leh a, kan pathuma Rex chung chang sawi khawmin  hot Chocolate chu kan intlang a, mahse kei erawh ka ngaih a ngam.hlen tak tak thei chuang lo.

Don kha ka hrechiang tawh a, eng emaw a thlen chian pawi khawih pawh pawisa lo tur a ni tih ka hre si a, hlauhthawnna hlirin ka khat, ka nu te chuan Don hi tu nge a nih tak an hriatloh a vangin Rex thu min chah pawh chi an awib hnak ni in ka hria, chuti ang chuan Rex chu darkar hnih ngawt mai ka nghak tling ta der a, ka ngaih lah a ṭhalo tulh tulh mai leh nghal a, hreawm ka ti ru hle bawk, a chang te chuan ti ang ngaihdan te hi a rawn kal.ṭan ta a, Rex chu Don khan silaiin a kap ang a, tih ang reng te leh eng vanga Rex kha lo kalsan mai nge ka nih? Engvangin nge a bula awm ve tur khan ka lo tihluih tlat loh ke? Tih te chu ka ngaihtuah leh a, ka ṭhutna hmunah chuan ka nghwt tawh hlawl lo, thawm.eng emaw hlekah kawngkhar lam ka melh vat zel bawk a, chuti ang hlur chian ka khawsa a, a hnu deuh darkar chanve a liam leh hnu meuh phei chuan ka insum thei tawh lo.

"Ka pa khawnge Rex chu niang?" Tiin hlâuthâwng zet chuan ka  zâwt a, diktak chuan ka hlâuthâwng ngawih ngawih, khut khur dar dar chung hian ka ṭhutna sofa aṭang chuan ka inbeng tho a, ka vei leh ṭan ta a, ka thaw chu a ipik ngawih ngawih bawk.

"Sweetheart a lo thleng ve maiin ka ring, ka rindân chuan, police ho in, thil an zâwt chiang mék a ni ang,
." ka nu pawh chuan, a lo ti ve sap a, mahse chu pawh chu ka ring tawhlo lam.hrat chu a ni e.

Door bell chu a rawn ri ta ral ral a.

"Chu chu a mah a ni ngéi tawh ang." Ka pa chuan tih pahin a tho chhuak a, kawngkhar lam ah chuan a phei ta nghal a, kei lahin Rex a nih tawh ngei ringin ka phur hle bawk.

"Hahdam deuhin awm rawh dear!' Rilru hah deuh a awm te hi, naute tân khân a ṭha lo teh mai a nia." Ka nu chuan a ti leh bawk a, mahse an hrethiamlo a ni. Rex ka hmuh hma chuan hetiang ngaihtuahna ka neih hi a bo theih pawh ka ring lo.

Ka pa nen a rawn inzui lût chu tûdang nilo in Rex head security Barrett zâwk alo ni a, a kut hmâwr leh a shirt hâk thianghlim zet ah chuan, thisen hi a kâi nuan mai bawk a, chu thil ka han hmu zet chu ka dang nghal sawp sawp ni hian ka hria, "Khawiah nge Rex...." zawhna ka ngah tehreng nen chu chauh bak chu sawichhuah thwuh ka neulo, ka hlauhthawn em.avang chuan ka hrawk a hnawhtu lian tak awm ang maiin ka aw chu a tawp chaih bawk.

A hmel a hrehawm tih zet na leh mang ang hmél  chu hmuh a hrehawm tak zet a ni.

"Miss Logan, Lokal vat rawh! Mr. Marshall an kâp a nia." a rawn ti chu, ka khawhmuh te chu a vai ruai hian ka hria , ka mit deuh sulh mai leh nghâl a.

Ka khaw hmuh te chu a chiang lo zo vek a, ka mittui chu a far zawih zawih a he thu chiah hi ṭah aw ṭiau chuan ka sawi chhuak thei a.

"A thi lo ti raw?" chu thu ringawt pawh chu ka tan sawichhuah a harsa kher mai, chil lem tur pawh neilo in ka dang a ro nghal huam huam a, thawk ka la pah halh halh bawk a, boruak awm chhun hip zo tawh ang maiin ka awm a, ka thin phu te lah a rang zaih zaih hle bawk.

"Hospital ah tunah hian  ka kal duh!"

"MissLogan a chi dawn ...."

"Barrett engmah ka ngaithla duh lo, hospital lamah chuan ka,kal duh!"
Ka nu chuan lainat zet a min rawn kuah pah chuan," kan kal nghâl ang."

Barrett chu a lo in rawlh a, "In kal lui dawn a nih chuan kal rawh u, kan chet chhuah vat a ngai ang!" A rawn ti ta a, keini pawh rang takin kan che chhûak ve ta nghâl a.

Hospital kan va thleng chu, tumah pawh nghâk lo in, mangang zet chuan car kawngkhâr chu ka hawng rawk a, hospital chhûngah chuan, ka theih tâwp tak meuh meuh a chakin, ka tlân lût nghâl a.

"Nurse, doctor tunge awm?" tiin mangang zet chuan ka au ruai a.

Nurse pakhat hi ka bulah chuan, rawn kal in, "Young lady, ṭanpui theihna che ka nei em?"

"Rex..Marshall hmu turin ka...lo kal."  ka inhnît pah hlap hlap bawk a.

"Chuan..zânin khân an....an kâh kha....."

"Tûnah rih chuan Mr. Marshall chu an zai mék a , chanchin in hre thuai ang."

"Doctor in a zai zawh veleh a lo chhuak a nga , chanchin a rawn hrilh dawn che u nia, chu mi hma chu lo nghâk phawt rawh."

"Ka lâwm e." ka lo ti chuairaih a.

"Lexi." Mr Barrett chuan min rawn ko a.

Chanchin eng emaw a awm tawh em? Tih pah chuan, ka bul chu a rawn thleng ve nghâl chawp chilh a.

"Tûnah chuan a taksa a silaimu phawrh turin an zai mék a nih chu!"

"Tim leh Rex nu leh pa te pawh ka phone tawh a, tûn flight lo thleng turah hian an rawn kal nghâl ang." hmél hlim lo zet chuan a lo ti ve ruih a.

"Chuan i nu leh pa in min hrilh bawk a, i mamawh chuan, waiting room ah an lo nghâk reng che."

"Ok! "

Waiting room lamah chuan, Barrett nen chuan kan in zui phei ta a.
Kan hlim loh em a vâng chuan, tûmah han inbia reng kan awm lo.
Kan pali chuan kan ngawi tlawk tlawk hi a ni ber mai.

Tûmah réngin tih theih kan neilo, mahse kan nghâk ṭhap hlawm a.

Chutiang a kan awm tlawk tlawk hun chhûng chu, dârkar tamtak nimai in ka hria.

Mahni suangtuah na ṭheuh kâwm a kan lo ngawih tlawk tlawk lai chuan,
Rex zai tu doctor chu a rawn lang ve ta hram a.

"Nangmahni ho hi em ni Mr. Marshall a chhûngte chu?" A tawpah zawng a rawn ti ve ta ṭâwk a.

Barrett chuan lo chhâng thuai a, " Aw ni e, Miss Logan." ti a mi rawn ko in ka lam a rawn melh a.

"Eng nge nita? " lo tihsap pah chuan, Barrett lam chu ka hawi ve nghâl a.

"Hei doctor a lo kal tawh."  Ka hre reng a lawm, ka muhilah a ngai te pawh a ni maithei.

Ka ṭhutna aṭanga tho chhuakin,
Doctor bulah chuan ka va ding nghâl vat a,"Doctor Rex chu eng nge a chanchin?"

"Tûnah chuan kan zai zo tawh a chu, a mah pawh a la harh chhuak chuang lo a, unconcious in a awm rih a, a mah hi a la serious deuh hlek a vangin darkar 24 chhûngzet chu, ngaihtuah awmin a la awm reng a ni, ka tih awmzia chu zual thut a chatthla mai thei dinhmunah a la dingreng ka tihna a nih chu."

"Nih leh a mah chu ka hmu thei ang em?"

"Aw, min rawn zui rawh, mahse thawm siam.erawh kan la remti lo, chuan mi tam tak luh tir pawh kan remti bawk hek lo.." tihpah chuan, doctor chuan min rawn melh zauh pahin , a kal sawn ta nghâl a.

Keipawh chuan doctor hnungah chuan ka zui ve ta dat dat a.

Rex awmna room kan va thlen chuan, doctor chuan kawngka chu, dimté a min hawnsakin, ka pén lût ve ta a.

Damdâwiin khum a Rex hmel dâng zet mai engmah hrelo a lo mu reng mai, life support nena awm ka han hmuh chuan, ka mittui chu ka biangah a luangthla nghal ngiai ngiai a, ka chhûngril hi a na vawng vawng maiin ka hria.

A thusawi hnuhnung ber chu ka ngaihtuah chhûak a.
Ka ngaihtuah âwm lo ang, min ngaihtuah suh! Pawnah sawn chhûak turin ka duh che a ni Lexi.
Chuan police i lo phone nghâl dawn nia.

Nilo, nilo, engvângin nge a bulah khân ka lo awm ve mai loh a ,ka lo kalsan chhan? Rick khân pistol a kawllâi pawh hmulo chuan, engtin nge a kawl tih a rin theih teh lul ang.

Ka mittui chu dan rual lohin ka mit a ṭang chuan a far zung zung reng a.

He pa ka hmangaih tak hian min kalsan lo turin ka duh, min kalsan loh nan tûn dinhmun ah hi chuan engpawh mai chu tih ka huam mai âwm mange. Engpawh mai chu !

A hmel dâng bul mai chu tûnah hian thî leh dam karah a léng a ni si a.

"Rex khawngaihin min kalsan lo hrâm ang che aw."

"Kei hi i tello chuan engtin nge ka awm ang? Kha leh chen kha i tello in ka lo awm.ṭhin tawh a, mahse mahni ka inhrem a ni ringawt, tunah chuan i tello a awm hi ka zuam.tawh lo, keimah a nih loh pawhin he ka pum chhunga i fa lo piang tur vang chauh tal hian min kalsan lo hram ang che."

"Khawngaihin Rex ka hmangaih che." Ka ti nawn leh sap a ,mittui far zawih zawih chung chuan, a hmui vawt thler mai pangtilum pawh awm lo tawhlo ah chuan ka zu fâwp zauh a.

"Ka hmangaihna thu ka hrilh hun che hi a tlâi ém lovang chu ti raw Rex", ka ti leh sap a.

Ka mittui chu hruhul a inher ka tumlai tak chuan, lo in hnît ri hve raih thâwm chu ka hria a, ka phu chiang ngei mai.

Ka'n in her chu ka hnunglam ah chuan, Mr. Marshall leh nu pakhat hmelṭha zet mai, sam dum hlap , a lan danah chuan a la upa vak lo a ni emaw nuamsa a a awm a vang te pawh a ni thei, ngâwirengin an lo ding dûn reng mai a.

Chû nu chuan hmel zâidam zetna a khat a min lo enpah chuan, "I hmangaih a maw?" A lo ti a.

Mr.Marshall pawh chuan mak ti hmel zet hian, "I râi a maw? " a lo ti ve hru mai bawk a.

"Aw."  zâm tak chung hian ka  ti chhuak sap a.

"Miss Logan heihi Rexa nu ,ka nupui Marilyn a nih hi!" A aw chu a dam thlup mai a, Rex pa phei hi chu ka vawihnih hmuhna chiah a ni la ni a chu, ka hmuh hmaaak niber pawh khan pa nelawm.tak leh kawm nuam.tak a ni in ka hre tawh a ni.

"Khawngaihin Lexi ti in min ko dawn nia ."

"Kan inhmu chu ka lâwm e, "Mrs Marshall ka tih zawm pah bawk a.

"Rex kha i hmangaih a ni tih thû kha i sawi tiraw?Chumi awmzia chu he i nâupâi lai hi kan tû tur tihna em ni?"

"Aw Rex hi naute pa chu a ni e."

Marilyn chu a in sût ta hlap hlap a.
Chu ka thilsawi a vâng chuan a ṭap turah ka lo ruat a.

"A pawi ka ti tak zet a ni." Hreawm ti zet hian.ka ti pah sep a, Rex pawhin a fa ka pai tih hi a ka hre lo a, tunah hetiang dingmunah hian a ding leh bawk si a, a nu leh pa te hian ka hnen a ṭanga Rex fa lo piang tur hi an duhlo a nih pawhin kei kehka chhungte nen hlim takin kan enkawl thei tho a lawm, tih rilru chu ka pu a ni.

"Engvângin nge pawi i tih a? Tihpahin mittui kâr a tang chuan, min rawn nuih pah sak a, ka ṭah chhan hi chu  hlim vang zâwk in a lawm." A rawn ti ta a.

"I hlim a maw?"  mak ti zet mai chuan, ka âng pam a, khatiang thu kha a rawn sawichhuah reng ka ring lo.a ni.

"Tehreng mai hei hi kan tû hmuh hmasak ber tur a sin."Ben pawh chuan a lo ti ve a.

Marilyn chuan, " Ka fapa hian hmeichhia a hmangaih tak a ṭangin, naute duh awm zet mai a han nei dâwn ta chu a ni si a, min tiphûr takzet a ni."

"Nilo, Mrs.Marshall Rex hian kei te chu min hmangaih ve hleinem."

"Huh, ka fapa hian a hmangaih lutuk che tih hi ka hre daih tawh!" Ben chuan a lo ti veleh sup a.

"Kan fapa hi kan hrechiang a, mi mai mai tan he $100 milions hi a séng hauh lovang ."Marilyn pawh chuan a lo ti ve a.

Ka thu hriat ho chu ka rinloh thil hlir a nih a vang chuan, mak ka ti ngei mai, mumang lam te pawh a ang rum rum hial a.

Mahse Rex hian enga tinge min hmangaih tih hi min hrilh miah loh ? Tih chu keimah a zawhna awm lian tak chu a ni ta.

"Ka fapa rawn harhla , little Marshall lo piang tur hi rawn hmu ve rawh tiin Marilyn chu a phun leh sap a.

Rex hian min hmangaih chiah em ? Tih chu ka lo ngaihtuah ve bawk a.

******      *********

AFTER TWO DAYS ....

LEXI....

"Heti ang thil thleng hi ka tuar zo tawh lo ang, Rex lah hma a sawn tih thawm reng reng kan hre bawk si lo ." ka nu bulah chuan ka ti ngui raih a .

"Honey i chauh hmel rîau in ka hria." ka pa chuan a rawn ti ve sup a, ka pa chuan min ngaihtuah hle tih pawh ka hai lo, ka tjil engmah ei a tui lo a, ka chau chhe hle tawh a, tui ka in tihlih phei chu thil ei chakna pawh ka nei lo.

Ka pa chuan a sawi dik lutuk, ka châu tawh tak zet, ka taksa ai mah pawhin, ka rilru chuan chawlh hahdam na a mamawh ngawih ngawih zâwk tawh a ni.

Ka nu pawh chuan, min ngaihtuah zet chung chuan, châwl hahdam tur chuan, min lo ti ve bawk a.

Rex room piah lawk ah chuan, roomruak pakhat a awm ve thû leh reilo té tal pawh tah chuan lo mut hahdam tum tur chuan ka pa chuan min ti a.

Ka nu pawh chuan, eng emaw thil thleng a awm a nih chuan, min rawn koh thuai tur thu chu a lo sawi ve bawk a.

Keipawh chuan an thusawi chu a dik ka ti lutuk, a chhan chu  ka taksa a chau tawh takzet si a, hetiamg chuan kei nfei pawh hian rei ka tlin bik tawh hauh lo ang tih lah hai rual a ni lo.

"Aw le, reilo té tal chu châwl hahdam ila ka tân pawh a ṭhat ka ring." Ka ti va ta hram a, mahse Rex chu ka mut hlanin engtin emaw a lo awm thut ang tih ka hlau ber, ka nu khan thil eng emaw thleng a awm.chuan min kaih thawh vat tur thu a sawi tak.kha....

"Heti lamah hian lo kal rawh! ka va hruai ang che."  tihpah chuan a inher a, room ruak awmna lamah chuan kan in zuiphei dun ve ta a.

Room.awmna kan thlen chuan ka thaw huai mai, ka nu chuan kawng min khar khum leh pahin, tui taka mu tut chuan min ti a, min kalsan.leh ta a.

Khumah chuan ka muchâwl deuh vang vang a, darkar reivak.lo hnu ah chuan, ka lo muhîl a ni teh chék a niang chu ,

Ka han ṭhangharh chu, " ka mamawh tak zet a ni," ka ti chhuak sap a.

"Engtia rei chiah chu nge ka lo mutthilh ang ni? khum a ṭang chuan ka ke chu ka hlâng thla ve nghâl a.

Ka nu te awmna chu ka va pan phei chhat chhat a.

Ka nu chu mangân hmelzet chuan ka lam a rawn pan a.

"Lexi khawngaihin hé thu hi chu la hre rih lo turin ka duh che." min lo ti chûl nghal a.

Ka kalna tur kawng chu a dang pah tlat bawk a.

"Nilo ka nu eng nge thil awmzia hi? Engmah ka lakah inzep.theilo ang, min kal tir rawh!" ti a sawiin ka nu chu ka nam kiang a, Rex nu leh pa te ho leh doctor lo awmna lam chu hmanhmawh zet hian ka pan phei ve nghal a, an ni lah chu doctor te nen chuan thu pawimawh tak an sawi a ni ngei ang, an thu tak hmel.hlawm em em mai a, Rex nu Marilyn pawh chuan a mittui a hru a hru leh nghal, thil fello eng emaw tak chu a awm chiang mai.

Ka thil va hriat chuan min va ṭhawng tak em! Ka nu chuan min ngaihtuah hmél zet chuan, ka bul a rawn thlengphei leh nghâl der tawh!

"Nilo nilo.....ka lo ti thei ṭawk chauh a, mahse doctor chuan, "A pawi kan ti takzet a ni, kan tih theih zawng chu, kan ti vek tawh!" Hmel ngui zeta a ti ka han hre leh phei chu awm ngaihna reng ka hre tawh lo.

Ka chungah hian, engthil nge thleng ta hi?

Khawvel a ka hmangaih ber mai chu, ka hmangaih a ni tihpawh hrehman lovin min liamsan chu a ni ta mai si.

Ṭah chhuah hawm hawm ka châk lutuk mahse ka thei tlat silo. Ka thinlung chhûngril ber mai chu a nâ hle a, heti ang em.em a Rex ka hmangaih a vang hian ka nat pawh ka inri g ngai lo, chu chu ka dawn kimlo tawp.ni in a lang bawk .

Chu ka thil hriat chuan, min ṭhâwn 

ém a vâng chuan, ka khûp ruh te chu a zawi zo a, ka ṭhingṭhi hniam rawp a, ka mittui chu a far zawih zawih mai bawk a.

Rex awmna room ah chuan, mittui a vâng a mengphi riai chung chuan, ka va tlân lût a.

Rex hmel nunna nei tawh lo, mahse danglamna nei hauh silo! khum a lo mu bâm mai leh nakin lawk a leidai a kan thlahliam mai tawh tur, doctor ten a rûang an lo singsak fel mek chu rangtak a va panin!

"Nilo nilo,Rex min kalsan suh! Hun ka la ti lo, i va nunrawng ve, ka chungah nunrawng i tum.tawh lo khan ka hre si a, khawngaihin lo kîr leh rawh!"

"Engtin nge he i fa lo piang mai tûr nen hian, i tello chuan kan awm theih ang, mawh, Rex i ngaihtuah ve lul lo emni? ka ngaih tur zia che hi dawn tel ve ta che, a la tlai hma ngei hian lo kir lul rawh." tiin ka ṭap chhuak ta hawm hawm a.

"Rex ka hmangaih thu che pawh hrilh hman lo in, i liam theilo ang, lo kîr leh hram rawh." a ruang vawt thlar tawh chu ka va kuah pah bawk a, ka sawi deuh nak nak a, he pa hi tiang hian a nun a tawi theilo ang, ka phallo, ka la kham lo, ka la mamawh, a ban tha chak zetin a minkuahna te kha ka la thlahlel a sin, a ṭawngkam ka hriat hnu hnun ber te kha, a hma kha chuan a hmei ang maiin min lo cheibawl.tawh ṭhin a, mahse tun aṭang chuan ka life a ka phu tawk ang tak a min en a tum tawh ti khan a sawi a, kan in ah ngei rawn kir lehin hlim takin min siam.ang ti khan a sawi si a, mahse tuna a awmdan hi chu a va hrilhhai thlâk si em.

Ka bula doctor leh nurse lo awm ve te pawh chu mittui hru lo réng an awm lo.

Ka nu chuan min rawn kaihsawn hi a tum a, " Lexi tûnah chuan, i hmangaih chu a kal tawh....."

"Nilo, mom, a kal.thei lo, a kal tur a ni hek lo, ka hmangaih thu hre lo hian ka Rex hian min kalsan lul lo ang." Khum lam chu ka bawh hnawk a, ka ṭap khur ngat ngat bawk, Rex koh kir leh theihna anih dawn phawt chuan ka taksa hian eng ang pawhin tuar rawh se, ka pum chu ka khawih a, ka lung a chhe kher mai, ka fa chu a rawn pian chhuah tirh a ṭangin fahrah a rawn ninghal ringawt dawn si a.

"Sweetpie khatin an ngai ngai lo, Rex chu natna tin rengin a an tihbuai phak tawhlohna hmunah a awm tawh tur hi lawmpui zawk ta che." ti in a mittui chu a lo hru ve mawlh mawlh bawk a.

"Nilo ka nu, Rex hi heti mai a tâwp a tân chuan, ka la phal thei lo, a la hun lo, a ni nén hian, tih tur hmabâk kan la ngah lutuk ! Engvâng chuan nge he khawvél ah hian, ka hmangaih berkhér chu ka chân bîk ang ka nu? min han hrilh teh!"

"Lexi lo kal rawh Rex sûn tur pawhin i inpuahchah a ngâi a nia,chu lovah, a ni chu a kal tawh a, nang heta la awm hi, inngaihtuah zâwk ta che, i naupâi pawh khân a tuar lutuk palh ang." Ka nu chuan min hnem dan tur kawng hrang hrang a dap tih ka hre reng, heng a vang hian Rex vanga ka kehchhia hi a reh dawn tihna a ni hek lo, a rei tulh tulh ang a, ka la tuar dawn chauh tih lah ka hai lo.

"In tih pachan tum hrâm hrâm rawh, Rex pawhin hetia i awm hi a duh pui hauh lo ang che." Mittui far zawih zawih chung chuan a ti leh a.

Damdâwiin a ṭang chuan min kâi chhuâk a, kei pawh chuan chu hmun chu kalsan ka hreh viau a, mahse Rex vui tur ka inpuah chah a mgai si. Tunah tak hi chuan ka taksa lam ka ngaihtuah thei rih lo. inlamah chuan thawmhnaw dum ha turin, min hrûai hâwng ta a.

Phûrlo zet chuan thawmhnaw dum vekin ka inthûama, Rex an vûina tur lam, a ruang an dahna hmun, bîakin lamah chuan kan inkhalh phei leh ta a.

Priest in Rex thlahna thû tawite a sawi te pawh chu ka mang hriat riai ruai chauh a ni, chung biakinah te chuan Rex vui tur nilo a mahnenna innnei turin han kal.ta zawk ni ila chuan eng ang takin nge khawvel hi lawmna famkima a khah ang ka ti a, mahse chutiang nilo in, he khawvela ka mipa hmangaih ber vur tura kall kan ni zawk si, ka tan chuan na kati ngawih ngawih, ka ṭap a, ka ṭap leh ṭhin a, ka chau ngawih ngawih tawh a, engti anga tam nge ka ṭah tawh tih pawh ka hre seng tawh zo zai lo.

A thlân tur lamah chuan, kan in zui phei leh ta a, Rex a taksa kan bula a awm tâwpna ber tur chu, uizet chungin, léi daiah chuan kan thlah liam ta hlawm a.

A rûang kan vúi zawh hnu chuan, ka nu chuan ka bana rawn vuanin ," Kal ang le." ka beng bulah chuan, a rawn ti sap a.

Mahse engtin mah ka chhâng hauh lo thung.

Ka suangtuahna chuan, hmuntin hmun tang a fang kual a.
Rex nen kan hun lo hman tawh te chu ka chhûi kîr a, ka tân chuan he khawvél hi fair ka ti mawlh lo, a fair lo hul hual .

"Sawlâi deuh ah sâwn ka lo nghâk ang che." Ka nu chuan a tinawn leh a.

"Min lo va hâwsan zawk rawh." Mittui kar a ṭang chuan ka ti a, mahse la nu hlemah thung chuan a tum loh hmél khawp mai.

Rex thlân bulah chuan, ka ding reng a, ka phun pah sep sep bawk a.

"Rex lo kîr leh rawh ! Ka hmangaih vâng tal che pawh hian, lo kîr leh hrâm rawh!"

"I tello chuan engtin nge ka nun theih ang? Ka mamawh che, kan fa lo ouang tur hian nang ang pa hi a mamawh, hetiang i tawk dawn ro ro a nih pawhin, kan naute piang tawh hnu ni se, ka hrethiam thei mai ang, mahse i fa pawh hmuhman lo va i han awm erawh hi chu ka hrethiam thei lo, ngaihtuah ve rawh ka tan hian a na a sin."  ka in sût hlap hlap a.

Ka thinlung chu chemté a vih zâwr zâwr ang mai hian a nâ raih raih mai.
Ka ṭhingṭhi hniam rap a.

"Khawngaihin min kalsan suh Rex, lo tho leh rawh!"  lungchhe vânkâi in ka ṭap chhûak ta hlawp hlawp a.

"Oh, Pathian te u, engzah pawh lo ni rawh u, ka hmangaih Rex kha min pe let leh hram turin ka ngen che u, eng Pathian pawh nirawh se, Ka Rex min pe let thei tu a piang chu ka fak ang." Ka van va dak a, ruah a rawn sur ṭan ta a, a vawt hle a chu chu pawh chu ka hre chang tawh lo.

"Lexi, Lexi," ka fanu harh teh?" Ka nu mângang awka chu ka hre thei, min rawn sâwi pah nawk nawk bawk a.

"Mom nilo ,Rex hi min kalsan turin ka duh lo.Lo kîr leh tûrin ka duh a a sin." ka insût hlap hlap a.

THE CONTRACT LAST CHAPTER

THE CONTRACT LAST CHAPTER

TI HIAN KAN STORY KAL LAI THE CONTRACT TIH CHU KAN ZO VE TA A, HEI HI A TAWPNA CHU A NI A, MAHSE BONUS CHAPTER TLEM A AWM A, TIHZAWM LAW LAW MAI KA DUH A, ACHHAN CHU A SEI TAWH VAK LEM LOH A VANGIN, AMAH ERAWH CHU NIHNIH KA CHAWL VE HLEK DAWN A, CHUAN NANGNI PAWHIN KA POST LOH CHHUNGIN TIHTUR IN NEI VE. STORY A RAWN CHHUAH CHAUH A HMET NILO IN STORY AWMLOHNI PAWHIN IN HMEH A ṬANGA DARKAR 24 A RAL A NIH CHUAN HMET LEH TA ANG U LA, IN FAKNA HMEH KHA A HRAN THO IN A CHHIAR LEH DAWN A NI. TUNAH HIAN HE THAWNTHU HI DARKAR 24 CHHUNGIN CHHIARTU SANGKHAT ZANGA TE KA NEI TLANGPUI A, MAHSE FAKNA HMET TU ERAWH AN TAM LEM LO THUNG! STORY AWMLOH ZAN PHEI CHUAN TUMAHIN AN HMET NGAILO A, CHUVANG CHUAN TI ANG HIAN RAWTNA KA SIAM TA A, NIHNIH CHAWLH KA LA ANG A, TICHUAN KAN EN CHHIN ANG, KA STORY HI DARKAR SAWMHNIH PALI CHHUNGIN MI SANGKHAT ZANGA IN AN CHHIAR A, SANGKHAT TALIN FAKNA MIN HMEH SAK THEIH CHUAN KA RAWN DAH ZAWM LEH ANG A, NIKHAT CHHUNGA FAKNA HMET TU HI AN PUNGLO A NIH ERAWH CHUAN KA DAH ZAWM TAWH LO MAI ANG, HE STORY PHEI HI CHU KA LEI A KA LEH A NI A, KA TAN AWMZIA A AWM LO. MIN CHHIAR SAKA A LAWMAWM VIAU ACHU MAHNI BUAI NEN TYPE NAN HUN KAN PEK HI A NAMAI BIKLO A, KAN HMEH ṬHATLOH CHUAN CHHUNGTE LAMAH INTHLAHRUNNA A NA DUH EM EM A, CHU CHU MIN HRIATTHIAMPUI HRAM CHUNG A FAKNA KHA  HMET ZAUHIN SECOND SAWM CHHUNG LEK TAL MIN LO ENSAK VE LAWK TURIN KA SAWM DUH CHE U A NI.

RICHARD....


A ni chuan min lo nuihlet ve sak a, tunah chuan hmel pawh a zia awm ve tawh, a hmel pawhin ngui hmel a pu tawh lo a, a hma angin hlimlo hmel leh rilru hah hmel pawh a pu tawh lo.


"Ka life a thil ṭha ber ka tawn leh ka lawm ber ṭum chu ka bula i awmlai kha a ni."


"Eng nge sawi i tum ber?"


"Ka sawi tak chu ka bula i awm lai khan ka ngaihtuah chu ka nupui anga awmin kan chhuahdun chang paqhin ka nupui thuawih thei tak angin lem i chang ang a, chumi chu kan tih zawh hunah inṭhen lehin nang pawhin i hlawh i la ang, a mah erawh chu private a kan awm hnuah erawh kan pahnih inkar chu control tak a awm turin ka plan deuh a, mahse keimah tak zawk hi chuti ang chuan ka awm thei leh si lo."


"Engtin maw ni a?"


"Hawisan che a, ngaihsakloh che pawh ka tum nasa, mahse chutianga ngaihsakloh che ka tum nalamah chuan ka khawvelah hian nangmah hlirin i khat tawh zawk si, ka ngaihtuahna ah thleng thleng nangmah hlir bak thildang engmah a leng tawh lo. Ka nupui lem a i chan lai khan, lemchang nimah la, mi i care dan te, ka thusawi i nuih pui ṭhin dan leh ka fiamthu thawh a i inrawlh dan te kha, khangah te khan nang chuan ka ṭhianṭha tak ang maiin min kawm thei a, min ngaihsak em em bawk a, chuti ang thil zawng zawngah chuan nang hi ka life ah chuan engkima ka thupui ber i ni tawh a, ka hmalam hun hman dan tur zawng zawngah chuan nang hi ka hringnuna pawimawh ber i ni tawh ni in ka inhria, hetiang hi ka life a ka la tawn ngai loh thil a nih a vangin, nang lo chu tumah duh ka nei tawh lo."


"Nang ngaihsakloh aimahin, i tan eng nge ka tih theih ang tih leh i thil duh zawng eng nge tih te, i tan engkim ka ngaih tuah tawh zawk a, i chung chang thu engkim hriat chian hi ka duh bleh sauh sauh tawh ṭhin a ni; nangmaha eng kim mai hi kim chang takin hriat chian ka duh tulh tulh tawh zawk."



Phawk zet a meng kâwk kâwk chung hian min melh a, engmah erawh a sawichhuak lo.


  "Penny lek phei kha chu a bula hun hman kha ka nuam tihzawng tak a ni. I chung chang thu story ang maia min hrilh ṭhin te kha ngaihnawm ka ti ṭhin lutuk, i chung chang thil tam tak a mah a ṭang khan ka hriat belh ṭeuh a, khatiang a i chung chang thu Penny hnen a ṭanga ka hriat belh hnu a ṭang khan, ka hmangaih ṭan tawh che ni a inhriatna ka nei, mahse engtik lai aṭangin nge heti anga taka thuk a  ka hmangaih che tih erawh ka hre lo. "


A kut chu ka kut chuan nghet zet hian ka va hum sak vang vang a, Thawk lαk hawk pah chuan, "Ka sualna zawng zawng te khan i mizia a thlαk danglam theilo a, i ṭhatna leh i felna zawng zawng erawhin min thlαk danglam chiang hle ni in ka hria, nang leh Penny hian he ka chhungrila awm hmana naupang te ka nih laia ṭhatna awm kha min tih nun sak ta zawk a ni."


"A nih leh kha naupang te kha lo theihnghilh ta ang la, engtin nge niang?"


Ka lu chu ka thin khum nawk a, "Nilo, kha naupangte kha engtikah mah pawh ka theinghilh ngai lo ang, chu chu a thleng ngailo bawk ang, nang ka bula i awmchhung chu!" Ti a akut chu chawikan sakin, "Ngatinge kan inneihna zungbun kha phelhin kan inhualna zungbun erawh i la bun reng chhan, chuan engvanga i veilam aṭanga i dinglama sawn nge i nih?"
A diamond ring bunna kut zung ṭang chu ka kut zungchal a khawih sak kauh kauh chung chuan ka ti a.


"A chhan chu he thil hi i lak aṭanga thilpek ka dawn hmasak ber a ni a, chuan veilam khan ka thinlung a hnaih zawk ni in ka hria a." Ti in inthlahrung hmel zet a hnuailam melh raih chung chuan a sawi a.

A thusawi awmzia ka hrethiam a ni ti a lantir tum chuan ka mit ka chhing deuh sawk a, a kut chu ka hmaiah dahin a mitah tak chuan chiang zet hian ka melh bawk a, a mitmu pawl raih chu a ṭahna a vanga mittui in a phelh phang bawk a, "Ka thinglung hi ka pe che a, i kawl ṭha thei ang em?" Ka ti a.


Thawk lak halh pahin a taksa chu a khur dar dar a, "Richard i taksa chu min pe tawh a, mahse i taksa nilo in i rilru leh thinlung a min hmangaihna kha ka mamawh, nangmah pum pui kha ka mamawh, chu chu min pe ve thei ang em Richard?" A ṭah aw ṭiau a, a mittui chu a far zung zung bawk a, chu thu a sawi zawh hnu chuan ṭah chhuak zet chungin a heh a pet fan fan bawk a, hmuh a hreawm.rual rualin ka laka chutiang tak a rilru a han pu thei chu ka lawm.a ni.


"Ka hmangaih lutuk che, Katharine VanRyan ka engkim i ni a, ka thinlung zawng zawng hi i nei vek tawh, i tello chuan engtihnamah ka ni lo, i tello chuan ka in pawh saw in a ni hek lo; chuvangin ka inah min haw pui rawh, min ring la, ka hmangaih tawh che a ni tih hi ring bawk.ang che." Mittui far zawih zawih chung leh thutak zeta min zawh a vangin, kei pawhin chuti ang chuan thudik takin ka chhαng.


"Ka ring tawh che a, i thusawi pawh ka âwih der tawh a lawm." Min ti a.


A kut ka humna chu thlahin, a hmai chu ka kutin ka khuap sak veleh thung a, ka kut zungpui chuan a hmai nem thep mai leh a mittui ina a tih huh chap chu ka nul sak pah a, chutianga ka khawih a vang chian ka lungphu chu a rang phah sauh, a inthum rawn tluk tluk niber hian ka hria, "Chuan?" Ka ti let a.

A ni chuan mittui la parawl kiang chunga ka mit taka mi rawn en ve pah chuan, "Richard VanRyan ka hmangaih lutuk che, ka hmangaih dan em em che hi ka hlauthawng zawk hial ṭhin a sin." Aw zawi tak si chiang fek fawk tak hian a rawn ti chhuak sap a.


"Engvangin nge i hlauhthawn a?"


"He ka hmangaihna avang che hian ka thinlung hi min tihkeh darh sak palh ang tih hi ka hlau."


"Nangmah zawk hian a lawm min tihkeh darh sak tawh zawk, tunah hi chuan i tâ vek ka ni tawh zawk a sin." Ti in ka chhang a.


"Kei pawh i tâ vek ka ni tawh." A ti let ve a.
Chu thu a sawi zawh rual chiah chuan ka che chhuak thut a, a heh nem takah chuan duhthawh fahran hian ka fawp ta bawrh bawrh a, kha leh chen a laka ka ril lo ṭam tawhna zawng zawng te chu inhnangfâk nan a hman ka tum ni berin ka in hria, mahse a awmdan pawh chuan min ṭhawng ve tho mai, kei chauh hi ka ni bik lo hmangaihna a tuihal chu, a ni pawh a ni ve tho mai, a ni pawh chuan mi rawn nghenhnaih ṭalh ṭalh pahin ka nghawngah nghet zet hian a kutin min kuah ve nghal a, a uai ti tih bawk a, duhthawh zeta infawpin kan lei leh lei te chu kan insual tir dun nawk nawk a, kan pahnih infawh danah chuan kan inthlahlel dun hle a ni tih kan hrechiang dun hle bawk; kei pawhin a ni chu steel cage(tânin) ang zet hian ka kuah nghet ve bawk a, chu ka tânin siamah chuan engtikah mah pawh a chhuahtheih tawhlohna turin.

Heti ang thil hi a thleng ang tih pawh ka hre lo a, ka plan lawk lah a ni hek lo.

Mahse a ni hi chu ka hmangaih tlat a lawm, tunhma in hmangaih ka tawng ngai lo a, mahse Katy ka hmangaihna erawh hi chu engtikah mah a tawp mai mai tawh lo ang ti rilru pah chuan âm zetin ka fawp bawrh bawrh a, a mah duhthawh zeta ka fawh bawrh bawrh hnu chuan thâwk la turin ka dâk chhuak a, chuti anga duh thawh zet chuan engtiang a rei nge kan lo infawh dun chiah tih lah ka hre lo, khua chu a lo tlai tawh hle a, inchhung te chu a thim phui mup tawh mai a, kan pahnih a sofa a ṭhut dun nan chuan hun engtiang chiah nge kan hman tihlah ka hre thei hek lo, kan pahnih taksa chu kan inchul kual tawn sak ruai a, kan inkuah pah chial reng bawk a, kan taksa chu a inthlahlel tawn hle a ni.


Mahse zanin a tan chuan a tawk viau tawh chuan ka hria, "Thing tuah belh a ngai a nih hi!" Ti a phun chhuak sup chungin, "Kan mei tuah a thi mai dawn." ka ti leh a.

"He hmun a awm hi ka duh, tah hian lum ka ti."


Ka nuih pah suk a, a chhip a fawh sak leh zauh pahin, "Kan chet chhuah a ngai tawhin ka hria."


"Thil eng emaw kan pahnih a eitur ka siam a ngai ang."


"Chuan kei pawhin ka awmna tur in ka zawn ve pawh a ngai dawn a."


A khawng nghal zawt a, "Hetah hian i awm ve dawnlo tihna maw?"


Dim taka ah bianga ka kut a khuap sak leh nghal zat pah chuan a hmuiah ka fawh sak leh zauh a, "Ka duh a lawm, mahse tihluihna hi ka duh tawh lo."


"Khum pawh queen size a ni a." Min enchho hâ a.


A mi sawmna ṭawngkam chu ka hrethiam kher mai, ka mithmul chu tih chuar khum zauh pahin, "Kan pahnih tan chuan a té ang, nangmah kuah chunga ka mut a ngai dawn a, chu chu ka tan sacrifice ah kan ngai dawn tihna a ni maw....."


Nui hmel a rawn pu ve chawpchilh nghal a, "A ni mai loh ten."

THE CONTRACT FOURTY THREE

THE CONTRACT FOURTY THREE

CHAPTER KHAT PAWH A TLING LO, BONUS ANGAH MIN LO NGAIHSAK MAI DAWN NIA,
FAKNA HMEH AH HMA KAN SAWN LO LEH TAWH TLAT, AN SAWILAI KHAN KAN PUNG VAK A, TUNAH CHUAN KAN TLACHHE LEH TAWH, IN HAN HMEH ṬHAT HI CHUAN A PHURAWM.VE THEI ṬHIN LUTUK A NIA, ZANIN PHEI CHU KA EN A, KA MOOD A TI OFF PHAH VEK, NIZAN HMASA LAMAH FAKNA HMET KAN TLEM LUTUK A, KA DOWN RAWIH RAWIH THEI, ZANIN KAN HMEH DAN A ZIRIN NAKTUKAH KAN POST SEI MAI DAWN NIA AUH, ZANIN CHU A MOOD AH PAWH KA AWMTHEILO TAK TAK, A THUILO VIAU ANG, MIN LO HRIATTHIAMSAK MAI TEH U'N, KA RAWN DAH DAWN TI IN SAWI SAWLLO PHEI ILA CHUAN KA RAWN DAH MIAHLO ANG.😂😂😂


RICHARD...

Penny thil pawimawh dahna bawmte kha i keng tel tihna mi?" Tiin ka zawt a.




"Yes, a chhan chu helai tuiah hian a thul ho kha paih vek ila, a ṭhat ka ring a, chutiang ang bawk chuan a pasal ta pawh a ti in ka hria a, a ma thil leh a pasal Burt thil zawng zawng hi he tuifinriatah hian paih vek ila, tichuan hlimtaka inhmu ah ka ngai dawn a ni. A chhan chu he cottage ah hian hlim taka ka awm theih nan leh nuam ti taka ka awmtheina turin min hruai a, he hmun thlennan ringawt pawh hian thil tam tak ka tan min buaipui sakin harsa takin hna a thawk tih pawh ka hria a, chuvang chuan a thil ho hrim hrim hi he tuifinriatah hian, ka thlâk anga tichuan Burt nen pawh intawngleh angin ka ngaihphah bawk ang."




"Hetang a tih ka tumna leh ka ngaihtuahna te hi a âtthlâk ti raw?" Tiin min zawt leh a.




A kut hmawra lo vawn sakin leh fawh sak zauh pah chuan, "I â emaw ni le, kei chuan thilṭha tak i ti ah ka ngai, chuan nangmah a awm Mi zaidam leh nunze mawi tak tih turah ka dah bawk."

"Zaidam a?"




Mi zaidam chu thuhran, mize fel tak i nei bawk, Gavins family pawh i inrawlh dan leh ka life ah hrim hrim pawh i rawn inrawlh dan te thlengin, i family nilo pui i family ang taka i pawmtheih dan te Penny ngei pawh i enkawl dan thleng hian hmeichhe rilru ṭha tak leh fel.tak i ni in ka hria." Chuti ang thil zawng zawng sawi pah chuan ka kutin a biang chu chul sak pah riak riak chung chuan, "Kei ngei pawh mi i enkawl dan chung changah i rilru leh taksa zawng zawng te nen i inpe vek a, ka tan hian i neih engkim i pe vek a, kei hian ka zirlo zawk, chuvang chuan nang anga mihring ṭha leh fel hi khawvelah hian an awm leh tawh pawh ka ring lo."




A lamah chuan kun deuh pahin a mitmeng chu chiang takin ka ensak a, a chhan chu ka thusawi te eng ang chiahin nge a ngaih tih hriat ka duh pah bawk a, "Kei ang mimawl leh sual zet hian nang anga mifel leh rilru ṭha bawksi hi ka tawn pawh ka beiseilo a sin."






"Heti ang thil zawng zawng i sawi chhan hi i phulo ni a i inngaih vang em ni?"





"Nilo ve, hmangaihna hi ka rin ngailoh a vang zawkin."





Zawite a phun chhuahsap pahin, "Nileh engtin nge ni zel dawn?"




"Ka life ah hmangaih ka nei thei a ni tih hi tunah chuan ka hre ve ta, chu ka life a ka hmangaih chu nang chauh hi i ni."





Chu thu ka sawi lai tak chuan thil sawi chhuahve tum ni awm tak hian a ka chu a âng pah ziau a, mahse ka kut chu vaiin ka kut chuan ka lo khap a, "Nang hi ka hmangaih a, nangmah chauh hi ka hmangaih ang, chu chu ka hrechhuak tawh a ni. Kan inkarah midang an inrawlh hma ngei hian ka hmangaih che tih hi i hriat ka duh ."





"Thudik tak chu nang hi ka hmangaih tawh che a, chubakah nang chauh hi hmangaihna awmzia min hrilhfiah thei tu leh hmangaihna ah chuan engkim hi a in ang tlang a ni tileh hmangaihna hian phuloh a neilo tih te thlenga min hrilh hre tu i ni a, hmangaihna chuan engkim tihtheihloh a neilo a, a chak bawk a ahuaisen bawk tih ka hriatchhuah takna pawh nangmah ah chauh a ni. Chuvang chuan Gavins bulah pawh engkim ka sawichhuak vek tawh a, kan pahnih chung chang engkim ka hrilh vek nachhan pawh hmangaihna ah chuan engmah zep a awmtur a nilo ni a ka hriat vangin."




"Chu chu engtikah?"



"Ka hrethiam hauh lo?"




 "Engtik a ṭṭng khan nge i inthlαk danglam a, engtik aṭang khan nge min duhlohna te hi i lo tih tawp tαk?"




Ka dar chu san khum zauh pahin, "Ka rindan chuan khami ni a i thu min hrilh, Go fuck your self i ti a min hrilh hmasak ber ni kha ni in ka hria, khami ni khan Katharine nihna diktak ka hre chhuak a, nangmah a huaisenna awm te chu ka lakah i lo thukru reng ṭhin zawk tih hrechhuakin ka ngaihdan ang hmeichhia i lo ni hauhlo tih ka hrechhuak bawk a, a hma a hmeichhe dawihzep tak ṭi dai anga ka lo ngaih ṭhinna che kha i titawp a, khami ni a ṭang chiah khan a ni ka hmangaih ṭanna che a ka hriat chu!"




"Khatiang khan ka tih a ngai miau a lawm, hna ka mamawh a, khatianga i hmusitna ṭawngkam tih vel aia ngaih pawimawh hmasak tur Penny ka nei miau a, chuvang chuan khatiang khan ka awm a ngai."


"Ka hria a sin, khati khawpa i chunga rilru ka put ṭhin dan kha, mahse nang chuan i tuar thiam thei zel a.....Penny vang a ni tih ka han hriat chhuah tak a vang khan mahni inthiamlohna hlirin ka khat ṭan ta a, khami zan ka ruih zana i chanchin min hrilh khan, ka mit chu min menfiah tir ni in ka hria."


 "Heti ang em em hian midang tan a lo inpek theih a ni maw tih hi ka ngaihtuah phah ta hial a, heti ang midang tana a nun pawh hlan duh khawp a miṭha hi he khawvelah hian an awm thei ang tih rin ngaihna ka nei ngailo hrim hrim; chuan khami zan leh a i chunga ka thil lo tih ṭhindan zawng zawng inchhir a vanga i laka ngaihdam.ka dil khan nang chuan awlsam takin min ngaidam lwh thei nghal mai bawk a, min ngaihdam.daih tawh thu min han hrilh khan rang tak maiin kei pawh ka ngaihdan i thlαk ve nghal a ni, min ngaidam a ni tih chian nan min nei duh leh mai bawk a, nang ang mize nei bulah chuan mi tumah hi an sual thei ngailo ang tih hi ka hrilh duh bawk che."





"Ka ngaihdan leh ka rilru put dan ka sawichhuak mai ṭhin zawk a nih kha."





"Engtin nge khatiang khawp aawlsam khan i tih theih zawk pawh ka hre lo, i awmdan engkim mai hian min surprise em em zel a, khatiang anga ka rinloh deuh deuh khan min surprise chho zel mai dawn ni a hriatna ka nei bawk, min la surprise zel bawk ṭhin ang." A beng bul lamah chuan kun hnaiin a sam chhanah chian ti hian ka phunkhum sup a," Min la surprise tam tawk lo, min surprise dan ho kha ka la duh khawp lo, ka duh zawng tak vek a nih a vangin." Ka nui pah suk bawk a.

Zanin chu a tawi deuh hlek maithei, naktuk zanah kan dah leh dawn nia.

INTOXICATE CHAPTER 15

INTOXICATE CHAPTER 15

MINNEAPOLIS USA

LEXI.....

Los angeles a ṭanga darkar li ngawt ka chuan hnu chuan kan in awmna Minneapolis chu ka thleng ve ta a, cab la in kan inpanan darkar hnih ngawt ka hmang leh a, kan in ka thlen chuan a tlai ruih tawh leh nghal, october thla a tleng tawh a vangin boruak pawh a vawt ṭha tawh hle a, vur pawh a tla sang sang tawh a, mahse a la tla chhah em em hran lo, a maherawh chu khawilai mai pawh chu a var vo mai a, a mawi tawh em em mai a ni, ka cab chuanna tukverh chu khar phui tlat a ni a, pawn lam chu fiahlo riai hian a lang bawk a, lang fiahlo viau mahse khawilai hmun nge kan thlen tawh tih ka hrethei vek a ni.




Cab a darkar hnih lai mai ka tlan leh hnu chuan ka seilenna in chu ka thleng ve ta a, ka haw hun tur tak hi ka nu leh pa te ka hrilh lo a, a bik takin ka rai a, nau ka nei ṭep tawh tih thu pawh ka hrilh lem lo.




Chuan man te ka pek fel hnu chuan ka suitcase nen inlam chu ka panta a, door bell ka hmet a, kawngka min rawn hawn hun pawh nghak hran chuanglo hian, inchhunga luh nghal chu ka rual a.
"Mom, Dad ka lo thleng." inchhûng ka luh hnu chuan ka au larh larh a.



Ka nu ka aw a hriat a vang chuan a rawn lang nghal a, min hmu chu a phu zawk, "I râi a maw?" A ti phâwk hra a.



"Surprise."



"Ma...hse engtin! Ka tih awmzia chu tu lakah nge? "


"Ka pa lo thleng sela, engkim ka hrilh vek dawn che u nia," ka lo ti a.



"I pa chuan nichin deuh lawk khân min rawn call a, a hnathawh na ah confrence an neih a vangin, naktûk anih hma chu a rawn hâw lo ang,  Chuvâng chuan engkim min hrilh vek thei ang!"




Rex nen kan chanchin zawng zawng engkim mai chu hmaih nei hauh lo in, ka nu chu ka hrilh fâi ta vek a, ka nu chuan ngun tak a lo ngâithla in a ṭhâwng viau a chu, mahse pî an ni ve mai tur chu a lâwm hle thung a.



" A nih Rex chuan pa a han nive mai tur hi eng angin nge a ngaihve ni reng reng?" A hmela zaidamna khat chung hian a ti dam diai a.



"Uhm....ka la hrilh hre hauh lo." Ka ti bah deuh nak a.



"Engmaw i sawi a??" Mak tizet hmel chu a pu a.



"In ngaihtuah phawt turin hun ka mamawh hmasa ni in ka hria."



Ka nu chu a meng nur deuh nang a,
"Lexi i hrilh ngei tur a ni. Naute pa a nih ang ngeiin, hriat ve pawh a phu bawk." Ka nu nen chuan sofa ah chuan kan ṭhu dum rân a, ka hmel hmulo vang vang a nih a vangin a hmuleh chu a hlim phah hle tih pawh ka hria.




"Naute pa chu tunge ni reng reng?"


Ka nu zawhna chu chhan ka hreh kher mai, Alma khan ka bo laia a pawisa tam tham zet mai senga min zawnghmu tu chu Rex Marshall a ni tih a hrilh thu a sawi tawh bawk nen, ka nu bulah hian ka sawi thei ang em tih chu ka ngaihtuah neuh neuh a, ka hrilh dawn nge dawn lo, tiin ka inkhαp hial bawk, mahse nakinah an la hre chhuak tho emaw kha a ni ang a, tih rilru pu chung chuan, "Ka fa pai na pa chu Rex a ni e, mahse mom, la hrilh hriat erawh ka duh rih lo a nia." Ka tihzawm nghal zat a .



"Chuleh phei phei Lexi, tunah chuan ka hrethiam rih ang che, i hun taqrh hian a zirlo a, mahse nakinah erawh i la hrilh ngei a ngai ngei ang."



"Ka lo tum dâwn nia." Ka ti ve ta sep a.




"I pa chu ka'n bia ang e , nangma chungchâng thu sawi turin, chu mi hma a hetianga a rawn hmuh che chuan, heart attact in a thi thei hîal ang." tih pah chuan a ṭhutna aṭang chuan tho chhuakin a kalsawn ta nghâl a.



Ka room ngaiah chuan lûtin inbual harh a ṭhat ka ring a , ka thawmhnaw te chu hlîpin,shower hmang tur chuan bathroom ah ka lût ta a, ka chhuah leh hnu chuan, thawmhnaw dang ka inbel a, inhnuai lamah ka nu dinner siam eitur chuan ka chhûk leh ta a.


Inhnuai ka chhuk chiah ka nu thilsiam rim chu a tui ram ram kher mai, ka hnar a ver zar nghal a, ka nu thilsiam tui ṭhin tak mai meat ball casserole ngat ka ei leh dawn chu a nia, ka lung te chu a  chhe mah zâwk hial a ni.



Kitchen ka thlen hnu chuan dinner chu tableah a lo chhawp sa diam.tawh a, mi lo nuih sak pahin, "I rawn chhukthlâk nghal mai ka ring a." Sallad nen chuan ka nu chuan ka plate turah min rawn suah sak a. Ka tân a ṭhat ring in chicken sweet corn soup a siam chu min pe nghâl bawk a, ka ei hnem ngei mai.




Ka eizawh hnu chuan, vawiin lama ka flight chuanna ka chauh deuh a vâng chuan , ka nu bulah mut hma ka duh thu sawiin, mangṭha nan a bianga ka fawh sak zeuh hnu chuan, inchung lam ka roomah bawk  ka chho leh ta a, ka taksa chu a la chak tâwk vak lo nen mut hma chu ka tân a ṭha ber rih a ni.





Mahse ka room ka thlen hnu leh khumin ka lu a han sik hnu chuan ka muhil thei chuang hauh lo! Rex chunga ka thil tih kha a dik ber ang em tih chu ka ngaihtuah let keh a, engvanga a hmel chu lo hmulo nge ka nih, mahse ka tuar thei.leh dawn si lo, ka rilru chu a buai nuai nuai mai a, ka awm a nuam lo a, thaw ipik bawk nen, ka mutna a ta chu tho in ka vei kual leh ta sek a, hetia ka tih hi naute tan a ṭhalo tih pawh ka hre reng, mahse ka muhil thei ngang bawk si lo, ka hun kal tawh hnu chu ka ngaihtuah let leh a, kha hmuna ka tan chhungzawng a Rex hmel ka suangruah ṭhin chu, a nuilai hmel tha zet keh a hmel pa zet kha a ni. Min rawn chhan chuah ka beisei em em a, mahse min rawn chhan chhuak turin ka lakah eng nge bat a neih le? Chutiang tur chuan ka phut tur a nilo.



A nupuihual nen hlim taka awm turin ka duh sak a nih kha.... a ni chuan hmangaihna awmzia a hrethiamlo a, kei erawh chuan hmangaih tak te in ka hmangaih a ni. Mahse ka hmangaih a ni tih erawh engtikah mah a hrechhuak tur a nilo, min hmusit lutuk palh ang e, ka pum chhunga a ma fa ngei nunna nei pawh hian tu nge a pa tih hi a hrechhuak tur a nilo. Tih kha ka intiamna nghet tak a ni a, mahse ka thei ang em? Ka chhungte hian a fa a nih zia thu hrilh turin min nawrlui ta ang se emaw a mah hi rawn kal ta ang se, engtin nge a bulah chuan ka lo sawi ang? Dan angin a fa chu a hmu thei ngei ang le, mahse ka hmangaih thu erawh ka hriat chhuah tir ngai hauh tur a nilo. Hreawm.ti viau mah ila ka tawrh erawh a ngai dawn a nih hi, nikhua alo rei anga, chumi hunah erawh chuan tawrh dan pawh ka thiam ve tawh mahna, ka tum nimiahlo in ka biangah chuan mittui a luangthla ngiai ngiai a, mahni in sitna hlirin ka khat bawk.




Mittui kar aṭang chuan ka mutna khum chu fiahlo riai hian ka hmu a, ka khum lamah chuan ka muthla hnawk a, ka lo tihdan ṭhin fo angin Rex ngaihtuahna a vang chuan ka ṭap muhil leh ta a.


THE NEXT MORING



Zîng ka tho chu tûk dang ang bawkin ka tho chu ka harh vâk chuang lo , zan lam pang ah mut mu ka hmu ṭha lo bawk nen, thawhchhuah pawh nuam kati lo a, sana ka en a, zîng darkua lai a lo ri der tawh mai, mak ti zet in ka meng phar awn awn hial a.



Darkar sawm leh pahnih zet ka roomah chuan ka in khung tawh bawk, za lo zet hian ka nui sak a, shower hmang tur chuan, ka lût zui a, ka chhuah leh hnu chuan tuverh hawngin boruak vawt var mai chu ka hip lut vang vang a, minneapolis ah chuan vûr pawh a tla vâr chiai tawh mai, vawt ka tih tak em a vang chuan ka khar leh leh vat a, thawmhnaw lum tak inbel a inhnuai lama chhukthlâk ka rilruk a, ka pum chu a ri leh raih raih tawh.



ka thawmhnaw tûr tlem a zâwng nurse in min rawn lâksak a ṭang chuan, a lum tur ber chu ka la chhuak a, ka thawmhnaw hâk tur ja lak lai te chuan vawt ti in ka khur hlak hlak, khumah bawk chuan mut leh mai te ka nâp phah hial. Ka thawmhnaw hak tur chu ka en vang vang a, sweater senduk fual , ka malte thleng vel chu ka la chhuak ta a, hâk pawh a nuam phianin ka ring, engmah min phuar tiuh ṭeuh tur a awmlo ang a, ka ha pah nghâl mawlh mawlh a, a hnuailam ah lengins dum lum ṭha tak chu ka ha leh bawk a, scarf lum tak tur a senduk bawk chu la chhuak lehin ka in peih ta.



Inhnuai lamah chuan breakfast eitur in ka chhûkthla ve ta a.



Ka nu chuan phone ah ka pa chu a lo be mawlh mawlh a.



"Ok honey naktûk lamah kan inhmu dâwn nia." A tih hnu chuan phone chu a dah  a. Ka thawm a hriat a vang chuan ka lam rawn hawi vatin,"Good morning sweetheart , i chauh hmél si a ka rawn kâitho duh lo che a nih kha, i mu ṭha maw, eng nge i an?"




"Morning, ka mu ṭha lutuk, mutui tak ka ni." Dawt ka sawi tih hre reng chung a lo tih ve sap pah chuan, la nuih pah sak a, kan plate dahna bawm a mi chu ka plate tur ka la chhuak a, ka eitur chu ka insiam rak rak a, ka nu chu va melh zauh pahin, "Ka pa emni i biak kha?"ka va ti zauh a.




"Aw a rindân chuan naktûk lamah hian lo haw a tum in ka hria. "Ka nu chuan a lo tih ve sap pahin,"Chuan i naupâi chungchâng pawh kha ka hrilh tawh a, a hlim lutuk ringawt." A nui pah var var tih ka hria, ka va melh leh zeuh a, engmah chu ka sawichhuak lem chuang lo, nau hetah ka nei ang a, hnathawh tur te ka zawng ang a, ka fa enkawlna tur ang chu ka thawk chhuak thei em em ang, chuan ka nu te chenna hnaih takah inluah tur ka zawng bawk ang a, ka nu leh pa te tibuai renglo in ka la indang ve ang chu.




"Bill chuan ka ngaihdan kha min ṭawmpui bawk a , naute pa Rex chu theih anga rang a hrilh hre ve turin a ti bawk che."




"Aw le, Mom ka la hrilh ve dâwn nia." ka ti nawn leh sap a, ka thil ei ka zawh hnu chuan ka tho chhuak a, ka eina te ka seng fel hnu chuan ka nu lamah chuan ka phei ve a.




"Vah chhuah mai mai ka tum a sin."



"Aw le dear, mahse fîmkhûr viau ang che. Keipawh mall ah i thawmhnaw hâk tur tlém a zâwng lei turin ka va kal lawk ang e, i rawn thawhchhyah hma khan Alma nen kan inbia a, thawmhnaw hak tur i neih vak loh thu a rawn sawi a, ka rawn reilo ang, nangpawh rawh haw har lo ang che."



Ka nu in Alma a sawi chhuah chuan ka phone ta miah lo tih ka hre chhuak a, mahse ani chu ka ṭhian ṭha tak anihangin, a hrethiam mai ka ring, Rex hian a tibuai ang nge tibuai lo ang tih thuah erawh ka chiang ngam lo.



"Ka tum dâwn nia." Ti a ka nu chu chhangin ka chhuahsan ta a.
Vur lo tla ṭan tawh nen khawi hmun mai pawh chu a nalh em em vek mai a.



Kan In awmna a ṭang a hla vaklo park ah chuan kalin, chu park chhûng a pond awm bulah chuan dimgin pond a tui awm khal ṭan chu nalh ti zet hian ka thlîr chhuk reng a, crystal fim ṭha tak te pawh ka chan a, chu pond a tui awm chu a khang ve ṭan tawh a vangin nalh ti takin ka melh ngawih ngawih, a nalh dang dâi viau mai, ka hnâr chuan boruak vâwt var mai chu ka hîp lût raih raih a, ka mit chu ka chhîng vang vang bawk a.



Chutih lâi tak chuan, hun reitak chhûng ka lo hriat tawh loh leh ka hriat leh ngai pawh ka lo rin tawh loh hial, ka mumang lamah chauh leh ka suangtuahna lamah te chauh a awri ka hriat ṭhin tawh âw thâwpsat mai sexy zet chuan, "Lexi!" tiin ka hnunglam a ṭang chuan a phun ri sup a.




Ka phu nghal zawk, ka ngaihtuahna emaw ka ti hial, mahse "Lexi." A rawn tih nawn leh takah chuan a tak ngei ani tih ka hrechiang ta hle, a lam chu zâwimuangin hawi tur chuan ka in her a.



A hmel te chu a pá dan ngaiin alo la pâ reng a, a jacket lum hmel zet mai leh man to hmel zet a hâk chuan, a ti lang ṭha leh zual, suit ṭhui nalh zet mai nen a a induang chiah ka hmuh ṭhin a vangin a jacket hâk chu a inhmeh leh zual ni hian ka hria a, a lang pa hle bawk, a hmél ṭha zet mai chu mak ti zetin ka en a, engtin nge ka awmna te a rawn hriat? Alma a ni ngei ang, Alma chungah chuan ka thunrim ru hle bawk.



A mitmeng thim ruih mai ah chuan, hetiang a min hmu hi a ṭhawng hlé in, mak a ti hlé a ni tih ka hre thiam mai, ka hmel pawh enta lo chuan ka dul kawh ve liah tawh lam chu phâwk zet leh mit la sawn hauh lo hian rei tawk fang a melh ngur reng a, keilah chuan chutia a han enreng mai chu hreawm ti ru zet hisn thawk ka lo la ve hakh thung!





"I râi a maw?" A tawp a tawpah zawng a rawn ṭawng chhuak veleh ta hram e.  Mak a ti lutuk tih chu a awka chhuakah pawh chuan a zép lo.



"I râi a ti chuan min hrilh i tum miah lo tihna maw ni a? Lexi leh!"



A hmel.chu cho hmel zet hian ka melh chho ve kal a.



"Ka fa a ni ang ti raw?" Chu zawhna chu a pawimawh viau bawk, he thu hi min zawt ang tih rinna ka neih a vangin, vawitam tak a chhanna tur pawh ka ngaihtuah nawn fo tawh a ni.



Chung thil ka ngaihtuah let leh a vang chuan.ka thin a rim.thar leh a, he pa hian hreawm.tam tak min tawrh tir tih hi ka hre reng tur a ni.  "Ka laka khatiang zawhna neih pawh chu ngam pawh i va ngam zâwk ve a ?" tih hlar pah chuan,
 "Nawhchizuar ang mai in min ngâi cheibawl a, ti chuan tûnah hetah rawn kalin ka fa tiraw tih mila rawn zawt ngam a maw? Hrep tak che chuan Rex."




"Aw hetah hian nangmah hmu turin ka rawn kal ngei a lawm, a chhan pawh âtthlâk zeta hrep che a vangin."



"Chu chu thuhran nise...Engvâng a nauté chungchâng hi min hrilh lo nge maw i nih hrep le Lexi?"



A thusawi zawng zawng chu engmah lo sawi chhuak velo chuan.ka ngaithla kar ringawt a, a lakah hi chuan ka dawh thei ṭhin viau mai, chu chu ka tum dan lah a ni ngai hek lo.



"Oh, hei hi ka hmu chiang reng mai, tûna i ngaihtuahna tenâwm zet ah khân, midang nen kan awm angin i ngai leh hrep ang chu ti raw! a dik em?" A ti leh a.



Ka thin chuan a tuar ta bik hauh lo, kei min kawp hnu khan Victoria ah a ṭuan leh ngei ang a, Victoria a thlah hnu ah hmeichhe dang a buaipui leh ngei ka ring remg a ni.



"Thu dik chu maw, nang hian thil reng reng hi herh kâwi kual vak vak ṭhin lo la, ti chuan a dik a ni mai."



"Eng nge i thusaei awm zia chu?"




"A awmzia chu Victoria kha nupui a neih i tum a ni lâwmni? A chhan pawh a râi a vângin! A râi i rin na chhan pawh i mutpui tawh vang, a dik em? Mr.Rex Marshall min mutpui tawn ve ve ṭhin tih hi thudik a ni."



"Kha berkher kha chu thudik a ni hauh lo." a lo ti ve hrâwk a.




Kan bul hnâi velah chuan midang vak awm lo in, park chu a reh mai pawh a, chu ti nilo sela chuan, ennawm chhuahtu ropui zet kan ni awm e.



"Chuan hei hi ring la ka duh bawk, nang ka tawn a ṭang che khân, tumah dang ka mutpui tawh lo tih hi i ka hrilh thei bawk ang che!chuan i mi sawi ang em em a mipa lerh zet leh awmṭha duhlo pawh ka ni bawk hek lo."



"Victoria khân zû in min hrâi rui a ti chuan, sex hmang anga sawiin min rin tir chauh a ni kha, hrep tak zet chuan, kha nu kha zawng hmu tawh ni ila chuan maw ka that duh hial zawk ang, hetia ka la zawmghmu theilo hi a la vanneih phah mai mai chauh a nih hi!" A thu sawi zawng chuan a insehruh hle tih hai rualloh hian a kgaberuh kual.tawp chu a pawng pah ṭawlh ṭawlh a.



Mahse a thusawi ho chu engah mah ka ngaihsaklo lui tlat thung! Za zet hian ka nui chhuak a, a thusawi chu ho tih hmel zeta ka kut vai khum.zauh pahin,
"Oh tûn a i thil rawn sawi danah kha chuan, i khawngaih thlâk hlé a ni tih hi i hria em?"



"Babe i ngaihdân ringawt kha en bîk suh!" A meng de sawr sawr a, a thin a rim hle tih pawh ka hai lo, mahse ka hlauhna chhan tur awm ang ka hre tawh bik lo, ka xhân hlauh em em thin ka hna aṭamga min ban tawh miau a vangin, ka  engmah a ni tawh lo a, ka boyfriend lah a ni heklo a, ka boss lah a ni tawh hek lo.



"Rex tunah chuan, LA, ah kîr leh rawh! he lâi hmuna awm ve tur hian, ka duh lo che." ka lo tih khum leh hmak a.



"Well, a kal ṭha tluang zel e. " tih nghut pah chuan, a in her vut a , hman hmawh zetin, hnunglam pawh rawn hawi lét leh tawh lo in a kal ta daih a.



Kei pawh chu a kal liam hnu chuan ka lemchanna kawr chu ka hlip a, mittui far zawih zawih chung chuan kan inlam chu ka pan ve ta a.



Inchhûng ah ṭap chung a ka lût a , ka nu chuan ngaihṭha lo zeta mi lo en pahin, ka lam chu a rawn pan nghal vat bawk a, "Lexi enga ti nge i ṭah?"a lo ti chûl a, minkuah nghal vat bawk a, kei pawh chuan inhnit hlap hlap chungin ka nu chu ka lo kuah let ve bawk a, ka nu chuan ka hnunga mi ben sak thak thak pahin, "Eng thil nge i va tawn reng reng a, chuti fako a lungchhia a rawn siamtu che chu eng thul chiahn nge a nih?" A la ti zel.tho.a.



Ka hrilhloh pawhin min la  zawt chhuak tho tho dawn tih ngaihtuahin, "Rex nen kan in hmu a." ka ti chhuak ta sap a.



"A fa a nih zia thu chu  i hrilh ta tihna em.ni?"



"Aih hrilh lo ." a mit chu a meng kual ralh a.



"Khatia min hmuh khân a ring nghal mai."



"Chuan thil chu a kal khawlo zo ta a?"



"Nichiah lo deuh, ka naupai lai  pa a nih leh nih loh min zâwt a...."


"Chuan a rin dik zia thu i hrilh ta a?"



"Hrilh ta chuang nâng!"


"Lexi...le(h) a ti halh a, thawk a la ri halh bawk a.



"Mom ka hrilh vek tawh che kha, a taksa mamawh phuhrûkna a tân chauh min duh tih ka hre reng a lawm, Rex hian min hmangaih lo."



"A duh chu a mamawh pe thei tu chauh a ni a duh ni. Min ngaih thu bâk sawi tur a hre hlei ném."




"Lexi chutiang ringawt ngaihtuah lo in, i hrilhhriat ve ngei chu a ngai ang."


" Naute chu a duh emaw duhlo emaw, a pa anih na ang ngeiin hriat ve hi a phu bawk."



"Ka hrilh lovang, ka hrilh dawn lo, khatiang thil.thlen hnuah leh lek phei kha chuan." Ka heh hnuailam chu ka pet fan a.



"I la hrilh ngei chu a ngai ang, fa a duhlo a, ka mamawhlo e a ti a nih erawh chuan lawm takin kei ni in kan pawm thei ang, a fa a nih ve miau a vangin a hriat ve ngei ngei erawh a ngai si a lawm Lexi."




"A ni hi ka mamawh lo, a tello pawhin, he ka fa lo piang tur hi ka enkawl ve thei reng." Vin zeta ka nu tih khum chungin, ka room lam chu ka pan chho a.



Ka nu chuan min rawn auh zui pahin, "Hethil hi ṭha tak a i ngaihtuah nawn leh chu a ngai ang, i pa lo haw hma ngei hian."




REX....

Lexi min lo chhândanah khan ka lawmlo hle a, kgatiang khawp khan ka ngai a, a mah ka ngaihtuah zia leh ka hmangaih thu pawh sawitheilo in min siam leh ta si, chung thu sawi pui tur chian ka fa anuh leh nihloh thu ka zawt a, mahse ka fa anih thu pakkatmah in a sawi lo, ka fa pawh chu a lo nilo pawh a ni maithei e, ni e, engang pawhin ngaihtuahin ngai viau pawh nimah ila, ka tello pawhin a hlim zawk maithei bawk a ni. Chuvang chuan a hlinna tur chu ka zawn sak zawk a ni mai a niang chu!



Lexi hmu tur chauh a kal ka nih a vangin, ka hmuh tur berin he hmunah hian awmlo turin leh haq turin min lo ti bawk nen, a hmun nuamlo zet leh vawt zet chu kalsan thuai thuai mai ka duh tawh a, mahse a hmel te kha ka hmu ṭhat belh sauh ni in ka hria, hmeichhe hmelṭha tak zawng a ni chiang a lawm, heti em em hian hmeichhe rai hi an lo nalh ang tih rin ngaihna pawh ka hre lo. Mahse a cher mah mah tih erawh ka hre thei, a hmel hmuh ka chak em em a, ka hmu tawh a, a tawk e, a pai lai kha ka fa alo nih loh phei chuan ka tan han beisei ngamna tur kawng a kaw tawh lo viau bawk.



Ka private jet awmna lam pan turin  car chhunga ka luh hnu chuan Driver chu ka hrilh sup a, hmangmawh zeta LA lama thlawh hawn leh vang vang mailoh chu tih theih ka nei tawh lo.



A FEW DAYS LATER IN LOS ANGELES


LA lama ka kir lehna pawh karkhat lai a tling veleh ṭep tawh, zu ka in nasa hle a, chhun lamah office ka kal a, zan lamah erawh harhfim lai reng ka nei ngai lo, bar lam ka bel chawt a, hmeichhia min rawn hnaih tu deuh te lah ruih tawh a vangin Lexi ang a ngaihna neiin ka mutpui châm chi a, mahse chung hmeichhe ho chuan Lexi min theinghilh tir theilo, a mah angin ka taksa lah an chawkphur ve thei bawk hek lo. Lexi ka ngaihna an ti zual mai mai chauh a ni. Zing alo nih hian chung ka hmeichhe hruai hawn tak te chu ka haw tir nghal zela, an ni in duh pawh nise, ka kawp nawn leh tawh ngai lo. Ka awmdan pawh chu a mumal lo telh telh a, ka nu rilru erawh tih hah ka hlauh a vangin, ka inthup hle ṭhin, ka nu pawh a dam veleh tawh a, mahse a rilru tih hah sak erawh ka thul hlauh ber a la ni tho tho ṭhin!




Zanin pawh hian zan dang ang bawk a ka tih dan ṭhin chua Bar lam ka pan leh a, ka taksa in a a zawh tawk aia liam zû chu ka in leh  hmiah hmiah tawh.
Minneapolis a ka haw a ṭang khân pângai takin ka hun hi ka la hmang lo reng reng, harhfim lai ka neilo ti ila a dik zâwk hial âwm e.



Chutia no ka lo dawm tlak tlak lai chuan, ka bulah Alma chu makti zet a min melh reng chung chuan a lo ding reng tawh a.



"Eng ati nge i rawn kîr leh na chhan?" a  ti phâwk hra bawk a.



"Zû in turin mawle! chu bâk eng nge keimah ah hian hriat teh vak a? "Ka tih khum hmiah bawk.



"Lexi chu i hmu em, eng thil nge thleng?"




"Ka hmu lutuk tlat! Ka hmu tehreng mai a tâwk em."  ka tih khum hrâwk a vang chuan a phu zawk thei.



"A naupai avâng khân hrehawm i ti tûr a ni réng réng lo hria ang che !"  min lo melh kal a.



"Nauté siam nan mi pahnih, mipa leh hmeichhia an ngai ngei ngei bawk, mari ang a thlarau thianghlim fa te an pai leh a nih ngawt loh chuan."



"Yeah, tehreng mai! I sawi dik a lawm, Lexi leh kha mawnga club a ka hmuh pa nen khân an lo siam.hman pawh a ni thei bawk. " thinrim a vanga sehchikh deuh nawk nawk chung hian ka ti chhuak a.



"Chimâwm viau ṭhin lo mai teh! Lexi hian nang lo chu tumah kawp a neilo tih hi ka hrechiang lutuk tlat ."



"A nih enga tinge ka kal hma khân, a râi a ni tih thu hi min hrilh hriât loh hrep chhan?" Rum zet hian Alma hmel chu ka melh run a, ka,glass ken lai pawh chu ka hmer ngaqt ngawt a, ka hum keh mai ang tih erawh a hlauhawm.viau.




"Oh Lexi khân engmah sawilo turin min ti a lawm."




"Engvâng nge tih pawh chu i zâwt hauh lo bawk ang a ti raw?" Elhsen zeta tih khum veleh salh chungin ka ṭhen khum ṭhaw a.



"In ngaihtuahna hun a mamawh tih te hi hre ve ta che mawnga."



"I hmui kha véng ṭha hle rawh Alma, Tim anga i duh a i zunkhum mai mai theih ka nilo tih hi, hre bawk ang che."



"Ka hrilh tawh ang che khân, nangmah lo chu tumah kawp leh mutpui a neilo tih hi ka sawi duh, chuan tûna a naupâi lai ngei pawh hi, i fa ngei ani bawk' Rex."




"I thusawi chu rin theih ve ka duh khawp mai, midang nen clubah khân hmulo ni i la chuan, ka ring ngei bawk ang."



"Engtik ah maw?"a  ti phâwk leh hra a.


"A bo hma zân kha a nih ka ring, ka chiang tawh lo." Ti in ka chhang leh sup a.



"A mah chu nangmah ang vel a sâng, sam buang a ni em?"


"Uhh nang pawhin, naute pa chu i hmu ve ngei tawh a nih chu!" Za lo zet hian ka nui chhuak suk a.




"Mi â pa kha pa kha alawm Rick in ti chu."



"A tu chu nge Rick chu? Hriat pawh ka hre peih hrep lo. "



"A mah kha maw le, Victoria tan Lexi kidnap sak tu kha, tûnah hian police ho in an zawng tih pawh i hre ve nange? nia a ni ang, nang chuan Lexi a rawn kîr tawh ber chuan, pawi i leh ṭhak tawh nâng ,min  tih khum ta zék a, chu nu ve khar khar chu, mahse a thusawi hi a dik miau si, ka harh chhuak ta zawk a.



"A hming diktak pawh, Rick nilo in Don zâwk a nih kha." Alma bawk chuan a ti leh a.



"Mahse rinhlelh tur tingin a rem châng bawk em a lawm, Lexi khân a biangah te khân a fawhsak ve bawk si a." Ka ruih deuh hlek tawh a vang chuan ka ti ve chuar chuar a, ka kiai pah suk bawk a.




"Oh i khirh leh lutuk! Lexi leh nauté pawh chu i tello hian an ṭha zâwk tak hrep ang."
Rum zet a min melh râm râm hnu chuan, min chhûahsan tâu ta nghâwng nghâwng a.



Alma in min kalsan hnu chuan, keimah chauh chuan ka dawhkan chu ka kîl a, ka rilru chu a buai kher mai.



Lexi fa pai chu ka fa ngei a lo ni ta a, Oh Rex eng thil pawi chu nge i tih tâk? tiin ngui zet chuan ka in ngaihtuah a.