INTOXICATE CHAPTER ELEVEN
Pahnih ka rawn dah avangin, pakhat ah chauh khan hmet tur aw. Naktuk zanah hei zawk hi thui tawkin rawn dah zawm ka tum dawn nia.
LEXI...
Aaron, Alma room a ṭanga a chhuah dawn chuan a rawn hawi let leh a, "Baby cake kan in hmu leh vat dawn nia." Alma a siai khum sak hnu chuan a in her let lwh nghal a.
"Ok darling kan in hmu leh vat dawn nia." Ti a Almai'n a chhân let hnu chuan Aaron pawh a kal chhuak ve ta a.
Alma chu thip zet a melhin, "Aaron nen khân engtik a ṭangin nge in in hmuh tawh?"
"Kar reilo te chauh a la ni ang, Club ah kan in hmu a, kha mi zan Rex nen hmun kilkhawr zet a in lo in kiss zan khân!"
He nu zet chu(h)min lo hmukûr leh pek tawh a nih hi, ker kawr mai, a mit te lah hi a var ṭha phian mai leh nghal.
"Aaron ah khan diklihna a awm em ni?
Ka maimitchhing vang vang a, thu dik tak hrilh vek mai tur emaw ni le? Tih ngaihtuah pahin thawk ka la pah halh a.
Ka men chhuah leh hnu chuan, "Lo kal rawh living room lamah min rawn zui phawt mai teh! Kan inbiak lawk a ṭulin ka hria," kal sawn chu ka rual nghal.a.
Alma chu engkim mai a bul bâl a ṭang tak zet zet chuan ka hrilh fai ta dap a.
Thinrim ve hle tuh a hmelah chuan a lang ve reng a, a mit neng hazel colour buangthang ṭhin pawh chu a vawt raih mai a, "Chu mi lâktlâk loh zet leh tlâktlai lo pa zet chu le, ka that duh hial awm e." thinrim zet hian ti chhuakin, a kut a humruh ve ngar mai a.
"Alma, Rex hi mitlaktlai lo zet chu a ni hran biklo a nia, nizân ah te kha chuan hun nuam leh hlimawm zet mai kan hmang dun a, ti chuan tûkin zing a min chhuahsan hma zawng pawhin, thil engkim chu a la kal tluang zel, mahse chumi hnu in ka hawn hnu chuan eng vang in nge ka hna a ṭang hian min bân chhan ni ta tuh hi ka hrethiam hauh lo." Hnuailam chu meng khup lap chung chuan ka melh rân a, engvanga Rex chu la ṭan tlat nge ka nih pawh ka hre thiam lo.
"I mit kha meng ve tawh teh Lexi, a taksa mamawh na phuhruk nan che leh nawm chenna a tan chiah a hmang mai mai che tih hi hre ve tawh ta che."
"Oh ni tak chu tiang chuan nichin pawh khân ka ngai ve bawk a sin, mahse Alma ' he thu hi chu ka zép lo, Rex hi ka hmangaih tawh tlat, a lak a ṭang a inlαkhran hi a harsa ka ti."
Ka thusawi chu a ngaihthlâk pawh ka ring tak tak lo. A rawn ṭawng chhuah leh dân a ṭang ngat phei chuan,"Aaron ngéi pawh chu Rex rualin hremhmun lamah thlâwkbo ve nghâl bawk rawh se! A hmela mi lainat zet chung hian min en a.
A thusawi lâi chu chhûnzawm lehin!
"Heng mi hausa ho awmngaihna hrelo ho hian duh duh dan a min tih theih hi an ring a, an la châklo teh ang chu! Lo lungngâi duh hlek suh Lex eng thil nge kan tih theih hi an la hre ve dawn chiang a lawm, an ni chauhlo pawh hi he khawvelah hian mipa ṭha tak tak an awm a nia."
"Mu turin ka kal dawn ,Alma ' naktûk zingah hna thar ka zawn a ngai awm sia." nguiraih a ohun khum sapin, zawi muang ghuan.ka inher a, ka room lam chu ka pan ve ta hnak hnak a.
TWO WEEKS LATER
--------------------------------
REX PENTHOUSE .....
REX....
"Ok Barrett thuthar a awm chuan min rawn hrilh hre vat ang che." ka phone biak lai chu ka dah a.
Ka phone biak zawh châng reng a ka bula lo ding Victoria chu rum zet a melhin, "Eng nge i duh Victoria?"
"Darling, ka ngaihdan chuan kan in neihna chungchâng pawh hi rel fel tawh ila a ṭha in ka hria."
"Victoria vawiin nî ber kher ah chuan fiamthu nuihzatthlâk ang chi ka ngaithla peih hauh lo mai." Ka kuta ka hmai tuai deuh puat pah chuan kalsan mai hi ka
"Well well , Rex tlém chuan han nelawm ve deuh la mawle, tiin a lo nui pah vâwn a.
"Chuan thil pakhat leh, he kan naute lo piang tur hi Fa sâwn a tan chuan i duh lo ang chu tiraw, nge i lo duh mial.zâwk?
"NAUTÉ AAAAAAAAAAAA????????
"Nauté chung chang i sawi em ni???
"Yes honey, tûkin zîng khân doctor chuan nau ka pâi tih chu min nemngheh sak a sin.
"Rex chu mi awm zia chu, ka râi tihna a nih chu!" Chuan nanghi naute pa pawh i ni bawk!
"Thil theih loh a nih chu !
"Thla tamtak chhûng nang nen hian mut pawh kan mudûn tawh hlei nem, lo tih leh hrâwih pah chuan rum zet mai hian ka lo melh a.
"Oh yes kan mu dûn chiang a lawm, i la hrereng em?" Kha mi zan a champagne kan indun zân kha?
"Kha thil kha i lo la thutak takzet a maw?
"Tehreng mai darling kha thil hlimawm zet a vang khân a lawm tunah hian, Junior Marshall tur chu ka pum chhûng ah a awm tâk reng ni, i nu pawh ka'n call nghâl ang e, thu lawmawm chiah hrilh ṭhin turin min ti si a, he thil hi a hriat ve chuan a lâwm dawn emai, tûnah chuan pi leh pu ni ve tawh in an tû hmel chu reilo te ah an hmu tawh dawn bawk nen." tih pah chuan ka chhánna pawh nghak tawhlo in, min chhuahsan ta nghâl a.
"Engvâng hrep chuan nge ka lo ât em em mai ni? Tûnah zet chuan ka neih a ngâi tawh ngei ang, hei hi ani lo'm ni ka nu duhthusam pawh kha."
"Victoria chu ka fa lo piang tur nû a ni dawn ta tihna anih chu !
..................................................................
VICTORIA.......
Rex ka kalsawn san hnu chuan lift lam pan nghalin ka hawng a, a chhûng a luh pahin, Don number chu hmet chhuaka, ka dial ta nghâl.a.
"Don keimah, Miss Logan chung châng ah chanchin hriat tur a awm tawh em?"
*"La awm rih lo, i sawi ang mizia kha a ni reng reng hleiném, Mr.Marshall kha a hmangaih takzet tih pawh ka hria, chu ta kar a, ngaihzâwn lo tum chu thil harsa tak a ni, tûnah hi chuan ka zuiru in ka chhui ru mék chauh, mahse lo mangang buai vak duh suh, ka laka a bei fuh tawh vek vek chuan a nghet ṭha viau ang tih hi ka hria a nia, a chhan chu Rex pawh a bulah kar tam tak chhung a awm tawh hlei nem, nîtin zânlamah i sawi ang khân Lexi room tukverh zâwnah kalin, ka enthla ziah ṭhin a, Rex pawh ka hmu tawh ngaî lo .
*"Aw le , chu thil chu hriat a nuam takzet kher mai, mahse khânu kha lo kawl ṭhat dan ngaihtuah vat ang che , a chhan chu, he ka kut zungṭang ah hian, inneihna zungbun ka bun hma loh zawng kawl ṭha la ka duh a ni. Ka thusawi awmzia chu i hria maw?"
*" He thil hi i ti thei a nih chuan, hlawh ṭha tak.pék belh i ni ang a, i tih theih loh erawh chuan, i nunna khân a tuarphah ve bawk ang. I hria em?" hriam hraih hian ka ti a, phone chu ka cut ta a.
Engvang a chuti ang chen chen henu hian Rex chu hmu ta lo nge a nih ang?
Ni ber a lang ta chu, Miss Logan i lakah hian a châu zo tawh te pawh a ni thei ang chu. Ka nui pah vawra, inhnuai lam ka thlen thlâk hnu chuan lift chu ka chhuahsan ta a.
...............................................................................
A FEW DAYS LATER...
LEXI....
Alma nen chuan coffee shop ah kal dunin coffee kan in a, kan hlimlo dun ngei mai, kan hmel pawh chu a ngui dun raih mai a, achhan pawh kar hnih kar thum vel lai mai Alma chuan nu leh pa bula mi hâwsan a, chawlh a lâk dawn vang a ni.
"Lexi ka chhûngte bulah kar thum vel lai mai chawlh hun ka hmang dawn tih kha i hria tiraw?"
Ka chil ka lem khalh a, a hmel ngui raih mai chu melh sak vang vangin, kei erawh chuan a kal dawn a vang a, ngui zet a awm reng chu ka tum lem lo, hlim hmel put luih htam hram ka tum a.
"Yeah Alma ka hria a lawm." diktak zawk chuan, mal ngawih ngawih a ka inhriat lai tak leh nghâl in, ka khua chu a har lâwk nghal ngawih ngawih.
"I lo in enkawl thei ang ti raw?"chiang ngam chiah silo hian, a lo ti deuh dâk a.
"Ngaihtuah duh suh! Ka lo ṭha em em ang, chuan i lo kîr leh hun ah chuan hna ṭha tak pawh ka lo hmu leh tawh anga, nangmah nen ngei a lawmna hun pawh kan hmang leh ang chu ti raw? " ti sârh sârh pah chuan, ka nui lui hram hram a.
"Lex.......he thil hi ka hrilh dâwn che nge dâwn lo che tih pawh hi ka hrethiamlo e." A hmel chu a lang ngui leh zual sauh a.
"Eng thil nge ni ta Alma, han tawp teh!"
"I tân chanchin ṭha lo zet mai hrilhtur che ka nei a...." a thusawi chu a châwl deuh dat a.
"Alma, min ti hlauthawng a nia."
Thâwk deuh halh pahin leh sawi chuah hrehhmel zet mai chuan, a thusawi chu a chhunzawm leh nghal a.
"Tûkin zîng newspaper ah khân ka chhiar a, Rexa'n nupui a nei dâwn a, a nupui hual kha a ni awm e."
Ka phu chiang lutuk, chuti tut tut chuan Rex hian a tih ka ring pha lo hrim hrim, "Eng maw inziak a, ka ti deuh hluai a.
"He Los Angeles a pasal a tâna awhawm zet mai, mipa hmelṭha tak leh pa tak mai, hausa bawk si Rex Marshall pathum na chuan, thla leh mai khian a nupui hual Victoria chu a nei dawn ta, A chhan chu !
"He a nupui hual hi a râi a vângin. 'Tiin a in ziak."
"A râi a maw,? " awihlo zet chuan, Alma chu ka lo zâwt lét he haw a. ka meng phawk nasa ang chu, TV a film an pause ang mai ni in ka hria, engkim mai chu a ding ṭuap nimai hian ka hria.
Ka hmui chu ka pet fan fan a, ka mittui chu dan rual loh hian ka biangah a luang thla zung zung mai bawk a, he tiang vut vut hi chu a ni ang tih hi ka lo ring ngâilo a sin, ka hmangaih ém a vângin, ka thil neih hlu tak pawh a tân ka hlân a, Oh a nei réng ang chu a chhan chu, Rex Marshall a fa a pai miau a lawm.
Lalpa leh eng ka ti zo ta nge? Ka in hnit pah hlap hlap a, Rex hi huat ka duh lutuk! Mahse enga tinge ka huat theih tlat siloh?
"Lexi engkim kha theihnghilh vek rawh! A ni kha i nun a lo lût lo ang hmiahin ngaih tum la, nunthar in bul ṭan tum leh zâwk ta che." Ka mittui kar a ṭang chuan Alma hmela mi lainatna lang chu ka hmu phe chiai a.
"A ni kha khâng i mittui zozai sén na tur khân i nunah engmah a nilo, tih hi lan tir tum zâwk ta che Lexi, inti pachang rawh."
La in hnît faih faih chung chuan, "Ka hria e, mahse ka in sûm zo thlâwt lo a ni." Tiim ka kut chuan ka mittui te chu ka hru hul mawlh mawlh a, hlim hmel put luih leh pah chuan ka nui lui sak a, "Ka awmdan kha a âtthlαk tak zet a ni." Ka ti pah sap bawk a, Alma erawh ka tihder thei chuang lo, ka awmdan tur chu a hrethiam vek tih pawh ka hria, chuvanga mi lainat pawh a ni réng a.
"Lexi ka kal a ngâi tak zet, ka chuanna tur flight pawh darkar khat chhûng hian a lo thleng mai tawh dawn, i bula awm rih chu ka duh viau a, mahse flight hi ka cancel anuh chuan ticket dang nghah leh nan nidang a ngai leh dawn si a."
"Ok Alma, kal tawh rawh, min rawn ngaihtuah duh suh ka tih tawh kha, min rawn ngaihtuah duh reng reng suh, kâr reilo te hnuah chuan, kan in hmu leh vat dawn nia, hun hlimawm tak hmang turin ka duhsak che a, Mrs Smith leh Mr.Smith te kha min lo biak dawn nia."
"Tehreng mai , nangpawh hlim takin lo awm tum ang che, i nuam tih dân ang a piangin lo awm la, kha pa kha i rilru a a awm loh theih dân ber turin awm lo tum ang che."
"I ngaihtuahna lâk pén nan mipa ṭha tak pawh i lo tawn ngei ka duhsak bawk che a nia."
"Mr Marshall kha chu ngauhven duh tawh reng reng suh, i nun tihchhiat sak tu che a ni tih kha hre reng la, ngaihven tawh miah suh!"
Kan in mangṭha hnu chuan Alma chuan min kalsan ta a, a kal tak hnu chuan a reh ruai nghal hian ka hria.
Tunah chuan Rex Marshall nen a kan inkar chu a tâwp tawh ta tak zet ta!
A mah a ka beisei tur chu a laka ṭang a hla tak a awmbo bαk tihtur ka nei ta lo, a hmel vawikhat te hmuh leh pawh hi ka duh tawh lo tak zet zet a ni.
Rick chu ka bulah lo kalin, "Lexi."a rawn ti a, a awki pawh a ring ṭha hle mai, min kohna hmasa chu ka inngaihtuah muk lutuk avangin ka hre lo pawh ani maithei.
A lam han hawi chhoh pah chuan," Eng nge i duh?"
Kâr hmasa liam ta a thil thlen dan a vang khân ngaihdam rawn dil che ka duh a ." tih leh pah chuan, a inchhîr hmel hle bawk .
"Kei pawh kha infawhna âtthlâk zet a vâng khân ka lo chiâi ve chiam bawk a......" tih nguiraih pah chuan, hnuailam chu ka melh ngar ngar a.
"Bul kan ṭan ṭha leh thei hrâm ang em? min duh lét ve lo mah la , ṭhianṭha ang tal pawhin!"
"Ka beisei !! Tûn dinhmun ah tak phei hi chuan, ṭhian tam tak ka mamawh."
"A ṭhat hlauh chu!" Nuihmel hi a rawn pu leh sang tawha, diktak chuan Bar ah ka ṭhian hmu turin ka kal dawn a, i lo kal ve duh a ngem?
"Ok vawiin ni ah chuan, engmah tih tur ṭul han plan lâwk em em pawh ka lo nei chuang lova, mahse in ah haw in ka thawmhnaw hi ka thlâk phawt te pawh a ngai ve ang chu."
"Nilo e, engmah chu tiang a ngai lovang, Casual drinks mai mai a lawm ni dâwn!" Ka kutah chuan vuanin Coffee shop a ṭang chuan kan in zui chhuak ta a.
Bar kan va thlen chuan, keimah ang mai a samdum hlap mai nei ve hmeichhe pakhat bulah chuan min kalpui a .
"Lexi hei hi ka causin Kate a nih hi!"
"Kate hei hi ka ṭhianṭha tak mai Lexi a nia."tiin in hmelhriat tawn na chu min neih tir a.
"Hi Kate kan inhmu chu ka lawm khawp mai." Ka lo ti sap a.
"Nangpawh chutiang ang bawk chuan." tih pahin min nuih var var a.
"Rick i ṭhian kan hmu dawn i ti a maw ka lo ti a?" Mak tih hmel zet hian Rick lam chu ka melh a, ka chhuahchhal te pawh a ni zawk mah.
"Oh ka tihpalh, i hmel kha a hlim loh hmel ropui bawk si a, ka cousin ka hmuhpui dawn che tih pawh ka sawi ngam ta lo a nih kha..." nuamlo a tih hmel ngang mai.
"Tuna ṭang chuan kan in hmu leh a nih hun ah pawh, thudik tak chauh sawi ṭhin tawh ang che.Chu ti lo chu ṭhian kan ni thei lo ang." ka tih khum ta nghat a.
"Tehreng mai pretty Lady ." min siai khum suk a.
"Min lo hrethiam lawk ula, rest room ah ka va kal lawk ang e." tiin ka kal san ta a.
Lexi kal liam chu ka nupui nen chuan kan thlir liam dun a, a kal liam.ta maw tih veleh,Kate chuan mi rawn melh deuh kâwk chungin, "kha hmeichhia kha eng indawr na nge ni leh ta pek a Don?"
"Eng nge i sawi awmzia chu ka hrethiam hauh lo mai?"
"Eng tik lai a ṭang khân nge i hming Don Jacson tih hi Rick a lo nih tâk tih ka lo ngaih tuah ve mai mai a."
Thinrim zet a ka nupui chu melh rún pah chuan, "Zawhna min zâwt chiam chiam lo khân, ti tur a ka tih che chu ti vek mai rawh!" Ka tih khum deuh hrâwk a.
"Damn !Min ti damlo thei hial dawn in ka hria, Lâm turin ka kal dawn." Min tih khum leh hmak a, Kate chu lâmna hmun ah chuan a kal ta daih a.
A ṭha reng a lawm, ka nupui a ni duh a nih chuan kha kha a hna tur reng a ni, a mitmengah erawh kha chuan Lexi kha a thîk ve deuh tih ka hre thei, mahse a hre lo chhia va a ni, a mah bak hmangaih ka nei lo tih hi a hrechiang viau turah ka lo ruat a sin le, hmeichhe ho mawl lutuk ṭhin leh thíkna ngah lutuk hi chu ka haw ve lek lek ṭhin! Mahse hnathawh zawh hnu a nawmna chen tih ang reng velah erawh chuan ka mamawh viau lawi bawk si, zanin ngei pawh hian a nuam thei ang bera chét lâk dun leh ka châk zual sauh, ka nupui hian min ti phúr reng thei a, ka chák lo deuh châng pawh hian min khawih sak neuh neuh a, nupa nun hman inpeih at turin ka mipatna chu a siam leh nge nge ṭhin! Kaninkhalh tawn sak ziah ṭhin a, nupa nun hi chu kan hmang free dun thei khawp mai, nuam tuara a han au chhuak raih raih ṭhin mai leh leh chung lam a ṭang a mitmeng phi chiai chunga min melh chhukna te, a mit meng hur ták thin mai te kha, chuti ang thil ka ngaihtuah avang chuan ka kap lam chu a tho nghal ṭual ṭual a, chunglam a a ṭan ngat phei hi chuan nuam ka ti leh zual ṭhin, a dawh thei ve hrim.hrim a, ka dimloh poh leh nuam a ti nasa ting a ni mai.
Ka hma a Rum xxx ngat tak ṭha zet mai lime tui pawlh glass a inchhawp chu ka tlâk khawlh a, Kan Lexi i pawh chu a va rei ta hrep ve maw le, eng nge a tih chen chen ṭhin ni ang? Kawm tlangnel a hruaibo vat ka duh, tichuan ka hna harsa zualpui ka zo a ni mai.
No comments:
Post a Comment