THE CONTRACT CHAPTER THIRTY NINE & 40
A tawp ṭep tawh e, theih dan ang angin post regular kan tum.hram hram dawn nia, kan chhiar zawh hnu ah fakna kha hmeh leh vek tum ang aw, kan thu pui chu hmeh kha ni tawp mai.
😘😘😗😗😗
RICHARD....
Kitchen chu ka melhkual a, mahse engmah erawh eichâkna ka nei map lo thung; chuvang chuan apple pakhat la in counterah ṭhuthmun ka rem a, apple chu keihin ka ṭhial a, apple ka eilai chuan Katharine tui tak mai a eirawng a bawl lai te chu suangtuah pahin tui ti zet a apple chu ei ka tum a.
A eitur siam buai lai taka ka fiam pah zauh ṭhinna te chu ka mithla a hmu pahin, "I thil siam chu a va hmin har tawh ve?" Ti a ka fiam ṭhinna te chu ka ngai ngawih ngawih. A ni chuan tihian min lo chhânglet a, "Richard nghâk hram hrâm la maw le, ṭhil ṭha leh tui hi chu nghah chauh a hmuhtheih a ni ṭhin! Chuvang chuan ngawireng leh dawhthei tak a i nghah a ngai." Ti a nui chunga min chhânletna te kha ka bengah a la châm reng bawk.
Katharine zawn chhuah ka ngai a ni tih thu ka ngaihtuahna a vang hian in bengdaih har ka ti, ka zawnchhuah hma chu ka hahdam theih tak tak pawh ka ring lo.
Chung thil ngaihtuah pah a ka apple eilai a chanve ngawt mai ka keih tawh chu hnawm bawm lamah chuan ka paih nghal a, ka ṭhutna a ṭang chuan tho chhuakin, ka room lam chu ka pan phei a, ka laptop chu enin, a hnen aṭanga email te ka dawn tak mialin tih beiseina nen laptop chu ka check a, mahse engmah chuti ang thil reng reng hmuhtur a awm lo.
Beidawng zet hian ka scotch no a ka thlit chhuah chu in zauh pahin room lam chu ka melh vung vung a, chutah pawh chuan a sulhnu bαk hriatchhuah tur ka nei leh chuang lo.
Roomah a ni chu rawn lutin, keiin ka hna te ka lo entir ṭhin a, a changin a ngaihdan te pawh min hrilh bawk ṭhin! Heti ang a tih hi a ṭha ang em ṭha lo ang em tih ang chi te a ṭha lam pang zawngin a sawiin min fuih pah bawk thin a nih kha..... chung a mi fuihna ṭawngkam te chu tunah hian ka ngai tawh ngawih ngawih.
Engti ang chiahin nge ka life ah a inrawlh thúk zia tawh tih te hi ka ngaihtuah phαk ngailo hrim hrim a, engti ang kawngin nge thil min tih pui ṭhin tih ang reng te leh mi kal.pelh pah a ka thil tih dilloh lai te min hrilhfiah ṭhin dan te kha, TV ka en changin min ṭhutpui tawp ṭhin dan te, engkimah chuan a mahnen vek a ni tawh niberin ka hria, heti ang em em hian ka life ah alo inrawlh thuk tawh a ni tih hi ka ngaihtuah chiang ngai lo.
Kan pahnih a kan contract siam te kha chu engtihna mah a ni tawh lo; ka thil tih kawng engkimah chuan a thurawn nghakin leh eng emaw thil ti hlek ila a thurawn ka ngai châng zel tawh a ni tih te chu ka hrechhuak thar bawk a.
Kan pahnih contract ah khan kan awm tawh miah lo, ka thil tih engkimah keiin ka rawn a, anin min pui bawk ṭhin a, engtiklai chiahin nge contract siam a dαn ho kha a bo tulh tulh tih pawh ka hre lo. A mah chu ka hnaih tulh tulh a, ka pawh tulh tulh bawk niberin ka inhria.
Mutdawnin ka bulah rawn kalin ka chhip ah min fawhsak tawp ṭhin dan te kha, engmah hi ka ngaihtuah ṭhin lo, chu chu thuhran ni sela, ka mimal nunah engtiang chiahin nge a lo inrawlh thúk tawh tih pawh hi ka ngaihtuah ṭhin lo.
Tuna ka han ngaihtuah ṭhat leh hnu hi chuan engti ang chiahin nge ka life ah hian a lo inrawlh thuk tawh tih leh ka tan a pawimawh zia hi ka hre chhuak dawn ṭan chauh ni in ka in hria.
Ka room kawngkhâr hawngsa a ka dah ṭhinna chhan pawh kha, ka thâwm a hriat phâk na turin a ni a, chu pawh chu zan tin hian ngaiah neiin sawi pawh ngai tawhlo tlukah leh ka tih dân ve ṭhin reng niawm zetin ka ti ziah tawh ṭhin a ni.
A mah ka hmangaihna hi zawi tè tè a thleng pawh nilo in, a thleng thut a ang, chu chu a nitelin a zual tulh tulh zawk niberin ka hre bawk; keimah a ka mize chhiatna lai awm te chu zawi te te in min paihthlâk sak a, ka mize ṭha lai chu vawikhatna a ti huk nisi lo in zawi te te in min phawrhchhuahsak tulh tulh bawk ṭhin , a duh dân dan in leh a duh ang tak a mipa mize ṭha tak nei turin a ṭha lam zawngin min kuaiher ni hian ka hre ber tawh.
Hreawm ti taka rûm chhuah hawk pahin, ka lu chu ka ṭhutthleng ṭhut nghenchhanah chuan ka nghat hnawk a, Katharine hi ka life a rawn kir leh turin ka duh!
*****- ******* ********-
THE NEXT MORING..
Zingah chuan Penny bungrua leh a room luah ṭhin a ṭang a kan thil lαk zawng zawng te chu storage room lamah ka dah sak vek a, achhan pawh Penny boral tawh bawk si nen, chuti ang thil a hmu reng a nih chuan a tuar theilo ang tih ka hlαu bawk nen, Penny lemziak leh a room luah a a thil kawl a kalsan tâk ho zawng zawng te chu storage room lamah ka dah fel sak a, chulo ah a rawn haw huna tan engkim chu lo tihfel sak ka duh pah bawk a, ka box chawithlαk zinga pakhat chu thil ho lam te te ṭul hranpa lem lo ho vel hian a khat a, pakhat ve thung chu thlâlâk leh Penny thlalâk kawl Katharine naupan lai thlalâk an inkar thil ho in a khat thung a, chuti ang thlalαk enkual chuan hun eng emaw zah chu ka hmangral a, rilru a kuaipeng hneh kher mai.
Photo album.tawp ber ka en chu Katharine thlalαk Penny a life a arawn luh ṭan tirh bawr lai vel ni in ka hria a, chu thlalâkah chuan Katharine chu a la naupang viau a, Penny pawh a la lang valai viau bawk,; a hmel chu tlemin a zûr ve deuh tih chauh a ni a, an pahnih chuan an hlim dun hle tih pawh a hriat bawk, beach lampang te a lang a, chuan ṭiauvut a an infiamlai thlalâk te thlengin hmuh tur a awm a, chumi ah Katharine naupan lai hun tam tak ka hriat phahin ka hre bawk.
Heti ang hmeichhe puitling tak ni tur a Penny enkawl dαn chuan a zir viau ka ring bawk a ni.
Chung photo album ho kawm ka en chuan kum hnih a liam tawh tih ka hria a, chu chu Penny damloh ṭan hun lai bawr ni in ka hre bawk, ka rindan Penny chuan a damṭhat lai chuan chung photo album te chu kumtin a chhiat hlâuin a thlâk reng ṭhin a ni ngei ang.
A tâwp ber a tan box pathumna chu ka hawng leh ka zu hâi deuh rawk rawk a, lehkhabu hi a awm ṭeuh mai a, Penny journal hlir chu ka hmu ta a. Lehkhabu te chu a kawm savun dum a intuam uite beng buk ṭha tak lu lem chuang a ni deuh ber a, journal a tan lei bìk leh duh bik a nei tih a chiang hle bawk, Penny journal ani tih ka han rinna chhan mai pawh, a page engkimah lehkhabu puitling ang takin date ziakin a awm vek bawk a, chung lehkha ka en chuan a hlui tawh hlawm hle a, a page ho pawh keu ngun tawh a ni tih hriat zet hian a zawr tawh bawk a, a damlih hnu hian thil engkim hriat tum lehna avangin a keu kual ngun viau a ni maithei.
Chu a diary ah chuan engtin chiah nge a life ah Katharine a rawn luh tih te ka hriat phah a, chuan a pasal chu chef a ni tih te ka hria in a thlalαk ka hmuh phah bawk a, chu a diary ka chhiar a ṭang chuan a pasal boral ta ṭhianpa dawrah Penny leh Katy chu an thawk dun ṭhin tih te thleng chuan ka hriat phah a.
Diary ah chuan ti hian Katharine chung chang chu alo ziak bawk a, Ka katy chuan eisiam a tui tih ka hrechhuak a, vawiin hian ka Katy chuan Mario nen ricipe thar beef wellington a zir a, ka pasal khân han hmu ve hman sela zawng a a va han hlimpui dawn teh lul em, chutiang a phûr zet maia a eisiam lai chuan ka hnuk a ti ulh tlat, min tihlim rual rualin Burt min ngaihzual tir tu mai a ni si, mahse a ni hi ka mittui tla lai erawh hmuh tir ka tum lo thung, Burt enteh i fanu hian i hniakhnung a rawn zui a sin, ka vahan ngai tak che em, nang chu ladam nila chuan Katy hian heti tak mai a a chhun che hi i lawm dawn em a sin; ka ngai ngawih ngawih ṭhin che. Heti anga a hna thawk lai te hi han hmu ve hman ni la zawng i tuipui tih hi ka hre sa. Ka chhuang lutuk ringawt, ka chhuang tak zet zet.
Tûn ṭumah pawh hian inneihna lampanga eisiam anneihna ah pawh chuan Mario chuan Katy chu a ti thiam khawp mai, Sam nen an thawk nasa dun khawp mai a, heti ang hian Burt khân han hmu ve sela zawng ka chhuang ang tluk zet hian a chhuang ve ngei pawh ka ring .
Mario an a fakna ṭawngkam chu a hma chuan ka awih saklo a, mahse ka Katy thilsiam ho a kuta a siam ngei thil chu temchhin a ka han ei hnu ah chuan Mario chuan a sawi mai mai lo a ni tih ka hre chhuak ta a ni.
Zanin pawh hian ka Katy chuan a ricipe thar beef wellington ngei mai chu ka ei turin ka hma ah min chhawp sak a, min ti lawm ngei mai, eiin siam a thiam zia leh Marioa'n a kaihhruaina hi a thiam chak ngawt ang tih ka ring bawk, Burt chuan a eion siam te chu han eisak ve sela zawng a fak nasa dawn tih pawh ka hre reng.
Chumi lai ka chhiar lai tak chuan ka nui chhuak ve suk a, ka lo hlimpui ve ni in ka inhria, Katharine in eitur a siam reng reng hian keipawh min ti hlim ṭhin a, a eiin siam te pawh ka tui tih zawng tak a ni ṭhin a, ka duh dan chi tak vek in a siam ṭhin nimai hian ka hria, a thilsiam te chu sawisel sak châng ka nei ṭhin takna a chu tui ti takin ka eisak leh tho tho ṭhin! Heti ang em em a ei in siam a tui nachhan ni a lang ta ber chu ei in siamthiam ho zinga a seilen chhoh vangah ka ruat sak bawk.
Chu thil ka chhiar zawh hnu chuan page dang keuin ka enkual leh ta a.
Katy chu cottage pakhat nuam.tak maiah ka hruai theih dawn a vang chuan a hlim hle a, achhan pawh kha resort ah khan house keeping angin kan thawh dun dawn a vangin, Katy ka hrilh laia a hlim hmel leh a mitmeng de sar sar ka hmuh kha ka theihnhhilh leh theih tawh pawh ka ring lo.
Katy khân an retheih ṭhin zia leh pawisa an neih loh thu chu min hrilh tawh ngei a, mahse eng anga hna hahthlâk pawh thawk dawn ni se, nuam taka thawh dan leh phûr taka thawh dun dan a thiam tih min hrilh vek tawh nghe nghe kha,eng anga hna hahthlαk pawh thawk dawn mahse phûr taka thawh dun theih dân a thiam tih min hrilh hre vek tawh a ni. Chuvang a Katharine hi hlimhmel pu thei a ni tih ka ring nghαl bawk.
Penny chuan hna hahthlâk deuh pawh ni se awlsam taka thawh theih dan tur Katy chu a zirtir a, hna hreawm.zet pawh nise nuam ti tak.leh phûr taka thawh theih dan tur a zirtir bawk a, chuti ang a vang chuan Katy pawh ka bulah thawk reng thei a ni reng a ni.
Diary kar a ṭang chuan lehkha them nawi chi hrang hrang hi a rawn tla chhuak phung mai a, chung thil.te chu pakhat te te a uluk taka chhiar chhuah vek ka châk ru viau a, mahse chuti ang ti tur chuan hun ka nei rih si lo, tuna ka tih tur pawimawh ber chu Katharine hi khawiah nge a awm tih ka hriat chhuah hmasak ber phawt a ngai ang, heng ho hi chu nidang a tan ka dah thei a lawm.
Lehkha them tla chu chharkhawmin, diary karah chuan ka zep ṭha leh a, page dang chu ka keu leh ta a.
Katy hian beach hi nuam a ti mah mah nge ni ang a, nuam a lo tilo zawk? Mahni te chauhin a awm tam.mah mah zawk em? Chu thil chu a mah ngaihtuahna nen ka inzawt lo thei lo, ka hna a vangin ka ngaihven hlei thei si lo.
Amah ka zawh lah chuan heti anga beach a awm hi nuam ka ti, khawpui thawm ri nuai nuai kalsanin tuifinriat fawn han inchhawkri te hian min ti hlim a, a thawm te hi ngaihthlâk nuam kati , ti ṭhin mahsela ka tan chuan hreawm tih rukna tak ka nei thung, a chhan chu hreawm a lo ti palh ang tih hi ka hlauh ber a nih a vangin.
Katy hian school a chawlh lai hian beach hi nuam a ti tak tak anih chuan hna thawk lo in chawlh hman nan rei ve deuh chhung chu awm se ka duh pui a, Scott hi bia ila, he cottage bulah hian hun rei vaklo min awm tir tur a ngenna siam ka ril ruk bawk, a school chawlh lai a heti ang hmuna hruai hi a rilru pawh penna lam nimahsela, a thluak hi a fing a, school lama a kir leh hunah a lehkha zirna lamah a rilru a pe leh mai ang.
Scott hnenah chuan Katharine birthday gift a tan he hmunah hian ka kalpui leh ngei ngei ang, pawisa lamah erawh neih kan neilo viau a, mahse september thla ah hi chuan he resort hi a lun dawn lo tih chu thil chiang sa a ngaih a ni a, he hmunah hian a birthday ka lawmsak ang, chu chu ka surprise na tur a ni.
A man nuam a ti tak meuh a nih chauhin, chumi hunah chuan tumah an kal ṭha duh dawn lo a, a man pawh a tlawm ngei ka beisei bawk. Chumi hunah chuan ka hlawh a ṭanga inbiak rem leh dan kawng a awm leh mai ang chu maw, Scott chu ka la bia ang.
Chuti ang chuan a diary ah chuan thil tam tak a ziak a, a ma chanchin teleh a seilen dan te, Katharine chung chang pawh he ta ṭang hian thil tam tak ka hriat phah a ni.
Katharine thil duhzawng te, a lawm zawng te, a nuam tih zawng te leh a ngainat zawng te, lehlamah a duhlih zawng te, a hlimpui loh thil te chen chuan ka hriatchhuah sak a, Katharine life chung chang hrim hrim chu thil tam tak ka hriat chhuah belh phah a, mahse khawiah nge a awm ber ka hre si lo, he diary chhiar pah hian Graham chu bia i la, a awm duhna hmun awm ang chu ka hre tawh a, mahse khawngaihtakin he cottage hi khawi hmunah nge a awm min hrilh hram rawh va tih râwih mai te chu ka duh thut thut a.
Mahse ani ve thung chuan ti hian min lo chhαn ka ring, a life chung chαng chu hriat belh la tum.zel rawh ti in.
Lehkhabu chu ka khup a, ka thil chhiarna avanga ka mit kham lutuk chu ka chhing vang vang bawk a, ka han hawi chhuak chu engdangmah tilo in chu diary chhiar chuan hun rei tak ka lo hmang remg tawh a ni tih ka hrechhuak ve chauh bawk; tunah chuan kawng a awm ve ta in ka hria, cottage neitu a hming Penny ziah Scott tih chu ka zawngchhuak dawn a ni, khawi hmunah nge he pa hian cottage chu a lo neih hrim hrim?
Mahse a hming tawp lam hria ni ila a awlsam deuh tur hi a nia, amah erawh chu helai chhehvel.bawr hi a ni ngei ang tih ka hria, beach vela cottage neitu a hming Scott chu ka zawnchhuah ngei ngei a ngai ang, inhnuai lamah chuan chhukthla lehin album a mi Penny leh Katharine thlalαk beach a mi la tur chuan ka kal ta a.
Thlalαk chu chík zet a en in an hnung velah chuan ka hriat theihna tur eng emaw thil hming vel chu ka zawng ta a, mahse cbuti ang reng reng thlalαkah chuan a lang lo.
Ka beidawng ta tak tak, beidawnna a vang chuan thâwk ka la hawk hawk a, ka thawk ipik lutuk chu ka â mai dawn a inhriatna te ka neih phah tawh hial bawk, chaw mumal pawh eilo leh pang ngai tak pawh a awmlo in ni engzah chiah nge chhun leh zan pawh hmang hrang lo a he ka condo ah hian ka inkhung tawh, ka ngaihtuahna te chu Penny leh Katharine memory hlir chuan a khat zo tawh a, Katharine zawnchhuah ka duhna avang a ka ngaihtuahna luh ngut ngut tu te chu engtin nge ka tih bo ang tih lah ka hre hek lo, ka thâwk te chu tâwp mai se tihna in beidawnna thúk tak nen storage roomah chuan ka indawm kun tlawk tlawk tawh ringawt mai a ni.
Bei tih dawn nan hrim hrim tiin ka inthing harh ṭha leh a, lehkhabu dahna box Penny diary ka dahkhawmna chu ka hâi leh ṭan ta a, lehkhabu pakhat chhah em em hran lo hi ka kut chuan ka lek chhuak leh nawlh a, ka han enchiang chu lawm a vangin ka rilru chuan lawmthu sawiin ka ṭawngṭai mawlh mawlh nghal a, chu lehkhabu chu kum nga hmalama ziah tawh kha a ni nghe nghe a, Katharine kut ziak ngei mai leh a journal ka hmuh chhuah tâk a vang chuan lawm a vangin ka au chhuak ṭhelh bawk.
Chu diary ka chhiar tur a page hmasa ber ka keu lai ngei pawh chuan ka nupui awmna ka hriat chhuah theihna tur a he diary hian min pui turin rilru ṭawngṭaina ka neih leh phah hial a ni.
Chu diary ka chhiarlai chhung zawng chuan hun te chu a tâwp ta vek emaw tih mai tur hian ngun thlûk zetin Katharine kut ziak chu hmuh hmaih hlâu takin ka bih ngar ngar a, hawi pawh ka hawi chhuak phal lo.
Chu diary ah chuan Penny a hmangaih zia leh a tana eng pawh a huam zia thu a inziak hnem ber a, heti ang taka amah hmangaih thei tur hian engti takin nge Penny hian Katy hi a enkawl theih bik le ka tih phah hial a ni. Penny hi nu namai mai chu a ni hauhlo ang le, nu hmangaihna ngah mi tak leh hmangaihna hlut zia hre chiang tu dik tak a ni in ka hria a, ka ngaisang hle bawk.
Katy hian engtin nge ṭhian ang mai a Penny hi a kawm ngeih a, ṭhian chhan thih ngam ang mai a a nunna pawhin tuar dawn mahse pawi tihna pakhat te pawh neilo a a inhmangaih tir theih tih ka ngaihtuah châng hi chuan kei ngei pawhin Penny chu ka thîk hial a ni.
Katharine thu ziah chu ka chhiar ṭan ta a.
Kar leh hian beach ah kan kal dawn a, tah chuan Penny ṭhian hnai vai ve tak pakhat in resort lian em em hran lo a nei a, nitin a chu resort chu kan tifai ṭhin a nih chuan cottage luahman a free dawn a ni.
Chung hmun kan tih fai zawh hnu chuan Penny chuan hna dang thawhbelh leh tur a nei ṭhin a, kei erawh chung hna te kan tih hnu chuan nileng lemg deuh thaw in beach ah chuan ka awm tawh mai ṭhin ! Nuam ka ti em em a, Penny hian nuam.ka tilo ah a ring ang tih ka hlau ngawih ngawih bawk, a chhan chu ka nu leh pa in a min boral san tâk hnu ah beach hi ka hmu leh tawh ngai lo a, chu hmuna ka awm thei chu ka hlim phah hle a ni, tun hma a ṭang tawhin beach vel hi nuam ka ti thei em em ṭhin a, ka nu leh pa te pawhin min hruai zin berna hmun a ni hial reng a ni.
Tun thleng hian ka thin la ti phu rang ṭhin tu pawh a la ni reng ṭhin a, Penny chuan chu beach awmdan chu chiang taka en turin min ti bawk a, achhan pawh ina kan haw leh hnu ah a lem.ziah a duh thu a sawi a vangin, keilah in chutiang a lo tih chu ka nuam tih ber a tling a, a chhan pawh Penny hian lem a ziah lai hian a bulah mi din tir ve in a hmaih lai te min zawt ṭhin a, keiin chiang bel zetin ka lo hrilh ve ṭhin a ni.
Chu kan awmna hmunah chuan cottage paruk lai a awm ve a, kan cottage luah lai hi rawng pawdal raih mai hnawih a ni a, a mawiin tuipui zau tak dumpawl ruih nen pawh a inrem em em a ni.
Chu hmunah chuan nuam ti takin ka awm a, an cottage sak dan reng reng chu mikhual hip thei tura sak vek a ni bawk. Chu hmunah chuan nilengin tuifinriat fawn ri hriat tur a awm a, kan kal hun lai hi may thla a nih a vangin cottage paruk zingah chuan half zawng chu a full vek bawk.
Chung cottage te chu kan tih fai hnu ah leh Penny in a hna a tih zawh hnu chawhnu lamah chuan kan pahnihin, hun kan hmang dun veleh ṭhin a ni.
Chuti anga ni reilo te hnu ah chuan kan haw a lo hun ta a, kei chuan haw lo a chu hmuna awm reng chu ka duh a, mahse Penny chuan september thla ah he hmunah hian kan kal leh tur thu leh kan cottage luah ngai kha Scott chuan luah min phalsak leh dawn tih a tiam thu a sawi a, chuti anga kar dang kan han awm leh tur chu ka lawm.hle a, ka tan chuan birthday gift hlu ber leh hlimawm.ber a ni hial ang.
Chuti ang em em a nufa diktak pawh ni silo an in ngaihven tawn dun zia thu ka han hria chu hmangaihna diktak ka ti lo thei lo, ka mittui an ti tla dun lek lek, ka mittui a tlin a vang chuan ka khawhmuh a phír a, chuvang chuan ka lehkha chhiar chu hawisawn sanin, hmun dang melhin ka mit ka khap pah zauh bawk a, heti em em a Penny leh Katy an han in hmangaih tawn dun thei hi mak ka ti a, nufa diktak pawh heti em em hian an inhmangaih thei dawn em ni ka tih phah hial, kei ve ka nu leh ka pa diktak te pawhin min hmangaih theihloh lai in, Katy chu ti ang a nufel hmangaihna ngah tak a han chhar thei hi awhawm.ka ti ngawih ngawih zawk.
Penny chuan kar khat teh meuh pawh ni se hna ah Katy chu a kal chhuah pui a, hna hnuaihnung tak a thawh pui bawk a, mahse Katy tan erawh hmun nuam tak a chantir thei zel leh nghal a, tih ngaihtuah pah chung zel chuan a hma aia rang deuh zawkin journal page chu ka keu ta thuak thuak a, chu lwhkhabu ka keuna chu darkar hnuh ngawt a liam.leh tawh bawk, chumi hnu chuan picture pakhat hi diary kar a inzepin ka chhar leh ta a, chu picture chu chumi hmun kal theihna map a ni tlat mai; hlim zetin chu picture chu ka hum.vang vang a, tunah tak hian ka hmel hmu tu awm ni se zawng ka hmel.rawn engta sawt sawt chu an hmu ve ngei ang le.
Thildang zawng chu a ngaiah ka dah leh vek a, chu lehkha pakhat rawng pawdal a ni a, tah chuan cotage map kha a awm hlauh mai a. Ka hlim phah hle, chu journal.chu ka lo hawng lo ang tih ka hlau ngawih ngawih zawk, a hnunglam pang chu ka en a, pen hian heti ang thu hi a lo inziak a, "he khawvela ka vanram chu he hmun hi a ni." Tih hi a lo inziak kalh a, ka mit chu ka chhing pah vang vang a, tunah chuan ka nupui duh tak chu ka zawng hmu ta e.
No comments:
Post a Comment