INTOXICATE CHAPTER 13

Naktuk zanah The contract a chhuak ang, fakna milrm kha hmet leh hram hrang ang u aw.

ALMA PARENT'S HOUSE



ALMA....




"Mom ka lo kal thuai ang, phone ah mi biak lawk tur ka nei a." Ka phone a Lexi number chu ka dial leh nghâl a.



Phone ring hun chu ka nghak vang vang a, ka lung a awilo ru hle mai, ka phun pah nang nang bawk a,"Seriuosly lex, voice mail ah bawk a lût leh tawh! "Thinrim zet chung a ka tih tauh hmak hnu chuan ka phone chu ka cut tâu hmak bawk a, mahse nithei in ka hre bawk si lo, ka dial leh a, voice message ka chu ka hnut chhiah ta a.




"Lex khawiah nge i awm? Kâr engzah chhûng nge i aw pawh hre lo a ka awm tawh?"




"Khawngaihin min rawn call back hram teh !ka ngaih i ti ṭhalo tak zet tawh a nia."tiin phone chu ka dah ta a, khawiah tak awm ang maw, enga tinge a phone pawh chu a in off char char mai le?



He tilai hmun ah lah hian duhai a rei ka awm tawh leh nghâl haw vat a, engti ang in nge a awm tih chu ka hre châk ngawih ngawih tawh.




Nge a phone te hi a lo ti bo zâwk ni ang?



Rex bulah chuan a kîr tawh loh hrâm ka beisei!



A bîk takin tunah lek phei chuan, nupui leh fa a nei dawn tawh mai bawk si a, chu chu thil rinawm tak a ni tlat lo, Lex hian ti ang mizia hi a nei ngai lo tih pawh ka hria, Rex hi a hmangaih takzet tih ka hriat pui a, mahse mi nupa tibuai duh tur khawp a rilru chhia erawh a put ka hre ngai lo, chu ai chuan mahni ina tawrh a thlang zawk daihin ka ring, ka kalsan dawn a ahmela hlimlohna awm kha tihlan hreh viau mahse ka ṭhiannu anih a vangin ka hmuhsak vek a, a bula awm kha hreawm ka ti a, chutih rualin khati chunga kalsan erawh ka hreh viau bawk, ka nu leh pa te tkawh kher ngailo sela chuan khawiah mah ka kalsan hauh lo tur, tuna a aphone a in switchoff phei hi chuan ka ngaih ati ṭha lo leh zual a, ka ngaihtuahna a zual phah sauh bawk, mahni inthiamlohna hlirin ka khat a, ka nu leh pa te bula awm pawh chu ka rilru ah a nghet thei tawh hauh lo.




Hemi ni pawh hian ka nu te nen kan picnic a, Lex ka ngaihtuah em avang chuan ka hmelah a langchhuak nge ni ka nu chuan min zawt ta hial reng a, "Bawihi eng thil nge i ngaihtuah a, i hmel a va hlimlo ve? Thil eng emaw vei i nei nimai in ka hria." Chîk zet leh mit meng zim deuh san chung a mi rawn en pah chuan a ti a.




Ka pa pawh chuan min ngaihven hle a ni tih a mitmengah chuan ka hre thei bawk a, ka rilru a ka thilvei diktak chu hrilhin Lexi in a phone a switchoff tlat leh ka biak theih loh thu leh haw vat vat a, eng nge a chhan hriat ka duh zia thu te, ka ngaihtuah zia thu te chen chuan ka hrilh ta vek a, an ni pawh chuan mak an ti ve hle a, a phone a ti bo a nih loh pawhin eng emaw tak a chungah a thlengah an ngai ve tho a, ka haw vat a, eng nge thil thlen dan tih te ngaihtuah chu ka tan a ṭhat thu an sawi ve bawk a, Lex nen hian ṭhian ṭha tak kan nih a vangin ka nu te pawh hian an fanu ang chiah chiahin a ngai ve a, chuti ang bawkin Lex nu leh pa te pawhin kei pawh hi an fanu ang tho in min en ve a ni. Lex te hi an hausa em em hran lo a, chuvang chuan kei ni pawhin an dinhmun hi kan hruat thiam pui hle bawk.




...............................................................

ONE WEEK LATER...


REX .....



Office ka va thleng a, Barrett chu ko nghalin ka office chhung ah chuan, kan in be dun a .




"Rex eng chungchâng nge ni ta?"



Thâwk chhuah hawk pah chuan, "Victoria awm dan zawng zawng record ka duh, darkar 24 chhûngin eng nge a tih a? khawi hmun ah nge a kal a, tunge a biak ṭhin! tih thlengin engkim records ka hre vek duh, chung ho chu tun aṭang chuan min rawn pe vek tawh ṭhin ang che."




"Engvangin, eng thil nge ni ta?"Paul chuan a lo ti deuh hû a.



"Victoria hian eng emaw thil tih a nei tlat a hriat na ka nei a ni."



"Ka hre hlei nem, ka lo hmuh dan chuan a pângngai viau in ka lo hria a, chu lovah han enchîk tur pawhin i nupui hual a nih a vangin, chu tiang vakin kan lo ngaihven em em lo va."




"Ka hria a lawm Paul, mahse ka tân min tihsak la ka duh a ni, chuan hetiang hian kan ti a ni tih hi nang leh keimah chauhin kan hriat ka duh bawk ang."




"A ṭha e, nih leh eng lampang nge hrilh tur che a min tih deuh?"




"Ka lo hrilh tawh che ang khân engpawh a nimai, khawiah nge a kal ṭhin tih leh tunge a hmuh ṭhin tih te thlengin engkim hriat ka duh, chuan a medical reports pawh ka hre duh bawk ang."




"Chuti ang thil ti tur chuan ni rei vaklo i lo nghah ve deuh erawh chu a ngai ang, mahse thil diktak ka rawn hmuhsak ngei ang che tih erawh lo ring phawt mai rawh, engkim ka hmuh theih ang ang leh ka lâkkhawm theih ang ang ka tih fel hunah ka rawn Call dawn che nia."  tia a sawi hnu chuan a kal chhuâk leh ta a.



Paul kal ták hnu chuan ka inngaihtuah nasa mai a, Victoria thil tih hi eng nge a nih chiah tih ka hriat chhuah vat a ngai ang, chuti ang pawh chu nimahse hman zana Lexi mipa sambuang nena ka hmuh dun khan keimah a la awm ngailo thîkna nasa zet mai awm chu ka thup hleithei lo.






******          *******           ******

Zing ka harh , ka inti fai zo breakfast ei tura kitchen lam ka phei, Victoria chu insiam peih fel at hian a lo awm rân tawh a, breakfast pawh min lo eisan tawh thu leh min ei pui hmanloh a vanga pawi atih zia thu sawi pah a  a nu inah a kal tur thu mi  hrilh pah chuan ka hmui a mi rawn fawh zauh pahin,  hman hmawh zet chuan in a ṭangin a chhuak nghal a.




Ka ngaih a ṭhat vak loh a vâng chuan Victoria chhuah hnu deuh lawkah Paul chu phone a bia in Victoria kal chhuah thu chu ka hrilh a.




"Lo ngaihtuah duh suh sir! Hei In a ṭanga a kal chhuak kha ka zui nghâl e."



.....................................................


Paul Barrett......


Miss Robert chu a hmuhloh turin ka zui zel a, mi kâwmkar chép tak tak ah te chuan min luhkual pui a, a ma tawkah chuan a fimkhur ve khawp mai.



A mah erawh chu, a mah enthla tu leh chhuitu a nei ngailo tih a hriat reng a vangin, a fîmkhur lutuk lo thung. Hnunglam rawn hawi let tih ang reng pawh a nei hauh lo a ni.




In pakhat ram  tawh lam, ruak chhûngah chuan a lût ta a, chu mi hmunah chuan, Mr.McNeill an a lo nghâk reng bawk a.



Keiin tukverh darthlalang keh kar a ṭang chuanka bihthla rân bawk a, kan pâwlin a kan hman ṭhin ka spy camera chuan an awmdân chu ka la char char bawk a.



Han enthla duhtur mi tumah an hmuhloh a vâng chuan, an ngaih a ngam dun khawp mai.




Miss Victoria chu ṭawng chhuakin, "Hey sexy i tân file dang ka rawn nei leh a sin." A nui pah rah rah a, a hmelah chuan hlauhthawnna reng hmuh tur a awm lo, a thlamuan hmel hliah hliah.




"Rex hian tûnthleng in engmah rinhlehna a la neilo em ni?" Tihpah chuan Aaron pawh chu a thil hmuh avang chuan a nui ve suk a.




"Teuhlo mai, he sabengtung thluak neilo zet mai hian, a ât em a vângin rinhlelh na châng pawh a hre lo."



"Tun a ṭang a ni reilo te hnu ah, ka kut zungṭang ah hian, inneih zungbun chu ka bun ve tawh ang a, chutih hunah chuan Rex Marshall hian min bum a vangin a tuar ve tawh ngei ang, kan thangah Lexi kan awh tir tawh bawk a, tunah hian Rex sabengtunga khan a company a thil ti sual tu kha Lexi a ni emaw a ti char char a, a haw viau tawh bawk a sin, nang lahin a uifing mawl zet mai Barrett rinhlelh tur takin a ṭhiannu Alma i lo kawp bawk a." Za zet hian Miss Victoria chu a nui chhuak a, Miss Logan chunga ka thil tihsual chu ka hre chhuak ve chiah, pawi kati kher mai, Victoria leh Aaron ruahmanna vek tih ka hre chhuak bawk a, thinrim a vangin ka ha chu ka ṭhial rap rap a, ka hmui ka chîp hmak bawk, ka chhia leh ṭha hriatna chuan thawm bengchheng siamlo tur a min tih a vang a in control thei chauh ka ni.




"Ti chuan i neih tawh hnu a i ke bula i ṭhingṭhit tir tawh hnu in, a hnâr hnuai a ṭangin keiin a company chu ka lo lak sak ve bawk ang a." Aaron chuan tih ve leh sup pahin duh thawh zet mai chuan an in keih dun ta bawrh bawrh a.



Ka thil hriat chuan ka thin  ati rim kher mai, an pahnih chuan kah thluk zawt zawt tak hi ka nâp a, chu thil chu maw in lo ngaihtuah a, in thil tum dan chu ka tih puitlin tir hauh lo ang che u, engtikah mah inpuitlin ngai lo ang, ka insehruh nasa mai a, he ka thil tawn zawng zawng te hi Rex chuan a hriat hunah Victoria chu engtin tak ngai ang maw, an pahnih a an video chu ka duh ang tâwkin ka lâksak bawk a, an châk lo dun viau pawh ka ring, Marshall Enterprise ṭhatna tur hi ka thi leh thâu pawlh a ka beih tur a ni a, he company hi a tlûk chhiat loh na turin kei hian ka veng tlat bawk ang,  an video ka lâksak hnu chuan thawm dîm tak leh thinrim mengsen rum chungin ka kîr san ve ta a.




LEXI....



"Rick khawngaih takin min chhuah tir tawh rawh!" ti in Rick lo lut chu  ṭap hlap hlap chung leh beiseina sang tak nei chungin ka lo ngen a.



Mahse engmah chhânna ka dawng lo. Ni tin in min khungna a tâ min chhuah theih beiseina nen a rawn luh hun tur chu nghakhlel takin ka lo thlîr ṭhin a, tukin mai hian ka harh veleh vawiin chu chhuah ka lo dil leh ang a, a rem ti tawh ngei ngei ang, tih hi ka thupui a ni ṭhin! Zan lamah te pawh chuti ang rilru ka put a vang chuan ka suangtuahna hlim thlâk tak kâwmin nuam ti takin ka awm veng veng a, mahse zing a lo nih chuan a ngai te bawka ni ṭhin, mahse beiseina thar erawh ka nei leh tho ṭhin!


"Khawngaihin Rick, i pawi eng nge ka sawi?" Mit tui parawl ṭeuh chung chuan ka eitur a rawn dah lam pawh ngaihven lo in ka kut cher chhe zet tawh nen chuan a kal chhuak tur chu a ke ah ka lo vawn sak ṭawk ṭawk a.



"Rex hi ka mamawh... tawhlo!"



"He hmun a ṭang hian min chhuahtir la tichuan, ka nu leh ka pa bulah ka kal nghâl ang ."



"Khawngaihin Rick, chu chu mintihsak ve hram rawh ka ṭhian i nih vang tal pawhin...."




"Ngawi chîpcham mai teh." Rick chuan min vîn khum tuarh a, ka phu deuh zawk, a ke ka vawnna ka kut chu min phih thlâk sak lawp a, hlauhna avang chuan ka khûr deuh dar dar a, mahse ka hlauh a vang a khûr ka ni chiah em tih erawh ka hre chiang chuang lo, chaw ka ei mumal loh vang te pawh a ni maithei bawk, tuna ka kawr hâk lai hi he hmun a ka awmtirh a ka hâk kha a ni a, ka thawl tawh dan a ṭang chuan ka cher tawh hle tih pawh ka hre thei, he hmun aṭang a ka chhuah theihna tur a nih dawn phawt chuan tlawm leh zah pawh dawn zo lo in ka theih ang tâwk tâwk a min chhuah tura lo ngen chu ka duh dan leh ka beiseina ala ni tho tho.



Ka auhna leh ṭap chunga min chhuah tura ka ngenna te chu mi haider sakin, kawngkhar chu min khâr khum leh bur a, kawngkhar a âwng awm, eng nge ka an ti a a rawn bihthlâkna ṭhin niawm tak a ṭang chuan bih lehin ka la âu zui ṭawk ṭawk a, chutih lai tak chuan phone a mi a be thawm chu ka hre zawm nghal a.




"Victoria hmanhmawh teh! Hetiang hmeichhe ṭap reng mai hi ka kawl rei peih dawn hauh lo a nia." ti a phone phun bul bul hnu chuan, min kal sawn san leh ta daih a.




Ka tân chuan chhuah chu  beisei bo a ni leh ta, mahse zan in hian suangtuahna nuam tak neiin, naktuk pawh a la awm leh dawn tho a lawm, naktuk hi hmu a ka la dam te a la nih ngai chuan...





Rick hian engtik a mah min chhuah lovang. Victoria thû a hmuh hma loh chuan, beidawng zet a ṭah mai lo chu tih theih ka neilo. Mahse zan lam ka mumangah erawh Rex nen hlim takin kan awm dûn ṭhin a, pangpar mawi zet zet vul chûkna hmun huan mawi zetah Rex mal chu lukham a hmangin, ka mu vang vang ṭhin! Chuti ang chuan mumang lamah Rex chu hun nuam tak ka hman pui ṭhin a ni.




Mahse chu'ng ka mumang nuam tak leh hlimawm tak tak te chu Rick rawn lan hian beiseina nen a tak ram thlen châkin ka lo awm ṭhin a, mahse a rawn lan hnu hian beisei bo an ni zo leh si ṭhin!




Chhuat ah chuan ka ṭhusawp niai a , châu tak a ka ṭah hnu thleng chuan chu chhuat vawt thler mai pangtilum pawh neilo ah chuan ka chauh luat tuk a vângin ka bawk  thlar a, mu leh mal pawh ka nei leh tawh lo.




ka khaw hmuh te chu phe zo in, ka hriatna pawh ka hloh leh ta riai riai a, mumang ram lamah ka chèng leh ṭan chu a ni ber mai, chu bák chu ka tana nuam a awm lo.




REX PENTHOUSE


REX....


Sitting room ah chuan ding vang vang pahin, ka cigarette chu ka  hîp vang vang bawk a, ka bula Victoria  rawn ding ve chu ka melh pah zauh a, a ni erawh chuan thinrim hmel zet hian min melh kal a.




"Buaina i nei em ni?" tih khum hruih pah chuan, khaw dang ka hawi san leh daih thung, ka cigarette bawk chu ka fawp leh vang vang a.




" Rex ,hetah hian mei zû tawh lo hram turin ka duh tak zet che, kan naute lo piang tur tan pawh hian a ṭha lo teh mai a nia." Min biak.a vang chuan a lam ka hawi leh zauh a, min lo melh thíp rám rám khawp mai.




Ka thil zûk lai ashtray a nawr hlum pahin, "Victoria kei pawh hian, ka laka i thil zép te hi hriat chhuah thuai ka in beisei ve bawk a sin." A lam pawh hawi leh tawh lem lo in ka hnungchhawn nghal daih a.



"Vawiin lam te ruahman eng nge i neih?"



"Chutiang thil engmah ka neih pawh ka hre lo."


"Oh a ṭhat hlauh chu, a nih chuan inneihna a tan a tihtur ṭul ho min tihpui ve thei ang chu ti raw?"




"Chhûn lamah kan kalna hmun tur lamah Restaurant hawn thar a awm bawk a, tah chuan lunch te kan ei dûn pah nghal thei bawk ang a."




Ka phone chu a rîk a vang chuan ka pickup nghâl a.




"Hello."



"Rex, Paul ka nia, tûnah hian thil ti tur a min tih ho chung chang zawng zawng kha ka hrilh thei tawh ang che."




"Aw le, tuna ṭang a minute 20 hnu ah ka office ah min rawn hmu dawn nia." Ti a ka chhánlet ve hnu chuan phone chu ka cut ta a.




"Vawiin hian Office i kal hauh lo ang.Saturday a nih ang in, vawiin hun hman dan tur pawh kan plan vek tawh kha?"




"Naktûk mai hi kan in neihni a ni tawh a, chu tah pawh Office kal i la tum a nia, thinrim zet a in hûmruh ngar chung chuan, Victoria chuan min tih khum hmarh hmarh a.




A mah chu melh chhuk rûn pahin, "Victoria hei hi theihnghilh hauh suh! Eng nge tih tur a tih loh tur tih hi min hrilh ngâi lovang che."




"Naktuk mai hi in neih ni a ni tawh a, thil tih fel tur a tam zia te hi hre ve em em ta che."



"A tam te chuan nang mah khan ti mai la ti nia." tih lét khum ve tuar pahin, ka in her khum nghut a, Office lama kal tur chuan ka chhuahsan ta nal nal a, pawna ka car chhungah chuan ṭhu lutin, "Shit." Ka car streering chu ka chûm dawt a, thâwk lák hrawih pah a, in beng daih tum tak chung chuan ka car chu ka khalh chhuak ve ta nghal a.




Ka office chhûng ka va luh chuan, Paul chuan min lo nghâk reng tawh a, min lo hmuh veleh chuan a lo dingchhuak nghal thuai a.




"Rex he thil hi i duh hauh lo ang tih ka hria." a lo ti nghál tawl a.



"A nih te chuan engkim zép awmlo in min hrilh fai vek la ti nia." Rum zetin ka melh pah rûn a.




Paul ka en chuan a hmelah inthiamlohna hlir bák hmuh tur a awm lo. "A landanah chuan, he company tan a thil pawimawh lo la chhuak tu zâwk chu, Miss Roberts zâwk hi a nia." A ti ta sup a.




"Eng mawwww? I sawi dân khân Lexi a ni i ti bawk si a?" ka tih khum tuar a, ka aw râwl chu a ring ṭha kher mai, sipai hmelma lam beih tum thinrim inhrosa te pawh ka inchan lek lek.




"Ka sawi ngei tih pawh ka hria a lawm Rex , mahse kha tih hun lai kha chuan, khatiang khân a lang miau si a ni." Inthiamlohna avang chuan hnuai lam chu a melh pah ruih a, a kut chu ngil zetin a thlâk thla zar bawk a, a chesawn eih lo.




A rawn hawi chhuak leh a, a hmui chu liah huh zauh pahin,
"Tûnah chuan hei pawh hi kan hrechhuak tawh bawk a, McNeill kha Lexi room mate Alma Smith nen an mu dûn ṭhin zawk an ni tih hi....."




Thinrim zet hian Paul chu mit khap lèk lo in ka en ngur a, Lexi chunga ka thil tih pawi tak chu ka hre chhuak nghal a, ka Lexi khan thil tih sual engmah a lo nei hauh lo a nih chu, ka lakah insawifiahna hun a duh tih pawh ka secretary in a sawi a, chu pawh chu ka pe duh lo a, tunah tak hian Lexi chuan eng ang chiahin nge min ngaih tawh ang? Hman zan bar a ka hmuh khân  a chungah ka thinrim hle a, a laka thinrim  thei ka nih loh zia leh ka chunga thinrim zâwk tur a nih zia pawh ka hre nghal bawk. " Min tihder kual vel lo mai teh....." ka tâwp chawih a, Ka thu hriat a vanga nuih chhuah hawk pah chuan ka tih khum a, ka thu hriat zozâi te chu âwih a va han har tak em.




Paul lo dinna lam chu thinrim a vanga puak keh lo chauh chung hian ka pan phei a.


"I thu sawi ka âwih a vângin Lexi chu ka thlauhthla a, chutah a hna a ṭangin ka bân hrep bawk a,oh f*ck sake!" Anchhia lawh chhuah hrawih pahin ka kut chuan ka hmâi chu ka tuai pah pâwk a, rilru hah a vangin ka vei tawn ta sek a.




Ka vei kual chhung zawng, chu room chu a reh ngawih ngawih a, ka pen ri bák hriat tur a awm lo.
"Ka hria a lawm, mahse kha tak kha a lawm ti tur a an duh che chu!"




"An duh i tia lo? "Thinrim zet chuan ka tih khum leh tuarh a, ka pèn lai chu ka tâwp pah chawih bawk a.




"Victoria chuan McNeil kha alo thawh pui reng a lawm," a ti dam leh thlup a.



"Thu diktak i hriat duh chuan, hemi te pahnih hi an mudûn tawh bawk! Victoria hian Lexi nen inpahnih a in inkawp pawh hi a hria ni in a lang." lo ti leh sup a.




A thusawi chu chhunzawm leh nghalin,"Chu vang chuan, McNeill nen hian in thurualin he i dinhmun a ṭanga paihthlâk che hi an tum ta a ni." Ti a a sawi hnu chuan a kekawr ipte chu a zen leh nghal a.




"F*ck, Rin harsa ka va han ti hrep ve maw le." ka ti ngui ruih a, ka life chu a tâwp vek ta ni mai hian ka hre hial a ni.




"Thildang pawh ala awm...."



"Eng hrep chu nge la awm a ?" Ka ti leh hrâwk a, thâwk ka la pah káwk káwk bawk.



"Naute chung châng kha a awm lo hrim hrim bawk."



"Naute a,  a awm hauh lo maw?"ka  ti phâwk hrû a, ka thu hriat ho zawng zawng chuan min ṭhawng vek hlawm.




Paul chuan a thusawi chu  chhunzawm leh in, "Miss Victoria hian nau a lo paî aw zawng lo."


Ka ngawi rauh rauh a.

"Naktûk ah hian an pahnih a kan man tir theihna tur in, engkim anmahni man theihna tur thil tihfel sa vekin lo dah ang che, mahse inneih kan ṭanlai tak a man tir tur in thil i lo ti fel dawn nia."




"Inneihna chu i kal pui dawn tho tihna maw?" Mak ti zet chung chuan a lo ti deuh hû a.




"Aw, chuvang tak chuan a lawm engkim hi a dik vek anga lantir phawt ka duh!"




"Aw le nakinah ka la rawn beleh dawn che nia, naktuk a thil lo thlen dântur ruat fel lâwk ka ngai bawk si." tiin Paul chuan min chhuahsan ta a.




Paul min chhuahsan hnu chuan, ka office chhung thim ruai ah chuan ka inngaihtuah nasa mai a.




Oh Victoria thil tihsual palh lian tak i nei ta,kei hi min bum thei angin i ngaihtuah ti raw, i thei ngaî lo vang tih chu ka ngaihtuah rauh rauh a, he thil avanga Lexi ka hremna lét chu Victoria hian hmuh lét a phu hle in ka hre bawk. Ka phone chu la chhuakin Tim chu ka  phone nghal a , "Zanin ah Paul nen barah kan kal dun dawn a, rawn tel ve ang che."

 Naktuk zanah The contract a chhuak ang. Fakna milem awm kha hmet leh vek ang aw.