THE CONTRACT CHAPTER THIRTY SIX

Naktukah THE CONTRACT chapter 37thar a rawn chhuak leh ang. Fakna milem kha hmet ṭha ang aw, mi sawm te chauhin kan hmet ṭhin a nia.

RICHARD....


"Chu chu eng thil nge ni a, min hrilhfiah thei deuh ang em?" A meng nur deuh nûng bawk.a.


"Ka hmangaih a."

"I nupui in i hmangaih tih a hre lo va maw?"

"Aw."


"A nih chuan ka ngaihdanah i thusawi ṭan hun tur chu i hre tawh ni in ka hria."


Nui suk chung hian, a thusawi chu a dik a ni ti a pawmpui nan ka bûk khum nghut bawk a .


Harsa ti zet hian, "Dawt ka hrilh che." Ka ti ta a.


"Eng berah chuan maw?"


Thutthleng awmna lam chu panin ka ṭhu thla a, ka coffee mug ken lai pawh chu desk lamah chuan ka hung thla ve nghal bawk a, a chhan chu ka hmer nat lutuk nalamah ka hum keh mai ang tih te pawh ka hláu emaw bang lamah ka paih keh mai amg tih ka hlau, heti ang thu pawimawh tak mai sawi lai hian, ṭhing zeta ka chet ka hlauthâwng a ni, mahse thu puitling ka sawi dawn nge dawn lo tih erawh ka hre chuang lo.


"A englai pawh nilo in, a engkim mai kha dawt muhlum vek a ni."


Ka hma ah chiah rawn rawn ṭhu thla ve in a bawp chu a khawkherh leh nghal a, a kekawr hák chuar lai chu zut mar thuak thuak ah chuan, min rawn melh leh ta a, "Gavins group ah hian hna neihna'n dawt min lo hrilh a maw?"

THE CONTRACT CHAPTER THIRTY SIX


"Aw." Ti in ka chhang a.


"Ngatinge, tiang chuan i tih chhan min hrilh rawh?",


A hma ka company thawhna hmasa ah khan partnership ka nih na tur aiah midang an dah a, chuvang chuan David tih thinrim ka duh si, helai hmun Victoria city chhuahsan ka duh lo bawk nen, chutih lai tak chuan i company Gavins group ah hnaruak a awm tih ka hre ta hlauh a, i company a ka luh chuan David pawh a thinrim dawn tih ka hria a, chuvang chu a ni e."


A kuta a khabe tlâng tuai nauh nauh pah chuan min en a, mahse engmah erawh a sawi chuang lo a, ka thusawi chu chhunzawm lehin, "Mahse khatih laia ka awmdan ang khan in company a thawk turin min la dawn lo tih ka hre chiang hle a, a chhan pawh i company dân leh i kaihgruai dan zawng zawng ka hre vek si a, keia mizua lah chu play boy mai a ni bawk si a."


Nuih chhuah hawk pahin, "Eng ang pawhin i company tan la lut hnemin ṭhahnem ngai takin thawk rim viau pawh nimah ila, ka mizia a vang hian eng tikah mah pawh min la duh chuang lo ang."



"Chumi chung chang berkherah chuan i sawi dik khawp mai." A lu a bu ve nghut nghut a .


"Chuvang tak chuan a lawm, ka mizia nilo ang taka i bula ka lang thei anih phawt chuan in company luh theihna chance ka nei thei ang tihna rilru ka pu ta a ni."



"Chuvang chuan heti ang plan hi i siam ta a, a ni em?"



"Yes."

"A nih leh heti ang i thil plan ah hian Katy hian engtin nge inrawlhna a neih ve theih?"


"A remtihna pawh a tel ve lo, Anderson Ink ah chuan heti ang hian rulse kan nei a, ka Asst nen a affair kan nei a nih chuan, bân kan hlawh ṭhin a, chuvang chuan a mah hi ka assistant a nih angin a ni nen a affair neih chu a chí berin ka ring ta a, midang aia a hmelṭha bîk tihna nilo in."


Ka dâr chu sân khum zauh pahin, "A ni kha ka hmeichhe duh ber pawh a nilo a, a ni pawhin min duh chuang bîk lo."


"Kha, in inhmeh dun em kha, lem in chang thiam dûn khawp a lawm."


"Kan tih ngei ngei a ngai si a lawm, kan mamawhna kha a nasa dun em em a, a ṭûl bawk si nen."



"Richard khati ang thil kha mipa khat tan chauh a ti a ni tih hi i ring ve em?"


"I sawi dik khawp mai, a nun a mi pawimawh tak mai tan chauh a lawm a tih!" Ti chung chuan a hma lam chu ka va bawh phei ve a.



"Chu chu Penny a ni maw?"



"Heti ang lemchang tur hian pawisa ka pe a, keimah nen a inngaihzawnna chung chang chauh pawh nilo in, innei tur thleng thlengin ka ti lui a, a ni te chuan heti ang a thil tih hi a duhzawng a ni reng reng hleinem, dik tak a sawi chuan a ni chuan heti anga dawt sawi reng leh mi bum reng hi a duh tawh lo a, chubakah heti ang thil a tihna avang khân a ngainat phah tawh che u a, a thil tih lai pawh hi hreawm ti takin a tilui chauh tawh záwk, tih pawh a ti peih tawh lo a, keiman ka la tur luih vang mai mai a la ti lui hrám hrâm ni berin ka hre tawh, chuvang chuan he thil a tih nachhan ber chu heti anga mi bum leh dawt sawi reng te hi a tuar zo tawh lo niberin ka hria."



"A nih leh heti ang thil in plan na ah hian Brian Maxwell hian eng nge inrawlhna a neih ve?"



"He kan thil tih dun chung changah hian Brain a ni emaw Amy a ni emaw kan thil plan hi tumah kan hrilh lo a, kan thil tih ah hian inrawlhna pakhatmah an nei lo a, nangmahni ka hrilh che u ang bawk khân an ni pawhin chuti ang tho chu an hriat dan a ni."



"Brain hian min ringhlel te a nih loh chuan kan chung chang thu hi engmah hriat a nei lo a, kan bulah pawh a sawi chhuak ngai heklo, chubakah ka inthlâk danglam tak tak tawh ni in a ngai te pawh a ni maithei."



"Amy ve thung chu engmah a hre lo hul hual a, heti ang thil hrim hrim hi hriat pawh a hre lo grim hrim tih hi ka chiang."


A khabe thuai leh nauh nauh pah chuan chîk zet hian min rawn en phei a, "Brain hi i sawi dán ang em em a mi ṭha chu a ni dawn em ni? Amy erawh chu ka ring táwk a."


"Mmm, Amy te chuan engmah an hre lo tawp."


"Hmm, a nih leh i lo plan dân angin ka company ah chuan i lût fel ta chu a ni a, engtin nge ni zel dawn?"


Ka kut chu ka tukhumah ka suih a,  ka rilru  hah a vang a ka taksa hreawm zia chu, ka ngaihtuahna hah bawk nen, ka vun hi inlip vekin ka taksa zawng zawng ka vun chhung ami chu rawn chhuak dawn ta mai ang hian ka awm a, ka bîng mup mup bawk niber hian ka hria.

"Richard, inbengdai rawh, in ti hahdam la, thlamuang taka awm tum rih teh!"



Thaw ipik zet chuan ka thaw chhuak deuh hawk a, a lam chu ka va melh leh a, "Graham ka nupui hi khawiah nge a awm tih hi ka hre lo, tunah tak hi chuan ka thla a muang thei lo, ka life hi ṭhawnga leivir ang mai ni in ka hria, chuti anga ka awmdan chu mipakhat chauhin min tih reh sak thei, chu lah chu he khawpui khawi emaw takah hian a awm in ka ring."


"A ngaihdan chuan amah pawh ngaihven lo leh ngaih pawh ngaihtuah duh lo ah min ngai ngei bawk ang."



"A nih leh, engtik lai tak aṭang khân nge a ni chu hmangaiha i inhriat ták?"


"Ka hre lo reng reng, a ni tân chuan keimah min duh ngawih ngawih ang maia awm tur a ni a, ka lo suangtuah dânah chuan i company a ka luh tawh hnu ah, ka thiamna te pho langin, ka theih ang tâwkin ṭan ka la ang a, i tana mi ṭangkai tak ka nih tawh hnu ah leh Gavins company tan a hlawkna ka hmuhsak tawh hnu ah chuan ka personal life chu i ngaihtuah tawh vak lo ang a tih chu ka ngaihdan a ni a, chuan chumi hnu ah chuan inṭhenin mahni kalna kawng kawngah kan kal tawh mai dawn a ni, chutih hunah chuan kei chu ka hna thawh duh tak thawkin ka awm.tawh ang a, a ni chu a duhna hmun hmunah ka pawisa pèk nen khân a awm tawh mai dawn a ni. Heti ang hian kan pahnih a kan buai pawh ka ring lo."



"Mahse....?"  chu bâk chu engmah sawi a nei hran lo a, mahse a rawn sawi chuah dán chu awmzenei tak ni hian ka hria.


A thusawi chu ka lo chhunzawm sak a, "Thil a danglam vek tawh, engkim.a inthlák danglam vek, kei ngei pawh ka danglam zo tawh, lemchang tur ang lekah ka inngai a, mahse enfkim mai hi a takin a thleng ta chu a nih ber hi!" Ka thaw chhuak hrawih a, ka awmah hisn silai mu in rawn deng fuh ta ang se, ka kâ lamah thisen chhuakin, thawk harsa ti zet chung a tgaw ri hrawih hrawih ang hi ka inchan ber.



"Ṭhianah kan insiam a, ṭhian a ṭangin inṭhianṭhatna ah, ṭhianṭhatna chu thuhran ni se,  kan in close ta mah mah bawk a, engtiklai in nge a ni kha ka life ah mi pawimawh ber nitur a ka seng luh pawh ka hre lo. Heti ang thil hi a thleng dawn tih pawh rinlawkna ka nei lo, hetiang lama feelings pawh hi ka nei ang tih rin ngaihna ka nei lo hrim hrim.bawk, chuta karah Penny ngei pawh a hma a ka tan engmah ni ṭhin lo kha, ka life a mi pawimawh ber a lo ni ta a ni."


"Katharine khân a ni kha hmuh pawh hmu ve lo turin leh a life ah pawh telve lo turin min duh a sin, a chhan chu Penny thluak buai sa tawh kha tihbuai belh leh a duh lo hrim hrim a, hman zan company ka rawn joint zân a party min neih sak ṭum khân ka inhnem hle a, a mah nen inhauhna pawh kan nei, inhnialna ka ti dawn nge, ka mawl lutuk avang záwkin keina'n inhauhna kha ka ti chhuak lui ka ti záwk ang?"


"Katharine khân a nu leh pa te boral dan chung chang te min hrilh a, engtin nge Penny a life a arawn luh dan te thlengin, eng ang chiahin nge min ngaih tih pawh zèp nei hauh lo in min hrilh a, eng ang chiahin nge min hmuhdan tih thlengin tlang takin min hrilh bawk a." Chuti ang chung chang ka sawi chhuah lai chuan nui hmel ka pu ve suk a, "Khami zán khân Katharine mize dik tak chu ka hre chhuak ta a, hmeichhe dâwi zet, ṭidai mai leh ṭhing zeta ka lo ngaih ṭhinna chu a rûk a huaisen tak leh fel tak, nunnem tak si leh zaidam tak a ni tih ka hre chhuak ta záwk a." Ka nui hmel put lai chu reh riai riai in, "Chuan kei erawh ka sual zia leh ka felloh na te leh misual tak ka ni tih khami zân khan min hriatchhuah tir a, chu chauh pawh nilo in, a chunga ka sualna zawng zawng leh midang lak a ka sualna leh ka chapo na zawng zawng te min hriatchhuah tir a ni. A tukah pawh chuan Penny hmu turin ka kal phah."



"Penny chuan lo ngainat ngei che ka beisei?"


"Ka hun kal tawh zawng zawng min hriatnawn tir leh tu a ni a, ka naupan lai hian a mah anga miṭha leh ngilnei pakhat ka tawng ve tawh a, chu nu ang mai chuan ka hmu bawk." Ka chil ka lem deuh khawlh a, ka lei a ka hmui chu ka liah huh zauh pahin, eng thu nge ka sawi leh dawn tih hre lo chuan tháwk ka la ri hawk a, achhan pawh Graham bulah hian ka hun kal tawh hnu sawi chhuah vak ka duh lem lo.


"Chutiang chung chung pawh chuan Katharine chuan khami ni khân pasal atan min nei a, achhan chu kan pahnih contract ah khán min tiam tawh a nih a vangin, a thutiamah a dingnhet hle bawk."


"Chuan nang pawhin i nupui chu i hmangaih ta bawk a."



"Yes, ka hmangaih a lawm, mahse tubah chuan a tlâi tawh mah mah a ni."


"Engavang a chuti anga sawi nge i nih chhan?"


"Min kalsan a lawm, ka thil pék ve ho zawng zawng engkim a kalsan vek a, ka phone pék te, ka pawisa pék zawng zawng te nen, ka car pék thleng thleng te nen lam a kalsan vek a, engtin nge ka zawn chhuah leh ang tih pawh ka hre lo, khawiah nge ka zawn ang tih pawh rinngaihna ka hre tawh lo, a kalbp tawp tawh."


"A nih leh Penny thil te kha, a keng tel ve em?"



"No, khâng ho kha chu ka condo ah a la awm vek, a ma personal thil tak tak chauh a keng chhuak, ka ngaihdan chuan kháng thil ho la tur khαn engtik emaw ah chuan min rawn la contact ve mial ang a, chutih hunah chuan ka la thawn lⅇt ve ang chu ka ti."


"Chumi hun thleng chu i nghahtheih ka ring lo." A lo ti ve khauh a.


Ka ṭhuthmun a ṭang chuan tho chhuakin, tukverh lam chu ka pan phei a, "A mah loh nghahna chhan tur âwm ang reng reng ka neih ka hre lo, mahse Katharine hi ka zawn hmuh hmasak ber ṭulin ka hria."