INTOXICATE CHAPTER 14

INTOXICATE CHAPTER 14

Chhiar mghek mai rawh u aw, fakna erawh min lo hmeh sak a second sawm chhung lek min enkual sak ve turin ka beiaei tlat che u a nia.

REX ....

Vawiin chu eng nge ka hriat a eng nge ka tih pawh ka hre mumal lo. Victoria a bo a, Lexi lah a awmna ka hre bawk si lo, heti ang em em a vanduaina hi ka chungah a lo thleng ang tih rin ngaihna pawh ka hre lo.

Ka penthouse chu chhuahsanin mahni te chauh a awm ka duh a vang chuan huan lam ka pan phei a, chu hmunah chuan tlem tal a ka harh ve deuh ka inbeisei vang a ni.

Lexi ka ngaihtuah em em a, heti anga ka hmuh zawhloh chuan ka â mai dawn a hriatna ka nei tawh hial a ni.

News a kan thu chhuah a ṭang khân kârhnih lai chu a liam leh taawh a.Eng mah lah chu hriat tur a awm mang bawk silo.

A lo kîr tawh dawn lo a ni tih hi ka pawm ve mai chu a ngai tawh ang. Mahse chuti ang a awlsam tak a pawm theih chu ni sela hman hmanah khαn hrilh pawh ngailo in ka pawm tawh tur, kei ngei pawh hi rilru hreawmna leh rilru a inthiamlohna awm chuan zawi zawi in min eiral ve mai dawn a hriatna ka nei ru hial tawh a ni.

Rilru hreawmna a vangin intur ka inhnem phah em em a, hna lam ka hlam chhiah a, office lama kal tih lam reng ka ngaihtuah theilo, achhan pawh lexi sulhnu office lama tam lutuk tur chu ka hmu ngam lo a ni. Heti ang ngaihdan hi engtik aṭang khan nge ka lo neih tawh tih lah ka hre hek lo.

Ka dawihzep nge ni a ka pâ leh lutuk vang zawk? Hre awm ti zet hian thawk ka la ri hrawih a, ka dinna hmunah chuan ṭhut thlâk hnawk ka rual a, chal dawm meuhin ka indawm kun ngawih ngawih a, chuti anga ka awm pawh chu ka hre ngai hek lo.

Lexi enga tinge i awm tawhlo a nih pawhin, i thlarâu tal pawh hian min rawn tlawh ve eih loh?

I bulah hlimzet a awm a tih duh dah leh vel che ka châk tak tawh a sin, mahse tûnah chuan, khatiang lam a tih duhdah ni tawh lo in....Ka ngâi tak zet tawh che.

I chunga ka thil lo tih a vâng khân mahni leh mahni in thiam lohna hlîr in ka hringnun hi ka hmang tawh dâwn a ni hi!!

Tûnah chuan mangṭha tih ve tawh mai loh che chu tih ngaihna ka hre tawh lo.

"Mangṭha.... Lexi !" Chu thu chu harsa ti zet hian ka sawi chhuak sup a, ka kâ chuan chu thu chu sawi chhuak mahse, ka thunlung chhungril a mi hian a la pawm thei chuang lo. Ka Lexi hi ka la zawng hmu ngei ang tih rinna mak tak a la awm tlat, eng tin nge min tih zawh tâk mai le Lexi? Heti ang em em a hmeichhia ka vei zui pawh hi ka la hre mgai lo.

"Rex?"

Tim min rawn kohna a vâng chuan, muang chângin a lam chu ka hawi phei a, ka mittui te chu a tla ve phing tih lah ka hai lo. Hmeichhia a vanga ka ṭah vawikhatna a ni hial ang, Tim chu a awmna a hla tham deuh a, a rawn hmuh theih beiaeilo phawt ang.

"Khawiah nge i phone i dah hrep chu le?" Thinrim zeta rawn tih vìn deuh hlur pah chuan ka lam a rawn pan hnαi a, keiin ka mittui far ka bianga luangthla chu a hmuh hlau zetin ka lo hru hul.pah zauh bawk a.

Tlema ka awki rihsan ve deuh pah chuan, "Inah ka dah a lâwm , enga tan nge i tih? "

"Barrett in a rawn phone char char che a, Lexi an hmuh tawh thu rawn hrilh che a tum maw le."

"An hmu tawh a maw ?" Ka phu deuh zawk, ka phâwk hru bawk a, thil nih dan chu ka la ring thei chiah chuang lo, kha leh chen kha kan zawng tawh a, tun a taka awlsam zeta kan han hmu leh mai si chu ka tan chuan awih rual a ni lo a lawm.

"Tûnah Hospital lamah Barrett a kal mek a ni awm e."

Tim chu engmah pawh sawipui zui tawhlo chuan hmanhmawh zetin

 inlam chu ka pan nghal hlawk hlawk a, ka ke pen te chu a zau hle hian ka hria, ka kâr pawk pawk a, reilo te ah in ka thleng phei vat reng bawk, inthlαk pawh inthlαk buai duh tawhlo in, ka car chahbi leh ka phone hum chhuakin ka car awmna lam chu hmanhmawh zet chuan ka pan ta nghal a, car chu ka ti nung nghal a, ka phone aṭangin  Paul number ka dial bawk a.

"Hey,Paul, khawi damdawiin ah nge an hruai?"

"St Peter hospital ah rawn kal rawh."

"Ok, ka rawn thleng har lo ang." Phone chu cutin rilru a phûr tak mahse huphurh ru zet chung chuan hmanhmawh viau si fimkhur tak chung chuan ka car chu ka khalh zawm a.

Hospital ka va thlen chuan, Barrett chu ka zawng nghal.a, a ni chu hmuh a harsa lem lo khawp mai, a lo dinna hmun chu ka pan nghâl a.

"Khawiah nge Lexi chu, A mah a ṭha em?" Ka va ti nghal tawng a.
Ka insûm thei tawh ngang lo.

A dam loh mawlh chu ka hlâu zek zek tawh mai a ni.

"Tûnah chuan doctor in a en mék a ni âwm e."

"Mahse a ṭha chiang tih hi han sawi teh!"  Ka awka chhuak chu a vín lek lek a ni, dam tawhlo a ka hmuh chu ka thil hlauh ber a ni bawk.

"Kei pawhin ka la hmu bîk lo tak zet , a chung chang lah doctor in engmah a la rawn sawi lo, mahse ka thu hriat danah erawh, hmeichhe pakhat in a hmu a ni âwm e, chu chuan, ambulance ko nghâlin kei pawh hei i hmuh angin ka thleng ve deuh chiah a nih hi!" A dar chu min chhin khum pah âwk a.

"Chu nula chu nih leh i be tawh em?"

"Eh, i lo thlen hun ka lo nghâk ve mawlé!"

"Zawhna te ka lo zâwt nghâl dawn em ni ang?"

"Aw, lo zâwt la chanchin min rawn hrilh leh ang che."

Paul in min kalsan hnu chuan, ka pa chu ka be ta a.

"Dad Lexi chu an hmu tawh a nih chu !"ti a sawiin thawk ka la pah huai a.

"Aw ka hria, mahse tûnah rih chuan, engmah chanchin ka la hre rih lo," nakin ah ka lo call leh dawn che nia." phone chu ka cut leh ta a.

Ka bulah chuan Tim chu rawn ding ve a, a rawn thleng ve chiah tih ka hre mai, "Unaupa Lexi chu eng nge a ân?" a rawn ti sup a.

"Ka la hre rih lo tunah tak hi chuan doctor in a en mék an ti."

"Khawi ah nge i kal kâwi pah a?" ka lo ti ve sup a. A chhan chu a rawn kal hun ka chhut a, ka kal hnu lawkah a rawn chhuak ve nghal ngei ka ring a, mahse car nen a kal tur chuan a rawn thleng har hrat deuh a ni.

"Alma ka va lam ve mawlé!"

"Tûnah hian, Lexi nu leh pa te a call mék a a rawn lang ve vat ang."

Chutia in be leh tawh lem lo a, waiting room lama kan din dun rαn lai chuan doctor pakhat hi kan lam panin a rawn phei ve ra hrâm a. 

"Gentleman nang ni hi emni Lexi Logan chhûng te?" A rawn ti a.

Va panhnaih vat pah chuan , " Aw, keimah, eng nge a chanchin ?" Hriat châk tawh zet chuan ka lo ti nghâl vat a, Lexi chu a dam ṭhat leh ṭhatloh lam tal ka hriat var loh chuan ka dawhtheihna in a tlin leh dawn lo tih pawh ka hre reng .

"Tûnah hian a taksa chu tui intur kham khawp hmuh loh a vâng leh eitur ṭha hmuh tâwk loh na a vângin, a chau em em a, mahse hun reilo te chhûngin ngai a awh leh vek mai ang."

"Chuan thisen a neih loh deuh hlek vângin, unit khat vel chu pék a ngaih bawk ka ring a, chu mi hnu ah chuan, engkim ṭha vek tur ah ngai ang."

"Lalpa ka lâwm e." Thâwk ka la pah huai mai, ka thil hlauh ber pawh hliam nasa tak a tuar ang tih mawlh kha ka hlâu a, mahse na em em pawh tuar hran lo a a chan chin lawmawm lam pang ka han hriat a vang chuan ka rilru hahna zawng zawmg te chu a dam nghal sawng sawng hian ka hria. ka ngaihtuah ber chu hliam nâ tak tuar te hian a lo awm ang tih mawlh mai chu ka thil hlauh ber a ni.

Mahse chanchin ṭha chu a ni ve réng réng e. Engmah hliam a tuar tih hriat tur a awm lo teh mial a.

"A mah chu ka hmu thei ang em doctor?"

"Thei rih lo ang , tûnah hian test vél kan ti mék a, a hmuh theih hunah chuan, kan rawn hrilh leh dawn che u nia." doctor chu a kalsawn leh ta a.

Alma rawn kîr leh chuan, Tim chu a rawn kuah nghâl thlâwp a, mak ka lo ti ngéi mai, he mi te hi an lo inkawp ve a ni hrim hrim tihna rilru chu ka pû a.

Tûnah chuan kan ûnau in înkhat ah kan chuangkâi lût dûn tawh dâwn a nih hi ti a ngaihtuah rauh rauh pah chuan, ka ṭhen pah suk a.

"Lexi nu leh pa te chu i call ta em?"
Alma lam hawi pah chuan chhuahloh hmel zet hian ka khuh lui pah khurh a, an ni pawh chuan an inkuahna chu an thlah ve mai bawk a, Tim hmelah chuan a serious ve viau ni hian ka hria, Alma chu a ngaihven ve hmel tak tak a, mahse chu ber ai pawh chuan Alma hmelah chuan inthiamlohna ka hmu chiang zawk.

"Aw, i chungah pawh an lawm takzet tih hi lo hrilh tur che in min ti a." a lo ti sap a.

"A râng thei ang ber a an fanu rawn hmu tura lo kal an tum a."ti leh pahin, 

" Lexi chungchâng hriat i nei tawh em? Eng nge a an hrim hrim?"

"A ṭha leh thuai mai ang, tûnah doctor in test a nei mék ." tiin ka lo hrilh a .

"Oh Lalpa ka lâwm e." Alma chu a phun chhuak ve sap a, ka lakah chuan a zâm nge Lexi a hmu leh theih dawn a vangin a phur nge, Tim a han tawng chu Lexi hrilh hlan a nghakhlel zawk? Awmngaihna hre lo hian a vei tawn sek a, a kut chu a nuai pah nak nak reng mai bawk a, ka chan ber chu naupang thil khawih châk deuh kan phalloh a vang a khawih ngam chiah bawk silo a, a kut control thei lo ang hi ka chan ber.

"Coffee ka mamawh tak zet." Ka ti chhuak leh a.

"Lokal rawh, canteen lamah va kal ila." Tim chuan a lo ti nghâl zat a, a ni pawh chuan tlai lamah coffee chu a mamawh ve ngei ang le.

" In pahnih khân vakal ula, keiin dotor lo kîr leh hunah chanchin hriat ka lo tum ang e."

"Aw le , keini pawh kan rawn rei kher lo vang, Tim chuan a tih leh hnu chuan, kan in zui chhuak dûn ta a.

ALMA....

Nurse pakhat hi ka bulah rawn kalin, "Miss Alma Smith i ni em?" A rawn ti a.

"Aw ni e, engkim a ṭha vek maw?" Tiin hlâuthâwng zet chuan ka lo zawt a.

"Ngaihtuah duh suh, engkim a ṭha e, Miss Logan in a hmu duh che a."

"Tak tak maw, khawiah nge a awm? " phûr zet a tih pah chuan ka veng nghal huai mai, ka ṭhiannu in a ka hming a han lam leh ringawt pawh chu lawm awm.tak a ni ringawt.

"Min rawn zui rawh ka hruai ang che." tih pah in , kei pawh chuan a kalna lamah chuan ka zui ve ta nghal a.

Ka rilru te te chuan Lexi ka hmuh dan tur vel chu ka suangtuah a, a kidnap tute kut tuar nasat avangin a hmel hmuhtlak a ni ang em? Chutianga a awm a nih chuan an chaklo khawp ang le, Lexi hi ka ṭhianṭha neih chhun a ni a, a tan hian kei pawhin engpawh ka huam, a bo lai a ka mangan xia te kha, coridor chu nurse nen chuan kan zawh zel a, Lexi awmna room chu kan thleng har viau leh nghal, ka pen te chu tih chak sauh sauh mai tak hi ka nâp a, mahse chuti anga chak bαk chuan ka kal theih ka inring hran chuang lo.

Thla nei ni ngat i la zawng a room.thleng rakin ka thlawhna a rei  tawh ang, Lex hmuh chakna a vang chauhin, kan kal chaklo lutuk te chu ka thin hi a rim.ru ṭun tawh mai leh nghanghal a, kan coridor zawhlai pawh chu chatuan tluk zet ni hian ka hre bawk.

Chuti ang a nghakhlel zeta kan kal chu a tawpah zawng Lexi awmna room niawm tak kawngkhar pawn lama Alphabet rem chi a Lexi Logan lo intar kalh chu kan thleng ve ta hram a, "Hetilai hi aw, amah hi a la chau rih viau a, a rilru tih hahna ang zawng chi engmah la sawipui lo in leh la ṭṭngtir vak rihlo turin ka hrilh duh che a, an kidnap lampang ang chi phei kha chu la sawipui lo grim.hrim.la ka duh, kha chu police lam kutah i dah dawn nia, naktuk zing lamah police pawh an rawn thleng ve tawh ang."

"Ka lawm e, ka lo tum dawn nia." Ka tih hnu chuan nurse chuan min kalsan ta nghal a, kawngkhar chu zawi te hian ka hawng a, Lexi chu chau tih hriat zeta khuma mu hian ka va hmu a, drip hi an lo khai bawk a, ka lam hawi zawnga a mut a vang chuan ani pawh chuan min lo hmu ve nghal a, za lo set hian nui hmel min lo hmuh sak a, a hmel chu en tawhlo in, a taksa cher zet mai chu ka en kual.dan dan a, ka lainat tak zet, chuta karah thil pakhat min ṭhawngtu ka tawng ta tlat mai, Lexi chu a raipuar ṭeuh tawh tih ka hmuh avang chuan ka meng zau kawk kawk bawk a, ka mitvai emaw ka ti hial, mahse ka mit vai erawh a ni si lo.

Ka rilru ah Rex a rawn lang hmaaa ber nghal bawk.

LEXI....

Ka awmna room kawngka chu zâwité hian a rawn in hawng riai riai a,ka hawiphei vat a.

Ka hmu leh ang tih pawh ka rinphâk tawh loh ka ṭhiannu duh tak hmel ka'n hmu leh zet chu ka mittui a parawl nghâl ṭeuh mai.

Tûna tan chuan ṭap tur pawhin ka châu lutuk tlat, ni mahsela ka thinlung chhûng chu a ṭap zawih zawih, mahse hlimna a vângin a ni thung!

"Lex , enge i an tawh?" a rawn ti sap a, a hmelah chuan min ngaihven hke tih pawh ka hria, he ka khawharna hi ka ṭhiannu hian a hnem thei ang em tih erawh ka hre lo, Rex chuqn nupui a nei tawh ngei ang a, mi pawh a rawn ngaihven tawh kher lo ang, mahse khang hmun hreawm taka ka awm lai te pawh a ka inhnemna ber leh hmalam hun beiseina thar min pe tu chu Rex chauh hi a ni si a, he thu erawh hi chu Alma ka hrilh theilo ang.

Tunah ngat phei hi chuan Rex fa ngei ka pai tawh a, hei pawh hi Alma tih loh chuan an hriat ka duh lo a ni.

Ka dul lam pang chu rawn melhthlâk nghâl pah chuan, "Oh My God !!"a ti leh sap a, a mitmengah maktihna hi ka hmu thei nghal a, tu fa nge tih chu hrilh hranpa kher pawh ngaiah ka ruat lo.

Ka mutna bul a chair awmah chuan  ṭhut pahin ka lamah a rawn kûn hniam a, mi rawn kuah zauh pahin,

"Lungngâi suh! Engkim a ṭha leh vek mai ang." He thu hi Alma hnen a ṭanga hriat ka lo in beisei fo ṭhin a ni.
"Alma eng hi nge tih tur ti pawh ka hre tawh lo." ka ti chuairaih a.

"Oh dear engkim hi a ṭha vek mai ang.Rex pawh pâwnah a awm leh reng tawh ang, Tim nen coffee intur in an chhûak lawk a, an rawn kîr leh daih tawh in ka ring."

Rex hming Alma ka a ṭṭnga ka han hria chu ka phu deuh zawk a, ka harh zawk hian ka inhre bawk. Khâ hmun a ka tân chhûng zawng khan Rex kha theihnghilh ka lo tum ṭhin kha a nia.

"Nangmah hmu tur che in a rawn kal a lâwm."

Ka thin chu a rim thar leh a, "A nupui Victoria khân min kidnap a, chutah ani hi min hmutur chuan, a rawn kal.ngam a maw? "

"Nilo, Lexi' Victoria kha a nei ta reng reng hleinem."

"A neilo a maw?" Alma thu min hrilh chu awih ka duh, mahse hun kha leh chen chhung khan a neilo tihna maw ni a, ka ring thei chuang lo.

"Aw, a ni chuan a zawng char char che a, nangmah hmuh theihna tur hian a lawm, $100 millions hial.pawh sén pawi ti lo a news a chhuah tu chu, chuvâng chuan hei kei ni pawhin kan hmuh phah ta che a nih hi." min nuih var var a.

Ka mittui a luang zawih zawih a ,  dan pawh ka tum lem lo.

"Alma a tlâi zo tawh, tûnah chuan, ka danglam tawh, khawngaihin Rex chuan min hmu lo sela,  kal mai turin i lo hrilh dawn nia."

"Lexi in ngaihtuahna hun i mamawh vâng mai mai a nih kha."

"Nilo, nî engzah fa ko nge ka in ngaihtuah leh anga, ka in ngaihtuah nasa lutuk tawh! Rex hmuh leh hi ka duh tawh lo a ni." Ka rilru hreawmna te chu thup ka tum ngar ngar bawk, Rex hming ka hriat a vang chuan ka danglam.phah tawh dawn lo tiin ka infuih ngar ngar bawk.

"Ok ok, in bengdâi rawh! Rex chu ka lo hrilh dâwn nia." a ti ve ta a.
"Inlam a ṭangin thil mamawh i nei ang em ?" Min rawn melh pah zauh a.

"Thawmhnaw lam chu ka mamawh viau a, mahse min han enla, engmah ka thawmhnaw ho kha ka tâwk ka ring tawh lo." Meng khup lap pahin ka dul lam.chu ka melh pah zauh a, he naute ka pum chhunga awm hi Rex fa ngei a ni tih ka chiang a, mahse hemi a vanga Victoria ang mai a mi hmangaihlo chung a min neih hi ka,duh lo, chuti ang tur chuan ka beisei bawk lo.

"A nih leh mall ah kalin ka va lei dawn em niang?"

"Nilo e, nurse hnenah khân ka thawmhnaw hâk theihtur min rawn lâksak turin ka lo ti tawh a,chûlovah mi hrîat tam tîr hi ka duh rih lo." Ti in ka chhang nghal thuai a." Tûnah chuan mut ka mamawh berin ka hria."

"Ok, naktûkah ka lo kal leh dâwn nia." ka biangah chuan min rawn fawhsak zauh a.

"Alma naute chungchâng hi tûmah hrilh suh ang che aw."a chhûak tur chu ka hrilh leh sap a.

A rawn hawi lét leh a, mi rawn en vang vang pah chuan, " Ka hrilh hauhlo ang."  ti in a chhûak ve ta a.

..................................................................

ALMA....

Hmel ngui zet mai chuan, Rex leh Tim lo awm.na chu ka pan phei hnak hnak a.

Rex chuan min rawn pan vat pah chuan, "Eng thil nge thleng ?"i va hlim lo ve." min rawn ti nghâl pang a.

"Lexi nen kan inbia a," ka lo ti sap a.
Hlauhthâwn hmél fé a Rex chuan mi rawn en in," A mah a ṭha tak zet maw? "

"A ṭha leh mai ang, " tih chauh ka  sawi chhuak a.

"Eng roomah nge a awm? Ka hmuh ngei ngei a ngâi, a mah nen chiah q thil yam.tak sawidun na hun neih kan mamawh." a hmél a Lexi a ngaihtuah zia ka hmuh chuan, ka khawngaih zâwk hial.

Mahse he thil hi ka sawi chu a ngâi ngéi si a ti a ngaihtuah pah chuan, "Lexi chuan a hmu duh lo che." Zawi tak si hriat tham chang chang chauh hian ka ti ta sap a.

Ka thusawi chu a hre chiang hle a ni nfei ang, a hmel.chu a dur nghal khup khup a, ka thiam.viau bawk, chuti ang hmel.a put pawh chu ka rindan sa a ni, Lexi zawn nan.a tha leh tui a seng a, a theihna zawng zawng nen, tunah a zawng hmu ta cheng a, a zawn hmuh nu chuan lawm tâk a ruangin a hmel.a hmu duh ta tlat si lo, churi ang ngaihdan a nei a nih chuan a ni pawh a tlawm ngai ve khawp ang le, engpawh ni se, Lexi hi ka ṭhian ṭha tak a ni a, a lanah ka ṭan erawh a ngai ang, eng ang thil nge a va tawn tih kan hriat pui loh miau avangin a laka vui thei dinhmunah kan la ding lo hrim hrim.

"Thil âwihawm loh zet a nih hrep chu!" Min ngâi ve lutuk tih hi ka hria a ni. " a lo ti hrâwk a.

"Rex mahni a awm na hun thâwl a mamawh takzet a ni.Tûnah hian, Lexi rilru chu a buai takzet ang tih pawh ring thiam ve la."

"Thlaruk chhûng temeuh a mah in a awm tawh hrep a ni lâwmni Alma? Chuan mahni a awm a la mamawh cheu a maw? Tûnah chuan, min ngâi ve takzet ang tih hi ka ring a ni."

"Tunah chuan a duh emaw duh lo emaw, a mah hmu tur chuan ka kal dâwn , "tiin a sawi leh a, a thusawi a kal  tlang pui dawn tih lah a tilang chiang viau bawk.

"A hmu duh lo che Rex ,!Engkim ah khân a mawh a phur tir vek che a vangin."

Hospital a ni tih pawh hrechang tawh lo hian, " Eng maw?" Min tih khum tuarh a.

"Aw, a chunga thilthleng zawng zawngah khan a mawhpuh vek che a lâwm, Lexi ngaihdânah chuan, Victoria kha nupui a i neih a ring nghet bur a, chuan a mah kidnap tu Victoria a lo ni bawk ne......"

"A ni kha nupui ah ka neilo a ni tih te chu i hrilh a ni lawm ni?"

"Tehreng mai!"

"Chuti si, nih leh eng nge?"

"Ka hre bîk lo a hmu duh lo ve tawp che. Chu vânga hun thâwl pék a ngai ka tih chhan." Lexi hum nan chuan eng nge ka sawi leh ang tih pawh ka hre tawh lo, Rex lah chuan a mah hmuh a tum lui tlat mai leh nghâl, nau pai chunga a va hmuh chuan a dik dawn hauh lo tih lah ka hre tlang sa bawk si, engti ang takin nge Lexi brain chu an lo sukthlek sak tih lah ka hre bawk si lo, Lexi ngaihdanah lah Rex chuan Victoria kha nau a pai avang chauh a nei turah a dah tlat mai bawk si, thil kaldan chu a khirhkhan kual vel vek ni hian ka hria,  chuti ang thil a fel fai hun tur chu Lexi pangngai taka rilru a rawn put keh hun hunah chauh a ni tawh ang, chu chu Rex pawhin Lexi a duh ve tak zet anih chuan dawhthei taka alo nghah ve mai a ngai ngei ang. Mahse chuti ang thil zawng zawng chu Rex hi ka hrilh thei bawk si lo, Lexi fa pai chung chang thu lek phei chu Rex hi ka hrilh theilo hrim hrim, Lexi lakah intiamna ka neih tawh a vangin.

"Rex tunah rih chuan hmu lo  phawt mai rawh, mahni a inngaihtuahna hun thawl ṭha Lex hian nei phawt rawh se." Thâwk ka la pah hraih a.

"Chu chu a duh rih a nih chuan a ṭha e, mahse zanin leh naktûk zing thleng in ngaihtuahna hun chu ka pé ang.Tlâilam ah erawh chuan, a mah hmu turin ka kal tawh ang tih hi lo hrilh ang che." A tih tαk hnu chuan hmel ngûi zet chungin, a in her vut a, hnunglam.pawh rawn hawi let leh tawh lo chuan hospital chu a chhuahsan ta a.

Tim kan bula ngawi renga lo awm, kan inbiakna zawng zawng lo ngaithla ve reng tu chuan, "Rex a mawh puh a maw? Rex hian a duh a ni tih hi a in hre miah nange."

"Ka hre bik lo, tun dinhmun a tan chuan Lexi hian Rex hi a hmu duh rih lo pawh a ni maithei." Ti chauhin ka chhang.

LEXI ....

Victoria chu nupui ah a neilo tihna maw?
Mahse Don a nih loh pawhin, Rick a enga pawh chu a hming lo ni se chu hming hnaisailo zet mai pa sawi dân khân, Victoria khân Rex fa a pâi tiin a sawi a, an inneih dâwn chhan a Alma sawi dân pawh kha, Victoria a râi vâng a ni lâwm ni tiin ka ngaih tuah neuh neuh a, mahse engvang a nei leh silo nge a nih ang? A rai lehlo tihna em ni ang, khati ang chung chang an sawi rik ka hre thawi tawh tlat, chu pawh ka awmna hmunah Victoria a rawn kal a, thitura min hnut chhiah lai tak leh thi pawh ni ila pawi a tih loh lai khan chu thu chu Rick nen khan an sawi ri tlat a ni.

"Eng pawh chu nise tûn a ka fa pâi hi chu Rex hian a hre hauh tur a ni lo, ka theih veleh ka nu leh pa awmna ka pan vang vang ang tiin rilru chu ka siam fel ta a.

"Tun atan chuan scan ti turin ka in puahchah phawt a ngai ,"ti a phun chhuak sapin , ka taksa la chak vak lo tak chu ka chét chhuahtir a, bathroom lam chu ka pan ta a.

Tuilum a nuam ti zet a ka in phuh tir sang sang hnu chuan ka thawmhnaw chu ka ha a.

Chu tihlai tak chuan, ka pum a ka hmangaih ém ém naute chu a rawn che leh dat dat a.

He ka chhûngril a nunna tereuh té awm hian kha lâi hmun hrehawm zet a ka awmlâi pawh khân damchhuah duhna min neih tir leh a.

A mah a vâng liau liau hian tûnah hian nungdam in ka la awm theih phahin tum ruhna lian tak min pe a ni.

"Baby i lo pian chhuah hunah chuan tunge i chhûn ang ? I pa e maw i nu emaw chu i rawn chhûn ngéi ang a.

"Mahse he khâwvel ah hian, i pa hi chu i hre ngâi lovang." tih sap pah chuan ka sam chu ka khuih dalh dalh a.

Kawngka chu a rawn inhawng a. Chu lam chu ka hawi ve nghal a, Alma pawh rawn pén lut ve chiah,
"I zia awm deuh tawh em?" a rawn nui lut var var a, kei erawh ho te te ah ka nui tawh mai mai angai lo.

"Oh ka ring!" ti chauhin ka lo chhâng a.

"I lang duhawm tak zet !"a  ti deuh hlut a.

"Ka lawm e, " ti in ka chhαng leh sap chauh, "Ka nu leh pa te ka bia a." tiin ka lo hrilh ve nghâl a.

"Chuan vawiin chhûn test tih zawh ve leh hian kan in lamah ka thlâwk haw ang ."

"Thlawhna ah an phal dâwn em ni ? I râi lian tawh bawk si." Alma chuan, phâwk hra a mi en pahin a lo ti a chûl a.

"Doctor bulah helai a awm ka nih loh zia leh nauté ka neih hunah tûmah min buaipui tûr an awm dawn loh thu ka hrilh a, chuan min phal sak a lâwm."

"A nih leh Rex hi eng tin nge ni ta ang?"

"Engtin nge ni vak anga? ti.a, hriam hraih a chhαn pah chuan, Alma chu ka melh kawk a.

"Nizân a i hmu duh lo ringawt pawh kha, hrehawm a ti in a mangang lutuk a sin!"

"Uhh Rex in hrehawm a ti ve a maw? ka thil awihloh ber te zing a mi a ni ngei ang le." Ka tihkhum salh a.

"Ka hmu duh lo ti a ka sawi kha, thinrim lai a nih vang a sawi ka ni hauh lo a nia Alma, ka tan hian Rex hi a thi tawh, tunah chuan he ka pum chhunga naute vang chiah hian ka dam tawh bawk."

"A nih leh naute chungchâng hi hrilh i tum réng réng em?" A lo ti ve leh khauh a.

"Eng vâng chuan nge ka hrilh rîkngâwt a nga?" Naute pa pawh a ni hlei nem."

"Ka ring hauh lo Lexi, Rex fa ngei a ni tih hi ka chiang lutuk tlat."

"A ni lo ka tih chuan a nilo a ni mai.
"

Ka ṭhiannu pawh nimah sw ka vin kher mai, mi sawizawmpui.pawh tum.ta lo chuan a ngawi ta daih a, chu chu ka duh dan tak.pawh a ni. Rex hi ka tan a thi tawh a, thla tam.fe ka sun tawh bawk, a hma te kha chuan ka suangtuahna ah a bula awm nawm zia te kha, ka ngaihtuah chhuak leh a, zantin hian Rex chu ka ka tanna hmun hreawm takah khan ka kawm ṭhin a, ka hreawmna te ka hrilh ṭhin bawk a, chu chu thuhran, min rawn chhanchhuah hi ka ring ve bawk a, mahse chung te chu movie ah bâk a thleng ngailo tih te ka hre chhuak leh a, a ni.khan engtikah mah min rawn chhan chhuak ngai hauh lo ang, Rick lah khan a mah a vanga khung ka nih thu min hrilh ṭhin a, mi lainat zet a, Rex nenna kan lo inhriat a vang chiah a heti ang thil hi tawk ka nih zia min hrilh ziah ṭhin a, chuta ṭang chuan Rex chu ka haw tawp thei talo a ni. Mahse hei chu pawnlama a landan mai mai a ni a, tunah hian ka bulah awm leh ta ang se ka haw tak tak thei ang em le? Ka ring lo, chuvamgin ka tan chuan hetia a hmel hmulo a awm mai hi ṭha in ka hre bawk, kei chuan ka hmangaih a, a ni erawhin engtikah mah min hmangaih dawn chuang si lo a, he ka fa pai hi a hmu a nih ngat chuan mi pawh hmangaih lo a min neih kha a tum leh dawn a, chu chu ka thil.duhlih ber te zinga mi a ni bawk.

"A nih leh i ultrasound chu eng hun ah nge?" tiin thudang chu ah a pakâi san ta a.

"Tûnah hian, i lo kal ve duh ang em? " tih pahin ka lo zâwt lét ve sap a.

"Ka lâwm ngawt ang." tih pah chuan muang changin kan inzûi chhuak dûn ta a.

Nurse chuan ," kan zo ta e, engkim a nih dân tur angin a ṭha vek e , Lexi."

"A hmâ thla chhûng zawng khân hrehawm takin lo awm mah la, i nauté ah engmah effect a awmlo hi, i vânnei tak zet a ni." A hmanrua te tih fel leh mawlh mawlh pah chuan a ti a, ka dul a ultrasound a enna gel a tah chu mi hrukfai sak leh mawlh mawlh a, chumi hnu ah a bula hnawm bawmah chuan a tissue chu a vawm lut nghal a, kei erawh ka ngawi reng thung!

"Thu lâwmâwm tak a nih chu. "Alma chuan a lo ti ve hluai a.

"Naute hi mipa nge hmeichhia tih in hre duh em? " Nurse chuan a rawn ti dam leh thlap a.

"Aw khawngaih in, hriat ka châk tak zet." tihsap pah chuan, phûr zet hian ka lo chhâng nghαl thuai a, ka fa a ni a, pa a nei lo a, chuvang chuan kei lo midang han hre leh tur an awm chuangin ka hre lo, ka nu keh pa te chu nakinah ka la hrilh ve ang chu, ka nu ka biak khan ka rai thu pawh ka hrilh hre chuang lo.

"I naute hi christmas hun vél bawrah a piang  ang a, chuan fa........"

Nauté hi christmas vel bawrah a piang a nga , chuan hmeichhia a ni e."Nurse chuan a ti a.

Mitmeng de sar sar in nurse chu ka en chho a,"Wow ka little baby girl tur chu," ka ti chhuak sap a, ngaihtuahna erawh athui duh phian.

"Ahh, christmas ah little angel pakhat kan hmu tel ve dawn Lex." Alma chuan phur zet hian alo ti ve bawk a.

"Alma fa ka han nei ve mai tur hi ka hlim ngawih ngawih." Tunah tak chuan hlimlo theilo dinhmunah ka ding ni in ka inhria, fanu ka nei ve dawn ta chu a nia le, a rawn pian hunah phei chuan ka hlim.leh zual ngei ang le.

"A nu angin râl beitu te reuhté a rawn ni ve bawk ang a." Alma chu a nui chhuak hak hak a.

Ultrasound scan kan neih zawh hnu chuan, kan chhuak dûn leh ta a.

Alma chu ka hmalama din chaih pahin chiang kel kawl tak hian min rawn en a, ka kalna tur kawng a dâl a vang chuan ka ding ve lo thei lo."Lex i thil i tih tur ah hian  i chiang tak zet maw?" Min melh pah hrek hrek a.

"Alma tunah tak hi chuan engmah réng ka chiang tak tak thei tawh lo.Mahse ka kal bo erawh ṭha bera hriatna ka nei thung!" Ka dul lam chu zawi te te hian ka chûl pah hliau hliau a.

Ka thusawi lai chu chhunzawm lehin, Alma hmel ngui zet chu tum ruh hmel taka melh chung hian,"Ka nu leh pa pawh hmuh ka duh ve reng reng bawk a...."

"Ka hrethiam lutuk a lâwm! Mahse engtik ah nge Rex hi nauté chungchâng thu, i hrilh ve dawn?"

"Ka hrilh tawh che kha a pa a nilo tiin!"

"Lexi !! "

"A pa a ni tih hi ka chiang a, a nilo midang tumah an ni lo ang, chuvang chuan a pa anih na ang ngeiin a hriat ve hi a thiang hul hual bawk, tunah chuan ka hrethiam rih ang che, mahse i hrilhlo a nih zawngin ka thiam thei ngai hlek lo ang che, chi chu thuhran nirawh se, keiman ka la hrilh tho tho ang." Min melh rum khum âl a.

"Aw le , aw le ,ka la hrilh dawn nia, mahse thil engkim, ka ngaihtuah fel phawt erawh a ngai ang."

"Aw le, tirawh anih ka va thlah ang che, chuan i thlen veleh chanchin min rawn hrilh ve ngei ngei dawn nia." Thawmhnaw ken tur ka neilo bawk nen, a hma a Alma ka lo chah lawk tawh ang khân, inlama ka pheikhawk bun tur tlem a zawng min rawn ken sak chu mini suitcase ah chuan ka khung a, ka thawmhnaw ho erawh pakhatmah ka keng tello, engvakmah ka neihloh a vang chuan ka insiam reilo hle a, hospital a ṭang a engmim.kan tih fel hnu chuan a rûk thei ang ber leh mi min hmuh loh theih ang ber turin, fîmkhur zetin, Alma car ah chuan kan ṭhu lûta, Airport lam chu kan pan dûn ta a.

Kalkawng kan tlân par par lai chuan, Alma chuan Tim nen an in tawn ṭan dan chanchin vel te chu a sawi a, kan nui pah dun hak hak a, Alma ina chuti khawp a Tim a hmangaih chu ka lawmpui viau bawk, mahse a unaupa ang mai a mi rilru tihnat hrat anih loh ngei ka duhaak pui hle bawk, Alma in a chanchin a sawi lai chuan reilo te chhûng chu ka hlim ve a, ka lungngaihna te chu ka theingjilh ve mai bawk a, Mahse keimah ah kim loh tlat na awm ṭhin hi ka hrethiam lo, chu chuan lungngaihna leh hlimlohna ah bawk min pawt lut leh zel.tho.

Engvangin nge Rex hian, Victoria hi a neih loh chhan? nâu a pâi ve tho si a , tih chu ka rilru ah a lian ber.

Keimah vângin emni ni zâwk? keimah vâng a lo nih phei chuan, kei chu an mahni hlat thei ang ber ah ka awm ang a, ti chuan engkim a dik vek tawh ang.

Kei chuan mahni inhnem na turin, fa ka nei tho dawn a, hetia mi inkar a lo tlâk zeh hi ka duh zawng a ni bawk hek lo. Kei ka awmlo ang a, an pahnih inkar pawh a fel leh maiin ka ring, Rex hian min hmangaih lova, a fa ka pâi ve mai a vang hian, min neih te a tum lui ve ang tih hi ka hlâu a ni.

Airport chu kan thleng ta a,
Alma chuan, "I thlen hun ah chuan, tlûangtakin i thlengtih hi min rawn hrilh ngei ngei dawn nia aw, chuan MrsLogan leh Mr.Logan kha min lo biak bawk dawn nia, kei pawh naute rawn hmu turin christmas hma a rawn zin ngei ka tum.dawn nia. " tih leh sap pahin, "Lex ka ngai dawn hle mai che." Min rawn kuah vang vang a, a inlâk hran leh hnu chuan a mittui parawl kiang chu a hru nghal mawlh mawlh a, keipawh chu ti ang tho chu ka ni, Alma hi ka ngaidawn hle tih chu chiang sa a ni.

"Tehreng mai mahse, nauté chungchâng hi Tim pawh lo hrilh miah lo turin ka duh che a nia, keiman hun ka tih hunah chuan ka la hrilh ve mai ang, Rex pawh lo hrilh lo la, tikhan Victoria nen hlim takin awm turin ka duh, kei ka awmloh chuan an ni pawh ṭha takin an inkawp leh mai ang...."

"Lex, Victoria kha....."

"Nilo, an chung chang thu engmah ka hre duh tawh lo, duhleh nakinah ka la zawt zawk ang che, Rex pawh keiman hun ka tih hunah naute ka neih hma ngeiin ka la hrilh ve dawn nia."

"Ka tiam a che. ka lo hrilh hauhlo ang, ni e, Rex leh Victoria chung chang pawh ngaihthlαk i inpeih hunah chuan min rawn heilh la, engkim ka lo hrilhfiah vek dawn che nia, i sawi angin, tunah rih hi chuan boruak dang han hip.te pawh i mamawh ka ring."

"Ka awih theilo zâwk nang leh Tim hetia in han awm hi." Hlimhmel pu lui hram hram chung chuan ka  nuih lét sak a, Alma hian hetianga a hmangaih tak a han tawng hi ka lawmpui a, mahse tun dinhmunah chuan ka ṭhiannu ngei pawh ka nuih pui bâwk bâwk theilo tlat, ka inthiamlo ru hle bawk.

"Ka hria a âtthlák takzet ti raw?" A lo ti lét ve mai bawk a.

"Mipa ṭha tak a ni." ka tih khum sep a.

"A unaupa Rex ang chuahin, zaidam thinthawk mizia a nei." a lo ti ve nghat a, Rex hi zaidam tbinthawk nei a ni dawn em ni? La ti rilru hial, hmeichhe mi tak a ni tih lio hi chu ni e, a mah ah pawh sawiselna tur ka hre vak lo, mi elhsen a ching tih mai loh chu! Chuti ang thil ngaihtuah vak vak tur ka ni lo.

"Ka kal a lo hun! Ka ngai.ngawt ang che."  Ka ti ta zawk a, Alma chuan min rawn kuah leh zauh pahin, "Ka ngai dawn hle mai che." Christmas jma zawnga kan in hmuh leh hma zawng chu kan in mangṭha ta rih a.

.................................................................

REX......

Ka office a ka ṭhut lai chuan, ka rilru ah Lexi a lo lût a, tlâilam ah chuan ka hmu tawh ang a, nimin te kha chuan, a mah a la chiâi em a , chuvang pawh a ni mai thei, min hmuh hunah chuan min mamawh ve zia hi, ka hriatchhuah tîr leh ngéi ang. tih chu  ka ngaihtuahna a ni. Chutia phur zeta chung thil.vel ka ngaihtuah kual lai tak chuan, ka phone a rawn ri a.

Ka phone chu a screen ka en hmasa phawt a, Paul a lo ni a, Paul phone hi ka chhang lo khαt khawp mai, ho mai mai thil.sawi turin min rawn be zen zen ngailo tlat a. "Aw, Paul."
Paul chuan Lexi in, hospital a chhuahsan thu min rawn hrilh chiah mai chu, ka phuzawk mai .
Thinrim zet chung chuan,

" Eng maw i sawi a, Lexi chuan hospital a chhuahsan i tia lo? "Ka insum.hman lo, ka âu chhuak pah ṭhawt bawk.

"A nih khawiah nge a kal phiangsen ?"

"Alma bulah hrep maw a kal a?"

"Aw le nakin ah ka rawn call leh dawn che nia." phone chu ka cut hmak a.

Nikhat lek pawh a lo kir loh in, Lexi hian min ti â zo tawh a nih ber mai hi! tih chu ka ngaihtuah a,Alma nen an apartment lam pan tur chuan hmanhmawh zet hian ka in khalh chhûak ta nghâl a.

Lexi chu damdawiin lama la hahdam.turin ka tih tehreng nen, engvang Alma ching cheng chuan lo hruai chhuak.nge a nih reng reng le? Thil eng emaw fello a awm a ni ngei ang, harsa takin ka hmu chhuak a, chαæănawnleh hi ka duh tawh lo, a ni in min hmu duh rih lo pawh nise la, Alma nen a an inah chuan a cheng tawh hauh lo ang, ka penthouse lamah ka hruaiang a, ka vennna hnuaiah ka awm tir tawh ang lo tih rilruk nak alaia engvanga Alma chuan lo chhyahpui nge anih hrim hrim, a ṭ5annu hian heti ang thil a tawh leh hi a duh emaw ni zawk chu le, a mah kidnap tu te pawh kan man hma hma in, oh hreptak hlawm chuan, hremhmunlamah thlawk bo vek teh se. Ka car wheel chu ka chum pah dawt a, Alma leh Lexi ka hmuh hunah chuan an va  chak dawn lo rua em.

Alma chenna hmun chu ka thleng ta thuai a, doorbell chu hmanhmawh zetin ka hmet châ chi, Alma aw ngei chuan min lo chhawn a, kawngka a kalhloh thu a rawn sawi a vang chuan ka pawt hawng nghal lawp, fimkhur nachang pawh ala hrelo chu a niang a, hmeichhua kidnap zawh hlim.hlawl kawl tur atanchuan Alma hi ka ring hlawl lo, nge Lexi a buaipui rih a vangin a hmanlo zawk?

Inchhungah chuan ka lut a, mahse Lexi hmel.ka hmu ta hauh lo mai, he nu hian kalak a ṭangin khawiah nge a thuhruk hrep chu le? Tih zawhna keimah a a awm a vang chuan Alma chu ka melh rum.hle bawk.

..................................................................

ALMA......

Lexi Airport a ṭanga ka thlah zo chu in ka thleng deuh chiah a.

Door bell a rawn rîk nghâl a vang chuan, Tim a nih ring in " Lo lût rawh tiin ka va au lâng lâng a, keipawh chu living room lamah chuan, ka phei ve nghâl bawk a, mahse inchhûng a lo lût chu Tim alo ni awkawng lo Rex hmel rum tak mai leh thinrim.hmel zet chu ka va hmachhawn ta zawk a, a hmel put dan rapthlâk zet mai tualthah pawh pawusa lo ang hial hmel a putna chuan min ti hlαu tak zet, ka khur ru dar dar bawk, Lexi i naute pai ka zep sak che a ngaih a vangin hetiang thil hi ka tawn a ngai si chu a nia, heilo pawh thildang eng tak la tawk zel ang i maw? Ka ti rilru hial, tunah tak hi chuan heti.khawp a Rex hmel rum hi Tim tello hmachhawn chu ka zuamlp hle bawk, Tim chu rawn kal tel ve se ka ti ngawih ngawih.

Oh engvâng a lo ngaihruat thiamlo nge maw ka nih zâwk chu le? Tun lawk khân Lexi chu ka va thlah a, hei chu thil thleng ngei ngei tur a nia lawm tih rilrûk neuh neuh pah chuan,"Hi Rex,! "Ka ti ta sap a.

A hmélah chuan a thinrimna chauh pawh nilo in, pawi khawih duh hmel hi a pu a, pawisak a neihloh hmel hle bawk, Lexi bula ka sawi zaidam thinthawk kha a lang ta te pawh a ni mahna.

"Hi, Rex ti pawhin min ko duh suh!" A aw chu a chher chuai niber hian ka hria, min ti phu zawk bawk, a hmelah chuan a chauh hmel em em a, mutmu a hmu ṭhatlohna a rei tawh hle tih hi a hriat reng, chutiang bawkin a meng â phût bawk.

Hlauhthawnna chuan min ṭham.er er in.ka hria.

"Khawiah nge Lexi a awm sawi rawh Alma?" a ti nghâl tawng a, a thusawi tur mawihnai taka pehhel.kual lah a nei hek lo.

"Enteh Rex......."

"Khawiah nge a awm, khawiah nge i thuhruk, ka tih chu?"  tih leh tuarh pahin, bang chu a chum dawt mai a, min ti phu ngun mawlh mawlh viau mai, a hmélah chuan a thin pawh a rim zia leh a beidawng rûk zia ka hmuhsak thei hialin ka hria.

"Hey, in bengdai hmasa phawt teh!"

"In sawifiah na hun second hnih chiah i nei , khawiah nge ka Lexi hi a awm Alma? " tih leh khur khur pahin, "A nih loh chuan ka thil tih turah hian, a mawh ka phur hauh lo ang. "a ti leh hrâwk a.

"A kal tawh !! "ka lo ti tawi tak a.

"A kal tawh a maw???"

"A nu leh pa bulah a kir tawhRex."

A meng dul ta ruih a, a ngawi vung vung a, ngawi rengin a hma ang khan a chhuak mai dawn emaw ka tih tawh hial hnu ah a rawn ṭawng chhuak leh sup a,
"A ṭha e, chutah chuan, a awm theih beisei phawt ang." tih pah chuan, kal mai tum hian a inher ta nghut a, a beidawng hle tihpawh ka hria, ka kawngaih ve ngawih ngawih, engvanga Lexi chuan Rex hi insawifiah tur a chance pe duhlo nge a nih ang? Ka ti ta rum rum.

A kal mai tur chu auh lét leh pahin, " A mah hmu turin kal i tum na nge?" tiin ka zâwt ve khauh a, mak pawh ka ti viau bawk, Lexi nihna diktak ka hlrilh theih rih lohna a vang erawh chuan ka inthiamlo hle bawk.

"Ka lan danah hian, chutiang a hmeichhe ûmzui dur dur hmél chu ka pû emni? " min lo tih khum ta erh a.

"Kal la, va hmu ringawt mai rawh Rex." Ka la ti fan tho.

"Engvang teh chai chuan nge, chu thil chu ka tih ngawt ang a, hetia a awmdan a ṭang hian ngaihdân chu a ti chiang tawk thawkhat viau lawm chuan ka hria, kei ina ka lo va umzui na chhan tur reng a awm.ka hre lo ve."

Ka thin a rim ve ta kher mai, a tu a te ve ve mai hian inhmuh dun an ngai a nih hi, inhmu sela, anpahnih nfei chyan inbe mawlh teh se, chutilp chu thil a kal khawlo vek dawnin ka hria , 

"Min ring la, va hmu ringawt mai rawh." ka lo tih khum ve hlar a.

"Nah, A duh chu a thlang fel tawh a lawm , "a la ti leh bauh a.

"I kal lo a nih chuan, pawi tiin, i la inchhîr khawp ang Rex."

"A nih address?" a rawn ti ta nghut a.

"Minneapolis." ka lo ti sap a.

"F*ck sake, chutiang thleng teh hrep chu kal turin, hun ka nei reng reng lo."

A ṭawngkam a ṭang kha chuan a kal ngei erawh ka ring ve tlat.

"A address kimchang takin min rawn thawn ang che." A ti ve ta nghut a, a chhuak zui ta daih a.

Rex min chhuahsan hnu chuan ka hriat tur tawk lekin ka phun chhuak a,"Sorry Lex, mahse chanchin kimchang takin ka hrilh hauhlo a nia,"  Rex number ah chuan minneapolis chungchâng leh Lexi awmna address chu ka thawn ta a.