INTOXICATE CHAPTER 10

INTOXICATE CHAPTER 10

LEXI.........




Vawiin chawhnu lam pang chu tih tur em em pawh ka hre lo a , kan apartment bulah chuan park a awm a, in tih harh pahin ka va tei kual a, naktûk ah office kal leh mai tur ka nih a vang chuan ka ngaihtuah na a thil tam lutuk chu tih thawven ve deuh ka duh a ni.



Park a boruak thiang tak mai kara pangpar rimtui zet nam chem chem ka hîp lut raih raih a, ka harh deuh kawk in ka hria, ka phone ah chuan message a rawn thleng a ni tih hriat zet mai chuan ka kekawr pocket a ka phone dah chu a ri nghawr dar dar a, rang zet a phawrh chhuah pahin ka en nghal vat a.




Rex text message a lo thleng ve teh mial .


Kan in hmu khât in kan in be khât tawh hle tih pawh ka hria, khami zan aṭang phei kha chuan vawikhat chiah min rawn call ve a, chu bak chu a reh vang vang a, tunah a rawn ti leh chauh a, karkhat pumhlum ṭhak chu kan in hmu tawh âwm lo ve, min rawn text na ka hmuh ringawt pawh chuan ka lung a chhe lek lek zawk a ni.



A text chu ka open nghal a , chhiar pah chuan ka nui chhuak var var bawk a.



#Lex kan in hmuh a ngai.
Tih zawng té pawh nimah se min ti hlim veng veng tho mai.


# Tehreng mai khawi hmunah nge, engtik hun ah nge ni ang?



Message dang chu a rawn thleng leh nghâl a.


#164 Sycamore Road Somon hmunah zân dar riat vel ah rawn kal la, nangmah chauhin ni bawk rawh se, i rawn kal tur thu pawh hi tumah hrilh lo bawk la.


#ok, engkim a ṭha vek maw?


# Kan in hmuh hunah ka la hrilh vek zawk ang che.



Eng thil tak chu ni ang maw? Ka ngaih tuah pah neuh neuh a.


Eng nge a chhan ni ang? Ka kal tur thu tumah ka hrilh dawnloh chhan, tih te thleng thleng chuan ka ngaihtuah tel lo theilo; thil kal dan hi a hnawk deuh nuai ni ber in ka hria, a ngaihna tak pawh ka hre thiam tawh bîk lo.



Engthil emaw tak zawng a hria a ni ngei ang. Ti rilru neuh neuhin, kan apartment lam chu zawimuang in leh hmangmawhna nei hran pa chuang hauhlo in, ka pan ta hnak hnak a.



Inchhûng ka luh hnu chuan, Alma chu a room lamah a awm nge awmlo ka en hmasa te te phawt a, a ni chu tui zet a mu hian ka va hmu a, a car ka hman sak thei, ka nuih sak hnu chuan shower ka hmang leh te te phawt a,  dinner ka ei fel dim diam a, chu mi hnu chuan, muang chângin ka insiam ve ṭan ta a.


Leather jacket dum hâk turin ka la chhuak a, zanlam a ni nen a vawt  var mai a, chu lovah ka kalna tur hi zan lama hmun lum ṭha tak a nilo ve hranpa reng reng bawk nen, ka hriat dan chuan thing hmun a ni a, heti ang hmunah chuan in pangngai tak tak awmlo in, mi hausa tak tak in cabin an neihna hmun a ni. Chuti ang hmuna jacket hak chu a tih chi hle ang.


Ka jacket hnuai a hâk tur in kawr ban bul hring dal raih chu ka la chhuak leh a, skirt chhîng fe mai  la chhuak lehin ka ha nghal sawk sawk a.



Ka sam chu ka vial kawi leh bawk a, lipstick sen tak hlar mai ka in hnawih zawh leh hnu chuan ka inpeih ta tak zet e.




Dar zât hre turin ka phone chu ka bih zeuh a, dar sarih leh a chanve chauh a lo la ni. Mahse ka kalna tur hi a hla reuh phian mai, khawpui pâwn daih a ni leh nghal, ka hmanhmawh deuh erawh a ngai ngei ang.



Mak erawh ka ti rilru khawp mai, eng emaw tak thurûk hriat a nei a ni hrim ang, hetia a tihna hmuna min hrilh kher a tum chhan pawh hi,pheikhawk dum hniamté ka inthawlh leh hnu chuan Alma Car awmna lam pan chuan, ka chhuak ta nghâl a.



Pawn ka va chhuah hnu chuan boruak chu ka rin ang ngeiin a lo vawt var tawh a, jacket chu ha fuh ka in ti phian,Rex hmuh ka châk a, ka phûr rual rual in , khawpui pâwn daih daih a min hmuh a duh na chhan awm reng ka hre hauh lo thung, ka ngaih a ti ṭhalo lam pang deuh chu a ni.


Car chu start nghalin, Rex min lo hmuahna tur hmun lam chu ka pan ta a, Alma tan text message ja hnut chhiah bawk.




Ka rindan ber chuan a Company a thil tiru tu kha a hrechhuak tawh a ni hrim hrim ang tihna rilru chu ka nei nghet bur mai a ni.



Kal kawng tluana eng thil nge min hrilh ang tih ngaihtuah buai reng reng a ka awm hnu chuan Rexa'n kal tur a min tih na hmun chu dar kar tam ve ka tlan hnu ah ka thleng ve ta hram a.


Hei hi a ni ngei ang, he ta hi a Car pawh a awm a lawm, ka kar chu ti dingin, car a ṭang chuan ka chhuk a. Ka car ding thawm ah chuan kawngkhar chu rawn in hawngin, a mah Rex ngei mai chu a rawn pén chhuak ta thauh thauh a.



"Lexi he ti lamah." rawn tih pah chuan, ka lam chu a rawn pan ve nghal a.


Ka bul a rawn thlen hun chu ka lo nghak tawp, a chhan chu a hmel ka hmuhlohna a rei lutuk tawh a vang chuan ka lung a ti chhe lek lek zawk, chu a hmel pa zet leh ṭha zet chuan ka taksa pum pui mai chu a ti khawng tlat bawk, ka bul a rawn thleng, ka lo kuah nghâl vat a,"Ka ngâi lutuk tawh che." ka  ti pah sap a.



Pawn a light chhit éng chuan a hmel chu a chhun chian em a vang chuan, a hma aiin a hmél te pawh chu a tla ve dûk in ka hria , a biangruh te pawh chu kî deuh sawtin, a biang pawh chu tlémin a thâwp deuh hian ka hre nghe nghe a, chu thil chu a hma aiin a nasa leh zual tawh zawk.



"Chu ti ang khawp a min lo ngaih vang chuan em ni, i skirt rawn fen te pawh hi i tan chhîn belh chhan ? "a ti leh deuh sup a.



A ṭawngkam te chu a ngâi ang chiahin a la ngeiawm tluang zel, a hmel ka han en chho a, mi nuih zat tak hmel a put pawh chu a ka ngai reng.



"Ka skirt lam hi chu ngaihtuah duh suh! " tih deuh nghat pah chuan, ka hmui chu ka tih pawrh khum deuh tarh a.


"Engvang mi rawn biak pawh tum miah lo nge i nih?"



"Lo kal rawh inchhûng ah kan sawi dawn nia, miin min hmu ang tih a hlauh awm, he thil ah hi chuan risk ka la huai ngam lo teh a nia." A banah chuan a hmer chawt a, a inher nghal vut bawk a.



" Engvangin maw?" Eng nge thil thlen dan hi?" Ka kut a vawnna chu tâl pît ka tum, keima'n ka va pan a, chutah pawh a thu ka awih ala ngai diam.diam tho tihna em ni? Chu vang chuan ka melh rum kher mai, a ni erawh chusn a tukhum min chhawn tlat thung!


A rawn inher leh a, ka ban reka mi la vawn sak reng chung chuan,"Babe inchhûng ah." tih pah chuan ka duh emaw duhlo emaw ngaihtuah hauh lo in, inchhunglamah min kâi lût ta nghâl a.


Inchhung kan lut ka kut vawnna a thlah a, a mah chu zui turin min mit mei a, engnah erawh a sawi lem lo, chu inchhung chu pawn lam ang kha chu a ni hauh lo, pawnlam a ṭang chuan in ding pangngai naran ve mai hi a ang a, mahse inchhung erawh chuti ang chu a ni hauh lo thung, Rex chawlh hmanna pakgat leh bawk a ni maw ka ti rilru pah neuh neuh, inchhung bungrua te reng reng chu a changkang hle a, chu in tlawm tak mil tur tak a tih nitho mahse man tam.zet zet an nihlawm.a ni, inchhung thil furniture reng chu oak thing a siam.a tam hle a, a hnum hlurh vek mai a, choka lamah chuan thuk mei tuah a lo alh hlap hlap bawk a, a bul maiah chuan sofa palhat lian ṭha tak mai a lo in hung ran bawk a, Rex rawn chhuah hma a alo ṭhutna niawm tak a ni.

Chu hmun chu kal pelin room pakhat hi a namhawng a, kei chuan ngawi rengin a hnungah ka zui ve mawp mawp bawk, eng chung chang mah a sawi leh lo a nih ngat zawngin, zan in hi chuan eng thil nge thleng tih erawh ka zawt chhuak tho tho ang tih rilru ka pu tawh a ni.


Bed room nalhzet maiah hian, min hruai lut a, "Ti kha chuan kan him ta e." a phone chu min khawihsan leh ta daih a.



Ka lawmlo kher mai, "A nih leh, eng nge thil awmzia tih chu, min hrilh thei tawh ang em?" Ka zawhna chu a chhân ka phut tlat bawk, ka melh chho kal bawk a.



"Lo nghâk phawt rawh! Engkim ka hrilh thuai ang che. Chumi hma chuan, phone call ka'n hmang hmasa lawk ang e." A phone chu a bengbul ah chuan a dah vang vang a.

REX...

Paul number chu dialin ka veng bulah ka dah vang vang a, Lexi ka ngaihven hma in Paul chu kan awmna hmun hrilh a, min lo ngaihven lutuk lo turin leh Victoria in a lo zawh pawh a, chhan dan a thiam mai na tur chuan warning pek hmasak phawt ka ngai.


"Barrett keimah ka nia, tunah hian secret location 3 ah ka awm mék a, tumah lo hrilh lo ang che, a bîk takin Victoria pawh kha." phone chu ka cut zui ta nghâl a.



A lam chu hawi chhuah leh pahin, "Babe, eng ti ang chiah in maw min lo ngaih ve a ?" Ka nuih pah suk a, ka sawi tur ho Paul hnena ka hrilh hnu chuan ka thla pawh a muang deuh sawt.


"Nasa takin," tih pah chuan, " Nih leh eng thil nge thleng ta tih hi min hrilh thei tawh ang em Rex?" A tih zawm leh sap a.



Lex chu thil engkim mai , kan in hmuh loh chhûng kar zawng zawng a thil thleng te leh, Victoria chuan zui tu a neih a a rin thu te thleng chuan, ka hrilh fai ta vek a.


A hmelah chuan a ṭhawng viau tih pawh ka hai lo, a mit meng lian kel kawl zet leh pawl rαm chu a meng len belh hle a, a ti hlâu thawng hle bawk tih ka hre thei !



"Chu zawng té chu a ni e, hei vang hi a nia, keini pawh kan fimkhur a ṭul em em na chhan chu!" a mit ah chuan chiang zet hian ka melh chhuk a.



" Tunge thil tiru tu tih hre chhuak turin zawn chhuah hna Berett chuan ngawrh takin a thawk i tihna em ni?"



"Tun kar a kan in biak dan aṭang kha chuan,  a bawh zui nghal char char a, a zawnhmuh thuai theih pawh a in beisei ."



"Rex hlauh thâwn awm ah ka awm em?" Hlauhthawn hmel zet hian a ti chhuak sep a, a kut chu a suih zauh a, a khur dar dar bawk a.


"Awm lo ve , hei vang hi a nia, ka lak a ṭang a hla tak ah ka dah rih  chhan che pawh , heti anga ka ngaihsak zia che hi, pho lana a awm kher hi ka duh dan a ni lo."



A dinna lamah chuan ka pan phei nghal ruak a, ka taksa ina ka hnaih phei chiah a meng phi nghal chiai tih ka hai lo, kei oawhin ka ngai a, a taksa pum pui mai chu ka thlahlel ve ngawih ngawih.

He nu ka ngaih ṭhin zia kha ka hre chhuak leh a, ka ngaih em a vanga, hetia he hmunah pawh ko ta hi ka ni remg bawk a, a taksa pum pui mai hian thlamuanna leh rilru hah tak ka awmna lak ata min chhawk thei tih ka hre chiang hle bawk, a ni chuan ka tawrh ang hi tuar ve lo se ka duh a, chuti anga ka duh ang ngei chuan a awm reng bawk tih pawh hai rual lohin, ka hmuh loh chhung te kar lek pawh khan a hmel chu a nungin a sen siah mai a, a duhawm hle bawk, mahse min ngaihzia leh min thlahlel ve zia erawh a tilang chiang ve hle a, chu erawh zep a tum hran pa lem lo.


Lexi hi ka tâ bil ni turin ka duh a, a tello chuan ka awm theilo tih lah ka pha hek lo, mahse chuti ang thil hriat tir tur erawh chuan a la hma viau a, hrilh hun lah a la ni hek lo.

A mit meng mawi zeta mi ngaihtuah hmel taka min enchhohna ringawt pawh chu ka tan tawrh har tak a ni sa tawh hrim hrim.

LEXI....


"Tun ah chuan engmah sawi tawh lo ang." ti in, a mitmeng ril ṭam na a khat chuan ka taksa pumpui mai, ka chhîp a ṭang a ka ke lér thleng chuan a melh kual leh dun dun tawh a.



A aw sexy zet mai leh thâwp sut mai chuan, "Tunah chuan, i thawmhnaw te hi phelh darh in, engtiang chiah in nge min lo ngaih tawh tih hi lantir na hun ni tawh in ka hria." A hmel thutak hmel run reng chuan nuihmel hi a rawn pu a, min siai khum.pah zauh bawk.



Ka melh chho kal a, a hmel pa zet  leh ṭha zet mai chu ka en ning thei bik lo. A mitmeng thim ruih mai ah chuan pil leh ta riai riai a inhriatba hian ka khat zo leh vek tawh bawk.



A kut zung ṭang sei thlurh mai chuan, ka hmai vel chu a rawn chhui kual pah dun dun a, chu tia a kut hrawl zet mai in ka biang a rawn tawh na te chu, a zâ chiai chiai a , mei sa tak kan ang mai hian a sa pah hat hat mai bawk .



A chung chang ka ngaihtuahna avanga ka heh khur deuh dar dara a rawn fawh tâk siah chin ah chuan engdang mah ka ngaihtuah leh thei tawh lo. A hmui fawh nuam zet maiin chhân lét phut zét leh zei tak mai a min rawn fawhna a vang chuan ka taksa chu a zâ chhuak vek thei hial a ni.



Chu a kut hman thiam zet mai chuan min fawhna chu thlah hauh silo hian, zei zet maiin ka thawm hnaw chu a phelh pah mawlh mawlh bawk a, ka thawmhnaw zawng zawng chhuatah a theh thlâk vek hnu chuan, a kut lâwngin ka taksa chu a rawn khawih ṭan ta a, ka taksa chu nawmna hian a rawn tuam nghal chiai chiai bawk a, awmngaihna reng hriat a har keh tak zet tawh, vawt ti ta viau ang mai hian ka taksa chu a mur ar ar a, mahse vawt erawh ka ti chuang hauh lo, chuti ang khawp chuan Rex min khawihna avang chuan ka awm theiin, a kuta min tawhna ringawt pawh chu ka taksa chuan a lo dawngsawng ṭha thei em em reng mai a ni.



Min rawn tawhna a piang mai chu electrict current man ang mai hian, a khawilai mai pawh chu a hik chiai chiai zel a, ka chhûngril zawng zawng chu zâ chhuakin a lum nghal pup pup mai bawk a, ka in control leh thei dawn tawhlo tih lah ka hai hek lo; chupa ka duh ang nasa zet chuan, midang hi ka duh leh thei ang em aw....tih hi ka in zâwt rilru hial a ni.




Ka mit ah chauh pawh nilo mi dang mit ah pawh he pa hi chu a ṭha filawr lak a ni tih pawh ka hria.


He ti em em.mai a, mi hîpna ngah mihring pawh hi ka la hre ngai lo.



Ni rei tak chhûng he thil hi ka lo nghah tawh ṭhin a nih a vâng chuan engmah rengin a tih chhiat hi ka phal thei mawlh lo.



Khum ah chuan zawi te a min mut tir riai riai chungin, a ni pawh chuan a thawmhnaw chu a phelh ve ṭan ta a, a châk ve tawh hle a ni tih ka hriat theih na chu a mitneng thûk ruih mai a meng phi ve chuai tawh na chu a ni. Chutah a thawmhnaw a phelh pah a a kut khûr ve dur dur te chuan a in sûm theilo ve tawh hle a ni tih min hriat tir bawk, a thawmhnaw hak a duh anga a phelh ran theihloh avang chuan a rum nghut a, αnchhia lawh hluk oah hian a chek pah hluk bawk a,tisa chákna a vang chuan kan chezia pawh chu kan phûr dun tawh takzet; a tak ram thlen dun thuai thuai chu kan duhthusam ber a ni tawh, tûn ah chuan Rex chu ka chungah rawn bawkin, ka taksa nem tak mai chu a taksa khauh ṭang mai chuan a rawn delh thuah ta a.



Ka hmui bul sét a phun leh sup pahin, "Ka ngai lutuk tawh che." Tih hi a aw lawi deuh lek lek chuan a sawi chhuak sup bawk a.


Zah a vanga sen ap ap pahin, " min ngai ve maw?" Ka ti chhuak thei hram, ka aw chu a tawp chiang hle bawk, he pa lakah hian ka zâm ngawih ngawih zel.



"Tehreng mai, ka ngai tak zet zet che."

Ka kapkar lamah rawn tla zep ve nghâlin, nawmna nasa tak in pe tawn tur chuan, a mipatna hrawl leh khawng zet tawh mai chu, ka chhungril lo huh deuh pâr tawh leh nâl ṭha zet ah chuan a rawn nawr lut leh ta zawt a. Nuam tawrhna nasa zet mai chuan, min  zém leh chiai chiai tawh, a ni pawh chu chunglam a ṭang chuan a nuam tuar thâwm aw rawl chu chhuah ve pah a rûm ve ṭuah ṭuah chung chuan, a thaw pah hawk hawk bawk a.



Hepa hi chu ka hmangaih tak zet a ni, 'ka ngai lutuk che' tuh thu a sawi laia a hmel thutak zet leh tawrhna nasa zet mai kha ka hmuhhmaih hauh lo.



Ti chuan a vawikhat na a tan , a hmui chuan sawi chhuak lo mahse, min hmangaih ve takzet a ni tih rinna min neih tir a .....



Chu zân chuan eng thil nge a hriat tehreng pawh ka hrelo. Hmangaihna chu vawili lai mai kan chén dun tehreng a nih kha, mahse min khawih phur dan leh mîn tih phûr kual vel dan a thiam em a vâng chuan vawikhat mah ka hne chhin eih lo. Kan pahnih chuan chau dûn tak hi kan ni ri ngawt!



Reilo te kan mu a, min kai tho in min hman pui leh thei zel a, chu tiang chuan zanlam ah mu tho siin , a tûk awm tawh dâwn lo ang zia zâng in, kha kar khat chhung teh meuh mai min hmanpui tawh lohna kha zânkhat ah a tlingtla a ni.


THE NEXT MORING...

Zîng a lo nih chuan, harh hmasa zâwk ah ka ṭang a, nizân kha a che nasa si a, a chau viau ang tih ka rin a vâng chuan, a bân lian zet a min  kuahna chu rit ti tak leh zo leh zo lo  chungin zawi te in, a mah tih harh hlâu tak chung chuan ka dah sawn sak riai riai a, kei ngei pawh ka na deuh ṭhum mai, bathroom ah chuan lûtin, ka in silfai nghâl a; engmah inthlâkna thawmhnaw tehlam pawh ka ken loh a vang chuan ka kawr hâk ngai bawk chu hâk chhuah leh ka ngai dawn tih ka hre reng, chu vang chuan ka thawmhnaw chu ka in bel duh ting tang lo.



Vanneih thlâk zet a under wear leh bra spare ka lo ken a vâng erawh chuan, ka lawm hle thung! Hei erawh hi chu khawi hmunah pawh ka keng tel ṭhin! Ka in tih fai hnu chuan a bâl chu ka bag ah khung lehin, bra leh under wear nen chauh chuan, kitchen awmna lam chu ka pan ta a.


Kitchen lam ka va phei chuan fridge ka hawng nghal a, thil chhe har tur chi a lo awm ṭeuh a, Rex hian a lei chawp nge niang a awm sa zawk? tih rilru pu chung chuan bacon fry tur leh artui leh bread chu ka la chhuak pah nghâl.a.


Gas stive ah coffee tur ka chhuang kai a, breakfast siam tura ka lo in puahchah malh malh laiin, ka hnunglam aṭangin Rex chuan ka kâwng ah a rawn kuah thut, ka phu deuh zawk, Rex a ni tih ka hriat a vang chuan thâwk ka la halh a, ka thil tihlai chu ka chhunzawm mial mial,a khabe chu ka dârah a rawn nghat a, a lo kal thawm ka hriat hauh loh a vâng chuan, ka lo phu deuh dawrh pawh kha a âwm viau.



Ka dar zawn a phun sup pah chuan, "Morning babe i thawhna a rei tawh em?" A ṭawng chhuah zawng a a thaw lum deuh ham ham chuan ka beng kawm a thawk khum.a vangin ka mur leh ar ar tawh, a after shave hman rim lah chu a pa in a rimtui kher mai, $ 5000 man hu a nih ngei oawh ka ring, chu thil ka ngaihtuah  ringawt pawh chuan kan dingmun inthlauh zia a tilang hian ka hria a, ka awm.a tihnawm loh phah.


A lam hawi a in her rem ve pah chuan, " A la rei lutuk lo. I hnâr nasa lutuk a ka muhil thei tawh lo a." ti in ka fiam pah zauh a.



"Hey, ka hnâr hauh lo aw."


"I hnar ti a ka sawi chuan pawm ve mai la ti nia." ka nuih lét ve var var a.



"Breakfast a tan eng nge i duh ang? " ka thil tih lai chu ka chhunzawm veleh a.



"Nang mah hi."  A lam ka hawi tawh lem loh a vang chuan a kut tha chak zet chuan min kawihher belh leh sauh a.


A mitmeng rilṭam na hlir a khat chuan min en leh run tawh, "I mit kha tuamsak chung che in, khum ah ka phuar bet bawk che ang a, ti chuan ka duhtâwk tak meuh meuhin ka âu chhuah tir bawk che ang a, a hnu leh tur chu i hrethiam mai em Miss Logan? " a ner deuh sawk a, a aw chu a thâm leh ṭuak tawh, a hmui sexy zet chuan, ka heg chu rawn zawng hmu leh vatin, zei zet hian min fawp.leh nghâl a.



Chutih lai tak mai chuan, Rex phone table chung a a dah chu a rawn ri a. Thawm a vang a nemkian deuh hlek pah chuan thâwk ka la pah raih raih a," i phone a ri a nia Rex." Harsa taka ti chhuakin ka awm sep lah thei khawp chuan ka thaw chhuak leh a.


"Ka hria lawm babe!" Ngaih pawimawh hmel lih zet chuan min fawh chhunzawm leh nghâl mial.mial tho.


A phone chu a in ring zo ṭhak a, a hnu ah pawh a la rîk zél a vang chuan Rex chu nam kuang deuh in, "Phone chu." ka ti chhuak leh sap a, ka chil ka lem.pah khalh bawk a, ka dang te pawh chu a ro leh halh halh tawh.



A hmel ah chuan a ning tih hi a hriat ngawih ngawih,  chek hluk pah chuan, a phone chu banin a en ta nghâl a.



A hmel chu thu tak nghal sawtin, "Hei chu ka lâk a ngai ang, Barrett a nih hi!" a phone chu a pickup ta nghâl a.


"Barrett eng nge ni ta?" a ngai thla deuh vung vung a.



"I chiang chiah maw?" A ti chhuak deuh hrâwk a, office lama Mr.Marshall kha nileh tawh a hriatna ka nei,"A nih chuan ka rawn kal nghal e."phone chu a dah ta nghâl a.



Ngaihṭhat loh hmel zet a en ve karin, "eng nge ni ta ?"



"Barrett chuan tunah kan Company chung chang a McNeill thu a ruka lo hlanchhawng tu kha a hre chhuak tawh a nih chu!" Ti a sawi in thâwk a la pah hrawih a, "Babe ka kal a ngai." bed room lamah kal in a thawmhnaw chu a va inbel nghâl a ni ngei ang, ka bula rawn thlen phei leh hnu chuan suit man to hmel zet mai $20000 chuang man tur ni ngei hian a lo induang fel leh diam rawh a, a suit inbel chu a inhmeh hle bawk, a hmel erawh a ti lang chang zual sauh thung! Ka chal a lo tih ṭhin dan ang a rawn fawh leh zauh zauh pahin, "Nizân a vang khan ka lawm e ."


"Khati ang ti tur khân kan in hmuh leh vat ka beisei." kawngka chu hawngin a chhuak ta nghâl daih a.




"Min hmuh leh ngei chu ka ring e. " rei pawh i rial tawh hauh lo ang, ka in thlahtir mai mai tawh lovang che.Nangmah a ka awm ang tluk zet hian, keimah ah pawh i awm ve tawh a ni tih hi nizan khân min hriat chhuah tir tlat tawh!" Tiin min kalsan hnu chuan ka phun chhuak sap sap a, chuti ang thil ka ngaihtuah lai chuan a car tlan chhuak thawm ka hre bawk a,  hman hmawh hle tih ka hai lo.


Ni china ka thusawi chhuah chu a awmloh hnu ah chiah a ni ka sawi ngam ve chauh ni!



Tunah chuan, kei pawhin he hmun ah hian tihtur ka nei tawh bîk lo ve, ka thawmhnaw te in belin ka haw vang vang ang a, office ah kalin Rex pawh ka hmu leh mial mai thei baek, ka thil tihlai ho te chu ngaihven chhunzawm tawh lo chuan, hnawm bawmah ka paih vek a, room lamah lut ohei velehin,ka thawmhnaw te chu ka in bel nghal sawk sawk bawk a, pawna ka car hun ṭhat ah chuan lutin inlam pan chuan ka in khalh haw ve ta nghal a.






REX PARENT'S HOUSE ......


Monday 7:30 am


REX......



In chhûng ka va luh chuan, ka nu eh ka pa , Paul te pathum chu an lo awm a.


 "Ka fapa eng nge i an,i damṭha maw ?" Tiin ka nu chuan min lo zawt a, ka nu hi Marylin a ni a, mahse ka pa erawh chuan Lina tiin a ko duat ṭhin thung!


"Aw ka ṭha a lawm mom." ti in ka chhang ve mai a.


Ka nu hi a dam loh hma zawng kha chuan, he kan Company tana a puipa ber leh he Company tan a tha leh tui seng hnem ber pawl kan chhûngkaw zingah chuan a ni awm e.



He kan Company Marshall Enterprise lo lar tâk na chan em em pawh hi ka nu vang ka ti lo theilo, ka pa ve thung hi chu a ve lek chauh a ni, ka nu leh ka pa inchhar dan chu thil thlrng palh ve mai chauh a ni a, ka pa chu mihausa tak chhungkua aṭanga rawn piang chhuak a ni a, he company pawh hi a la pui teh choam lo bawk, chutih lai chuan ka pa hian he company hi ala dinthar tir chauh a, sum a neih sa vang erawh chuan a lar phian, ka nu chu hmeichhe rethei ve tak a ni a, ka pa company ah hian accountant hna a thawk a, ṭum khat chu ka pa hian an thil siam chhuahna khawl chu a rawn en dik ṭumin chhiatna nasa zet mai a thlrng ta a, khawl chuan pangngai takin hna a thawk a, chutia ngaihngam.taka a enkual lai chuan kan puanthan siamna khawl ber mai chu a kilhna a thawl a, thur tlawn sei deuh mai hi rawn tawlh chhuakin ka pa zawn lamah chuan a rawn tawlh ta mai a, ka nu chuan a lo hmu rang hle mai, inngaihtuahna hun pawh neilo in ka pa chu a nam sawn dawr a, a mah chuan chu thil chu a lo tuar ta zawk a, dam dawiin ah dah vat a ni a, a lu ah tak hliam a tawrh avangin, nikhawhrelo in a awm reng a,  ka pa pawhin a rawn harh chhuah theih hun a nghakhlel hle ṭhin, nitin hian ka nu chu pangpar nen a tlawh ta ziah a, hmeichhe hmelṭha tak a ni tih pawh a hai lo. Ka nu chu a rawn harh chhuak ve ta a, ka pa chuan a tihdan ṭhin pangngai ang bawkin tuk khat chu pangpar a krn sak leh a, chuta ka nu harh chuuak hmel a han hmu chu ṭha a ti keh zual sawt bawk; chti ang vel aṭang chuan inkawp chho zelin ka nu nen hian an innei chho ta zel a ni. Ka nu chuan.ka pa chu nei tawh pawh nimahse a theih tawp chu company tana thawkin, company tana mi ṭangkai tak a tawn ni chho ta zel a, ka pa pawhin a kuatah a dah deuh ta chawt rebg bawk a ni.


Ka nu hi kawng engkim ah a fing em em a, alak ah chuan ka pa hi chu a Company hming putu leh, a vehbur ve lek ang chauh a ni.



Chutia ka nu a vanga kan company a lo ṭhan duan chak tâk em em ah chuan, company dang ho chuan min îtsîk in ka nu chu hmahruai ber tu tih pawh an hai lo.



Chuvang chuan ka rawn.len chhoh deuh tak hnu chuan ka nu angin ka oa chuan ka chungah company vhu a hlan veleh ta a, kei pawhin ka nu ang takin ka rawn enkawl.chho veleh ta a ni. Chutia ka tha leh tui senga ka beihna chu a thlawn.lo a, hmuh theih khaepin company a ṭhan phah bawk nen, a rawn lian chho leh ta a, chuti ang kan nih a vang chuan ka nu hi ka hmangaih tak zet tih hria in, ka nu ah midang chuan phuba an la a, a chuan na Car chu tû tih hriat loh motor chuan, a rawn suta bur mai a, ka nu chuan a thluakah hliam na zet mai tuarin, a dam chhuak leh tawh dawn lo emaw kan tih hial hnu ah leh zai tam tak a tawh hnu ah chuan a rawn ṭha chhuak leh ta chu a ni a, mahse doctor chuan a la dam ṭhat tak tak loh thu leh thil eng mah thinṭhawng lam chi te leh ngaihtuahna sén na tur ang lam zawng te a rilru ti hah thei tur chi lam pang leh tina lo tur chi hlir a la awm tir turin min min chah a ni .


Kawng engkim ah ka nu rilru chu tihnat sak hi ka hlau ta em em a, ṭhatak a a dam chhuah leh ngei hi ka beisei bawk .




Chuti ang a nih avang chuan a tan engpawh tih hi ka huam a , nupui nei tawh rawh min tih pawhin ka nei mai ang a, tupa ka duh tawh a ti a nih pawhin ka neihsak duh mai ang. Chu ti khawp chuan ka nu tan ka inhuam, engmah a rilru natna tur chi reng reng tihsak ka duh lo; mahse tuna ka nupui hual Victoria nen erawh hei bak thlen pui ka tum hauh lo, heti anga kan awm hi táwk ka ti viau bawk, ka nunah hmeichhia hi tel ve turin ka duh rih lo a, he company rokhawm tu tur fa ka nei a nih pawhin, nakin lam ah a la ni ang chu!



"Tunlai thil te i ei ṭha maw?" Min ngaihtuah hmel zet mai a ka nu min zawhna chu ka chhang vat a.


"Tehreng mai mom, mahni te chauh a in châwm dan te pawh ka thiam ve tawh a lawm." nuih suk pahin a biang leh lam lehlam ah ka fawh sak zauh bawk a.



Ka nu rawn ṭawng leh hma chuan, " Barrett eng thil nge i hmuh chhuah chu?" ka ti ta nghal a.


"A fâlin kan in be thei ang em ?"


A hmel ah eng emaw tak veirûk  nei ka hriat avang chuan hriat ka châk tawh zek zek.



"Tun atan chuan i remruatna chu a ṭhat ber ka ring." Ti a chhang ve in, "Nizân khan ka hrilh tawh che a ni lawm ni, kha hmuna ka awmlai min rawn tibuai lo tur khan?" Ka zawt nawn leh ngat a.



"He thil hi a pawimawh ém vang a ni."


"Ka fapa nizân chuan khawiah maw i awm a? Ka nu chuan hriat châk hmel fe hian a lo ti leh bawk a.


"Umh mom khawiah vak mah, a pawimawh hran lo."



"Barrett Library room ah kan in be thei ang, min rawn zui rawh!" Tiin kal chu ka rual nghâl a.



 "Engtik ah nge nang leh Victoria dinner ei tur a in rawn kal theih ang?" Ka nu chuan kan kal chu min rawn âu zui a.


"Kan lo tum vat dawn nia,Victoria pawh ka lo hrilh ve phawt a nga."  Room kawngkhâr chu ka khâr ta nghâl a.



Barrett a hmel a zâm na nasa tak mai awm chu hriat châk ru tawh tak chung chuan, "Barrett eng nge ni ta le? "



Zâwimuang leh hmanhmawh lo zet a, ṭawng chhuakin,"Kan mi duh tak chu kan hmu ta in ka hria." a thu sawi chu a chawl dat a, "A nih loh pawhin, kan hmeichhe duhtak  chu
kan hmu ta ti pawhin kan sawi thei âwm e." A khabe chu a kut dimglam chuan a tuai pah zauh bawk a.



"Hmeichhia maw?" Eng thil hrep chu nge i sawi le Barrett? "  rum zet hian ka melh run bawk a.



"He kan thuruk  ru chhuak tu a kan chhui tâwpna ber chu........"


"Miss Logan chungah hian a ni."



A thu rawn sawi chhuah chu ka thil awihlo ber te zing ami a ni hial ang, chuti ang chuan Lexi chu a awm ka ring lo hrin hrim, "Barrett fiamthu thawhna hun pawh a ni emaw ni le? "ka tih khum nghek a, ka nuih te hial a za zawk.


"Nilo e sir, kan finfiah na ah leh a tih chian na ah chuan , engkim ah a ma lam vek a kâwk a sin."



"A ṭha e Barrett, i finfiahna ho hrep te chu,chuti ang thil ni lo kawng dang a awm thlâwt lo em ni? "



"Rex i awih duh dawn lo tih hi chu ka hria a lawm."a ti dam thlup a.


"Mahse a finfiahna tlém ber pawh hi, han en ve ta la......"


"I finfiahna tlâktlailo zet chu en ngai kati hrep lo ve." ka thinrim lutuk avang chuan ka lûng phu te pawh a in thum rawn tluk tluk  mai a, a puak keh mai dawn hian ka hre hial mai, khawvel.a ka thil awih theih loh ber leh ni a ka rin loh ber te zing a mi chu Barrett hian a rawn sawi miau tlat a ni.



Ka thinrim em a vang chuan, thawk ka la kâwk kâwk a, ka tih ngaihna hre lo chuan "Paul, thil awm ang lo zet zet sawi tawp tawp ching suh ang che." Ka han ti deuh tawp a.



Barrett pawh chu a thinrim hmel ve kher mai, a thil tih reng reng a tih diklo a awm pawh ka hriat ka la hre lo, a hna reng reng te hi fel fai tak leh fin fiahna nen thlap a thawk ṭhin tih pawh ka hria, mahse tun ṭum ami ber kher erawh hi chu a tisual a ni ti a rin ka duh tak zet, chu chu thuhran ni se, Lexi heti anga a awm hi rin har ka ti, a mizia ni pawhin ka hre tlat lo, ka hnual nghal rawih rawih bawk, ka thusawi danah chuan a lung nilo hle ngei ang, Paul hian ka lakah dawt ala sawi ngai loh miau a vangin.


" Rex he thil chungchâng chhui fiah tur hian a ni lawm ni min rawih? Min rawihna chhan pawh hi ka ṭhat tâwk a vangin a nilo'm ni?" a  ti ve ta sak sak a.



"Mahse thil theih a nilo, a ni thei lo ang, ka ring thei lo." ka  ti vawt leh ruih a. Boruak a chuan thâwk ka la leh kâwk kâwk phawt a, chuti lo zawng ka thunrimna chu controll theilo in a puak keh mai ang tih ka hlau hial a ni.

Engmah sawi tur reng ka hre tawh lo. Ka ngawi run a, ka hmalam pang chu ka melh ngur a, ka mit erawh chuan khua a hmu hauh chuang lo, thil tam tak ka ngaihtuah a, Lexi kan company a alo thawh tirh lai te thleng mai chuan ka ngaihtuah kual ruai a, a thiamna te kha ka hmu ngei mai, hna ṭha tak thawk thei anih laiin, hna a hmu thei reng reng lo, remruatna fel tak neih hnu a hna hmu lo lui a, ka company rawn pan ta pawh a ni mai thei bawk, mahse ka ring thei chuang lo. Engtin nge a chungah nunrawnna ka lan theih teh lul ang? Hmrichhia ka rilru ka pek ber leh a mizia in a min hneh thei tu ber awm chhun a ni si a....a hma aia aw zaidam zâwk hian Paul chu arawn ṭawng chhuak leh a, "He nu hi i tih tâwp chu a ngai dawn a ni Rex ! "



"Eng thil nge tih a tih loh tur tih hi min hrilh reng reng suh ang che Barrett hrep takzet che chuan, Vawiin Office ka luh veleh a ka hmuh theih turin, a prove na ka dawhkan ah ngei i rawn dah nghâl tur a ni ang."




"Ka rawn ti dawn nia." tih leh sup pahin a inher vut a, a kal chhuak ta nghâl a.


"Hrep tazet chuan, a prove na chu ka en ngei ngei ang ti chuan, hmaichhan ah ngei Paul thil chhui dan a diklo a ni tih hi ka prove ngei bawk ang." thawk ka la pah hawk a.



Office lama kal ve nghal tur chuan ka chhuak ta a, Ka pent house leh Victoria lam pawh ka ngaihven thei peih rih lo, a chhan chu office lamah chu aia thil tih tur paeimawh chuan min nghak rih tlat, ka car chhung a ka luh hnu chuan ânchhia lawh tuar pahin, ka motor wheel chu ka chum pah dawt a, "Shit, hetiang teh hrep a awm hi ka in ring ngai lo ."


Ka office room ka thlen hnu chuan ka phone chu phawrhin, Paul ka be nghal a, a ni pawh chu rei rawn rial lo in file pakhat nen hian a rawn lût ve vat a, a file min rawn pék chu chîk zet a lo en pah chuan, " Barrett hetah hian proof na pakhat mah ka hmu hauh lo." Mingmeng zim khum san chungin ka ti a.

"Chuti ang chuan i ring a maw? Ka han hrilhfiah ang che.Kha mipa sambuang kan enthlâk pa kha, zantin Miss Logan te apartment bulah hian a kal ziah ṭhin tih cctv records ah khân i hmu thei ang, chuan kan mi enthlâk pakhat leh Mr. McNeill pawh kha Miss Logan inah zanah a chuangkai fo a hmuh a ni bawk ṭhin!"



"Aaron McNeill maw?" Thinrim in sehruh ṭeuh chung chuan kati chhuak hrawih a.


"Aw, zân reh vek tawh hnu ah,Miss Logan in ah chuan a chuang kai fo a, a tûk zîng tak ah midang la thawh tam tak tak hma in a chhuak leh ṭhin."a ti dap dap a.



Chu nu tak chu! ka chungah lem a lo chang hrep a ni maw? Hei vang a lo nih dawn hi, ka Company ah hian hna thawh a lo duh em em na chhan, engkim mai chu ka hrefiah ta kuar mai, ka hma zawn a tv screen lian zet a lemchan film ka en ai mah pawhin a fiah zâwk hial ta ve ang. Mc Neill Company tih changtlun nan chuan, a virginity hial pawh min hlan phal a lo nih tak zet chu. Ka lo ât zia ka ngaihtuah chhuah chuan ka nui chhuak hawk hawk a.



Ka va â rei tak ém! Ka nu hial pawh kha tiang in îtsîk na a vang a thah hial pawh an hreh loh chuan, an virginity lek lek te chu an tan a pawimawh dawn em ni?



"He hmun ṭang hian, i bân tir chu a ngai ngei ang, police ah i man tir a nih loh chuan, a la bei zel ang che. Chu chu Marshall Enterprise company leh hun lo kal zel tur a tâna ṭha ber a ni."



"Engtin nge hmalâk dan tur tih chu ka hre ve a lawm Barrett."


"Ihan sawi kâwi kual vel danah chuan, a âwmang viau mai ti raw? Miss Logan chu ka chanpual ah dah ang che, ka hnen aṭṭnga ka hmeichhe duh zawng mi lâk bo sak dan chu i thiam hle mai." Tih khum deuh fawk pah chuan rum zet hian ka melh ve khur bawk a, ka lung a awi thei hauh lo.



"Kar reilo te hnu ah chuan engkim hi a ṭha leh vek mai ang." ti a asawi leh hnu chuan min chhuahsan ve ta a.




REX POV.....




Mahni chuan chelo châng lo in ka ding khawng luah a.


Lexi eng thil nge maw i tih tâk hi le!


I taksa mawina leh i hmelṭhatna chuan min lo bum a, kei lahin ka lo awih ve mai bawk nen.


I mizia lem tak nen a in hmeh tur zetin, nanglah i lo la virgin bawk si, engmah tawn leh hriat la neilo ang tluk zet a rilru thianghlim angin, i lang thiam bawk a.


Lemchan thiam award chu kei hian ka hlân hial dawn che emawni le!


Eng vang hrep chuan nge min lo bum?


Eng tin nge min hmangaih ni angah te ka lo ngaih theih chu le!


Hei vang hi emni hmeichhia ah pawh a tlâwm thei ang ber leh a hniam thei ang ber a ka dah lai che pawh khân, engmah sawisél na nei hauh lo a i lo dawh theih zel chhan? Ka thinrim lutuk chuan ka desk chhah ṭha zet mai oak thing a siam chu ka hnek bur a, ka kut chu na nghal ngut ngut mahse ka rilru leh thinlung nat dan nena tehkhin erawh chuan engtihna mah a ni lo, Barrett thusawi chu han awih lo dawn ringawt ila, heti anga thil chhuisual a neih ka la hre bawk si lo, ka rilru chu a buai nuai nuai a, engdangmah ka ngaihtuah thei tawh lo, Lexi chu ka ngaihtuah neuh neuh pawhin a chet dan velah chuan a inhmeh kual vel vek.


Ka laka khati anga a awmchhan.pawh kha, kei chuan min hmangaih a min duh ve vâng ah ka lo ruat nghet bur mai leh nghal a.



Min lo va han bum chiang em em ve maw le.


Mahse a pawi tak tak hma in ka hrechhuak ta che a lawm.


A mah erawh chu thil pakhat! He ka thinlung min lâk bo sak hi engtin nge ka neih lét leh theih ang ni.


"Lexi hrep tak zet che chuan......"


Ka â thei dawn hial a inhriat na te chu ka nei a.



Ka dawhkân a telecom chu la kângin, aw vin zet hian, " Mrs Jones tunah ka office ah rang takin!" tih tuarh pah chuan, Coffee  pawh kha min rawn ken sak bawk rawh! ti in ka vin khum hrep a, Lexi chung chang avangin ka coffee tur pawh ka lam theinghilh phah daih a lawm, for God sake.


Intercom chu ka dah nghâl ṭhuai bawk a.


LEXI POV.....



In ka va thleng chuan car chu ka hung ṭha leh nghal a, inchhunga luh pah chuan, "Alma inah i awm em?" tiin ka au lang lang a.


Chutih lai tak chuan, ka phone table a ka dah chu a rawn ri nghawr dat dat a, ka han en nâk chuan, ka Company thawhna number a lo ni a.


Sana ka en vat a, dar riat leh a chanve chauh a la ri si a , eng tak chu ni ang maw, min mamawh thut nge, Rex hian min rawn ko hma duh zawk ? ti a ngaihtuah chung chuan, ka pick up ve ta a.



"Hello." aw zângkhai tak a tiin thâwk ka la pah ham ham a.


 "Hello dear, Shadie ka nia."


"Hey , Sadie eng nge i an?" Ka nui chhuak pah sak a .


"Dear i tân chanchin ṭhalo zet a ni ang tih ka hlâu tak zet a ni." dam thei ang bera ti ni mahse ka hlauthawng ve nghal ringawt, eng tak chu ni ang maw? Tiin a sawi zawm hun nghak chuan ngawi rengin ka lo nghak vang vang a.



"Mr.Marshall chuan he thu hi hrilh tur che in min ti a, i hna a ṭangin bân i nih thu hi! vawiin ni a ṭangin i hna chu bânsan tawh tur che in a ti che a nih chu!"



"Eng maw? Mahse .....eng vangin?" tiin a ngaihna ka hre lo hle mai, ka ham hauh viau bawk, ka kâ chu ka âng pam a, ka beisei loh thil lutuk mai ka ngaithla chu ka mumang emaw ka tihphah rum rum.


"Dear kei pawhin engmah thu chipchiar takin ka hre bîk lo."


"Mahse he Marshall Enterprise huamchhûng ah hian i lo lan ve phal sak i nih tawh loh thu hrilh tur che in,Mr Marshall chuan min ti a ni."



 "Sadie tunah khân a office number nen line kha thlunzawm nghâl rawh ! He thil chung châng ah hian, a mah ngei kha biak ka duh!" ka tih khum tuarh a.



"Dear a pawi hle mai, Mr Marshall chuan biak duh tawh loh thu che hrilh turin min ti bawk a, pawi ka ti tak zet zet a ni Lexi."



"Hello, hello ?" Line chu a thi fel hmak tawh.


Eng thil hrep tak chu nge thleng?
Nizan lawk ah khân duh thawh zetin ka taksa nawmna chu a chén a , a pawi chai hlei nem! Hrep tak zet chuan, min duh leh min hmangaih ve ni a ka lo rinna tlém té te kha tuna tan chuan beisei bo leh lemchan na vek an chang zo ta si.



A ṭha lutuk e, mihausa ho zet chu hei hi a lawm an mizia, engvang chuan nge ka hmangaih mai a vang khân min hmangaih ve tur a ka lo ruat theih reng reng chu le?


Lexi i harh tlâi hret a ni.


Tunah chuan rawn kir leh pawh ni se a teuh tawh lo mai.




"Alma." tiin ka au leh chiam a, ka thaw ipik lutuk chu thawh lawk a, tuia inhnimpil baqrh bawrh mai ka duh phah hial.


"Alma." ti a a room kawng khâr ka va hawng chu.... ka meng phawk chiang lutuk.


Ka awihlo zâwk hial, " Nang !"kan ti rual dûn ṭhawt a.


"Lexi i va lo haw hma ve?" Alma chuan pangngai zet hian a lo ti a.


Chu zawng ai chuan, "Aaron nang hetah maw?"


"Hei eng thil nge ni ngai?"


"Lexi eng nge diklo a awm em ni?" Alma chuan tih pahin, " Nangni hi in lo in hria e lo?" Min melh tawn dun zak zak a, tu te ve ve mai pawh chuan mak kan ti tlang vek awm e.



"Vawikhat chu kan in date ve tawh a lawm." nuih vur vur pahin Aaron chuan a lo ti a. Mood off lai lai a chu pa ṭawngdan chuan ka thin a ti rim sauh, ben ṭhuai tak hi ka nâp a.



"Aaron Mcneil kha kha in date pawh a nih hrep lo kha," ka lo ti bak hlar a.


Oh ka in beng daih viau a ngai ang, a chhan chu nakin ah Rex bulah te a ni chu a la awm leh mai ang a, chu tih hunah chuan, ka tan a zahthlâk lutuk palh ang ti in ka ngaihtuah leh hnu hnawh a, mahse a pawina erawh ka hre hauh lo, Rex ngaihdan ka lo dawn leh vak vak nachhan tur a awm lo; tunah chuan engkim a tawp vek tawh, mahse hei vang erawh chuan ka mizia angmaia lantir chung a ka lo intih mualpho chiam chiamna chhan tur ka hre lo.


"Alma, a fâl a biak lawk che ka duh mai chauh a nia." Aw pangngai tak hian kati chhuak ta zawk a.




"Keipawh ka kal tawh mai dawn a lawm." Aaron chuan a thawmhnaw te chu a inbel  a, a taksa ruak deuh thaw pawh chu ka lo pawisa miahlo tih ka hre chhuak leh hnu hnawh a, mahse tunah chuan a tlai tawh mah mah, a thawmhnaw a inbel fel hnu chuan ngawi rengin a kal chhuak ve ta nghâl a.

Thawnthu pahnih ka rawn dah a, a khawi emaw zawk zawk pakhatah chauh khan kan fakna kan hmet dawn nia.

To be cont....

O